Yangiliklar

Shavkat Mirziyoyev Qashqadaryo viloyatining Ko‘kdala tumanidagi qurilish va urbanizatsiya ishlari bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, uch yil avval tashkil etilgan ushbu tuman bugun zamonaviy infratuzilma va ijtimoiy obyektlarga ega bo‘lgan yangi maskanga aylanmoqda.

Hududda 120 km suv va 210 km elektr tarmoqlari, maktab, bog‘cha, shifoxona va poliklinikalar qurildi. Yettitom hududida yangi shahar shakllanmoqda. Tuman hokimligi binosida 38 ta davlat idorasi bir joyga jamlangan bo‘lib, aholi uchun qulayliklar yaratilgan.

«Inson» markazi orqali fuqarolarga ijtimoiy xizmatlar kompleks tarzda taqdim etilmoqda. Shuningdek, kichik sanoat zonasida 10 mln dollarlik loyihalar joylashtirilib, 600 dan ortiq ish o‘rinlari...

Farg‘ona viloyatining tumanlaridan birida Majburiy ijro byurosi boshlig‘i xizmat vakolatidan foydalangan holda $2 ming talab qilgan. Bu haqda DXX matbuot xizmati ma’lum qildi.

U mazkur pora evaziga bo‘ysunuvidagi davlat ijrochisining ish yurituvida bo‘lgan fuqarolik ishi yuzasidan ijro harakatlarini yakunlab berishni va’da qilgan. Joriy yil 3-iyun kuni esa talab qilingan puldan $1,2 mingini olgan.

Davlat xavfsizlik xizmati va Bosh prokuratura departamenti hamkorligida o‘tkazilgan tezkor tadbirda qolgan $800 ni olayotgan vaqtida ashyoviy dalillar bilan qo‘lga olingan.

Mazkur holat yuzasidan unga nisbatan Jinoyat kodeksining 210-moddasi 2-qismi «v» bandi bilan jinoyat ishi qo‘zg‘atilib, qamoq ehtiyot chorasi qo‘llanildi.

Eslatib o‘tamiz, avvalroq DXX Nukusda bir...

Foxconn va Nvidia kompaniyalari AQShning Xyuston shahrida qurilayotgan yangi zavodda odamsimon robotlardan foydalanishni rejalashtirmoqda. Bu haqda Reuters axborot agentligi ma’lum qildi.

Ushbu zavodda Nvidia’ning sun’iy intellekt serverlari ishlab chiqariladi. Bu Nvidia mahsuloti ilk bor odam shaklidagi robotlar ishtirokida ishlab chiqariladigan loyiha bo‘lib, Foxconn uchun ham bunday robotlar jalb etilgan birinchi AI server zavodi bo‘ladi.

Robotlar 2025-yilning birinchi choragida ishga tushirilishi kutilmoqda. Ular buyumlarni joylashtirish, kabellarni ulash va yig‘ish kabi vazifalarni bajaradi.

Foxconn robotlarni Nvidia bilan hamkorlikda ishlab chiqmoqda va Xitoyning UBTech kompaniyasi modellarini ham sinovdan o‘tkazgan. Bu loyiha sanoat ishlab chiqarishida yangi davr boshlanishini anglatadi.

Eslatib o‘tamiz, avvalroq 2050-yilda...

Indoneziyaning Bali shahrida o‘tayotgan qilichbozlik bo‘yicha Osiyo chempionatida O‘zbekiston terma jamoasi jamoaviy dasturda bronza medalini qo‘lga kiritdi. Bu haqda Milliy olimpiya qo‘mitasi ma’lum qildi.

Unga ko‘ra, vakillarimiz dastlab Makaoni 45:15 hisobida yengib, chorak finalda Xitoyni 45:43 hisobida mag‘lub etdi. Yarim finalda esa Yaponiyaga 44:45 hisobida imkoniyat boy berildi.

Uchinchi o‘rin uchun bellashuvda esa Gonkong ustidan 45:39 hisobida g‘alaba qozonildi.

Eslatib o‘tamiz, avvalroq 2027-yil iyul oyida O‘zbekistonda qilichbozlik bo‘yicha kattalar o‘rtasidagi jahon chempionati bo‘lib o‘tishi haqida xabar bergan edik.

