Yangiliklar

Rossiya prezidenti Vladimir Putin Ukrainadagi urushning hal qiluvchi bosqichida harbiy chaqiruv doirasida 160 ming kishini armiyaga jalb etishga qaror qildi. Bu haqda CNN axborot agentligi ma’lum qildi.

Unga ko‘ra, bu safar chaqiruv 18-yoshdan 30-yoshgacha bo‘lgan erkaklarni qamrab oladi va 15-iyulgacha davom etadi.

Rossiya rasmiylarining ta’kidlashicha, bu harbiy safarbarlik armiyani umumiy kengaytirish rejasining bir qismi bo‘lib, so‘nggi yillarda Rossiya qurolli kuchlari soni 1 mlndan 1,5 mlnga yetkazilgan.

Shu bilan birga, bu chaqiruv Ukrainadagi harbiy vaziyat keskinlashgan bir paytda amalga oshirilmoqda. Rossiya Kiyev kuchlarini to‘xtatish uchun Shimoliy Koreya askarlaridan yordam olmoqda, AQSh esa urushni tugatish bo‘yicha muzokaralarni davom ettirmoqda.

Rossiya qonunlariga...

AQSh prezidenti Donald Tramp dunyoning aksariyat davlatlariga qarshi bojxona to‘lovlarini joriy etishini e’lon qildi. O‘zbekiston uchun ushbu boj stavkasi 10% etib belgilandi.

O‘zbekiston Milliy statistika qo‘mitasi ma’lumotlariga ko‘ra, 2025-yil mart oyining boshiga kelib O‘zbekiston va AQSh o‘rtasidagi savdo hajmi $142,8 mlnni tashkil etdi. 2024-yilda esa bu ko‘rsatkich $881,7 mln bo‘lgan. O‘zbekistonning ulushi $317,4 mlnni, AQShniki esa $564,3 mlnni tashkil qilgan.

Markaziy Osiyo mamlakatlari orasida eng yuqori boj to‘lovi Qozog‘istonga qo‘llanilib, u 27% etib belgilandi. Shuningdek, Ukraina uchun ham 10% miqdorida boj joriy etildi.

Shu bilan birga, Rossiya, Belarus, Meksika, Kanada va Eron ushbu bojxona cheklovlari qo‘llanilgan davlatlar ro‘yxatiga kiritilmadi.

2-aprel kuni Yevropa komissiyasi prezidenti Ursula fon der Lyayen sammitda ishtirok etish uchun mamlakatimizga tashrif buyurdi. Bu haqda bosh vazir matbuot xizmati ma’lum qildi.

Unga ko‘ra, yuqori martabali mehmonni Samarqand xalqaro aeroportida O‘zbekiston bosh vaziri Abdulla Aripov va boshqa rasmiylar kutib oldi.

Qisqa suhbatdan so‘ng Yevropa komissiyasi prezidenti o‘zi uchun ajratilgan qarorgohga yo‘l oldi. Sammit doirasida tomonlar o‘zaro hamkorlikni rivojlantirish masalalarini muhokama qilishlari kutilmoqda.

Ma’lumot uchun, 3–4-aprel kunlari Samarqand shahrida «Markaziy Osiyo – Yevropa Ittifoqi» birinchi sammiti bo‘lib o‘tadi. Ushbu tadbirga Shavkat Mirziyoyev raislik qiladi.

Eslatib o‘tamiz, avvalroq Samarqand YUNESKO bosh konferensiyasiga mezbonlik qilishi haqida yozgan edik.

O‘zbekistonda bugun ob-havo nisbatan iliq bo‘lishi kutilmoqda. Bu haqda «O‘zgidromet» agentligi ma’lum qildi.

Unga ko‘ra, Toshkent shahrida biroz bulutli osmon kuzatiladi, lekin yog‘ingarchilik bo‘lmaydi. Shamol sharqdan 3-8 m/s tezlikda esib, harorat kechasi 10-12°, kunduzi 25-27° atrofida bo‘ladi.

Qoraqalpog‘iston Respublikasi va Xorazm viloyatida ham havo biroz bulutli bo‘lib, yog‘ingarchilik kuzatilmaydi. Shamol 7-12 m/s, ba’zi joylarda esa 15-20 m/s gacha kuchayishi mumkin. Harorat kechasi 10-15°, kunduzi 27-32° bo‘lishi kutilmoqda.

