Yangiliklar

2025-yil iyul oyining birinchi haftasida O‘zbekistonda qovunning ulgurji narxi uch baravar tushib ketdi. Bu haqda East Fruit xabar berdi.

Xabarga ko‘ra, bunday keskin tushishga Mirzacho‘l mintaqasida va qo‘shni Qozog‘istonda qovun yig‘im-terimining ommaviy boshlanishi sabab bo‘lgan. EastFruit mutaxassislarining qayd etishicha, ushbu oy Qozog‘istonda qovun narxlari past darajada boshlandi.

Bu mavsumda dastlabki yirik partiya qovunlar iyun oyi boshida poytaxtdagi ulgurji bozorga yetib keldi. Bu o‘tgan yilga nisbatan bir hafta erta bo‘ldi. Dastlab ulgurji narxlar 6 000 so‘m/kg ($0.47) atrofida bo‘lgan.

O‘tgan yili katta partiyalar kelishi bilan narxlar tezda tushib ketgan va uch hafta ichida to‘rt baravar arzonlashgan edi. Ammo bu yil...

Joriy yilning yanvar – aprel oylarida Rossiyadan O‘zbekistonga $21,4 mlnlik shokolad eksport qilingan. Bu haqda «RIA Novosti» nashri xabar berdi.

Rossiya dastlabki to‘rt oyda eng ko‘p shokoladni Qozog‘istonga eksport qilgan. Bu davlatga eksport hajmi $78,3 millionni tashkil etdi. Ikkinchi va uchinchi o‘rinlarda esa Ozarbayjon ($23,4 mln) va O‘zbekiston ($21,4 mln) joylashgan. Keyingi o‘rinlardan Qirg‘iziston ($14,7 mln), Gruziya ($8 mln) va Xitoy ($7,4 mln) o‘rin oldi.

Boshqa yirik importchilar safidan Armaniston ($5,7 mln), Serbiya ($3 mln), Moldova ($2,4 mln) va Germaniya ($2,1 mln) o‘rin oldi. Shuningdek, AQSh ($970 ming), Isroil ($790 ming), Saudiya Arabistoni ($426 ming), Latviya ($418 ming) va...

Farg‘ona viloyatida ziyorat xizmatlariga oid reklama e’lonlarining amaldagi qonunchilik talablariga muvofiqligini o‘rganish davomida uchta Telegram kanalida litsenziyasiz reklama berilgani aniqlandi. Bu haqda Raqobat qo‘mitasi ma’lum qildi.

Unga ko‘ra, «Umra Safar 2025», «Saudiyaga Sayohat Muhammad Yusuf» va «Makka Madina Sayohat» nomli kanallarda Umra safarlarini tashkil etish bo‘yicha tegishli ruxsatlarsiz reklama materiallari joylashtirilgan.

Mazkur holatlar yuzasidan «Reklama to‘g‘risida»gi Qonun talablarini buzish alomatlari bilan ishlar qo‘zg‘atilib, hujjatlar sud organlariga yuborildi. Noqonuniy faoliyat yuritayotgan shaxslarni aniqlash uchun Ichki ishlar vazirligi va Kiberxavfsizlik markaziga murojaat qilindi. Qonunchilikka muvofiq choralar ko‘riladi.

Eslatib o‘tamiz, avvalroq qo‘mita tomonidan Jizzaxda 1,8 mlrd so‘mlik asossiz qarzdorlik tadbirkorlar foydasiga bekor...

Bitkoin yana rekord darajaga ko‘tarilib, $122 mingdan oshdi. Uznex birjasida ayni damda bitkoin $122.5 mingni tashkil etmoqda.

So‘nggi ma’lumotlarga ko‘ra, payshanba kuni AQShda bitkoin ETF’lariga $1,18 mlrd hajmda mablag‘ oqimi kuzatilgan. Bu 2025-yildagi eng katta bir kunlik ko‘rsatkich hisoblanadi.

BTSE kriptobirjasi bosh operatsion direktori Jeff Mey CNBC’ga bergan izohida bitkoin narxining o‘sishi uzoq muddatli institutsional sarmoyadorlar tomonidan qo‘llab-quvvatlanayotganini ta’kidladi. Uning fikricha, bu holat bitkoinni bir-ikki oy ichida $125 ming darajasiga olib chiqishi mumkin.

