Yangiliklar

29-may kuni mamlakat bo‘ylab havo harorati ko‘tarila boshlaydi. Ayrim hududlarda qisqa muddatli yomg‘ir yog‘ishi va momaqaldiroq bo‘lishi mumkin. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida

Shavkat Mirziyoyev Samarqandga tashrif buyurib, Imom Buxoriy maqbarasini ziyorat qildi. Bu haqda davlat rahbari matbuot xizmati ma’lum qildi.

Ziyorat davomida Qur’on oyatlari tilovat qilindi, maqbara atrofidagi yangi majmua qurilishining borishi ko‘zdan kechirildi.

Majmua 44 gektargacha kengaytirilgan bo‘lib, unda mo‘tabar maqbara, 10 ming kishilik masjid va 4 ta minora barpo etilgan. Yangi majmua nafaqat ziyorat, balki ma’rifat va tarbiya maskani bo‘lishi ko‘zda tutilgan.

Shuningdek, muzey, mehmonxona va boshqa xizmat binolari qurilishi rejalashtirilgan. Devorlarga «Sahihi Buxoriy»dan hadislar yozilishi belgilangan. Prezident ziyoratchilar uchun ko‘proq yashil hududlar yaratish zarurligini ta’kidladi.

Eslatib o‘tamiz, avvalroq Mirziyoyev temir yo‘l infratuzilmasini rivojlantirish va sohadagi islohotlar natijalari yuzasidan...

Endilikda tuhmat, haqorat, yengil tan jarohati yetkazish, shaxsiy hayotga aralashish kabi ayrim huquqbuzarliklar faqat jabrlanuvchi arizasiga asosan ko‘rib chiqiladi. Senatning navbatdagi yalpi majlisida «Ma’muriy javobgarlik to‘g‘risidagi kodeksga o‘zgartirish va qo‘shimchalar kiritish haqida»gi qonun ma’qullandi.

Unga ko‘ra, agar jabrlanuvchi voyaga yetmagan, nochor yoki huquqbuzarga qaram bo‘lsa, arizasiz ham ish qo‘zg‘atiladi.

Senatorlar ushbu o‘zgarishlar fuqarolarning huquqiy himoyasini kuchaytirib, adolat va insonparvarlik tamoyillarini mustahkamlashiga ishonch bildirdi. Qonun mazmunini aholiga sodda va tushunarli tarzda yetkazish muhim vazifa sifatida belgilandi.

Eslatib o‘tamiz, avvalroq Senat elektron sigaretalar aylanmasi cheklovi bo‘yicha qonunni tasdiqlangan edi.

Ekologiya vaziri birinchi o‘rinbosari Obidjon Qudratov ekologik sertifikat talabi faqat gaz, benzin va dizel yoqilg‘isida ishlaydigan avtomobillarga nisbatan qo‘llanilishini, elektromobillar esa bundan ozod etilganini ma’lum qildi.

Gibrid avtomobillar bo‘yicha esa aniq huquqiy norma yo‘qligi sabab tushunmovchilik yuzaga kelgan va noqonuniy tarzda sertifikat talab qilinib, to‘lovlar undirilgan. Hozirda bu masalani hal etish uchun Hukumat qaroriga o‘zgartirish kiritish loyihasi ishlab chiqilgan va imzolanish arafasida. Unda gibrid mashinalardan ham ekologik sertifikat so‘ralmasligi aniq ko‘rsatilgan.

Senat raisi Tanzila Norboyeva bu holatda qonunchilikdagi noaniqliklar inson foydasiga talqin etilishi kerakligini eslatdi. Biroq hozircha yana bir muhim savol ochiq qolmoqda: ortiqcha to‘lov qilgan fuqarolarga pullari qaytariladimi? Rasmiy...

O‘zbekistonning Portugaliyaga yangi tayinlangan elchisi, qarorgohi Parijda joylashgan Nodir G‘aniyev Lissabon shahridagi «Belem» saroyida Portugaliya prezidenti Marselu Rebelu de Souzaga ishonch yorliqlarini topshirdi. Bu haqda «Dunyo» AA ma’lum qildi.

