Yangiliklar

Realme yangi Realme 15T smartfonini taqdim etdi. Bu haqda Gizmochina ma’lum qildi.

Asosiy e’tibor 7000 mA·soat sig‘imli batareyaga qaratilgan. Kompaniya vakillari uni bunday quvvatga ega eng yengil smartfon sifatida ta’riflamoqda. Qurilma 60 Vt tezkor zaryadlash va 6 Vt quvvatda teskari zaryadlashni qo‘llab-quvvatlaydi.

Smartfon 6,57 dyuymli AMOLED displey bilan jihozlangan. Uning imkoniyati 2372×1080 piksel, yangilanish chastotasi esa 120 Hz. Ekran yorqinligi 4000 nitga yetadi, PWM chastotasi 2160 Hzga teng.

Smartfonning asosiy va old kamerasi 50 MP OmniVision OV50D40 sensorga ega. Orqa blokda qo‘shimcha 2 MP mono sensor mavjud. Qurilma MediaTek Dimensity 6400 Max protsessori asosida ishlaydi, sovitish uchun...

1-sentabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 0,2 foizga pasayib, 35,9 foizni tashkil etmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 24,1 foizni, yuridik shaxslar ulushi esa 23,1 foizni ko‘rsatmoqda.

19-avgust holatiga ko‘ra, mikroqarzlarning o‘rtacha foiz stavkasi 36,1 foizni tashkil etgandi.

Eng yuqori foiz stavkasi quyidagi banklarda qayd etilgan:

Hukumat qarori bilan prezident huzuridagi Davlat siyosati va boshqaruvi akademiyasining magistraturasiga qabul qilish tartibi tasdiqlandi. Bu haqda Adliya vazirligi xabar berdi.

Akademiyada quyidagi mutaxassisliklar bo‘yicha kadrlar tayyorlanadi:

Magistraturaga qabul davlat buyurtmasi asosida davlat granti va to‘lov-kontrakt shaklida amalga oshiriladi.

Shuningdek, davlat buyurtmasi bo‘yicha qabulni tashkil etish uchun idoraviy komissiya tuziladi. Nomzod komissiyaga quyidagi hujjatlarni taqdim etadi:

Magistraturaga qabul qilinganlarning kamida 30 foizi ayollardan...

Prezident Administratsiyasi huzuridagi OAV uchun kontent tayyorlash markaziga rahbar va o‘rinbosarlar tayinlandi. Bu haqda Prezident Administratsiyasi farmoyishi qabul qilindi.

Unga ko‘ra, Qobuljon Xoliqovich Ahmedov Prezident Administratsiyasi huzuridagi OAV uchun kontent tayyorlash markazi direktori etib tayinlandi. Tayinlovga qadar u avval MY5 telekanali bosh direktori, so‘ngra MTRK «Yoshlar» ijodiy birlashmasi direktori lavozimida faoliyat yuritgan.

Shuningdek, Husan Ravshanovich Salixov mazkur markaz direktori o‘rinbosari lavozimiga tayinlandi. Salixov taniqli rejissyor, tayinlovga qadar prezident Matbuot xizmati Media markaziga rahbarlik qilgan.

Shu bilan birga, Jahongir Muhammadali o‘g‘li Abdurahmonov ham markaz direktori o‘rinbosari sifatida ish boshladi. U prezident Matbuot xizmatida bosh konsultant bo‘lgan, undan oldin UZREPORT telekanalida...

Crocs kompaniyasi Seul brendi SLBS bilan hamkorlikda klassik sabo poyabzali dizaynidan ilhomlangan noodatiy iPhone g‘ilofini taqdim etdi. Bu haqda Design Taxi xabar bermoqda.

Termopoliuretan materialidan tayyorlangan g‘ilof Crocs’ga xos shamollatish teshiklari bilan ajralib turadi.

Avval bunday g‘ilof faqat Samsung Galaxy S25 Ultra uchun ishlab chiqarilgan edi. Endi esa u iPhone foydalanuvchilari uchun ham moslashtirildi. G‘ilof yumshoq tuzilishga ega bo‘lib, smartfonni tushib ketishdan himoya qiladi va sozlanadigan modulli kamar bilan taqdim etiladi.

Foydalanuvchilar turli rang variantlarini tanlashi mumkin.

