Yangiliklar

Endilikda banklar Top – 300 talik oliygohga kirgan yoshlarga $20 minggacha imtiyozli ta’lim krediti beradi. Bu haqda prezident matbuot xizmati xabar berdi.

Bu yil umumiy qiymati $35 mlrd bo‘lgan 8 300 ta loyiha ishga tushirilib, 292 mingta ish o‘rni yaratiladi. Shuningdek, yana 500 ming ish o‘rni yaratadigan, qiymati $83 mlrd bo‘lgan yangi loyihalar ham rejalashtirilgan. Masalan, energetika sohasida $20 mlrd, neft-gaz va kimyo sohasida $11 mlrd, tog‘-kon sanoatida $7 mlrd, elektrotexnika va avtomobilsozlikda $4,5 mlrd qiymatidagi minglab korxonalar ish boshlaydi.

«Yangi texnologiyalar asrida kim yutadi? Faqat kreaktiv fikrlaydigan, zamonaviy bilim va kasblarni egallagan mutaxassislar...

Huawei kompaniyasi tomonidan Xitoyda yangi Huawei Pura 80 Ultra smartfoni savdoga chiqarildi. Bu haqda Mobile-Review xabar bermoqda.

Qurilma 16 GB tezkor xotira bilan, 512 GB yoki 1 TB ichki xotirali ikki xil versiyada taqdim etilgan.

Smartfon 5700 mA/soat sig‘imli akkumulyator bilan jihozlangan bo‘lib, 100 Vt tezkor zaryadlashni va 80 Vt quvvatdagi simsiz zaryadlashni qo‘llab-quvvatlaydi.

Uning 6,8 dyuymli OLED ekrani 120 Gs yangilanish tezligi va 3000 nit yorqinlikka ega. Qurilma Kirin 9020 protsessori asosida ishlaydi.

Huawei Pura 80 Ultra ilg‘or kamera tizimi bilan ajralib turadi. Unda 50 MP, 50 MP va 40 MP dan iborat uchta kamera sensori mavjud...

Shavkat Mirziyoyev o‘tgan yili O‘zbekiston yoshlari xalqaro Top – 500 oliygohlarga kirish ko‘rsatkichi bo‘yicha mintaqada 1-o‘rinni egallaganini alohida ta’kidladi. Bu haqda u yoshlar bilan yig‘ilishda ma’lum qildi.

Ilk bor bilimli yoshlar dunyodagi eng nufuzli — Top – 5 talik oliygohlarga qabul qilinib, tarixiy yutuqqa erishdi.

Bugungi kunda 30 nafar o‘zbekistonlik yosh dunyoning Top – 10 oliygohlarida, 500 nafari Top – 100 talikda, yana 1 ming 500 nafari esa Top – 300 talik oliy ta’lim muassasalarida tahsil olyapti.

Avvalroq Kursiv Uzbekistan shu kungacha 325 ming nafar yosh IT yo‘nalishida ta’lim olgani haqida xabar bergan edi.

Hozirda O‘zbekistonda 15 mingga yaqin o‘quv markazi va 7,5 mingta kasbga tayyorlash markazlari faoliyat yuritmoqda. Bu haqda prezident matbuot xizmati xabar bermoqda. Ularga yuzdan ortiq imtiyozlar berilgan.

«Bu ishlar «kampaniyabozlik» bo‘lmasligi, o‘zgarishlarni har bir mahalladagi har bir yosh har kuni chuqur his qilishi zarur», degan Shavkat Mirziyoyev.

«Garvardchilar» maktabi endilikda Beruniy nomidagi xalqaro maktab sifatida faoliyat boshladi. Bu yil mazkur maktabga 8-sinf bitiruvchilari orasidan 60 nafar iqtidorli o‘quvchi saralab olinadi va ular uch yo‘nalishda tahsil oladi. Kelgusida o‘rinlar soni ko‘paytiriladi.

Har yili milliy dastur asosida eng salohiyatli 3 ming nafar o‘quvchi tanlab olinadi va...

«Bir million dasturchi» loyihasi doirasida 325 ming nafar yoshga IT yo‘nalishida ta’lim berilgan. Bu haqda Shavkat Mirziyoyevning yoshlar bilan uchrashuvida qayd etildi.