2025-yilda Andijon viloyatida baliq yetishtirish va qayta ishlash yo‘nalishida umumiy qiymati 25,7 mlrd so‘mga teng bo‘lgan 13 ta korxonani ishga tushirish rejalashtirilmoqda. Bu haqda viloyat hokimligi xabar berdi.

Mazkur loyihalar doirasida kamida 117 ta yangi ish o‘rni yaratiladi. Yillik baliq ovlash hajmi 24,2 ming tonnaga yetkazilishi kutilmoqda. 2025-yil yanvar oyidan boshlab viloyatda qiymati 16,6 mlrd so‘mlik 5 ta yangi baliqchilik xo‘jaligi faoliyat boshlagan.

Eng ko‘p baliq yetishtirish va qayta ishlash korxonalari Ulug‘nor tumanida joylashgan. O‘tgan yilda viloyatda qiymati 52,4 mlrd so‘mlik 25 ta loyiha amalga oshirilib, baliq yetishtirish hajmi yillik 21,7 ming tonnaga yetkazilgan.

Eslatib o‘tamiz, avvalroq Andijon do‘ppisi...

Eron yadro reaktorining shikastlanishi radiatsion avariya xavfini tug‘dirmoqda. Bu haqda Xalqaro atom energiyasi agentligi (XAEA) xabar berdi.

Holat Isroil tomonidan Erondagi og‘ir suv ishlab chiqarish zavodiga uyushtirilgan hujumdan so‘ng yuz berdi.

Juma kuni XAEA o‘zining X ijtimoiy tarmog‘idagi sahifasida Arakdagi og‘ir suv ishlab chiqarish zavodida zarar yetganini qayd etgan.

«XAEA bahosiga ko‘ra, Arakdagi og‘ir suv ishlab chiqarish zavodida, xususan, distillyatsiya qurilmasida jiddiy zarar mavjud», – deyiladi xabarda.

Avvalroq XAEA Isroil harbiy-havo kuchlari tomonidan Arak shahridan 250 km janubi-g‘arbda joylashgan ishlamayotgan reaktorga berilgan zarbadan so‘ng radiatsion ifloslanish qayd etilmaganini ma’lum qilgandi. Chunki reaktor...

Toshkent aeroportida bepul Wi-Fi tarmog‘i ishga tushirilgan. Unga qanday ulanish mumkinligi bo‘yicha Uzbekistan Airports bir nechta usullarni keltirib o‘tdi.

Dastlab, telefon yoki kompyuter orqali «Airport free Wi-Fi» nomli tarmoqqa ulanish kerak. Shundan so‘ng qurilma ekranida avtorizatsiya sahifasi ochiladi va bir nechta ulanish usullari taklif etiladi.

Birinchi usul: pasport orqali

Birinchi usul – pasport skaneri orqali ulanish. Buning uchun xorijiy pasportning suratli sahifasini ochib, skaner qurilmasiga to‘g‘ri tutiladi. Agar yashil chiroq yonsa, hammasi to‘g‘ri bajarilgan bo‘ladi. So‘ng, ekranda bir martalik Wi-Fi kodi beriladi – uni rasmga olib yoki yozib olib, avtorizatsiya sahifasiga kiritish va tug‘ilgan sanani tasdiqlash kerak.

«G‘uzor – Buxoro – Nukus – Beyneu» avtomobil yo‘lining viloyatdan o‘tgan 100 kilometri rekonstruksiya qilinadi. Bu haqda prezident raisligida o‘tkazilgan yig‘ilishda ma’lum qilindi.

Bu orqali hududning tranzit salohiyati 3 barobar oshishi kutilmoqda.

Shuningdek, Qarshi shahridagi yangi aylanma yo‘lning 13 kilometri ham loyiha doirasiga qo‘shiladi. Bu tirbandlik muammosini bartaraf etishga xizmat qiladi. Kelgusi yildan amaliy ishlarni boshlash topshirildi.

«Qarshi – Shahrisabz – Kitob» magistral yo‘lining 106 kilometri 4 tasmagacha kengaytiriladi. Bu yo‘lning 34 kilometri Qamashi va Yakkabog‘ tumanlarini chetlab o‘tadi.

Mazkur yo‘l bo‘ylab kamida 1 millionta daraxt ekilib, «yashil belbog‘» tashkil etiladi.

«Toshkent – Termiz» yo‘lining viloyatdagi 60 kilometri sement-beton...

Qashqadaryodagi texnoparkda $400 mlnlik 35 ta loyiha amalga oshirish rejalashtirilgan. Bu haqda prezident matbuot xizmati xabar berdi.

