Yangiliklar

2024-yilning yanvar – noyabr oylarida O‘zbekiston 43,8 ming tonna mayiz eksport qildi. Ushbu mahsulotlar xalqaro bozorga $64,8 million qiymatda sotilgan. Daromad miqdori bir yil ichida 5,3 foiz oshgan bo‘lsa-da, eksport uchun yetishtirish miqdori kamaygan. Bu haqda Statistika agentligi ma’lum qildi.

Ta’kidlash joizki, 2023-yilning yanvar – noyabr oylarida bu ko‘rsatkich 52,2 ming tonnani tashkil etgan.

O‘tgan yilda eng ko‘p mayiz eksport qilingan davlatlar orasida Turkiya birinchi o‘rinda turib, unga 7,5 ming tonna mahsulot yetkazib berildi. Ikkinchi o‘rinda Xitoy bo‘lib, bu davlatga 6,7 ming tonna mayiz eksport qilindi. Qozog‘iston esa uchinchi o‘rinda, unga 6 ming tonna mahsulot eksport qilindi.

Shuningdek...

Yaponiya uchta tibbiyot markaziga $200 mingdan ortiq mablag‘ ajratadi. Bu mablag‘ning yarmidan ko‘prog‘ini Buxoro shahridan tibbiyot muassasasi oladi. Bu haqda O‘zbekiston Sog‘liqni saqlash vazirligi va Yaponiya elchixonasi ma’lum qildi.

2025-yil 9-yanvar kuni O‘zbekiston Sog‘liqni saqlash vazirligida Yaponiya hukumati tomonidan amalga oshiriladigan «Inson xavfsizligini ta’minlash bo‘yicha ijtimoiy loyihalarga beg‘araz yordam» dasturi doirasida grant shartnomalarini imzolash marosimi bo‘lib o‘tdi.

Tadbirda Yaponiya elchisi Hatori Takashi, Sog‘liqni saqlash vaziri Asilbek Xudayarov hamda Toshkent shahar va Buxoro viloyatining tibbiyot tashkilotlari vakillari ishtirok etishdi.

Marosimda uchta tibbiyot markazini jihozlash bo‘yicha grant shartnomalari imzolandi. Ushbu loyihalar uchun umumiy 215 ming AQSh dollari ajratiladi: Respublika...

Atrof-muhitni asrash yo‘nalishida bir necha yangi loyihalar e’lon qilindi. Bu haqda Adliya vazirligi ma’lum qildi.

Unga ko‘ra, 32 ta shaharda piyoda va velosipedda sayr qilish uchun «Soyali sayr ko‘chalari» tarmog‘i yaratilib, 64 ta mahallada yomg‘ir va oqova suvlaridan samarali foydalanish tizimi joriy etiladi.

Aholi uchun sohil bo‘ylarida zarur infratuzilma va 80 ta loyiha amalga oshiriladi. «Bir million yashil oila» harakati orqali yashil transport va energiya resurslaridan oqilona foydalanish targ‘ib qilinadi.

Shu yildan boshlab har ikki yilda bir marta «Markaziy Osiyo Eko Ekspo» xalqaro ko‘rgazmasi tashkil qilinadi

Shuningdek, «Yashil tadbirkor» platformasi ishga tushiriladi hamda «Shaffof qurilish» tizimida afzalliklar...

Tesla o‘zining yangi Model Y Juniper avtomobilini Xitoyda sotuvga chiqardi. Bu haqda Сarnewschina nashri ma’lum qildi.

Bu mashina AQSHda chiqarilishidan oldin Xitoy bozorida taqdim etildi. Yangi avtomobilning narxi $35,9-41,3 ming oralig‘ida. Yetkazib berish ishlari 2025-yilning mart oyida boshlanadi.

Model Y Juniper Cybertruck uslubidagi LED chiroqlarga ega. Yangi dizayn avtomobilning aerodinamikasini yaxshiladi. Tortishish koeffitsienti 0,23 dan 0,22 gacha kamaydi. Bu uzoq masofa va qulay haydashni ta’minlaydi.

Avtomobil tashqi ko‘rinishida sport uslubidagi bamper va yangi g‘ildiraklar mavjud. Model Y Juniperning o‘lchamlari avvalgisiga qaraganda uzunroq va yupqaroq. Uzunligi 4,797 mm, g‘ildirak bazasi esa 2,890 mm.

Ichki ko‘rinishi minimalistik bo‘lib, 15 dyuymli ekran...

