Yangiliklar

Xitoyning yangi energiya avtomobili (NEV) startaplari 2025-yil aprel oyidagi yetkazib berish natijalarini e’lon qildi. 1-may arafasida e’lon qilingan ma’lumotlarga ko‘ra, Leapmotor yana bir bor yetakchilikni qo‘lga kiritdi va boshqa startaplardan o‘zib ketdi. Bu haqda CarNewsChina nashri ma’lum qildi.

Aprel oyida Leapmotor 41 mingta avtomobil yetkazib berdi. Shu bilan u 40 minglik chegarani bosib o‘tgan yagona NEV startapi bo‘ldi. Yanvardan aprelgacha kompaniya jami 128,5 mingta avtomobilni mijozlarga topshirdi. Leapmotor hozirda oltita modelni ishlab chiqarmoqda: T03, C01, C11, C16, B01 va C10.

Ikkinchi o‘rinda Xpeng joylashdi. Kompaniya aprel oyida 35 mingta avtomobil yetkazib berdi, bu o‘tgan yilga nisbatan 273% o‘sishni anglatadi...

Avstraliyaning Xobart shahri portida dunyodagi eng katta elektr kemasi suvga tushirildi. Bu haqda The Guardian nashri xabar bermoqda.

Incat tomonidan qurilgan kema Hull 096 deb nomlanadi. U Janubiy Amerika parom operatori Buquebus tomonidan ishlab chiqilgan va Argentina poytaxti Buenos-Ayres va Urugvay o‘rtasida La Plata daryosi bo‘ylab xizmat ko‘rsatadi. Kemaning loyihaviy sig‘imi 2,1 ming yo‘lovchi va 225 ta avtomobilni tashkil etadi.

Hull 096 faqat batareyalardan olinadigan elektr quvvati bilan ishlaydi. Ularning umumiy massasi 250 tonna, o‘rnatilgan quvvati esa 40 megavatt-soatdan oshadi.

Eslatib o‘tamiz, Kursiv Uzbekistan nashri Haier dunyodagi birinchi uch barabanli kir yuvish mashinasini taqdim etgani haqida yozgan edi.

Toshkent shahrida sinov tariqasida 86 ta yo‘l bo‘yi pullik avtoturargohlar ishga tushirildi. Bu xabarni Toshkent shahar hokimligi matbuot xizmati Kursiv Uzbekistan’ga tasdiqladi.

Ushbu turdagi pulli avtoturargohlar maxsus belgi – to‘q sariq fonda «P» harfi bilan tasvirlangan. Pulli avtoturargohlardan foydalanish narxi soatiga 12 ming so‘m bo‘lib, to‘lamaganlik uchun jarima belgilanadi.

To‘lovni pullik Poytaxt Parking mobil ilovasi yoki Paynet terminallari orqali naqd pulda amalga oshirish mumkin. Ilova Streetpark Systems kompaniyasi tomonidan ishlab chiqilgan – aynan shu kompaniya poytaxtda pullik turargohlarni tashkil etish bo‘yicha tenderda g‘olib chiqqan.

Aslida pilot avtoturargohlar mart oyida, keng joriy etilishi esa iyul oyiga mo‘ljallangan edi. Pullik avtoturargohlar to‘rtta...

Rossiya Dumasi mehnat muhojirlariga yangi talablar kiritishni taklif qildi. Deputat Yaroslav Nilov qonun loyihasini ishlab chiqdi. Unga ko‘ra Rossiyaga kiruvchi chet elliklar bir qator kasalliklar yo‘qligi to‘g‘risidagi guvohnomani taqdim etishlari kerak.

Hozirda migrantlarga tibbiy ko‘rikdan o‘tish uchun 30 kun muhlat beriladi. Agar ular mamlakatda 90 kundan ortiq qolsa, bu muddat uch oygacha uzaytiriladi. Yangi qonun chegarada salomatlikni tekshirishni taklif qiladi.

Loyihaga ko‘ra, chegarani kesib o‘tishda migrantlar o‘zlari bilan quyidagi hujjatlarni olib borishi kerak:

Xitoydagi Yanszi daryosida qurilgan «Uch daralar» to‘g‘oni Yer aylanishiga ta’sir ko‘rsatgani aniqlandi. Bu haqda Yahoo News ma’lum qildi.

