Yangiliklar

AQShning yangi saylangan prezidenti Donald Tramp Meksika va Kanadaga subsidiyalar masalasi sabab AQSh tarkibiga kirishni taklif qildi. U bu haqda NBC News telekanalidagi dasturda ma’lum qildi.

Trampning soʻzlariga koʻra, agar ushbu davlatlar AQSh subsidiyalaridan foydalanishni davom ettirmoqchi boʻlsa, shtat maqomini qabul qilishlari lozim. Shuningdek, u migrantlar oqimi va giyohvandlik moddalari savdosiga qarshi choralar koʻrilmasa, bu mamlakatlardan import qilinadigan mahsulotlarga 25 foizlik boj solinishidan ogohlantirdi.

«Biz Kanadaga har yili $100 milliarddan ortiq, Meksikaga esa qariyb $300 milliard subsidiya beramiz. Bu qanchalik mantiqli? Nega biz ularga subsidiya toʻlashimiz kerak? Agar bu jarayon davom etishini xohlasalar, ular AQShning...

Respublikaning ayrim hududlarida avtomobillarga gaz to‘ldirish shoxobchalari faoliyatiga qisqa muddatli cheklovlar kiritilishi ko‘zda tutilmoqda. Bu haqda Energetika vazirligi xabar berdi.

Havo haroratining pasayishi va gaz iste’molining oshishi quvurlardagi bosimning pasayishiga olib kelmoqda.

Cheklovlar mahalliy hokimliklar rejasiga muvofiq joriy etilib, rasmiy axborot orqali ma’lum qilinadi.

Aholiga qulaylik yaratish maqsadida «Avto24» ilovasi (Android va Ios) orqali yonilg‘i quyish, gaz to‘ldirish va elektr quvvatlash shoxobchalari haqida onlayn ma’lumot olish imkoniyati mavjud. Elektr yoki gaz ta’minoti bilan bog‘liq savollar uchun 1154, 1104 va 104 qisqa raqamlariga yoki tegishli Telegram botlariga murojaat qilish mumkin.

Avvalroq Kursiv Uzbekistan tabiiy gaz tariflari lokal qozonxonalar...

Bugun, 10-dekabr kuni O‘zbekistonda sovuq ob-havo bo‘ladi. Yog‘ingarchilik kuzatilmaydi. Kunduzi havo 0-5 darajagacha sovuq, kechga kelib havo 5-10 daraja sovuq bo‘ladi. Bu haqda Gidrometeorologiya xizmati agentligi xabar berdi.

Poytaxtda ham yog‘ingarchilik kuzatilmaydi. Kunduzi havo 1 daraja sovuq, kechga kelib 6-8 daraja sovuq bo‘ladi.

Tog‘li hududlarda ham yog‘ingarchilik kuzatilmaydi. Kunduzi havo 5-10 daraja sovuq, kechqurun esa 13-18 daraja sovuq bo‘ladi.

Bugun, 9-dekabr kuni Xiaomi kompaniyasi oʻzining yangi avtomobili – Yu7 krossoverining rasmiy fotosuratlarini e’lon qildi. Bu haqda ithome xabar berdi.

Ta’kidlanishicha, avtomobil SU7 sedani uslubida ishlab chiqarilgan, lekin yangi koʻrinishi Ferrari Purosanguega juda oʻxshab ketadi.

Xitoyning oʻzida avtomobilning rasmiy tasvirlari bunchalik erta e’lon qilinishi kutilmagan edi, ammo bu Xitoyning Sanoat vazirligi tomonidan yangilikning jonli suratlari e’lon qilingani bilan bogʻliq boʻlishi mumkin. Shuningdek, krossoverning xususiyatlar ma’lum qilindi. Shu bilan birga, xususiyatlar ma’lum boʻldi, ya’ni Xiaomi YU7 oʻlchamlari 4999 x 1996 x 1600 mm, gʻildirak bazasi – 3000 mm.ni tashkil qiladi.

