Yangiliklar

Bugun, 24-iyul kuni O‘zbekiston Energetika vazirligi, Ozarbayjonning davlat neft kompaniyasi SOCAR va «O‘zbekneftgaz» AJ o‘rtasida mahsulot taqsimoti toʻgʻrisidagi bitim imzolandi.

Ushbu bitim Ustyurt neft-gaz hududidagi investitsiya bloklarida geologiya-qidiruv ishlari va keyinchalik uglevodorodlarni qazib olishni nazarda tutadi.

Bitimga ko‘ra, kamida ming kvadrat kilometr maydonda 3D seysmik qidiruv ishlari amalga oshiriladi va natijalarga asosan bitta quduqda geologiya-qidiruv ishlari boshlanadi.

Sanoat miqyosidagi uglevodorod zaxiralari topilsa, tomonlar ularni o‘zlashtirish va qazib olish ishlarini boshlaydi.

Mahsulot taqsimoti toʻgʻrisidagi bitimga (MTB) koʻra, investor neft-gazni izlash, qazib olish va oʻzlashtirish ishlarini bajaradi. Shuningdek, u sarflagan xarajatlarini qazib olingan resurslarning bir qismi hisobidan qoplaydi, qolgan...

Vazirlar Mahkamasining qarori bilan majburiy avtosug‘urta narxi oshiriladi. Transport vositalari egalari uchun fuqarolik javobgarligini majburiy sug‘urtalash tizimiga o‘zgarishlar kiritildi.

2026-yil 1-yanvardan sug‘urta kompaniyalari tomonidan to‘lanadigan summa miqdori 40 million so‘mdan 80 million so‘mga oshiriladi. Bu avtohalokat oqibatida jabrlanganlarga to‘lanadigan mablag‘ni ko‘paytiradi. Shu muddatdan boshlab haydovchilarga qo‘yilgan majburiy sug‘urta polisi narxi Toshkent shahrida yengil avtomobillar uchun 192 000 so‘mdan boshlanadi. Bu hududlarda esa 160 ming so‘m bo‘ladi.

Sug‘urta tariflari qayta ko‘rib chiqilib, bozor tamoyillariga moslashtiriladi. Haydovchilar soniga qarab cheklangan va cheklanmagan sug‘urta polislarini rasmiylashtirish tartibi joriy etildi.

Sug‘urtalovchi va haydovchi o‘rtasidagi nizolarni ko‘rib chiqish tartibi aniq belgilandi. Shuningdek, fuqarolarga...

2025-yil aprel – iyun oylarida O‘zbekistondan yangi o‘rik eksporti hajmi o‘tgan yilning shu davriga nisbatan 18 foizga oshdi. EastFruit tahlilchilariga ko‘ra, joriy mavsumda O‘zbekiston dunyo bozorida ikkinchi o‘ringa chiqishi mumkin.

Bu yil yangi o‘rikning yirik partiyalari xalqaro bozorga ilk bor aprel oxirida yetkazib berila boshlandi. Ma’lumotlarga ko‘ra, 2025-yil aprel – iyun oylarida O‘zbekiston 54,100 tonna yangi o‘rik eksport qilgan. 2024-yilning shu davrida esa mamlakat 46,000 tonna yangi o‘rik eksport qilgandi.

2018-yildan buyon O‘zbekiston yangi o‘rik eksporti bo‘yicha dunyoda uchlikdan o‘rin olib kelmoqda. Faqat 2021 va 2022-yillarda kuchli ob-havo sharoiti o‘rik hosiliga katta zarar yetkazgani sababli bu o‘rin saqlanmagan. Keyingi...

Xitoy rahbari Si Szinpin Pekinda o‘tgan YI rasmiylari bilan uchrashuvda Yevropa bilan munosabatlardagi ziddiyatlarni hal qilish zarurligini ta’kidladi. Bu haqda Reuters xabar bermoqda.

Uchrashuvda asosiy e’tibor savdo masalalari va Ukraina urushiga qaratilgan.

