Yangiliklar

Xitoyning yetakchi avtomobil ishlab chiqaruvchisi Geely o‘zining Galaxy brendi ostidagi yangi flagman modeli — Galaxy M9 modelini taqdim etish arafasida. Bu haqda CarNewsChina nashri xabar bermoqda.

Ushbu 6 o‘rinli krossover plug-in gibrid (PHEV) tizimiga ega bo‘lib, 2025-yil oxirigacha Xitoy bozorida sotuvga chiqarilishi rejalashtirilgan.

Dizayn va tashqi ko‘rinish

Galaxy M9 dizayni zamonaviy va sport uslubida bo‘lib, old qismi yopiq panjara, xromli emblema va LED chiroqlar bilan jihozlangan. Yon tomonlarida yashirin eshik tutqichlari va tomda LiDAR sensori mavjud. Orqa qismida esa LED orqa chiroqlar, tom spoyleri va xromli egzoz trubkasi imitatsiyasi ko‘zga tashlanadi. Ushbu modelda mustaqil orqa osma tizimi...

Markaziy bankning 2025-yil 1-choragi uchun tayyorlangan pul-kredit siyosati sharhida qayd etilishicha, mamlakatda yangi avtomobillar narxi oshishda davom etadi, ikkilamchi bozorda esa narxlar yanada pasayadi.

2024-yil martiga nisbatan 2025-yil boshidan beri ikkilamchi bozorda yangi avtomobillar narxi so‘mda 4,7 foizga, dollarda esa 1,6 foizga oshgan. Narxlarning oshishiga talabning yuqoriligi va import hajmining, ayniqsa, elektromobillar importining kamaygani sabab bo‘lgan. Bu esa tartibga soluvchi chora-tadbirlarning kuchaytirilgani bilan izohlanmoqda.

2025-yilning yanvar – mart oylarida avtomobil importi o‘tgan yilning shu davriga nisbatan 69 foizga kamaydi.

Boshqa tomondan, foydalanilgan avtomobillar narxi barqaror ravishda tushib bormoqda. Markaziy bankning qayd etishicha, aholining yangi avtomobillarga ko‘proq ustuvorlik berayotgani...

Rossiya Ukraina bilan tinchlik kelishuvi bo‘yicha memorandum ustida ish boshlashga tayyor. Bu haqda Rossiya prezidenti Vladimir Putin amerikalik hamkasbi Donald Tramp bilan telefon suhbatidan so‘ng ma’lum qildi.

Uning so‘zlariga ko‘ra, hujjat mojaroni hal qilish tamoyillari, kelishuvni imzolash muddati, tomonlar kelishuvga erishgan taqdirda, ma’lum muddatga o‘t ochishni to‘xtatish imkoniyati kabi muhim masalalarni o‘z ichiga oladi.

Prezident Tramp bilan suhbat ikki soatdan ortiq davom etganini qayd etdi.

Putin Trampga Rossiya va Ukraina o‘rtasida 2022-yilda to‘xtatilgan to‘g‘ridan to‘g‘ri muzokaralarni qayta boshlash g‘oyasini qo‘llab-quvvatlagani uchun minnatdorlik bildirdi. U Istanbuldagi avvalgi muzokaralar ishtirokchilari o‘rtasidagi aloqalar allaqachon tiklanganini, bu esa taraqqiyotga umid bag‘ishlayotganini...

De Bryuyne seshanba kuni «Bornmut»ga qarshi «Siti» libosida so‘nggi bor «Etihad» stadionida o‘ynaydi. Bu haqda Gvardiola Sky Sports telekanaliga bergan intervyusida qayd etdi.

«Kevinning orzusi – keyingi mavsumda Chempionlar ligasiga yo‘llanma olish uchun o‘yinda g‘alaba qozonishimiz. Kevin shuni xohlaydi. Boshqacha bo‘lishi mumkin emas”, – deydi murabbiy.

