Yangiliklar

Nubia yangi flagmani Nubia Z80 Ultra modelining global savdosi boshlanganini e’lon qildi. Bu haqda Gizmochina xabar bermoqda.

Model o‘tgan oy Xitoyda taqdim etilgan edi. Xalqaro bozorda sotuvlar 2-dekabrgacha davom etadigan maxsus kampaniya bilan start oldi. Dastlabki xaridorlar original quvvatlagich va premium g‘ilofni bepul oladi.

Z80 Ultra 6,85 dyuymli AMOLED ekran bilan jihozlangan. Old kamera sakkizinchi avlod ekran ostiga joylashtirilgan, shu sabab ekranda hech qanday o‘yiq yo‘q. Ekran 1,5K aniqlik va 144 Hz yangilanish tezligini taklif qiladi.

Asosiy kamera o‘ziga xos — 35 millimetrlik obyektivga ega. Smartfon Snapdragon 8 Elite Gen 5 protsessori bilan ishlaydi. 7200 mA/soat sig‘imli batareya...

Qozog‘iston prezidenti Qosim-Jomart To‘qayev AQSh prezidenti Donald Tramp bilan Oq uyda uchrashib, ikki tomonlama hamkorlik va xalqaro masalalarni muhokama qildi. Bu haqda Central Asia meadia ma’lum qildi.

To‘qayev Trampga Vashingtonga taklif va mehmondo‘stlik uchun minnatdorlik bildirdi hamda TRIPP tashabbusini qo‘llab-quvvatlashini aytdi.

Uchrashuv doirasida Qozog‘iston va AQSh o‘rtasida $17 mlrddan ortiq savdo kelishuvlari imzolandi. Prezidentlar iqtisodiyot, savdo, transport, energetika va xalqaro tinchlik masalalarini muhokama qildi.

Tashrif davomida To‘qayev AQSh davlat kotibi Marko Rubio, AQSh prezidentining Janubiy va Markaziy Osiyo bo‘yicha maxsus vakili Serjio Gor bilan uchrashdi, global IT-startaplar asoschilari bilan muloqot qildi va Kongress delegatsiyasi bilan uchrashuv o‘tkazdi.

Eslatib o‘tamiz...

FIFA The Best FIFA Football Awards sovrini uchun nomzodlarga ovoz berish jarayonini boshladi. Ovoz berish FIFA platformasi orqali amalga oshiriladi va 28-noyabrda yakunlanadi.

Ekspertlar komissiyasi erkaklar va ayollar uchun «Eng yaxshi futbolchi», «Eng yaxshi murabbiy» va «Eng yaxshi darvozabon» kabi oltita asosiy nominatsiyada qisqa ro‘yxatni e’lon qildi.

Ayollar orasida «Barselona» futbolchilari Ayitana Bonmati va Aleksiya Putelyas, shuningdek, «Chelsi» vakillari Loren Jeyms va Lyusi Bronz nomzod sifatida ko‘rsatildi. Erkaklar toifasida asosiy da’vogarlar «Real Madrid» hujumchisi Kilian Mbappe, «Bavariya» sardori Harri Keyn va «Barselona»ning yosh iqtidor sohibi Lamin Yamal.

Ayol murabbiylar orasida «Chelsi»dan Sonya Bompastor va Angliya terma jamoasi bosh murabbiyi...

Vashington shahrida o‘tkazilgan «C5+1» sammiti doirasida Uzbekistan Airways Boeing kompaniyasi bilan kelishuv imzoladi.

Unga ko‘ra, aviakompaniya sakkizta Boeing 787-9 Dreamliner samolyotiga berilgan opsionlarni qat’iy buyurtmaga aylantirdi. Shu bilan Uzbekistan Airways’ning Dreamliner samolyotlariga berilgan umumiy buyurtmasi 22 taga yetdi. Hujjat Uzbekistan Airways boshqaruvi raisi Shuxrat Xudaykulov hamda Boeing kompaniyasi vakili Pol Rigi tomonidan imzolandi. Marosimda AQSh savdo vaziri Govard Latnik va O‘zbekiston investitsiyalar, sanoat va savdo vaziri Laziz Qudratov ham qatnashdi.

