Yangiliklar

Shavkat Mirziyoyev Xitoyga rasmiy tashrifi doirasida Pekin shahrida Xitoy Xalq Respublikasi raisi Si Szinpin bilan muzokaralar o‘tkazdi. Uchrashuvda ikki davlat delegatsiyalari ham ishtirok etdi.

Tomonlar O‘zbekiston va Xitoy o‘rtasidagi har tomonlama strategik sheriklikni yanada mustahkamlash, siyosiy, savdo-iqtisodiy, investitsiyaviy, texnologik va madaniy-gumanitar sohalarda hamkorlikni kengaytirish masalalarini muhokama qildi.

Davlat rahbarlari o‘zaro savdo hajmining keskin oshgani, investitsiya portfeli $60 mlrddan ortgani va ko‘plab yirik loyihalar amalga oshirilayotganini qayd etdi. Shu jumladan, BYD elektromobillarini ishlab chiqarish, qo‘shma texnoparklar, «yashil» energetika, sun’iy intellekt, transport infratuzilmasi hamda ta’lim sohasidagi tashabbuslar alohida ta’kidlandi.

Madaniy-gumanitar almashinuvlarni kuchaytirish maqsadida Konfutsiy institutlari faoliyatini qo‘llab-quvvatlash, yangi universitet filiallarini ochish...

Davlat statistika qo‘mitasi ma’lumotlariga ko‘ra, 2025-yil avgustida iste’mol narxlari iyul oyiga nisbatan o‘rtacha 0,4 foizga oshdi. Yillik inflyatsiya darajasi esa 8,8 foizni tashkil etdi, bu ko‘rsatkich o‘tgan yilning shu davrida qayd etilgan 10,5 foizdan past. Hududlar kesimida eng yuqori narxlar o‘sishi Farg‘ona viloyatida qayd etilib, 9,7 foizni ko‘rsatdi.

Oziq-ovqat mahsulotlari

Avgust oyida tuxum narxi 2,7 foiz, tovuq boldiri va soni 2,1 foiz, qo‘y go‘shti 1,4 foiz qimmatlashdi. Shuningdek, paxta moyi 1,6 foiz, shakar esa 0,1 foizga ko‘tarildi. Mol go‘shti narxi esa davlat tomonidan arzonlashtirilgan narxlarda sotilishi sabab oshmadi.

Shu bilan birga, ayrim mahsulotlar narxi pasaydi. Guruch, oliy navli...

Redmi K90 Pro smartfonining asosiy xususiyatlari oshkor qilindi. Bu haqda Gizmochina nashri xabar bermoqda.

Ma’lumotlarga ko‘ra, smartfon OLED texnologiyasidagi 2K ekran, 7000 mA·soat sig‘imli batareya va 100 vatt quvvatli tezkor zaryadlash funksiyasi bilan jihozlanadi.

K90 Pro’da yangilangan kamera tizimi va takomillashtirilgan audio tizim bo‘lishi aytilmoqda. Shuningdek, u Qualcomm’ning yangi avlod Snapdragon 8 Elite Gen 5 bilan ta’minlanadi.

Qurilmada 50 vatt quvvatli simsiz zaryadlash va ultratovushli ekranosti barmoq izi skaneri ham bo‘lishi kutilmoqda.

K90 Pro Xitoy bozorida taqdim etiladi, global versiyasi esa Poco F8 Ultra nomi ostida sotuvga chiqadi.

Eslatib o‘tamiz, Kursiv Uzbekistan Xiaomi 29-avgustdan boshlab yangi HyperOS 3 operatsion...

Banklar 2-sentabr uchun xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

Shavkat Mirziyoyev Afg‘onistonning Kunar va Nangarhor viloyatlarida yuz bergan kuchli zilzila oqibatida ko‘plab insonlar halok bo‘lgani va jarohatlangani munosabati bilan mamlakat rahbariyatiga chuqur hamdardlik bildirdi. Bu haqda davlat rahbari matbuot kotibi ma’lum qildi.

Unga ko‘ra, Mirziyoyev marhumlarning oila a’zolariga sabr-toqat, jarohatlanganlarga esa tezroq sog‘ayib ketishlarini tilab, o‘zbekistonliklar nomidan dardkashlik izhor etdi.