2025-yilda tashkil etiladigan «Tashabbusli budjet»ning ikki mavsumi haqida ma’lumot berildi. Bu haqda Iqtisodiyot va moliya vazirligi ma’lum qildi.

Unga ko‘ra, loyihaning birinchi mavsumi fevral-mart oylarida bo‘lib o‘tadi. Loyihalarni kiritish 1 – 20 fevralda, ularga ovoz berish jarayoni esa 11 – 20 mart kunlarida amalga oshiriladi.

Loyihaning ikkinchi mavsumi iyul-avgust oylarida o‘tkaziladi. Loyihalarni kiritish 15-iyuldan 3-avgustgacha, ovoz berish esa 22-avgustdan 31-avgustgacha davom etadi.

Eslatib o‘tamiz, avvalroq o‘tgan yilgi «Tashabbusli budjet»da 177 ta loyiha qo‘shimcha g‘olib deb topilgan edi.

O‘zbekiston qonunchiligiga sud hujjatlari ijrosini kuchaytirish bo‘yicha yangi mexanizm joriy etilmoqda. Oliy Majlis Qonunchilik palatasining majlisida sud hujjatlari va boshqa organlar hujjatlarini ijro etish tizimini takomillashtirishga qaratilgan qonun loyihasi birinchi o‘qishda qabul qilindi.

Endi qarzdorning mol-mulki yoki mablag‘lari yo‘qligi sababli ijro ishi to‘xtatilmaydi. Majburiyatlar reestri joriy etiladi, unda qarzdorlar haqida ma’lumotlar saqlanadi. Agar qarzdorning mol-mulki yoki mablag‘lari topilsa, ijro ishlari qayta tiklanadi.

Shuningdek, reestrga kirgan soliq qarzlari uchun penya hisoblanmaydi. Qarzdorlarga qo‘yilgan cheklovlar – mol-mulkni xatlash, hisobvaraqlarni bloklash va chet elga chiqishni taqiqlash – qarz qoplanganiga qadar saqlanib qoladi.

Eslatib o‘tamiz, avvalroq turistik klasterlarni tashkil etish tartibi...

Bugun O‘zbekiston bo‘ylab havo biroz bulutli bo‘ladi, yog‘ingarchilik kutilmaydi. Kechasi va ertalab ayrim hududlarda tuman tushishi mumkin, deb yozmoqda «O‘zgidromet».

Shamol asosan sharqdan esib, 3-12 m/s tezlikka ega bo‘ladi.

Toshkentda havo iliqroq: kechasi harorat -2…-4°C sovuq, kunduzi 5…7°C iliq bo‘lishi kutilmoqda.

Farg‘ona vodiysida esa sovuqroq, kechasi -2…-7°C, kunduzi esa -3…+2°C oralig‘ida.

Qoraqalpog‘iston va Xorazmda kechasi harorat -5…-10°C sovuq, kunduzi 0…+5°C iliq bo‘ladi.

Janubiy hududlarda, xususan Qashqadaryo va Surxondaryoda, kechasi -0…-5°C, kunduzi esa 4…9°C iliqlik saqlanib turadi.

Buxoro, Navoiy, Toshkent, Sirdaryo, Samarqand va Jizzax viloyatlarida kechasi harorat -2…-7°C sovuq bo‘lishi kutilmoqda, kunduzi esa 2…8°C iliqlik kuzatiladi.

Tog‘li...

2025-yil 1-martdan boshlab skuter, moped va elektro-skuterlarni boshqarish uchun haydovchilik guvohnomasi va davlat raqami talab qilinadi. Bu haqda Autostrada sahifasi ma’lum qildi.

Unga ko‘ra, transport vositalari egalari «A» toifali haydovchilik guvohnomasini olib, o‘z vositalarini davlat ro‘yxatidan o‘tkazishlari shart. Mazkur sanagacha guvohnomasiz skuterda harakatlanishga ruxsat beriladi, lekin keyin hujjatsiz boshqarish uchun 5 BHM miqdorida jarima solinadi.

Davlat ro‘yxatidan o‘tkazish xarajatlari 1,4 mln so‘mni tashkil etadi. Haydovchilik imtihonini topshirish narxi esa 1 mln so‘mdan boshlanadi. Imtihon faqat rasmiy markazlarda topshiriladi, lekin markazlar o‘z xizmatlari narxlarini ochiqlamagan.

Eslatib o‘tamiz, avvalroq Buxoro va Andijon viloyatlarida katta pul evaziga haydovchilik guvohnomasini va’da qilgan firibgarlar...