Yevropa komissiyasi prezidenti Ursula fon der Lyayen va Yevropa kengashi prezidenti Antoniu Koshtani qabul qilgan Si Szinpin Yevropani ochiq hamkorlikka chaqirdi. Unga ko‘ra, bo‘linish va ajralish strategiyasi faqat yakkalanishga olib keladi. Xitoy yetakchisi Yevropani iqtisodiy cheklovlar qo‘llamaslikka va savdo-investitsiya bozorini ochiq saqlashga undadi.

Von der Lyayen esa savdo muvozanatini tiklash zarurligini bildirgan. Unga ko‘ra, Yevropa va Xitoy o‘rtasidagi savdo aloqalari burilish nuqtasiga yetgan.

Uchrashuv fonida YI tomonidan...

Oliy ta’lim, fan va innovatsiyalar vazirligi ijtimoiy tarmoqlarda magistratura va doktoranturaga kirishda til sertifikati talabi bekor qilingani haqidagi xabarlarni rad etdi.

Vazirlik xabariga ko‘ra, 2025-yil 19-iyulda e’lon qilingan PF–114-son hujjat ijtimoiy tarmoqlarda noto‘g‘ri talqin qilingan. Mazkur farmon bilan ayrim normativ-huquqiy hujjatlarga o‘zgartirishlar kiritilgan, jumladan, 2021-yil 19-maydagi PQ–5117-sonli qarorning 6-bandidagi xorijiy til sertifikati bo‘yicha dastlabki talabni ifodalagan xatboshi chiqarib tashlangan. Ammo bu endilikda magistratura va doktoranturaga hujjat topshirishda xorijiy til bo‘yicha sertifikat kerak emas degani emas.

Vazirlik 2024-yil 24-mayda qabul qilingan prezident farmoni asosida xorijiy til bo‘yicha quyidagi darajadagi milliy yoki xalqaro sertifikatlar hali ham talab etilishini eslatdi:

Alisher To‘xtayev O‘zbekistonning Shri-Lankadagi favqulodda va muxtor elchisi sifatida tayinlandi. Bu haqda «Dunyo» axborot agentligi xabar berdi.

Unga ko‘ra, yangi elchi ushbu mamlakat davlat protokoli rahbari Rohana Ambagollaga ishonch yorlig‘i nusxalarini topshirdi.

Uchrashuv avvalida Rohana Ambagolla O‘zbekiston rahbariyatiga Shri-Lankada ilk elchisini tayinlagani uchun minnatdorlik bildirdi. Unga ko‘ra, bu qadam ikki mamlakat o‘rtasidagi do‘stlikni mustahkamlashda muhim siyosiy qaror bo‘lib, hamkorlikni yangi bosqichga olib chiqadi.

Shuningdek, Shri-Lanka rasmiysi Alisher To‘xtayevning Kolombodagi faoliyati barcha yo‘nalishda samarali ish yuritish uchun asos bo‘lishiga ishonch bildirdi.

Bundan tashqari, mazkur uchrashuvda hozirgi ikki tomonlama savdo hajmi qoniqarsiz ekani aytildi va yaqin yillarda uni $50 millionga yetkazish...

Amur viloyatida halokatga uchragan An-24 yo‘lovchi samolyotida bo‘lgan 49 nafar yo‘lovchining barchasi halok bo‘lgan. Bu haqda TASS nashri xabar berdi.

Tinda shahri aeroporti direktori bergan ma’lumotga ko‘ra, samolyot qulash vaqtida yonib ketgan, voqea joyini aylanib chiqqan qutqaruvchilar esa tirik qolganlarni aniqlay olmagan.

TASS’ning yozishicha, Mi-8 vertolyoti hozircha voqea joyiga qo‘na olmagan. Ammo qidiruv ishlari davom etmoqda. Favqulodda xizmatlar samolyotda texnik nosozlik yoki ob-havo omili sababli muammo yuzaga kelgan bo‘lishi mumkinligini inkor etmayapti.