Shuningdek, prezident tabiiy ofat oqibatlarini bartaraf etishda qo‘shni va birodar Afg‘oniston xalqiga zarur yordam ko‘rsatishga O‘zbekiston doimo tayyor ekanini ta’kidladi.

Eslatib o‘tamiz, 31-avgust kuni Afg‘onistonda sodir bo‘lgan 6,0 magnitudali zilzila oqibatida qariyb 800 kishi halok bo‘ldi. Shuningdek, yana 2,8 mingdan ortiq fuqarolar turli jarohatlar olgan.

Audi kompaniyasi 2026-yildan boshlab Shimoliy Amerika bozorida A7 va S7 modellari ishlab chiqarilishini tugatishini ma’lum qildi. Ularning o‘rnini yangi A6 TFSI egallaydi, biroq yuqori unumdorlikka ega RS7 modeli savdoda qoladi, deya yozmoqda ITHome.

RS7 4,0 litrli ikki turbinali V8 dvigateli bilan jihozlangan bo‘lib, 621 ot kuchi va 850 Nm aylanish momentini ishlab chiqaradi.

A7 modeli joriy yilda AQSh bozorida yaxshi natijaga erishib, savdolar 48% ga oshdi. Mutaxassislar bu holatni Tramp ma’muriyati tomonidan kiritilishi mumkin bo‘lgan bojlar oldidan avtomobillarni faol xarid qilish bilan izohlamoqda.

Mutaxassislarning fikricha, Audi qarori global avtomobil bozoridagi tendensiyani ko‘rsatmoqda: sedan va xetchbeklarga talab pasayib borar ekan...

Suriya Tartus portidan 600 ming barrel og‘ir xom neftni B Serve Energy kompaniyasiga eksport qildi. Bu haqda Reuters agentligi xabar berdi.

Energetika vazirligi ma’lumotiga ko‘ra, bu 14 yil ichida amalga oshirilgan ilk rasmiy neft eksporti hisoblanadi.

2010-yilda mamlakat kuniga 380 ming barrel neft eksport qilgan bo‘lsa, keyinchalik boshlangan urush va sanksiyalar iqtisodiyotni izdan chiqargan edi. O‘tgan yil dekabrida Bashar al-Asad hokimiyatdan chetlatilgach, yangi hukumat iqtisodiyotni tiklashga kirishdi.

AQSh sanksiyalarining bekor qilinishi Suriyaga xorijiy kompaniyalar bilan hamkorlik qilish imkonini berdi. Shu jumladan, mamlakat DP World bilan $800 mlnlik anglashuv memorandumini imzolab, Tartus portida yangi terminal qurilishini boshlamoqda.

Eslatib o‘tamiz, avvalroq...

Chendu shahridagi Geely kompaniyasi yangi o‘rta sinf avtomobili Geely Galaxy Star 6 modelini 5-sentabr kuni rasman taqdim etishini e’lon qildi. Bu haqda Autohome nashri xabar berdi.

Mazkur model Geely’ning yangi dizayn uslubida yaratilgan bo‘lib, katta radiator panjarasi va yangilangan faralari bilan ajralib turadi. Tashqi ko‘rinishi Mercedes-Benz avtomobillarini eslatsa-da, Galaxy Star 6 premium segmentga emas, balki arzonroq bozor segmentiga mo‘ljallangan. U asosan BYD Qin L kabi gibrid sedanlar bilan raqobat qilishi kutilmoqda.

Yangi model 17 kVt·soat sig‘imga ega tortuvchi akkumulyator bilan jihozlanadi. Elektrda yurish masofasi 125 kilometrni tashkil etadi. Gibrid tizim asosida 1,5 litrli, 111 ot kuchiga ega benzinli dvigatel...

Bugun, 1-sentabr kuni Shavkat Mirziyoyev Shanxay hamkorlik tashkiloti ShHT plus formatidagi yig‘ilishida ham nutq so‘zladi. Bu haqda prezident matbuot xizmati xabar berdi.