Navoiy va Buxoro viloyatlarida ham shunga o‘xshash ob-havo kuzatiladi, harorat 27-32° atrofida bo‘ladi.

Toshkent, Sirdaryo, Jizzax va Samarqand viloyatlarida havo biroz bulutli, yog‘ingarchilik kuzatilmaydi, kechasi 8-13°, kunduzi 23-28° bo‘ladi.

Ilon Mask boshchiligidagi tejamkorlik choralari doirasida AQSh Xalqaro taraqqiyot agentligi (USAID) butunlay yopiladi. Bu haqda Reuters axborot agentligi ma’lum qildi.

Buning natijasida 10 mingdan ortiq mahalliy xodimlar, yuzlab AQSh diplomatlari va fuqarolik xizmatchilari ishdan bo‘shatiladi.

Fevral oyida prezident Donald Tramp USAIDni Davlat departamentiga qo‘shish va uni o‘zining «Amerika birinchi o‘rinda» siyosatiga moslashtirish tashabbusini ilgari surgan edi.

Ushbu qaror 60 yildan beri dunyo bo‘ylab gumanitar yordam va rivojlanish dasturlarini amalga oshirib kelgan agentlikning tugatilishini anglatadi. USAID dasturlari Ukrainadan tortib G‘azo sektorigacha bo‘lgan hududlarda millionlab odamlarga yordam berayotgan edi.

Iyul oyida barcha dasturlar tugatilishi rejalashtirilgan bo‘lib, xodimlarga ishdan bo‘shatilish haqidagi bildirishnomalar...

Xitoyning BYD kompaniyasi 2025-yilning birinchi choragida avtomobil savdosini 60% ga oshirib, Tesla bilan raqobatda ustunlik qozondi. Bu haqda CNN axborot agentligi ma’lum qildi.

Unga ko‘ra, BYD ushbu davrda 1 mlndan ortiq yangi energiya avtomobillarini sotdi. Shundan 416 ming donasi sof elektr mashinalardir. Kompaniya xalqaro bozorga chiqish harakatlarini jadallashtirib, yangi zavodlar qurmoqda. BYD o‘tgan yili $107 mlrd daromad oldi, Tesla esa $97,7 mlrd bilan ortda qoldi. Tesla savdolari Yevropada 40% ga kamaydi.

Mart oyida BYD Tesla’dan tezkor quvvatlash texnologiyasi va avtonom boshqaruv tizimi bilan ustunlik ko‘rsatdi. Ushbu kompaniya Xitoyda 27% bozor ulushiga ega bo‘lib, Tesla esa 4% ulush bilan oltinchi...

Parijdagi YUNESKO bosh qarorgohida O‘zbekiston hukumati va YUNESKO o‘rtasida kelishuv imzolandi. Bu haqda O‘zR prezidenti yordamchisi Saida Mirziyoyeva o‘z Telegram kanalida ma’lum qildi.

Unga ko‘ra, Samarqand rasman Bosh konferensiyaning 43-sessiyasi mezboni bo‘ldi.

Bu tarixiy voqea bo‘lib, so‘nggi 40 yil ichida ilk bor konferensiya Parijdan tashqarida o‘tkaziladi. Bu O‘zbekistonning xalq diplomatiyasi, madaniy merosi va ochiqligiga berilgan yuksak bahodir.

Biz madaniyat va san’at vositasida mamlakatimizni xalqaro maydonda targ‘ib etmoqdamiz, dunyo ahliga yanada yaqinlashtirmoqdamiz. Bu aloqalar bevosita iqtisodiy natijalarga ulanib, qo‘shma loyihalar va umumiy g‘oyalarga aylanmoqda, deydi Saida Mirziyoyeva.

Eslatib o‘tamiz, avvalroq O‘zbekiston madaniyat vakili Fransiyaning «San’at...

2-aprel kuni hukumat tomonidan yo‘lovchi tashish faoliyatini tartibga solish bo‘yicha yangi qaror qabul qilindi. Bu haqda Adliya vazirligi ma’lum qildi.

Unga ko‘ra, yuridik shaxslarga tegishli taksilar aeroport va vokzallar yaqinida to‘xtash, maxsus yo‘laklardan foydalanish hamda ayrim pulli hududlarga bepul kirish huquqiga ega bo‘ldi.