Rasmiy marosimdan so‘ng bo‘lib o‘tgan uchrashuvda prezident de Souza ikki davlat o‘rtasidagi munosabatlarni ijobiy baholab, siyosiy, iqtisodiy va madaniy-gumanitar hamkorlikni mustahkamlash muhimligini ta’kidladi.

Portugaliya rahbari elchini lavozimga tayinlangani bilan tabriklab, unga diplomatik faoliyatida muvaffaqiyatlar tiladi.

Eslatib o‘tamiz, O‘zbekiston va Portugaliya o‘rtasida diplomatik aloqalar 1992-yil 12-avgustda yo‘lga qo‘yilgan. Nodir G‘aniyev avval O‘zbekistonning Shvetsiyadagi elchisi lavozimida faoliyat yuritgan. U, shuningdek, 2024-yil sentabr oyidan buyon O‘zbekistonning Fransiyadagi elchisi sifatida ham ishlab kelmoqda.

Shunday...

2025-yil yozidan boshlab Telegram foydalanuvchilari xAI kompaniyasining ilg‘or sun’iy intellekti – Grok chatbotidan foydalanish imkoniyatiga ega bo‘ladi. Bu haqda Telegram asoschisi Pavel Durov ma’lum qildi.

Unga ko‘ra, Ilon Mask va Pavel Durov o‘rtasida imzolangan hamkorlik kelishuviga ko‘ra, Grok Telegram ilovalarining barcha versiyalariga integratsiya qilinadi.

Mazkur hamkorlik Telegram uchun nafaqat texnologik yangilik, balki moliyaviy jihatdan ham foydali bitim hisoblanadi. Telegram xAI kompaniyasidan $300 mln miqdorida naqd pul va aksiyalar oladi, shuningdek, Telegram orqali sotilgan xAI obunalarining 50 foizi daromadini qo‘lga kiritadi.

“Biz har doim foydalanuvchilarimizga eng ilg‘or texnologiyalarni taqdim etishga intilamiz. Grok chatboti bu yo‘lda muhim...

Chevrolet Damas – ixcham, arzon va ommaviy mikroavtobus hisoblanadi. U, asosan, yo‘lovchi va yengil yuk tashish uchun mo‘ljallangan. Ushbu avtomobilning tarixi va ilk ko‘rinishi haqida Kursiv Uzbekistan ma’lumotlarni bir joyga jamladi.

Model Suzuki Every avtomobiliga asoslangan. Suzuki kompaniyasi dastlab bu modelni 1982-yilda ishlab chiqargan. Damas esa 1991-yilda Janubiy Koreyada ishlab chiqarila boshlandi.

Suzuki Every ilk bor 1982-yilda ishlab chiqarilgan. Model Suzuki Carry platformasi asosida yaratilgan. Every asosan yo‘lovchi tashish uchun mo‘ljallangan edi. U Yaponiya ichki bozori uchun ishlab chiqilgan.

1980-yillar oxirida model aerodinamik shaklga keltirildi. Transmissiya va rul tizimi bosqichma-bosqich yangilandi. Yaponiyaning kei car talablari asosida ishlab...

Florida gubernatori Ron DeSantis bugun, 28-may kuni oltin va kumushni rasmiy to‘lov vositasi sifatida tan oluvchi qonunni imzoladi. Bu haqda Financial Express ma’lum qildi. 

Yangi tartib 2026-yil 1-iyuldan kuchga kiradi. Unga ko‘ra, davlat va xususiy sektor vakillari ixtiyoriy ravishda oltin hamda kumushni to‘lov sifatida qabul qilishi mumkin bo‘ladi.

Shuningdek, qimmatbaho metallar savdosiga qo‘yilgan savdo solig‘i bekor qilinadi.

DeSantisning so‘zlariga ko‘ra, bu qonun korxonalarga oltin va kumush orqali hisob-kitob qilish imkoniyatini yaratadi.

Avvalroq «Kursiv» nashri O‘zbekistonning oltin-valyuta zaxiralari bir oyda 2,9 foizga oshgani haqida yozgandi.

2025-yilning o‘tgan davri mobaynida sud qarorlari asosida 39,9 mlrd so‘mlik ijro hujjatlari bajarilib, pul mablag‘lari ta’minotchi tashkilotlarning bank hisoblariga o‘tkazildi. Bu haqda Majburiy ijro byurosining(MIB) Samarqand viloyati boshqarmasi xabar berdi.

