Yangiliklar

Shavkat Mirziyoyev huzurida sog‘liqni saqlash tizimidagi yutuqlar va kelgusi yilda amalga oshirilishi rejalashtirilgan vazifalar muhokama qilindi. Bu haqda davlat rahbari matbuot xizmati ma’lum qildi.

Unga ko‘ra, so‘nggi yillarda soha rivojlanib, tibbiyot xizmatlari shahardan chekka hududlargacha kengaytirildi. 18 mingdan ortiq tibbiy brigadalar tashkil etildi, kasalliklarni aniqlash va davolashda zamonaviy texnologiyalar joriy etildi.

2024-yilda sohaga 36 trln so‘m ajratilgan bo‘lib, bu o‘tgan yilga nisbatan 25 foizga ko‘pdir. Birlamchi tibbiy xizmatda 6 turdagi skrining tekshiruvlari amalga oshirilib, 100 mingdan ortiq bemor imtiyozli davolanish uchun yo‘llanma oldi. 2025-yilda soha rivojiga yana 41 trln so‘m ajratilishi rejalashtirilgan.

Kelgusi yilda birlamchi bo‘g‘inda tibbiyot sifatini oshirishga...

Energokrizis ta’siri ostida mahsulotlar narxi oshishda davom etmoqda. Iqtisodiyot va moliya vazirligi rasmiy sahifasida 24-dekabr holatidagi narxlarni e’lon qilindi.

Iqtisodchi Otabek Bakirov yozganidek, gazdan uzilgan issiqxonalarda yetishtiriladigan bodring narxi 24 mingdan 40 ming so‘mgacha ko‘tarildi, bu holatni shartli ravishda «bodring indeksi» deb atash mumkin.

Oxirgi haftada boshqa qishloq xo‘jaligi mahsulotlari narxlarida ham sezilarli o‘sish kuzatildi. 24-dekabrga kelib, sabzi narxi 2,5 ming so‘mdan 3 ming so‘mgacha, lavlagi 2,7 ming so‘mdan 3 ming so‘mgacha, pomidor 19 ming so‘mdan 20 ming so‘mgacha, baqlajon 23 ming so‘mdan 24 ming so‘mgacha oshdi.

Shuningdek, mevalar narxi ham ortdi: mandarin 25 ming so‘mdan...

Shavkat Mirziyoyev maktabgacha va maktab ta’limi tizimida 2025-yilda amalga oshiriladigan ustuvor vazifalar bo‘yicha yig‘ilish o‘tkazdi. Bu haqda prezident matbuot xizmati ma’lum qildi.

Unga ko‘ra, bolalar bog‘chalari soni 8 barobar oshib, qamrov 76 foizga yetdi. Yangi o‘quv yilida 100 dan ziyod maktablar qurilib, 257 ming o‘quvchi o‘rni yaratish rejalashtirilgan.

Kelgusi o‘quv yilidan boshlab maktablarda ikkinchi xorijiy til va kasb o‘rgatish kengaytiriladi, inklyuziv ta’lim tizimi yanada rivojlantiriladi. Shuningdek, 1,5 mingta umumta’lim maktabida yangi baholash tizimi joriy qilinadi. O‘qituvchilarga malaka toifasini oshirishda raqamli tizimga o‘tish va pedagoglarga qo‘shimcha ustama to‘lash tizimi belgilandi.

2025-yilda maktabgacha ta’lim tashkilotlari uchun yangi direktor o‘rinbosari lavozimi joriy...

O‘zbekiston Respublikasi qonun loyihasi bilan zargarlik buyumlarini ishlab chiqaruvchilar faoliyatiga doir bir qator o‘zgartirish va qo‘shimchalar kiritilmoqda. Bu haqda Oliy Majlis Qonunchilik palatasi matbuot xizmati ma’lum qildi.

Loyihaga ko‘ra, 2027-yil 1-sentabrga qadar «O‘zbekzargarsanoati» uyushmasiga a’zo bo‘lgan zargarlik buyumlarini ishlab chiqaruvchi tadbirkorlarni mol-mulk va yer solig‘idan ozod etish nazarda tutilgan. Shuningdek, affinaj korxonalariga qimmatbaho metallarni zargarlik buyumlari ishlab chiqaruvchilari uchun qulay shakl va miqdorlarda sotish huquqi beriladi.

