Yangiliklar

Prezidentning «Bolalarni ijtimoiy himoya qilish tizimini yanada takomillashtirish chora-tadbirlari to‘g‘risida» Farmoni qabul qilindi.

2025-yil 1-martdan boshlab, yolg‘iz ona yoki ota uchun bolalari 3 yoshga to‘lguniga qadar bog‘chaga borishi uchun har bir bola uchun 1,5 BHMgacha (562 ming 500 so‘mgacha) moddiy yordam ajratiladi.

Egizak farzandlari bo‘lgan ota-onalarga bu yordam har bir bola uchun alohida to‘lanadi. Shuningdek, hujjatga ko‘ra 30-yoshga to‘lgan fuqarolarga oilaviy bolalar uyini tashkil etishga ruxsat beriladi, endilikda buning uchun oilaning to‘liq tarkibda bo‘lishi talab qilinmaydi.

Bundan tashqari, homilador ayollar va yosh bolali onalar uchun «Onalar maskani» xizmati yo‘lga qo‘yiladi. Bu xizmat orqali ular vaqtinchalik boshpana, huquqiy, tibbiy va...

2025-yilda rivojlangan iqtisodiy mamlakatlarda 200 mingdan ortiq o‘zbekistonlik fuqarolarni ish bilan ta’minlash rejalashtirilmoqda. Bu haqda O‘zbekiston bosh vaziri Abdulla Aripov ma’lum qildi.

Unga ko‘ra, o‘zbekistonliklar Buyuk Britaniya, Kanada, BAA, Janubiy Koreya va Yaponiya kabi jami 21 davlatda mehnat faoliyatini boshlashi mumkin. Hukumat kelajakda fuqarolarni chet elda ishlash uchun tayyorlash maqsadida maxsus o‘quv dasturlarini tashkil etishni rejalashtirmoqda.

Eslatib o‘tamiz, avvalroq Mirziyoyev Rossiya bosh prokurori bilan noqonuniy migratsiya masalasini muhokama qilgan edi.

Joriy yilning 29-noyabridan 1-dekabriga qadar Milliy kino san’ati saroyida (Panorama) IX Yevropa kinofestivali bo‘lib o‘tadi. Tadbir O‘zR Madaniyat vazirligi huzuridagi Kinematografiya agentligi hamda Yevropa Ittifoqining O‘zbekistondagi delegatsiyasi ko‘magida tashkil etiladi.

Festival Yevropa Ittifoqi va O‘zbekiston o‘rtasidagi hamkorlikning 30 yilligi doirasida madaniy muloqot va do‘stlik ramzi sifatida o‘tkaziladi.

Festival dasturi
Festival davomida turli janrlardagi filmlar, jumladan, drama, komediyalar va hujjatli filmlar namoyish etiladi. Hujjatli filmlar har kuni soat 14:00 da namoyish qilinib, texnologiya, urush oqibatlari va inson matonati kabi mavzularni yoritadi.

29-noyabr

Ilon Maskning Neuralink kompaniyasi oʻz ishlab chiqargan miya chiplarini Kanadada klinik sinovdan oʻtkazishi haqida ma’lum qildi. Bu AQShdan tashqaridagi birinchi sinov boʻladi, deb xabar berdi Bloomberg agentligi.

Sinovlarning muddati hozircha aniqlanmagan boʻlsa-da, Kanadaning University Health Network klinikasi sinov uchun joy sifatida belgilandi. Mahalliy nazorat organlari bilan kelishuvga erishildi. Hozirda Neuralink kompaniyasi bosh miyaning lateral amiotrofik sklerozi tashxisi qoʻyilgan bemorlarni sinovda ishtirok etish uchun jalb etmoqda.

Maskning ta’kidlashicha, kompaniyaning maqsadi miya kasalliklarini davolash uchun moʻljallangan qurilmalarni yaratish, kelajakda esa insonni takomillashtirishdir.

