Yangiliklar

AQSh prezident Donald Tramp 43 kun davom etgan hukumat yopilishini yakunlovchi budjet qonunini imzoladi. Ushbu qaror Vakillar palatasi tomonidan 222–209 ovoz bilan ma’qullandi, deya xabar bermoqda Reuters.

Unga ko‘ra, qonun federal xodimlarning ishga qaytishini ta’minlaydi. Ular 13-noyabrdan boshlab ishga chaqiriladi, biroq davlat xizmatlarining to‘liq tiklanishi qanchalik tez amalga oshishi hozircha noma’lum. Moliyalashtirish 2026-yil 30-yanvargacha uzaytiriladi.

Shatdaun aviaqatnovlar va oziq-ovqat yordami kabi muhim xizmatlarga jiddiy ta’sir qildi. Shuning uchun ularning tiklanishi sayohat va iste’mol mavsumiga ijobiy ta’sir ko‘rsatishi kutilmoqda. Shu bilan birga, asosiy statistik agentliklarning ma’lumotlari qayta taqdim etilishi iqtisodiy ko‘rsatkichlarni baholash imkonini beradi.

Oq uy ba’zi hisobotlar — xususan...

Samsung kompaniyasi yangi Galaxy A37 smartfoni ustida ishlamoqda. Bu haqda Sammobile nashri xabar berdi. Kompaniya serverlarida ushbu modelga oid smartfonning ichki dasturiy ta’minoti paydo bo‘lgan.

Samsung Galaxy A36 2025-yil mart oyida taqdim etilgan edi. Yaqinda AQSh operatorlari uchun A376USQU0AYK3 raqamli ilk dasturiy ta’minot serverlarga yuklangani A37 borasidagi ma’lumotlarni yanada oydinlashtirgan.

Galaxy A37 qachon chiqishi hozircha aniq emas. Ammo Samsung odatda o‘z A-seriyasi modellarini bahor faslida yangilaydi. Shu bois yangi modelning 2026-yil mart oyida taqdim etilishi eng ehtimoliy sanalardan biri bo‘lib turibdi. Shuningdek, kompaniya Galaxy A37’ni o‘rta sinfning Galaxy A57 modeli bilan birga taqdim etishi kutilmoqda.

Eslatib o‘tamiz, Kursiv...

Adliya vazirligi tomonidan «Bank hisobvaraqlarini ochish, yuritish va yopish tartibi to‘g‘risidagi yo‘riqnoma»ga o‘zgartish va qo‘shimchalar kiritish haqidagi qaror davlat ro‘yxatidan o‘tkazildi. Bu haqda vazirlik matbuot xizmati ma’lum qildi.

Yangi tartibga ko‘ra, mijozlar endilikda eskrou hisobvaraqlarini ochish imkoniga ega bo‘ldi. Bu turdagi hisobvaraqlar elektron savdo maydonlarida, ulushli shartnomalar va boshqa bitimlarda qo‘llaniladi.

Bank hisobvaraqlarini ochish uchun endi mijozlar shaxsni tasdiqlovchi hujjatlarni yoki o‘zini o‘zi band qilgan shaxs to‘g‘risidagi ma’lumotnomani my.gov.uz yoki «Ijtimoiy karta» ilovasi orqali elektron shaklda taqdim etishi mumkin.

Shuningdek, norezident jismoniy shaxslar ilgari shu bankda hisobvaraq ochgan bo‘lsa, yangi hisobvaraqni masofadan turib ham ochish huquqiga ega.

Endilikda...

O‘zbekistonda «Narkotiklarga qarshi kurashish fidoyisi» ko‘krak nishoni joriy etildi. Bu haqda Adliya vazirligi ma’lum qildi.

Mazkur nishon narkotik va narkojinoyatlarga qarshi kurashda faol ishtirok etgan, ayniqsa yoshlar orasidan chiqqan fidoyi fuqarolarga beriladi. Nomzodlar ro‘yxati har yili 1-mayga qadar prezident Administratsiyasi huzuridagi Narkotiklar va o‘qotar qurollarni nazorat qilish agentligiga taqdim etiladi.

Ko‘krak nishoni, odatda, 26-iyun — Xalqaro giyohvandlikka qarshi kurash kuni arafasida tantanali tarzda topshiriladi. Bir fuqaro ushbu nishon bilan faqat bir marta mukofotlanadi. Ma’lumot uchun, nishon davlat mukofotlaridan keyin ko‘krakning chap tomoniga taqiladi.