So‘nggi olti oyda xalqaro fan olimpiadalarida Jizzax, Andijon, Namangan, Samarqand, Surxondaryo, Xorazm va Toshkent viloyatlaridan o‘quvchilar ishtirok etib, jami 166 ta medalni qo‘lga kiritgan. Bu ikki yil oldingi ko‘rsatkichga nisbatan ancha yuqori, o‘shanda faqat 7 ta hududdan 45 nafar o‘quvchi g‘olib bo‘lgan edi.

Surxondaryo viloyati yoshlari oliy ta’limga kirish ko‘rsatkichlari bo‘yicha bir yil ichida 11-o‘rindan 4-o‘ringa ko‘tarilgan. Bu katta yutuq sifatida qayd etilmoqda. Jizzax va Sirdaryo viloyatlari ham yaxshi natijalar ko‘rsatgan.

Shuningdek, 150 mingdan ortiq yoshlar...

O‘zbekistonning yirik avtomobil ishlab chiqaruvchisi UzAuto Motors 2025-yilning birinchi choragini ikki baravardan ko‘proq kamayishga, ya’ni 637 milliard so‘m bilan yakunladi. Kompaniya o‘z moliyaviy hisobotini ILMA’ning korporativ axborot yagona portalida e’lon qildi.

Kompaniyaning bu davrdagi sof foydasi 2024-yilga nisbatan (o‘tgan yilning birinchi choragidagi sof foydasi 1,29 trillion so‘m bo‘lgan) deyarli ikki baravardan ko‘proqqa qisqarib, 637 milliard so‘mgacha tushdi.

Moliyaviy hisobotlarga ko‘ra, kompaniya tushumi 9,7 trillion so‘mni tashkil etib, o‘tgan yilning shu davriga nisbatan 17 foizga kamaydi. Tannarx ham 12,5 foizga pasaygan. Bu esa rentabellik darajasining 20,4 foizdan 16 foizgacha tushishiga olib keldi. Xarajatlar esa deyarli o‘zgarmagan, ya’ni 1 trillion...

Nukusda lift ichida qolib ketgan bolalar Favqulodda vaziyatlar vazirligi (FVV) xodimlari tomonidan qutqarildi. Bu haqda FVV xabar bermoqda.

29-iyun kuni Shoirlar ovuli mahallasidagi ko‘p qavatli uylarning birida bir nechta bola liftda tiqilib qolgan. Bu haqda Qoraqalpog‘iston Respublikasi FVBga 112 raqami orqali xabar berilgan.

Xabar olinganidan so‘ng qutqaruvchilar zudlik bilan hodisa joyiga yetib borishdi. Maxsus asbob-uskunalar yordamida lift eshiklari ochilib, bolalar tashqariga chiqarildi. Qutqaruv ishlari muvaffaqiyatli yakunlangan, hech kim jarohat olmagani aytilmoqda.

Eslatib o‘tamiz, Kursiv Uzbekistan nashri «Xavfsiz lift» platformasi orqali respublikadagi barcha ko‘p liftlar kuzatib borilishi haqida yozgan edi.

Chery kompaniyasi yangi Chery Tiggo 8 Plus Riding Wind Edition krossoverini taqdim etdi. Bu haqda ITHome xabar bermoqda. Uning rasmiy narxi 121,9 ming yuan (taxminan $17 ming) etib belgilangan.

Avtomobilning o‘lchamlari 4730 x 1860 x 1745 mm bo‘lib, g‘ildirak bazasi 2710 mm. Krossover 5 va 7 o‘rinli variantlarda taklif etiladi.

Mashina 10,25 dyuymli raqamli asboblar paneli va 15,6 dyuymli sensorli mediaekran bilan jihozlangan. Shuningdek, 4 yo‘nalishda sozlanadigan rul, 360 darajali kamera tizimi, panoramali tom va lyuk, atmosfera yoritkich va boshqa ko‘plab qulayliklar mavjud. U bulutli ko‘ngilochar tizim va smartfon integratsiyasini qo‘llab-quvvatlaydi.

Kapot ostida 1,6 litrli, 197 ot kuchiga...

Honor 400 seriyasi global miqyosda 1 milliondan ortiq dona faollashtirilgan bo‘lib, bu Honor’ning so‘nggi uch yildagi eng tez rivojlangan seriyasiga aylanishiga sabab bo‘ldi. Bu haqda ITHome nashri ma’lum qildi.