Eslatib o‘tamiz, Kursiv Uzbekistan iPhone 17 Air smartfoni qanday xususiyatlarga ega bo‘lishi haqida yozgan edi.

Yo‘lovchilar tashish xavfsizligini ta’minlash va yo‘nalishlarni maqbullashtirish maqsadida 15, 28 va 61-sonli avtobus yo‘nalishlari harakatiga qisman o‘zgartirishlar kiritildi. Bu haqda Toshkent shahar transport bosh boshqarmasi xabar berdi.

15-sonli avtobus yo‘nalishi endi Qo‘yliq 1-mavzesidan Do‘stlik metrosi tomon harakatlanishda Qo‘yliq ko‘prik osti yo‘li orqali qo‘shimcha yo‘l bo‘lagidan foydalanadi. Vodiy avtoturargohigacha bormaydi.

28-sonli avtobus yo‘nalishi Tibbiyot akademiyasidan Yangiobod mavzesi tomon Shoximardon, Ohangaron yo‘li, Shohsanam va Katta Yangiobod ko‘chalari orqali harakatlanadi. Yo‘nalish Katta Yangiobod ko‘chasida bir tomonlama tashkil etilgan.

61-sonli avtobus yo‘nalishi esa endi ikki tomonlama Izzat ko‘chasi orqali harakatlanadi. Bu yo‘nalishda avtobuslar Beshariq, Aviasozlar va Hosiyat ko‘chalariga kirmaydi.

Shuningdek, Toshkentda 2025-yil oxirigacha...

«Toshkent» respublika fond birjasida (RFB) joy olgan yuqori likvidli aksiyalarning aksariyati 22-avgustdan 29-avgustgacha bo‘lgan davrda turli dinamikani ko‘rsatib, UCI fond indeksi 3,04 foizga o‘sdi.

Mazkur indeks bundan oldingi haftada 2,32 foizlik o‘sishni qayd etgandi. Shunga qaramasdan birjada ko‘plab aksiyalar narxi pasaydi, faqat ba’zilarida biroz o‘sish qayd etildi.

Xususan, «Kvarts» aksiyalari 5,35 foizga qimmatlashdi. Shuningdek, «Chilonzor buyum savdo kompleksi» (+3,72%) va «O‘zbektelekom»ning oddiy (+1,87%) aksiyalarida ham o‘sish qayd etildi.

Biroq «Hamkorbank» aksiyalari yana 14,21 foizga arzonlashib, haftaning eng katta pasayishini qayd etdi. Bundan tashqari, «O‘zbektelekom»ning imtiyozli (-6,65%) aksiyalari va «Ipak yo‘li» aksiyalari (-6,09%) ham pasayish bilan ajralib turdi.

Faqatgina «Ipoteka-bank...

Ukrainaning Xarkov shahrida xavfsizlikni ta’minlash maqsadida 17 mingga yaqin o‘quvchilar uchun yerosti maktablari tashkil etildi. Bu haqda Reuters agentligi ma’lum qildi.

Hozirgi kunda shahar bo‘ylab yettita yerosti maktabi faoliyat yuritmoqda. Ushbu maskanlarda boshlang‘ich va yuqori sinf o‘quvchilari uchun to‘liq jihozlangan sinfxonalar mavjud.

Xarkov meri Igor Terexovning ma’lum qilishicha, kelasi yilda yana uchta yangi maktab foydalanishga topshiriladi. Shuningdek, shahar metrosining olti bekati ham ta’lim maskanlariga aylantirilgan.

Rasmiylarning ta’kidlashicha, yerostida joylashgan mazkur maktablar bolalarning xavfsizligi uchun zaruriy chora bo‘lib, ularning normal hayot kechirishiga ko‘mak bermoqda.

Eslatib o‘tamiz, avvalroq AQSh prezidenti Donald Tramp Oq uyda Ukraina rahbari Vladimir Zelenskiy bilan uchrashgani haqida...

Huawei va Aito hamkorligida ishlab chiqilgan yangi Huawei Aito M7 2025-yil 5-sentabrdan oldindan buyurtmaga ochiladi. Bu haqda CarNewsChina xabar bermoqda.

Rasmiy taqdimot 23-sentabr kuni bo‘lib o‘tadi. Yangi model tashqi va ichki dizayni yangilangan bo‘lib, Huawei’ning ADS 4 aqlli boshqaruv tizimi va avtomobil sanoatida ilk bor qo‘llanilayotgan ichki LiDAR tizimi — Limera bilan jihozlanadi.