Shuningdek, Mey Trampning Yevropa Ittifoqi va boshqa savdo hamkorlari bilan ehtimoliy savdo mojarolari qisqa muddatli pasayishlarga olib kelishi mumkinligini aytdi. Ammo u institutsional investorlar bu...

2026-yil yanvar oyida taqdim etilishi kutilayotgan Samsung Galaxy S26 Ultra smartfonida kamera yangilanishi amalga oshirilishi mumkin. Bu haqda Fixed Focus Digital Weibo tarmog‘ida xabar berdi.

Manbaning aytishicha, Galaxy S26 Ultra 200 megapikselli yangi Sony CMOS sensoriga ega bo‘ladi. Sensor o‘lchami 1/1,1 dyuym bo‘lib, bu avvalgi ISOCELL HP2 (1/1,3 dyuym) sensordan kattaroqdir. ISOCELL HP2 sensori Galaxy S25 Ultra va undan oldingi ikki modelda ishlatilgan edi.

Yangi sensor yordamida surat sifati sezilarli yaxshilanadi: yorug‘likni ko‘proq ushlaydi, tasvirlar batafsilroq bo‘ladi va raqamli zum ancha tiniq ishlaydi.

Samsung’ning Sony sensorga o‘tishi – kompaniyaning strategik qarori bo‘lishi mumkin. U shu orqali Xiaomi va...

Xitoyning Dongfeng avtomobil ishlab chiqaruvchisi yangi Voyah Free+ EREV krossoverini rasman taqdim etdi. Bu haqda CarNewsChina xabar bermoqda.

Ma’lum qilinishicha, model ikki xil uzatma tizimi bilan taklif etiladi: orqa g‘ildirakdan tortuvchi (RWD) va to‘liq g‘ildirakdan tortuvchi (AWD) versiyalar. Narxlar quyidagicha:

Model uchun dastlabki 15 daqiqada 11 583 ta buyurtma kelib tushgan. Voyah 2025-yilda 200 mingta avtomobil sotishni rejalashtirgan, ammo shu kungacha bu rejadan 28 foiz bajarilgan.

Voyah Free+ – Free seriyasidagi uchinchi model. Undan oldin...

Prezident Shavkat Mirziyoyev urug‘larning sifatini baholash ustidan nazoratni kuchaytirish bo‘yicha farmon imzoladi.

Unga ko‘ra, qishloq xo‘jaligi ekinlari urug‘larini baholashda QR-kodlardan foydalanilgan holda markirovka asosida yangi yondashuv joriy etiladi. Qishloq xo‘jaligi mahsulotlari sifatini baholash markazi ushbu sohada yagona vakolatli organ sifatida belgilandi.

Shuningdek, O‘zbekistonda qishloq xo‘jaligi ekinlari urug‘larini ishlab chiqarish va realizatsiya qilish bilan shug‘ullanuvchi barcha tadbirkorlarni qamrab oladigan urug‘chilikning maxsus reyestri tuzilishi rejalashtirilmoqda.

2026-yil 1-yanvardan boshlab import qilinadigan qishloq xo‘jaligi urug‘lari Bojxona qo‘mitasi tomonidan berilgan QR-kodli markirovkaga va ekishga yaroqliligi bo‘yicha ijobiy xulosaga ega bo‘lishi lozim. Ushbu talablarga rioya qilinmagan holda urug‘larni erkin muomalaga chiqarishga yo‘l qo‘yilmaydi.

Markirovkasiz...

Rossiyaning 201-harbiy bazasiga tegishli harbiy xizmatchilar «Hamkorlik – 2025» qo‘shma mashg‘ulotlarida ishtirok etish uchun O‘zbekistonga yetib keldi. Bu haqda TASS agentligi ma’lum qildi.

Mashg‘ulotlar Termiz poligonida o‘tkaziladi. 2004-yildan buyon Tojikistonda joylashgan 201-harbiy baza askarlari O‘zbekistondagi mashg‘ulotlarda qatnashish uchun 300 km masofani zirhli texnika va maxsus mashinalarda bosib o‘tishdi.

Rossiya Mudofaa vazirligining xabariga ko‘ra, «Hamkorlik – 2025» mashg‘ulotlari 15-iyuldan 21-iyulgacha davom etadi. Unda O‘zbekiston va Rossiya harbiylari kichik qurolli guruhlarni aniqlash va ularning pozitsiyalarini egallash bo‘yicha taktik mashg‘ulotlar o‘tkazadi.