Avvalroq Kursiv Uzbekistan Neuralink tomonidan bemorga birinchi miya chipi 2024-yil boshida o‘rnatilgani, ikkinchi xuddi shunday operatsiya avgust oyida o‘tkazgani...

Zarafshon hokimiyati va China Manor Spring kompaniyasi shahar yoshlari uchun xitoy tilini bepul o‘rgatish bo‘yicha memorandum imzoladi. Bu haqda UzA xabar berdi.

Loyiha 7-yoshdan 30-yoshgacha bo‘lgan zarafshonliklarni xitoy tiliga o‘qitishga qaratilgan. Memorandumni shahar hokimi Nazarbek Rahmonov va China Manor Spring kompaniyasi direktori Chjung Ping imzolagan.

Ma’lumot uchun, China Manor Spring Zarafshonda ro‘yxatdan o‘tgan bo‘lib, kompaniya foydali qazilmalar, jumladan, granit qazib olish bilan shug‘ullanadi.

Eslatib o‘tamiz, avvalroq «Kursiv» o‘zbekistonliklarni xorijda ishlash uchun xorijiy tillarga o‘rgatish rejalashtirilayotgani haqida xabar bergan edi.

Coindesk platformasi maʼlumotlariga koʻra, 22-noyabr kuni Bitkoin narxi Toshkent vaqti bilan soat 8:17 da tarixiy maksimal darajadan oʻtib, $99,3 mingdan oshdi.

Soat 10:06 da esa Bitkoinning narxi $98,8 mingni tashkil etdi. Kripto aktivning bozor kapitallashuvi $1,9 trln.dan oshdi.

Bitkoinning eng past savdo narxi $95,6 ming qiymatni tashkil qildi.

Avvalroq Kursiv Uzbekistan o‘tgan payshanba, 21-noyabr kuni bitkoin narxi qanday o‘zgargani haqida yozgan edi.

21-noyabr kuni Saudiya Arabistonining Flyadeal aviakompaniyasi Toshkentga birinchi reysini amalga oshirdi. Bu haqda Uzbekistan Airports ma’lum qildi.

Unga ko‘ra, bortida 320 nafar yo‘lovchi bo‘lgan samolyot Toshkent aeroportiga kechki soat 23:40 da qo‘ndi va an’anaga ko‘ra suv arkasi hamda gullar bilan kutib olindi.

Jidda – Toshkent yo‘nalishi bo‘yicha to‘g‘ridan-to‘g‘ri muntazam reyslar Airbus A330 samolyotlarida haftasiga besh marta, 1-dekabrdan esa har kuni amalga oshiriladi. Shuningdek, 15-dekabrdan boshlab Jiddadan Namanganga ham parvozlar yo‘lga qo‘yiladi.

Flyadeal Saudiya Arabistonining arzon narxlardagi havo tashuvchisi bo‘lib, qulay jadvallar va sifatli xizmatlarni taklif qiladi. Ushbu reyslar Saudiya Arabistoni va O‘zbekiston o‘rtasidagi aviaaloqalarni rivojlantirishda muhim qadam bo‘lishi kutilmoqda.

Kontraktatsiya ochilgan vaqtdan boshlab Cobalt avtomobili uchun yarim soat ichida, ya’ni 10:30 holatiga ko‘ra, savdo.uzavtosanoat.uz platformasida jami 6058 ta shartnomalar muvaffaqiyatli tuzilgan. Bu haqda UzAuto Motors matbuot xizmati ma’lum qildi.

UzAutoSavdo onlayn-savdo tizimi yetti mingga yaqin kiber hujumga uchragan. Ushbu vaqt oralig‘ida tizimda 279 mingdan ortiq faol seanslar va soniyasida 3,1 mingdan ortiq yangi seanslar qayd etildi. Ma’lumotlarni uzatish tezligi sekundiga 6000 Mbit.dan oshdi.

Ushbu davr mobaynida kompaniyaning Call-markazi tomonidan 300 dan ziyod murojaatlar qabul qilinib, ko‘rib chiqilgan.

Eslatib o‘tamiz, avvalroq Kursiv Uzbekistan Cobalt avtomobili uchun shartnoma ochilgani haqida xabar bergan edi.