Xususan, elektr energiyasi ta’minoti uchun 23 mlrd so‘m, «Hududgaz» korxonasiga 6,2 mlrd so‘m, suv ta’minoti tashkilotiga 7,6 mlrd so‘m, boshqaruv va servis kompaniyalariga 2,7 mlrd so‘m hamda issiqlik ta’minoti uchun 544,2 mln so‘m mablag‘ undirildi.

Shuningdek, 1 127 ta ijro hujjati doirasida 8,5 mlrd so‘m undirilishi qarzdorlarning oylik daromadlari va boshqa manbalarga qaratilgan.

Majburiy ijro jarayonida 371 nafar qarzdorga tegishli 6,2 mlrd so‘mlik qiymatdagi mol-mulk xatlangan va 2,8 mlrd...

Osiyo qit’asida 2026-yilgi Jahon chempionati saralash bosqichi o‘zining hal qiluvchi pallasiga kirib keldi.  5-iyun kuni O‘zbekiston milliy terma jamoasi safarda BAAga qarshi maydonga tushadi. Uchrashuv Abu-Dabi shahridagi «Al-Nahyan» stadionida Toshkent vaqti bilan soat 21:00 da boshlanadi. O‘yin uchun chiptalar Ticketmaster.ae sayti orqali sotilmoqda. 

Osiyo futbol konfederatsiyasi reglamentiga muvofiq mehmonlarga, ya’ni O‘zbekistondan tashrif buyuruvchilarga stadion sig‘imining sakkiz foiziga teng sondagi chiptalar taqdim etiladi. O‘yin bo‘lib o‘tadigan stadion sig‘imi esa 15 ming bo‘lib, o‘zbekistonliklar uchun taxminan 1,2 mingta atrofida chipta beriladi.

Ammo 28-may holatiga ko‘ra mehmon jamoa muxlislari uchun ajratilgan 24, 25, 26-blokdagi barcha chiptalar sotib bo‘lingan.

Yaqin kunlarda Ticketmaster.ae...

Iqtisodiyot va moliya vazirligi 2025-yil aprel oyi boshida O‘zbekistonning davlat qarzi miqdorini $42,4 mlrdga baholagan. Uch oy davomida u $2,2 milliarddan ortiq o‘sgan.

Qarzning asosiy qismini tashqi qarzlar tashkil etib, $35,5 mlrdga yetdi. Ichki qarz esa $6,8 mlrd.

Respublikaning asosiy kreditorlari Osiyo taraqqiyot banki (OTB) va Jahon banki (JB) kabi moliya institutlari bo‘lib turibdi. Ulardan olingan kreditlar $15,1 mlrdni tashkil etdi.

Yilning birinchi choragida eng ko‘p qarzdorlik budjetni qo‘llab-quvvatlash uchun $16,8 mlrdni tashkil etdi. Keyingi o‘rinlarda yoqilg‘i-energetika tarmog‘i – $5,9 mlrd, neft-gaz sektori – $1,7 mlrd turadi.

Eslatib o‘tamiz, «Kursiv» O‘zbekistonning umumiy tashqi qarzi $64,1 milliardga yetgani haqida...

Google’ning navbatdagi flagman smartfoni – Pixel 10 reklama suratlarida ilk bor ko‘rinish berdi. Bu haqda trashbox nashri ma’lum qildi.

Vankuverdagi plyajda tasvirga olingan marketing sahnalarida Pixel 10 Pro yoki Pixel 10 Pro XL modeli ko‘zga tashlandi. Dizayni deyarli Pixel 9’dan farq qilmasa-da, e’tibor sun’iy intellekt funksiyalari va yangi vizual uslubga qaratilgan.

Orqa panel dizaynida sezilarli o‘zgarish kuzatilmayapti, ammo reklama shiori «Telefoningizdan ko‘proq narsa talab qiling» – sun’iy intellektning yangi imkoniyatlariga ishora qiladi. Ular orasida eng e’tiborlisi Add Me funksiyasi bo‘lib, foydalanuvchilarga ikkita suratni birlashtirish yoki obyektlarni oddiy usulda qo‘shish imkonini beradi.

Smartfon seriyasining rang variantlari ham ancha...