Global Firepower reytingining 2025-yilgi natijalariga ko‘ra, Rossiya armiyasi kuch jihatidan dunyoda 2-o‘rinda turadi. Mamlakatning harbiy xarajatlari $126 mlrdga baholangan. Rossiya qurolli...

AQSh prezidenti Donald Tramp 13-iyul kuni Merilend shtatidagi Endryus harbiy bazasida bo‘lib o‘tgan brifingda Ukrainaga Patriot havo hujumidan mudofaa tizimlari topshirilishini ma’lum qildi. Bu haqda DW nashri xabar berdi.

Trampning aytishicha, AQSh ushbu komplekslarni Yevropa Ittifoqi davlatlariga sotadi, so‘ngra ular orqali Ukrainaga yuboradi.

«Bu biz uchun biznes. Ukrainaliklar Patriot tizimlariga muhtoj va biz ularni yetkazib beramiz», – dedi u jurnalistlar bilan suhbatda.

Shu bilan birga, Tramp komplekslar soni haqida aniq raqam keltirmadi. Prezident bu qurollarni aynan qaysi Yevropa davlatlari sotib olishi bo‘yicha ham izoh bermagan.

Avvalroq Kursiv Uzbekistan Tramp Yevropa Ittifoqi va Meksikaga...

Toshkent viloyatida «Zardeks» savdosi bilan shug‘ullangan shaxs qo‘lga olindi. Bu haqda Davlat xavfsizlik xizmati xabar berdi.

Ma’lum bo‘lishicha, Toshkent viloyatining Ohangaron shahrida yashovchi, 1992-yilda tug‘ilgan fuqaroning Yangihayot tumanidagi ijaradagi yashash xonadoni xolislar ishtirokida ko‘zdan kechirildi. Tekshiruv natijasida u kelgusida sotish maqsadida saqlab kelayotgan 16 249 dona «Zardeks» nomli kuchli ta’sir qiluvchi dori vositalari aniqlanib, ashyoviy dalil sifatida olib qo‘yildi.

Xabarga ko‘ra, mazkur dori vositalari avval Telegram messenjeri orqali savdo qiluvchi shaxs tomonidan Sergeli tumanidagi yashirin joyga qoldirib ketilgan. 1992-yilda tug‘ilgan fuqaro ushbu dori vositalarini olib, mijozlarga sotgandan so‘ng narkosavdogarga $16 ming berishi kerak bo‘lgan.

«Zardeks» dori vositalari tarkibida...

Redmi 15C smartfonining suratlari bir necha kun oldin internetda paydo bo‘lgandi. Uning texnik ma’lumotlari va narxi ham ma’lum bo‘ldi. Bu haqda GSMArena xabar bermoqda.

Smartfon Yevropada 4 GB operativ xotira va 128 GB doimiy xotirali versiyasi uchun 129 yevro turadi. 256 GB xotirali modelni esa 149 yevroga xarid qilish mumkin. RAM har ikkala variantda ham 4 GB bo‘ladi.

Redmi 15C 6,9 dyuymli IPS LCD ekranga ega. Ekran yangilanish tezligi – 120 Hz . Qurilmaga MediaTek Helio G81 protsessori o‘rnatilgan.

Asosiy kamera 50 MP, old kamera esa 13 MP. Batareya sig‘imi 6000 mA·soat bo‘lib, 33 vattli tezkor zaryadlashni qo‘llab-quvvatlaydi.

Xitoyda yaqinda taqdim etilgan Chery Fulwin A9L gibrid sedani katta qiziqishga sabab bo‘ldi. Atigi 24 soat ichida unga 50 mingdan ziyod buyurtma kelib tushgan. Bu haqda ITHome xabar bermoqda.

Taqqoslash uchun, Toyota Camry XV80 modeli Xitoyda bir oyda 5 ming atrofida buyurtma olgan edi. Bunday talabning sababi mashinaning narxi va imkoniyatlari o‘rtasidagi muvozanatda bo‘lishi mumkin. Fulwin A9L 5 metrli sedan bo‘lib, kuchli va tejamkor.

Avtomobilning uzunligi 5018 mm, g‘ildirak bazasi esa 3000 mm. Baza versiyasi 374 ot kuchiga ega, to‘liq yuruvchi eng kuchli versiyasi esa 639 ot kuchi ishlab chiqaradi.