Zargarlik buyumlari ishlab chiqaruvchilari o‘zlari yasagan mahsulotlarni boshqa ishlab chiqaruvchilarga realizatsiya qilish huquqiga ega bo‘ladi. Yangi qonun loyihasi xorijda ishlab chiqarilgan qimmatbaho metallardan va toshlardan yasalgan buyumlarni hujjatsiz sotishga taqiqlovchi normani ham o‘z...

Foto:Pexels.com

Oliy Majlis Qonunchilik palatasi yig‘ilishida chiqindilarni to‘plash va olib chiqish xizmatlariga oid qonun loyihasi ko‘rib chiqildi. Ikkinchi o‘qishda qonun loyihasi atroflicha muhokama qilindi.

Loyihada iste’molchilarga qarzdorlikni bartaraf etish imkoniyati yaratish maqsad qilingan. Chiqindi xizmati uchun qarzdorlik yuzasidan xabar beriladi. Besh kunlik muddatdan so‘ng qarzdorlikni bartaraf etmaganlarga cheklov qo‘yiladi. Elektr energiyasi to‘lovlarini qabul qilish vaqtincha to‘xtatiladi.

Maishiy chiqindilarni olib ketishga ixtisoslashtirilgan tashkilotlar javobgar bo‘ladi. Talablar buzilgan hollarda iste’molchiga yetkazilgan zarar qoplanadi.

Avvalroq Kursiv Uzbekistan mamlakatda ikki mingga yaqin noqonuniy chiqindixonalar aniqlangani haqida xabar bergan edi.

Foto: Rossiya prokraturasi

24-dekabr kechasi Tataristonning Yelabuga tumanidagi Malorechenskiy qishlog‘ida fermer xo‘jaligi ishchilari uchun mo‘ljallangan vaqtinchalik boshpanada yong‘in sodir bo‘ldi. Yong‘in natijasida olti kishi halok bo‘ldi. Boshpana ichida 39 nafar ishchi bo‘lgan. 33 kishi o‘z vaqtida xavfsiz joyga chiqishga muvaffaq bo‘lgan. Bir kishi jarohat olib, tibbiy yordamga murojaat qilgan.

Vayronalarni tozalash chog‘ida olti kishining jasadi topildi. Manbalarga ko‘ra, halok bo‘lganlarning besh nafari O‘zbekiston fuqarolaridir. Dastlabki prognozlarga ko‘ra, yong‘inga elektr simlarining nosozligi sabab bo‘lishi mumkin.

Voqea joyiga Yelabuga tumanining prokurori Ayrat Nizoyev va uning o‘rinbosari Artur Knyazev yetib bordi. Prokuratura tomonidan protsessual tekshiruv o‘tkazilmoqda.

Tatariston Respublikasi Raisi Rustam Minnixanov fermer...

Foto:treadfirst.co.uk

Statistika agentligi ma’lumotlariga ko‘ra, 2024-yilning yanvar – noyabr oylarida O‘zbekistonga xorijdan 22,2 mingta elektromobil import qilindi. Ushbu mashinalarning narxi $215,3 millionga baholanmoqda.

O‘zbekiston eng ko‘p elektromobil import qilgan davlat Xitoy bo‘lib, 22,1 mingta mashina keltirilgan. Ikkinchi o‘rinda Qozog‘istondan import qilingan 51 ta elektromobil qayd etilgan. Uchinchi o‘rinda Gonkong joylashib, u yerdan 17 ta elektromobil olib kelingan. Germaniyadan esa 14 ta elektromobil import qilingan.

Boshqa davlatlardan jami 29 ta elektromobil keltirilgani ma’lum bo‘ldi. Statistika elektromobil importining asosiy qismi Xitoydan ekanini ko‘rsatmoqda.

Avvalroq Kursiv Uzbekistan respublikamiz avtosanoati ishlab chiqarishni 1,6% ga oshirgani haqida xabar bergan edi.

Foto:Pexels.com

Kriptovalyuta sanoati Donald Trampning yangi prezidentlik davrida kripto siyosatini yangilashni boshlashini kutmoqda. Reuters xabariga ko‘ra, Tramp 20-yanvar kuni immigratsiyadan tortib energetikagacha farmonlar chiqarishi kutilmoqda.

Polygon Labs kompaniyasining bosh huquqshunosi Rebekka Rettig farmonlarning aniq yo‘nalishni belgilashini ta’kidladi.

Bayden davrida nazorat kuchaygan bo‘lsa, Tramp nazoratni yumshatishni va’da bergan. Kriptoga do‘stona munosabatda bo‘lgan Pol Atkinson va Devid Sacks Tramp jamoasiga qo‘shilgan. Tramp jamoasi vakili Bryan Hyuz nazorat innovatsiyani bo‘g‘ayotganini va’da bilan bog‘ladi.