2025-yil 15-apreldan boshlab, Toshkent shahrida tajriba tariqasida haydovchidan tashqari 4 – 8 o‘rindiqli avtomobillar orqali o‘zini o‘zi band qilgan shaxslarning taksi faoliyatiga ruxsat beriladi. Bunday tashuvchilarga maxsus litsenziya berilib, davlat boji BHMning 3 barobari (1,125 mln so‘m) miqdorida undiriladi.

Eslatib o‘tamiz, avvalroq Xitoy havo taksi reyslariga ruxsat bergan edi.

Yevropa Ittifoqi fuqarolari Buyuk Britaniyaga kirish uchun Elektron sayohat ruxsatnomasi olishi kerak bo‘ladi. Bu tizim AQShning ESTA tizimiga o‘xshash bo‘lib, sayohat oldidan onlayn ro‘yxatdan o‘tishni talab qiladi, deya xabar bermoqda CNN.

Unga ko‘ra, ETA ikki yil davomida amal qiladi va 10 funt sterling (167 ming so‘mga teng) turadi, 9-apreldan esa to‘lov 16 funtga (268 ming so‘mga teng) oshadi. Hattoki Buyuk Britaniya orqali tranzit o‘tadigan sayohatchilar ham ushbu ruxsatnomani olishlari kerak.

Bu tizim viza emas, balki vizadan ozod qilish tizimi bo‘lib, vizaga ehtiyoj sezmaydigan sayohatchilar uchun amal qiladi. Yevropaga kirish uchun esa alohida ETIAS (European Travel Information and Authorization System...

2-aprel kuni Samarqandda Investitsiyalar, sanoat va savdo vaziri Laziz Kudratov «Air Products and Chemicals Inc» bosh ijrochi direktori Eduardo Menezes bilan uchrashdi. Bu haqda vazirlik rasmiy sahifasida ma’lum qilindi.

Unga ko‘ra, tomonlar O‘zbekistonda amalga oshirilayotgan va istiqbolli investitsiya loyihalarini muhokama qildilar. 2019-yildan buyon kompaniya mamlakatimizda $1,15 mlrdlik Farg‘onada vodorod va «Navoiyazot»da karbonat angidrid ishlab chiqarish kabi uchta yirik loyihani amalga oshirdi.

Hozirda Buxoroda $200 mlnlik kislorod va azot ishlab chiqarish loyihasi amalga oshirilmoqda. Shuningdek, uglerodni saqlash, aviatsiya yoqilg‘isi ishlab chiqarish va ko‘mirni gazlashtirish bo‘yicha yangi tashabbuslar ko‘rib chiqilmoqda.

Uchrashuv yakunida tomonlar hamkorlikni chuqurlashtirish va yangi loyihalarni amalga oshirishga...

Bugun, 2-aprel kuni Shavkat Mirziyoyev «Markaziy Osiyo – Yevropa Ittifoqi» birinchi sammiti tadbirlarida ishtirok etish uchun Samarqandga keldi. Bu haqda prezident matbuot xizmati xabar qildi.

Shuningdek, prezident bugun Yevropa kengashi prezidenti Antoniu Koshta bilan norasmiy uchrashuv olib boradi.

Ertaga, 3-aprel kuni sammitda ishtirok etadigan delegatsiyalar rahbarlari bilan ham qator ikki tomonlama muzokaralar o‘tkazilishi rejalashtirilmoqda. Sammitning ikkinchi kunida Markaziy Osiyo davlatlari va Yevropa Ittifoqining asosiy institutlari rahbarlari ishtirokida ko‘p tomonlama tadbirlar o‘tkaziladi.

Avvalroq Kursiv Uzbekistan Yevropa kengashi prezidenti Samarqandda kelgani haqida yozgandi.

Yevropa kengashi prezidenti Antoniu Koshta Samarqand xalqaro aeroportida O‘zbekiston Respublikasi Bosh vaziri Abdulla Aripov va boshqa rasmiylar tomonidan kutib...

Samsung korporatsiyasi o‘z gadjetlarida qattiq jismli akkumulyatorlardan foydalanishni boshlaydi. Bu haqda Koreyaning Money Today nashri xabar berdi.