Faqat elektrda 260 km masofani bosib o‘ta...

11-iyul kuni tadbirkorlar va soliq organlari o‘rtasidagi nizolarni sudgacha hal etish maqsadida maxsus ekspert kengashi tuzildi. Bu haqda Adliya vazirligi ma’lum qildi.

Mazkur kengash Savdo-sanoat palatasi huzurida faoliyat yuritadi va soliqqa oid nizolarni ko‘rib chiqishda soliq, iqtisodiyot, moliya hamda huquq sohalaridagi mutaxassislardan iborat bo‘ladi. Kengash oyiga kamida ikki marta yig‘ilish o‘tkazadi.

Tadbirkorlarning murojaatlari asosida berilgan ekspert xulosalari soliq va boshqa tegishli davlat organlari tomonidan majburiy tartibda ko‘rib chiqiladi va bu haqda tadbirkorlar xabardor qilinadi. Bu yangilik nizolarni tezkor va adolatli hal etishga xizmat qiladi.

Eslatib o‘tamiz, avvalroq fermеrlar uchun qo‘shimcha jarima va soliqqa tortish tartibi joriy etilishi mumkin.

AQShda boʻlib oʻtgan 2025-yilgi Klublar oʻrtasidagi jahon chempionati finalida Londonning «Chelsi» jamoasi Parij klubi «PSJ»ni yirik hisobda magʻlubiyatga uchratib, bosh sovrinni qoʻlga kiritdi.

Bellashuv AQShning «MetLife» stadionida boʻlib oʻtdi. «Chelsi» ilk boʻlimdayoq oʻyin taqdirini hal qildi. 22-daqiqaga kelib Koul Palmer hisobni ochdi, ortidan 30-daqiqada oʻziyoq ikkinchi bor raqib darvozasini ishgʻol qildi. Hisobni 43-daqiqada Joao Pedro yirik koʻrinishga olib chiqdi.

Ikkinchi boʻlimda «PSJ» hisobni qisqartirish uchun bir nechta xavfli hujumlar uyushtirdi, Lekin «Chelsi himoyasini yorib oʻta olmadi. Uchrashuvning 86-daqiqasida “PSJ» futbolchisi Joau Nevesh «Chelsi» himoyachisi Mark Kukurelyani sochidan tortib yuborgani uchun toʻgʻridan toʻgʻri qizil kartochka oldi.

Shu tariqa «Chelsi» 3:0 hisobida...

Bugun, 14-iyul kuni soat 07:39 da Toshkent shahrining Yunusobod tumanidagi Ahmad Donish ko‘chasida joylashgan ishlab chiqarish sexlaridan birida yong‘in chiqdi. Bu haqda Favqulodda vaziyatlar vazirligi (FVV) xabar bermoqda.

Voqea joyiga 6 ta yong‘in-qutqaruv ekipaji yetib bordi. Ular soat 07:44 da yong‘inni o‘chirish ishlarini boshladi.

Hozircha tan jarohati olganlar haqida ma’lumot yo‘q. Yong‘in joyiga FVV rahbariyati, shahar va tuman FVB rahbar xodimlari yetib borgani aytilmoqda.

Eslatib o‘tamiz, Kursiv Uzbekistan nashri Seul moon ovqatlanish maskanida yong‘in sodir bo‘lgani haqida yozgan edi.

14-iyuldan boshlab respublika bo‘ylab test sinovlari boshlanadi. Bu haqda Oliy ta’lim, fan va innovatsiyalar vazirligi ma’lum qildi.

Unga ko‘ra, har kuni 70 mingdan ortiq abituriyentlar 65 ta yirik binoda ikki smenada imtihon topshiradi.

Oliy ta’lim vaziri Qo‘ng‘irotboy Sharipov testlar adolatli o‘tishi uchun barcha choralar ko‘rilganini aytib, abituriyentlarga xotirjamlik, tartib-intizom va bilimga tayanishni tavsiya etdi. U, shuningdek, imtihon kuni pasport va ruxsatnomani olish, belgilangan joyga 1 soat oldin kelish muhimligini eslatdi.

Eslatib o‘tamiz, avvalroq yuridik litsey bitiruvchilarini test sinovisiz o‘qishga qabul qilish tartibi belgilangan edi.