Xiaomi YU7 Xitoy bozoriga 2025-yilning birinchi choragida chiqishi kerak. U...

Oʻzbekiston Tailand bilan Jahon savdo tashkilotiga (JST) a’zo boʻlish boʻyicha muzokaralarni yakunladi. Bu haqda Tailand qirollikning tashkilotdagi vakili Pimchanok Pitfield ma’lum qildi.

Pitfield Oʻzbekiston Respublikasining JSTga qoʻshilishi toʻgʻrisidagi bitim bayonnomasini imzoladi. Uning ta’kidlashicha, tashkilotga a’zolik maqomi respublikaga boshqa davlatlar bilan tovar ayirboshlashni koʻpaytirish va investitsiyalarni yanada samarali jalb qilish imkonini beradi.

Tailand vakili ikki mamlakatning savdo aloqalarini kengaytirish, qoʻshma gumanitar tashabbuslarni rivojlantirishga intilishini ta’kidladi.

Eslatib o‘tamiz, Tailand Oʻzbekistonning JSTga a’zo boʻlishini ma’qullagan 25-davlatga aylandi.

Avvalroq Kursiv Uzbekistan Oʻzbekistonning tashqi savdo aylanmasi $54 milliardga yetgani haqida xabar bergan edi.

Kia kompaniyasining Janubiy Afrikadagi boʻlinmasi marketing boʻlimi boshligʻi Kristo Valentin Tasman pikapining elektr versiyasi ishlab chiqarilishi haqida gapirdi, deb xabar bermoqda CarBuzz.

«Ehtimol, men buni aytmasligim kerakdir, lekin bizni elektr varianti kutmoqda», – dedi kompaniya vakili jurnalistlar bilan davra suhbatida.

Rasmiy ravishda Kia pikapning faqat benzinli va gibrid versiyalari haqida xabar bergan edi. Lekin Tasman modulli tizimda ishlab chiqarilishi bir necha bor ta’kidlandi. Uning elektr versiyasi haqidagi mish-mishlar Tasman prototiplarining fotosuratlarini chiqargan guvohlarning xabarlari bilan kuchaygan.

Hozircha Kia Kristo Valentinning soʻzlariga rasmiy izoh bermagan. Jurnalistlar elektromobil bozorga faqat 2027-yilga kelib chiqishini taxmin qilmoqda...

Mark Julian Treynor Yangi Zelandiyaning Oʻzbekistondagi elchisi etib tayinlandi. Bu haqda Tashqi ishlar vazirligi xabar berdi.

Tashqi ishlar vazirligida boʻlib oʻtgan uchrashuvda yangi elchi va tashqi ishlar vaziri Baxtiyor Saidov qishloq xoʻjaligi, yashil moliyalashtirish va sanoatni rivojlantirish boʻyicha hamkorlikni muhokama qildi. Vazir yangi elchini tayinlangani bilan tabriklab, tashqi ishlar vazirliklari ikki mamlakat oʻrtasidagi oʻzaro manfaatli munosabatlar uchun harakatlantiruvchi kuchga aylanishi kerakligini ta’kidladi.

Eslatib o‘tamiz, Mark Julian Treynor 2023–2024-yillarda Yangi Zelandiyaning Oʻzbekistondagi elchisi lavozimida ishlagan Sara Meri Uolsh oʻrniga tayinlandi.

Ma’lumot uchun, Oʻzbekiston va Yangi Zelandiya oʻrtasidagi diplomatik munosabatlar 1992-yil 11-mart kuni oʻrnatilgan. 2019-yil 1-fevralda Oʻzbekiston Yangi Zelandiya fuqarolari uchun...

Oʻzbekistonlik bokschi Isroil Madrimovning 21-dekabr kuni Saudiya Arabistonining Ar-Riyod shahrida boʻlib oʻtadigan professional boks oqshomidagi jangi bekor qilindi.

Turnirning super yarim oʻrta vazn toifasidagi sobiq jahon chempioni Isroil Madrimov ukrainalik Sergey Bogachukka qarshi ringga chiqishi kerak edi. Lekin Madrimov oʻtkir bronxit tufayli jangda qatnasha olmaydigan bo‘ldi.