Avvalroq Kursiv Uzbekistan «Angara» aviakompaniyasiga tegishli An-24 yo‘lovchi samolyoti radarlar kuzatuvidan yo‘qolgani haqida yozgandi.

Samolyot Blagoveshchensk – Tinda yo‘nalishi bo‘yicha parvoz qilayotganda, Tinda shahriga yaqin hududda...

CitiBank Toshkentda o‘z vakolatxonasini ochdi, deb xabar berdi moliya tashkiloti vakili Grant Karson LinkedIn sahifasida.

«Ushbu yangi bosqich bizga mijozlarimiz va hamkorlarimizga yanada yaqin bo‘lish, ularga global imkoniyatlardan foydalanishda va tez o‘zgarib borayotgan bozor sharoitida yo‘l topishlariga yordam berish imkonini beradi», – deydi u.

Karsonning qo‘shimcha qilishicha, O‘zbekistonda amalga oshirilayotgan islohotlar bankning respublikadagi faoliyatini kengaytirishga imkon yaratgan.

Ushbu vakolatxona davlat idoralari va moliyaviy tashkilotlar bilan hamkorlikni kengaytirish maqsadida tashkil etilgan.

Ma’lumot o‘rnida, «CitiBank AS» – «CitiBank» (AQSh)ning Turkiyadagi shuba banki hisoblanadi.

«CitiBank» esa jahonning yetakchi moliyaviy tashkilotlaridan biri bo‘lib, 180 dan ortiq mamlakatda...

Redmi 15 5G smartfoni haqida yangi tafsilotlar paydo bo‘ldi. Bu haqda GSMArena xabar bermoqda. Ushbu budjet toifasidagi smartfon sezilarli yangiliklarga ega.

Yangi model 6,9 dyuymli katta ekran bilan jihozlanadi. Ekran aniqligi Full HD+ bo‘lib, tasvirni yanada tiniq qiladi. Bundan tashqari, ekran yangilanish tezligi 144 Hz bo‘ladi. Bu uni o‘yinlar uchun qulay qiladi.

Smartfon Snapdragon 6s Gen 3 protsessori asosida ishlaydi. Bu avvalgi modellardagi Snapdragon 4 seriyasidan ancha kuchli. Qurilma 8 GB tezkor xotira va 256 GB doimiy xotiraga ega.

Redmi 15 5G 7000 mA·soat sig‘imli katta akkumulyator bilan ta’minlangan. Kompaniya bu modelni «Bitta quvvat – ikki kun – muammosiz...

Oʻzbekistonlik bokschi Bahodir Jalolovning 26-iyul kuni Nyu-Yorkda boʻlib oʻtishi rejalashtirilgan jangi bekor qilindi. U italiyalik Janmarko Kardilo bilan ringga chiqishi kerak edi.

Top Rank promouterlik kompaniyasining rasmiy bayonotiga koʻra, Kardilo sogʻligʻi bilan bogʻliq muammolar tufayli jangda ishtirok eta olmaydi.

«Bahodir Jalolov va Janmarko Kardilo oʻrtasidagi jang sogʻliq holati tufayli bekor qilindi. Kardilo jangni oʻtkaza olmasligini bildirdi», – deyiladi promouterlik kompaniya xabarida.

Sportchi hozirgacha professional boksda 15 ta jang oʻtkazgan. Ularning 14 tasini nokaut bilan, birini esa hakamlar qarori bilan yutgan. Uning soʻnggi bahsi 5-aprel kuni Qozogʻistonda boʻlib oʻtgan va unda u ukrainalik Igor...

Germaniyaning Mercedes-Benz kompaniyasi Microsoft bilan shartnoma imzoladi. Ushbu kelishuv doirasida brend o‘z avtomobillariga MB.OS operatsion tizimini o‘rnatadi. Bu haqda Motor1 portali xabar berdi.

