Yangiliklar

Shavkat Mirziyoyev sog‘liqni saqlash sohasida kasalliklarni erta aniqlash va samarali davolash bo‘yicha yangiliklar taqdimoti bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, kasalliklarni erta bosqichda aniqlash maqsadida onkologiya, endokrinologiya va kardiologiya markazlari tomonidan skrining tekshiruvlari yo‘lga qo‘yildi. Shu yilning o‘zida 1,7 mlndan ortiq ayol skriningdan o‘tkazilib, 49 ming nafarida saraton oldi holatlar aniqlangan.

Shuningdek, 122 mingdan ortiq aholida yurak-qon tomir kasalliklari va qandli diabetning erta bosqichdagi belgilari topildi. Ushbu sa’y-harakatlar odamlarni og‘ir kasalliklardan saqlashda muhim ahamiyatga ega.

Qashqadaryoda tajriba tariqasida erta aniqlangan onkologik holatlar uchun tibbiyot xodimlariga mukofot berish tizimi joriy etildi. Buning natijasida oilaviy...

Yevropa Komissiyasi Meta kompaniyasiga 797,7 mln yevro miqdorida jarima solib, kompaniyaning Yevropa Ittifoqining monopoliyaga qarshi qoidalarini buzganligini qayd etdi. Bu haqda Yevrokomissiya ma’lum qildi.

Unga ko‘ra, Meta o‘zining ijtimoiy tarmog‘i Facebook’ni Facebook Marketplace xizmatiga majburiy ravishda bog‘lab, foydalanuvchilarga avtomatik ravishda kirish huquqini taqdim etdi. Shu orqali boshqa onlayn reklama xizmatlari provayderlariga nisbatan adolatsiz sharoitlar yaratilib, raqobatchilar cheklangan. Buning natijasida, Marketplace raqobatchilarga nisbatan ko‘proq foydalanuvchi va ko‘proq tarqatish imkoniyatiga ega bo‘ldi.

Bundan tashqari, Meta Facebook va Instagram platformalarida boshqa reklama xizmatlari provayderlariga o‘ziga qulay bo‘lgan, bir tomonlama shartlarni majburan joriy qilib, Facebook Marketplace uchun afzalliklar yaratgan. Bunday shartlar orqali Meta...

Italiya prezidenti Serjio Mattarella amerikalik milliarder Ilon Maskni Italiya ichki ishlariga aralashmaslikka chaqirdi. Bu haqda CNN axborot agentligi ma’lum qildi.

Unga ko‘ra, Mask Rim sudyalarining hukumatning immigratsiyaga qarshi tashabbuslarini to‘xtatib qo‘yishini tanqid qilib, «sudyalar ketishi kerak» deb yozib, Albaniyada boshpana izlovchilarni hibsga olish haqida qaror chiqarayotgan Rim sudyalariga e’tiroz bildirgan edi. Bu chiqish ijtimoiy tarmoqlarda keng muhokamalarga sabab bo‘ldi va Italiyadagi immigrantlarni boshqarish siyosati atrofidagi munozaralarni kuchaytirdi.

Italiya bosh vaziri Giorgia Meloni Mask bilan do‘stona muloqot o‘tkazgan, lekin vaziyatga to‘g‘ridan-to‘g‘ri izoh bermagan. Mask esa Mattarella va Italiya suverenitetiga hurmatini bildirib, fikrini erkin ifoda etishda davom etishini aytdi.

Bu tortishuv...

O‘zbekistonda avtomobil bozoridagi faollik 2024-yilning III choragida 2023-yilga nisbatan kamaygani kuzatildi. Bu haqda Makroiqtisodiy va hududiy tadqiqotlar instituti tahlilida ma’lum qilindi.

Unga ko‘ra, tahlil IIV Yo‘l harakati xavfsizligi bosh boshqarmasi hamda Markaziy bank ma’lumotlari asosida amalga oshirildi.

III chorakda davlat ro‘yxatidan o‘tkazilgan avtomobillar soni 352,8 ming donani tashkil etib, bu shu yil II chorak ko‘rsatkichidan 76,8 mingga, ya’ni 27,8 foizga ko‘proq. Biroq o‘tgan yilning shu davriga nisbatan 19,9 foiz kam.