2025-yil oxirida chiqarilishi rejalashtirilgan Galaxy Ring 2 aqlli uzuk birinchi marta qattiq holatdagi akkumulyatordan foydalanadi. Xabar qilinishicha, bunday batareya odatdagidan ko‘ra ko‘proq zichlikka ega, shuning uchun aqlli uzukning avtonom ishlash muddati oshishi mumkin.

Hisobotga ko‘ra, «qattiq elektrolitlar» asosidagi yangi akkumulyator oddiy batareyaga qaraganda xavfsizroq bo‘lib, yonish xavfi kamroq. Samsung ushbu texnologiyani Dream Battery («Orzular batareyasi») deb atagan va uni avvalo aqlli uzuk hamda soatlarga joriy etishni rejalashtirmoqda.

Biroq uning asosiy kamchiligi – yuqori narx. Money Today ekspertlari Galaxy Ring’ga bo‘lgan past qiziqish...

SF Airlines aviakompaniyasi 2-aprelda Lanchjou – Toshkent – Lanchjou yo‘nalishida ilk yuk reysini amalga oshirdi.

Aviakompaniyaning Boeing 757 samolyoti Toshkent xalqaro aeroportiga mahalliy vaqt bilan soat 10:40 da qo‘ndi. An’anaga ko‘ra, samolyot suv arkasi bilan kutib olindi.

Dastlabki bosqichda reyslar haftasiga ikki marta amalga oshirilishi rejalashtirilgan bo‘lib, kelajakda parvozlar soni oshirilishi kutilmoqda. Yuk tashish jarayoni Boeing 757 samolyotlari yordamida amalga oshiriladi.

Ma’lumot uchun, SF Airlines Xitoyning yetakchi yuk aviakompaniyalaridan biri bo‘lib, uning shtab-kvartirasi Shenchjenda (Guangdong, Xitoy) joylashgan. 2005-yilda tashkil etilgan aviakompaniya Xitoyning eng yirik logistika guruhlaridan biri SF Holding Company Limited tarkibiga kiradi.

Avvalroq Kursiv Uzbekistan China Southern Airlines...

Rossiya Federal sud ijrochilari xizmati 2024-yilda 88 ming noqonuniy migrantni deportatsiya qilgan. Bu haqda Rossiya Sud ijrochilari federal xizmati (SIFX) rahbari Dmitriy Aristov senat yigʻilishida ma’lum qilgan.

Shuningdek, u 2023-yilda 60 ta davlatga jami 44 ming migrant majburan chiqarib yuborilganini ta’kidladi.

Shu bilan birga, Aristov Sud ijrochilari federal xizmati xodimlari sud qaroriga binoan noqonuniy migrantlar, chet el fuqarolari va fuqaroligi bo‘lmagan shaxslarni Rossiya hududidan chiqarib yuborishini eslatib o‘tdi.

Eslatib oʻtamiz, Kursiv Uzbekistan Rossiyada raqamli migrant profili joriy etilishi haqida yozgan edi.

Aholining ijtimoiy himoyaga muhtoj qatlamlari boʻlgan 300 ta mahallada kichik quyosh elektr stansiyalari oʻrnatish rejalashtirilgan. Bu haqda Adliya vazirligi prezident qaroriga tayanib xabar bermoqda.

Ushbu chora 45 mln kub metr gazni tejash imkonini beradi. Shuningdek, yashil iqtisodiyotga oʻtishni jadallashtirish maqsadida joriy yilda qayta tiklanadigan energiya manbalarini oʻrnatish texnologiyalarni joriy etish dasturini tasdiqlash rejalashtirilgan.

Budjet tashkilotlarida energiya tejovchi uskunalarni oʻrnatishni kengaytirish rejalashtirilgan.

Rejaga koʻra, umumiy quvvati 700 MVt dan ortiq boʻlgan quyosh panellari orqali 1,6 milliard kVt/soat quyosh energiyasini tejash koʻzda tutilgan.

Eslatib oʻtamiz, Kursiv Uzbekistan Energiya samaradorligi milliy agentligi tashkil etilishi haqida yozgan edi.

Oʻzbekistonning birinchi fuqarolari oʻzboshimchalik bilan egallangan yer uchastkalariga boʻlgan huquqlarini roʻyxatga oldi. Bu haqda Kadastr agentligi xabar qildi.

