Yangiliklar

Xirosimadagi yapon startapi eng kichik elektromobil mibotni ishlab chiqardi. U bir kishiga mo‘ljallangan bo‘lib, sotuvlar deyarli tugagani aytilmoqda.

KG Motors kompaniyasining mibot mahsuloti Yaponiyada hitga aylandi. Bloomberg ma’lumotlariga ko‘ra, kompaniya 2027-yilga mo‘ljallangan 3300 dona mahsulotini sotgan. Bu borada u mashhur Toyota’ning o‘zidan o‘zib ketdi. 2024-yilda avtogigant Yaponiyada atigi ikki mingta kichik avtomobil sotgan. Bu mamlakatda elektr transport vositalariga jiddiy talab yo‘q.

Xirosimada joylashgan startap kattaroq mashinalar kuchliroq degan tushunchani yo‘q qilishga harakat qilmoqda.

«Mashinalar juda katta. Yaponiyada ko‘chada ularni ko‘rib, o‘zimga shunday savol berdim: «Nega kichikroq mashinalar ishlab chiqarmaslik kerak?»», – deydi kompaniya bosh...

2025-yil 28-may kuni Toshkentda o‘tkazilgan «Plus Forum – Digital Uzbekistan 2025» xalqaro tadbiri doirasida Freedom Pay Uzbekistan kompaniyasi Markaziy Osiyo fintex assotsiatsiyasi (CAFA) a’zoligiga rasmiy ravishda qabul qilindi.

Bitimni kompaniyaning O‘zbekistondagi bosh direktori Nazokat Rashidova va CAFA raisi Otabek Nasirov imzoladi. Bu qadam O‘zbekiston va butun Markaziy Osiyoda fintex, blokcheyn yechimlari, kiberxavfsizlik, shuningdek, zamonaviy raqamli moliyaviy infratuzilmani rivojlantirishda muhim bosqich sifatida baholanmoqda. Hamkorlik zamonaviy to‘lov texnologiyalarini joriy etish, davlat idoralari bilan o‘zaro aloqalarni mustahkamlash, transchegaraviy tashabbuslarni rag‘batlantirish va xalqaro standartlarga javob beradigan yechimlarni rivojlantirishga xizmat qiladi.

Freedom Pay – Qozog‘iston, Qirg‘iziston va O‘zbekistonda faoliyat yurituvchi xalqaro kompaniya bo‘lib, internet-maydonlar, marketpleyslar...

25-maydan Respublika eksport shtabi tomonidan @miit_tashqisavdo_bot Telegram-boti ishga tushirildi. Bu haqda Investitsiyalar, sanoat va savdo vazirligi rasmiy sahifasida ma’lum qildi.

Bu bot orqali barcha tadbirkorlar tashqi savdo bilan bog‘liq muammo va takliflarini yuborishlari mumkin. Maxsus savdo menejerlari qisqa vaqt ichida javob berishadi.

Shuningdek, 24/7 rejimida ishlovchi Respublika eksport shtabi koll-markaziga +998 71 238-52-52 raqami orqali murojaat qilish mumkin.

«Kursiv» nashri koll-markaz bilan bog‘lanib, fuqarolar elektr energiyasi, tabiiy gaz, aylanma mablag‘lar, qo‘shimcha qiymat solig‘i va eksport bilan bog‘liq muammolar bo‘yicha markazga murojaat yo‘llashlari mumkinligi haqida ma’lumot oldi. Arizalar 15 kundan 30 kungacha ko‘rib chiqilib, javob xati yuboriladi yoki mutaxassis...

Realme kompaniyasi yangi Neo7 Turbo smartfonini rasmiy ravishda taqdim etdi. Yangi model kuchli avtonom ishlash imkoniyati bilan ajralib turadi – u 7200 mA·soat sig‘imli titan batareyaga ega. Bu haqda Bu haqda ITHome xabar bermoqda.

Realme ma’lumotiga ko‘ra, kremniy ulushi 10% – bu sanoatdagi eng yuqori ko‘rsatkichlardan biri. Zaryadlash quvvati esa 100 Vt ga teng.

