Yangiliklar

2025-yil 29–30-aprel kunlari O‘zbekiston hukumati delegatsiyasi amaliy tashrif bilan Xitoyning Urumchi shahrida bo‘ldi. Bu haqda O‘zR hukumat portalida ma’lum qilindi.

Unga ko‘ra, mazkur tashrif davomida bosh vazir Abdulla Aripov va Xitoy Kommunistik partiyasi Markaziy qo‘mitasi Siyosiy byurosi a’zosi Ma Sinjuy boshchiligidagi delegatsiyalar uchrashuvi bo‘lib o‘tdi.

Uchrashuv avvalida Shavkat Mirziyoyev tomonidan Xitoy raisi Si Szinpin va Shinjon-Uyg‘ur avtonom rayoni Partqo‘mi kotibiga yo‘llangan samimiy salom va ezgu tilaklar yetkazildi.

Tomonlar Xitoy va O‘zbekiston o‘rtasidagi ishonchli strategik hamkorlik aloqalari izchil mustahkamlanib borayotganini ta’kidladilar. Uchrashuvda savdo, sarmoya, texnologiya, qishloq xo‘jaligi, energetika va transport-logistika sohalaridagi hamkorlik muhokama qilindi. Shuningdek, o‘tgan yili ikki davlat o‘rtasidagi...

O‘zbekistonning bir qator tog‘oldi va tog‘li hududlarida 1–2-may kunlari yog‘ingarchiliklar kutilayotganligi sababli sel-suv toshqin hodisalari yuzaga kelishi mumkin. Bu haqda «O‘zgidromet» xabar qildi.

Sel xavfi quyidagi hududlarda kuzatilishi mumkin:

«Rossotrudnichestvo» rossiyaliklar Ikkinchi jahon urushi yillarida yetim bolalarni o‘z bag‘riga olgan O‘zbekiston aholisining mehribonligini qadrlashini ma’lum qildi. Bu haqda «TASS» xabar bermoqda.

Ikkinchi jahon urushi haqida film suratga olinmoqda. Unda o‘zbekistonlik faxriylar va konsentratsion lager asirlari ham urush haqidagi hujjatli filmda o‘z hikoyalarini aytib berishadi. Hozirda suratga olish ishlari olib borilmoqda.

«Biz uni «G‘alaba yuzlari» deb nomladik. Qanday qilib O‘zbekiston blokada bolalari uchun ikkinchi vatanga aylangani haqida hikoya qilinadi. Bizda 20 ga yaqin kishi qatnashadi», — dedi «Rossotrudnichestvo»ning O‘zbekistondagi vakolatxonasi rahbari Irina Staroselskaya.

Tashkilot Toshkent shahar tibbiyot boshqarmasi bilan birgalikda poytaxtdagi faxriylarni ko‘rikdan o‘tkazadi...

General Motors (GM) kompaniyasi AQShda 877 mingga yaqin pikap va yirik yo‘ltanlamas avtomobillarni chaqirib olish kampaniyasini e’lon qildi. Bu haqda Tarantas news nashri xabar berdi.

Bunga sabab 6,2 litrli V8 rusumidagi dvigatellarda aniqlangan ishlab chiqarish nuqsonlari bo‘ldi. Bu nuqsonlar avtomobilning quvvat yo‘qotishiga hatto harakatlanayotgan paytda motorning to‘liq ishdan chiqishiga olib kelishi mumkin.

Chaqirib olinayotgan avtomobillar orasida kompaniyaning eng mashhur modellari Cadillac Escalade, Escalade ESV, Chevrolet Silverado 1500, Suburban, Tahoe, GMC Sierra 1500, Yukon va Yukon XL bor. Ularning barchasi 2021 – 2024-yillarda ishlab chiqarilgan. Bu mashinalar L87 belgili 6,2 litrli V8 dvigatellari bilan jihozlangan.

Amerika Yo‘l harakati xavfsizligi milliy...

2025-yilning birinchi choragida «Toshkent» respublika fond birjasining sof foydasi 4,6 milliard so‘mga yetdi. Bu haqda Korporativ axborot yagona portali ma’lum qilindi.

Bu o‘tgan yilning shu davriga nisbatan 226 baravar ko‘p. Birja o‘tgan yilning birinchi choragida 20,2 million so‘m foyda ko‘rgandi.

