Yangiliklar

Hafta davomida AQSh dollari kursi pasayish tendensiyasini ko‘rsatdi. Kursiv Uzbekistan nashrining ushbu maqolasida dollar kursining hafta davomidagi o‘zgarishi haqida so‘z boradi.

27-oktabr kuni dollar kursi 12 117,35 so‘mni tashkil etib, 11,98 so‘mga kamaygan. 28-oktabrda esa kurs 12 053,46 so‘mgacha tushib, yana 63,89 so‘mga arzonlashgan. 29-oktabrda dollar 12 004,47 so‘m bo‘lib, 48,99 so‘mga pasaygan, 30-oktabrda esa 11 990,53 so‘mga tenglashib, 13,94 so‘mga kamaygan.

31-oktabr holatiga kelib, kurs biroz tiklanib, 12 025,22 so‘mni tashkil etdi, bu 34,69 so‘mlik o‘sish demakdir. Shu tariqa hafta davomida dollar qiymati bir necha kun pasayganidan so‘ng, faqat haftaning oxirida oz miqdorda ko‘tarildi.

Umuman olganda, dollar...

Karib dengizida yuz bergan kuchli «Melissa» to‘foni Yamayka, Kuba va Gaitida og‘ir talafotlar keltirib, kamida 50 kishining o‘limiga, minglab aholining esa uy-joysiz qolishiga sabab bo‘ldi. Bu haqda Reuters agentligi ma’lum qildi.

Yamaykada «Melissa» tarixda birinchi marta orolni to‘g‘ridan to‘g‘ri urgan eng kuchli bo‘ron sifatida qayd etildi. 19 kishi halok bo‘lgan, 460 mingdan ortiq aholi elektr energiyasiz qolgan. Hukumat favqulodda oziq-ovqat va tibbiy yordamni yo‘lga qo‘ygan.

Gaitida esa toshqinlar va sel oqibatida 31 kishi halok bo‘lgan, o‘nlab odamlar bedarak yo‘qolgan. Janubdagi Petit-Goave shahrida daryo toshib, ko‘plab uylar vayron bo‘lgan. Rasmiylar, shuningdek, 2022-yilda qayta paydo bo‘lgan xolera kasalligi tarqalish xavfidan ogohlantirmoqda.

Geely kompaniyasi restaylingdan o‘tgan Okavango krossoverining rasmiy suratlarini taqdim etdi. Bu haqda Autohome nashri ma’lum qildi.

Unga ko‘ra, Xitoy bozorida model Haoyue L nomi bilan sotuvga chiqadi. Yangilanish jarayonida avtomobil yangi radiator panjarasi, sport uslubidagi bamper va 20 dyuymli g‘ildirak disklari bilan jihozlandi. Salon esa 14,6 dyuymli katta Flyme Auto multimedia tizimi bilan yangilandi.

Okavango 5, 6 va 7 o‘rindiqli variantlarda taqdim etiladi. Uning uzunligi 4865 mm, g‘ildirak bazasi 2825 mm. Kapot ostida 181 ot kuchiga ega 1,5 litrli turbomotor joylashgan. To‘liq g‘ildirakli harakat tizimi hali ham mavjud emas. Narxlar keyinroq e’lon qilinadi.

Eslatib o‘tamiz, avvalroq Xitoyda yangi Geely...

1-noyabr kuni respublika bo‘yicha havo biroz bulutli bo‘ladi, ba’zi joylarda kechasi va ertalab yomg‘ir yog‘ishi mumkin. Harorat kechasi 2–10° iliq, kunduzi 15–22° iliq bo‘lishi kutilmoqda, deya xabar berdi «O‘zgidromet» agentligi.

Quyida ob-havo ma’lumoti viloyatlar kesimida:

Dam olish kunlari ayrim tijorat banklari aholiga qulaylik yaratish maqsadida valyuta ayirboshlash va pul o‘tkazmalari shoxobchalari faoliyatini davom ettiradi. Bu haqda Markaziy bank rasmiy sahifasida ma’lum qilindi.