Kia kompaniyasi Kia EV9 yo‘ltanlamas avtomobilining GT-versiyasini rasman taqdim qildi.

Mashina kuchaytirilgan elektr uzatmasiga ega bo‘lib, u ikki elektromotordan iborat va 508 ot kuchini taqdim etadi.

Yo‘ltanlamas 96,5 km/soat tezlikka 4,3 soniyada yetadi, bu esa Kia EV9 GT-Line AWD’ga nisbatan 0,7 soniyaga tezroq.

Shuningdek, avtomobil Continental shinalari bilan jihozlangan 21 dyuymli g‘ildiraklar mavjud bo‘lib, orqa avtomatik bloklanadigan differensial tizimga ega. Ya’ni EV9 GT nafaqat to‘g‘ri chiziqda, balki burilishlarda ham EV9 GT-Line AWD’ga nisbatan tezroq.

Kia EV9 GT’da Virtual Gear Shift texnologiyasi joriy qilingan. EV9 GT saloni yangi alkantara qoplamali sport o‘rindiqlari bilan jihozlangan.

Hozircha EV9 GT’ning...

Furqat va Beshyog‘och ko‘chalarida harakat 22-noyabrdan 10-dekabrga qadar cheklanadi. Bu haqda «Toshkent shahar elektr tarmoqlari» MCHJ matbuot xizmati ma’lum qildi.

Unga ko‘ra, Shayxontohur va Chilonzor tumanlarida 110 kV yuqori kuchlanishli yer osti elektr kabel tarmoqlarini o‘tkazish ishlari olib borilayotgani sababli Furqat ko‘chasining Beshyog‘och maydonidan Seul ko‘chasi kesishmasigacha bo‘lgan qismi va Beshyog‘och ko‘chasining Furqat, Afrosiyob hamda Islom Karimov ko‘chalari oralig‘idagi qismida harakat to‘xtatiladi.

Eslatib o‘tamiz, avvalroq haydovchilar uchun «Avto24» mobil ilovasi ishga tushirilgani haqida yozgan edik.

Joriy yilning 22-noyabr kuni soat 10:00 da Chevrolet Cobalt GX-STYLE AT PLUS va GX-MIDNIGHT AT avtomobillari uchun kontraktatsiya boshlandi.

Unga ko‘ra, savdo.uzavtosanoat.uz platformasi orqali shartnomalarni rasmiylashtirish mumkin. Shuningdek, shartnoma to‘lovi yetti kalendar kun ichida amalga oshirilishi kerak bo‘ladi.

Eslatib o‘tamiz, Telegram-bot hamda UzAvtosavdo ilovasi orqali navbatni kuzatish mumkin.

Eslatib o‘tamiz, avvalroq Kursiv Uzbekistan Chevrolet Cobalt mexanik uzatmali modeli sotuvdan olinmagani haqida xabar bergan edi.

2024-yil 26-noyabr, seshanba kunidan boshlab «O‘zRTXB» AJ aksiyalari savdosi qayta tiklanadi. Bu haqda KapDepo kompaniyasi ma’lum qildi.

Unga ko‘ra, aksiyalar savdosi 19-noyabrda emitentning qo‘shimcha aksiyalarni joylashtirish bilan bog‘liq korporativ harakatlari sababli to‘xtatilgan edi.

Savdo qayta boshlangach aksiyadorlar har bir mavjud aksiya uchun qo‘shimcha 4 ta aksiya olishadi. Bu esa muomaladagi aksiyalar sonini oshiradi va aksiyalar qiymatini 5 baravarga, ya’ni har bir aksiya uchun 15 399 so‘mdan 3 079,8 so‘mgacha kamaytiradi.

Yangilangan prognozlarga ko‘ra, aksiyalarning o‘rta muddatli qiymati har bir aksiya uchun 3 663,6 so‘mgacha o‘sishi kutilmoqda, bu SPO joylashtirish narxidan 42 foiz yuqori. Tahlilchilar bu o‘sishni kompaniyaning kuchli moliyaviy...