Bunda birjaning tushumi 1,8 milliard so‘mdan 6,9 milliard so‘mgacha, foiz shaklidagi daromadlari esa 0,7 milliard so‘mdan 2,1 milliard so‘mgacha oshgani muhim omil bo‘ldi.

Shuningdek, birinchi chorakda birjadagi umumiy savdo hajmi 1,5 trillion so‘mni, tuzilgan bitimlar soni esa 114 309 tani tashkil etdi. O‘tgan yilning shu davrida bu ko‘rsatkichlar 171,9 trillion so‘m va 133 638 ta bitim bo‘lgan.

Avvalroq Kursiv...

Farg‘onaga Xitoyning Zong Tong va Asia Star ishlab chiqaruvchilariga tegishli 24 ta avtobus olib kelindi. Bu haqda viloyat hokimligi xabar bermoqda.

Ular ikki yo‘nalishda ishlaydi va kuniga o‘rtacha o‘n ming yo‘lovchiga xizmat ko‘rsatish imkoniyatiga ega. Avtobuslar konditsioner, isitish moslamalari, videokuzatuv tizimlari va GPS sensorlari bilan jihozlangan.

O‘tgan yili shaharga 48 ta avtobus olib kelingan va ular to‘rtta yo‘nalish bo‘yicha yo‘lovchilarga xizmat ko‘rsatmoqda. Hokimlik Qo‘qon va Marg‘ilon shaharlari uchun yangi harakat tarkibi sotib olinganini ma’lum qildi.

Yaqinda hokimlik delegatsiyasining Xitoyga xizmat safari yakunlangan bo‘lib, tashrif davomida viloyat hokimliklari Xitoyning yirik kompaniyalari bilan $19,5 mlnga 384 ta avtobus va mikroavtobuslar xarid...

O‘zbekiston valyuta birjasi ma’lumotlariga ko‘ra, 30-aprel kuni dollarning o‘rtacha kursi 12 920,16 so‘mni tashkil etib, oldingi kun bilan solishtirganda 13 so‘mga tushdi.

29-aprel kuni esa o‘rtacha kurs 12 933,36 so‘m bo‘lib, 14,94 so‘mga oshgan edi.

Dollar kursi o‘tgan haftani keskin pasayishdan so‘ng, ko‘tarilish bilan yakunlagandi: 28-aprel kuni o‘rtacha kurs 12 948,10 so‘m bo‘lib, 9,04 so‘mga tushgandi. 25-aprel kuni o‘rtacha kurs 12 957,14 so‘m bo‘lib, 29,97 so‘mga oshgan edi. 24-aprelda 11,47 soʻmga oshib, 12 890,43 soʻmni tashkil etdi. 23-aprel kuni o‘rtacha kurs 12 890,43 so‘m bo‘lib, 11,47 so‘mga oshdi. 22-aprel kuni esa 12 878,96 so‘mga tushib, 30,68 so‘mga pasaydi. 21-aprel kuni esa...

Oliy Majlis Qonunchilik palatasida qabul qilingan yangi qonun loyihasiga ko‘ra, endilikda turagentlik faoliyati uchun litsenziya talab etilmaydi.

2024-yilda Adliya vazirligi tomonidan ishlab chiqilgan «Litsenziyalash, ruxsat berish va xabardor qilish tartib-taomillari yanada takomillashtirilishi to‘g‘risida»gi qonun loyihasi doirasida jami 13 turdagi litsenziya va ruxsatnoma bekor qilinmoqda, shuningdek, uch turdagi faoliyat litsenziya o‘rniga xabarnoma shakliga o‘tkazilmoqda.

Turizm sohasidagi muhim o‘zgarishlardan biri sifatida, endi turagentliklar faoliyatni boshlash yoki tugatish haqida xabarnoma yuborish bilan kifoyalanadi. Bu esa litsenziya olishdagi byurokratik bosqichlarni bartaraf etish va ish boshlashdagi soddalikni ta’minlashga xizmat qiladi.

Mazkur qonun Senat tomonidan ma’qullanib, prezident tomonidan imzolangach rasmiy manbalarda e’lon qilinganidan so‘ng kuchga...

Citroen kompaniyasi Yevropa uchun budjetli e-C3 va e-C3 Aircross elektr avtomobillarini taqdim qildi. Bu haqda 32cars nashri xabar bermoqda.