Noqonuniy tortib olishni qonuniylashtirish jarayoni 2024-yilning noyabr oyida boshlangan. U 2028-yil boshigacha davom etadi. Qonunga koʻra, oʻzbekistonliklar noqonuniy egallab olingan yerlar va ularda qurilgan binolarga boʻlgan huquqlarni roʻyxatdan oʻtkazishlari mumkin.

Qonuniylashtirish uchun yerning maksimal maydoni va huquqlarni roʻyxatdan oʻtkazish uchun yigʻim miqdori mintaqaga va noqonuniy olib qoʻyilgan vaqtga bogʻliq.

Agar shaxs 1998-yil 1-iyulgacha yer uchastkasini egallab olgan boʻlsa, u 0,24 gektargacha boʻlgan egalik huquqini roʻyxatdan oʻtkazishi mumkin. 1998-yildan 2018-yilgacha noqonuniy olib qoʻyish uchun maksimal yer uchastkasi 0,12 gektar bilan cheklangan. Toshkent...

3-apreldan AQSh dollarining rasmiy kursi 10,20 so‘mga tushib, 12 915, 00 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 865 – 12 915 so‘mdan sotib olayotgan bo‘lsa, 12 930 – 12 985 so‘m oralig‘ida sotmoqda.

Shu bilan birga, yevro 25,24 so‘mga oshib, 13 957,24 so‘mga yetdi. Rossiya rubli esa 0,97 so‘mga oshib, 153,55 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.        

«SSKA» yarim himoyachisi Abbosbek Fayzullayevning Portugaliyaga ko‘chib o‘tish imkoniyati mavjud edi, ammo transfer oxirgi pallada amalga oshmadi. Uning agenti German Tkachenko sport24.ru nashriga bergan intervyusida ushbu jarayon tafsilotlarini ma’lum qildi.

Manbaga ko‘ra, Fayzullayevning «Benfika»ga o‘tishi bo‘yicha dastlab muzokaralar olib borilgan, biroq klub rahbariyati transferdan voz kechgan. Bunga asosiy sabab sifatida siyosiy omillar ko‘rsatilmoqda.

«Biz Abbosbekni «Benfika»ga o‘tkazish borasida muzokara olib bordik. Biroq klub Rossiya yoki Rossiya chempionatida o‘ynayotgan futbolchilar bilan ishlashni istamasligini bildirdi. Ular bizga: «Rossiya bilan hech qanday aloqa o‘rnatmoqchi emasmiz» degan ma’nodagi fikrni yetkazishdi,» — deydi agent.

Shu tariqa o‘zbekistonlik futbolchining Portugaliya klubi safiga qo‘shilish ehtimoli bekor...

Bugun, 2-aprel kuni «Markaziy Osiyo – Yevropa Ittifoqi» birinchi sammitida ishtirok etish uchun Yevropa kengashi prezidenti Antoniu Koshta O‘zbekistonga tashrif buyurdi. Bu haqda Bosh vazir matbuot kotibi Bekzod Hidoyatov xabar berdi.

Shu yilning 3 – 4-aprel kunlari Samarqand shahrida «Markaziy Osiyo – Yevropa Ittifoqi» birinchi sammiti bo‘lib o‘tadi.

Yevropa kengashi prezidenti Antoniu Koshta Samarqand xalqaro aeroportida O‘zbekiston Respublikasi Bosh vaziri Abdulla Aripov va boshqa rasmiylar tomonidan kutib olindi. Yevropa kengashi prezidenti qisqa suhbatdan so‘ng, tashrif dasturiga muvofiq navbatdagi manzilga yo‘l oldi.

Avvalroq Kursiv Uzbekistan Shavkat Mirziyoyev Euronews telekanaliga bergan intervyusida Yevropa Ittifoqi va Markaziy Osiyo davlatlari o‘rtasidagi iqtisodiy va siyosiy...

2-aprel holatiga koʻra, Myanmadagi zilzila oqibatida halok boʻlganlar soni 2,8 ming kishini tashkil etdi, deya xabar bermoqda Sinxua.

Agentlik ma’lumotlariga koʻra, 373 kishi bedarak yoʻqolgan, 4,6 mingdan ortiq kishilar jarohatlangan.

28-mart kuni Myanmada zilzila sodir boʻldi, yer silkinishi magnitudasi 7,7 ni tashkil etdi. Shuningdek, zilzilani Xitoy, Tailand va Vyetnam aholisi ham his qilgan.