Faoliyat yurituvchi banklar ro‘yxati:

Toshkentda Shavkat Mirziyoyev va Finlyandiya prezidenti Aleksandr Stubb muzokaralar yakunida Qo‘shma bayonotni imzoladilar. Bu haqda davlat rahbari matbuot xizmati ma’lum qildi.

Hujjat doirasida ikki davlat o‘rtasida savdo-iqtisodiy, geologiya, raqamlashtirish, ta’lim va ijtimoiy himoya kabi yo‘nalishlarda hamkorlikni kengaytirish bo‘yicha kelishuvlarga erishildi.

Shuningdek, maktab ta’limida raqamli platformalarni joriy etish, foydali qazilmalarni qazib olish, suv resurslarini boshqarish va iqlim o‘zgarishiga qarshi kurashish borasida ham qo‘shma loyihalar amalga oshiriladi.

Marosimda ushbu sohalarga oid bir qator ikki tomonlama hujjatlar imzolandi.

Sammit yakunida Ko‘ksaroy qarorgohida daraxt ekish marosimi o‘tkazildi. Prezidentlar Shavkat Mirziyoyev va Aleksandr Stubb Faxriy mehmonlar xiyobonida birgalikda daraxt ekdi. Ushbu ramziy tadbir O‘zbekiston...

Britaniya qiroli Charlz ukasi shahzoda Endryuni «shahzoda» unvonidan mahrum qildi va uni Vindzordagi Royal Lodge saroyidan chiqarib yubordi. Bu haqda CNN agentligi ma’lum qildi.

Bu qaror Endryuning jinoyatchi Jeffri Epsteyn bilan aloqadorligi sababli yuzaga kelgan mojarodan keyin qabul qilindi. Endryu endilikda oddiy fuqarolik maqomiga ega bo‘lib, Sandringem mulkidagi kichikroq uylardan birida istiqomat qiladi.

Bukingem saroyi bu chorani «qirollik obro‘sini saqlash uchun zarur qadam» deb atadi.

Shahzoda Endryu ilgari York gersogi, Inverness grafligi va Killylegh baronligi unvonlariga ega edi, ammo Qirol Charlz bu unvonlarni rasmiy ravishda bekor qildi. Endryu ayblovlarni rad etsa-da, Epstein bilan bog‘liq janjallar uning obro‘siga katta zarar...

Ko‘ksaroy qarorgohida Shavkat Mirziyoyev Finlyandiya prezidenti Aleksandr Stubb bilan rasmiy delegatsiyalar ishtirokida muzokaralar o‘tkazdi. Bu haqda davlat rahbari matbuot ximati ma’lum qildi.

Suhbatda siyosiy, savdo-iqtisodiy, investitsiyaviy va gumanitar yo‘nalishlarda hamkorlikni chuqurlashtirish masalalari muhokama qilindi. Tomonlar o‘zaro savdo hajmi ortib borayotganini va biznes sherikchilik faollashganini mamnuniyat bilan qayd etdi.

Muzokaralar davomida umumiy qiymati 1 mlrd yevrodan ortiq qo‘shma loyihalar portfeli shakllantirilgani ta’kidlandi. Shuningdek, Savdoni moliyalashtirish qo‘shma jamg‘armasini tuzish, sertifikatlash laboratoriyalarini ochish va eksportni kengaytirish tashabbuslari qo‘llab-quvvatlandi.

Geologiya, energetika, raqamlashtirish, agrosanoat, sun’iy intellekt, ekologiya va turizm sohalarida hamkorlikni rivojlantirishga alohida e’tibor qaratildi.

2026-yilda Hukumatlararo komissiyaning navbatdagi yig‘ilishi o‘tkazilishi, Ishbilarmonlar kengashi va...

Samarqand viloyatida UNESCOning 80 yilligiga bag‘ishlab 5 gektarlik «Yashil bog‘» barpo etilmoqda. Bu haqda Ekologiya vazirligi ma’lum qildi.

«Merosga tayanib, kelajak sari» shiori ostida amalga oshirilayotgan loyiha UNESCOning tinchlik, madaniyatlararo muloqot va ekologik barqarorlik kabi qadriyatlarini aks ettiradi.