Eslatib o‘tamiz, avvalroq «Kelajak merosi» xalqaro mukofoti ta’sis etilgani haqida yozgan edik.

13-noyabr kuni O‘zbekiston hududida havo o‘zgaruvchan bo‘ladi, yog‘ingarchilik kutilmaydi. Harorat kechasi 0–8° iliq, kunduzi 12–22° iliq bo‘ladi, deya xabar bermoqda «O‘zgidromet» agentligi.

Quyida ob-havo ma’lumoti viloyatlar kesimida:

Xitoyning Wuling kompaniyasi yangi yetti o‘rinli miniveni – Xingguang 730 ni taqdim etdi. Bu haqda ITHome nashri ma’lum qildi.

Unga ko‘ra, miniven benzin, gibrid va elektromobil versiyalarida mavjud bo‘lib, narxi 73 ming yuandan ($10,2 mingdan ziyod) boshlanadi.

Benzinli versiyada 1,5 litrli turbo dvigatel va mexanik yoki variator uzatmalar qutisi mavjud. Gibrid versiya Lingxi Power 3.0 tizimi bilan jihozlangan, maksimal masofa 1100 km, yoqilg‘i sarfi 5,3 l/100 km. Elektromobil versiyasining batareyasi 60 kVt·soat sig‘imli bo‘lib, bir zaryad bilan 500 km yuradi va tashqi elektr jihozlarini quvvatlantirish imkoniyati mavjud.

Salonda 12,8 dyuymli ekran, 360° ko‘rish tizimi, 50 Vt quvvatli simsiz smartfon...

Shavkat Mirziyoyev 12-noyabr kuni Turkiy davlatlar tashkiloti Oqsoqollar kengashi raisi Binali Yildirimni qabul qildi. Bu haqda davlat rahbari matbuot xizmati ma’lum qildi.

Uchrashuvda Turkiya prezidenti Rejep Tayyip Erdog‘anning salomlari va ezgu tilaklari yetkazildi. Muloqotda tashkilot doirasidagi hamkorlikni kengaytirish, ko‘p tomonlama tashabbuslarni muvofiqlashtirish va ilgari surish masalalari muhokama qilindi. Joriy yilda Budapesht va Gabala shaharlarida o‘tgan sammitlarda O‘zbekistonning strategik takliflari alohida e’tiborga olingan.

Mirziyoyev Oqsoqollar kengashining institutsional salohiyatini mustahkamlash va turkiy xalqlarning madaniy merosi hamda milliy an’analari birligini saqlash bo‘yicha qo‘shma loyihalarni amalga oshirish uchun «Yo‘l xaritasi» ishlab chiqishni taklif qildi.

Eslatib o‘tamiz, avvalroq prezident UNESCOning yangi bosh direktori bilan...

Toshkentda «O‘ztemiryo‘lkonteyner» AJ va Hindistonning «ABS Logistics» kompaniyasi o‘zaro anglashuv memorandumini imzoladi. Bu haqda «O‘zbekiston temir yo‘llari» AJ ma’lum qildi.

Hamkorlik xalqaro multimodal tashishlarni rivojlantirish, yangi logistika yo‘nalishlarini ochish va konteyner aylanmasini oshirishga qaratilgan. Shuningdek, tomonlar yuk oqimlarini diversifikatsiya qilish, zamonaviy infratuzilmani rivojlantirish va raqamli yechimlarni joriy etish borasida hamkorlikni kengaytirishni rejalashtirdi.

Eslatib o‘tamiz, avvalroq O‘zbekiston va Coursera raqamli ta’lim bo‘yicha hamkorlik qilishi haqida xabar bergan edik.

Shavkat Mirziyoyev 12-noyabr kuni BMTning Ta’lim, fan va madaniyat masalalari bo‘yicha tashkiloti (UNESCO) bosh direktori lavozimiga saylangan Holid al-Ananiyni qabul qildi. Bu haqda davlat rahbari matbuot xizmati ma’lum qildi.

Samarqandda o‘tgan UNESCO Bosh konferensiyasining 43-sessiyasi yakunlari hamda O‘zbekiston va tashkilot o‘rtasidagi hamkorlik istiqbollari muhokama qilindi.