De Bryuyne qanday o‘ynashidan qat’i nazar, klub o‘yindan keyin Premer-liga davrining eng zo‘r o‘yinchilaridan biriga hurmat bajo keltirishni rejalashtirmoqda.

«Bornmut»ga qarshi o‘yinda g‘alaba qozonish uchun eng yaxshi imkoniyatga ega bo‘lishimiz uchun men eng yaxshisini hal qilaman”, – deya ta’kidlagan Pep Gvardiola.

Ma’lumot o‘rnida...

Shavkat Mirziyoyev rafiqasi bilan birga Vengriya bosh vaziri Viktor Orbanning taklifiga binoan rasmiy tashrif bilan Budapeshtga keldi. Bu haqda davlat rahbari matbuot xizmati ma’lum qildi.

Ferens List nomidagi xalqaro aeroportda prezidentni Vengriya iqtisodiy rivojlanish vaziri Marton Nad va boshqa rasmiylar kutib oldi. Tantanali kutib olish marosimi chog‘ida ikki davlat bayroqlari ko‘tarildi, faxriy qorovul saf tortdi.

Tashrif doirasida 20-may kuni O‘zbekiston – Vengriya oliy darajadagi muzokaralari bo‘lib o‘tadi. Shuningdek, Shavkat Mirziyoyev Vengriya rasmiylari va yetakchi kompaniyalar rahbarlari bilan uchrashuvlar o‘tkazadi.

Mirziyoyev 21-may kuni Budapeshtda bo‘lib o‘tadigan Turkiy davlatlar tashkilotining norasmiy sammitida ham ishtirok etadi.

Eslatib o‘tamiz, avvalroq prezident yordamchisi Saida Mirziyoyeva AQShning...

20-may kuni mamlakatimiz hududida havo biroz bulutli, yog‘ingarchilik kutilmaydi. Bu haqda «O‘zgidromet» agentligi ma’lum qildi.

Toshkent shahrida havo ochiq bo‘lib, kun issiq kechadi — kechasi havo harorati 15-17°, kunduzgisi esa 31-33° atrofida bo‘ladi.

Qoraqalpog‘iston va Xorazm viloyatlarida sharqdan esuvchi shamol (7-12 m/s) fonida harorat kechasi 13-18°, kunduzi 30-35° gacha ko‘tariladi.

Buxoro hamda Navoiy viloyatlarida esa issiq ob-havo davom etadi: kunduzgi harorat 37° gacha yetishi mumkin.

Toshkent, Sirdaryo, Jizzax va Samarqand viloyatlarida havo ochiq va iliq – kechasi 15-20°, kunduzi 30-35° bo‘ladi.

Qashqadaryo va Surxondaryo viloyatlarida ham kunduzgi harorat 37° gacha ko‘tarilishi kutilmoqda.

Farg‘ona vodiysi viloyatlarida – Andijon, Namangan, Farg‘onada...

Kambag‘allikni qisqartirish va bandlik vazirligi maktab o‘quvchilari hamda kollej talabalari uchun mehnat faoliyati tartibini belgilovchi qaror loyihasini taqdim etdi. Hujjat bo‘yicha muhokamalar 23-maygacha davom etadi.

Mazkur hujjat o‘quvchilarga o‘qishdan bo‘sh vaqtlarida rasman ishlash imkonini yaratish maqsadida ishlab chiqilgan – bunda mehnat faoliyati ta’lim jarayoniga xalal bermasligi, shuningdek, sog‘lig‘i va rivojlanishiga salbiy ta’sir ko‘rsatmasligi lozim.

Loyihada voyaga yetmaganlar uchun ruxsat etilgan 40 ta kasb ro‘yxati keltirildi. Ushbu ro‘yxatga qadoqlovchi, barista, ofitsiant, sotuvchi, idish-tovoq yuvuvchi, yuk tashuvchi, mozaika ustasi, yog‘och o‘ymakori, sartarosh, soatsoz va boshqa kasblar kiritilgan.