Uning oʻrnini 21-dekabr kuni angliyalik Ishmael Devis egallaydi.

Ma’lumot uchun, 29 yoshli Isroil Madrimov 12 ta jang oʻtkazib, shundan 10 tasida gʻalaba qozongan, 1 tasida magʻlubiyatga uchragan va 1 tasida durang qayd etgan.

Avvalroq Kursiv Uzbekistan Isroil Madrimovning Verjil Ortis bilan jangi rasman tasdiqlangani haqida xabar bergan edi.

Kia India kompaniyasi Kia Syros avtomobilining yana bir tizerini taqdim etdi. Ixcham yoʻltanlamas avtomobil 19-dekabr kuni jahon bozorida sotuvga chiqariladi.

Kia Syros old tomonida vertikal joylashgan LED faralar va orqa tomonida L-shaklidagi LED chiroqlari bo‘lgan qutisimon dizaynga ega bo‘ladi. Avtomobil, shuningdek, tom bilan bir tekislikdagi eshik tutqichlari, qoraytirilgan C-shaklidagi ustunlar va tom ustidagi reylinglarga ega bo‘ladi.

Avtomobilda ADAS tizimi, old tomondan to‘xtash datchiklari, panoramali tom lyuki, avtomatik iqlim boshqaruvi, shamollatiluvchi old o‘rindiqlar va 360 darajali kamera kabi funksiyalar mavjud bo‘ladi.

OAV xabarlariga ko‘ra, Syros ikki xil dvigatel varianti bilan taqdim etiladi. Bularning biri 118 ot kuchi va 172 Nm...

Janubiy Koreya prezidenti Yun Sok Yolga mamlakatdan tashqariga chiqish taqiqlandi. Bu haqda dushanba kuni boʻlib oʻtgan parlament eshituvida mamlakat Adliya vazirligi vakili ma’lum qildi, deb xabar bermoqda Reuters.

Janubiy Koreyaning «Yonhap» agentligi ma’lumotiga koʻra, dushanba kuni yuqori lavozimli amaldorlar oʻrtasidagi korrupsiyani tergov qilish boshqarmasi boshligʻi prezidentning safarlarini taqiqlashni soʻrashga buyruq berganini ma’lum qildi. Oxir-oqibat Adliya vazirligi taqiq qoʻydi.

Eslatib oʻtamiz, Janubiy Koreyada harbiy holat e’lon qilishga urinishi muvaffaqiyatsizlikka uchragan Yun Sok Yol lavozimini saqlab qolgan – parlament impichment toʻgʻrisidagi qarorni qabul qila olmagandi.

Avvalroq Kursiv Uzbekistan Janubiy Koreya prezidenti harbiy holat joriy etgani uchun xalqdan uzr soʻragani haqida xabar...

Oʻzbekistonlik para sportchilar sportning moslashtirilgan turlari boʻyicha oʻsmirlar oʻrtasidagi «Worldability Sport – 2024» musobaqasida 72 ta medalni qoʻlga kiritib, birinchi oʻrinni egalladi.

Musobaqa Tailandning Nakhonratchasima shahrida boʻlib oʻtdi. 18 ta davlatdan kelgan para sportchilar toʻrtta moslashtirilgan yoʻnalish — pauerlifting, yengil atletika, stol tennisi va bochcha (bouling va petankka oʻxshash harakat imkoniyati cheklangan insonlar uchun oʻyin) boʻyicha bellashdi.

Musobaqa yakunida Oʻzbekiston terma jamoasi 55 ta oltin, 9 ta kumush va 8 ta bronza medalini qoʻlga kiritdi. 8-dekabr kuni Toshkent aeroportida sportchilarni tantanali kutib olish marosimi boʻlib oʻtdi.

2024-yilgi musobaqa Worldability Sportning oʻsmirlar oʻrtasidagi ikkinchi oʻyinlari boʻldi.