Eslatib oʻtamiz, Tailandda zilzila tufayli fond birjasi savdoni toʻxtatgani haqida yozgan edik.

Xiaomi POCO brendining eng yaxshi smartfonlari qaysilar? Bu haqda Mobile review nashri xabar qildi. Nima uchunligini esa ushbu maqolada bilib olishingiz mumkin.

So‘nggi yilda POCO brendida sezilarli o‘zgarishlar ro‘y berdi. Ilgari POCO o‘zini mustaqil brend sifatida ko‘rsatishga harakat qilgan bo‘lsa, endilikda u rasmiy ravishda Xiaomi tarkibiga kiritildi. Lekin bu mahsulotlarning sifatiga ta’sir qilmadi. Xiaomi POCO brendining uchta eng yaxshi smartfoni qaysilar? Qaysi modelni sotib olmaslik kerak?

Hozirda POCO o‘z segmentida eng kuchli smartfonlarni ishlab chiqarayotgan brendlardan biri bo‘lib qolmoqda. Lekin POCO’ning hamma modellarini ham sotib olish tavsiya etilmaydi.

Ushbu maqolada quyidagi modellar haqida bilib olasiz:

Mercedes-Benz kompaniyasi Mercedes-AMG GLA 35 4MATIC 2025 modelini taqdim etdi. Yangi model allaqachon Xitoy bozorida sotuvga chiqarilgan bo‘lib, uning narxi taxminan $61 ming etib belgilangan.

Ushbu modelning dizayni oʻziga xos panjarada iborat. Uning oʻlchamlari 4446 x1849x1590 mm, gʻildirak bazasi 2729 mmni tashkil etadi.

Yangilangan GLA 35 4MATIC saloni AMG rul va zamonaviy MBUX tizimi bilan jihozlangan. Uskunalar qatorni ushlab turish uchun yordamchi, adaptiv kruiz nazorati va panoramali koʻrinishga ega avtomatik toʻxtash joyini oʻz ichiga oladi. Shuningdek, model Burmester audio tizimi, AutoNavi navigatsiyasi va masofadan ishga tushirish qoʻshimcha funksiyalariga ega.

Quvvat moslamasi oʻzgarishsiz qolmoqda: 48 voltli gibrid tizimga ega...

Chirchiqda shu yil mart oyi boshida Murat Qudaboyev ayolni kaltaklashdan himoya qilmoqchi boʻlganida vafot etdi. Bu haqda marhumning onasi Instagramʼda maʼlum qildi.

Oʻzbekiston Bosh prokuraturasi matbuot xizmati Kursiv Uzbekistan muxbiri bilan suhbatda voqea tafsilotlariga aniqlik kiritilayotganini maʼlum qildi.

Onaning aytishicha, voqea 5-mart kuni kechqurun shahar markazida sodir boʻlgan. Kaltaklanganidan soʻng Qudaboyev koʻplab tan jarohatlari bilan koma holatida shifoxonaga yotqizilgan. U bir kundan keyin vafot etgan. Marhumning kichik oʻgʻli bor.

«Aybdor jazolanishi va javobgarlikdan qutulib qolmasligi uchun ushbu voqea keng ommaga eʼlon qilinishini soʻrayman. Chunki huquq-tartibot idoralari uning harakatlarini oddiy koʻcha jangi deb baholamoqda», — dedi...

2025-yilning yanvar-fevral oylarida O‘zbekistonga 4,4 mingta yengil avtomobil import qilindi. Bu haqda Milliy statistika qo‘mitasi xabar berdi.

Respublikaga eng ko‘p avtomobillar Xitoydan keltirildi – 3,1 mingta. Eksport qiluvchilar uchligiga Janubiy Koreya va Yaponiya ham kirdi, ulardan O‘zbekistonga 1,1 ming va 32 ta avtomobil olib kelingan.

Dastlabki ikki oyda import qilingan avtomobillarning umumiy miqdori $75,9 mlnni tashkil etdi.

Ma’lumot uchun, 2024-yiling yanvar-fevral oylarida 17,5 mingta avtomobil import qilingandi. Bu yil ushbu ko‘rsatkich qariyb to‘rt baravarga kamaygan.

Avvalroq Kursiv Uzbekistan yanvar-fevral oylarida Cobalt avtomobilini ishlab chiqarish 21,1 foizga oshgani haqida yozgandi.