Xabarga ko‘ra, MB.OS tizimiga Microsoft Intune va Microsoft Teams servislaridan tashqari, sun’iy intellekt asosidagi 365 Copilot tizimi ham o‘rnatiladi.

Kompaniya ma’lumotiga ko‘ra, yangi avtomobillar endi to‘liq ish maydoniga aylanadi. Ya’ni haydovchi rulda o‘tirgan holda ovozli chat tizimi orqali xabarlarga avtomatik javob berishi va videokonferensiyalarda ishtirok etishi mumkin.

Ahamiyatli jihati shundaki, ushbu funksiya avtomobilda harakatlanayotgan holatda ham ishlaydi. Ammo yo‘l-transport hodisasidan himoya qilish maqsadida videokonferensiyadagi tasvir yo‘lda avtomatik o‘chiriladi va faqat audio ma’lumotlar uzatiladi. Bu esa haydovchining...

Tayyab Finance mikromoliya tashkiloti O‘zbekistonda birinchi mikromoliya bankini ochish uchun Markaziy bankdan dastlabki ruxsatnomani oldi. Litsenziya olish uchun tashkilot yana bir qancha bosqichlardan o‘tishi kerak. Bu haqda Markaziy bank matbuot xizmati «Kursiv» nashriga ma’lum qildi.

Unga ko‘ra, Tayyabning yangi maqomdagi faoliyati raqamli bank formatida yo‘lga qo‘yiladi va bu orqali mijozlarga zamonaviy texnologiyalar asosida qulay, tez va ishonchli xizmatlar taqdim etilishi rejalashtirilgan.

Shuningdek, mikromoliya bankining ta’sischisi va boshqaruv tarkibi tajribali bank xodimlaridan iborat bo‘ladi.

Korxonaga berilgan dastlabki ruxsatnoma olti oy muddatga amal qiladi. Bu davr ichida zarur rasmiylashtirish jarayonlari yakunlanadi va faoliyat litsenziyasi olinadi. Shundan so‘ng «mikromoliya banki» iborasi tashkilot nomiga rasmiy...

23-iyul kuni Rossiya va Ukraina vakillari o‘rtasidagi bevosita muzokaralarning uchinchi bosqichi Istanbulda bo‘lib o‘tdi. Uchrashuv davomida tomonlar nafaqat harbiylar, balki tinch aholi vakillarini ham almashish masalasida kelishuvga erishganini ma’lum qilgan. Bu haqda TASS nashri xabar berdi.

Muzokaralar qanday o‘tdi

Uchrashuv Istanbuldagi Chirag‘an saroyida to‘liq tarkibda boshlandi va taxminan 40 daqiqa davom etdi. TRT Haber telekanali ma’lumotiga ko‘ra, dastlabki reja bo‘yicha muzokaralar soat Turkiya vaqti bilan 19:00 da boshlanishi kerak edi, ammo ular bir soatdan ko‘proqqa kechikkan. Muzokaralar rus tilida olib borildi.

Uchrashuv oldidan Rossiya delegatsiyasi rahbari Vladimir Medinskiy va Ukraina delegatsiyasi rahbari Rustem Umerov o‘zaro tet-a-tet (fransuzcha yolg‘iz...

Qoraqalpog‘istonda joylashgan «Surgil» siquv kompressor stansiyasini (SKS) qurish loyihasining umumiy qurilish va montaj ishlari muvaffaqiyatli yakunlandi. Bu haqda Enter Engineering matbuot xizmati Kursiv Uzbekistan’ga ma’lum qildi.

Stansiya Surgil konidan olinayotgan tabiiy gaz bosimini oshirib, uni qayta ishlash uchun Ustyurt gaz-kimyo majmuasiga yuborishga xizmat qiladi. Bu yerda gaz tarkibidan ajratilgan qimmatbaho komponentlar asosida polimer mahsulotlari ishlab chiqariladi.