Samolyotlar 2031-yildan boshlab yetkazib beriladi. Yangi avialaynerlar aviakompaniyaga uzoq masofali parvozlarni kengaytirish, jadvalni barqarorlashtirish va yo‘nalishlar geografiyasini oshirish imkonini beradi. Bu orqali Markaziy Osiyo Shimoliy Amerika, Yevropa...

Shavkat Mirziyoyev AQShning Vashington shahridagi Oq uyda bo‘lib o‘tgan «C5+1» sammitida qatnashdi. Bu haqda davlat rahbari matbuot xizmati ma’lum qildi.

Shuningdek, tadbirda AQSh prezidenti Donald Tramp, Qozog‘iston, Qirg‘iziston, Tojikiston va Turkmaniston prezidentlari ishtirok etdi.

Mirziyoyev sammit tashkil etilganidan buyon 10 yilda mintaqaviy savdo, transport va energetika aloqalari samarali rivojlanganini ta’kidladi. U doimiy faoliyat yuritadigan Kotibiyatni tashkil etish, Investitsiyalar va savdo bo‘yicha muvofiqlashtiruvchi kengash tuzish, «Markaziy Osiyo investitsiyaviy sherikligi» jamg‘armasini ishga tushirish kabi tashabbuslarni ilgari surdi.

Shuningdek, yirik transport va energetika loyihalarini amalga oshirish, minerallarni qayta ishlash, qishloq xo‘jaligini modernizatsiya qilish, madaniy hamkorlikni rivojlantirish va Samarqandda navbatdagi sammitni o‘tkazish bo‘yicha...

Xorijiy brend nomidan noqonuniy foydalangan kompaniyaga mahsulotlarini yo‘q qilish topshirildi. Bu haqda Adliya vazirligi xabar berdi.

Unga ko‘ra, Germaniyaning Hugo Boss kompaniyasi Boss tovar belgisidan «D.W.» MChJ noqonuniy foydalanilayotgani bo‘yicha murojaat yo‘llagan. Tekshiruvda ushbu shirkat tomonidan xorijiy brend nomi ostida kontrafakt mahsulotlar sotuvga chiqarilganligi ma’lum bo‘ldi.

Natijada «D.W.» MChJga nisbatan ta’sir choralar ko‘rildi va saqlanib turgan 173 dona kontrafakt mahsulotni yo‘q qilish majburiyati yuklandi. Vazirlik tadbirkorlardan o‘z brendini ro‘yxatdan o‘tkazishni va noqonuniy foydalanish holatlari bo‘yicha 1008 qisqa raqamiga xabar berishni so‘ramoqda.

Avvalroq Ahangaron Hygienic Pro korxonasi «Kimberly-Clark» MChJga tegishli bo‘lgan Huggies savdo belgisidan ruxsatsiz foydalangani xabar qilingandi. Unga...

Tijorat banklari 7-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.

Farg‘onada 1,4 mlrd so‘mlik subsidiya mablag‘lari o‘zlashtirilgani aniqlandi. Korrupsiyaga qarshi kurashish agentligi viloyatda tadbirkorlarga ajratilgan subsidiya mablag‘laridan foydalanish bo‘yicha o‘rganish o‘tkazdi.

Tekshiruv natijasida 2023–2024-yillarda ajratilgan jami 9,3 mlrd so‘mdan 1,4 mlrd so‘m mablag‘ o‘zlashtirib yuborilgani ma’lum bo‘ldi. Xususan:

Tank brendi tomonidan Xitoyda yangilangan Tank 400 avtomobili taqdim etildi. Avtomobil besh xil komplektatsiyada taqdim qilinadi, deb xabar bermoqda CarNewsChina.

Narxlar 250 ming yuandan ($35 ming) boshlanadi. Model 2023-yilda taqdim qilingan edi. Endi u feysliftingdan o‘tdi. Tashqi ko‘rinish saqlangan, biroq bamperlar qayta ishlangan. Radiator panjarasi kengaydi. To‘rt rang mavjud: qora, kumush, kulrang va binafsha.