Yangi Aito M7 old qismida yopiq panjara dizayniga, yon tomonlarda esa shamol qarshiligini kamaytiruvchi yarim yashirin eshik tutqichlariga ega. O‘lchamlari 5080×1999×1780 mm. G‘ildirak bazasi esa 3030 mmni tashkil etadi. Salon markazida 16,1 dyuymli boshqaruv ekrani joylashgan. Haydovchi o‘rindig‘i «nol-gravitatsiya» shaklida ishlab chiqilgan. Orqa o‘rindiqlar uchun ko‘ngilochar...

Oppo Xitoyda yangi Oppo A6 GT 5G smartfonini taqdim etdi. Bu haqda Gizmochina xabar bermoqda.

Smartfon 7000 mA/soat sig‘imli batareyaga ega. Model avvalgi A6 Max 5G’ning rebrenidng versiyasi bo‘lib, yanada ko‘p konfiguratsiyada va uch xil rangda sotuvga chiqdi.

Smartfon 6,8 dyuymli AMOLED displey bilan jihozlangan, uning o‘lchamlari 2800×1280 piksel, yangilanish chastotasi 120 Hz, sensor tezligi esa 240 Hzni tashkil qiladi. Ekran yorqinligi 1600 nitgacha yetadi. Qurilmada ekran osti barmoq izi skaneri va sun’iy intellekt asosida yuzni tanish tizimi mavjud.

Oppo A6 GT 5G Snapdragon 7 Gen 3 protsessorida ishlaydi. Operativ xotira turi LPDDR4X, doimiy xotira esa UFS...

2025-yil 1-sentabr kuni Xitoy poytaxti Pekinda O‘zbekiston Turizm ofisi ochildi. Bu haqda Turizm qo‘mitasi xabar berdi.

Tadbir O‘zbekiston va Xitoy o‘rtasidagi oliy darajadagi uchrashuv doirasida o‘tkazilgan. Ochilish marosimida Turizm qo‘mitasi raisi Umid Shadiyev, xitoylik rasmiylar va yirik sayyohlik kompaniyalari vakillari qatnashdi. Ular yangi ofis ikki davlat turizm aloqalarini yanada mustahkamlashini, sayyohlik kompaniyalariga hamkorlikni yo‘lga qo‘yishda yordam berishini ta’kidladi.

Yangi ofis xorijiy investorlar uchun ham imkoniyatlar yaratadi va turizm sohasida qo‘shma loyihalarni rivojlantirishga xizmat qiladi.

Eslatib o‘tamiz, 2025-yildan O‘zbekiston va Xitoy o‘rtasida 30 kunlik vizasiz rejim joriy etilgan. Shuningdek, mazkur davlat bilan haftasiga 50 dan ortiq aviaqatnovlar yo‘lga qo‘yilgan bo‘lib...

Jahon shaxmat federatsiyasi (FIDE) avgust oyining yakuniy reytingini eʼlon qildi. Kuchli 100 talik roʻyxatdan yana besh nafar oʻzbekistonlik grossmeyster joy oldi.

Norvegiyalik Magnus Karlsen 2839 ochko bilan reytingda birinchi oʻrinni saqlab qolmoqda. Amerikalik Hikaru Nakamura 2807 ochko bilan ikkinchi pogʻonada, yana bir AQSh vakili Fabiano Karuana esa 2789 ochko bilan kuchli uchlikni yakunlagan.

Oʻzbekiston shaxmatining etakchisi Nodirbek Abdusattorov soʻnggi yangilanishda sezilarli pasayish qayd etdi. Iyul oyida 7-oʻrinda boʻlgan grossmeyster avgustda toʻrt pogʻona pastlab, 11-oʻringa tushib ketdi. Uning hisobida hozirda 2748 ochko bor (oʻtgan oyda — 2771 ochko).

Shu bilan birga, Javohir Sindorov reytingda oldinga qadam tashladi. Iyul oyida 25-oʻrinda turgan shaxmatchi avgust natijalariga koʻra 24-pogʻonaga koʻtarildi va 2722 ochkoga ega boʻldi.

Oʻzbekiston...