Honor 400 seriyasi Xitoyda ilk marotaba 2025-yil 6-iyun kuni sotuvga chiqdi. Honor kompaniyasi ma’lumotlariga ko‘ra, birinchi kuniyoq 400-seriya sotuvi 300-seriyaga nisbatan 195 foizga, 200-seriyaga nisbatan esa 138 foizga oshgan. Bu natija kompaniya tarixidagi eng yirik ilk kun sotuv ko‘rsatkichini yangiladi.

Xorijiy bozorlar ham katta faollik bilan javob berdi: avvalgi avlodga qaraganda Honor 400 seriyasi 2-3 baravar ko‘proq sotilgan. Natijada global miqyosda faollashtirilgan qurilmalar soni 1 milliondan oshdi.

Honor 400 seriyasi...

Ozarbayjon o‘z hududida Rossiya tadbirlarini o‘tkazishga cheklov qo‘ydi. Bu haqda Ozarbayjon Madaniyat vazirligi rasmiy bayonotini X ijtimoiy tarmog‘ida e’lon qildi.

Vazirlik Rossiyaning davlat va xususiy tuzilmalari tomonidan uyushtirilgan barcha madaniy tadbirlarni to‘xtatishini ma’lum qildi. Taqiq konsertlar, teatr spektakllari, festivallar, ko‘rgazmalar va boshqa madaniy loyihalarga ham taalluqli. Vazirlikning bildirishicha, bunday qaror Rossiyaning Yekaterinburg shahrida yuz bergan voqealar bilan bog‘liq holda qabul qilingan.

27-iyun kuni Rossiya huquq-tartibot organlari Yekaterinburgda reyd o‘tkazgan. Ozarbayjon Tashqi ishlar vazirligining ma’lumotiga ko‘ra, shu reyd davomida ikki nafar ozarbayjonlik halok bo‘lgan, bir necha kishi og‘ir tan jarohati olgan, to‘qqiz kishi hibsga olingan.

Sverdlovsk viloyati bo‘yicha Tergov...

«O‘ztemiryo‘lyo‘lovchi» va «Shahar atrofida yo‘lovchi tashish» MChJ tomonidan yo‘lovchilardan chiptalar orqali ortiqcha vositachilik yig‘imi undirilgani aniqlandi. Bu holat Raqobat qo‘mitasi tomonidan bartaraf etildi.

Unga ko‘ra, qo‘mita huzuridagi Maxsus komissiya tomonidan o‘tkazilgan tekshiruv natijasida jami 792 186 nafar iste’molchidan ortiqcha to‘lov undirib olingani ma’lum bo‘ldi.

Qo‘mita bu ikki kompaniyaga ortiqcha olingan mablag‘larni iste’molchilarga qaytarish, qonunbuzarliklarni bartaraf etish va kelgusida bu kabi holatlarga yo‘l qo‘ymaslik bo‘yicha ko‘rsatmalar bergan.

Biroq mazkur tashkilotlar qo‘mita qaroridan norozi bo‘lib, sudga murojaat qilgan. Sud instansiyalari esa qo‘mita qarorini o‘z kuchida qoldirib, har ikkala tashkilotning arizalarini rad etdi. Endilikda korxonalar nafaqat ortiqcha olingan mablag‘larni qaytarishi, balki moliyaviy...

Klublar o‘rtasidagi JCh – 2025 1/8 finalidan o‘rin olgan «Flamengo» – «Bavariya» uchrashuvi 30-iyun kuni Toshkent vaqti bilan soat 01:00 da boshlandi va 4:2 hisobida nemislarning g‘alabasi bilan yakunlandi.

Vensan Kompani boshchiligidagi «Bavariya» uchrashuvni ishonchli o‘tkazdi, ikki marta Harri Keyn o‘z hisobiga gol yozdirib qo‘ydi, braziliyaliklar esa faol bo‘lsa-da, o‘yinda burilish yasay olmadi.

Jamoalar tarkibi

«Flamengo»

Rossi, Fransa, Ortis, Pereyra, Aleks Sandro, Pulgar, Jorjino, Jerson, De Arraskaeta, Araujo, Plata.

Zaxira: Kunya, Varela, Ayrton Lukas, Danilo, Vinya, Viktor Xuan, Everton, De la Kruz, Enrike, Allan Souza, Araujo Everton, Pedro, Juninyu, Maykl Richard, Yan Uolles.
Bosh murabbiy: Filipe Luis.