Qozog‘iston aviatashuvchisi FlyArystan kompaniyasi Atirau – Toshkent yo‘nalishida to‘g‘ridan to‘g‘ri xalqaro aviareyslarni yo‘lga qo‘ymoqda. Bu haqda kompaniya matbuot xizmati xabar berdi.

Aviakompaniyaning ma’lum qilishicha, Atiraudan Toshkentga to‘g‘ridan to‘g‘ri parvozlar tadbirkorlar, talabalar va sayyohlar orasida katta talabga ega.

«Toshkent — bu madaniy merosi, boy tarixiy arxitekturasi, bog‘lari va hordiq chiqarish maskanlari bilan ajralib turadigan shahar. U oilaviy sayohatlar uchun ham juda mos», – deyiladi bayonotda.

Mazkur yo‘nalishdagi qatnovlar 15-iyuldan boshlab Airbus A320 samolyotlarida amalga oshiriladi. Rejslar haftasiga uch marta yo‘lga qo‘yiladi:

Chilining Atakama cho‘lida joylashgan xalqaro ObsTech observatoriyasida Qozog‘istonning eng yirik teleskopi ishga tushirildi. Bu haqda Astana times nashri xabar berdi.

Loyiha V.G. Fesenkov nomidagi Astrofizika instituti tomonidan ishlab chiqilgan bo‘lib, uni ishga tushirishga 7 yil vaqt sarflandi. Teleskop xalqaro ilmiy hamkorlik doirasida Chilining Santyago universiteti bilan birgalikda amalga oshirilgan.

Yangi teleskopning asosiy afzalliklaridan biri — janubiy yarim sharning yulduzli osmonini kuzatish imkoniyatidir. Bu obyektlar Qozog‘istondan ko‘rinmaydi, chunki ular doimiy gorizont ostida joylashgan. Teleskop 1 metrli asosiy oyna bilan jihozlangan bo‘lib, bu uni Atakamadagi eng yirik ilmiy asbobga aylantiradi.

ObsTech observatoriyasi vakili Ivan Ossandonning aytishicha, markazda 140 ga yaqin teleskop...

SpaceX kompaniyasi 13-iyul kuni tongda Florida shtatidagi Kanaveral burnidagi SLC-40 maydonchasidan Falcon 9 raketasini muvaffaqiyatli uchirdi.

Mahalliy vaqt bilan soat 01:04 da (Toshkent vaqti bilan 10:04) amalga oshirilgan parvoz Commercial GTO-1 missiyasi doirasida bo‘lgan. Raketa noma’lum foydalanuvchiga tegishli foydali yukni orbitaga olib chiqdi.

SpaceX yuk haqida rasmiy ma’lumot bermagan. Ammo NextSpaceflight manbasiga ko‘ra, Falcon 9 raketasi orbitaga Isroilning Israel Aerospace Industries (IAI) kompaniyasi tomonidan ishlab chiqilgan Dror-1 nomli aloqa sun’iy yo‘ldoshini olib chiqqan.

Ushbu to‘rt tonnalik qurilma ilg‘or raqamli aloqa tizimlari bilan jihozlangan. U «kosmik smartfon» funksiyalariga ega ekanligi aytilmoqda. Qurilma 15 yilgacha xizmat qilishi rejalashtirilgan va...

O‘zbekiston futbol assotsiatsiyasi Germaniyaning taniqli murabbiyi Yoaxim Lev bilan muzokaralar olib bormoqda. U milliy terma jamoa bosh murabbiyi bo‘lishi mumkin. Bu haqda Championat.Asia xabar bermoqda.

Ma’lumot uchun, 65 yoshli Lev Germaniya terma jamoasini 2014-yilda jahon chempioniga aylantirgan. O‘sha yili FIFA uni dunyoning eng yaxshi murabbiyi deb e’lon qilgan. Lev 2021-yil mart oyida Germaniya terma jamoasidan ketgan va shundan beri hech qayerda ishlamagan.

Hozirda O‘zbekiston terma jamoasi bosh murabbiyi Timur Kapadze hisoblanadi. U Srеchко Katanets ketganidan so‘ng vaqtincha jamoani boshqarmoqda. Hozircha Kapadze bilan tuzilgan shartnoma uzaytirilmagan.

Eslatib o‘tamiz, Kursiv Uzbekistan nashri O‘zbekiston FIFA reytingida 2 pog‘ona yuqorilagani haqida yozgan...