Namangan shahar hokimi Anvar Xojaxonovich Otaxo‘jayev va Zangiota tumani qishloq xo‘jaligi bo‘limi bosh mutaxassisi pora olayotgan paytida qo‘lga olindi. Bu haqda Davlat xavfsizlik xizmati xabar berdi.

Unga ko‘ra, Namangan shahar hokimi va MChJ rahbari tadbirkordan 35 sotix yer maydonida ko‘p qavatli uy qurish huquqi uchun $60 ming talab qilgan. MChJ rahbari pulni olgan, keyinchalik esa hokim devonxona mudiri orqali mablag‘ni qabul qilgan vaqtida ushbu shaxslar qo‘lga olingan.

Hokim deputatlik daxlsizligidan mahrum qilinib, hibsga olingan. Unga va MCHJ rahbariga bir nechta modda bilan jinoyat ishi qo‘zg‘atildi.

Zangiota tumani qishloq xo‘jaligi bo‘limi bosh mutaxassisi davlat zaxirasidagi 8 sotix yerni tadbirkor...

Janubiy Koreyaning yirik fast-fud tarmog‘i Mom’s Touch O‘zbekistonda o‘zining ilk restoranini ochishga tayyorlanmoqda. Bu haqda The Korea Times nashri xabar berdi.

29-avgust kuni Seul shahrida Mom’s Touch bosh direktori Kim Dong-jon va One Food kompaniyasi rahbari Xo‘jayev Zafar Zalulovich master-franshiza shartnomasini imzoladi. One Food — O‘zbekistonning UHL logistika kompaniyasi tomonidan maxsus ushbu loyihani amalga oshirish uchun tashkil etilgan oziq-ovqat kompaniyasi hisoblanadi.

Shartnomaga ko‘ra, Toshkentda yil oxirigacha birinchi restoran ish boshlaydi. Keyingi bosqichlarda esa respublika bo‘ylab filiallar soni 60 taga yetkazilishi rejalashtirilgan.

Kompaniya vakillari O‘zbekiston bozorini istiqbolli deb baholamoqda. Chunki aholining katta qismi musulmon bo‘lib, cho‘chqa go‘shti mahsulotlarini iste’mol qilmaydi...

Vivo Y500 smartfoni rasmiy ravishda taqdim etildi. Bu haqda ITHome xabar bermoqda.

Smartfon 8200 mA/soat sig‘imli batareyaga ega. Qurilma 90 vatt quvvatli tezkor zaryadlashni qo‘llab-quvvatlaydi va ekstremal sharoitlarda sinovdan o‘tkazilgan. Smartfon −20 °C haroratda 16,7 soat video ko‘rsatadi, 35 °C da 13 soat uzluksiz efir bera oladi, 40 °C issiqda esa 22 soat ishlaydi. Batarеyaning xizmat muddati rasmiy ma’lumotlarga ko‘ra 6 yilni tashkil etadi.

Kompaniya qurilmani yuqori va past haroratlarga, shuningdek, sho‘r tuman muhitiga sinovdan o‘tkazgan. Vivo Y500 maksimal IP69 himoya darajasiga ega bo‘lib, suv va changdan to‘liq himoyalangan.

Smartfon 6,77 dyuymli ekran, MediaTek Dimensity 7300 protsessori...

Afg‘onistonning Kam Air aviakompaniyasi endilikda yo‘lovchilarini Toshkent orqali Yevropa, AQSh va boshqa davlatlarga tranzit parvozlar bilan yetkazish imkoniyatiga ega bo‘ldi. Bu haqda TOLO News nashri xabar berdi.

Kam Air bosh direktori Jahed Azimi ma’lum qilishicha, uzoq muzokaralardan so‘ng kompaniya Uzbekistan Airways bilan interline bitimini imzoladi. Bu kelishuv afg‘on yo‘lovchilarga Kobuldan Toshkentga uchib kelib, u yerdan Uzbekistan Airways reyslari orqali eng qisqa yo‘l bilan xorijiy manzillarga borish imkonini beradi.

«Bu bitim yurtdoshlarimiz uchun katta qulaylik yaratadi. Endi ular Yevropa va AQShga borishda Toshkent orqali tez va qulay yo‘ldan foydalanishlari mumkin», dedi Azimi.

Iqtisodchi Muhammad Nabi...

Prezident qarori bilan qonunchilik palatasida tashabbusli budjet loyihalarining amalga oshirilishi ustidan parlament nazoratini olib borish uchun 11 nafar deputatdan iborat parlament komissiyasi tuziladi. Bu haqda Adliya vazirligi xabar berdi.