15–16-yoshdagi o‘smirlarni ishga qabul qilish faqat ota-onalardan biri yoki vasiy tomonidan yozma rozilik taqdim...

Buyuk Britaniyaning Space Solar kompaniyasi Quyosh energiyasini orbitadan Yerga simsiz uzatish bo‘yicha innovatsion texnologiyasini muvaffaqiyatli sinovdan o‘tkazdi. Bu haqda IT Community ma’lum qildi.

Unga ko‘ra, «Cassidi» loyihasi doirasida yaratilgan «Cassiopeia» nomli modulli sun’iy yo‘ldoshdagi quyosh panellari Yerda o‘rnatilgan panellarga nisbatan 13 barobar yuqori samaradorlikka ega. Orbitada joylashgan panellar doimiy ravishda quyosh nurlariga ta’sir ostida bo‘lib, tun yoki bulutli ob-havoga bog‘liq bo‘lmagan holda ishlaydi.

Mazkur texnologiya yuqori chastotali radio to‘lqinlar orqali energiyani simsiz uzatish va uni Yerda qabul qilish imkonini beradi. Energiya nurlarini 360 daraja yo‘naltirish mexanik qismlarsiz amalga oshiriladi, bu esa tizim ishonchliligini oshiradi. Sinovlar muvaffaqiyatli yakunlanib, texnologiyaning samaradorligi...

Yunusobod dehqon bozori hududida xizmat olib borayotgan patrul xodimi safdor I. Ibragimov shubhali harakat qilgan fuqaroni to‘xtatib tekshirayotgan vaqtda, fuqaro yonidagi pichoq bilan to‘satdan hujum qilib, xodimning bo‘yin qismiga jarohat yetkazdi. Bu haqda IIV matbuot xizmati ma‘lum qildi.

Unga ko‘ra, xodim shoshilinch kasalxonaga yetkazilib, hayoti saqlab qolindi. Tezkor tadbirlar natijasida 1963-yilda Jizzax viloyatida tug‘ilgan va ruhiy kasalliklar dispanserida ro‘yxatda turgan gumondor Akrom Hasanov qo‘lga olindi.

Holat yuzasidan Jinoyat kodeksining 25-97-moddasi bilan jinoyat ishi qo‘zg‘atilib, tergov olib borilmoqda. Fuqarolardan agar ushbu shaxs tomonidan jabrlangan bo‘lsalar, yaqin atrofdagi IIBga yoki 102 raqamiga murojaat qilish so‘raladi.

Eslatib o‘tamiz, avvalroq Maxachqaladagi otishmada uch...

Buxoro shahrida fuqaro yashash va xizmat ko‘rsatish binosini qurish jarayonida umumiy foydalanishdagi elektr tarmog‘iga o‘zboshimchalik bilan ulanib, 270,6 mln so‘mlik elektr energiyasidan noqonuniy foydalangani aniqlandi. Bu haqda Bosh prokuratura huzuridagi Departament matbuot xizmati ma’lum qildi.

Shuningdek, Departamentning Farg‘ona viloyati Furqat tumani bo‘limi tomonidan o‘tkazilgan surishtiruvda «A.A.» MChJ rahbarining go‘sht mahsulotlari savdo do‘konida elektr tarmog‘iga ruxsatsiz ulanib, 149,5 mln so‘mlik energiyadan noqonuniy foydalanishiga chek qo‘yildi.

Mazkur holatlar bo‘yicha Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.

Eslatib o‘tamiz, avvalroq Tojikistondan kontrabanda qilingan narkotik moddalar O‘zbekistonda to‘xtatib qolingan edi.

Eron Tashqi ishlar vaziri o‘rinbosari Majid Takhtravanchi AQSh uranning izotop tarkibini o‘zgartirishdan butunlay voz kechishni talab qilsa, yadro muzokaralari natijasiz yakunlanishini ta’kidladi. Uning so‘zlariga ko‘ra, bu Eronning milliy yutug‘i bo‘lib, undan hech qachon voz kechilmaydi, deya xabar bermoqda Reuters.