Mirziyoyev bugungi notinch xalqaro sharoitda ShHT barqaror va adolatli jahon tartibini ta’minlashning ishonchli tayanchiga aylanayotganini ta’kidladi. Sammit Ikkinchi jahon urushi tugaganining 80 yilligiga to‘g‘ri kelgani tinchlikni asrash va mustahkamlash zarurligini eslatib turuvchi ramziy ahamiyatga ega ekanini qayd etdi.

Prezident Falastin – Isroil mojarosini «ikki xalq – ikki davlat» tamoyili asosida hal etish zarurligini bildirar ekan, G‘azo sektoridagi vaziyatning keskinlashgani chuqur tashvish uyg‘otayotganini aytdi.

Nutq davomida davlat rahbari ko‘p tomonlama hamkorlik bo‘yicha qator takliflar ilgari surdi. Jumladan, Toshkentda...

Toyota Motor kompaniyasi AQSh bozorida yangilangan Corolla Hatchback 2026 modelini taqdim etdi. Bu haqda ITHome nashri xabar berdi.

Bu avtomobilning barcha komplektatsiyalari endilikda Toyota Safety Sense 3.0 xavfsizlik tizimlari majmuasi bilan ta’minlangan bo‘lib, ishlab chiqaruvchi yangi model orqali hamyonbop narxda yuqori darajadagi xavfsizlik va qulaylikni taklif qilmoqda. Narxlar $24 180 dan boshlanadi.

Corolla Hatchback 2026 uch xil komplektatsiyada taqdim etildi: SE, XSE va maxsus FX Edition. Tashqi dizaynda katta o‘zgarishlar kuzatilmagan, biroq XSE versiyasi old bamperiga LED tuman chiroqlari va 16 dan 18 dyuymgacha bo‘lgan yangi disklar bilan boyitilgan. FX Edition esa qora rangli orqa spoyler va 18 dyuymli...

2025-yil 1-sentabrdan boshlab Latviya vizasi yoki vaqtincha yashash huquqiga (VNJ) ega bo‘lmagan uchinchi davlat fuqarolari (Yevropa Ittifoqi, NATO, YOII, OECD, Shveysariya va Braziliyadan tashqari mamlakatlar fuqarolari) uchun yangi tartib joriy qilindi. Bu haqda Uzbekistan Airways xabar berdi.

Endilikda Latviya hududiga kirishdan kamida 48 soat oldin yo‘lovchilar eta.gov.lv saytida elektron deklaratsiya shaklini to‘ldirishlari shart.

Shaklni to‘ldirmagan yo‘lovchilar quyidagi oqibatlarga duch kelishlari mumkin:

Elektron ariza to‘ldirilgach, tasdiqnoma yo‘lovchining elektron pochtasiga yuboriladi.

Avvalroq «Kursiv» nashri O‘zbekiston fuqarolariga 25-sentabrdan Iordaniyaga vizasiz rejim joriy etilishi haqida yozgandi.

31-avgust kuni Afg‘onistonda sodir bo‘lgan 6,0 magnitudali zilzila oqibatida qariyb 800 kishi halok bo‘ldi. Bu haqda Reuters nashri xabar berdi.

Shuningdek, yana 2,8 mingdan ortiq fuqarolar turli jarohatlar olgan.

Seysmik hodisa 31-avgust kuni soat 23:47 da Jalolobod shahri yaqinida, Pokiston chegarasidan uncha uzoq bo‘lmagan hududda qayd etilgan. Zilzila tog‘li va olis hududlarda sodir bo‘lgani bois qurbonlar va jarohatlanganlar soni ortmoqda.

Afg‘oniston sog‘liqni saqlash vazirligi ma’lumotiga ko‘ra, ko‘plab odamlar vayronalar ostida qolgan. Shu sababli aniq raqamlarni olish uchun vaqt kerak bo‘ladi.

Hozirda mamlakatda yirik qutqaruv operatsiyasi boshlangan. Voqea joyiga yuzlab mutaxassislar yuborilgan bo‘lib, ular vayronalarni tozalash va jabrlanganlarga yordam ko‘rsatishmoqda.

2025-yilning yanvar – iyul oylarida O‘zbekistonga qiymati $1,6 mln bo‘lgan 4,6 ming tonna ananas olib kirildi. Bu haqda Milliy statistika qo‘mitasi xabar berdi.