Eron hududi orqali avtomobilda yuk tashuvlarini amalga oshiruvchi o‘zbekistonlik haydovchilardan undiriladigan yig‘imlar $400ga kamaytirildi. Bu haqda Transport vazirligi ma’lum qildi.

Unga ko‘ra, bu O‘zbekiston Transport vazirligi tomonidan olib borilgan tizimli ishlar natijasi hisoblanadi.

Mazkur choralar O‘zbekistonning eksport va import yuk tashuvlarini rivojlantirish, shuningdek, milliy haydovchilar uchun xarajatlarni kamaytirishga qaratilgan.

Transport vazirligi Eron hududida o‘zbek milliy tashuvchilaridan undiriladigan yig‘imlarni yanada qisqartirish uchun ishlarni davom ettirmoqda.

Eslatib o‘tamiz, avvalroq Qozogʻistonlik yuk tashuvchilar uchun Oʻzbekistonga kirish bepulligi haqida yozgan edik.

IT Park rezidentlari sonini uch mingtagacha yetkazish rejalashtirilmoqda. Bu haqda kelgusi yilgi davlat dasturi loyihasida qayd etildi.

Shuningdek, kamida 250 ta kompaniya eksport uchun xizmatlar ko‘rsatishi, jumladan 50 ta xorijiy kapital ishtirokidagi kompaniya bo‘lishi lozimligi ta’kidlandi.

Eslatib o‘tamiz, 2024-yilning uchinchi choragi yakunida IT Parkda 2,4 mingta rezident ro‘yxatdan o‘tgan edi.

Shu bilan birga, IT Park rezidentlarining dasturiy mahsulotlari va xizmatlarining umumiy qiymati yil oxirigacha 20 trln so‘m darajasida rejalashtirilmoqda.

2025-yil dekabr oyiga qadar hukumat IT Park rezidentlarining faoliyatiga to‘sqinlik qilayotgan cheklovlarni aniqlaydi. Muammolarni hal qilish bo‘yicha takliflar tayyorlanadi.

Avvalroq, Binghalib Group biznesining katta qismini BAAdan Oʻzbekistonga ko‘chirishi haqida xabar...

Qamchiq dovonida ikki nafar sayyoh selfi olishga urinish vaqtida halok bo‘ldi. Bu haqda O‘zbekiston Favqulodda vaziyatlar vazirligiga tayanib, TASS xabar berdi.

Unga ko‘ra, hodisa faqat maxsus texnika uchun mo‘ljallangan va tashrif buyuruvchilar uchun yopiq bo‘lgan hududda sodir bo‘lgan.

Sayyohlardan biri suratga olishga harakat qilayotib, muvozanatni yo‘qotgan va qulab tushgan. Shu paytda u instinktiv ravishda sherigining qo‘lidan ushlab olgan. Natijada ikkalasi ham qalin qor uyumi qulagan chuqur daraga tushib ketgan.

Bosh prokuraturasi matbuot kotibi Hayot Shamsutdinovning so‘zlariga ko‘ra, vafot etganlar bo‘yicha dastlabki tekshiruv ishlari olib borilmoqda. Farg‘ona viloyatidan bo‘lgan marhumlarning (ikkisi ham 1993-yilda tug‘ilgan) aniq o‘lim sabablarini aniqlash uchun...

Livan parlamenti armiyaning bosh qo‘mondoni Jozef Aunni davlat rahbari etib sayladi. Bu haqda Reuters axborot agentligi ma’lum qildi.

Unga ko‘ra, mazkur qaror 2022-yildan beri bo‘sh turgan prezidentlik lavozimini egallashga va mamlakat siyosiy muvozanatini tiklashga qaratilgan muhim qadam bo‘ldi.

Aunning saylanishi Eron tomonidan qo‘llab-quvvatlangan Hizbulloh guruhining zaiflashgan mavqeini va Saudiya Arabistonining Livandagi ta’sirining qayta tiklanganini ko‘rsatadi. Shuningdek, bu xalqaro hamjamiyatning Livanga yordam ko‘rsatish istagini, lekin buning uchun mamlakatda kuchli hukumat bo‘lishi shartligini ta’kidlaydi.

Ma’lumot uchun, Jozef Aun 2017-yildan beri Livan armiyasining qo‘mondoni sifatida xizmat qilib kelmoqda. U AQSh tomonidan qo‘llab-quvvatlanadigan harbiy siyosatni olib bormoqchi.

Eslatib o‘tamiz, avvalroq Masato Kanda Osiyo...