Smartfonda OLED BOE Q10 ekrani o‘rnatilgan, 1,5K aniqlik, 144 Gs yangilanish chastotasi, maksimal yorqinligi esa 6500 nit. Shuningdek, ekran 4608 Gs chastotali PWM yoritish nazoratiga ega.

Asosiy kamera 50 MP sensor bilan jihozlangan va optik stabilizatsiya tizimi (OIS) bilan to‘ldirilgan.

Realme Neo7 Turbo kuchli MediaTek...

Counterpoint tahlilchilari 2025-yilning birinchi choragida dunyo bo‘yicha eng ko‘p sotilgan smartfonlar reytingini e’lon qildi. Bu haqda tahlilchilar saytida ma’lum qilindi.

Ro‘yxatning birinchi pog‘onasini iPhone 16, undan keyingi o‘rinlarni esa iPhone 16 Pro Max va iPhone 16 Pro egalladi.

iPhone 16e hali umumiy top-10 ro‘yxatga kirmagan bo‘lsa-da, u mart oyida, ya’ni ilk to‘liq savdo oyida oltinchi o‘rinni egalladi. Counterpoint ma’lumotlariga ko‘ra, iPhone 16e narxi iPhone SE 2022 modelidan yuqori bo‘lishiga qaramay, yillik savdo hajmida undan oshib ketishi kutilmoqda.

2024 va 2025-yillarni solishtirganda, Galaxy S25 Ultra oldingi modelga nisbatan unchalik ommabop bo‘lmadi. U yettinchi o‘rinda, Galaxy S24 Ultra esa beshinchi...

Vivo kompaniyasining ilgari faqat Xitoy bozorida taqdim etilgan flagman modeli — Vivo X200 Ultra endilikda xalqaro miqyosda ham mavjud. Mashhur onlayn chakana savdo platformasi Giztop ushbu qurilmani butun dunyo bo‘ylab yetkazib berishni boshladi.

Flagman imkoniyatlar

Vivo X200 Ultra o‘zining ilg‘or Snapdragon 8 Elite protsessori, Android 15 asosidagi OriginOS 5 interfeysi va ikkita maxsus tasvirni qayta ishlash chipi bilan ajralib turadi. Bu kombinatsiya kuchli ishlash, sun’iy intellekt yordamidagi tasvir tahlili va professional darajadagi fotosuratlar olishni ta’minlaydi.

Kamera imkoniyatlari

Smartfonning eng muhim jihati – kameralar tizimi. U quyidagilardan iborat:

Qozog‘iston va O‘zbekiston sog‘liqni saqlash vazirlari bolalar onkologiyasi bo‘yicha xalqaro akademik Xabni UMC Yurak markazi negizida tashkil etishga kelishdi. Bu haqda «Kazpravda» xabar berdi.

Toshkentda Qozog‘iston sog‘liqni saqlash vaziri Akmaral Alnazarova va O‘zbekiston sog‘liqni saqlash vaziri Asilbek Xudoyorov uchrashuvi bo‘ldi. Uchrashuvda Qozog‘iston tomoni bolalar saratoni yo‘nalishida xalqaro akademik Xab tuzishni taklif qilib, bu tashabbusni ro‘yobga chiqarishda faol ishtirok etishga tayyorligini bildirdi.

Shuningdek, Alnazarova kattalar onkologiyasi va onkogematologiyasi bo‘yicha habni Milliy ilmiy onkologiya markazi, bolalar yurak jarrohligiga ixtisoslashtirilgan Xabni esa UMC Yurak markazi negizida tashkil etishni taklif qildi. Unga ko‘ra, bu markaz qoraqalpog‘istonlik bolalarga ham tibbiy xizmat ko‘rsatishi mumkin.

Uchrashuv...

Amerikaning Nvidia kompaniyasi aksiyalari Nyu-Yorkdagi savdo yopilishida 4,87 foizga oshib, $141,3 ga yetdi. Bu kompaniyaning yanvar-mart oylari uchun ijobiy moliyaviy hisobotini e’lon qilganidan keyin sodir bo‘ldi. Bu haqda Bloomberg nashri xabar berdi.

May oyi boshigacha kompaniya $44,1 milliardlik mahsulot sotgan. Bu ko‘rsatkich tahlilchilarning $43,3 milliardlik prognozidan yuqori bo‘ldi. O‘yin uskunalari bo‘yicha savdo $3,8 milliardni tashkil etdi (prognoz: $2,8 milliard edi).