31-oktabr kuni «Boqiy shahar» majmuasida 564 tup daraxt va butalar ekildi. Tadbirda UNESCO vakillari, xorijiy elchilar, O‘zbekiston vazirlik va idoralari rahbarlari qatnashdi.

Bog‘da qayrag‘och, katalpa, safora, eman, chinor va boshqa daraxtlar o‘tqazilmoqda. Loyihada suvni tejovchi tomchilatib sug‘orish tizimlari, quyosh panellari va chiqindilarni qayta ishlash joylari joriy etiladi.

UNESCOning 80 yilligiga bag‘ishlab ramziy ma’noda 80 mingta daraxt ekish rejalashtirilgan. «Yashil bog‘» Sohibqiron...

O‘zbekiston tovar-xom ashyo birjasining Kursiv Uzbekistan’ga ma’lum qilishicha, joriy yilning to‘qqiz oyi davomida birja orqali 3,7 tonna oltin sotilgan. Bu 2024-yilning mos davrida qayd etilgan 1,7 tonnadan 122 foizga ko‘p.

Oltin savdosining umumiy qiymati 4,9 trln so‘mni tashkil etgan. O‘tgan yilda bu ko‘rsatkich 1,6 trln so‘m edi. Shuningdek, oltinning o‘rtacha sotilish narxi 923,7 mlrd so‘mdan 1,3 trln so‘mga oshgan (bir tonna uchun), ya’ni taxminan 41 foizga qimmatlashgan.

Kumush bozorida esa pasayish kuzatildi. 2024-yilning yanvar – sentabr oylarida 302 kg kumush sotilgan bo‘lsa, 2025-yilda bu hajm 280,2 kgni tashkil etdi. Sotuv hajmi yetti foizga kamaygan, biroq o‘rtacha sotilish narxi 10,9 mlrd...

30-oktabr kuni prezident tomonidan «Sun’iy intellekt texnologiyalariga asoslangan loyihalarni qo‘llab-quvvatlashga oid qo‘shimcha chora-tadbirlar to‘g‘risi»da qarori qabul qilindi.

Ushbu qarorga ko‘ra, 2026 – 2027-yillarga mo‘ljallangan qo‘shimcha moliyalashtirish e’lon qilindi. Qarorning asosiy maqsadi ijtimoiy soha va iqtisodiyot tarmoqlarida sun’iy intellekt texnologiyalariga asoslangan ustuvor va startap loyihalarni tizimli qo‘llab-quvvatlash. Qarorga ko‘ra, Tiklanish va taraqqiyot jamg‘armasi 2026 – 2027-yillarda jami $100 million miqdorida qo‘shimcha mablag‘ ajratadi.

Bu mablag‘ning $50 millioni davlat organlari va tashkilotlarining faoliyatiga sun’iy intellekt texnologiyalarini joriy etish uchun, yana $50 millioni Tiklanish va taraqqiyot jamg‘armasining ulushi sifatida Fondlar fondi va IT Park Ventures venchur jamg‘armalari ustav kapitaliga kiritib, sun’iy intellekt...

Prezident Shavkat Mirziyoyev «O‘zbekiston temiryo‘llari», Uzbekistan Airways va Uzbekistan Airports kompaniyalariga yil boshidagi xizmat tannarxini kamida 20 foizgacha kamaytirish vazifasini topshirdi. Bu haqda transport vaziri Ilhom Mahkamov «O‘zbekiston 24» telekanaliga bergan intervyusida ma’lum qildi.

«Xarajatlarni kamida 20 foizga optimallashtirish bo‘yicha aniq chora-tadbirlar belgilandi. Shu bilan birga, ushbu korxonalar 2026-yil uchun ham xarajatlarni kamaytirish vazifalarini belgilaydi. Bir hafta ichida bu borada alohida qaror qabul qilinadi», – dedi Mahkamov.

Uning ta’kidlashicha, korxonalarning transformatsiyasi davom ettiriladi, ularni yirik xalqaro reytinglarga kiritish hamda xarid jarayonlarini alohida auditdan o‘tkazish rejalashtirilgan.

Ilhom Mahkamov transport sohasidagi yashirin iqtisodiyot masalasiga ham to‘xtalib o‘tdi...