Tomga ilg‘or lidar o‘rnatilgan. U Coffee Pilot Ultra tizimi bilan ishlaydi. Tizim shahar va trassa avtopilotini, shuningdek, avtoparkovkani qo‘llab-quvvatlaydi. Gabaritlar o‘zgarishsiz: 4964×1970×1905 mm. G‘ildirak bazasi 2850 mm.

Salon keskin yangilangan. Model Snapdragon 8295 chipiga ega media tizim bilan jihozlangan. U Coffee OS 3 orqali boshqariladi...

Qualcomm kompaniyasi Samsung Galaxy S26 liniyasidagi smartfonlarning qariyb 75 foizi yangi Snapdragon 8 Elite Gen 5 chipida ishlashini ma’lum qildi. Bu haqda Gizmochina xabar bermoqda.

Ushbu ko‘rsatkich kompaniyaning 2025-yil to‘rtinchi chorak hisobotida tasdiqlandi. Qualcomm vakili avval standart nisbat 50 foiz bo‘lganini, Galaxy S25 liniyasida esa 100 foiz Qualcomm chiplari qo‘llanganini eslatdi. Endi esa Samsung har bir yangi Galaxy seriyasida kamida 75 foiz ulushni Qualcommga berishi kutilmoqda.

Galaxy S26 qatorida o‘zining Exynos 2600 chipini ham qo‘llashi haqida ilgari ko‘p bor xabarlar chiqqan edi. Qualcomm bayonotiga ko‘ra, Exynos 2600 liniyadagi qurilmalarning qolgan chorak qismida ishlatiladi.

Eslatib o‘tamiz, Kursiv Uzbekistan Galaxy S...

Shavkat Mirziyoyev Vashington shahrida General Motors International kompaniyasining global ijrochi direktori Shilpan Amin bilan uchrashdi. Bu haqda davlat rahbari matbuot xizmati ma’lum qildi.

Uchrashuvda uzoq muddatli hamkorlikni kengaytirish, mamlakatimiz avtomobil sanoatini rivojlantirish va diversifikatsiya qilish masalalari muhokama qilindi.

Ta’kidlanishicha, so‘nggi 5 yilda kompaniya O‘zbekistonda 1,6 mln avtomobil ishlab chiqardi, Chevrolet brendi bo‘yicha AQShdan keyin ikkinchi yirik bozorga, Markaziy Osiyo va MDHda esa yetakchiga aylandi.

Uchrashuvda ishlab chiqarish kooperatsiyasini rivojlantirish, mahsulotlar turini kengaytirish, mahalliylashtirish va zamonaviy mashinasozlik texnologiyalari bo‘yicha qo‘shma loyihalarni amalga oshirish istiqbollari muhokama qilindi.

Eslatib o‘tamiz, avvalroq Shavkat Mirziyoyev Donald Tramp bilan uchrashuv o‘tkazgan edi.

AQSh prezidenti Donald Tramp o‘zining Truth ijtimoiy tarmog‘ida O‘zbekiston bilan yangi savdo va investitsiya bitimi imzolanganini ma’lum qildi.

Trampning yozishicha, kelgusi uch yil ichida O‘zbekiston AQSh iqtisodiyotiga qariyb $35 milliard miqdorida sarmoya kiritadi. Keyingi o‘n yil davomida esa umumiy investitsiyalar hajmi $100 milliarddan oshishi kutilmoqda.

«Bu mablag‘lar AQShning asosiy sohalariga — muhim minerallar, aviatsiya, avtomobil ehtiyot qismlari, infratuzilma, qishloq xo‘jaligi, energetika, kimyo va axborot texnologiyalariga yo‘naltiriladi», — deb yozdi Tramp.

U, shuningdek, O‘zbekiston prezidenti Shavkat Mirziyoyevga minnatdorchilik bildirgan va ikki mamlakat o‘rtasidagi uzoq muddatli hamkorlikni davom ettirishga umid bildirgan. Agar loyiha amalda ro‘yobga chiqsa...