AQSh vakili Stiv Vitkoff esa har qanday yangi bitimda Eron uranning izotop tarkibini o‘zgartirishdan to‘xtatishi shartligini aytdi. Eron esa yadroviy dastur tinch maqsadlarni ko‘zlashini bildirmoqda.

Eron rasmiylariga ko‘ra, AQSh omma oldida bir fikrni aytib, muzokaralarda boshqacha yo‘l tutmoqda. Shunga qaramay Eron hali ham muzokaralarda ishtirok etmoqda. Kelgusi hafta Rimda navbatdagi bosqich o‘tkazilishi kutilmoqda.

Eslatib o‘tamiz, avvalroq Tramp AQSH va Eron...

Shavkat Mirziyoyev tomonidan «2030-yilgacha aholining ekologik madaniyatini yuksaltirish konsepsiyasi» tasdiqlandi. Bu haqda Ekologiya vazirligi ma’lum qildi.

Unga ko‘ra, hujjatda maktabgacha ta’lim tashkilotlarida 3,3 mln nafar tarbiyalanuvchi, umumiy o‘rta ta’limda esa 4,2 mln o‘quvchiga ekologik tarbiya berish asosiy maqsad qilib belgilangan.

Konsepsiya doirasida 2027-yildan boshlab har ikki yilda bir marta maxsus «Yo‘l xaritasi» ishlab chiqiladi. Shuningdek, davlat xizmatchilari uchun bepul ekologik kurslar, talabalar ishtirokida ekochempionatlar va ko‘plab tashviqot tadbirlari o‘tkazilishi ko‘zda tutilgan.

Shu bilan birga, O‘zbekiston Orxus konvensiyasiga qo‘shilganligi munosabati bilan 2025-yil 1-dekabrdan boshlab atrof-muhit monitoringiga oid ochiq ma’lumotlar bazasi jamoatchilikka taqdim etiladi. Bu bazada daraxt ekish, chiqindilarni qayta ishlash...

Aprel oyida O‘zbekistondagi umumiy biznes muhitini ifodalovchi ko‘rsatkich 57 birlikni tashkil etdi va o‘tgan yil apreliga nisbatan sakkiz punktga oshdi. Bu haqda Kursiv Uzbekistan nashriga Iqtisodiy tadqiqotlar va islohotlar markazi (ITIM) xabar berdi.

O‘zbekistonlik tadbirkorlarning 38 foizi so‘nggi uch oy ichida biznes holati yaxshilanganini ma’lum qilgan. Sanoat va xizmatlar sohalari faol o‘sishni namoyon qilmoqda, qishloq xo‘jaligi barqarorlikni saqlab turibdi, biroq qurilishda to‘xtab qolish (stagnatsiya) kuzatilgan.

Respondentlarning 26 foizi ishchi-xodimlar sonining oshganini ma’lum qilgan. Tadbirkorlarning 78 foizi kelajakka umid bog‘lagan. Bu ko‘rsatkich o‘tgan yilga nisbatan 5 foiz yuqori.

Optimistlarning eng katta ulushi sanoat sohasida – 83 foiz respondent vaziyat yaxshilanishini kutmoqda...

Uzbekistan Airways va Silk Avia’ning mahalliy qatnovlarida chiptalar narxini pasaytirish qayta ko‘rib chiqiladi. Bu haqda Raqobat qo‘mitasi ma’lum qildi.

Mazkur o‘zgarishlar aholiga qulaylik yaratish, ichki turizm va hududlar iqtisodiy rivojiga xizmat qilishi kutilmoqda. Qo‘mita chiptalarni sun’iy cheklash yoki raqobatga zid harakatlar aniqlangan taqdirda qonunchilik doirasida choralar ko‘rilishini qo‘shimcha qilgan.