Shanba kuni Qohira yaqinida qurilishi 20 yil davom etgan va qiymati $1 mlrd bo‘lgan Katta Misr muzeyi rasman ochiladi. Majmua sivilizatsiyaga bag‘ishlangan dunyodagi eng yirik arxeologik obyekt sifatida taqdim etilmoqda.

Giza ehromlaridan atigi 1,5 kilometr uzoqlikda joylashgan muzey 470 ming kvadrat metr maydonni egallaydi. Qurilish 2005-yilda boshlangan bo‘lib, loyihaning ayrim qismlari 2024-yilda ochilgan. Muzeyda 50 mingdan ortiq eksponatlar, jumladan, 3200 yillik, 83 tonna og‘irlikdagi Ramses II haykali va 4500 yillik Xufu fir’avniga tegishli qayiq namoyish etiladi.

Muzeyda 24 ming kvadrat metrli doimiy ekspozitsiya, bolalar muzeyi, konferensiya zallari, o‘quv markazlari, tijorat zonasi va restavratsiya markazi mavjud. 12 ta asosiy galereyada...

30-oktabr kuni soat 12:45 atrofida Toshkent shahrining Yashnobod tumanida Mercedes-Benz G-Class va tez yordam mashinasi ishtirokida yo‘l-transport hodisasi sodir bo‘ldi. Bu haqda poytaxt Yo‘l harakati xavfsizligi boshqarmasi xabar berdi.

Hodisa oqibatida ikki kishi tan jarohati oldi. Ular voqea joyida tibbiy yordam olgan.

Holat yuzasidan surishtiruv ishlari boshlagan. Rasmiylar haydovchilarga yo‘l harakati qoidalariga qat’iy amal qilish zarurligini eslatib o‘tgan.

Kursiv Uzbekistan nashri Chery krossoveri Malibuning ustiga chiqib ketgani haqida yozgan edi.

Toshkentda 2025 – 2026-yilgi isitish mavsumi kelasi hafta boshida boshlanishi mumkin. Ma’lumotlarga ko‘ra, O‘zbekiston hududiga 3-noyabrdan boshlab sovuq va nam havo massalari kirib keladi. Ayrim hududlarda yomg‘ir qorga aylanadi, kechalari esa havo harorati 0 – 3 darajagacha pasayadi.

Vazirlar Mahkamasining 2014-yil 15-iyuldagi qaroriga muvofiq, isitish mavsumi tashqi havoning o‘rtacha sutkalik harorati besh kun davomida 8 darajadan past bo‘lganda boshlanadi. Shu asosda Toshkent shahar hokimligi issiqlik ta’minotini yoqish muddatini belgilashi lozim.

O‘zgidromet prognoziga ko‘ra, 3 – 5-noyabr kunlari ayrim joylarda yomg‘ir yog‘adi, tog‘li hududlarda esa qorga aylanadi. 4 – 6-noyabr oralig‘ida havo harorati kunduz kunlari 8–13 daraja, kechalari...

3-noyabr uchun valyuta kurslari e’lon qilindi. Shu kun uchun AQSh valyutasi 12 005,09 so‘m (-20,13 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 27-oktabr kuni dollar 12 117,35 so‘mga (-11,98 so‘m), 28-oktabr kuni 12 053,46 so‘mga (-63,89 so‘m), 29-oktabr kuni 12 004,47 so‘mga (-48,99 so‘m), 30-oktabr kuni esa 11 990,53 so‘m (-13,94 so‘m)ga tenglashdi. 31-oktabr kuni AQSh valyutasi 12 025,22 so‘m (+34,69 so‘m) bo‘ldi.

Markaziy bank ma’lumotlariga ko‘ra, yevro 71,41 so‘mga tushib, 13 898,29 so‘mni, rubl esa 0,80 so‘mga tushib, 148,56 so‘mni tashkil qildi.

Markaziy bank milliy valyutaning mustahkamlanishini...

CasinoHawks superkompyuteri Angliya Premer-ligasining yakuniy jadvalini taxmin qildi. Natijalarga ko‘ra, «Arsenal» 2025/26-yilgi mavsumni 90 ochko bilan birinchi o‘rinda yakunlaydi. «Liverpul» 77 ochko bilan ikkinchi, «Manchester Siti» va «Chelsi» esa kuchli to‘rtlikni to‘ldiradi.