Avtokreditlar va aholining tasarrufdagi daromadlari avtomobil bozorining faolligiga bevosita ta’sir qiluvchi omillardan hisoblanadi. 2021-yildan 2024-yilning sentabriga qadar avtomobil savdosi bilan avtokreditlar hajmi (korrelyatsiya koeffitsiyenti 0,72) va aholi daromadlari...

Chery kompaniyasi 15-noyabr kuni Guanchjouda boshlanadigan ko‘rgazmada yangi Journeo yoʻl tanlamas (off-road) minivenini taqdim etadi. Ushbu zamonaviy miniven hozircha g‘oya (concept) sifatida taqdim etilib, o‘z xususiyatlari bilan Mitsubishi Delica’dan ustun bo‘lib, pnevmo-podveska, to‘liq gibrid tizim va 2500 km masofani bosib o‘tish imkoniyatiga ega. Bu haqda Autohome.com xabar bermoqda.

Chery Journeo keng eshiklari, katta panoramali tomi va quyosh panellariga ega. Salonda keng joy, alohida o‘rindiqlar, rul o‘rnida shturval joylashtirilgan.

Journeo ilg‘or CPilot 5.0 avtonom boshqaruv tizimi bilan jihozlangan bo‘lib, unda sun’iy intellektga asoslangan yordamchi tizimlar va 1000 TOPS quvvatga ega platforma o‘rnatilgan. Shuningdek, 30 dan ortiq xavfsizlik va haydovchiga...

Bugun, 14-noyabr kuni futbol bo‘yicha 2026-yilgi Jahon chempionati saralash bosqichi doirasida O‘zbekiston va Qatar terma jamoalari o‘rtasidagi uchrashuv bo‘lib o‘tadi. Xalqaro futbol eksperti Alisher Nikimbaev Kursiv Uzbekistan nashriga ushbu o‘yindan nimalar kutish mumkinligi haqida o‘z fikrlarini bildirdi.

Nikimbaevning ta’kidlashicha, O‘zbekiston terma jamoasi 2008-yil sentabr oyidan beri rasmiy o‘yinlarda Qatar terma jamoasidan mag‘lubiyatga uchramagan. 2008-yilda O‘zbekiston Jassim bin Hamad stadionida Qatarga 3:0 hisobida yutqazgan edi. Bugungi o‘yin ham aynan shu maydonda bo‘lib o‘tadi.

«O‘shandan buyon Osiyo kubogida faqat bir bor mag‘lub bo‘lganmiz, u ham penaltilar seriyasida. Qolgan barcha o‘yinlarda g‘alaba qozonganmiz. Umuman olganda, o‘zaro uchrashuvlar tarixi va...

Uzum ekotizimi to‘qqiz oy ichida e-commerce va fintex xizmatlarining sezilarli oʻsishini qayd etdi. Elektron tijorat aylanmasi uch karra oʻsib, $237 millionga yetdi. Shuningdek, fintex yoʻnalishidagi kredit portfeli ikki barobar oshdi. Bugungi kunda Oʻzbekiston aholisining uchdan biri Uzum xizmatlaridan foydalanmoqda.

E-commerce

Platformada hozirda 1 milliondan ortiq mahsulot mavjud, sotuvchilar soni esa 12 mingdan oshgan. 800 dan ortiq yetkazib berish punktlari orqali xizmat koʻrsatadigan Uzum Market’da 9 oy davomida buyurtmalar soni ikki yarim barobarga oʻsib, 14 milliondan oshdi.

Fintex

Avgust oyida Uzum Bank virtual kartasi sinov loyihasini ishga tushirdi. Oktabr oyidan boshlab barcha foydalanuvchilar ushbu kartadan foydalanish imkoniyatiga ega boʻlishdi...

14-noyabr kuni O‘zbekiston Respublikasi valyuta birjasida dollarning rasmiy kursi 7,90 so‘mga pasayib, 12 800,13 so‘mni tashkil etdi.

Moliya institutlari AQSh valyutasini 12 745 – 12 790 so‘mdan xarid qilishmoqda va 12 820 – 12 870 so‘mdan sotishmoqda.

Eslatib o‘tamiz, 13-noyabr kuni ushbu valyutaning narxi deyarli 15 so‘mga o‘sgan edi.