O‘zbekiston prezidenti Shavkat Mirziyoyev 6-noyabr kuni Vashingtonda Donald Tramp bilan uchrashdi. Uchrashuv Oq uyda o‘tdi. Bu haqda prezident matbuot xizmati xabar bermoqda.

Mirziyoyev Faxriy mehmonlar kitobiga qayd yozib qoldirdi. Shundan so‘ng Oval xonada muzokara boshlandi.

Tomonlar strategik sheriklikni mustahkamlashga kelishib oldi. Siyosiy muloqot, savdo, investitsiya va madaniy aloqalarni kengaytirish muhokama qilindi.

Sentabr oyida Nyu-Yorkda erishilgan kelishuvlarni bajarish masalasi alohida ko‘rib chiqildi. «C5+1» formatida hamkorlikni chuqurlashtirish bo‘yicha fikr almashildi.

Mirziyoyev Trampni ichki va tashqi siyosatdagi muvaffaqiyatlari bilan tabriklagan. Trampning mojarolarni tinch yo‘l bilan yumshatishdagi hissasi tilga olindi.

Donald Tramp O‘zbekiston delegatsiyasining AQSh hukumatida, yirik kompaniyalarda va moliya institutlarida o‘tgan uchrashuvlarini...

Shavkat Mirziyoyev 6-noyabr kuni Vashingtonda bir qator yuqori darajadagi ishbilarmon uchrashuvlar o‘tkazdi. Bu haqda davlat rahbari matbuot xizmati ma’lum qildi.

U AQSh Eksport-import banki rahbari Jon Yovanovich bilan uchrashib, energetika, transport, qishloq xo‘jaligi, AT va muhim minerallar sohalaridagi yirik loyihalarni moliyalashtirish bo‘yicha hamkorlikni kengaytirish istiqbollarini muhokama qildi. Eksimbank mamlakatimiz aviaparkini modernizatsiya qilish va «Boeing» samolyotlarini yetkazib berishdagi ishtirokiga alohida e’tibor qaratildi. Uchrashuv yakunida Investitsiyalar, sanoat va savdo vazirligi hamda Eksimbank o‘rtasida qo‘shma loyihalarni moliyalashtirish to‘g‘risidagi bitim almashildi.

Shavkat Mirziyoyev DFC bosh direktori Ben Blek bilan uchrashib, rivojlanayotgan mamlakatlarda infratuzilma va sanoat loyihalarini amalga oshirish, qo‘shma investitsiya platformalarini...

Tesla kompaniyasi bosh direktori Ilon Mask tarixdagi eng yirik korporativ mukofotni olish uchun aksiyadorlardan ruxsat oldi. Bu haqda Reuters agentligi ma’lum qildi.

Kompaniya yillik yig‘ilishida 75 foizdan ortiq aksiyadorlar Maskning 1 trillion dollarlik aksiyalar rejasini ma’qulladi.

Mazkur qaror Tesla’ning kelajagi uchun muhim, chunki kompaniya Maskning sun’iy intellekt, robototexnika va o‘zini boshqaruvchi avtomobillar haqidagi rejalariga tayanadi.

Mask o‘z nutqida «Tesla kelajagining yangi bobini emas, butunlay yangi kitobini yozmoqdamiz», deya ta’kidladi. U tez orada ruli bo‘lmagan «Cybercab» robotaksisini ishlab chiqarishni boshlashini va yangi avlod «Roadster» elektromobilini taqdim etishini bildirdi.

Ba’zi yirik investorlar bu reja haddan tashqari qimmatligini aytishgan bo‘lsa-da, ko‘pchilik uni...

Nukus — Urganch yo‘nalishidagi poyezd chiptalari narxi oshirildi

Nukus — Urganch yo‘nalishidagi poyezd chiptalari narxi oshirildi. Yangi tariflar 6354-6353-sonli Nukus — Urganch — Nukus shaharlararo poyezdlarida joriy yilning 22-noyabridan boshlab amal qiladi.