Superkompyuter hisob-kitoblariga ko‘ra, Mikel Arteta jamoasi 38 uchrashuvda 28 ta g‘alaba qozonadi. «Arsenal» hozirda Premer-ligada to‘rt ochkolik farq bilan peshqadam bo‘lib turibdi. «Liverpul» so‘nggi o‘yinlardagi muvaffaqiyatsiz natijalarga qaramay, chempionlik poygasida asosiy raqib sifatida ko‘rilmoqda.

«Manchester Yunayted» Ruben Amorim boshchiligida uchta o‘yinda ketma-ket g‘alaba qozongan bo‘lsa ham, jamoa mavsumni 12-o‘rinda yakunlashi aytilgan. Eng quyi uchlikda «Vest Xem», «Byornli» va «Vulverhempton» joy oladi va ular Chempionshipga tushib ketishi mumkin.

O‘zbekistonning olti oliygohidan o‘n nafar talaba Xitoyda o‘tkazilgan Huawei kompaniyasining Seeds for the Future 2025 dasturida ishtirok etdi. Ular Dunguan va Shenjjen shaharlarida zamonaviy AKT bo‘yicha intensiv kurslarda qatnashib, 19 davlatdan kelgan talabalar bilan tajriba almashdi. Bu haqda kompaniya Kursiv Uzbekistan’ga ma’lum qildi.

Dastur 19 – 22-oktabr kunlari Huawei’ning Dunguan shahridagi trening markazida bo‘lib o‘tdi. Talabalar sun’iy intellekt, bulut texnologiyalari va 5G-6G tarmoqlari rivoji haqida mahorat darslarida qatnashdi. Mashg‘ulotlar interaktiv tarzda o‘tkazilib, ishtirokchilar nazariy bilimni amaliy topshiriqlar bilan mustahkamlashdi.

Turin politexnika universiteti talabasi Faxriya Dosmuhamedova Huawei’dagi treninglardan katta taassurot olganini aytib, bu safar uni 5G texnologiyalarini qurilish sohasiga qo‘llash yo‘nalishida...

2026-yil 1-yanvardan boshlab Rossiyaning bir qator hududlarida mehnat migrantlari uchun patentlar narxi oshadi. Hududiy hokimliklar yangi koeffitsiyentlarni tasdiqladi, ular orqali migrantlar to‘laydigan oylik soliq miqdori aniqlanadi.

Mahalliy hukumatlar bu o‘zgarishlar orqali mintaqa budjetlari daromadini oshirishni maqsad qilgan. Patent narxlari:

Patent migrantlarga ma’lum hudud va sohada ishlash huquqini beradi. Hujjatni olish uchun o‘rtacha 30 ming rubl sarflash kerak bo‘ladi. Agar to‘lov o‘z vaqtida amalga...

Xitoyning Dongfeng Forthing kompaniyasi yangi Xinghai S7 (2026) elektromobilini rasman taqdim etdi. Bu haqda CarNewsChina xabar bermoqda.

Yangilangan model to‘rtta komplektatsiyada sotuvga chiqdi, narxlar 119 900 – 149 900 yuan (taxminan $16 800 – $21 000) oralig‘ida belgilangan.

Yangi S7 modeli dizayn jihatidan o‘z uslubini saqlab qolgan. U muhim texnologik yangilik bilan ajralib turadi. Bu tizim avtomobilga 650 km elektr yurish masofasini ta’minlaydi va atigi 14 daqiqada 320 km masofaga yetadigan zaryadni to‘ldira oladi.

Tashqi ko‘rinishda avtomobil 7-shaklli LED yoritgichlari, aerodinamik kupe uslubidagi tom qismi va 0,191 Cd past havo qarshilik koeffitsienti bilan ajralib turadi. O‘lchamlari 4935×1915×1495 mm. G‘ildirak...