NASA ma’lumotlariga ko‘ra, 40 kub kilometr suvni ushlab turuvchi bu ulkan inshoot Yerning og‘irlik markazini o‘zgartirgan va kun davomiyligini 0,06 mikrosekundga uzaytirgan.

2012-yilda qurilishi yakunlangan to‘g‘on 2335 metr kenglikda va 185 metr balandlikda bo‘lib, dunyodagi eng qudratli gidroelektrostansiya hisoblanadi. Olima Benjamin Fong Chao bu o‘zgarishlar sayyoramiz shaklini ham ozgina o‘zgartirganini ta’kidladi.

Ijtimoiy tarmoqlarda bu xabar kulgi bilan qarshi olindi. Foydalanuvchilar hazillashib, qo‘shimcha dam olish kuni orzusida ekanliklarini aytishdi.

Eslatib o‘tamiz, avvalroq NASA Yer tortishish kuchini aniqlovchi kvant qurilma yaratilishi haqida...

O‘zbekistonga Davlat budjeti yukini kamaytirish va demografik muammolarga bardosh berish uchun pensiya yoshi oshirilishi mumkin. Bu haqda Xalqaro valyuta jamg‘armasining O‘zbekistondagi vakolatxonasi rahbari Koba Gvenetadze ma’lum qildi.

Hozirda erkaklar 60 yoshda, ayollar esa 55 yoshda pensiyaga chiqadi. Bu ko‘rsatkichlar xalqaro standartlarga nisbatan past hisoblanadi.

«Pensiya islohoti o‘tkazish imkoniyati ko‘rib chiqilishi lozim. Hukumat bu borada allaqachon ish boshlagan. Biz ham texnik yordam ko‘rsatmoqdamiz», – dedi Gvenetadze.

Uning so‘zlariga ko‘ra, pensiya to‘lovlari davlat xarajatlarining bir qismini tashkil qiladi, aholining o‘sishi esa bu islohotni tobora dolzarb qilmoqda.

«Pensiya yoshini bosqichma-bosqich oshirish maqsadga muvofiq bo‘ladi...

Shavkat Mirziyoyev Urganch shahrida yangi tashkil etilgan Kasbiy ko‘nikmalar mintaqaviy markazini borib ko‘rdi. Bu haqda davlat rahbari matbuot xizmati ma’lum qildi.

Unga ko‘ra, markaz Koreya xalqaro hamkorlik agentligi – KOICA tomonidan $9 mlnlik grant asosida barpo etilgan bo‘lib, zamonaviy jihozlar va simulatsion uskunalar bilan ta’minlangan.

Mazkur hududda avtomobilsozlik, payvandchilik, sartaroshlik, mehmonxona xizmati kabi 10 ta yo‘nalishda kasbiy ta’lim beriladi. Majmua yiliga 300 nafar tinglovchiga 6 oylik kurslar o‘tkazish imkoniga ega. Prezident o‘quv xonalarini ko‘zdan kechirdi, yoshlar bilan suhbatlashdi va ularga kelajakda tadbirkor bo‘lishga intilishni tavsiya qildi.

Markazda elektromobillar xizmati bo‘yicha ham mutaxassislik yo‘lga qo‘yilgan. Shuningdek, Koreyada o‘qituvchilar malaka oshirayotgani...

O‘zbekiston jahon matbuot erkinligi indeksida 148-o‘rinni egalladi. Bu haqda Chegara bilmas muxbirlar (RSF) reytingida ma’lum qilindi.

Hisobotda ta’kidlanishicha, O‘zbekistonda individual islohotlar va liberallashtirish haqidagi bayonotlarga qaramay media makon nazorat qilib kelinmoqda.

RSF tashkiloti ma’lumotlariga ko‘ra, 2025-yilda dunyo bo‘ylab matbuot erkinligi rekord darajaga yetgan. 160 ta davlatdagi ommaviy axborot vositalari moliyaviy qiyinchiliklarni boshdan kechirmoqda, tahririyat xodimlarini qisqartirmoqda yoki faoliyatini butunlay to‘xtatmoqda. 46 ta davlatda media bozori tor doiradagi egalari tomonidan nazorat qilinadi.

Taqqoslash uchun Markaziy Osiyo davlatlarining o‘rni:

Eslatib o‘tamiz, Kursiv Uzbekistan nashri Fitch Ratings xalqaro reyting agentligi Toshkent shahriga «Barqaror» prognozi bilan BB-darajasidagi uzoq muddatli kredit reytingini bergani haqida...