Qozog‘istonda Olmaota – Turkiston – Toshkent – Olmaota yo‘nalishi bo‘yicha yangi «Ipak yo‘li» temir yo‘l safari yo‘lga qo‘yilmoqda. Birinchi reys 2024-yil 16-noyabrda jo‘nab ketadi, deb xabar berdi Qozog‘iston Turizm va sport vazirligi.

To‘rt kun davomida sayyohlar Turkiston va Toshkentning asosiy diqqatga sazovor joylariga tashrif buyurib, Buyuk Ipak yo‘li bo‘ylab qadimiy shaharlar tarixi va madaniyati bilan tanishish imkoniyatiga ega bo‘ladilar.

Tur dasturiga gid hamrohligi, ovqatlanish, transport va kirish chiptalari kiradi. Yo‘lovchilar qadimiy O‘tror shahri, Ariston bobo maqbarasi, «Azret Sulton» qo‘riqxona-muzeyi va «Karvonsaroy» majmuasi kabi tarixiy obidalarni ziyorat qiladilar. Toshkentda esa shaharning tarixiy va zamonaviy yodgorliklari boʻylab ekskursiyalar tashkil etiladi.

Avvalroq...

O‘zbekistonda «Quva don mahsulotlari» va «Xorazm don mahsulotlari» AJlarining ustav kapitalidagi davlat aksiyalari ochiq savdoga qo‘yiladi. Bu haqda Davlat aktivlarini boshqarish agentligi xabar berdi.

Savdolar 2024-yil 6-dekabrda «Toshkent Respublika fond birjasi»da o‘tkaziladi. Yangi egalar kamida 5 yil davomida korxonalarning asosiy faoliyati – don ishlab chiqarish va qayta ishlashni davom ettirishi shart. Bundan tashqari, mavjud don omborlari va ishlab chiqarish quvvatlari saqlanib qolishi, shuningdek, korxonalar davlat zaxiralari uchun ajratilgan donni shartnoma asosida saqlashi talab etiladi.

«Quva don mahsulotlari»da davlat aksiyalarining 51 foizi boshlang‘ich narxi 20,5 milliard so‘mni tashkil etadi. Ikkinchi korxonada esa 92,2 foiz ulush 29,7 milliard so‘mga taklif qilinmoqda.

13-noyabr kuni Boku shahrida Oʻzbekiston Iqtisodiyot va moliya vazirligi delegatsiyasi va Germaniya xalqaro hamkorlik jamiyati (GIZ) oʻrtasida 3 million yevro miqdorida yangi shartnoma imzolandi. Uchrashuv BMTning Iqlim oʻzgarishi boʻyicha COP29 konferensiyasi doirasida boʻlib oʻtdi, deb xabar beradi vazirlik matbuot xizmati.

Mazkur uchrashuvda Oʻzbekistonda xususiy sektorga yordam berish va iqtisodiy siyosatlar boʻyicha maslahat beruvchi loyihaning joriy holati muhokama qilindi.

Loyiha doirasida Oʻzbekistonga issiqxona gazlarini oʻlchash va sertifikatlash boʻyicha ekspert maslahatlari taqdim etilib, xalqaro issiqxona gazlari savdosida ishtirok etish hamda Yevropa Ittifoqining Transchegaraviy tartibga solish mexanizmi (CBAM) talablariga moslashishda yordam beriladi. Shuningdek, loyiha xususiy sektorga yashil texnologiyalarni joriy etishda ko‘mak beradi...

YouTube Dream Track eksperimental funksiyasini ishga tushirdi. Endi rasmiy qoʻshiqlarni Shorts videolari uchun oʻzgartirish imkoni bo‘ladi. Bu haqda Google matbuot xizmati xabar berdi.

Eksperiment doirasida foydalanuvchilar mos qoʻshiqni tanlab, kerakli oʻzgarishlarni tavsiflab, oʻzlarining qisqa videolari uchun 30 soniyalik saundtrek yaratishlari mumkin.

Masalan, musiqaning yoʻnalishini «Trekni oʻzgartirish» buyrugʻi orqali almashtirish mumkin. Qayta ishlangan saundtrek original qoʻshiqqa havola qiladi va oʻzgarish sun’iy intellekt yordamida amalga oshirilganini koʻrsatadi.

Avvalroq Kursiv Uzbekistan YouTube’da Shorts videolari davomiyligi uch daqiqagacha oshirilgani haqida yozgan edi.