Prezident Holid al-Ananiyni saylovdagi g‘alabasi bilan tabriklab, unga muvaffaqiyatlar tiladi. O‘z navbatida, yangi bosh direktor O‘zbekistonda o‘tkazilgan tadbirning yuqori saviyada tashkil qilinganini e’tirof etdi.

Tomonlar UNESCO bilan hamkorlikni yanada faollashtirish va prezident ilgari surgan strategik tashabbuslarni birgalikda amalga oshirishga tayyorliklarini bildirdi.

Eslatib o‘tamiz, avvalroq Mirziyoyev va Putin telefon orqali muloqot qilgan edi.

Shavkat Mirziyoyevga inflyatsiyani jilovlash va makroiqtisodiy barqarorlikni mustahkamlash yuzasidan amalga oshirilayotgan ishlar hamda 2026-yil uchun rejalashtirilgan vazifalar haqida ma’lumot berildi. Bu haqda davlat rahbari matbuot xizmati ma’lum qildi.

Ta’kidlanishicha, ichki bozorni to‘yintirish va narx oshishiga ta’sir qiluvchi omillarni kamaytirish natijasida barqaror iqtisodiy o‘sish saqlanib qolmoqda. Yillik inflyatsiya darajasi 2024-yilda 10,2 foizdan 2025-yilda 7,8 foizgacha pasaygan. 2026-yilda bu ko‘rsatkichni 7 foizgacha tushirish, 2027-yilda esa 5 foiz atrofida ushlab turish rejalashtirilgan.

Kelgusi yilda banklar agrar tarmoq, oziq-ovqat sanoati va xizmat ko‘rsatish sohasidagi loyihalarni faol moliyalashtiradi. Shuningdek, oziq-ovqat mahsulotlari narxlarining barqarorligini ta’minlash bo‘yicha qo‘shimcha choralar ko‘riladi.

Iqtisodiy o‘sishni qo‘llab-quvvatlash maqsadida 2026-yilda tijorat...

O‘zbekistonda islohotlarning hozirgi sur’ati 2018-yildagidek keskin emas, ammo bu tabiiy jarayon. Mamlakat endi barqaror rivojlanish bosqichiga o‘tmoqda. Bu haqda Xorijiy investitsiyalarni jalb etish agentligi direktori Mansurjon Rasulev «O‘zbekiston va xalqaro aksiyadorlik kapital bozorlari 2025» konferensiyasida aytdi. Tadbir 12 – 13-noyabr kunlari Toshkentda bo‘lib o‘tmoqda.

Islohotlar endi «inqilob» emas, «evolyutsiya» yo‘lida

Rasulev ta’kidlashicha, 2017 – 2018-yillar mamlakat tarixida tezkor qarorlar va tub o‘zgarishlar davri bo‘lgan. Aynan o‘sha yillarda O‘zbekiston milliy valyuta bozorini liberallashtirdi, soliq tizimini isloh qildi va biznes uchun ko‘plab to‘siqlarni olib tashladi.

«2018-yildagi islohotlar sur’ati asta-sekin chuqur o’zgarishlar bosqichiga o’tmoqda. O‘sha paytda biz milliy...

Moody’s Ratings xalqaro reyting agentligi UzAuto Motors barqaror reytingni saqlanib qolganini ma’lum qildi.

Agentlik kompaniyaga berilgan «BA3» darajadagi korporativ reyting (CFR)ni hamda «B1» darajadagi asosiy kredit bahosini (BCA) qayta tasdiqladi.

Moody’s izohiga ko‘ra, UzAuto Motors tomonidan chiqarilishi rejalashtirilayotgan yangi besh yillik xalqaro obligatsiyalar kompaniyaning likvidlik salohiyatini yaxshilashi kutilmoqda. Ushbu mablag‘lar hisobidan UzAuto xalqaro va mahalliy bank qarzlarini to‘lashi kutilmoqda. Shuningdek, kompaniya 2026-yil may oyida muddati tugaydigan $300 mln miqdoridagi Eurobondni qayta moliyalashtirish niyatida.

UzAuto Motorsning hozirgi holati

2025-yilning iyuniga qadar bo‘lgan 12 oy ichida kompaniya 378 ming dona avtomobil ishlab chiqargan, $4 mlrd daromad va...

Toshkent xalqaro aeroportining kelish zalida E-Gate avtomatlashtirilgan pasport nazorati tizimi ishga tushirildi. Bu haqda Uzbekistan Airports ma’lum qildi.