Citroen Yevropa uchun ikkita hamyonbop elektromobilni taqdim etdi. Ya’ni e-C3 va e-C3 Aircross modellari yangilangan holda taqdim etildi. Ikkala model ham budjet yechimlariga qaratilgan Stellantis kompaniyasining Smart Car platformasida ishlab chiqarilgan.

e-C3 modelining uzunligi 4,02 m bo‘lib, 113 ot kuchiga ega elektr motor bilan jihozlangan. U WLTP bo‘yicha 315 km masofani ta’minlovchi 44 kVt/soat batareyaga ega. Modelni 100 kVtgacha tez zaryadlash mumkin (26 daqiqada 20–80%). 200 km WLTP diapazoniga ega yangi asosiy versiya yil oxirigacha savdoga chiqadi. Uning narxi...

Oliy Majlisi Senati tamaki mahsulotlari va nikotin iste’mol qilish uchun mo‘ljallangan qurilmalarning noqonuniy muomalasiga qarshi choralarni kuchaytiruvchi qonunni ma’qulladi. Bu haqda yuqori palata matbuot xizmati xabar berdi.

Qonun bilan Jinoyat kodeksi hamda Ma’muriy javobgarlik to‘g‘risidagi kodeksga o‘zgartishlar kiritilib, taqiqlangan mahsulotlar, xususan, elektron sigaretalar, nikotin yetkazib beruvchi elektron tizimlar, ularning suyuqliklari va tamakini qizdirish qurilmalarining ishlab chiqarilishi, saqlanishi, sotilishi, olib kirilishi va olib chiqilishi uchun ma’muriy hamda jinoiy javobgarlik belgilanmoqda.

Mazkur qonunning 37-moddasida ko‘rsatilishicha, ushbu mahsulotlarni noqonuniy muomalaga kiritgan shaxslar tomonidan huquqbuzarlik aniqlangan taqdirda foydalanilgan mahsulotlar musodara qilinadi va jarima miqdori 37,5 million so‘mdan 75 million so‘mgacha belgilanishi mumkin.

Agar...

Hyundai kompaniyasi tomonidan Kona H-Pick krossoverining tejamkor versiyasini taqdim etdi. Bu haqda 32cars nashri xabar bermoqda.

Asosiy yangilik kengaytirilgan standart variantlar to‘plamiga ega Modern Plus’ga asoslangan yangi H-Pick variantidir. U yon va orqa to‘qnashuvning oldini olish bo‘yicha yordamchi va ogohlantirish tizimi bilan jihozlangan.

Premium versiyada orqa qopqoq, simsiz smartfon zaryadlash, raqamli kalit, yangilangan bezak va qo‘shimcha yoritish mavjud.

Eng qimmat versiya yangilangan ichki materiallar bilan jihozlangan. Opsion paketlar ro‘yxati ham kengaytirilgan. 2025-yilgi Kona narxi  $33 mingdan boshlanadi.

Eslatib o‘tamiz, Kursiv Uzbekistan Hyundai Trans Kazakhstan (HTK) Sonata, Elantra, Tucson, Santa Fe, Palisade modellarida Qozog‘istonda ishlab chiqarilgan batareyalardan foydalangani haqida...

HeadHunter kompaniyasining ma’lumotlariga ko‘ra, O‘zbekistonda 2025-yilda ommabop kasb vakillarining o‘rtacha oylik maoshi 3 mln so‘mdan 7 mln so‘m oralig‘ida bo‘lgan. Bu kompaniya haqda Kursiv nashriga xabar berdi.

Eng talabgir mutaxassislar qatoriga sotuvchilar-konsultantlar va kassirlar kirgan. Ularning o‘rtacha oyligi 4,7 mln so‘mni tashkil etdi, bu yo‘nalishdagi bo‘sh ish o‘rinlari soni o‘tgan yilga nisbatan 35 foizga oshgan.

Shuningdek, call-markaz operatorlari (4,8 mln so‘m) va savdo vakillari (7 mln so‘m) xodimlariga ham talab yuqori bo‘lgan.