Avvalroq Kursiv Uzbekistan nogironligi...

AQShning yangi saylangan prezidenti Donald Tramp tugʻilganlik huquqi boʻyicha Amerika fuqaroligini berishga chek qoʻyishni rejalashtirmoqda. Bu haqda BBC xabar berdi.

Hozirda tugʻilish huquqi boʻyicha fuqarolikka ega boʻlishni Konstitutsiyaga kiritilgan 14-tuzatish kafolatlaydi. Uning matniga koʻra, ota-onasining fuqaroligidan qat’i nazar, shtat hududida tugʻilgan har qanday odam AQSh fuqarosi hisoblanadi. Tuzatish 1868-yilda Shimol va Janub urushi paytida kiritilgan.

Respublikachilar bu holatni bir necha bor tanqid qildi. Partiya tarafdorlarining fikriga koʻra, ota-onasi AQSh fuqarosi boʻlmagan bolaga fuqarolik berish adolatdan emas. Bundan tashqari, fuqarolik berish «tugʻuruq turizmiga» olib keldi. Tadqiqotchilarning ma’lumotlariga koʻra, har yili 30 mingdan ortiq ayollar bola tugʻish uchun qisqa muddatli vizalar...

Toshkent vaqti bilan soat 08:24 da Qozog‘istonda 3,8 magnitudali zilzila sodir bo‘ldi. Bu haqda FVV Seysmoprognostik monitoring respublika markazi xabar berdi.

Chuqurlik 15 km, zilzila episentri Toshkentdan 85 km janubiy-g‘arbda joylashgan. Zilzila koordinatalari: 40,71 gradus shimoliy kenglik; 68,52 gradus sharqiy uzunlik. Magnituda М=3,8.

Avvalroq Kursiv Uzbekistan Qirgʻizistonda sodir boʻlgan zilzila Oʻzbekiston hududlarida sezilgani haqida xabar bergan edi.

«Toshkent» respublika fond birjasi 10-dekabrdan «OʻzElektroterm» AJning qimmatli qogʻozlari savdosini toʻxtatadi. Bu haqdagi ma’lumot savdo maydonchasi portalida e’lon qilindi.

Ma’lum qilinishicha, «OʻzElektroterm» MCHJga aylantirilishi munosabati bilan kompaniyaning oddiy va imtiyozli aksiyalari savdosi toʻxtatiladi.

Ma’lumot uchun, OʻzElektroterm 1994-yilning kuzida tashkil etilgan boʻlib, korxona poyabzal ishlab chiqarish bilan shugʻullanadi.

Avvalroq Kursiv Uzbekistan Markaziy depozitariy aksiyalar bilan bitimlar uchun komissiyani oshirgani haqida yozgan edi.

Suriyaning sobiq prezidenti Bashar Asad oilasi bilan Moskvaga keldi va Rossiya ularga gumanitar sabablarga ko‘ra boshpana berdi. Bu haqda TASS agentligiga Kreml vakili ma’lum qildi.

«Asad oila a’zolari bilan Moskvaga yetib keldi. Rossiya gumanitar tamoyillarni inobatga olgan holda ularga boshpana taqdim etdi», – deydi manba.

Rossiya Suriyadagi vaziyatni BMT yordamida muzokaralar orqali hal qilishni zarur deb hisoblamoqda. Shu bilan birga, qurollangan Suriya muxolifati yetakchilari Rossiyaning Suriya hududidagi harbiy bazalari va diplomatik vakolatxonalari xavfsizligini kafolatlagan.

Avvalroq OAVda Asadning samolyoti radarlardan yo‘qolgani sababli halok bo‘lishi mumkinligi haqidagi tasdiqlanmagan ma’lumotlar tarqalgan edi. Bu haqda Reuters agentligi...

Yosh o‘zbekistonliklarga Work and Travel dasturi bo‘yicha Yevropa davlatlariga safar qilmoqchi bo‘lganlarga, safar xarajatlarini qoplash uchun kredit ajratish rejalashtirilgan. Bu haqda davlat rahbari matbuot xizmati xabar berdi.