Yangi tizim O‘zbekiston fuqarolari uchun mo‘ljallangan sakkizta elektron yo‘lakdan iborat. Bunda yo‘lovchilar biometrik pasportlarini skanerga qo‘yib, Face ID orqali shaxsini tasdiqlaydi. Jarayon atigi 15 – 20 soniya davom etadi.

E-Gate tizimi ilk bor 2023-yilda aeroportning jo‘nab ketish zalida o‘rnatilgandi. Endi poytaxt aeroportida bunday avtomatlashtirilgan yo‘laklar soni 20 taga yetdi.

Ta’kidlanishicha, yangi texnologiya pasport nazoratidan o‘tish vaqtini qisqartiradi, punktlarning o‘tkazuvchanligini oshiradi va yo‘lovchilarga qulaylik yaratadi.

Avvalroq Toshkent aeroportida yangilangan uchib kelish zali ishga tushgani xabar qilingandi. Zal fasadi 2200 kvadrat metrga kengaytirilib...

Xitoyning China Datang kompaniyasi Bo‘ka tumanida yangi stansiya qurish bo‘yicha O‘zbekiston bilan bitim imzoladi. Bu haqda Energetika vazirligi xabar berdi.

Kompaniya O‘zbekistonda qayta tiklanuvchi energiya manbalarini rivojlantirishda faol ishtirok etmoqda. Xususan, Toshkent viloyatining Bo‘ka tumanida 263 MVt quvvatga ega quyosh fotoelektr stansiyasi ishga tushirilgani qayd etildi.

Mazkur «yashil» stansiya hozirda barqaror elektr energiyasi ishlab chiqarmoqda. Loyiha natijasida yiliga 575 million kVt·soat elektr energiya ishlab chiqarilib, 154 million kub metr tabiiy gaz tejalmoqda.

Shuningdek, China Datang kompaniyasi O‘zbekistonda kadrlar salohiyatini oshirish maqsadida Bo‘ka tumanidagi quyosh stansiyasi negizida Energetika sohasida innovatsion texnologiyalar bo‘yicha qo‘shma ilmiy-tadqiqot markazi tashkil etmoqda.

Shu bilan birga...

11-noyabr kuni Akram Imomog‘liga qarshi ayblov xulosasi e’lon qilindi. Prokuratura uni 142 band bo‘yicha ayblab, 2430 yil ozodlikdan mahrum etish jazosini so‘radi. Bu haqda «Anadolu» xabar berdi.

Ayblovga ko‘ra, Imomog‘li davlat tenderlarida til biriktirish, moliyaviy firibgarlik, pul yuvish, soxta hujjatlar tayyorlash va jinoiy tashkilot tuzishda ayblanmoqda. Istanbul bosh prokuraturasi hisob-kitobiga ko‘ra, bu jinoyatlar oqibatida davlatga 3,27 milliard yevro va 20,7 million yevro miqdorida zarar yetkazilgan.

Imomog‘li shu yilning mart oyida hibsga olingan bo‘lib, hozirda Silivri tumanidagi Marmara qamoqxonasida saqlanmoqda. U bilan birga 402 nafar gumonlanuvchi hibsga olingan, ular orasida uning yaqin siyosiy hamkorlari ham bor. Prokuratura ta’kidicha, Imomog‘li o‘z...

Migratsiya agentligining vakolatlarini aniqlashtirish, xususiy bandlik agentliklarining faoliyat doirasini kengaytirish hamda ish vaqtidan tashqari mehnat uchun to‘lov tizimini takomillashtirishga qaratilgan yangi qonun qabul qilindi.

Unga ko‘ra, xususiy bandlik agentliklariga ish qidirayotgan shaxslarni kasb-hunar va chet tillarga o‘qitish bo‘yicha o‘quv kurslarini tashkil etish huquqi beriladi. Shuningdek, ushbu jarayonga xorijlik ish beruvchilarni ham jalb etish imkoniyati yaratiladi. Agentliklar endilikda zaxira mablag‘larini tijorat banklaridagi depozitlarga joylashtirib, olingan foiz daromadlarini mustaqil tasarruf etish huquqiga ega bo‘ladi.

Mehnat kodeksiga kiritilgan o‘zgartirishlarga muvofiq, endilikda ish vaqtidan tashqari ishning yil davomida 120 soatdan oshmasligi haqidagi talab bekor qilindi.

Shu bilan birga, ish vaqtidan tashqari mehnat...