Xiaomi kompaniyasi o‘zining ilk ochiq kodli sun’iy intellekt modeli MiMo’ni rasman taqdim etdi. Bu haqda Weixin nashri ma’lum qildi.

MiMo mantiqiy va matematik tahlil talab qiladigan vazifalarga yo‘naltirilgan bo‘lib, 32 mlrd parametrga ega. Xiaomi ma’lumotlariga ko‘ra, model OpenAI o1-mini va Alibaba Qwen-32B-Preview kabi raqobatchilarni bir nechta asosiy benchmarklarda ortda qoldirdi.

MiMo AIME24-25 (matematik tahlil) va LiveCodeBench v5 (kod yaratish) testlarida yuqori natijalar ko‘rsatib, murakkab algebraik tenglamalarni yechish va kod optimallashtirishda samaradorlikni isbotladi. Xiaomi vakillari modelning ixchamligi uni chekka qurilmalar va past quvvatli serverlar uchun ham ideal yechimga aylantirishini ta’kidladi.

Model texnik hujjatlari va manba kodi GitHub hamda Hugging Face...

Uzoq masofaga yurgan avtomobillar haqida yozilgan maqolalar hamisha qiziq bo‘lgan. 32cars nashri 1 mln km yurgan eng yaxshi 5 ta mashina haqida material e’lon qildi.

Toyota Tundra

Amerikalik Vik Shepard o‘zining 2014-yilgi Tundra avtomashinasini 1,6 million km dan ortiq masofani bosib o‘tdi, shu vaqt ichida u faqat bir marta alternator va transmissiyani almashtirdi. U ilgari o‘zining avvalgi Tundra’sida xuddi shu sayohatni yakunlagan. Buning uchun Toyota unga yangi pikap sovg‘a qilgan.

Moskvich-2140

Gerxard Shott 1976-yilgi sovet mashinasida 1 mln km yurgan. Avtomobil shu qadar ishonchli bo‘lib chiqdiki, o‘nlab yillar davomida ishlagandan so‘ng faqat dvigatelni yangisiga almashtirish kerak bo‘lgan.

BMW 325iS

O‘zbekiston valyuta birjasi ma’lumotlariga ko‘ra, 2-may kuni dollarning o‘rtacha kursi 12 915,07 so‘mni tashkil etib, oldingi kun bilan solishtirganda 15,07 so‘mga oshdi.

1-may kuni esa o‘rtacha kurs 12 900 so‘m bo‘lib, 20,16 so‘mga tushdi.

Dollar kursi bu haftani keskin pasayish bilan boshladi: 30-aprel kuni esa o‘rtacha kurs 12 920,16 so‘m bo‘lib, 13 so‘mga tushdi. 28-aprel kuni o‘rtacha kurs 12 948,10 so‘m bo‘lib, 9,04 so‘mga tushgandi. 29-aprel kuni esa kurs 12 933,36 so‘m bo‘lib, 14,94 so‘mga oshdi.

Shuningdek, Markaziy bank tomonidan boshqa valyutalar kurslari ham e’lon qilindi. Unga ko‘ra yevro 64,84 soʻmga oshib, 14 659,90 soʻmga yetdi. Rossiya rubli esa 0,89 soʻmga pastlab...

Volkswagen ID. Buzz uchinchi qator o‘rindiqlari rasmiy jihatdan «juda keng» deb topildi va qaytarib olinmoqda. Bu haqda 32cars nashri ma’lum qildi.

AQSh Milliy avtomobil yo‘llari harakati xavfsizligi boshqarmasi (NHTSA) ma’lumotlariga ko‘ra, uchinchi qator ikkita yo‘lovchi uchun mo‘ljallangan. Ammo o‘rindiqning kengligi amaldagi xavfsizlik standartlariga ko‘ra uch kishilik deb hisoblanadi. Amerika xavfsizlik standartiga binoan, 55,2 dyuymdan kengroq bo‘lgan o‘rindiqda uchta xavfsizlik kamari bo‘lishi shart. ID. Buzz esa bu mezonga tushib qolgan.

Volkswagen o‘rindiq dizayni ikki kishilik formatda, alohida suyanchiq va kontur bilan ajratilganini ko‘rsatib, bu ikki o‘rin ekanini isbotlashga harakat qildi. Biroq regulyator qat’iy qaror qabul qildi: kenglik bo‘yicha talab o‘zgarmaydi...