Avvalroq Kursiv Uzbekistan mahalliy aviaqatnovlarga subsidiyalar ajratilishi haqida yozgan edi.

Shu yilning iyun oyida ilk parvozi rejalashtirilgan Jiutian SS-UAV – Xitoy tomonidan yaratilgan ilk havo kemasi to‘liq yig‘ildi. Bu haqda Dimsumdaily nashri xabar berdi.

Ushbu samolyotning qanotlar yoyilishi 25 metrni tashkil etadi. Jiutian SS-UAV maksimal 16 tonnagacha parvoz og‘irligiga ega bo‘lib, 6 tonnagacha yukni ko‘tara oladi. Uning parvoz masofasi 7 ming km, parvoz davomiyligi esa 12 soatdan ortiq.

Samolyotning eng e’tiborga molik jihatlaridan biri – yuzlab qanotli raketalar yoki miniatyura dronlarni joylashtirish imkonini beruvchi «geterogen hujayrali missiya bo‘limi» hisoblanadi.

Ushbu missiya bo‘limlari modulli tuzilmaga ega bo‘lib, ularni atigi 2 soat ichida jangovar harakatlar, logistik tashish, qutqaruv operatsiyalari kabi...

General Motors (GM) may oyida Argentinada Chevrolet Tracker ishlab chiqarishni sekinlashtirishni rejalashtirmoqda. Bu haqda GM Authority xabar bermoqda.

GM Argentina may oyida Alvear zavodida Tracker birliklarini ishlab chiqarishni to‘xtatadi, bu oy davomida jami yetti kunlik ishlab chiqarishni qisqartiradi. Ishlab chiqaruvchi zavod eksport orqali qo‘llab-quvvatlab kelayotgan Braziliya bozoridagi modelga bo‘lgan talabga mos ravishda krossover inventarizatsiyasini moslashtirishni rejalashtirmoqda.

GM’ning Argentinadagi zavodi Tracker’ni faqat ichki bozor uchun va boshqa Janubiy Amerika bozorlariga, jumladan, Braziliya va Kolumbiyaga eksport qilish uchun ishlab chiqaradi.

Kompaniyaning o‘z bayonotiga ko‘ra, Argentinadagi GM sanoat majmuasida Tracker ishlab chiqarishni sekinlashtirish bo‘yicha rasmiy reja faqat may oyida amalga oshirilishi kutilmoqda.

O‘zbekiston Speedtest Global Index reytingida mobil internet tezligi reytingida 71-o‘rindan 72-o‘ringa pasaydi. Mamlakatning joriy internet tezligi 53,33 Mbit/s ni tashkil etdi.

Mobil internet bo‘yicha ro‘yxatning birinchi o‘rnini Qatar egallagan bo‘lsa, Markaziy Osiyo davlatlari bo‘yicha Qozog‘iston (51) yetakchilik qildi.

Simli internet tezligini taqqoslaganda O‘zbekiston 80-o‘rindan 76-o‘ringa ko‘tarilgan. Statsionar ulanishning o‘rtacha tezligi esa 83,61 Mbit/s ni tashkil etdi.

Simli internet bo‘yicha ustunlikni Singapur saqlab qoldi. Markaziy Osiyo mamlakatlari bo‘yicha birinchi o‘rinni O‘zbekiston egallagan.

Eslatib o‘tamiz, Kursiv Uzbekistan nashri Xitoyda 5G tarmog‘idan 10 barobar yuqori tezlikda ishlaydigan texnologiya yo‘lga qo‘yilgani haqida yozgan edi.

2025-yil 19-maydan boshlab Davlat bojxona qo‘mitasi tomonidan ishlab chiqilgan «E-kontrakt» tashqi savdo axborot tizimi to‘liq rejimda ishga tushdi. Bu haqda Davlat bojxona qo‘mitasi ma’lum qildi.