2026-yil 1-yanvardan boshlab deputatlar har yili tashabbusli budjet jarayonlarida g‘olib bo‘lmagan loyihalar orasidan o‘z saylov okrugida aholi hayoti va hudud rivojlanishiga ta’sir qiladigan ikkita loyihani (har mavsumda bittadan) «Ochiq budjet» portalida tanlaydi. Ushbu tanlov loyihani respublika budjetidan moliyalashtirish uchun asos bo‘lib xizmat qiladi.

Shuningdek, g‘olib bo‘lmagan loyihalarni moliyalashtirish uchun har bir deputatga yiliga ikki mavsumga bazaviy hisoblash miqdorining sakkiz ming baravari miqdorida mablag‘ ajratiladi. Mazkur mablag‘ respublika budjetidan moliyalashtiriladi.

Bundan...

Shavkat Mirziyoyev birinchi sinfga qabul qilingan 720 ming ortiq o‘quvchilarni, o‘qituvchi va ota-onalarni bilimlar kuni bilan tabriklab maktub yo‘lladi. Bu haqda prezident matbuot xizmati xabar berdi.

«Avvalo, siz, azizlarni yurtimizdagi 10 mingdan ziyod maktablarda O‘zbekiston mustaqilligining 34-yillik bayramiga uyg‘un holda o‘tayotgan Bilimlar kuni bilan chin qalbimdan samimiy muborakbod etaman.

Ushbu shukuhli ayyomda «Birinchi qo‘ng‘iroq»lar jarangi ostida ilk bor maktab ostonasiga qadam qo‘yayotgan 720 mingdan ortiq o‘g‘il-qizlarimiz va nabiralarimizni, ularning ota-onalarini alohida qutlab, o‘zimning eng ezgu tilaklarimni izhor etishdan g‘oyat mamnunman», dedi davlat rahbari.

Ushbu maktub barcha maktablarda o‘qib eshittirilmoqda.

Avvalroq Kursiv Uzbekistan Vladimir Putin...

2025-yil avgustida Tesla Yevropa bozorida sotuv hajmini sezilarli darajada kamaytirdi. Reuters xabariga ko‘ra, pasayishning asosiy sabablari sifatida BYD kompaniyasi bilan kuchli raqobat hamda Ilon Mask shaxsiga nisbatan shakllangan salbiy munosabat tilga olinmoqda.

Ta’kidlanishicha, avgust oyida Tesla Fransiyada 47,3%, Shvetsiyada 84%, Daniyada 42%, Niderlandiyada 50%, Italiyada esa 4,4% kamroq avtomobil sotdi. Shu bilan birga, Yevropaning umumiy avtomobil bozori 2,2% ga o‘sdi, bu esa Tesla pasayishini yanada yaqqolroq ko‘rsatmoqda. Faqat ayrim mamlakatlarda ijobiy natijalar kuzatildi: Norvegiya (21,3%), Ispaniya (161%) va Portugaliya (28,7%).

BYD’ning o‘sishi

Xitoyning BYD kompaniyasi, ayniqsa, Norvegiya va Ispaniyada faol o‘sishni qayd etdi. Norvegiyada BYD sotuvlari 218%ga oshib...

Shimoliy Koreya yetakchisi Kim Chen In maxsus zirhli poyezdda Xitoyga tashrif buyurdi. Xitoy xalqining yapon bosqinchilariga qarshi urushi hamda Ikkinchi jahon urushidagi g‘alabaning 80 yilligiga bag‘ishlangan marosimda qatnashadi.

Shimoliy Koreya matbuoti xabariga ko‘ra, Kim Chen In Si Szinpin, Rossiya prezidenti Vladimir Putin hamda boshqa davlat rahbarlari bilan bir qatorda harbiy paradda ishtirok etadi. Paradda Xitoy armiyasining yangi qurollari va texnologiyalari namoyish qilinadi.

Xitoyga tashrifi arafasida Kim Chen In Pxenyanda qit’alararo ballistik raketalar uchun mo‘ljallangan yangi dvigatellar ishlab chiqilayotgan laboratoriyani ko‘zdan kechirdi. Shimoliy Koreya matbuotiga ko‘ra, mazkur dvigatellar kelajakdagi «Xvason-19» va «Xvason-20» raketa tizimlarida qo‘llanishi rejalashtirilgan.