Shavkat Mirziyoyev viloyatga tashrifi davomida mutasaddilarga viloyatda atrof-muhitni yaxshilash maqsadida uch yillik dastur asosida 10 million tup gujum ekishni topshirdi.

Shuningdek, Bog‘ot, Gurlan, Xonqa, Yangibozor, Hazorasp va Urganch tumanlaridagi 49 ta mahalla infratuzilmasini yaxshilash uchun xalqaro moliya tashkilotlari orqali $61 million mablag‘ jalb qilinadi.

Joriy yilda 70 ta og‘ir mahalla uchun tadbirkorlik infratuzilmasini rivojlantirishga budjetdan 233 milliard so‘m ajratilgan. Bundan tashqari, yana 10 ta mahalla tanlab olinib, qo‘shimcha 15 milliard so‘m mablag‘ yo‘naltiriladi.

Avvalroq Kursiv Uzbekistan Urganchdagi Al-Xorazmiy shaharchasiga 22 metrlik Xorazmiy haykali o‘rnatilishi haqida yozgandi.

Tuproqqal’a tumanidagi «Damas» avtomobil zavodida yetti o‘rinli budjetli avtomobil yig‘ila boshlaydi. Bu haqda Shavkat Mirziyoyev Xorazm viloyatini rivojlantirish masalalariga bag‘ishlangan yig‘ilishda ma’lum qildi.

Slovakiya kompaniyasi zavodni rekonstruksiya qilish uchun $100 mln sarmoya kiritmoqchi. Davlat rahbari mutasaddilarga yil oxirigacha hamkorlar bilan muzokaralarni yakunlash bo‘yicha topshiriq berdi. Avtomobilni yirik blokli yig‘ish keyingi yildan boshlanadi.

2027-yilga kelib kompaniya to‘liq siklga o‘tadi va ishlab chiqarishni mahalliylashtirishni 50 foizga yetkazadi.

Arzon narxda yangi mahsulot Yevro-5 ekologik standartiga mos keladi. Mashinaning markasi va boshqa xususiyatlari hozircha ma’lum emas.

Eslatib o‘tamiz, Kursiv Uzbekistan nashri Shavkat Mirziyoyev Toshkent – Urganch yo‘nalishida bir hafta oldin chipta topish mushkulligi...

Ko‘pchilik o‘rta klassdagi avtomobilni xarid qilish oldidan qiyin tanlovni boshdan kechiradi. Kursiv Uzbekistan nashrining navbatdagi maqolasida Chevrolet Malibu 2 va Kia K5 modellari taqqoslanadi.

Dizayn

Texnik xususiyatlar

Narx

Chevrolet Malibu 2 modelining narxi ikkilamchi bozorda 28,5 ming yevro yoki 415 mln so‘mni (Avtoe’lon) tashkil etadi. Ayni paytda bu modelni zavoddan xarid qilish imkoni yo‘q. Kia K5 avtomobilining narxi esa 380 mln so‘mdan boshlanadi.

Makroiqtisodiy va hududiy tadqiqotlar instituti ma’lumotlariga ko‘ra, 2025-yilning mart oyida yanvarga nisbatan ikkilamchi bozorda Malibu’ning kam foydalanilgani $313 ga ($32 313 dan $32 000 ga) arzonlagan. Kia K5 modelida esa o‘rtacha foydalanilgani...

Qozog‘iston Tashqi ishlar vazirligi tashabbusi bilan xorijiy investorlar uchun yangi «oltin viza» tartibi joriy etildi. Bu haqda vazirlik rasmiy sahifasida ma’lum qilindi.

Unga ko‘ra, endilikda Qozog‘iston kompaniyalari ustav kapitaliga yoki mahalliy qimmatli qog‘ozlarga kamida $300 ming investitsiya kiritgan shaxslar maxsus vizaga elektron tarzda ariza topshirishi mumkin.

Mazkur viza rezident maqomini olish va 10 yilgacha mamlakatda yashash imkonini beradi. Bu tashabbus xorijiy sarmoyani jalb qilish, biznes muhitini yaxshilash hamda xalqaro hamkorlikni mustahkamlashga qaratilgan. Qozog‘iston ushbu yondashuv orqali o‘zining ochiqlik va iqtisodiy barqarorlik siyosatini yana bir bor tasdiqlamoqda.