Madaniyat va san’at yo‘nalishidagi Start-Up loyihalar uchun bazaviy hisoblash miqdorining (BHM) 100 baravarigacha miqdorda grantlar ajratiladi. Bu haqda Vazirlar Mahkamasi qarori qabul qilindi.

Unga ko‘ra, ijodkor yoshlar faoliyatini muvofiqlashtiruvchi yagona platforma joriy etiladi va u «ERP madaniyat» boshqaruv tizimiga integratsiya qilinadi.

Shuningdek, sun’iy intellekt va zamonaviy texnologiyalar asosida «Ijodiy texnolaboratoriya» tashkil etiladi. Umumiy o‘rta va o‘rta maxsus ta’lim muassasalarida «Ijodkor yoshlar klubi» faoliyati yo‘lga qo‘yilib, «Madaniyat volontyorlari» ijtimoiy harakati ish boshlaydi.

Shu bilan birga, har yili kamida to‘rt nafar xorijiy mutaxassis va san’atkor o‘quv jarayonlariga jalb etiladi. To‘rt nafar iqtidorli yoshlar xorijga tajriba almashish uchun yuboriladi.

2026-yildan boshlab Madaniyat...

Ram kompaniyasi 2025-yil iyul oyidan boshlab, Ram 1500 pikapi uchun 5,7 litrli V8 Hemi dvigatelini ishlab chiqarishni qayta boshlashga tayyorlanmoqda. Bu haqda 32cars xabar qildi.

Shuningdek, mashhur Ram TRX modeli ham V8 kompressorli dvigatel bilan qaytishi tasdiqlandi. Uning ommaviy ishlab chiqarilishi 2026-yil birinchi choragiga rejalashtirilgan.

Ishlab chiqarish Sterling Hayts zavodida amalga oshiriladi, shu yerda yangi Ramcharger modelining pilot ishlab chiqarilishi ham boshlanadi. Biroq uzoq masofaga yura oluvchi batareyaga ega Ram 1500 REV modeli kamida 2027-yilgacha kechiktirilmoqda.

Yangi Ram TRX yangilangan 6,2 litrli Hellcat V8 dvigateli bilan ta’minlanadi, uning quvvati taxminan 720 ot kuchidan oshadi. Bu esa modelni Ford...

O‘zbekiston valyuta birjasi ma’lumotlariga ko‘ra, 28-may kuni dollarning o‘rtacha kursi 12 831,13 so‘mni tashkil qilib, oldingi kun bilan solishtirganda 55,77 so‘mga tushdi.

Dollar kursi bu haftani o‘sish bilan boshladi: 27-may kuni 12 886,90 so‘mni, 26-may kuni 12 939,93 so‘mni tashkil qildi.

Mamlakatdagi tijorat banklari 28-may kuni bir AQSh dollarini 12 775 – 12 880 soʻmdan sotib olayotgan boʻlsa, 12 890 – 12 950 soʻm oraligʻida sotmoqda.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.

Samarqandda bog‘cha xodimlari uchun pedagogik mahorat markazi ishga tushdi. Ochilish marosimida Maktabgacha ta’lim va maktab ta’limi vaziri Hilola Umarova va YUNISEF ijrochi direktori Ketrin Rassel ishtirok etdi.

Bog‘chalarda sifatli ta’limni rivojlantirish loyihasi doirasida mamlakatimizning har bir hududida shunday markazlar tashkil etish rejalashtirilgan. Moliyaviy yordam Islom taraqqiyot banki (ITB) tomonidan amalga oshiriladi.

«O‘qituvchilar ta’limdagi muvaffaqiyatli islohotning asosi bo‘lib, ularning malakasini oshirish sifat va inklyuziv ta’limni ta’minlashning kalitidir», – deydi Rassel.

UNISEF 6,5 mingdan ortiq pedagog kadrlar malakasini oshirish dasturi bo‘yicha o‘qishni tamomlaganini ta’kidladi. Kelgusida maktabgacha ta’lim tizimida mehnat qilayotgan 120 ming kishi malaka oshiradi.

Eslatib...

Xiaomi kompaniyasi Xitoyda qahva donasi hidini beruvchi yangi Civi 5 Pro Iced Americano smartfonini taqdim etdi. Bu haqda Android Authority nashri xabar berdi.