Sirdaryo viloyatidagi qurilish materiallari ishlab chiqaruvchi korxona 5 milliard soʻmlik gazni oʻgʻirladi, deb xabar qildi «Oʻzenergoinspektsiya» matbuot xizmati.

Inspektsiya ma’lumotlariga koʻra, korxona markaziy ta’minot tizimiga toʻgʻridan-toʻgʻri ulagan va sarf hisoblagich oʻrnatmagan holda gaz iste’mol qilgan.

«O‘zenergoinspektsiya» xodimlari gaz o‘g‘irlash holatlarini mahalliy huquq-tartibot idoralari xodimlariga topshirdi.

Avvalroq Kursiv Uzbekistan nashri O‘zbekistonning Namangan viloyatida katta hajmdagi gaz va elektr energiyasi o‘g‘irlangani haqida yozgan edi.

O‘zbekistonda ayrim biologik faol qo‘shimchalarning noto‘g‘ri sertifikatlanishi sababli, sertifikat beruvchi organlarning akkreditatsiyasi vaqtincha to‘xtatildi. Bu haqda Raqobat qo‘mitasi ma’lum qildi.

Unga ko‘ra, «Bio Max Pharm» kompaniyasi ishlab chiqargan «Bio Smekta» qo‘shimchasi tarkibi va qadoqlanishi jihatidan dori vositasiga juda o‘xshash ekani aniqlandi.

Tekshiruvlar davomida ushbu mahsulotni tasdiqlagan «Uni-Chem-Test» laboratoriyasi akkreditatsiya qoidalarini buzgan deb topildi va uning sertifikati bekor qilindi.

Raqobat qo‘mitasi aholiga qo‘shimchalarni faqat shifokor tavsiyasi asosida qabul qilishni tavsiya qilib, ularning davolovchi dori emasligini ta’kidladi. Shu bilan birga, mahsulot ishlab chiqaruvchilar va sotuvchilarga qonunchilik talablariga qat’iy amal qilish zarurligi eslatildi.

Eslatib o‘tamiz, avvalroq «FTV», «Muloqot» va «Amudaryo» telekanallariga...

O‘zbekiston valyuta birjasi savdo ishtirokchilari uchun qulaylik yaratish va kapital bozorini rivojlantirishga qaratilgan o‘zgarishlarni amalga oshirdi. Bu haqda O‘zRVB ma’lum qildi.

Unga ko‘ra, 2024 – 2028-yillar uchun rivojlanish strategiyasiga binoan, birja davlat qimmatli qog‘ozlari va valyuta bozori operatsiyalari uchun komissiyalarni optimallashtirdi.

«Tariflarni optimallashtirish natijasida valyutaviy svop operatsiyalari bo‘yicha vositachilik mukofoti sezilarli darajada –  bitim summasining 0,01 foizdan 0,0008 foizgacha pasaydi», – deyiladi birja xabarida.

Davlat qimmatli qog‘ozlari (DQQ) bozorida dilerlar uchun uch xil tarif rejasi joriy qilinib, ularning savdo hajmi va strategiyasiga moslashish imkoniyati taqdim etildi. Shuningdek, Markaziy bank obligatsiyalari bilan operatsiyalar uchun...

14-noyabr, payshanba kuni Toshkent shahri atmosferasida PM2,5 zararli moddalari konsentratsiyasi me’yordan 15,8 barobar oshdi. Bu haqda IQAir monitoring platformasi xabar berdi.

Unga ko‘ra, Toshkent havosi eng yuqori ifloslangan shaharlar reytingida oltinchi o‘rinni egalladi.

Poytaxt Vyetnamning Xanoyi (beshinchi oʻrin) va Indoneziyaning Jakartasi (yettinchi oʻrin) oʻrtasidan joy oldi.

Ma’lumot uchun, PM2.5 chang, avtomobil shinalari, asfalt va og‘ir metall birikmalarining mayda zarralaridan iborat. Ular nafas olayotganda inson tanasiga havo bilan birga kirib, yurak-qon tomir tizimi va nafas olish organlari kasalliklarini keltirib chiqaradi.

Avvalroq Kursiv Uzbekistan nashri o‘tgan chorshanba, 13-noyabr kuni Toshkent havosi eng iflos shaharlar ro‘yxatida 19-o‘rinni egallagani haqida...