So‘nggi oylarda bitkoin qiymati yangi rekordlarni yangiladi, ammo hozir pasaymoqda. Analitiklar bitkoin zaxirasini farmon orqali yaratish imkoniyatiga nisbatan bahslashmoqda.

Eng yirik kriptovalyuta AQSh Federal Rezerv Tizimi (FRT) raisi Jerom Pauellning...

24-dekabr kuni O‘zbekiston Respublikasi valyuta birjasida AQSh dollari kursi 7,80 so‘mga oshib, 12 909,80 so‘mga yetdi.

Mamlakatning tijorat banklari AQSh valyutasini 12 830 – 12 865 so‘mdan xarid qilishmoqda va 12 895 – 12 965 so‘mdan sotishmoqda.

Eslatib o‘tamiz, O‘zbekistonda 23-dekabr kuni dollarning rasmiy kursi ilk bor 12 900 so‘mdan oshgan edi.

2024-yilning yanvar – noyabr oylarida O‘zbekiston xorijiy davlatlarga $2,6 milliardlik tekstil mahsulotlari sotdi, deya xabar berdi respublika Statistika agentligi. O‘tgan yilning shu davriga nisbatan bu ko‘rsatkich 6,4 foizga kamaydi.

Mamlakat, asosan, boshqa mamlakatlarga kalava ip yetkazib berdi – uning eksportidan kelgan daromad $1,1 milliardni tashkil etdi.

Bundan tashqari, davlat $1 milliardlik tayyor to‘qimachilik va va $271,4 millionlik trikotaj mahsulotlarini chet elga sotgan.

Avvalroq Kursiv Uzbekistan Britaniyaning FashionNet kompaniyasi O‘zbekistondagi to‘qimachilik ishchilariga o‘z mahsulotlarini ilgari surishda yordam berishga tayyorligi haqida yozgan edi.

Foto:Pexels.com

O‘zbekistonda rasmiy faoliyat ko‘rsatayotgan kriptodo‘konlar soni yettitadan oltitaga kamaydi. Crypto trade net MCHJning litsenziyasi 2024-yil 24-oktabrda Istiqbolli loyihalar milliy agentligi tomonidan bekor qilindi.

«Kripto-do‘konning o‘z arizasiga binoan amaldagi litsenziyasi tugatildi», – deya qo‘shimcha qildi ILMA matbuot xizmati Kursiv Uzbekistanga.

Hozirda faoliyat ko‘rsatayotgan litsenziyali kriptodo‘konlar ro‘yxati quyidagicha: Crypto market, Crypto express, C-base, Paynet crypto, T-rec, Coinpay.

Bundan tashqari, uchta kriptodo‘konning litsenziyasi vaqtincha to‘xtatilgan. Kursiv bu haqda avvalroq yozgan edi. Bu do‘konlarning ish faoliyati yaqinda qayta tiklanishi kutilmoqda.

Apple kompaniyasi bozor kapitallashuvi $4 trillionga yaqinlashib, tarixiy natijaga erishmoqda, deb xabar bermoqda Reuters. Investorlar sun’iy intellekt sohasidagi rivojlanish va yangi texnologiyalarni kompaniyaning o‘sish manbasi sifatida ko‘rmoqda.

So‘nggi oylarda Apple aksiyalari qariyb 16 foizga oshdi. Kompaniya qiymatiga taxminan $500 milliard qo‘shilish kuzatilmoqda. Ushbu natija kompaniyani bozor lideri sifatida yana bir bor tasdiqlamoqda.

Sun’iy intellekt texnologiyalari investorlar e’tiborini jalb qilmoqda. Tahlilchilar kompaniyaning sustlashayotgan iPhone savdolarini tiklash uchun bu yo‘nalishni muhim deb baholamoqda.

Maxim Group tahlilchisi Tom Forte sun’iy intellektga bo‘lgan e’tibor aksiyalar o‘sishini kuchaytirayotganini bildirdi. Kompaniya aksiyalari so‘nggi ikki yil ichida deyarli ikki baravar oshgan.

Apple avvalgi yillarda sun’iy intellekt...

Turkiyaning Balikesir viloyatidagi portlovchi moddalar zavodida kuchli portlash sodir bo‘ldi. CNN Turk ma’lumotiga ko‘ra, hodisa 12 kishining hayotiga zomin bo‘lgan.