Muborakdagi Gazni qayta ishlash zavodi atrofida mavjud infratuzilma va temir yo‘l bilan ta’minlangan 200 gektar maydonda innovatsion sanoat zonasi tashkil etiladi. Mazkur hududda klaster tizimi asosida 5 ta yirik loyiha – neft-kimyo, elektrotexnika, robototexnika va qurilish materiallari yo‘nalishlarida ishga tushirilishi rejalashtirilgan.

Viloyat paxta yetishtirish bo‘yicha yetakchi bo‘lsa-da, to‘qimachilik sanoatidagi ulushi 10 foizga ham yetmaydi. Ayni vaqtda yiliga ishlab chiqarilayotgan 100 ming tonna ip-kalavaning atigi 28 foizi qayta ishlanmoqda.

Mazkur muammoni bartaraf etish maqsadida Kosonda 40 gektar maydonda tashkil etilgan yangi texnoparkda...

Markaziy bank yangi tashkil etilayotgan FinTech tarkibiy bo‘linmasiga bir nechta lavozimlarda tanlov e’lon qildi. Bu haqda regulyator xabar berdi.

Unga ko‘ra quyidagi lavozimlarda vakansiyalarga qabul ochiq:

Nomzodlar O‘zbekiston fuqarosi bo‘lishi, moliya, iqtisodiyot, axborot texnologiyalari (IT) yoki muhandislik sohalari bo‘yicha oliy (magistr yoki undan yuqori) ma’lumotga ega bo‘lishi shart.

FinTech, raqamli yechimlar yoki moliyaviy tashkilotlarda IT sohasida kamida 10 yillik tajriba talab etiladi. Shu jumladan rahbar lavozimlarda kamida...

Shavkat Mirziyoyev Qashqadaryo viloyatida o‘tkazilgan yig‘ilishda so‘nggi yillarda korrupsiyaga qarshi kurashish bo‘yicha amalga oshirilayotgan islohotlar o‘z samarasini bera boshlaganini ta’kidladi. Bu haqda prezident matbuot xizmati xabar bermoqda.

Davlat rahbari birgina misol sifatida viloyatdagi 34 ta sog‘liqni saqlash muassasalarida pullik xizmatlarni raqamlashtirish hisobiga tushum 15 mlrd so‘mga oshganini keltirdi. Shu munosabat bilan mas’ullarga bir oy ichida, ayniqsa, korrupsiyaviy holatlar ko‘p qayd etilayotgan ta’lim, bandlik va qurilish sohalarida tajribani ommalashtirish kerakligini qayd etdi. Viloyatni «korrupsiyadan xoli» hududga aylantirish bo‘yicha tizimli ishlarni boshlash topshirilgan.

Yig‘ilishda viloyat va respublika darajasidagi rahbarlarning hisoboti, tadbirkor va faollar fikr-mulohazalari tinglangan.

Avvalroq Qashqadaryoda kartoshka yetishtirish uchun...

Donald Tramp Eronga qarshi harbiy harakatni rejalashtirmoqda. U qarorni ikki hafta ichida qabul qilishi kerak, deb xabar berdi Oq uy.

Prezident ayni paytda AQShning Eron bo‘yicha zarba berish yoki bermaslik qarorini muhokama qilmoqda.

Oq uy prezidentning Eron hech qachon yadro quroliga ega bo‘lmasligi kerak degan qat’iy pozitsiyasini bir necha bor takrorlaganini ta’kidladi. Shuningdek, Eronga real va amaliy shartlarga asoslangan kelishuv taklif etilgani ma’lum qilindi. Mazkur kelishuvga rozilik bildirilmasa, Eron og‘ir oqibatlarga duch kelishi mumkinligi haqida ogohlantirildi.

Fox axborot agentligining xabariga ko‘ra, Trampning Eron bo‘yicha bildirgan fikrlari, mojaroning kuchayishi, qarshi choralar va AQShning yana bir xalqaro qurolli mojaro...

Kartoshka yetishtirish xarajatining yarmi uchun 10 foizdan 12 oy muddatga imtiyozli kreditlar ajratiladi. Bu haqda prezident matbuot xizmati xabar berdi.

Bundan tashqari, kartoshkachilik texnikasi import boji to‘lovlaridan ozod qilinadi, yuqori avlodli urug‘lar xaridida QQSning 50 foizi qaytariladi.