Nvidia bosh direktori Jensen Huang butun dunyoda sun’iy intellekt (SI) bilan bog‘liq texnologiyalarga talab ortib borayotganini ta’kidladi.

Shu bilan birga, AQSh prezidenti Donald Tramp ma’muriyati tomonidan joriy etilgan cheklovlar Nvidia’ning Xitoy bozoriga chiqishini deyarli to‘xtatdi. Protsessorlar va ma’lumot markazlari...

Samarqandda Italiya bosh vaziri Jorja Meloni rasmiy kutib olindi. Bu haqda prezident matbuot xizmati xabar bermoqda.

Ikki davlat rahbari uchun faxriy qorovul saf tortdi. Yetakchilar faxriy qorovul safi oldidan o‘tib, rasmiy delegatsiyalar a’zolarini qutladi.

Ikki davlat rahbarlari o‘rtasidagi oliy darajadagi muzokaralar boshlandi.

Eslatib o‘tamiz, Kursiv Uzbekistan Italiya bosh vaziri Jorja Meloni rasmiy tashrif bilan O‘zbekistonga tashrif buyurib, Shavkat Mirziyoyev hamrohligida Samarqanddagi Registon maydonini ziyorat qilgani haqida yozgan edi.

Amerikada havodan benzin ishlab chiqaradigan qurilma taqdim etildi. U havo tarkibidagi moddalarni qayta ishlash orqali haqiqiy avtomobil benzini ishlab chiqarishga qodir. Bu haqda Popular Science xabar qildi.

Nyu-Yorkdagi Aircela startapi Manxettenda dunyo bo‘yicha birinchi uy sharoitida ishlatiladigan qurilmaning ommaviy namoyishini o‘tkazdi.

Bu atmosferadagi karbonat angidridni bevosita ushlab qolish (Direct Air Capture – DAC) texnologiyasiga asoslangan ixcham va ko‘chma modul hisoblanadi. Odatda karbonat angidridni ushlash texnologiyalari yirik sanoat korxonalarida, masalan, elektr stansiyalarida yoki zavodlarda qo‘llaniladi.

Yevropada bu yo‘nalishda faoliyat yuritayotgan bir nechta tizimlar mavjud. Ayrimlari (masalan, Climeworks) havoni filtrlaydigan yirik ventilyatorlardan foydalanadi, boshqalari esa (masalan, Carbon Engineering) CO2 gazini bog‘lovchi...

Gaz o‘g‘irlash natijasida Maktabgacha ta’lim muassasalari tomonidan davlatga yetkazilgan zarar miqdori 290,4 mln so‘mni tashkil etdi. Bu haqda Bosh prokuratura huzuridagi Departament xabar berdi.

Tergovga qadar tekshiruvda Navoiy viloyatining Navbahor tumanida yashovchi fuqaro «Sarbozor» MFY hududida joylashgan oilaviy nodavlat maktabgacha ta’lim muassasasini tabiiy gaz tarmog‘iga o‘zboshimchalik bilan noqonuniy ulagan. Buning natijasida davlatga 183,1 mln so‘mlik zarar yetkazgan.

Bundan tashqari, Toshkent viloyati, Bekobod tumanida «R.X.» nomli oilaviy nodavlat bog‘chani boshqarib kelgan fuqaro tijorat maqsadida tabiiy gaz tarmog‘iga ruxsatsiz ulangan. Bu holatda yetkazilgan zarar esa 107,3 mln so‘mni tashkil etgan.

Mazkur holatlar yuzasidan jinoyat ishlari qo‘zg‘atilib, ayni paytda tergov harakatlari olib...

Changan kompaniyasi yangi avlod Changan Uni-Z 2025 krossoverini taqdim etdi. Bu haqda Autohome xabar bermoqda.

Yangi model bir vaqtning o‘zida benzinli va gibrid versiyalarda taqdim etildi va o‘zining zamonaviy dizayni, keng saloni va ilg‘or texnologiyalari bilan e’tiborni tortmoqda.