Eng yuqori maosh kuryerlarga taklif qilinmoqda – 8,7 mln so‘m. Shuningdek, savdo vakillari va oshpazlar ham yuqori maosh oluvchilar qatoriga kirgan. Kuryerlar, omborchilar va farroshlar uchun talab tez...

Avtomobillar kun sayin yanada «aqlli» bo‘lib bormoqda. Haydovchilar qulaylik uchun ishlab chiqilgan turli yordamchi tizimlar bilan ta’minlanmoqda. Biroq bunday funksiyalarning barchasi ham foydalanuvchilarga yoqavermaydi. Threads ijtimoiy tarmog‘i foydalanuvchilari haydovchilarni eng ko‘p bezovta qiladigan avtomobil funksiyalari haqida so‘rovnoma o‘tkazdi.

Butun dunyodagi avtomobil ishlab chiqaruvchilari o‘z modellarini «aqlli» variantlar bilan jihozlash uchun raqobatlashmoqda. Ammo ma’lum bo‘lishicha, amalda ularning hammasi ham egalarini quvontirmaydi.

Eng ko‘p aytib o‘tilgan variantlardan biri past harorat haqida ogohlantirishdir. Misol uchun, BMW modellarida +3 °C ga yetganda panel o‘tkir ovozli signal chiqaradi.

«Ovoz xuddi chek chiqayotgandagidek. Har safar meni titratadi», – deb shikoyat...

Irkutsk rahbariyati O‘zbekiston tomonidan yetkazib beriladigan mahsulotlar uchun savdo-logistika markazlarini yaratish loyihasini ishlab chiqmoqda. Bu haqda «TASS» nashri xabar bermoqda.

«Import nuqtai nazaridan oziq-ovqat mahsulotlari, iste’mol tovarlari va to‘qimachilik mahsulotlari Irkutsk aholisi orasida talabga ega. Shuning uchun biz Irkutskda savdo va logistika markazlarini yaratish masalasi ustida ishlayapmiz», – dedi Irkutsk viloyati iqtisodiy rivojlanish va sanoat vaziri o‘rinbosari Marina Petrova.

Bunday markazlarni ochish tashabbusi o‘zbekistonlik tadbirkorlar tomonidan ham qo‘llab-quvvatlanayotgani qo‘shimcha qilindi.

Mamlakatda qishloq xo‘jaligi mahsulotlari yetishtirish o‘sib bormoqda va Toshkent ularni Irkutskka eksport qilishdan manfaatdorligi ta’kidlangan.

2025-yil aprel oyi holatiga ko‘ra, O‘zbekiston va Rossiya o‘rtasidagi...

2026-yildan boshlab Mercedes-Benz EQS elektromobili Steer-by-Wire tizimi bilan jihozlanadi. Bu haqda Tengri Auto nashrda ma’lum qilindi.

Ushbu texnologiya orqali avtomobilning rul boshqaruvi mexanik emas, balki elektron signallar orqali uzatiladi. Shu bilan birga, klassik dumaloq rul g‘ildiragi o‘rnini Tesla va Lexus kabi ayrim modellarda uchraydigan qisqa, samolyot uslubidagi rul – shturval egallaydi.

Mercedes-Benz kompaniyasi vakillarining ta’kidlashicha, yangi turdagi rul:

Steer-by-Wire tizimi harakat rejimiga mos ravishda moslashadi, ya’ni yuqori tezlikda rul og‘irlashadi, to‘xtashda esa yengillashtiriladi. Shuningdek, EQS modelining orqa o‘qi avvalgidek 10 darajagacha burilish imkoniyatiga ega bo‘lib, tor joylarda...

2025-yilning I choragi yakunlariga ko‘ra, O‘zbekiston yalpi ichki mahsuloti (YIM) hajmi 333,5 trln so‘mga o‘sdi. Bu haqda Milliy statistika agentligi xabar berdi.

Yil davomida bu ko‘rsatkich 6,8 foizga oshdi. 2024-yilning yanvar – mart oylarida O‘zbekiston yalpi ichki mahsuloti 276,9 trln so‘mga o‘sgan edi.

Joriy yilda respublika iqtisodiyotining o‘sishiga iqtisodiyotning asosiy tarmoqlari o‘sishi ta’sir ko‘rsatdi. Xizmatlar sohasi YIM tarkibida 55,9 foizdan 56,1 foizga, sanoat 27,8 foizdan 27,9 foizga o‘sdi.