Qatar mezbonlik qiladigan 17 yoshgacha futbolchilar o‘rtasidagi Jahon chempionatida ishtirok etish uchun O‘zbekiston U-17 terma jamoasi yakuniy tarkibni e’lon qildi. Tarkibdan 21 futbolchi o‘rin olgan.

Islombek Ismoilov shogirdlari Jahon chempionatiga tayyorgarlik ko‘rish uchun BAAda yig‘in o‘tkazdi. Yig‘in doirasida Venesuela, Kot-d’Ivuar va Burkina-fasolik tengqurlariga qarshi nazorat uchrashuvlari o‘tkazildi.

O‘zbekiston «J» guruhidan Paragvay, Panama va Irlandiya bilan birgalikda o‘rin olgan. Vakillarimiz musobaqadagi ishtirokini 5-noyabr kuni Paragvayga qarshi o‘yin bilan boshlaydi. Futbolchilarimizga Jahon chempionatida zafarlar tilaymiz.

Avvalroq Kursiv Uzbekistan U-17 terma jamoamiz Venesuela bilan durang qayd etgani haqida xabar bergan edi.

BYD kompaniyasi tomonidan BYD M9 2026 avtomobili 4-noyabr kuni Xitoyda taqdim etiladi. Bu haqda CarNewsChina xabar bermoqda.

Yangilangan avtomobil tashqi ko‘rinishini asosan saqlab qolgan. LiDAR tizimi va 218 kilometrgacha elektrda yurish imkoniyati bilan jihozlangan. Bu M9 seriyasidagi eng yuqori natija hisoblanadi.

BYD M9 kompaniyaning eng yirik gibrid mikroavtobusi bo‘lib, Denza D9 va kichikroq oilaviy MPV modellari o‘rtasida joylashadi. U shaxsiy va korporativ mijozlar uchun mo‘ljallangan. Mazkur model yil boshida Meksikada ham M9 nomi ostida savdoga chiqarilgan edi.

Tashqi dizayn BYD’ning Loong Face (Dragon Face) uslubida yaratilgan. Keng xromli panjara va o‘tkir LED chiroqlar bilan. 2026-yilgi versiyada yangi Far Mountain...

Workmall xususiy bandlik agentligi Janubiy Koreyada joylashgan kemasozlik korxonasiga tajribali elektriklarni ishga taklif qilmoqda. Bu haqda Migratsiya agentligi xabar berdi.

Ish doimiy mehnat shartnomasi asosida taklif etiladi. Oyiga 264 soatlik ish uchun $1,7 ming maosh to‘lanadi. Qo‘shimcha ish soatlari uchun alohida haq belgilanadi. Ish beruvchi xodimlarni bepul turarjoy va bir mahal ovqat bilan ta’minlaydi.

Nomzodlar 22 yoshdan 35 yoshgacha bo‘lishi, bakalavr yoki undan yuqori darajadagi diplomga ega bo‘lishi, sohada kamida bir yillik ish tajribasiga ega bo‘lishi kerak. Shuningdek, sudlanmaganlik haqida ma’lumotnoma va xorijga chiqish pasporti talab etiladi. Saralashdan o‘tganlar koreys tili kurslarida qatnashishi mumkin.

Ro‘yxatdan o‘tish xorijda ish

Vivo kompaniyasi tomonidan Vivo X300 va X300 Pro smartfonlari Yevropada taqdim etildi. Bu haqda GSMArena xabar bermoqda.

Ma’lum qilinishicha, rasmiy taqdimot Avstriya poytaxti Venada o‘tkazilgan. Ikkala model ham 90 vattli simli va 40 vattli simsiz zaryadlash tizimlarini qo‘llab-quvvatlaydi. Vivo X300 6,31 dyuymli, X300 Pro esa 6,82 dyuymli OLED displey bilan jihozlangan. Har ikkisi 120 Hz yangilanish chastotasini ta’minlaydi.

Kamera tizimi

Vivo X300 modelida asosiy kameraga 200 megapikselli Samsung HPB sensori o‘rnatilgan. Unga 50 MP Sony LYT-602 (telefoto) va 50 MP ultra keng burchakli modul hamroh bo‘ladi.

Vivo X300 Pro esa teskari konfiguratsiyaga ega: asosiy modulda 50 MP...