Unga ko‘ra, yangi elektron tizim tashqi savdo shartnomalarini elektron shaklda ro‘yxatdan o‘tkazish, monitoring qilish hamda avtomatlashtirilgan hisob-kitoblarni amalga oshirish imkonini beradi. Tizim orqali foydalanuvchilar uchun qulaylik, tezkorlik va shaffoflik ta’minlanadi.

Mazkur o‘zgarish munosabati bilan ilgari faoliyat yuritib kelgan Tashqi savdo operatsiyalarining yagona elektron axborot tizimi (TSOYEAT)ning ishlashi rasmiy ravishda to‘xtatildi.

Yangi tizimdan foydalanish uchun contract.customs.uz orqali tizimga kirish mumkin.

Aholi va tadbirkorlik subyektlari uchun tizimdan foydalanish bo‘yicha barcha savollarga quyidagi telefon raqamlari orqali...

Shu yilning 1-sentabriga qadar Qozog‘istonning «Tajen» va O‘zbekistonning «Dovut-ota» chegara punktlari vaqtincha yopildi. Bu haqda Qozog‘iston Moliya vazirligi Davlat daromadlari qo‘mitasi xabar berdi.

Avvalroq, 1-fevraldan boshlab ikki davlat kelishilgan holda «Tajen» chegara punkti orqali jismoniy shaxslar, yengil avtomobillar, avtobuslar va yuk ko‘tarish hajmi 3,5 tonnagacha bo‘lgan transport vositalarining harakati vaqtincha to‘xtatilgandi.

Ushbu cheklov xavfsizlikni ta’minlash hamda chegara punktida olib borilayotgan qurilish va rekonstruksiya ishlarini tezlashtirish maqsadida joriy etilgan. Ayni vaqtda ushbu hududda metall konstruksiyalar o‘rnatish, muhandislik tarmoqlarini yotqizish va binolarni kapital ta’mirlash ishlari olib borilmoqda.

Shuningdek, may oyidan avgustgacha Qozog‘istonning «KazAvtoJol» milliy kompaniyasi ikkala chegara punktlari o‘rtasidagi neytral hududda...

Toyota kompaniyasi yangi avlod RAV4 krossoverining 21-may kuni taqdim etiladigan yangi rasmiy suratlarini namoyish etdi. Bu haqda kompaniya saytida ma’lum qilmoqda.

Taqdimotni Toyota boshqaruv kengashi a’zosi, bosh dizayn direktori va brend bo‘yicha direktori Saymon Xamfris olib boradi. Tadbir uglerod neytralligiga erishishga qaratilgan Beyond Zero tashabbusining bir qismi bo‘ladi. Kompaniya yaxshilangan gibrid arxitektura, ilg‘or multimedia va yangi xavfsizlik yechimlari va’da qilgan.

Asosiy versiyada gibrid quvvat tashuvchisi olinishi kutilmoqda: 2,5 litrli benzinli dvigatel va umumiy quvvati 225 ot kuchiga ega ikkita elektr motor. To‘liq g‘ildirakli haydovchi uchinchi dvigatelni qo‘shib, quvvatni 232 ot kuchiga oshiradi. Plug-in gibrid versiyasi ham qatorda qoladi, ammo...

Bugun, 19-may kuni prezidentga Toshkent metropolitenini kengaytirish va rivojlantirish borasidagi loyihalar haqida taqdimot qilindi. Bu haqda davlat rahbari matbuot xizmati xabar bermoqda.

Loyihaga ko‘ra, endilikda metropoliten yo‘nalishini Toshkent traktor zavodi hududiga qadar olib borish rejalashtirilmoqda. Avvalgi muhokamalarda prezident loyiha iqtisodiy jihatdan maqbul bo‘lishi zarurligini ta’kidlagan edi. Shu asosda ishlab chiqilgan yangi taklifga ko‘ra, loyihani ikki bosqichda amalga oshirish ko‘zda tutilgan.