Avvalroq Kursiv Uzbekistan mamlakat iqtisodiyoti 6,8 foizga o‘sgani haqida xabar bergan edi.

29-aprel kuni «Qamchiq» dovonida «Vaz-2106» rusumli avtomobil boshqaruvni yo‘qotib, yo‘l chetidagi xandaqqa tushib ketdi. Bu haqda FVV matbuot xizmati ma’lum qildi.

Unga ko‘ra, voqea haqida xabar kelib tushishi bilan FVVning «Qamchiq» maxsus qidiruv yong‘in-qutqaruv boshqarmasi xodimlari voqea joyiga yetib borib, maxsus texnika yordamida avtomobilni xavfsiz joyga chiqarib oldi. Hodisa natijasida hech kim tan jarohati olmagan.

Eslatib o‘tamiz, avvalroq Izboskandagi gaz portlashi uch kishining hayotiga zomin bo‘lgan edi.

Qirg‘izistonning Jalolobod viloyatida Xitoy – Qirg‘iziston – O‘zbekiston temir yo‘li doirasida muhim obyektlar qurilishi boshlandi. Bu haqda Transport vazirligi ma’lum qildi.

Marosimda O‘zbekiston Transport vazirligi va «O‘zbekiston temir yo‘llari» vakillari ishtirok etdi. Loyihada uzunligi 10 km.dan ortiq 3 ta tunnel – Norin (12,5 km), Qo‘shto‘ba (13,2 km) va Farg‘ona tog‘ tunneli (12,2 km) qurilishi rejalashtirilgan.

Ushbu xalqaro temir yo‘lning umumiy uzunligi 532,53 km bo‘lib, mintaqaviy transport aloqalarini mustahkamlashga xizmat qiladi.

Eslatib o‘tamiz, avvalroq temir yo‘l transportida uch oyda uch millionga yaqin yo‘lovchilar tashilgani haqida yozgan edik.

2025-yilning birinchi choragida havo transporti orqali 1,7 mln yo‘lovchi tashilgan. Bu haqda Transport vazirligi xabar qildi.

Bu ko‘rsatkich o‘tgan yilning shu davriga nisbatan 16,9 foizga yoki 240,9 mingga ko‘p. Shuningdek, aviatsiyada yuk tashish hajmi 13,9 tonnaga yetdi. Bu 2024-yilning yanvar – mart oylariga nisbatan 31,9 foizga oshgan.

Shu bilan birga, yanvar – mart oylarida temir yo‘l transportida 2,9 mln nafar yo‘lovchi tashilgan. Bu ko‘rsatkich o‘tgan yilning shu davriga nisbatan 91,1 ming nafar yo‘lovchiga oshgan.

Shu davrda temir yo‘l orqali bir kunda o‘rtacha 31,9 ming nafar yo‘lovchilar harakatlangan. Bu ko‘rsatkich esa 2024-yilning mos davriga nisbatan 1,4 ming nafarga ko‘paygan.

O‘tgan...

Pokiston razvedka xizmati Hindistonning tez orada harbiy harakatlarni boshlash niyati haqida ma’lumotga ega ekanini aytgan. Bu haqda Reuters axborot agentligi xabar bermoqda.

Islomobodning fikricha, Hindiston harbiylari yaqin bir necha kun ichida Pokistonga zarba berishi mumkin.

Ikki davlat o‘rtasidagi munosabatlar joriy yilning aprel oyida Kashmirda terrorchilarning sayyohlarga hujumidan so‘ng keskinlashdi. Hindiston rasmiylariga ko‘ra, hujum qilganlar orasida Pokiston fuqarolari ham bo‘lgan. Islomoboddagilar teraktga aloqador emasliklarini aytgan va hodisani tergov qilishga chaqirgan.

Ma’lum qilinishicha, Hindiston va Pokiston harbiylari chegarada otishmalar olib bormoqda.

Avvalroq Kursiv Uzbekistan Hindistonning IndiGO aviatashuvchisi Toshkentga parvozlarni to‘xtatgani haqida yozgan edi.

Facebook, Instagram, WhatsApp va Messenger’ning egasi Meta kompaniyasi o‘zining sun’iy intellekt yordamchisi – Meta AI uchun alohida ilovani taqdim etdi.