Yangi Changan Uni-Z benzinli va gibrid versiyalarda taklif etilmoqda. Benzinli versiya 1,5 litrli turbomotor bilan jihozlangan bo‘lib, 192 ot kuchiga ega. Bu dvigatel yordamida avtomobil 100 km/soat tezlikka 7,8 soniyada erishadi. Yonilg‘i sarfi WLTC sikli bo‘yicha 7,13 l/100 km.

Gibrid versiya esa 1,5 litrli atmosferali benzin dvigateli va elektromotordan iborat kuchli tizimga ega. Uning umumiy quvvati 215 ot kuchi, 0–100 km/soat...

1-may holatiga ko‘ra, muammoli kreditlar umumiy miqdori 23,6 trln so‘mga yetgan. Bu ko‘rsatkich 1-aprel bilan solishtirilganda 0,6 foizga ko‘paygan. Jami kreditlardagi NPL ulushi esa 4,2 foizga pasaygan. Aprel oyida bu ko‘rsatkich 4,3 foizni tashkil qilgan.

Bunday pasayish banklarning kredit portfeli o‘sganligi bilan izohlanadi. Aprel oyida banklarning kredit portfeli 565,5 trln so‘mni tashkil qilgan. Mart oyiga nisbatan 13,7 trln so‘mga oshgan.

Davlat ulushi mavjud banklar

Muammoli kreditlarning asosiy qismi davlat ulushi mavjud banklarga to‘g‘ri kelmoqda. Ularning jami qarzi 15,9 trln so‘mdan ortiqni tashkil qilgan. Bu aprel oyiga nisbatan 0,8 foizga kamaygan.

Davlat banklari orasida qaytarilmayotgan kredit qarzdorligi...

Konferensiyalar ligasi finalida «Chelsi» ajoyib kambek evaziga «Betis» ustidan 1:4 hisobida g‘alaba qozonib, turnir chempioniga aylandi.

Uchrashuvda dastlab «Betis» 9-daqiqadayoq Abdessamad Ezzalzuli tomonidan kiritilgan gol bilan hisobni ochdi. Ammo ikkinchi bo‘limda «Chelsi» to‘liq ustunlikni qo‘lga oldi va raqib darvozasiga ketma-ket to‘rtta javob goli urdi. Gollar mualliflari: Enso Fernandes (65’), Nikolas Jekson (70’), Jeydon Sancho (83’) va Moyses Isaak Kaysedo (90’).

Ushbu g‘alaba londonliklar uchun Konferensiyalar ligasi tarixidagi ilk chempionlik bo‘ldi.

Avvalroq Kursiv Uzbekistan «Tottenhem» «Manchester Yunayted»ni mag‘lub etib, Yevropa ligasida g‘alaba qozongani haqida xabar bergan edi.

Chery Automobile kompaniyasi Chery Tiggo 9 Black Warrior Edition modelini sotuvga chiqardi. Bu haqda ITHome nashri xabar bermoqda.

Yangi avtomobil Kunpeng Power 2.0TGDI dvigateli bilan jihozlangan. Dvigatelning maksimal quvvati 192 kVt, maksimal aylanish momenti esa 400 N·mni tashkil etadi.

Uzatmalar qutisi sifatida 7 bosqichli DCT (ikkilamchi muftali avtomat) tanlangan. WLTC standartiga ko‘ra, yonilg‘i sarfi har 100 km uchun 7,5 litrni tashkil etadi. Muhimi avtomobil 92-oktanli benzin bilan ishlay oladi.

Model Qualcomm Snapdragon 8155 protsessoriga asoslangan yuqori darajadagi aqlli salon bilan jihozlangan. Unda Lion Zhiyun 4G avtomobil operatsion tizimi o‘rnatilgan bo‘lib, FOTA (havo orqali yangilash) texnologiyasini qo‘llab-quvvatlaydi.

Model salonida...

Geely kompaniyasi Xitoy bozorida yangi ramkali gibrid pikaplar – Radar King Kong EM-P va Radar Horizon EM-P’ni rasman taqdim etdi. Bu haqda Autohome xabar bermoqda.

Ular Lynk & Co subbrendidan olingan gibrid kuch qurilmalari bilan jihozlangan.

Radar King Kong EM-P ikki versiyada taqdim qilingan:

baza versiyasi: 5260 × 1900 × 1880 mm, g‘ildirak bazasi – 3120 mm; uzoqroq versiyasi: 5500 × 1900 × 1880 mm, g‘ildirak bazasi – 3310 mm.