Qurilmaning orqa paneli vegan charmidan yasalgan bo‘lib, unga qayta ishlangan qahva quyqasi o‘rnatilgan. Ishlab chiqaruvchining aytishicha, telefon yengil qahva hidi taratadi va bu hid kuchli emas.

Smartfon 6,55-dyuymli 120 Gs yangilanish chastotasiga ega OLED-displeyga, Snapdragon 8s Gen 4 protsessori va 67 Vt tez zaryadlanuvchi 6000 mA/soat sig‘imli batareyaga ega. Selfi uchun 50 megapikselli kamera o‘rnatilgan, asosiy kameralar tarkibida esa 50+50+12 megapikselli sensorlardan iborat bo‘lib, ular tele va keng burchakli linzalar bilan jihozlangan.

Qurilmaning og‘irligi...

John Cooper Works (JCW) modeli 255 ot kuchiga ega bo‘lib, 0 dan 100 km/soat tezlikka 5,9 soniyada chiqadi. Bu haqda Speedme nashri xabar berdi.

WLTP standartiga ko‘ra, bir quvvat bilan 230 km masofani bosib o‘tadi. Yangi model benzinli versiyadan 320 kg og‘irroq bo‘lsa-da, tezkorligi, shovqinli va qiziqarli xarakteri saqlanib qolgan.

Avtomobil yaxshilangan boshqaruv tizimi bilan jihozlangan. Biroq og‘irligi sababli u biroz qattiq va unchalik aniqlik bilan boshqarilmaydigandek tuyuladi. Elektr motorining javobi esa oldindan taxmin qilinadigan va chiziqli. Sintezizatsiya qilingan ovoz va Boost rejimi (10 soniyaga 27 ot kuchi qo‘shadi) bilan ishlangan. Faqat batareya quvvati cheklangan.

Salonida katta OLED displey...

Miami Armored kompaniyasi BR6 darajasida himoya qiluvchi, Starlink sun’iy yo‘ldosh internetiga ulangan zirhli Cadillac Escalade’ni taqdim etdi. Bu haqda Speedme nashri xabar berdi.

Biznes-samolyot darajasidagi qulayliklarga ega avtomobil ikki granata portlashi va avtomatik qurol o‘qlaridan omon qolishi mumkin.

SUV ko‘p qavatli zirh oynalari, mustahkam suspenziya, pastdan portlashga qarshi himoya va RunFlat shinalar bilan jihozlangan bo‘lib, teshilgan shinalar bilan ham xavfli hududdan chiqib ketishga imkon beradi. Asosiy xususiyat – SpaceX kompaniyasining Starlink tarmog‘iga ulanib, istalgan joyda barqaror internet va aloqa ta’minlashi: videoqo‘ng‘iroq, striming va ijtimoiy tarmoqlardan yo‘l davomida foydalanish mumkin.

Escalade Chairman salonining ichki ko‘rinishi hashamatli ofisga o‘xshaydi: individual...

Texnoinsayder Universe Ice hali taqdim etilmagan Infinix HOT 60 Pro+ smartfonining o‘lchamlari va tashqi ko‘rinishi haqida yangi ma’lumotlarni oshkor qildi.

Bloger e’lon qilgan videoda Infinix’ning yangi modeli Samsung Galaxy S25 Edge bilan taqqoslanadi.

Qalinlik bo‘yicha bu smartfon 5,9 mm bilan Galaxy S25 Edge’dan atigi 0,2 mm qalinroq, biroq bukilgan old va orqa oynali korpusi tufayli vizual jihatdan yanada nozikroq ko‘rinadi. Yengilroq og‘irligi bilan ham ajralib turadi: Galaxy S25 Edge 163,8 gramm bo‘lsa, Infinix qurilmasi atigi 154,6 gramm.

Ushbu qurilma arzonroq toifadagi model bo‘lishi kutilmoqda va ichki texnik xususiyatlari hozircha rasman e’lon qilinmagan. Shunga qaramay, uni MediaTek’ning yangi...

Andijon viloyati bojxona boshqarmasining «Do‘stlik» chegara bojxona postida yirik noqonuniy zargarlik buyumlari olib kirilishining oldi olindi. Bu haqda Bojxona qo‘mitasi ma’lum qildi.