Ushbu ilova foydalanuvchining ijtimoiy tarmoqlardagi faoliyati asosida shaxsiylashtirilgan javoblar beradi.

Meta AI yordamchisi ilg‘or Llama 4 modelida ishlaydi va OpenAI hamda Google kabi raqobatchilarga qarshi yaratilgan. Ilova Meta’ning AI ko‘zoynaklari bilan ham uyg‘unlashtiriladi.

Shuningdek, kompaniya ilk bor LlamaCon nomli AI anjumanini o‘tkazmoqda va yaqin orada chat-boti uchun pullik obuna sinovini boshlaydi. Meta sun’iy intellekt sohasidagi raqobatda o‘z mavqeyini mustahkamlashga intilmoqda.

Eslatib o‘tamiz, avvalroq Grok AI yangi Voice with Vision funksiyasini taqdim etgan edi.

«AvtoVAZ» O‘zbekistonda mahalliy brend nomi ostida avtomobil yig‘ishni yo‘lga qo‘yishi mumkin. Mazkur tashabbus birinchi Lada Largus modelidan boshlanadi. Bu haqda kompaniya rahbari Maksim Sokolovga tayanib, TASS nashri xabar berdi.

«Hozirda biz ikki tomonlama hamkorlikni qayta tiklashga, jumladan, mahsulotlarimizning eksporti bilan cheklanib qolmasdan, bosqichma-bosqich mahalliylashtirish va ushbu modellarni mahalliy o‘zbek brendi ostida chiqarishga ham e’tibor qaratmoqdamiz», – degan u Toshkentdagi «INNOPROM» xalqaro sanoat ko‘rgazmasi.

Shuningdek, «AvtoVAZ» avtomobillarni yig‘ishni amalga oshirish uchun SKD (katta birlik yig‘ish) formatini ham ko‘rib chiqayotganini qo‘shimcha qilgan.

Rossiya kompaniyasi hamkorlikni Lada Largus bilan boshlab, keyinchalik modellarni ko‘paytirishni taklif qilgan.

Eslatib o‘tamiz...

UEFA Chempionlar ligasi yarim finalining ilk bahsi PSJ va «Arsenal» jamoalari o‘rtasida bo‘lib o‘tdi. O‘yin parijliklarning 1:0 hisobidagi g‘alabasi bilan yakunlandi.

O‘yin taqdirini birinchi bo‘limning dastlabki daqiqalari hal qildi. 6-daqiqadayoq Usmon Dembele kuchli zarba bilan to‘pni uzoq burchakka yo‘lladi va hisobni ochdi – 0:1.

Bukayo Saka bir necha bor gol urish imkoniyatiga ega bo‘ldi, biroq Donnarumma zarbalarni qaytardi va ofsayd qayd etildi. Birinchi bo‘lim oxiriga kelib maydonda keskin kurash boshlandi. Trossard, Hakimi va Saka ogohlantirildi, Martinelli esa darvozabon bilan yakkama-yakka vaziyatga chiqib, hisobni tenglashtirishga yaqin bo‘ldi.

Ikkinchi bo‘limda «Arsenal» bosimni kuchaytirdi. 48-daqiqada Mikel Merino standart vaziyatdan keyin bosh bilan gol...

30-aprel kuni AQShda noqonuniy bo‘lib turgan O‘zbekiston fuqarolarini vatanga qaytarish uchun Nyu-York – Toshkent yo‘nalishida maxsus charter reysi tashkil etiladi. Bu haqda Tashqi ishlar vazirligi matbuot kotibi ma’lum qildi.

Unga ko‘ra, mazkur tashabbus migratsiya sohasidagi ikki tomonlama hamkorlik doirasida amalga oshirilmoqda. Repatriatsiya jarayoni inson huquqlari va xalqaro me’yorlarga rioya qilingan holda, fuqarolarning xavfsiz va munosib qaytishini ta’minlashga qaratilgan.

Tashkilot ishlariga O‘zbekiston va AQShning konsullik hamda migratsiya xizmatlari jalb qilingan bo‘lib, barcha chora-tadbirlar qonunchilik asosida olib borilmoqda.

Eslatib o‘tamiz, avvalroq AQSh prezidenti Tramp 1 mln muhojirni deportatsiya qilishni rejalashtirayotgani haqida yozgan edik.