O‘zbekistonlik ikki karra Olimpiya chempioni Bahodir Jalolov o‘z faoliyatini havaskor boksda yakunlashga qaror qildi. Bu haqda Milliy olimpiya qo‘mitasi (MOQ) xabar berdi.

Qo‘mitaning qo‘shimcha qilishicha, Jalolov endi professional boksdagi yutuqlariga e’tibor qaratadi. Sportchining so‘zlariga ko‘ra, uning professional boksdagi chempionlik jangi bir necha oydan bir necha yilgacha bo‘lgan vaqt oralig‘ida bo‘lishi mumkin.

Shuningdek, Jalolov terma jamoada oʻz oʻrnini kim davom ettirishi haqidagi savolga Jahongir Zokirovni munosib nomzod deb aytdi.

«Shaxsan oʻz fikrimni aytadigan boʻlsam, Jahongir Zokirov asosiy bokschiga aylansa kerak. Unda bu uchun barcha imkoniyat, kuch va texnika yetarlicha. Uning kelgusi Olimpiadada ham natija koʻrsatishiga ishonaman...

Toshkentda Shavkat Mirziyoyev va Rossiya bosh prokurori Igor Krasnov o‘rtasida bo‘lib o‘tgan uchrashuvda noqonuniy migratsiya va terrorizmga qarshi kurashish masalalari muhokama qilindi. Bu haqda davlat rahbari matbuot xizmati xabar berdi.

Shuningdek, tomonlar kiberjinoyatlarga va korrupsiyaga qarshi kurash masalalarini muhokama qildi. Sun’iy intellekt va raqamlashtirishni joriy etish imkoniyatlari ko‘rib chiqildi.

Mirziyoyev va Krasnov O‘zbekiston va Rossiya prokuraturalari tomonidan qo‘shma tadbirlar o‘tkazishga kelishib oldi.

Avvalroq Kursiv Uzbekistan Rossiyada 2025-yildan boshlab noqonuniy migrantlar reyestri yo‘lga qo‘yilishini yozgan edi.

Bugun, 22-noyabr kuni O‘zbekiston bo‘ylab quruq ob-havo bo‘ladi. Ba’zi hududlarda tuman tushishi mumkin. O‘rtacha havo harorati 10-15 daraja iliq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo bulutli bo‘ladi. Ertalab tuman tushadi. Kunduzi havo 13-15 daraja iliq, kechasi esa 4-6 daraja iliq bo‘ladi.

Tog‘li hududlarda ham tuman tushadi. Vaqti-vaqti bilan yomg‘ir yog‘adi, tepaliklarda qor yog‘ishi ehtimoli bor. Kunduzi havo 5-10 daraja iliq, kechga kelib 2 daraja sovuq bo‘ladi.

Shavkat Mirziyoyev xorijdagi vatandoshlarni qo‘llab-quvvatlash va ularni yurt atrofida birlashtirishga qaratilgan yangi qarorni imzoladi. Bu haqda O‘zA ma’lum qildi.

Ushbu qarorga muvofiq, vatandoshlarga qo‘shimcha huquq va imtiyozlar beradigan «Vatandosh» guvohnomasi hamda «Vatandosh» kartasi joriy etiladi.

«Vatandosh» guvohnomasi xorijda yashovchi vatandoshlarning iqtisodiy va ijtimoiy faol ishtirokini tasdiqlaydi hamda «Vatandosh» kartasini olish uchun asos bo‘ladi. «Vatandosh» kartasi 5 yilgacha muddatga ID-karta shaklida rasmiylashtiriladi va quyidagi imtiyozlarni beradi:

Ushbu hujjatlar O‘zbekiston iqtisodiyoti va xalqaro imijiga hissa...

Prezidentning 2024-yil 26-sentabrdagi qaroriga asosan, issiqxona xo‘jaliklari tabiiy gazdan cheklovlarsiz foydalanishlari mumkin. Energetika vazirligi cheklovlar joriy etilgani haqidagi xabarlarga rasmiy munosabat bildirdi.