Yillik quvvati 1,8 mlrd metr kub gazni siqishga mo‘ljallangan mazkur stansiyada kuniga 4,8 mln metr kub gaz haydaladi. Stansiya tarkibiga Baker Hughes kompaniyasi tomonidan ishlab chiqarilgan ikkita parallel ishlaydigan gaz haydash agregati kiritilgan.

Hozirda gaz haydash agregatlarini ishga tushirish va sozlash ishlari olib borilmoqda...

Rossiya prezidenti Vladimir Putin va Xitoy davlati rahbari Si Szinpin o‘z maktubida Shavkat Mirziyoyevni tavallud kuni bilan tabrikladi.

Shuningdek, Mirziyoyev Turkmaniston milliy yetakchisi Gurbanguli Berdimuhamedov va Tojikiston rahbari Emomali Rahmon bilan telefon orqali muloqot qildi.

Yetakchilar O‘zbekiston prezidentiga sog‘lik, farovonlik va davlat rahbari sifatidagi faoliyatida muvaffaqiyatlar tiladi.

Davlat rahbarlari Mirziyoyev bilan telefon orqali muloqotida BMTning Dengizga chiqish imkoni bo‘lmagan rivojlanayotgan mamlakatlar bo‘yicha uchinchi konferensiyasi va Markaziy Osiyo davlatlari rahbarlarining navbatdagi Maslahat uchrashuviga tayyorgarlik ko‘rish yuzasidan fikr almashdi.

Avvalroq Kursiv Uzbekistan Shavkat Mirziyoyev bugun, 24-iyul kuni 68 yoshni qarshi olgani haqida yozgandi.

Rossiya Liberal-demokratik partiyasi (RLDP) deputatlari narkotik bilan bog‘liq jinoyatlar uchun migrantlarni Rossiya fuqaroligidan mahrum qilish bo‘yicha qonun loyihasini ishlab chiqmoqda. Bu haqda partiya yetakchisi Leonid Slutskiy ma’lum qildi, deya xabar bermoqda TASS.

«Bu loyiha narkotik bilan bog‘liq har qanday jinoyat uchun sudlangan migrantlarga Rossiyaga kirishni abadiy taqiqlaydi. Sudlanganlik holati tugallanganmi yoki yo‘qmi – bu muhim emas. Agar kimdir biror vaqt narkotik iste’mol qilgan, saqlagan, sotgan yoki kuryerlik qilgan bo‘lsa, u uchun Rossiya yo‘li yopiladi. Giyohvand moddalar migratsiya qonunchiligidagi bo‘shliqlar sabab mamlakatimizga kirib kelmoqda. Natijada esa bundan farzandlarimiz aziyat chekmoqda. Men ko‘plab mintaqalardan rus maktab o‘quvchilarini...

Rossiyaning Amur viloyatida «Angara» aviakompaniyasiga tegishli An-24 yo‘lovchi samolyoti radarlar kuzatuvidan yo‘qoldi. Bu haqda TASS nashri xabar berdi.

Samolyot Blagoveshchensk – Tinda yo‘nalishi bo‘yicha parvoz qilayotganda, Tinda shahriga yaqin hududda aloqa uzilib qolgan.

Amur viloyati gubernatori Vasiliy Orlovning ma’lum qilishicha, samolyot bortida jami 49 kishi – 43 nafar yo‘lovchi (shundan 5 nafari bolalar) va 6 nafar ekipaj a’zosi bo‘lgan.

Favqulodda vaziyatlar vazirligi voqeani tasdiqlab, qidiruv-tahlil guruhlari, jumladan, Mi-8 vertolyoti ham qidiruvga yuborilgan. Hozirda samolyot joylashgan hududni aniqlash va izlash ishlari davom etmoqda.

Ma’lumotlarga ko‘ra, An-24 samolyoti parvoz chog‘ida hech qanday nosozlik haqida signal bermagan. Ayni vaqtda hodisaning sabablari va...

Braziliya chempionatining 14-turidan oʻrin olgan uchrashuvda «Santos» oʻz maydonida «Internasional»ga 1:2 hisobida magʻlub boʻldi.