«Bavariya»

Noyer, Laymer, Upamekano...

Xiaomi Poco X7 Pro smartfoni Rossiyada arzon narxga tushdi. Endilikda uni atigi 22 ming rublga ($280) topish mumkin. Bu haqda «Palach» nashri xabar bermoqda. Bu model 25 ming rublgacha ($318) bo‘lgan smartfonlar orasida eng yaxshilaridan biri deb hisoblanmoqda. Bu modelni (12 GB/512 GB) O‘zbekistonda 5,4 mln ($426) so‘mga xarid qilish mumkin.

Xiaomi Poco X7 Pro smartfoni shu yil boshida taqdim etilgan bo‘lib, u xaridorlar orasida katta qiziqish uyg‘otgan edi. Modelning narxidagi pasayish hozircha faqat Rossiyada qayd etilgan.

Modelning asosiy afzalliklaridan biri – IP69 darajasidagi suv va changdan himoya. Bundan tashqari, smartfonda 6000 mA/soat sig‘imli katta akkumulyator...

Xitoyda Leapmotor B01 elektromobili uchun oldindan buyurtmalari boshlandi. Narxi 105 800 dan 135 800 yuanga teng ($14 760 – $18 950). Bu haqda CarNewsChina xabar bermoqda. Rasmiy taqdimot va yetkazib berish iyul oyida boshlanadi.

Bu model Leapmotor B seriyasidagi birinchi to‘liq elektr sedan bo‘lib, LEAP 3.5 platformasida yaratilgan. U 550 va 650 km yurish masofasini ta’minlaydi. Mashina 4770 mm uzunlikka, 1880 mm kenglikka va 1490 mm balandlikka ega. G‘ildiraklar bazasi 2735 mmni tashkil etadi.

Ikki komplektatsiyada tomda lidar mavjud bo‘lib, jami 27 ta sensor orqali 26 ta ilg‘or haydovchiga yordam tizimini qo‘llab-quvvatlaydi. Bu tizimlarga avtomatik to‘xtash, shahar va...

Kanadaning shimoliy Kvebek hududidagi Nuvvuagittuq yashil toshli kamari olimlar tomonidan Yer tarixidagi eng qadimiy jinslardan biri sifatida tan olindi. Bu haqda CNN axborot agentligi ma’lum qildi.

Geolog Jonatan O’Nil boshchiligidagi tadqiqotga ko‘ra, bu toshlarning yoshi 4,16 mlrd yilni tashkil qiladi. Bu Yerning ilk geologik davri bo‘lgan Hadey davriga to‘g‘ri keladi.

Toshlar tarkibida zirkon minerallari topilmagani bois olimlar noyob usul – samarium va neodimiy izotoplarining parchalanishiga asoslangan radiometrik tahlilni qo‘llashdi. Natijalar toshlarning Yer qobig‘ining ilk qoldiqlari bo‘lishi mumkinligini ko‘rsatdi.

Bu kashfiyot Yerning dastlabki shakllanishi va hayotning paydo bo‘lishi haqida yangi bilimlar beradi. Boshqa olimlar ehtiyotkorlik bilan yondashayotgan bo‘lsa-da, yangi tadqiqot...

Suzuki kompaniyasi tomonidan yangilangan Alto avtomobilining rasmiy suratlari e’lon qildi. Ushbu model Yaponiyada 22-iyuldan 1,1429 mln iyen (taxminan $8 ming) narxda sotuvga chiqadi. Bu haqda ITHome xabar bermoqda.

Bu Alto‘ning to‘qqizinchi avlodi bo‘lib, tashqi ko‘rinishi, texnikasi va jihozlarida yangilanishlar bor.

Mashina an’anaviy radiator panjarasiga ega. Ayrim versiyalarida orqa spoýler mavjud. Alto 12 xil rangda taklif qilinadi: 8 tasi oddiy, 4 tasi ikki rangli. Endilikda metall tusdagi terrakota rang ham mavjud, ikki rangli modellarda esa tom qismi qora rangda bo‘lishi mumkin.

Mashinaning o‘lchamlari 3395 x 1475 x 1525 mm, g‘ildirak bazasi 2460 mm. Salon avvalgi modelga o‘xshash qolgan. Uzatmalar qutisi...