Mazkur hajm 2024-yilning shu davriga nisbatan qariyb ikki barobar – 2,2 ming tonnaga ko‘p.

Import qilingan ananaslarning katta qismi Xitoydan yetkazib berildi – 4,5 ming tonna. Shuningdek, O‘zbekistonga Qozog‘istondan 92 tonna, Niderlandiyadan 16 tonna, Meksikadan 5 tonna, boshqa davlatlardan esa 3 tonna ananas kirib keldi.

Avvalroq «Kursiv» nashri O‘zbekistonga eng ko‘p xurmo Erondan yetkazib berilayotgani haqida yozgandi.

Ma’lum qilinishicha, import hajmining qiymati $9 millionni tashkil etgan. Import hajmi o‘tgan yilning mos davriga nisbatan 4,9 ming...

Bugun, 1-sentabr davlat mustaqilligining 34 yilligi uchun «Yangi O‘zbekiston» bog‘ida katta bayram tadbiri o‘tkazilishi munosabati bilan ayrim yo‘llar yopiladi. Bu haqda Yo‘l harakati xavfsizligi xizmati xabar berdi.

Shu sababli soat 17:00 dan 23:00 gacha Maxtumquli — Ohangaron shoh ko‘chasi kesishmasidan boshlab «Yangi O‘zbekiston» — 4R12 yo‘li kesishmasigacha, shuningdek, Cho‘lpon ko‘chasidan «Yangi O‘zbekiston» — Milliy bog‘ ko‘chasi kesishmasigacha hamda «Yangi O‘zbekiston» — Temirchi ko‘chalari kesishmasigacha bo‘lgan yo‘nalishlarda transport qatnovi yopiladi.

Haydovchilarga aylanma yo‘llardan foydalanish tavsiya etiladi.

Avvalroq «Kursiv» nashri Yangi O‘zbekiston ko‘chasidagi yerosti avtomobil yo‘li ochilgani haqida yozgandi.

Kia kompaniyasi yangilangan Kia Stonic krossoverini taqdim etdi. Bu haqda «Avtonovostidnya» nashri xabar berdi.

Restayling model nafaqat tashqi va ichki ko‘rinishda, balki texnik qismida ham qator o‘zgarishlarga ega bo‘ldi. Ishlab chiqaruvchi ta’kidlaganidek, yangi Stonic o‘z segmentida yangi standartlarni belgilashga qaratilgan.

Yangilangan Stonic uzunligi 4165 mm, eni 1760 mm, balandligi 1520 mm bo‘lib, g‘ildirak bazasi 2580 mmni tashkil etadi. Yo‘l balandligi komplektatsiyaga qarab farqlanadi: oddiy versiyada 165 mm, sport uslubidagi GT-Line’da esa 183 mm.

Kuzovda o‘zgarishlar old bamper va radiator panjarasi, shuningdek, orqa chiroqlar va yukxona eshigi dizaynida ko‘zga tashlanadi. Model uchun 16 va 17 dyuymli disklar taklif etiladi.

Salon...

2025/2026-o‘quv yili uchun talabalarning ichki o‘qishini ko‘chirish va ko‘chirib tiklash jarayonlari yakunlandi. Bu haqda Oliy ta’lim vazirligi xabar berdi.

Unga ko‘ra, transfer.edu.uz platformasi orqali yuborilgan arizalar Oliy ta’lim, fan va innovatsiyalar vazirligi tizimidagi oliy ta’lim muassasalari tomonidan to‘liq ko‘rib chiqilib, yakuniy xulosalar shakllantirildi.

Natijalarga ko‘ra, talabalar o‘z murojaatlarining holatini transfer.edu.uz saytidagi shaxsiy kabinetlari orqali bilib olishlari mumkin. O‘qishi ko‘chirishga tavsiya etilgan talabalar esa qabul qiluvchi oliy ta’lim muassasalariga murojaat qilishlari lozim.

Avvalroq Kursiv Uzbekistan magistratura qabul natijalari e’lon qilingani haqida yozgandi.

Xiaomi kompaniyasi yangi flagman smartfonlari — Xiaomi 16 seriyasini 25-sentabr kuni taqdim etishi kutilmoqda. Bu haqda Weibo blogida Digital Chat Station xabar berdi.