Unga ko‘ra, tabiiy gaz yetkazib berish to‘lovlarni o‘z vaqtida amalga oshirish sharti bilan davom ettiriladi.

Hosil yilining dastlabki uch oyida (oktabr – dekabr) tabiiy gaz uchun 50% oldindan to‘lov talab etiladi, qolgan qismi oy yakuniga qadar to‘lanadi. Keyingi oylardan boshlab esa har oy 100% oldindan to‘lov amalga oshirilishi zarur.

Eslatib o‘tamiz, avvalroq quyosh panellari boʻyicha murojaatlarni qabul qilish uchun telefon raqamlari soni koʻpaytirilgan edi.

Rossiyaning uchta aviakompaniyasi Perm shahridan O‘zbekistonning turli shaharlariga parvozlarni amalga oshirish uchun ruxsat oldi. Bu haqda Business Class Rosaviatsiyaga tayanib ma’lum qildi.

Unga ko‘ra, Nordwind Airlines va Red Wings Samarkandga muntazam ravishda haftasiga ikki marta to‘g‘ridan-to‘g‘ri reyslar amalga oshiradi. Shu bilan birga, ЮВТ Аэро aviakompaniyasiga Permdan Toshkentga haftasiga uch marta vaqtinchalik parvozlar uchun ruxsat berildi.

Avvalroq Permdan O‘zbekiston shaharlari bilan yagona to‘g‘ridan-to‘g‘ri aviaqatnov Uzbekistan Airways tomonidan haftasiga bir marta Namanganga amalga oshirilardi.

Mutaxassislarning fikriga ko‘ra, yangi reyslar turistik va ishbilarmonlik safarlari uchun katta talabga ega bo‘ladi. Bu, ayniqsa, Yevropa Ittifoqi davlatlariga viza olishdagi qiyinchiliklar fonida Markaziy Osiyoga qiziqish ortayotgan...

Google korporatsiyasi Android 15 yangilanishi smartfonlarga tarqatilganidan atigi bir oy o‘tib, Android 16 operatsion tizimining birinchi sinov versiyasini chiqardi. Bu haqda Telecompaper axborot nashri ma’lum qildi.

Unga ko‘ra, kompaniya mobil operatsion tizimni yangilash jarayonini tezlashtirayotganini ma’lum qildi. Bu yangi funksiyalarni tezroq joriy qilish va qurilma ishlab chiqaruvchilarning yangi taqvimlariga moslashish uchun amalga oshirilmoqda.

Android 16’ning yakuniy versiyasi 2025-yilning ikkinchi choragida chiqarilishi rejalashtirilgan. Bu avvalgi versiyalarga qaraganda bir chorak oldinroq taqdim etilishi kutilmoqda.

Sinov versiyasi hozircha faqat ishlab chiquvchilar uchun mavjud. Yangi funksiyalar qatorida ilovalarga faqat tanlangan suratlarga kirish imkonini berish, telefon galereyasining to‘liq ko‘rinishini cheklash, reklama beruvchilar uchun yangilangan...

Farg‘ona xalqaro aeroportida mahalliy vaqt bilan soat 17:02 dan boshlab ob-havo yomonlashgani sababli havo kemalarini qabul qilish vaqtinchalik to‘xtatildi. Bu haqda Uzbekistan Airports ma’lum qildi.

Unga ko‘ra, bu davrda barcha reyslar muqobil aerodromlarga yo‘naltirilmoqda.

Xususan, «Uzbekistan Airways» aviakompaniyasining Novosibirsk – Farg‘ona yo‘nalishidagi HY-670 reysi Namangan aeroportiga yo‘naltirildi. Havo sharoiti yaxshilangach odatiy reyslar tiklanishi kutilmoqda.

Eslatib o‘tamiz, avvalroq Toshkent xalqaro aeroportida yangi xizmatlar uchun joylar ijaraga taklif etilayotgani haqida yozgan edik.