AQShning Janubiy va Markaziy Osiyo bo‘yicha yordamchisi Donald Lu va O‘zbekiston tashqi ishlar vaziri o‘rinbosari Muzaffar Madrahimov mamlakatlarning to‘rtinchi yillik strategik sheriklik muloqotini o‘tkazdi. Bu haqda AQSh elchixonasi matbuot xizmati ma’lum qildi.

Unga ko‘ra, tadbir davomida tomonlar iqtisodiy rivojlanish, inson huquqlarini himoya qilish va xavfsizlik sohalarida o‘zaro hamkorlikni kuchaytirishga e’tibor qaratdi. Vakillar xalqaro masalalarda birgalikda harakat qilish, bojxona, kiberxavfsizlik, mehnat huquqlari va ayollarni iqtisodiy qo‘llab-quvvatlash kabi sohalarda ham hamkorlik qilishni ta’kidladi.

Suningdek, AQSh Davlat departamenti Samarqand shahridagi Registon maydoni arxitektura konservatsiyasi ishlari uchun $500 ming mablagʻ ajratilishini e’lon qildi. Moliyalashtirish «AQSh elchilarining madaniy merosni asrash» jamgʻarmasi (AFCP) orqali beriladi.

TikTok platformasiga egalik qiladigan Xitoyning ByteDance kompaniyasi sun’iy intellektga (SI) asoslangan SeedEdit vositasini chiqarishini ma’lum qildi.

Uning demo versiyasi Hugging Face platformasida mavjud.

SeedEdit tasvirlar bilan ishlash uchun moʻljallangan. Texnologiya nafaqat soʻrov boʻyicha ularni yaratishi, balki ularni tahrirlashi ham mumkin. Bu ByteDance vositasini analog xizmatlardan ajratib turadi.

Avvalroq Kursiv Uzbekistan ByteDance asoschisi Chjan Iimin Xitoyning eng boy odamiga aylangani haqida yozgan edi. Uning boyligi $49,3 milliardga baholangan.

2023-yil yakunlari boʻyicha Oʻzbekiston dunyodagi eng yirik oltin ishlab chiqaruvchi davlatlar orasida oʻninchi oʻrinni egalladi. Bu haqda World Gold Council ma’lumotlariga asoslanib, «TASS» agentligi xabar bermoqda.

Oʻtgan yilda Oʻzbekistonda umumiy hisobda 119,6 tonna oltin ishlab chiqarildi, bu mamlakatga dunyo boʻyicha yirik oltin ishlab chiqaruvchi davlatlar orasida munosib oʻrin taqdim etdi.

Dunyoda eng koʻp oltin ishlab chiqargan mamlakat Xitoy boʻlib, u 378,2 tonna oltin ishlab chiqargan. Ikkinchi oʻrindan Rossiya (321,8 tonna) joy olgan boʻlsa, uchinchi oʻrinni Avstraliya (293,8 tonna) egalladi. Ulardan keyingi oʻrinlarda Kanada, AQSh, Gana, Indoneziya, Peru va Meksika kabi mamlakatlar keladi.

Oʻtgan yilda Shveysariya oltin va uning hosilalari...

AQShning yangi saylangan prezidenti Donald Tramp amaldagi davlat rahbari Jo Bayden bilan uchrashish uchun Oq uyga keldi. Bu haqda New York Post axborot agnentligi ma’lum qildi.

Unga ko‘ra, uchrashuv chog‘ida Bayden va Tramp hokimiyatni tinch yo‘l bilan topshirish zarurligi haqida kelishib oldi.

«Ta’kidlanganidek, bu muammosiz o‘tishishi tarafdorimiz. Biz sizning talablaringizni qondirish uchun hamma narsaga tayyormiz», – dedi Bayden.

Ular Vashingtonda yaqinlashib kelayotgan hokimiyat almashinuvi bilan bog‘liq masalalarni muhokama qildi.

Eslatib o‘tamiz, 2016-yilgi saylovda ham Tramp g‘alaba qozongan edi. U XIX asrdan beri to‘rt yillik tanaffusdan so‘ng Oq uyga qaytgan birinchi AQSh siyosatchisi bo‘ldi. Respublikachi...