Bosh farq yuk platformasida: 1525 mm (standart) va 1765 mm (uzaytirilgan). Ikkala versiyaning ham yuk ko‘tarish quvvati 1 tonnani tashkil qiladi.

Radar Horizon...

Endilikda sotuvchi mahsulotni shartnomada belgilangan vaqtda xaridorga topshirmasa, har bir kechikkan daqiqa, soat yoki kun uchun penya to‘lash majburiyatini oladi. Oliy Majlis Senatining navbatdagi yalpi majlisida iste’molchilarning manfaatlarini yanada kuchliroq himoya qilishga qaratilgan qonun tasdiqlandi.

Yangi normalarga ko‘ra, kechikish muddati uchun xaridorga majburiyatning bajarilmagan qismidan 0,5 foiz miqdorida jarima to‘lanadi. Shu bilan birga, umumiy penya summasi tovarning narxidan yuqori bo‘lmasligi shart qilib belgilangan.

Bu yangilik oldi-sotdi munosabatlarida shaffoflikni oshiradi va xaridorlarni himoyalashda muhim huquqiy mexanizm sifatida xizmat qiladi.

Avvalroq Kursiv Uzbekistan Uzum Market sotuvchilari buyurtmalarni o‘zlari yetkazib berishi mumkinligi haqida yozgandi.

Hailey Bieberning go‘zallik brendi Rhode $1 mlrd evaziga e.l.f. kompaniyasi tomonidan xarid qilindi. Bu haqda Forbes nashri ma’lum qildi.

Unga ko‘ra, mazkur xarid e.l.f. uchun hozirgacha eng yirigi bo‘lib, 2023-yilda $355 mlnga xarid qilingan Naturium brendini ortda qoldirdi.

2022-yilda tashkil etilgan Rhode oxirgi moliyaviy yilda $212 mln daromad oldi. Shu yil boshida brend mahsulotlari Shimoliy Amerika va Buyuk Britaniyadagi Sephora do‘konlarida sotila boshlanishi e’lon qilindi.

Hailey Bieber kompaniyaning asoschisi va hozirgi ijodiy direktori sifatida, shuningdek, innovatsiyalar bo‘yicha rahbar sifatida faoliyat yuritadi. Uning ijtimoiy tarmoqlardagi kuchli ta’siri va taniqli shaxs sifatida obro‘si brend muvaffaqiyatiga katta hissa qo‘shmoqda.

Ma’lumot uchun, e.l.f...

«Manchester Siti» va O‘zbekiston terma jamoasi himoyachisi Abduqodir Husanov kecha, 28-may kuni uylandi.

Bugun erta tongda esa futbolchi O‘zbеkiston tеrma jamoasi bilan BAAdagi yig‘inga yo‘l oldi.

2026-yilgi Jahon chempionati saralash bosqichi o‘zining hal qiluvchi pallasiga kirib keldi.  5-iyun kuni O‘zbekiston milliy terma jamoasi safarda BAAga qarshi maydonga tushadi.

Ushbu o‘yindagi durang ham O‘zbekistonni to‘g‘ridan to‘g‘ri JChga olib chiqadi.

Avvalroq Kursiv Uzbekistan BAA – O‘zbekiston o‘yini oldidan chipta mojarosi haqida xabar bergan edi.

Li Auto kompaniyasi yaqinda taqdim etilgan Li L6 2025 modeli bo‘yicha birinchi muvaffaqiyatli natijalarni e’lon qildi. Unga ko‘ra, yetkazib berilgan avtomobillar soni 10 ming donadan oshdi. Bu haqda ITHome xabar bermoqda.

Mahsulotlar liniyasi rahbari Li Sinyanning ma’lum qilishicha, har ikki daqiqada bitta avtomobil sotilmoqda.

8-may kuni rasman taqdim etilgan yangilangan L6 qisqa vaqt ichida bozorda katta talabga ega bo‘ldi. Yangi model o‘ziga xos lazurniy perlamutr rang va ikki rangli – qora va jigarrang salon dizayni bilan ajralib turadi.