Eslatib o‘tamiz, avvalroq Oʻzbekiston fuqarolari Saudiya Arabistoniga elektron viza olish huquqidan mahrum boʻlgani...

Shavkat Mirziyoyev Toshkent – Urganch yo‘nalishida bir hafta oldin chipta topish mushkulligi, narxlar esa yuqoriligini tanqid qildi. Bu haqda prezident matbuot xizmati xabar bermoqda.

Hozirgi kunda respublikadagi mahalliy aviaqatnovlarning 95 foizi «O‘zbekiiston havo yo‘llari» va «Silk Avia» aviakompaniyalari tomonidan amalga oshirilmoqda. Qolgan 14 ta reysni esa 4 ta xususiy aviakompaniya bajaradi.

Bunga asosiy sabab sifatida ichki reyslarning tijorat nuqtai nazaridan jozibador emasligi ko‘rsatilmoqda.

Prezident ta’kidlashicha, ichki bozorda raqobatning pastligi sababli Toshkent – Urganch yo‘nalishida bir hafta oldin chipta topish mushkul, narxlar esa yuqori.

«Bunday sharoitda xorijiy turist emas, mahalliy sayyoh ham boshqa davlatga borishni afzal...

Shavkat Mirziyoyev Xorazmga tashrifi davomida «Arda Xiva» majmuasiga O‘zbekistonning har bir viloyatidan bittadan tajribali restorator olib kelish kerakligini aytdi. Bu haqda davlat rahbari matbuot xizmati xabar berdi.

Shuningdek, Xivaning Mevaston va Gazchi mahallalarida bir nechta restoranlardan iborat ikki zamonaviy «fud-kort» tashkil etish zarurligi qayd etildi.

Shuningdek, milliy taomlarni xorijda tanitayotgan o‘zbek restoratorlari qo‘llab-quvvatlanadi. Mutasaddilarga xorijda o‘zbek restoranlari ochilishini qo‘llab-quvvatlash, jumladan, ro‘yxatdan o‘tish, ruxsatnoma olish va faoliyatni yo‘lga qo‘yish bilan bog‘liq xarajatlarning bir qismini qoplash mexanizmini ishlab chiqish topshirildi.

Viloyatda 40 dan ortiq hunarmandchilik yo‘nalishlari rivojlangan bo‘lib, sayyohlar mahsulot tayyorlash jarayoniga alohida qiziqish bildirmoqda. Shu bois Mevaston mahallasida 6 gektar...

Eron va AQSh o‘rtasidagi muzokaralarning to‘rtinchi raundi noma’lum muddatga qoldirildi. Bu haqda Reuters xabar bermoqda.

Ikki davlat vakillari 3-may kuni Italiyada Eron yadro dasturini muhokama qilishi kerak edi.

«AQShning yadroviy muzokaralar chog‘ida Eronga qarshi sanksiyalari tomonlarga yadroviy mojaroni diplomatik yo‘llar bilan hal qilishga yordam bermaydi”, – dedi Eron rasmiysi Reuters agentligiga.

Vashington va Tehron o‘rtasidagi vositachi Ummon uchrashuvning keyinga surilishiga logistika muammolari sabab bo‘lganini aytgan. Eron rasmiylarining bildirishicha, Eron – Amerika muzokaralari Ummon Tashqi ishlar vazirligi talabi bilan qoldirildi.

Shu bilan birga, Reuters manbalaridan biri Vashington Rimda Eron vakillari bilan uchrashishni rejalashtirmaganini aytgan.

May oyi boshidan Microsoft korporatsiyasi Xbox konsollari va ular uchun ba’zi o‘yin qurilmalari narxini oshirdi. Bu haqda kompaniya saytida xabar e’lon qilindi.

1-maydan boshlab 512 Gb qattiq diskli Xbox Series S 26,6 foizga oshib, $380 ni tashkil qildi. Kuchliroq Xbox Series X konsoli narxi 20 foizga oshib, $600 gacha ko‘tarildi. O‘yin konsoli boshqaruvchisining narxi $70 dan $80 gacha oshdi.

«Biz bu o‘zgarishlar oson emasligini tan olamiz, lekin ular bozor konyunkturasi va ishlab chiqarish xarajatlarining o‘sishini sinchiklab hisobga olgan holda amalga oshirildi», – deyiladi Microsoft bayonotida.