Apple yangi iPhone Air’ga qo‘shimcha kamera qo‘shishi mumkin

Apple kompaniyasi iPhone Air’ning ikkinchi avlodini ishlab chiqmoqda. Yangi model ultra yupqa va yengil korpusini saqlab qoladi. Kutilishicha, iPhone 18 Air ikki kamerali bo‘ladi: 48 megapikselli asosiy sensor va 48 megapikselli keng burchakli modul. Qurilmada 6,5 dyuymli yuqori yangilanish chastotali ekran va 3D yuzni aniqlash funksiyasi mavjud bo‘ladi.

Sobiq «Toshturma» hududida mehmonxona qurilishi mumkin — hokimlik

Oliy Majlis...

7-noyabr kuni O‘zbekistonda kechasi harorat 0° sovuqdan 5° iliqqacha, kunduzi esa 2–17° iliqqacha bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Parij shahri noyob lotereya e’lon qildi: g‘oliblar mashhur qabristonlardan birida dafn qilinish imkoniyatini qo‘lga kiritadi. Bu haqda CNN agentligi ma’lum qildi.

Lotereya g‘oliblari Père-Lachaise, Montparnasse va Montmartre qabristonlaridagi 30 ta qabristondan birini sotib olib, ta’mirlash imkoniyatiga ega bo‘ladi. Bu qabristonlarda Jim Morrison, Oscar Wilde, Édith Piaf, Jean-Paul Sartre va Edgar Degas kabi mashhur shaxslar dafn qilingan.

Har bir qabriston to‘rt ming yevroga sotiladi, ijara narxi esa 10 yillik shartnoma uchun 976 yevrodan boshlanadi va abadiy dafn huquqi uchun 17,668 yevrogacha yetadi. Lotereya arizalari 31-dekabrgacha qabul qilinadi, ro‘yxatdan o‘tish narxi 125 yevro.

Ushbu lotereya Parij aholisi uchun qadimiy qabristonlarda...

Google o‘zining sun’iy intellektga ega Gemini chat-boti uchun foydali yangilanishni taqdim etdi. Bu haqda The Verge nashri ma’lum qildi.

Endi Gemini foydalanuvchining Gmail, Google Disk va Google Chatdagi ma’lumotlarni ishlatib, chuqur tadqiqotlar va tahliliy so‘rovlarni bajarishi mumkin. Google blogida bu yangilik «Gemini Deep Research» funksiyasi deb e’lon qilindi.

Yangi funksiyaning asosiy imkoniyati – foydalanuvchining hujjatlari, slaydlari, jadvallari, PDF fayllari va elektron pochta yozishmalaridan ma’lumotlar olib, batafsil va aniq hisobotlar tayyorlashdir. Shuningdek, Gemini internetdagi boshqa manbalardan ham ma’lumotlarni tahlil qilishi mumkin.

Masalan, kompaniya yangi mahsulot bozorini o‘rganmoqchi bo‘lsa, Gemini’ga brainstorming hujjatlari, loyiha rejalari va elektron pochta yozishmalarini tahlil qilish topshirilishi...

Jizzax viloyatida yo‘lovchi tashish tizimini modernizatsiya qilish va qulay, xavfsiz xizmat ko‘rsatishni ta’minlash maqsadida shahar jamoat transporti tarkibi yangilanmoqda. Bu haqda Transport vazirligi ma’lum qildi.

Shu doirada «Jizzax tekstil logistika» MCHJ tomonidan Jizzax shahriga o‘nta zamonaviy Ankai rusumli avtobus olib kelindi. Yangi avtobuslar shahar ichi yo‘nalishlarida ishlatiladi va brutto-shartnoma asosida yo‘nalishlarga joylashtiriladi.

Eslatib o‘tamiz, avvalroq Termiz shahriga 35 ta yangi avtobus olib kelingan edi.

Apple kompaniyasi iPhone Air’ning ikkinchi avlodini ishlab chiqmoqda. Bu haqda Weibo ma’lum qildi.

Yangi model ultra yupqa va yengil korpusini saqlab qoladi. Kutilishicha, iPhone 18 Air ikki kamerali bo‘ladi: 48 megapikselli asosiy sensor va 48 megapikselli keng burchakli modul. Qurilmada 6,5 dyuymli yuqori yangilanish chastotali ekran va 3D yuzni aniqlash funksiyasi mavjud bo‘ladi.