Barcha komplektatsiyalar har qanday ob-havoda ishlay oladigan ATL lazerli radar, ilg‘or haydovchiga yordam tizimlari bilan jihozlangan:

Endilikda nogironlik pensiyalari va kompensatsiyalari proaktiv shaklda tayinlanadi. Bu haqda prezident qarori qabul qilindi.

Shuningdek, 1-iyuldan boshlab I va II guruh nogironligi belgilangan fuqarolarga pensiyalar murojaatsiz, avtomatik tarzda tayinlanadi. Fuqaro xohlasa, bu pensiyani rad etish huquqiga ega.

Ko‘zi ojizlar (I guruh) va radiatsion obyektlarda xizmat qilganlar uchun kompensatsiyalar elektron ma’lumotlar asosida proaktiv tarzda tayinlanadi. Nogironlik pensiyasi tayinlangach, kamida bir yil ish stajiga ega fuqarolarning pensiyasi har ikki yilda avtomatik qayta hisoblab chiqiladi.

Shu bilan birga, 2025-yil 1-oktabrdan pensiyalarni Xalq banki orqali naqd shaklda olishda Face-ID va elektron imzo orqali biometrik tasdiqlash tizimi joriy etiladi.

Avvalroq Kursiv Uzbekistan bir nechta...

Samarqand shahri «Farhod» qo‘rg‘onida joylashgan «G. F. E.» MChJga qarashli korxona 3 mlrd 84 mln so‘mlik gazni noqonuniy ishlatgan. Bu haqda «Hududgazta’minot» AJ xabar berdi.

Mazkur korxona tabiiy gaz tarmog‘iga hisoblagichdan chetlab o‘tib, yashirin yo‘llar bilan ulangan va «zangori yoqilg‘i»dan foydalangan.

Sarflangan gaz hajmlari hisob-kitobiga ko‘ra, davlatga yetkazilgan zarar miqdori 3 mlrd 84 mln so‘mni tashkil etdi.

Hozirda holat yuzasidan barcha hujjatlar huquqni muhofaza qiluvchi organlarga yuborilgan.

Avvalroq Kursiv Uzbekistan Farg‘onadagi umumiy ovqatlanish shoxobchasi 586 mln so‘mlik gaz o‘g‘irlagani haqida yozgandi.

2029-yil 1-yanvargacha mebel ishlab chiqarishdagi xomashyo va qismlar importi uchun bojxona boji 1 foiz etib belgilanadi. Bu haqda prezident farmoni qabul qilindi.

Shuningdek, 2025 – 2028-yillarda quyidagi maqsadlarga erishish belgilandi:

2025-yil 1-iyuldan YTTlar o‘z xonadonida mebel tayyorlashi mumkin bo‘ladi. 1-avgustdan mahalliy mebel texnologlari uchun rivojlangan xorijiy mamlakatlardagi nufuzli tashkilotlarning sohaga tegishli xorijiy malaka sertifikatlari olish xarajatlarining 50 foizi davlat tomonidan qoplanadi.

Avvalroq Kursiv Uzbekistan zargarlarga YATT bo‘lib tilla buyumlari sotishga ruxsat berilishi haqida yozgandi.

Alpine kompaniyasi 2028-yilga borib 1000 ot kuchiga yaqin quvvatga ega gibrid superkar ishlab chiqarishni rejalashtirayotganini rasman e’lon qildi. Bu haqda Top Gear xabar bermoqda.

Loyihani Ferrari 458 va Alfa Romeo Giulia avtomobillari ustida ishlagan taniqli muhandis Filipp Krif boshqaradi.

Kelajak superkarining yurish tizimi orqa g‘ildiraklarni aylantiruvchi benzinda ishlovchi V6 turbo dvigatel va old o‘qda joylashgan ikkita elektromotordan iborat bo‘ladi. Bu kombinatsiya aylanma momentni vektorli boshqarishni ta’minlaydi. Korpus esa alyuminiy va uglerod tolasi aralashmasidan tayyorlanadi.

Dvigatelni ishlab chiqish bilan Renault’ning Viry-Chatillon texnik markazida joylashgan yangi Hypertech bo‘limi shug‘ullanadi. Bu bo‘lim muhandislari ayni paytda World Endurance Championship (WEC) uchun poyga texnologiyalarini...