Eslatib o‘tamiz, Kursiv Uzbekistan nashri Sony PlayStation 5 konsoli...

Chevrolet kompaniyasi Braziliyada 2026-yilgi Chevy Spark EUV Activ modelini rasman e’lon qildi. Bu haqda Gm Authority nashri ma’lum qildi.

Avtomobil butun Lotin Amerikasi bo‘ylab sotiladigan yagona to‘liq elektr Sparkdir. GM Janubiy Amerika mahsulot marketingi direktori Paula Saiani ta’kidlashicha, yangi Spark faqat bitta – Activ trimida sotiladi.

«Bu model o‘zining sarguzasht ruhini va jozibasini kuchaytiradi. Shu bilan birga, Braziliya iste’molchilarining afzalliklariga moslashtirilgan maxsus kombinatsiyani taklif etadi», – dedi Saiani.

Spark EUV Activ Braziliya avtomobil bozoridagi tobora bir-biriga o‘xshash kichik SUV segmentida o‘ziga xoslik yaratish uchun ishlab chiqilgan. Model baland tom chizig‘i va ixcham, biroq jasur...

Toshkent shahrida 9 may – Xotira va qadrlash kuni munosabati bilan «Otliq kavaleriya» paradi bo‘lib o‘tadi. Bu haqda Milliy gvardiya matbuot xizmati xabar berdi.

Parad 3-may kuni soat 18:00 da Milliy gvardiya boshchiligida Toshkent shahri hamda viloyati kuch tuzilmalarining otliq bo‘linmalari ishtirokida poytaxtning Amir Temur xiyoboni bo‘ylab o‘tkaziladi.

Avvalroq Kursiv Uzbekistan Toshkent shahrida 29-apreldan 3-maygacha «Toshkent gullari festivali» o‘tkazilishi sababli ayrim ko‘chalar vaqtincha yopilishi haqida xabar bergandi.

Amerikaning General Motors kompaniyasi yangi Chevrolet Bolt’ning 2026 yilgi modelini deyarli tayyorlagan. Talkwheels YouTube kanalida taqdim etilgan ushbu model kichik xetcbek ko‘rinishida bo‘lishi aytilmoqda.

Biroq uchinchi avlod Chevrolet Bolt faqat bitta model bilan cheklanmaydi. U bir nechta turdagi kuzovlarda, jumladan, krossover ko‘rinishida ham taqdim etiladi.

Yangi elektromobil AQShning Kanzas-Siti shahridagi zavodda ishlab chiqariladi. Korxona ishlab chiqarish jarayonlarini zamonaviylashtirgach jarayon boshlanadi.

Model litiy-temir-fosfat (LFP) akkumulyatori bilan jihozlanadi. Bu yechim avtomobilni arzonlashtirish va ishlab chiqarishni tezlashtirish imkonini beradi.

Avval GM ushbu modelni ishlab chiqishni to‘xtatishni rejalashtirgandi, ammo foydalanuvchilar orasida Bolt’ga bo‘lgan talab keskin oshgani sababli yangi model ishlab chiqarishga qaytildi.

Beeline Uzbekistan raisligidagi EUROUZning Jamoatchilik bilan aloqalar va strategik kommunikatsiyalar qo‘mitasi O‘zbekistonda korporativ va moliyaviy kommunikatsiya amaliyotlarini rivojlantirishga bag‘ishlangan ekspert seminarni o‘tkazdi. Gibrid formatda tashkil etilgan tadbirga 70 ga yaqin ishtirokchi va yetakchi kompaniyalar, xalqaro tashkilotlar, moliya sektori va EUROUZ a’zolaridan yuqori darajadagi ma’ruzachilar yig‘ildi.

Seminar investorlar bilan aloqalar, korporativ shaffoflik va obro‘ni boshqarish sohasida tajriba almashish uchun amaliy platformaga aylandi. Kommunikatsiya mutaxassislari islohotlar, biznes natijalari va uzoq muddatli maqsadlar haqida izchil kommunikatsiya orqali ishonchni shakllantirish bo‘yicha ilg‘or tajribalar bilan o‘rtoqlashdilar.

Dastur ikkita ekspert sessiyasini o‘z ichiga oldi: birinchisi moliyaviy shaffoflik va investorlar ishonchiga bag‘ishlandi, ikkinchisi esa davlat, mijozlar, OAV...