Mehmonlar 9-daqiqada hisobni ochishga muvaffaq boʻlishdi. Ikkinchi boʻlimda «Internasional» hujumda ustunlikni saqlab qoldi va 75-daqiqada penaltini ishonchi aniq amalga oshirib, hisobni 2:0 koʻrinishiga keltirdi.

«Santos» faqatgina 91-daqiqada Alvaro Barrealning goli evaziga hisobni qisqartira oldi. Uchrashuvda «Santos» sardori Neymar toʻliq harakat qildi, biroq u samarali harakat qila olmadi.

Mazkur natijadan soʻng «Santos» 14 ochko bilan turnir jadvalida 14-oʻringa tushib, quyi ligaga tushib ketish xavfi ostida qolmoqda. «Internasional» esa ochkolarini 20 taga yetkazib, 10-oʻringa koʻtarildi.

Avvalroq «Kursiv» Oʻzbekiston Saudiya Arabistonini 3:1 hisobida magʻlub etgani haqida xabar bergan...

Toshkent shahri, Yakkasaroy tumanida voyaga yetmagan qiz 9-qavatdan sakrab, joniga qasd qilmoqchi bo‘lgan paytda mahalla profilaktika inspektori uning hayotini saqlab qoldi. Bu haqda poytaxt IIB matbuot xizmati ma’lum qildi.

Voqea guvohlaridan biri darhol «Tashvish tugmasi» orqali xabar bergan. Mahalla profilaktika inspektori Sanjar Bekmurodov zudlik bilan voqea joyiga yetib borgan va qizga yaqinlashib, 30 daqiqaga yaqin davom etgan og‘ir holatda suhbat olib borgan. Qiz agressiv bo‘lganiga qaramay, inspektor uni ushlab qolishga muvaffaq bo‘lgan.

Shundan so‘ng FVV xodimlari yordamida qiz xavfsiz joyga olib chiqilgan. U va inspektor tibbiy ko‘rikdan o‘tkazilib, qizga psixologik yordam ko‘rsatilgan.

Eslatib o‘tamiz, avvalroq Toshkentda fuqaroning joniga qasd...

Chery Tiggo 9 Yevrosiyo Iqtisodiy Ittifoqi (YOII) hududida rasman sotuvga chiqishga tayyor. Avtomobil Qozog‘istondagi Astana Motors Manufacturing Kazakhstan (AMMKZ) zavodida yig‘iladi. Bu haqda «Kitayskye avtomobili» xabar bermoqda.

Bu model endi YOII uchun ruxsatnoma – transport vositasi turi bo‘yicha tasdiq (OTTS) hujjatini oldi. Chery Tiggo 9 o‘z o‘lchamlari bilan o‘rta o‘lchamli SUV toifasida eng yirik modellar qatoriga kiradi. Uning gabaritlari 4810×1925×1741 mm bo‘lib, saloni ham keng va qulay. Benzinli versiyasi 2 litrli 245 ot kuchiga ega dvigatel bilan jihozlangan. U 8 pog‘onali avtomat uzatma va to‘liq yuritma tizimi bilan ishlaydi.

Qozog‘istonda yig‘ilayotgan versiyaning eng asosiy o‘ziga xos jihati – gibrid...

Samsung Galaxy S26 Edge smartfoni haqida muhim tafsilotlarni e’lon qilindi. Ushbu model Galaxy S25 Edge’dan ham yupqaroq bo‘ladi.

Yangi model nafaqat undan yupqaroq, balki batareyasi ham katta sig‘imga ega bo‘ladi. Bu esa yangi texnologiya — kremniy-uglerodli batareya materiali orqali amalga oshiriladi. Bu texnologiya sig‘imni oshirib, korpusni yupqa saqlashga imkon beradi.

Agar Galaxy S26 Edge modelida ushbu texnologiya qo‘llansa, unda butun Galaxy S26 seriyasi ham yangi avlod batareyalar bilan ta’minlanishi mumkin.