Yangi liniya uchta modelni o‘z ichiga oladi: Xiaomi 16, Xiaomi 16 Pro va Xiaomi 16 Pro Mini. Qurilmalar 3C sertifikatidan o‘tgan bo‘lib, ularning barchasi 100 Vt quvvatli tezkor simli zaryadlash funksiyasini qo‘llab-quvvatlaydi.

Xususiyatlari:

Ma’lumotlarga ko‘ra, Qualcomm Snapdragon 8 Elite Gen 5’ni 23-sentabrda...

Bugun, 1-sentabr kuni Xitoyning Tyanszin shahrida o‘tkazilayotgan Shanxay hamkorlik tashkiloti (ShHT) Davlat rahbarlari kengashi majlisida Shavkat Mirziyoyev nutq so‘zladi. Bu haqda prezident matbuot xizmati xabar berdi.

Davlat rahbari avvalo Xitoy Raisi Si Szinpinga sammitni yuksak darajada tashkil etgani uchun minnatdorlik bildirdi hamda Ikkinchi jahon urushida qozonilgan g‘alabaning 80 yilligi munosabati bilan barcha ishtirokchilarni tabrikladi.

Xavfsizlik masalalari

Prezident ShHT davlatlari birdamligi mintaqada tinchlik va barqarorlikni ta’minlashning kaliti ekanini ta’kidladi. U:

Iqtisodiy hamkorlik

Mirziyoyev...

«Ochiq budjet» portalida 2025-yilgi «Tashabbusli budjet» jarayonining ikkinchi mavsum g‘oliblari ma’lum bo‘ldi. Bu haqda Iqtisodiyot va moliya vazirligi xabar berdi.

Bu safargi ovoz berishda butun respublika bo‘yicha 11 milliondan ortiq fuqarolar ishtirok etdi. Natijada umumiy qiymati 3,2 trillion so‘mlik 2 332 ta loyiha g‘olib deb topildi.

G‘olib loyihalar ro‘yxati bilan quyidagi havola orqali tanishish mumkin: openbudget.uz

«Open budjet» ikkinchi mavsumi qanday o‘tdi

22-avgust kuni dasturining ikkinchi mavsumi doirasida ovoz berish jarayoni start oldi. Unga ko‘ra, fuqarolar 31-avgust soat 23:59 gacha o‘z hududi uchun muhim deb bilgan loyihalarga ovoz berishlari mumkin edi.

Shuningdek, Iqtisodiyot va moliya vazirligi «Tashabbusli...

Bugun, 1-sentabr kuni O‘zbekiston hududida havo biroz bulutli bo‘lib, yog‘ingarchilik kutilmaydi. Bu haqda «O‘zgidromet» xabar berdi.

Respublika bo‘yicha shamol asosan sharqdan 7–12 m/s tezlikda esadi, ba’zi hududlarda 13–18 m/s gacha kuchayishi mumkin. Ayrim joylarda esa shamol tezligi 20–23 m/s gacha yetib, chang-to‘zonlarni keltirib chiqarishi ehtimoli bor. Harorat ko‘rsatkichlari 30–35 daraja atrofida bo‘ladi.

Toshkentda havo biroz bulutli, yog‘ingarchilik kutilmaydi. Shamol shimoli-sharqdan 3–8 m/s tezlikda esadi. Kunduzi harorat 31–33 darajagacha ko‘tariladi.

Tog‘li hududlarda ham havo biroz bulutli va yog‘ingarchilik kuzatilmaydi. Shamol shimoli-sharqdan 9–14 m/s tezlikda esadi. Kunduzi harorat 23–28 daraja bo‘lishi kutilmoqda.

O‘zbekiston mustaqilligining 34 yilligi munosabati bilan 50 dan ziyod davlat rahbarlari, yetakchilar va vazirlar Shavkat Mirziyoyevga tabrik xati yo‘lladi. Bu haqda prezident matbuot xizmati xabar berdi.