Mazkur chora-tadbirlar bilan bir qatorda, Qashqadaryoda meva-sabzavot eksporti yil boshidan $62 mlnga yetgani ta’kidlandi. Ayniqsa, Ko‘kdala tumanidagi 6 ming gektar lalmi yerda tarvuz, viloyatning 13 ta tumanidagi yana 6 ming gektarda pomidor yetishtirish orqali tarvuz eksportini $30 mlnga, pomidornikini esa $5 mlnga yetkazish mumkinligi qayd etildi.

Shuningdek, Qashqadaryoda chorvachilikni kompleks rivojlantirish dasturi boshlanmoqda. Mazkur yo‘nalishda Qishloq xo‘jaligi jamg‘armasi tomonidan...

O‘zbekiston valyuta birjasi (UZCE) ma’lumotlariga ko‘ra, 20-iyun kuni dollar kursi 62,32 so‘mga pasayib, 12 496,94 so‘m qilib belgilandi.

Avvalroq AQSh valyutasining kursi hafta davomida qanday o‘zgargani haqida yozgan edik. 2025-yil 9-iyundan 13-iyungacha AQSh dollarining so‘mga nisbatan o‘rtacha kursi 12 712,05 so‘mdan 12 760,21 so‘mga yuqoriladi. 16-iyun kuni kurs yana pasayib, 12 715,13 so‘mga tushdi, 17-iyun kuni esa 12 668,14 so‘mni tashkil etdi.

Shuningdek, Markaziy bank ma’lumotlariga ko‘ra, yevro 7,79 so‘mga pasayib, 14 405,22 so‘mni, rubl esa 0,79 so‘mga pastlab, 159,38 so‘mni tashkil qildi.

Avvalroq AQSh valyutasining kursi hafta davomida qanday o‘zgargani haqida...

Toshkentning Chilonzor tumanida ikki nafar jinoyatchi do‘kondan 41 ta iPhone’ni o‘g‘irlab ketdi, deb xabar qildi poytaxt Ichki ishlar boshqarmasi.

Smartfonlar yo‘qolgani haqida huquq-tartibot idoralariga do‘kon egasi xabar bergan. Uning so‘zlariga ko‘ra, o‘g‘irlangan narsaning qiymati 330 mln so‘mdan oshgan.

Keyinroq o‘g‘irlikni uch marta sudlangan o‘zbekistonlik va uning voyaga yetmagan sherigi sodir etgani ma’lum bo‘ldi. Ularning ikkisi ham qo‘lga olindi.

Jinoyatchilar smartfonlarni sotib, noqonuniy pullarni bo‘lishishga ulgurishgan. Holat yuzasidan jinoyat ishi qo‘zg‘atilgan.

Avvalroq Kursiv Uzbekistan Sirdaryoda qalbaki dollar sotayotgan shaxslar ushlangani haqida xabar bergan edi.

Telegram’ning iOS uchun 11.13 (30945) beta versiyasida yangi «vazifalar ro‘yxati» funksiyasi sinovdan o‘tkazilmoqda. Bu haqda Betainfo xabar berdi.

Ushbu imkoniyat foydalanuvchilarga shaxsiy va guruhli chatlarda vazifalarni rejalashtirish va boshqarishni osonlashtiradi.

Har bir ro‘yxatda 30 tagacha vazifa kiritish mumkin. Guruhli chatlarda ro‘yxat muallifi boshqa ishtirokchilarga yangi vazifalar qo‘shish huquqini berishi mumkin.

Yana bir foydali imkoniyat – vazifalarning bajarilganlik holatini jamoaviy boshqarish. Foydalanuvchilar vazifani bajarganini belgilashi yoki belgisini olib tashlashi mumkin. Bajarilgan vazifalar yonida uni bajargan foydalanuvchining avatari ko‘rinadi.

Ushbu yangi funksiyaning joriy etilishi Telegram’da jamoaviy loyihalar ustida ishlashni yanada qulaylashtirishi kutilmoqda.

Eslatib o‘tamiz, Kursiv Uzbekistan nashri Malayziyada Telegram vaqtincha...