Ma’lumotlarga ko‘ra, Galaxy S26 Plus modeli chiqarilmaydi. Uning o‘rnini aynan Galaxy S26 Edge egallaydi. Samsung Galaxy S26 seriyasi 2026-yil boshida taqdim etilishi kutilmoqda.

Eslatib o‘tamiz, Kursiv Uzbekistan nashri Samsung...

Birlashgan Arab Amirliklari hukumati 50 dan ortiq davlat fuqarolariga o‘z mamlakatlarida berilgan haydovchilik guvohnomasi bilan BAAda avtomobil boshqarishga ruxsat berdi. Bu haqda Gulf News ma’lum qildi.

Bu imtiyoz nazariy yoki amaliy imtihonlarsiz, faqat vaqtinchalik tashrif buyurganlarga taalluqli.

Doimiy yashovchilar esa guvohnomani BAA guvohnomasiga almashtirish uchun maxsus talablarni bajarmog‘i zarur. Bunda guvohnoma amal qilish muddati, yuridik tarjima, ko‘z tekshiruvi va 600 dirham (2 mln so‘mdan ziyod) to‘lov zarur bo‘ladi.

Tan olingan davlatlar orasida AQSh, Fransiya, Yaponiya, Germaniya, Turkiya, Janubiy Koreya kabi mamlakatlar ham mavjud. Biroq Janubiy Koreya fuqarolari uchun faqat doimiy yashash asosida almashtirish ruxsat etiladi.

Eslatib o‘tamiz, avvalroq endilikda...

Yevropa Ittifoqi Vashington tomonidan joriy etilishi mumkin bo‘lgan 30 foizlik tariflarga javoban AQSh mahsulotlariga 30 foiz boj qo‘yishga tayyorgarlik ko‘rmoqda. Bu haqda Bloomberg xabar berdi.

Yangi choralar AQShning Yevropaga eksportining taxminan uchdan bir qismini qamrab oladi. Rejaga ko‘ra, Yevropa Ittifoqi hozirda belgilangan 21 milliard yevro (taxminan $24,78 milliard) hajmidagi bojni saqlab qoladi.

Shuningdek, qo‘shimcha 72 milliard yevro ($84,96 milliard) turadigan mahsulotlar ro‘yxatini ham kiritadi. Shu tariqa umumiy qiymati taxminan 100 milliard yevro ($118 milliard) bo‘lgan AQSh mahsulotlariga 30 foizlik boj joriy etilishi rejalashtirilmoqda. Bu AQShning Yevropa Ittifoqiga yiliga eksport qiladigan 335 milliard yevro ($395,3 milliard) hajmidagi mahsulotlarining qariyb...

Bugun, 24-iyul kuni O‘zbekiston prezidenti Shavkat Mirziyoyev 68 yoshga to‘ldi.

Davlat rahbari 1957-yil 24-iyulda Jizzax viloyatining Zomin tumanida shifokor oilasida tug‘ilgan. 1981-yili Toshkent irrigatsiya va qishloq xo‘jaligini mexanizatsiyalash muhandislari institutini tugatgan. Muhandis-mexanik mutaxassisligiga ega. Texnika fanlari nomzodi, dotsent.

Mehnat faoliyatini 1981-yilda Toshkent irrigatsiya va qishloq xo‘jaligini mexanizatsiyalash muhandislari institutida boshlab, kichik ilmiy xodim, katta o‘qituvchi, dotsent, o‘quv ishlari bo‘yicha prorektor lavozimlarida ishladi.

1992-yilda Toshkent shahrining Mirzo Ulug‘bek tumani hokimi lavozimiga tayinlandi. 1996 – 2001-yillarda Jizzax viloyati hokimi, 2001 – 2003-yillar mobaynida Samarqand viloyati hokimi lavozimlarida ishladi.

Mirziyoyev 2003-yilda O‘zbekiston Respublikasining bosh vaziri etib tasdiqlandi va ushbu lavozimga yana...