Balikesir gubernatori Ismoil Ustao‘g‘lining so‘zlariga ko‘ra, kamida uch kishi jarohatlangan. Yaradorlarning hayoti xavf ostida emasligi ma’lum qilindi.

«Snaryadlar ishlab chiqarilgan hududda portlash yuz berib, bino qulab tushdi», – dedi gubernator. Uning aytishicha, vayronalar ostida odamlar bo‘lishi ehtimoli bor.

Zavodda jami mingga yaqin ishchilar mehnat qilardi. Portlash joyiga zudlik bilan qutqaruvchilar, o‘t o‘chiruvchilar va shifokorlar yetib kelishdi.

Hodisa sabablarini aniqlash bo‘yicha tergov ishlari boshlangan. Huquq-tartibot organlari sabotaj ehtimolini ham ko‘rib chiqmoqda. Qutqaruv ishlari davom etmoqda.

Chery kompaniyasi Oʻzbekiston bozori uchun navbatdagi Krossover Tiggo 2 Pro avtomobilini taqdim qildi. Bu haqda kompaniya o‘zining ijtimoiy tarmoqlardagi sahifalarida ma’lum qildi.

Krossover CVT pogʻonasiz uzatmalar qutisi bilan ishlaydigan bir litr ega turbo dvigatel bilan jihozlangan. Model ikki rangli 17 dyuymli disklar va LED elementlari, spoyler va hajmi 420 litr boʻlgan qulay yukxonasi mavjud boʻlgan oʻzgacha uslubli orqa qismga ega. Krossover AI-92 va undan yuqori yonilgʻida ishlaydi, yonilgʻi sarfi esa aralash siklda 100 km uchun 6,3 litrni tashkil qiladi.

Avtomobilning ful komplektatsiya narxi 214,9 mln soʻmni tashkil qiladi.

Avvalroq Kursiv Uzbekistan Chery Tiggo 5x High Energy Edition avtomobilining chiqish...

Foto: Yandex.uz

«Texnomart» MCHJ Telegram kanalida joylashtirilgan reklamalar qonunga zid deb topildi.

Reklamada mobil telefonlar narxi va to‘lov shartlari bo‘rttirib ko‘rsatilgan. Masalan, Vivo Y03 telefoni uchun 213,2 ming so‘m oylik to‘lov ko‘rsatilgan. Honor X7b telefoni uchun esa 274,2 ming so‘m oylik to‘lov belgilangan.

Qo‘mita boshqa savdo do‘konlaridagi narxlar bilan solishtirish o‘tkazdi. Tahlillar natijasida «Texnomart»dagi narxlar yuqoriligi kuzatildi.

Reklamalarda «eng», «eng yaxshi» kabi tasdiqsiz nisbatlar ishlatilgan. Bu da’volarni tasdiqlovchi hujjatlar taqdim etilmagan.

Maxsus komissiya reklama qonunchiligini buzganlik uchun «Texnomart»ga ish qo‘zg‘atdi va kompaniyaga moliyaviy jarima qo‘llandi.

Shuningdek, qonunbuzilish holatini bartaraf etish bo‘yicha ko‘rsatma berildi. Bu holatlar kelgusida takrorlanmasligi ta’kidlandi.

Avvalroq...

Rossiya Musulmonlar diniy boshqarmasi Ulamolar kengashi yangi qaror qabul qildi. Ko‘pxotinlikka ruxsat beruvchi fatvo bekor qilinganini Moskva muftiysi Shamil Alyautdinov ma’lum qildi.

Fatvo Rossiya Federatsiyasi Oila kodeksi talablarini buzgan deb topilgan. Bosh prokuratura fatvoni bekor qilish haqida ko‘rsatma bergan edi.

«Bu Xudoning irodasi», – deb yozdi Shamil Alyautdinov. Ulamolar kengashi tortishuvlardan qochish maqsadida qarorni qabul qilganini bildirdi.

Ko‘pxotinlik sharti har bir xotinga alohida turarjoy ajratishni talab qiladi. Shuningdek, xotinlar bilan kelishilgan tartibda vaqt o‘tkazish zarur edi.

Fatvo ayrim holatlarda istisnolarni nazarda tutgandi. Ayollardan biri shartlarni rad etsa, istisno qo‘llanilishi mumkin edi. Shuningdek, birinchi...

AQSh prezidenti Jo Bayden 2025-yilga moʻljallangan mudofaa budjetini tasdiqladi. Bu haqda Oq uy saytida ma’lum qilindi.