Birinchi bosqichda Chilonzor yo‘lining Pushkin bekatidan Mirzo Ulug‘bek tumanidagi Feruza dahasigacha, mavjud temir yo‘lga parallel tarzda, yer ustidan metro liniyasi barpo etiladi. Ikkinchi bosqichda esa yo‘nalish Toshkent traktor zavodi hududidagi Shoh bekatiga qadar kengaytiriladi.

Ma’lumotlarga ko‘ra, ayni vaqtda ushbu...

O‘zbekiston valyuta birjasi ma’lumotlariga ko‘ra, 19-may kuni dollarning o‘rtacha kursi  12 858,15 so‘mni tashkil qilib, oldingi kun bilan solishtirganda 58,95 so‘mga tushdi.

Dollar kursi o‘tgan haftani pasayish bilan yakunlagandi: 16-may kuni 48,24 so‘mga tushib 12 917,10 so‘mni tashkil etgandi.

Shuningdek, Markaziy bank tomonidan boshqa valyutalar kurslari ham e’lon qilindi. Unga ko‘ra yevro 44,59 soʻmga oshib, 14 505,28 soʻmga yetdi. Rossiya rubli esa 0,43 soʻmga pastlab, 159,71 soʻmga teng boʻldi.

Mamlakatdagi tijorat banklari 19-may kuni bir AQSh dollarini 12 795 – 12 960 soʻmdan sotib olayotgan boʻlsa, 12 920 – 13 010 soʻm oraligʻida sotmoqda.

Kursiv Uzbekistan’ga sharh bergan tahlilchilarning fikricha, yil oxirigacha...

Toshkent viloyatiтштп Zangiota tumanida faoliyat yurituvchi «P.G.O.» MCHJ rahbari shu jamiyatga qarashli gaz to‘ldirish kompress shoxobchasida yirik hajmdagi tabiiy gazni o‘zlashtirgani aniqlandi. Bu haqda Bosh prokuratura ma’lum qildi.

Unga ko‘ra, holat gaz hisoblagich qurilmasiga tashqi aralashuv orqali sodir etilgan.

Dastlabki hisob-kitoblarga ko‘ra, noqonuniy harakatlar natijasida davlatga yetkazilgan zarar miqdori 1,4 mlrd so‘mni tashkil etgan. Hodisa yuzasidan MCHJ rahbariga nisbatan jinoyat ishi ochilgan. Tergov jarayonida keltirilgan zarar to‘liq undirilgani qayd etilgan.

Avvalroq «Kursiv» nashri Nukusda 3,4 mlrd so‘mlik gaz o‘g‘irlangani haqida xabar bergandi.

2025-yil 18-may kuni Binance’ning MDH davlatlari bo‘yicha sobiq direktori Vladimir Smerkis firibgarlik aybi bilan hibsga olingan. Bu haqda «TASS» axborot agentligi xabar bermoqda.

Hozircha rasmiy tergov tafsilotlari ochiqlanmagan. Shuningdek, ayblov tafsilotlari, jinoyat miqyosi yoki ishda boshqa shaxslarning ishtiroki haqida ma’lumot berilmagan.

«Zamoskvoretskiy tuman sudi tergovchining yirik miqdordagi firibgarlik (Rossiya Federatsiyasi Jinoyat kodeksining 159-moddasi)ga oid ish bo‘yicha hibsga olingan Vladimir Smerkisga nisbatan ehtiyot chorasini qo‘llash to‘g‘risidagi iltimosini qanoatlantirdi», – deyiladi hujjatda.

Binance vakillari bu holat yuzasidan izoh bermagan.

Vladimir Smerkis ilgari Binance’ning mintaqaviy vakolatxonasini boshqargan va kriptoindustriyada taniqli shaxs hisoblanadi.

Avvalroq dunyo bo‘ylab kriptokompaniyalar egalari...