Iqtisodiy tadqiqotlar va islohotlar markazi (ITIM) O‘zbekistonda yuridik shaxslarga ko‘rsatilayotgan bank xizmatlari holatini o‘rgandi. Respondentlarning 58 foizi kredit xizmatlari, 35,5 foizi esa pul o‘tkazmalaridan qoniqmagan. So‘rovnomada qatnashganlarning 25,8 foizi to‘lov amaliyotlarini, 16 foizi konversiya xizmatlarini, 6,5 foizi esa depozit xizmatlarini takomillashtirish zarurligini bildirgan.

Tadqiqotda kreditlash, to‘lov va depozit xizmatlari, shuningdek, raqamlashtirish darajasi qamrab olingan.

Tahlil natijalariga ko‘ra, korporativ mijozlarning 85,8 foizi banklar faoliyatidan mamnun. To‘lov amaliyotlari bo‘yicha korporativ mijozlar orasida naqdsiz hisob-kitoblarga o‘tish tendensiyasi kuchaymoqda. Sektor bo‘yicha o‘rtacha hisobda mijozlarning 40,2 foizi barcha to‘lovlarni naqdsiz shaklda amalga oshiradi. 48 foizi esa naqd va naqdsiz to‘lovlarni birgalikda qo‘llaydi.

Kreditlash sohasida...

23-iyundan boshlab «Alternativ skoring» nomli kredit hisoboti ishga tushiriladi. Bu xizmat «Kredit-axborot tahliliy markazi» kredit byurosi tomonidan yo‘lga qo‘yiladi.

U orqali bank va nobank moliyaviy tashkilotlar rasmiy daromadsiz fuqarolarning to‘lov qobiliyatini baholaydi. Natijada rasmiy daromadsiz fuqarolarga berilgan ballar asosida tashkilotlar kredit ajratish yoki ajratmaslik bo‘yicha qaror chiqaradi.

«Alternativ skoring» hisoboti narxi (bir donasi uchun) – bazaviy hisoblash miqdorining (BHM) 0,05 barobari (1875 so‘m) etib belgilangan (QQS hisobga olinmagan).

Ballar qaysi mezonlarga ko‘ra beriladi

Yangi tizim orqali fuqarolarning oxirgi 12 oylik bank kartalari orqali amalga oshirgan tranzaksiyalari, Majburiy ijro byurosi ma’lumotlari, aliment to‘lovlari va kommunal to‘lovlar asosida to‘lov...

Qashqadaryo viloyatida 1,3 mln gektardan ortiq yaylov va o‘rmon yerlardan samarali foydalanishni maqsadida yangi aksiyadorlik jamiyati tashkil etiladi. Bu haqda prezident Shavkat Mirziyoyev viloyatni rivojlantirishga bag‘ishlangan yig‘ilishda ma’lum qildi.

Davlat rahbarining so‘zlariga ko‘ra, viloyatdagi tabiiy resurslar, jumladan, 515 ming gektar sug‘oriladigan yerlar va 45 ming gektar tomorqa uchastkalari mavjud. Ular respublika miqyosida eng yirik foydalanilmagan zaxira hisoblanadi. Shuningdek, bu yerlar nafaqat viloyat oziq-ovqat xavfsizligini ta’minlash, balki mamlakatning go‘shtga bo‘lgan ehtiyojini qoplash salohiyatiga ega.

O‘tgan yili viloyatda qishloq xo‘jaligi mahsulotlari ishlab chiqarish hajmi 43 trln so‘mni tashkil qilgan. Ammo ilm-fan, zamonaviy agrotexnologiyalar hamda suv va energiyani tejaydigan yechimlar faol joriy...

Rossiyaning «Rosatom» va O‘zbekistonning «Uzatom» agentligi atom elektr stansiyasi (AES) qurilishi loyihasiga oid hujjatlarni imzoladi. Bu haqda «Rosatom» bosh direktori Aleksey Lixachyov ma’lum qildi.

«Biz hozirgina Qozog‘iston va O‘zbekiston bilan ikkita hujjat imzoladik (Sankt-Peterburg xalqaro iqtisodiy forumi (SPIEF) doirasida). Ular uchun eng yaxshi stansiyalarni quramiz. Balki stansiyalar hatto hozirda biz o‘zimiz uchun qurayotganlarimizdan ham yaxshiroq bo‘ladi», – dedi Lixachyov.

Ma’lumot uchun, SPIEF 18–21-iyun kunlari bo‘lib o‘tmoqda. Joriy yildagi asosiy mavzu «Umumiy qadriyatlar – ko‘p qutbli dunyoda o‘sish asosi» bo‘ldi.