Oktabr oyida O‘zbekiston avtomobil bozorida savdo hajmi sezilarli darajada pasayib, ayniqsa, yengil avtomobillar segmentida yillik kamayish kuzatildi. Iqtisodiy tadqiqotlar va islohotlar markazining ma’lumotlariga ko‘ra, oy davomida mamlakatda jami 102,3 ming dona avtomobil sotilgan bo‘lib, bu sentabr oyiga nisbatan 7 foizga kam. Yillik solishtirishda esa savdolar 44 foizdan ko‘proqqa qisqargan.

Yengil avtomobillar segmenti pasaydi

Oktabr oyida yengil avtomobillar sotuvi sentabr oyiga nisbatan 6 foizga kamayib, 95,4 ming donani tashkil qildi. O‘tgan yilning shu davriga nisbatan esa yengil avtomobillar savdosi 43,3 foizga qisqargan. Mutaxassislarning fikriga ko‘ra, bu pasayish avtomobil bozoridagi umumiy holatning og‘irlashganini ko‘rsatadi.

Birlamchi avtomobil bozoridagi holat

Oktabr oyida...

Bugun, 14-noyabr kuni futbol boʻyicha Oʻzbekiston milliy terma jamoasi 2026-yilgi jahon chempionatining 3-saralash bosqichi 5-tur doirasida Qatar terma jamoasiga qarshi to‘p suradi.

Uchrashuv Dohadagi Jassim bin Hamad stadionida boʻlib oʻtadi va Toshkent vaqti bilan soat 21:15 da boshlanadi.

Ayni damda Oʻzbekiston terma jamoasi 4-turdan keyin guruhda Eron bilan 10 ochkodan jamgʻarib, peshqadamlik qilmoqda. Guruhdagi keyingi oʻrinlardan BAA (4 ochko), Qatar (4 ochko), Qirgʻiz respublikasi (3 ochko) va KXDR (2 ochko) joy olgan.

Avvalroq «Kursiv» Oʻzbekiston futbol terma jamoasi jahon reytingida yuqorilagani haqida xabar bergan edi.

2024-yil 1-dekabrdan boshlab, «O‘zbekiston temir yo‘llari»ga tegishli vagonlarda ichki yo‘nalishlarda yuk tashish uchun tariflar 30 foizga oshiriladi. Bu haqda AJ axborot xizmati xabar berdi.

Qayd etilishicha, narxlarning ko‘tarilishi yuk tashish xizmatlari xarajatlarining oshgani bilan bog‘liq.

Bunday o‘zgarish vagon turiga (universal, ixtisoslashtirilgan yoki sisternali) qarab belgilanadi va xarajatlarni qisman qoplash hamda vagonlar parkini yangilashga qaratilgan.

Eslatib o‘tamiz, prezidentning 2023-yil 10-oktabrdagi farmoniga muvofiq, joriy yilning 1-yanvaridan boshlab yuk vagonlari va konteynerlarni taqdim etish xizmatlari tariflari davlat nazorati o‘rniga bozor tamoyillari asosida tartibga solinadi.

Avvalroq Kursiv Uzbekistan TTY endi «O‘zbekiston temir yo‘llari» bilan integratsiyalangani haqida yozgan edi.

AQSH prezidenti Donald Tramp Vazirlar Mahkamasida bir qator lavozimlarga nomzodlarni e’lon qildi. Bu haqda Reuters agentligi xabar berdi.

Eng qiziqarlisi nomzod sifatida Fox News kanalining boshlovchisi Pit Xegset koʻrsatildi, Tramp uni mudofaa vaziri sifatida koʻrmoqda. Televideniyedagi faoliyatidan tashqari Xegset AQSH Milliy gvardiyasida xizmat qilgan. U Iroq, Afgʻoniston, Guantanamo va Kubada boʻlgan.

Tramp, shuningdek, Respublikachilar partiyasidagi hamkasblari Marko Rubio va Mett Getsni davlat kotibi va bosh prokuror lavozimiga tayinlashni taklif qildi.

Milliy razvedkaning rahbari Fox News sobiq jurnalisti Tulsi Gabbard bo‘lishi mumkin, respublikachi Jon Li Retkliffni esa Markaziy razvedka boshqarmasi rahbari qilish taklif etildi.

Avvalroq Kursiv Uzbekistan tadbirkor Ilon Mask