«Prezident 2025-moliya yiliga moʻljallangan milliy mudofaa mablagʻlari toʻgʻrisidagi hujjatni qonun sifatida imzoladi», – deyiladi xabarda.

Avvalroq $895 milliardlik mudofaa budjeti AQSh Kongressining ikkala palatasi tomonidan kelishilgan edi. Bu o‘tgan yildagiga nisbatan $9 milliardga ko‘pdir.

Vashington AQShning Hind-Tinch okeani mintaqasidagi ishtirokini kuchaytirish uchun mablagʻ ajratishni rejalashtirmoqda. Shuningdek, harbiy xizmatchilarning maoshlarini oshirish, yettita yangi kema qurish va mamlakatning mudofaa sanoati bazasini mustahkamlash rejalashtirilgan.

Financial Times nashrining yozishicha, Donald Tramp yangi ma’muriyat tuzilgach Ukrainaga harbiy yordam koʻrsatishga va’da bergan...

Adliya vazirligi «Advokatlik tuzilmalari tomonidan statistik ma’lumotlarni taqdim qilish tartibi to‘g‘risidagi» nizomni davlat ro‘yxatidan o‘tkazdi. Bu haqda Adliya vazirligi ma’lum qildi.

Unga ko‘ra, advokatlik tuzilmalari har bir hisobot davri uchun statistik ma’lumotlarni taqdim etishlari shart.

Advokatlik tuzilmasi rahbari statistik ma’lumotlarni «Yuridik yordam» axborot tizimi orqali joylashgan joydagi Advokatlar palatasi hududiy boshqarmasiga 10-iyulgacha birinchi, 10-yanvargacha esa ikkinchi hisobot davri uchun taqdim etishi kerak. Agar advokat advokatlik tuzilmasidan chiqsa, unga qadar amalga oshirilgan faoliyatiga oid statistik ma’lumotlar taqdim etilishi zarur.

Tizim orqali umumlashtirilgan statistik ma’lumotlar har bir hisobot davri yakunlanganidan so‘ng Advokatlar palatasiga yuboriladi.

Eslatib o‘tamiz, avvalroq davlat xizmatlaridan foydalanish...

Shavkat Mirziyoyev 25-26-dekabr kunlari Rossiya Federatsiyasining Sankt-Peterburg shahrida bo‘lib o‘tadigan MDH va YEOII sammitlarida ishtirok etish uchun amaliy tashrif bilan boradi. Bu haqda davlat rahbari matbuot xizmati ma’lum qildi.

Unga ko‘ra, O‘zbekiston rahbari Mustaqil Davlatlar Hamdo‘stligi davlat rahbarlarining norasmiy uchrashuvi va Oliy Yevroosiyo iqtisodiy kengashining yig‘ilishida kuzatuvchi sifatida qatnashadi.

Sammitlarda o‘zaro manfaatli hamkorlikni rivojlantirish, kelgusi yil uchun ustuvor yo‘nalishlarni belgilash va amalga oshirilgan ishlarning yakunlarini muhokama qilish rejalashtirilgan.

Eslatib o‘tamiz, avvalroq Saida Mirziyoyeva prezidentdan topshiriq olgani haqida yozgan edik.

Oʻzbekiston xalq artisti, teatr va kino aktrisasi Shafoat Rahmatullayeva 83 yoshda vafot etdi. Bu haqda Madaniyat vazirligi matbuot xizmati xabar berdi.

Shafoat Rahmatullayeva 1941-yilning 4-yanvarida Fargʻona viloyatining Furqat tumanida tugʻilgan. Koʻp yillar davomida teatr sohasida faoliyat yuritib kelgan. Shu bilan birga, kinofilmlarda turli rollarni ham ijro etgan.

U faoliyati davomida «Masxaraboz», «Sevginator», «Sevginator-2», «Er bermoq – jon bermoq», «Chashma», «Maftun boʻldim», «Oʻzimdan oʻzimgacha», «Fidoyilar», «Poyga», «Sehrli qalpoqcha», «Sariq devni minib», «Hokim buva» kabi filmlarda suratga tushgan.

Avvalroq «Kursiv» Oʻzbekiston xalq artisti Toʻlqin Tojiyev 88 yoshida vafot etgani haqida xabar bergan edi.

Gavayi orollarida dunyodagi eng faol vulqonlardan biri hisoblangan Kilauea vulqoni otilishni boshladi, deb xabar berdi The Guardian portali.