Shuningdek, u kichik AES bo‘yicha O‘zbekistonda dunyodagi birinchi eksport loyihasi amalga oshirilishini ham ma’lum...

Samsung kompaniyasi yangi arzon segmentdagi smartfonlari – Galaxy A07, F07 va M07 modellarining sertifikatsiya jarayoni boshladi. Bu haqda GSMArena xabar bermoqda.

Hozircha texnik xususiyatlari rasman ochiqlanmagan bo‘lsa-da, avvalgi avlod bilan solishtirganda katta o‘zgarishlar bo‘lishi kutilmayapti.

Masalan, Galaxy A06 modeli 6,7 dyuymli HD+ (720×1600) LCD ekran, MediaTek Helio G85 protsessori, 4 yoki 6 GB tezkor xotira, 64 yoki 128 GB ichki xotira, 50 MP asosiy kamera va 5000 mA/soat sig‘imli akkumulyator bilan taqdim etilgan edi. Qurilma 25 vattlik tezkor quvvat olishni qo‘llab-quvvatlaydi.

Shu asosda A07 ham o‘xshash texnik baza bilan, lekin ehtimoliy dizayn yoki kamerada kichik yangiliklar bilan taqdim...

Xiaomi Redmi K80 Extreme Edition (yoki K80 Ultra) smartfonini taqdim etdi. Bu model kompaniya tarixidagi eng ilg‘or va kuchli flagman sifatida ko‘rilmoqda.

Smartfon 6,83 dyuymli 2K OLED ekranga ega, 144 Gs yangilanish tezligi bilan. Ekran yorqinligi 3200 nitga yetadi, ramkasi esa mustahkam metalldan yasalgan.

Ichki qismda Dimensity 9400+ chipi va kuchli sovutish tizimi o‘rnatilgan. AnTuTu benchmarkida qurilma rekord 3,24 million ball to‘plagan.

Smartfonda 7410 mA/soat sig‘imli akkumulyator mavjud, 100 Vt tez zaryadlanadi. Bu Redmi tarixidagi eng bardoshli model sifatida e’lon qilindi.

Asosiy kamera 50 MP, f/1.88 diafragma, OIS bilan Light Hunter 800 sensori. 8 MP keng burchakli kamera ham...

Hududlarda zamonaviy klinikalar ochish uchun budjetdan $140 mln ajratiladi. Bu haqda prezident raisligida o‘tkazilayotgan yig‘ilishda ma’lum qilindi.

Qashqadaryoning Miraki hududida qisqa vaqt ichida $180 mlnlik 200 dan ortiq loyiha ishga tushirildi va 2000 dan ortiq ish o‘rni yaratildi. Hozirda yana $150 mlnlik loyihalarda ishlar davom etmoqda.

Bundan tashqari, Shahrisabz shahrida $10 mlnlik ko‘p tarmoqli zamonaviy klinika ish boshladi. Har bir hududda kamida bittadan shunday xususiy klinika ochilishiga ko‘maklashish zarurligi qayd etildi. Buning uchun davlat tomonidan $140 mln resurs ajratishga tayyorligi bildirildi.

«Qisqa qilib aytganda, Shahrisabz, Yakkabog‘ va Ko‘kdalada ishga tushgan yangi loyihalar Islohotlar shtabiga...

Qashqadaryo viloyatining Kitob tumanida joylashgan 100 gektar maydonda 20 tonna oltin zaxirasi aniqlangan. Bu yerni ekologik jihatdan xavfsiz yopiq usulda qazib olishga tayyor, $100 – 150 mln investitsiya kiritishga tayyor talabgorlar mavjud. Mazkur konni ham auksionga chiqarish zarurligi alohida qayd etildi. Bu haqda prezident Shavkat Mirziyoyev raisligida o‘tkazilayotgan yig‘ilishda ma’lum qilindi.

2025-yil davomida Qashqadaryo viloyatiga umumiy qiymati $3,5 milliardlik investitsiya jalb qilish rejalashtirilgan.

O‘tgan besh oy ichida Koson, Kitob va Chiroqchi tumanlarida investitsiyalar hajmi qariyb ikki barobar oshgani ta’kidlandi.

Biroq viloyatdagi 12 ta kon sanoatga jalb etilmagan. Ayni paytda qurilish materiallari yo‘nalishida qiymati $150 mlndan ortiq bo‘lgan 16 ta...