2026-yilda Toshkent metrosi uchun qo‘shimcha 56 dona zamonaviy vagon xarid qilinadi. Toshkent metropoliteni metrodagi tig‘izlik muammolari haqidagi xabarlarga munosabat bildirdi.

Unga ko‘ra, hozirda poytaxt metrosida 75 ta poyezd qatnamoqda. Metroda harakatlanuvchi yo‘lovchilar soni esa kuniga bir milliondan oshgan. Shu bois tig‘iz soatlarda poyezdlar harakat oralig‘i qisqartirilgan. Masalan, Chilonzor yo‘nalishida interval 5 daqiqadan 1,5 daqiqagacha, O‘zbekiston yo‘nalishida 6 daqiqadan 3 daqiqagacha tushirilgan.

«Toshkent metropoliteni» DUK ushbu oraliq intervallarining reja asosida amalga oshirilishi uchun yo‘lovchilardan metro qoidalariga amal qilishlarini so‘radi.

«Harakatlanish vaqtida o‘zaro hurmatni saqlash, poyezd ichidagi yo‘lovchilar chiqib ketguniga qadar kirish uchun vagon eshiklari oldida...

Osiyo taraqqiyot banki (OTB) O‘zbekistonga mikro, kichik va o‘rta korxonalarni, ayollar boshqaruvidagi bizneslarni qo‘llab-quvvatlash hamda mikromoliyaviy sektorni rivojlantirish maqsadida $300 million miqdorida mablag‘ ajratadi. Bu haqda tashkilot axborot xizmati xabar berdi.

Ma’lum qilinishicha, mablag‘ning $100 millioni imtiyozli shartlarda beriladi. Loyiha mikromoliyaviy sektorni rivojlantirish, kreditlash qoidalarini takomillashtirish hamda ayollar tadbirkorligini moliyalashtirish xalqaro kodeksiga qo‘shilishni o‘z ichiga oladi. Shuningdek, islomiy mikromoliyalashtirish uchun huquqiy asos yaratish rejalashtirilgan.

OTBning O‘zbekistondagi vakolatxonasi rahbari Kanokpan Lao-Araiya bu dastur o‘zini o‘zi band qilgan shaxslar va mikro tadbirkorlar uchun yangi moliyaviy imkoniyatlar ochishini, gender tengligini rag‘batlantirishini va iste’molchilar huquqlarini himoya qilishni kuchaytirishini ta’kidladi.

AQSh Turkiyadan Rossiya neftini xarid qilmaslikka chaqirdi. Bu haqda AQSh vitse-prezidenti Jey Di Vens va davlat kotibi Marko Rubio Turkiya tashqi ishlar vaziri Hakan Fidan bilan o‘tkazilgan uchrashuvdan so‘ng ma’lum qilgan.

Ta’kidlanishicha, AQSh rasmiylari bu chorani Ukraina urushini to‘xtatishga ko‘maklashish maqsadida ko‘rmoqda. Ularning fikricha, Rossiyadan energiya sotib olish Moskvaning urush xarajatlarini qoplash imkonini kengaytiradi. Shuning uchun AQSh Rossiya neft va gaziga bo‘lgan talabni kamaytirish orqali bosimni kuchaytirishni istamoqda.

Turkiya esa Rossiyadan neft sotib oluvchi uchinchi yirik mamlakat. Bu borada faqat Xitoy va Hindistondan keyingi o‘rinda turadi. Bloomberg ma’lumotlariga ko‘ra, Turkiya neftni qayta ishlash zavodlari AQSh tomonidan Rossiyaning ikki...

Bugungi kunda smartfonlarsiz hayotni tasavvur qilish qiyin. Ammo hammada ham qimmat telefon sotib olish imkoniyati yo‘q. Arzon narxda ham sifatli, zamonaviy va ishonchli telefonlar topish mumkin. Quyidagi maqolada 100 dollargacha bo‘lgan eng yaxshi android smartfonlari haqida so‘z boradi.

NUU N10

NUU N10 $100 dan kam narxda taqdim etilayotgan eng kuchli Android smartfonlardan biridir. Uning 6,6 dyuymli HD+ ekrani 90 Hz yangilanish tezligiga ega. Bu imkoniyat ko‘rish tajribasini yanada qulay qiladi. Telefon Android 14 tizimida ishlaydi va Gemini funksiyasini qo‘llab-quvvatlaydi. Ichki xotirasi 128 GB bo‘lib, bu narxdagi telefonlar orasida juda kam uchraydigan ko‘rsatkich. Bundan tashqari, microSD orqali xotirani...