Prezident Shavkat Mirziyoyev farmoniga binoan Oʻzbekiston Vazirlar Mahkamasining yangi tarkibi tasdiqlandi. Bu haqda prezident matbuot xizmati xabar berdi.

Hukumat a’zolari ro‘yxati:

Ochilboy Ramatov — bosh vazir o‘rinbosari;

Jamshid Qo‘chqorov — bosh vazir o‘rinbosari — iqtisodiyot va moliya vaziri;

Jamshid Xo‘jayev — bosh vazir o‘rinbosari;

Zulayxo Mahkamova — bosh vazir o‘rinbosari — Oila va xotin-qizlar qo‘mitasi raisi;

Laziz Qudratov — investitsiyalar, sanoat va savdo vaziri;

Botir Zohidov — kambag‘allikni qisqartirish va bandlik vaziri;

Ibrohim Abdurahmonov — qishloq xo‘jaligi vaziri;

Shavkat Hamroyev — suv xo‘jaligi vaziri;

Sherzod Hidoyatov — qurilish va uy-joy kommunal xo‘jaligi vaziri;

Ilhom Mahkamov — transport vaziri;

Jo‘rabek Mirzamahmudov — energetika vaziri;

Bobir Islamov — tog‘-kon sanoati va geologiya vaziri;

Din ishlari boʻyicha qoʻmita Umra tadbirlarini tashkil etish huquqiga ega boʻlgan 12 ta turfirma roʻyxatini ma’lum qildi.

Litsenziya Tanlov komissiyasi qarori asosida berilgan boʻlib, ruxsat olgan firmalar quyidagilar:

Qoʻmita litsenziyada belgilanmagan manzil yoki shartlar asosida faoliyat yuritish taqiqlanganini aytib o‘tdi.

Shuningdek, Umra tadbirlarini noqonuniy tashkil etish huquqbuzarliklari uchun yuridik shaxslarga 75 million soʻmgacha jarima belgilangan.

Avvalroq Kursiv Uzbekistan Umra faoliyati bilan shug‘ullanishga yangi talablar qo‘yilgani...

Xalqaro jinoyat sudi Isroil bosh vaziri Benyamin Netanyaxu va sobiq mudofaa vaziri Yoav Gallantni hibsga olishga order berdi, deyiladi sud bayonotida.

“Benyamin Netanyaxu va Yoav Gallantni kamida 2023-yil 8-oktabrdan 2024-yil 20-maygacha sodir etgan harbiy jinoyatlar uchun hibsga olish uchun order berildi», – deyiladi Xalqaro jinoyat sudi bayonotida.

Shuningdek, sud Isroilning order berish vakolatiga ega emasligi haqidagi dalillarini ham rad etdi.

Avvalroq Kursiv Uzbekistan 2023-yilning 7-oktabridan 2024-yilning 7-oktabrigacha G‘azo sektorida 40 mingdan ortiq falastinliklar halok bo‘lgani haqida yozgan edi.

Davlat aktivlarini xususiylashtirish jarayonlari doirasida Lotte City Hotel Tashkent Palace va International mehmonxonalari ochiq savdolar orqali sotildi. Bu haqda Davlat aktivlarini boshqarish agentligi xabar berdi.

Lotte City Hotel Tashkent Palace

Xususiylashtirish jarayoni Davaktiv agentligi va xalqaro konsalting kompaniyalari – KPMG va Deloitte yordamida amalga oshirildi. Savdolarda 15 nafar xalqaro va mahalliy investorlar ishtirok etdi.

Yakuniy bosqichda 3 nafar talabgor taklif berdi. G‘olib sifatida «Alfa Invest Sug‘urta Kompaniyasi» AJ tanlandi. Kompaniya mehmonxona uchun $20 million to‘lovini to‘lash sharti bilan savdo g‘olibi, deb topildi.

Qayd etilishicha, yangi investor zimmasiga mehmonxonaning tashqi arxitekturasini saqlash shartlariga qat’iy rioya qilishi belgilangan.

International mehmonxonasi