Shuningdek, Pxenyan Xitoy rahbari...

O‘zbekistonda avtomobillarni Piskent sinov majmuasida tekshirish amaliyoti shu yilning 2-sentabridan bekor qilindi. Bu haqda O‘zbekiston Texnik jihatdan tartibga solish agentligi xabar berdi.

Ma’lumot uchun, 2024-yil 1-noyabrdan boshlab mazkur majmuada avtotransport vositalari Vazirlar Mahkamasi tasdiqlagan texnik reglament asosida sinovdan o‘tkazilgan edi. Ushbu tartib respublikaga sifat kafolatiga ega bo‘lmagan mashinalarning olib kirilishini cheklash va yo‘llarda xavfsizlikni ta’minlash maqsadida joriy etilgan.

Ammo tahlillar shuni ko‘rsatdiki, reglamentga muvofiqligi ma’qullanmagan yengil avtomobillar import qilinishi sababli ularni birma-bir sinovdan o‘tkazishga to‘g‘ri kelgan. O‘sha davrda respublikada atigi uchta dilerlik markazi faoliyat yuritib, faqat 15 ta model uchun turini ma’qullash hujjati mavjud edi.

Bugunga kelib esa...

Pekin shahrida bo‘lib o‘tgan muzokaralar yakunida Shavkat Mirziyoyev Xitoy Xalq Respublikasi Raisi Si Szinpin bilan imzolangan ikki tomonlama hujjatlarni almashish marosimi o‘tkazildi. Bu haqda prezident matbuot xizmati xabar berdi.

Unga ko‘ra quyidagi bitimlarga kelishildi:

Bundan tashqari, tashrif doirasida quyidagi kelishuvlar ham imzolandi:

Toshkent shahridagi Shota Rustaveli ko‘chasining Oybek metro bekatidan Birodarlik qabrlari yodgorligigacha bo‘lgan qismda asfalt-beton qoplamaning birinchi qatlami to‘liq yotqizildi. Bu haqda Toshkent shahar hokimligi matbuot xizmati xabar berdi.

Unga ko‘ra, yangi qatlam hozirda tabiiy texnik jarayonlardan, ya’ni zichlanish va cho‘kishdan o‘tmoqda. Mazkur bosqich kelajakdagi yo‘l qoplamasining mustahkamligi hamda uzoq muddat xizmat qilishini ta’minlaydi. Jarayon tugagach ikkinchi qatlam asfalt yotqizilishi rejalashtirilgan.

Transport vositalari harakati 10-sentabrgacha birinchi qatlam bo‘ylab tiklanishi kutilmoqda. Shuningdek, hududda zamonaviy intellektual boshqaruv tizimiga ega svetofor majmualari o‘rnatilmoqda. Kommunal xizmatlar esa keyinchalik yo‘lga qayta aralashuv bo‘lmasligi uchun barcha zarur ishlarni bir vaqtning o‘zida amalga oshirmoqda.

Birodarlik qabrlari yodgorligidan...

Shavkat Mirziyoyev Xitoyga rasmiy tashrifi doirasida Pekin shahrida Xitoy Xalq Respublikasi raisi Si Szinpin bilan muzokaralar o‘tkazdi. Uchrashuvda ikki davlat delegatsiyalari ham ishtirok etdi.

Tomonlar O‘zbekiston va Xitoy o‘rtasidagi har tomonlama strategik sheriklikni yanada mustahkamlash, siyosiy, savdo-iqtisodiy, investitsiyaviy, texnologik va madaniy-gumanitar sohalarda hamkorlikni kengaytirish masalalarini muhokama qildi.

Davlat rahbarlari o‘zaro savdo hajmining keskin oshgani, investitsiya portfeli $60 mlrddan ortgani va ko‘plab yirik loyihalar amalga oshirilayotganini qayd etdi. Shu jumladan, BYD elektromobillarini ishlab chiqarish, qo‘shma texnoparklar, «yashil» energetika, sun’iy intellekt, transport infratuzilmasi hamda ta’lim sohasidagi tashabbuslar alohida ta’kidlandi.

Madaniy-gumanitar almashinuvlarni kuchaytirish maqsadida Konfutsiy institutlari faoliyatini qo‘llab-quvvatlash, yangi universitet filiallarini ochish...