Qozog‘istonda jami 293 million kub metrdan ortiq radioaktiv chiqindi saqlanayotgani ma’lum qilindi. Bu haqda Atom energiyasi agentligi raisi o‘rinbosari Gumar Sergazin parlament quyi palatasi majlisdagi muhokama chog‘ida ma’lum qildi, deb xabar bermoqda Tengrinews.kz.

Uning so‘zlariga ko‘ra, chiqindilarning asosiy qismi 290 million kub metri past darajadagi radioaktiv materiallardan iborat bo‘lib, ular asosan Semipalatinsk yadroviy poligoni hududida to‘plangan. Bu yerda yillar davomida ifloslangan tuproq yig‘ilib, maxsus joylarda saqlanmoqda.

Qolgan qismi esa o‘rta va yuqori darajadagi radioaktiv chiqindilar bo‘lib, ular Milliy yadro markazi, Yadro fizikasi instituti, Ulba metallurgiya zavodi hamda Stepnogorsk kon-kimyo kombinati kabi yirik korxonalardan chiqmoqda. Shuningdek, Oqtov shahridagi Qo‘chqoq-ota...

13-noyabr uchun valyuta kurslari e’lon qilindi. Shu kun uchun AQSh valyutasi 11 972,35 so‘m (-17,65 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

So‘nggi besh kun ichida dollar kursida pasayish ustun bo‘ldi. 6-noyabr kuni 11 970,67 so‘m (+20.04 so‘m), 7-noyabr kuni 12 022,92 so‘m (+52,25 so‘m), 10-noyabrda esa 12 060,27 so‘m (+37,35 so‘m) etib belgilangan edi. 11-noyabr kuni dollar 12 014,94 so‘mga (-45,33 so‘m), 12-noyabr kuni esa 11 990,00 so‘mga (-24,94 so‘m) tenglashdi.

Markaziy bank ma’lumotlariga ko‘ra, yevro 14,43 so‘mga tushib, 13 852,01 so‘mni, rubl esa 0,03 so‘mga tushib, 147,52 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga oshgani...

Qurilish va uy-joy kommunal xo‘jaligi vazirligi Toshkentda to‘qqiz mingdan ortiq liftlarning nosozligi haqida tarqalayotgan xabarlar asossizligini bildirdi.

Unga ko‘ra, hozir Toshkent shahrida 3,2 mingta ko‘p kvartirali uydagi 9,1 mingta liftdan 1,8 mingtasining xizmat muddati tugagan. Ularni 2025 – 2028-yillar davomida bosqichma-bosqich yangilash rejalashtirilgan. Joriy yilda esa 452 ta liftni yangilash ishlari yakunlanadi.

Shu bilan birga, barcha liftlar har yili majburiy texnik ko‘rikdan o‘tkaziladi. Vazirlikka ko‘ra, bu jarayonda aniqlangan kamchiliklar lift nosoz degani emas. Bu xavfsizlikni ta’minlash uchun o‘tkaziladigan profilaktik tekshiruv.

Bundan tashqari, joriy yil 1-maydan boshlab «Xavfsiz lift» elektron platformasi ishga tushirilgan bo‘lib, u orqali liftlarning holatini real vaqt...

Samarqand shahrida yangidan ochilishi rejalashtirilgan bolalar kutubxonasida ko‘zi ojiz va zaif ko‘ruvchi bolalar uchun maxsus audiofond tashkil etiladi. Bu haqda Prezident administratsiyasi rahbari Saida Mirziyoyeva ma’lum qildi.

Uning so‘zlariga ko‘ra, kutubxona 1911-yilda qurilgan tarixiy binoda joylashadi. Binoda restavratsiya ishlari olib borilib, uning madaniy o‘ziga xosligi va davr ruhi saqlab qolinadi.

«Ushbu dargoh bolalar, oʻsmirlar, ularning ota-onalari va ustozlari uchun chinakam ijodiy maskanga aylanadi. Loyihada inklyuzivlikka alohida e’tibor qaratilgan: koʻzi ojiz va zaif koʻruvchi bolalar uchun audiofond tashkil etish rejalashtirilgan», – deydi Mirziyoyeva o‘z sahifasida.

Kutubxona fondi o‘zbek, ingliz va rus tillarida jami 120 ming jild...