«Ishonchim komilki, biz bundan buyon ham Rossiya bilan O‘zbekiston o‘rtasidagi o‘zaro manfaatli aloqalarni barcha yo‘nalishlarda har tomonlama rivojlantiramiz. Bu do‘st xalqlarimiz manfaatlariga, Markaziy Osiyoda xavfsizlik va barqarorlikni mustahkamlash maqsadlariga to‘la mos keladi», degan Vladimir Putin maktubida.

«Sizning rahbarligingizda O‘zbekiston iqtisodiyoti jadal rivojlanmoqda, xalqning turmush darajasi yuksalmoqda, mamlakat dadil qadamlar bilan strategik maqsad – Yangi O‘zbekistonni barpo etish sari bormoqda. Bu do‘st va qo‘shni, har...

Telegram messenjerida foydalanuvchi statusiga musiqa qo‘shish imkoniyati paydo bo‘ldi. Shuningdek, foydalanuvchilar asosiy profil oynasini tanlash, kolleksion sovg‘alarga asoslangan chat mavzularidan foydalanish va hattoki do‘stlarning sovg‘alarini yaxshilash imkoniyatiga ega bo‘lishadi.

Profilga musiqa qo‘shish

Endi chatlarda eshitgan qo‘shiqlarni bir tugma orqali profilga joylash mumkin. Ular profil rasmining ostida maxsus panelda ko‘rinadi va avtomatik tarzda shaxsiy pleylistni shakllantiradi.

Android uchun yangi profil dizayni

Konkurs asosida ishlab chiqilgan yangilangan interfeys endi Android foydalanuvchilariga ham taqdim etildi. Unda iOS dagi kabi yumshoq skroll animatsiyalari mavjud.

Asosiy profil oynasini tanlash

Foydalanuvchi profiliga kirilganda birinchi ko‘rinadigan bo‘limni o‘zingiz belgilashingiz mumkin. Masalan, saqlangan hikoyalarni...

31-avgust kuni «Amex» stadionida bo‘lib o‘tgan uchrashuvda «Brayton» 2:1 hisobida «Manchester Siti» ustidan irodali g‘alaba qozondi. Bu haqda NBC Sport nashri ma’lum qildi.

Uchrashuvning 34-daqiqasida Erling Holand hisobni ochdi. Ikkinchi bo‘limda esa «Brayton» tashabbusni o‘z qo‘liga olib, Jeyms Milner 67-daqiqada penalti orqali hisobni tenglashtirdi. 89-daqiqada zaxiradan maydonga tushgan Brajan Gruda g‘alaba to‘pini urdi.

O‘zbekistonlik himoyachi Abduqodir Xusanov «Manchester Siti» safida asosiy tarkibda maydonga tushib, to‘liq o‘yin o‘tkazdi. U bir necha xavfli hujumlarni to‘xtatishda faol ishtirok etdi, biroq ikkinchi bo‘limda «Brayton» tezkor hujumlarda ustunlikni qo‘lga oldi.

Natijada «Brayton» uch o‘yindan so‘ng 4 ochko jamg‘ardi, «Manchester Siti» esa 3 ochko bilan...

Shavkat Mirziyoyev rafiqasi bilan birga Tyanszin shahridagi «Meyszyan» kongress markazida Shanxay hamkorlik tashkiloti sammitining norasmiy tadbirlarida qatnashdi. Bu haqda davlat rahbari matbuot xizmati ma’lum qildi.

Tadbirda Xitoy raisi Si Szinpin, Rossiya prezidenti Vladimir Putin, Belarus prezidenti Aleksandr Lukashenko, Hindiston bosh vaziri Narendra Modi, Pokiston bosh vaziri Shahboz Sharif, Eron prezidenti Mas’ud Pezeshkiyon, Qozog‘iston prezidenti Qosim-Jomart Toqayev, Qirg‘iziston prezidenti Sadir Japarov, Tojikiston prezidenti Emomali Rahmon, Turkiya prezidenti Rajab Toyyib Erdog‘an, Turkmaniston prezidenti Serdar Berdimuhamedov, Ozarbayjon prezidenti Ilhom Aliyev, Mo‘g‘uliston prezidenti Uxnaagiyn Xurelsux hamda boshqa davlatlar rahbarlari va BMT Bosh kotibi Antoniu Guterrish ishtirok etdi.

Prezident va rafiqasini Xitoy raisi Si...