O‘zbekiston 2025-yilning yanvar – may oylarida jami 29,8 ming tonna moshni $25,8 millionga eksport qildi. Bu haqda Milliy statistika qo‘mitasi xabar berdi.

Asosiy xaridor Xitoy bo‘lib, unga 25,4 ming tonna yetkazib berilgan.

Qozog‘iston ulushiga 1,4 ming tonna, Afg‘onistonga esa 690 tonna to‘g‘ri keldi. Niderlandiya va Rossiyaga mos ravishda 670 va 373 tonna yetkazib berilgan.

Joriy yilning 1-iyun holatiga ko‘ra, O‘zbekiston jami $619,6 millionlik qishloq xo‘jaligi mahsulotlarini eksport qilgan. Yillik o‘sish 47,9% ni tashkil etdi. Shundan mevalar $153,3 million, sabzavotlar $131,9 million, loviya $158,5 million. Boshqa turdagi qishloq xo‘jaligi mahsulotlari eksporti $144,5 millionni tashkil etdi.

Avvalroq Kursiv Uzbekistan...

Shimoliy Koreya yetakchisi Kim Chen In Kalma sohilida yangi kurort shaharchasini tantanali ravishda ochdi. Bu haqda CNN axborot agentligi ma’lum qildi.

«The Louis» deb nomlangan bu majmua 20 ming mehmonni qabul qilish imkoniyatiga ega bo‘lib, suv bog‘lari, mehmonxonalar va plyajlarni o‘z ichiga oladi.

Davlatga tegishli OAV bu kurortni «milliy boylik darajasidagi turizm shahri» deb atadi. Loyiha asosan ichki elita va Rossiyadan kelayotgan sayyohlarga mo‘ljallangan. Kimning ushbu loyihaga shaxsan e’tibor bergani va oilasi bilan ochilish marosimida qatnashgani, uni siyosiy ramz sifatida ko‘rsatmoqda.

Kurort ochilishiga qaramay, xalqaro mutaxassislar Shimoliy Koreyadagi iqtisodiy tanglik, sanksiyalar va qat’iy nazorat sharoitida bunday obyektlarning haqiqiy samaradorligiga...

Toshkent vaqti bilan soat 21:00 da Sharlottadagi «Bank of Amerika» stadionida Fransiyaning PSJ va AQShning «Inter Mayami» jamoalari o‘rtasida KCH – 2025 1/8 final uchrashuvi bo‘lib o‘tdi. Dastlabki daqiqalardanoq tashabbusni qo‘lga olgan parijliklar raqibga imkoniyat qoldirmadi va 4:0 hisobida taslim etdi.

PSJ

Asosiy tarkib:

1 Donnarumma Janluiji (darvozabon), 2 Hakimi Ashraf, 5 Markinos Markos, 51 Pacho Villian, 25 Mendesh Nunu (himoyachilar), 8 Ruis Fabian, 17 Vitinya, 87 Nevesh Joau (yarim himoyachilar), 14 Duye Dezire, 29 Barkola Bredli, 7 Kvaratsxeliya Xvicha (hujumchilar).

Zaxira:

39 Safonov Matvey, 80 Tenas Arnau (darvozabon), 4 Beraldo Lukas, 21 Ernandes Lyuka, 43 Kamara Noam (himoyachi...

Samsung Galaxy A55 smartfoni Android 16 tizimida ishlaydigan One UI 8.0 versiyasining test yig‘ilmasida paydo bo‘ldi. Bu haqda GSMArena xabar bermoqda. Bu Samsung yangi operatsion tizim ustida allaqachon ish boshlaganini ko‘rsatadi.

Hozircha ushbu yangilanish faqat Galaxy S25 qurilmalari uchun beta ko‘rinishda mavjud. U hamma davlatlarda uchramasligi mumkin.

Galaxy A55 uchun ochiq beta sinovlari yaqin oylarda boshlanishi kutilmoqda. Yakuniy, ya’ni to‘liq versiyasi esa yil oxirigacha chiqarilishi mumkin. Yangi tizimga o‘tish smartfonning ishlash tezligiga ta’sir qilmagan – u avvalgi One UI 7 va Android 15 bilan bir xil darajada qolgan.

Samsung – Janubiy Koreyada joylashgan dunyodagi yirik texnologik kompaniyalardan biri...