Kilauea Gavayi vulqonlari milliy bogʻining tashrif buyuruvchilar uchun yopiq zonasida joylashgan. Kuzatuvchilarning ma’lumotlariga koʻra, qoʻzgʻalish kalderasi (vulkan choʻqqisi) bilan cheklangan.

Vulqon dushanbaga oʻtar kechasi otila boshlagan. Bir kun avval Amerika Qoʻshma Shtatlari Geologiya xizmati tomonidan toʻgʻridan-toʻgʻri translyatsiya tashkil etildi. Uning yordamida lava favvoralarining balandligi 80 metrga yetishini koʻrish mumkin boʻldi.

«Lava bunday otilishlarning boshlanishida odatda kuzatiladiganiga qaraganda tezroq chiqmoqda», – deya vaziyatni izohladi Gavayi vulqon observatoriyasi ilmiy rahbari Ken Xon.

Kursiv Uzbekistan avvalroq dekabr oyi boshida Rossiyada...

Qoraqalpog‘iston Respublikasini 2025-yilda ijtimoiy-iqtisodiy rivojlantirishning ustuvor vazifalariga bag‘ishlangan yig‘ilishda prezident yordamchisi Saida Mirziyoyeva ham ishtirok etdi va topshiriqlar oldi. Bu haqda u o‘zining Telegram kanalida ma’lum qildi.

Unga ko‘ra, yig‘ilishda hududning imkoniyatlarini ro‘yobga chiqarish, investitsiyalarni ko‘paytirish, yangi ish o‘rinlari yaratish va aholi turmush sifati hamda daromadlarini oshirish choralari muhokama qilindi.

Davlat rahbari, shu jumladan, loyiha ofisini tashkil etish va uni qishloq xo‘jaligi, sanoat va turizmni rivojlantirishga yo‘naltirish haqida topshiriq berdi. Kelgusi yil uchun belgilangan vazifalar keng bo‘lib, barcha maqsadlarga erishish uchun to‘liq sa’y-harakatlar amalga oshiriladi.

Eslatib o‘tamiz, avvalroq Saida Mirziyoyeva xalqaro fan olimpiada g‘oliblari bilan...

Toshkent shahrida havo biroz bulutli bo‘lib, yog‘ingarchilik kutilmaydi. Shamol sharqdan 3-8 m/s tezlikda esadi. Harorat kechasi 3-5° sovuq, kunduzi 6-8° iliq bo‘ladi, deb yozadi «O‘zgidromet».

Qoraqalpog‘iston Respublikasi va Xorazm viloyatida havo biroz bulutli bo‘lib, yog‘ingarchilik kutilmaydi. Shamol sharqdan 7-12 m/s tezlikda esadi. Harorat kechasi 5-10° sovuq, kunduzi 2-7° iliq bo‘ladi.

Buxoro va Navoiy viloyatlarida ham havo biroz bulutli, yog‘ingarchilik kutilmaydi. Ba’zi joylarda tuman tushishi mumkin. Shamol sharqdan 7-12 m/s tezlikda esadi. Harorat kechasi 2-7° sovuq, kunduzi 7-12° iliq bo‘ladi.

Toshkent, Sirdaryo, Samarqand va Jizzax viloyatlarida havo biroz bulutli, yog‘ingarchilik kutilmaydi, ba’zi joylarda tuman tushishi mumkin. Shamol sharqdan...

O‘zbekiston Respublikasi hukumatining ayrim qarorlariga o‘zgartirishlar va qo‘shimchalar kiritish to‘g‘risidagi hukumat qarori qabul qilindi. Bu haqda Adliya vazirlligi ma’lum qildi.

Unga ko‘ra, davlat xizmatlari ko‘rsatishda yangi tartiblar o‘rnatildi. Jumladan, 5 turdagi davlat xizmatlari proaktiv tarzda va 6 turdagi xizmatlar kompozit tarzda ko‘rsatiladi.

Proaktiv davlat xizmatlari jismoniy va yuridik shaxslarning murojaatlarisiz, organlarning tashabbusi bilan ko‘rsatiladi. Bunga elektr, tabiiy gaz, ichimlik suvi, issiq suv va xususiy bandlik agentliklarini reyestrga kiritish kabi xizmatlar kiritilgan.

Kompozit davlat xizmati esa bitta murojaat asosida bir necha davlat xizmatlari majmuasini ko‘rsatishni ta’minlaydi. Masalan, ko‘chmas mulkka bo‘lgan huquqni davlat ro‘yxatidan o‘tkazish, ijara shartnomalarini davlat soliq xizmati organlarida...