Yo‘lovchilardan biri 114 gramm og‘irlikdagi jami 12 dona zargarlik buyumlarini bojxona nazoratidan yashirincha olib o‘tishga uringan vaqtida to‘xtatib qolingan. Bojxona xodimlarining og‘zaki so‘rovida va yo‘lovchi bojxona deklaratsiyasida ushbu buyumlar haqida hech qanday ma’lumot ko‘rsatilmagan.

Dastlabki hisob-kitoblarga ko‘ra, zargarlik buyumlarining umumiy qiymati 120 mln so‘mdan oshadi.

Ma’lumot uchun, Andijon viloyati bojxona boshqarmasi xodimlari 2025-yil boshidan buyon qiymati 1,5 milliard so‘mlik, deyarli 1,5 kilogramm zargarlik buyumlarini noqonuniy olib o‘tish holatlarining oldini olgan.

Avvalroq Kursiv Uzbekistan mamlakatda zargarlik sohasini...

O‘zbekistonda boshlangan E-GATE dasturi doirasida 83 kompaniya $23 mlnlik eksport shartnomalari tuzdi. Bu haqda Jahon banki matbuot xizmati Kursiv Uzbekistan’ga ma’lum qildi.

Toshkentda elektron tijoratni rivojlantirishga bag‘ishlangan mintaqaviy konferensiya o‘tkazildi. Tadbirda Qozog‘iston, Qirg‘iziston, Tojikiston va O‘zbekistonning davlat idoralari hamda Alibaba, DHL, Uzum, Lenovo, Jumia va UzPost kabi kompaniyalar vakillari ishtirok etdi.

Mutaxassislarning fikricha, mintaqadagi elektron tijorat bozori qiymati qariyb $3 milliardga baholangan. Ammo sohada internet infratuzilmasining sustligi, logistika xizmatlarining yetarli emasligi, raqamli savodxonlikning past darajasi va tartibga solishdagi murakkabliklar kabi muammolar mavjud.

E-GATE dasturi 2023-yildan O‘zbekiston, Qirg‘iziston va Tojikistonda amalga oshirilmoqda. Uni Buyuk Britaniya tashqi ishlar vazirligi moliyalashtiradi. Hozirgacha...

Xitoyning eng kuchli avtomobillari reytingi e’lon qilindi. Ro‘yxat Buyuk Britaniyaning transport mutaxassislari tomonidan tuzilgan.

BYD

BYD – «Orzularingizni quring» (Build Your Dreams) degan ma’noni anglatadi. U Xitoyning eng kuchli avtomobillari ro‘yxatida birinchi o‘rinni egalladi.

BYD’ning yutuqlari hayratlanarli. Kompaniyada 200 dizayner va 10 ming muhandis ishlaydi. U allaqachon ishlab chiqarilgan $3,5 mln avtomobilni sotgan. Dunyoga mashhur yapon avtomobil ishlab chiqaruvchisi Toyota ham akkumulyator texnologiyasidan foydalanish uchun BYD bilan hamkorlik qilmoqda. Uning Xitoy bozori uchun modellari mavjud. U BYD brendi ostida sotiladi.

BYD tomonidan ishlab chiqarilgan avtomobillar orasida eng mashhuri Atto 3 hisoblanadi. Atto 3 to‘liq quvvatlanganda u taxminan...

Fransiyaning Alpine brendi A390 modelini namoyish etdi. Bu haqda Speedme xabar bermoqda.

Bu kompaniya tarixidagi ikkinchi elektromobil bo‘lib, sport avtomobillarga xos dinamikasi va zamonaviy dizayn bilan ajralib turadi.

A390 Renault Megane E-Tech va Nissan Ariya platformasi asosida qurilgan, biroq sportcha sozlangan maxsus amortizatorlarga ega. Krossoverning o‘lchamlari – 4615x1885x1532 mm, g‘ildirak bazasi esa 2708 mmni tashkil etadi.

Elektrokar old g‘ildiraklar uchun bitta, orqa o‘qlar uchun esa ikkita elektromotor bilan jihozlangan. GT versiyasi 401 ot kuchi va 650 Nm aylanish momenti, GTS versiyasi esa 469 ot kuchi va 808 Nm ko‘rsatkichga ega. GTS versiyasi 100 km/soat tezlikka atigi 3,9 soniyada chiqadi...