Samsung yangi planshetlari Galaxy Tab S11 va Galaxy Tab S11 Ultrani sentabrda taqdim etishi kutilmoqda. Bu haqda ITHome texnologiyalar nashri xabar bermoqda.

Samsung South Africa rahbari yangi planshetlar odatdagi jadval asosida chiqarilishini qayd etdi.

Avvalgi Galaxy Tab S10 seriyasi 2024-yil sentabrda chiqqan. Shuning uchun Galaxy Tab S11 ham shu vaqtda namoyish qilinishi kutilmoqda.

Yangi seriyada faqat ikkita model bo‘ladi — S11 va S11 Ultra. Plus modeli chiqarilmaydi. Shuningdek, Galaxy S26 smartfonlar seriyasida ham Plus versiyasi bo‘lmaydi.

Avvalroq kompaniya Galaxy Z Fold7, Z Flip7 va Z Flip7 SE sotuvga chiqargan edi.

Eslatib o‘tamiz, Kursiv Uzbekistan nashri Samsung Galaxy S26 Ultra...

G‘azoda otashkesim bo‘yicha muzokaralar boshi berk ko‘chaga kirib qoldi. Bu haqda Reuters agentligi xabar bermoqda. Yordam olishga uringan 17 kishi o‘ldirildi.

Muzokaralarda qatnashayotgan Isroil va Falastin manbalariga ko‘ra, tomonlar Isroil armiyasining G‘azodan qay darajada chiqib ketishi masalasida kelisha olmagan.

AQSh taklif qilgan 60 kunlik sulh bo‘yicha Doha shahrida muzokaralar bir haftadan beri davom etmoqda. Donald Tramp bu reja bo‘yicha yaqin kunlarda muzokarada siljish bo‘lishiga umid bildirdi.

Ammo G‘azoda ahvol og‘ir. Shanba kuni Isroil askarlari yordam olish uchun to‘plangan odamlarga qarata o‘q uzdi. Bu so‘nggi olti hafta ichida AQSh qo‘llovidagi yordam taqsimoti atrofida sodir bo‘lgan navbatdagi otishmadir. BMT ma’lumotiga ko‘ra...

Amerikaning Lucid Motors kompaniyasining Lucid Air elektromobili bir zaryad bilan 1205 kilometr yo‘l bosib o‘tdi. Bu natija Ginnesning rekordlar kitobiga kiritildi. Bu haqda kompaniya rasmiy sahifasida ma’lum qildi.

Rekord Shveysariyaning Sen-Morits shaharchasidan boshlanib, Germaniyaning Myunxen shahrigacha bo‘lganYevropa avtoprobegi chog‘ida qayd etildi. Yo‘l marshruti murakkab tog‘li serpantinlardan, to‘g‘ri va tezkor harakat uchun mo‘ljallangan avtobanlargacha bo‘lgan turli yo‘l turlarini qamrab oldi.

Bu esa testni real hayotga maksimal darajada yaqinlashtirdi va mashinaning barcha sharoitlardagi samaradorligini sinovdan o‘tkazdi.

Lucid Air Grand Touring modeli ishlab chiqaruvchining texnik hujjatlarida bir zaryad bilan 960 kilometr bosib o‘tishi ko‘rsatilgan. Biroq ushbu real sinovda mashina rasmiy ko‘rsatkichdan...

AQSh Davlat departamentida mingdan ortiq xodim Tramp administratsiyasi tomonidan maqsadida majburiy ravishda ishdan bo‘shatildi. Bu haqda BBC nashri xabar berdi.

Unga ko‘ra, 1 107 fuqaro xizmati va 246 xorijiy xizmat vakillari o‘z ish joyidan ayrildi. Bu haqda juma kuni xodimlarga yuborilgan rasmiy bildirishnomada ma’lum qilingan.

Yil boshida yana 1 500 dan ortiq xodim o‘z ixtiyori bilan ishdan ketgan edi. Bu barcha harakatlar Tramp ma’muriyati tomonidan federal hukumatni optimallashtirish maqsadida amalga oshirilmoqda.

Ammo tanqidchilar fikricha, bunday keng miqyosdagi qisqartirishlar AQShning tashqi siyosatdagi roli va samaradorligiga jiddiy zarar yetkazadi. Xususan, Qochqinlar va migratsiya byurosida ishlagan deyarli barcha fuqarolik xodimlari ishdan bo‘shatilgan...