Yangi model A20 Pro chipi bilan jihozlanishi kutilmoqda, bu esa ishlash tezligi va samaradorlikni oshiradi. Birinchi avlod bilan solishtirganda bu sezilarli yangilanish bo‘ladi.

Apple iPhone Air sotuvlari past bo‘lganligi sababli ishlab chiqarishni qisqartirmoqda, ammo boshqa modellarning ishlab chiqarilishini oshirmoqda.

Eslatib o‘tamiz, avvalroq Apple iOS 26.1 versiyasini...

Google kompaniyasi Hind okeanidagi Avstraliyaga qarashli Christmas orolida yirik sun’iy intellekt ma’lumotlar markazi qurishni rejalashtirmoqda. Bu haqda Reuters agentligi ma’lum qildi.

Loyihaga yil boshida Avstraliya Mudofaa vazirligi bilan tuzilgan bulutli xizmatlar kelishuvi turtki bo‘lgan.

Markaz orol aeroporti yaqinida joylashadi va energiya ta’minoti uchun mahalliy kon kompaniyasi bilan kelishuv amalga oshiriladi. Qurilish loyihasi orolning strategik ahamiyatini oshiradi, chunki bu hudud Xitoy suvosti kemalari va boshqa harbiy faoliyatini kuzatish nuqtai nazaridan muhimdir.

Avstraliya Mudofaa vazirligi va Google loyihaga izoh bermagan. Shu bilan birga, Christmas orolida avvalgi harbiy mashg‘ulotlar orolning oldingi mudofaa chizig‘i sifatida muhimligini ko‘rsatgan, ayniqsa, masofadan boshqariladigan tizimlar uchun.

Google...

Oliy Majlis Senati Agrar, suv xo‘jaligi masalalari va ekologiya qo‘mitasi raisining o‘rinbosari Sayyora Abdikarimova tomonidan Toshkent shahar hokimi Shavkat Umurzoqovga Yunusobod tumani Namangan ko‘chasida joylashgan sobiq 1-sonli tergov hibsxonasi hududida zamonaviy xiyobon qurish taklifi yuzasidan senator so‘rovi yuborilgan edi. Hokimlik so‘rov yuzasidan Senatga ma’lumot berdi.

Toshkent shahar hokimligi tomonidan yuborilgan rasmiy ma’lumotga ko‘ra, hibsxona 2017-yilda Zangiota tumaniga ko‘chirilgan va uning 2,9 gektarlik yer maydoni 2018-yilda shahar hokimligi ixtiyoriga berilgan. Hujjatlarga muvofiq, ushbu hududda obodonlashtirish ishlari amalga oshirilib, zamonaviy dam olish maskani tashkil etilishi belgilangan edi.

Biroq keyinchalik mazkur yer maydoni 2020-yilda «Ogneupor» MChJga ma’muriy bino qurish uchun kompensatsiya tariqasida...

O‘zbekiston Prezidenti administratsiyasi rahbari maslahatchisi Komil Allamjonov X ijtimoiy tarmog‘idagi sahifasida AQSh fuqarolik va immigratsiya xizmatlariga murojaat qilib, o‘zbekistonliklar uchun B1/B2 toifali vizalarning amal qilish muddatini bir yildan o‘n yilgacha uzaytirishni taklif etdi.

Bu tashabbus O‘zbekiston va AQSh o‘rtasidagi vizaviy tartiblarni soddalashtirish jarayonining bir qismi sifatida ilgari surildi. Eslatib o‘tamiz, 2025-yil may oyida prezident Shavkat Mirziyoyev Tashqi ishlar vazirligiga AQSh bilan vizaviy tartibotlarni yengillashtirish bo‘yicha muzokaralarni boshlashni topshirgan edi.

Shuningdek, 2026-yil 1-yanvardan boshlab AQSh fuqarolari O‘zbekistonga vizasiz kirish huquqiga ega bo‘ladi va mamlakatda 30 kungacha qolishlari mumkin.

Avvalroq Kursiv Uzbekistan Komil Allamjonov Saidа Mirziyoyevaning mustaqil maslahatchisi lavozimiga tayinlangani haqida...