Iyul oyida Olmaliq kon-metallurgiya kombinati (OKMK) misni boyitish korxonasini ishga tushirishni rejalashtirmoqda. Bu haqda 2025-yil uchun davlat dasturida ma’lum qilindi.

Birinchi bosqichda zavod yiliga 60 million tonna mis rudasini qayta ishlash imkoniyatiga ega boʻladi. Xomashyo «Yoshlik» konidan konveyer orqali yetkazib beriladi.

Mis boyitish fabrikasi qurilishi OKMK mablagʻlari va xorijiy banklarning kreditlari hisobidan moliyalashtiriladi. Loyihaning eng yirik kreditorlaridan biri Rossiyaning «Gazprombank»i boʻladi. Shuningdek, konni oʻzlashtirish Germaniya banklari konsorsiumi tomonidan moliyalashtiriladi.

Konni modernizatsiya qilish loyihasining umumiy qiymati $4,8 mlrd.ga baholanmoqda. Uni 2026-yilda yakunlash rejalashtirilgan.

Avvalroq Kursiv Uzbekistan 2024-yilda OKMK mahsulotlari eksporti 8,4 foizga kamaygani haqida yozgan edi.

Zambiyaning shimolidagi Nakonde tumanida vaboga qarshi emlash kampaniyasi boshlandi. Bu haqda Sinhua nashri ma’lum qildi.

Kampaniya doirasida 191 ming emlanishi rejalashtirilgan bo‘lib, bir va undan katta yoshdagilar qamrab olinadi. Tuman sog‘liqni saqlash rahbari Filip Munkongening aytishicha, seshanba kuni boshlangan kampaniya uchun 200 ming doza vaksina qabul qilingan. U emlash orqali odamlarni vaboga qarshi immunitetga ega qilishni maqsad qilganliklarini ta’kidladi.

Emlash oldidan aholiga tushuntirish ishlari o‘tkazilgan va barcha tayyorgarlik ishlarining yakunlangani bildirildi. Shu bilan birga, xavfli hududlarda 781 ta sayoz quduq tozalanib, aholini toza ichimlik suvi bilan ta’minlash choralari ko‘rilgan.

Dekabr oyida Nakonde tumanida vabo avj olib, 17 ta holat...

Oʻzbekiston 2025-yilda sanoatning asosiy kapitaliga investitsiyalarni 6,1 foizga oshirishni rejalashtirmoqda. Bu haqda 2025-yil uchun davlat dasturida ma’lum qilindi.

Shuningdek, mamlakat qishloq xoʻjaligi va qurilish sohalariga investitsiyalarni mos ravishda 4,1 foiz va 14,2 foizga oshirishni koʻrib chiqmoqda.

Yillik inflyatsiya darajasini yalpi ichki mahsulotga nisbatan 7-8 foizdan oshirmaslik choralari koʻriladi, konsolidatsiyalashgan budjet taqchilligi esa 3 foizdan oshmasligi belgilangan. 2025-yilda tovar va xizmatlar eksportini 15 foizga oshirish rejalashtirilgan.

Joriy yilning avgust oyiga qadar banklar va yirik korxonalarning ESG tamoyillarini joriy etishga tayyorgarlik darajasi baholanadi. Tekshiruv natijalari asosida barqaror rivojlanish tamoyillarini tatbiq etish boʻyicha dastur ishlab chiqiladi.

Eslatib oʻtamiz, oʻtgan yilning toʻqqiz oyida...

Hukumat qaroriga ko‘ra, avval Gulnora Karimovaga tegishli bo‘lgan «Sijjak» dam olish maskani O‘zbekiston Kasaba uyushmalari federatsiyasiga topshirildi. Ushbu oromgoh 2017-yil 10-fevral kuni Jinoyat ishlari bo‘yicha Toshkent viloyati sudining ajrimi bilan musodara qilingan edi.

5,38 gektar hududni egallagan va 70 milliard so‘mga baholangan ushbu obyekt 2021-2022-yillarda bir necha bor sotuvga qo‘yilgan, ammo xaridor topilmadi. Endilikda obyekt kasaba uyushmalari tasarrufida bo‘ladi.

Avvalroq Kursiv Uzbekistan Shveysariyaning Lombard Odier banki Gulnora Karimova ishi boʻyicha pul yuvishda ayblangani haqida xabar bergan edi.

Yandex qidiruv so‘rovlariga ko‘ra, Chevrolet avtomobillari orasida Cruze, Lacetti va Camaro eng ommabop modellar sifatida aniqlangan. Bu haqda Tarantas nashri xabar berdi.