Xitoyda BYD kompaniyasining yangi arzon elektromobili – BYD Seal 06 EV elektromobilining savdosi ochildi. Uning narxi 109 800 yuandan ($15 ming) boshlanadi.

Seal 06 EV – bu 2024-yilda taqdim etilgan Seal 06 DM-i modelining to‘liq elektr versiyasi. U zamonaviy e-Platform 3.0 Evo platformasida yaratilgan. Tashqi ko‘rinishida radiator panjarasi yo‘q, faralari tor, orqa chiroqlari esa yorug‘lik chizig‘i bilan bog‘langan. Uzunligi 4720 mm, eni 1880 mm, balandligi 1495 mm. Gibrid versiyaga nisbatan bu elektromobil uzunroq va kengroq.

Salon ichida 15,6 dyuymli sensorli ekran, raqamli panel, uch spikali rul va simsiz zaryadlash mavjud. Avtoparkovka, avtomagistralda harakatlanish uchun avtopilot, to‘qnashuvni oldini oluvchi tormoz...

Xalqaro olimlar guruhi inson ildiz hujayralarining rivojlanishini nazorat qilishga yordam beruvchi yangi strategiyani ishlab chiqdi. Bu haqda Plos Biology nashri ma’lum qildi.

Tadqiqotda Wnt/β-katenin signalli yo‘li ba’zan hujayralarni yosh holatda ushlab qolishi, ba’zida esa ularni rivojlanishga undashi aniqlangan. Buning sababi – hujayraning dastlabki holati va tashqi sharoitlarda ekan.

Yangi NME7AB o‘sish omili yordamida hujayralar «naiv» (ya’ni moslashuvchan) holatda saqlanadi va ularni zaruratga qarab nerv, jigar yoki suyak hujayralariga aylantirish osonlashadi. Bu kashfiyot kelajakda miya, jigar va bo‘g‘im kasalliklarini hujayra terapiyasi yordamida davolash imkoniyatlarini oshiradi.

Eslatib o‘tamiz, avvalroq yerdan tashqarida hayot bo‘lishi mumkin bo‘lgan sayyoralar aniqlangan edi.

Louis Vuitton Shanxayda «The Louis» nomli yangi, kema shaklidagi hashamatli do‘konini ochdi. Bu haqda Mind Food nashri ma’lum qildi.

30 metr balandlikdagi ushbu inshoot mashhur Nankin ko‘chasida joylashgan bo‘lib, unda kafe va ko‘rgazma maydoni mavjud. Kompaniya bu orqali nafaqat mahsulot, balki esda qolarli tajriba taqdim etishni maqsad qilgan.

Xitoyda hashamatli tovarlarga talab pasaygan bir paytda, Louis Vuitton ushbu yangilik bilan mijozlar e’tiborini qayta qozonishga harakat qilmoqda. LVMH guruhining daromadi mintaqada kamaygan bo‘lsa-da, kompaniya uzoq muddatli strategiya sifatida tajribaviy savdoga tayanmoqda. Endilikda brendlar oddiy do‘kon emas, esdalikka arzigulik joylar yaratishga intilmoqda.

Eslatib o‘tamiz, avvalroq Rhode brendini $1 milliardga sotilgani haqida...

Kaliforniya universiteti olimlari 517 ta ekzosayyorani tahlil qilib, ularning hayot uchun yaroqliligini baholadi. Bu haqda Universe Today nashri ma’lum qildi.

An’anaviy «hayot zonasi» tushunchasidan farqli o‘laroq, tadqiqotchilar sakkizta fizik parametrga asoslangan yangi yondashuvni taklif qilishdi. Natijada sayyoralar to‘rt toifaga ajratildi: faqat uchta obyekt – Yer, Kepler-22b va Kepler-538b «zo‘r nomzod» deb topildi.

Kepler-22b, Yerdan 635 yorug‘lik yili uzoqda joylashgan bo‘lib, harorati va nurlanish darajasi jihatidan Yerga juda yaqin. Olimlar uni «Jeyms Uebb» teleskopi orqali chuqur o‘rganish kerakligini ta’kidlashmoqda. Tadqiqot Yer noyob sayyora bo‘lsa-da, butunlay o‘zgacha emasligini ko‘rsatdi. Hayot uchun qulay bo‘lishi mumkin bo‘lgan boshqa sayyoralar ham kuzatuvda.

Eslatib o‘tamiz...