2024-yil 8-dekabrdan 2025-yil 8-yanvargacha Chevrolet brendi bo‘yicha deyarli 447 mingta qidiruv qayd etildi.

Chevrolet Cruze bir oyda 41,5 ming marta qidirilib, yetakchi bo‘ldi. Chevrolet Niva SUV 35, mingta qidiruv bilan ikkinchi o‘rinda. Chevrolet Lacetti esa 34,1 mingta qidiruv bilan uchinchi o‘rinni egalladi.

Reytingning kuchli beshtaligini Chevrolet Aveo (deyarli 32 ming so‘rov) va Chevrolet Camaro (21,7 ming so‘rov) yakunladi.

Rossiyaliklar orasida Chevrolet Monza va Corvette modellariga esa qiziqish kamroq.

Avvalroq Kursiv Uzbekistan Chevrolet Tahoe Rossiya bozorida sotuvga...

Jamoatchilik muhokamasi uchun «Oʻzbekiston — 2030» strategiyasi doirasida 2025-yilni «Atrof-muhitni asrash va “yashil» iqtisodiyot yili” sifatida belgilab, atrof-muhitni muhofaza qilishga qaratilgan davlat dasturi boʻyicha prezident farmoni loyihasi e’lon qilindi.

Farmonga koʻra, 2025-yil oxirigacha «Yevro-4» ekologik toifasidan past boʻlgan motor yonilgʻisidan foydalanish va sotishni cheklash, shuningdek, respublikaning barcha hududlarida joylashgan issiqlik va elektr energiyasi ishlab chiqarish korxonalariga yoqilgʻi sifatida mazutdan foydalanish taqiqlanishi kutilmoqda.

2025-yil 1-maydan boshlab Toshkent, Nukus va viloyat markazlarida quyidagi faoliyatlarni amalga oshirish taqiqlanadi:

O‘zbekistonda dollar rasmiy kursi pasaydi. Bu haqda Markaziy bank ma’lum qildi.

Regulyator ma’lumotlariga ko‘ra, AQSh dollari endilikda 12 940,44 so‘mga baholanmoqda, ya’ni kurs 22 so‘m 54 tiyinga pasaygan.

Eslatib o‘tamiz, 8-dekabr kuni dollar rasmiy kursi rekord darajaga yetib, 12 962,98 so‘mga ko‘tarilgan edi.

Bundan avval, dollar kursi 7-yanvarda 12 948,10 so‘mga va 4-yanvarda 12 942,01 so‘mga ko‘tarilgan edi.

Kursiv Uzbekistan avvalroq ekspertlardan 2025-yilda dollar kursining qanday o‘sishi mumkinligi haqida so‘ragan edi.

2025-yil boshida so‘mning dollarga nisbatan 13 000 so‘mli psixologik chegaradan o‘tishi ehtimoli mavjud, deydi Alif Uzbekistan rahbari Nuriddin Lafizov. Uning so‘zlariga ko‘ra, yil oxirida...

Prezident qarori loyihasiga ko‘ra, 2025-yilda ekologik rivojlanishga oid yangi chora-tadbirlar amalga oshiriladi. Samarqand va Farg‘ona viloyatlarida ekologik mahsulotlar ishlab chiqarishga ixtisoslashgan sanoat zonalari tashkil etilishi rejalashtirilgan.

Atrof-muhitga ta’siri yuqori sanoat korxonalari uchun imtiyozlar joriy qilinadi. Havo monitoringi stansiyalarini o‘rnatgan korxonalar ekologiyaga yetkazgan zarar to‘lovlarining 50 foizgacha qismini qaytarib olishi mumkin. Chang yig‘uvchilar, gaz va suv filtrlarini o‘rnatish uchun esa kompensatsiyaning 70 foizigacha qaytariladi.

2025-yil 1-avgustdan texnik jihatdan ekologik normativlarni qabul qilish tartibi belgilanadi. 1-oktabrdan energetika, kimyo sanoati va qurilish materiallari tarmoqlarida ekologik standartlarni joriy etish boshlanadi.

Bundan tashqari, kamida 5 ta yirik sanoat korxonasi ESG hisobotlarini nashr etishi lozim...

O‘zbekiston AQSh bilan strategik sheriklikni chuqurlashtirishni rejalashtirmoqda. Bu haqda jamoatchilik muhokamasiga qo‘yilgan 2025-yilga mo‘ljallangan davlat dasturi loyihasida ko‘zda tutilgan.

Loyihada AQSh Kongressi yetakchi a’zolarining O‘zbekistonga tashriflarini tashkil etish nazarda tutilgan. Shuningdek, Amerika qit’asi mamlakatlaridan investorlarni jalb etish va biznes-forumlar orqali savdo-investitsiya hamkorligini jadallashtirish ko‘zda tutilgan.

Unga ko‘ra, Toshkent shahrida AQSh yangi ma’muriyati vakillari bilan yaqin hamkorlik o‘rnatish rejalashtirilgan. Oliy darajadagi tashrifni tashkil etish va strategik sheriklik bo‘yicha muloqotning birinchi bosqichini o‘tkazish ham ko‘zda tutilgan.

Bundan tashqari, joriy yil yakuniga qadar S5+1 formati doirasidagi hamkorlikni faollashtirish rejalashtirilgan. Bu doirada vazirlar uchrashuvlari va ishchi guruhlar yig‘ilishlarini o‘tkazish mo‘ljallangan. Shuningdek...

Geely’ning elektr brendi Zeekr, CES 2025 ko‘rgazmasi arafasida Zeekr RT’ni tanishtirdi. Bu miniven Waymo’ga moslashtirilgan avtonom haydash uchun maxsus ishlab chiqilgan. Zeekr RT «avtonom haydash uchun yaratilgan birinchi ommaviy avtomobil» sifatida e’tirof etiladi. Bu haqida Carnewschina nashri ma’lum qildi.

Zeekr RT ommaviy ishlab chiqarilishi 2025-yilda boshlanib, AQShda foydalaniladi va bu bozorga kirgan birinchi Xitoy avtomobil brendiga aylanadi. Kompaniya bosh direktori Endi An Ces oldidan bu yangilikni taqdim etdi.

Zeekr Mix mikroavtobusining o‘lchamlari 4668/1995/1775 mm (uzunlik/kenglik/balandlik). G‘ildirak bazasi 3008 mm, burilish radiusi esa 4,95 metr. Mix 310 kVt (415 ot kuchi) quvvatli elektromotor bilan jihozlangan. 6,8 soniyada 100 km/soat tezlikka...

Samsung Galaxy S25 smartfonlariga Qualcomm Snapdragon 8 Elite mobil chipini oʻrnatadi. Bu haqda SamMobile xabar berdi.

Bu haqdagi ma’lumotlar bir necha joylarda paydo boʻldi. Shu bilan birga, ba’zilar smartfon Samsung Electronics kompaniyasining Exynos protsessorlari bilan chiqarilishi mumkinligidan xavotirda edi. Janubiy Koreya kompaniyasining ishlanmasi Qualcommʼga unumdorlik va energiya samaradorligi boʻyicha sezilarli darajada yutqazadi.

Qualcomm 2024-yil oktabr oyida Snapdragon 8 Eliteʼni taqdim etdi. Kompaniyaning ta’kidlashicha, u dunyodagi eng tez mobil protsessorga aylangan. Chip 3 nanometrli texnologik jarayon boʻyicha tayyorlangan. U sakkiz yadroli Oryon markaziy protsessor va Adreno 830 grafik protsessor bilan jihozlangan.

Sun’iy intellekt bilan ishlash uchun Snapdragon 8 Elite...

Qozogʻiston prezidenti Qosim-Jomart Toʻqayev mamlakatni yadro energetikasi sohasida jahon yetakchilaridan biriga aylantirish maqsadida atom elektr stansiyalari qurilishini jadallashtirish zarurligini ta’kidladi. Bu haqda davlat rahbari matbuot xizmati xabar berdi.

«Atom stansiyalarini qurishni tezlashtirishimiz kerak. Avvalgi intervyuda ikkita, balki uchta stansiya quramiz, deb aytgandim. Qozogʻistonni rivojlangan yadro energetikasi, sun’iy intellekt va toʻliq raqamlashtirishga ega mamlakatga aylantirish bizning vazifamiz», – dedi Toʻqayev Ostonadagi Loyiha ofisiga tashrifi davomida.

Eslatib oʻtamiz, 2024-yil 6-oktyabr kuni Qozogʻistonda atom elektr stansiyasi qurilishi boʻyicha referendum boʻlib oʻtdi. Unda qatnashganlarning 71,12 foizi mazkur tashabbusni qoʻllab-quvvatladi.

Avvalroq Kursiv Uzbekistan Oʻzbekistondagi AES loyihasiga Rosatomʼdan tashqari...