2025-yildan boshlab ushbu maqsadlar uchun kreditlar Yoshlar masalalari agentligi tomonidan taqdim etiladi.

Ushbu tashabbus O‘zbekiston prezidenti Shavkat Mirziyoyev rahbarligida aholini ish bilan ta’minlash masalalariga bag‘ishlangan yig‘ilish davomida ma’lum qilindi.

Davlat rahbari Tashqi ishlar vazirligiga Buyuk Britaniya, Germaniya, Kanada va boshqa davlatlar bilan viza tartibni yengillashtirish bo‘yicha choralar ko‘rishni topshirdi.

Shuningdek, respublikada mustaqil kasb o‘rgangan o‘zbekistonliklar uchun xalqaro sertifikatlar berish tizimi yo‘lga qo‘yiladi. Buning uchun hududlarda beshta kasbiy mahoratni baholash...

Suriya sobiq prezidenti Bashar Asad aviahalokatda vafot etishi mumkin edi. Bu haqda Reuters agentligi manbalariga tayanib xabar berdi.

Suriya jangovar guruhlari tomonidan Damashqni egallash vaqtida, poytaxt aeroportidan Syrian Air samolyoti uchib ketgan. Ammo bir necha daqiqa o‘tib, samolyot radarlardan yo‘qolgan. Manbalarning ma’lumotiga ko‘ra, Asad samolyotda bo‘lishi mumkin edi.

Reuters agentligining ta’kidlashicha, 8-dekabr holatiga ko‘ra Asadning joylashuvi nuqtasi noma’lum bo‘lgan.

Asadning falokati Rossiya va Eronning Yaqin Sharqda o‘rinlarini zaiflashtirishi mumkin. Biroq bu mintaqaga yanada katta noaniqlikni keltirib chiqarishi ham mumkin, deydi Reuters.

Shu bilan birga, Suriya Bosh vaziri Muhammad G‘azi al-Jalali mamlakatda hokimiyatni topshirishga tayyorligini bildirdi.

OpenAI bosh direktori Sem Altmanning sun’iy intellektni o‘rgatish uchun kontent taqdim etayotgan insonlarni moliyaviy qo‘llab-quvvatlashni taklif qildi. Bu haqda CNBC telekanali xabar berdi.

«Yangi iqtisodiy modellari topishimiz zarur, unda kontent yaratuvchilar yangi daromad manbalarini topishi mumkin», – dedi u.

Eslatib o‘tamiz, ChatGPT sun’iy intellekti bilan ishlovchi chatbotni ishlab chiqish bilan shug‘ullanayotgan OpenAI mualliflik huquqlarini buzganlikda ayblangan edi.

Altman – bu sohadan birinchi vakil emas, ularning fikriga ko‘ra, kontent yaratuvchilarga sun’iy intellektni o‘rgatish uchun ishlatilgan asarlari uchun moliyaviy yordam berish kerak.

Masalan, ProRata deb nomlangan startap kompaniyasi, kontent yaratuvchilarga kompaniyaning daromadidan...

Prezident Shavkat Mirziyoyevning qishloq xo‘jaligi xodimlariga yo‘llagan tabrigida 2025-yilda O‘zbekiston qishloq xo‘jaligida qanday o‘zgarishlar kutilayotgani ma’lum bo‘ldi.

Qayd etilishicha, joriy yil davomida qishloq xo‘jaligi subyektlariga 18 trln so‘m imtiyozli kredit va 176 mlrd so‘m subsidiya ajratilgani, umumiy qiymati 3,6 trln so‘mlik 11 ming 600 dona yuqori unumli zamonaviy texnika va agregatlar yetkazib berilgani ham mavsumni samarali yakunlashda muhim omil bo‘ldi.

Kelgusi yilda agrar sohani ilm-fan asosida rivojlantirishni tizimli yo‘lga qo‘yish uchun O‘zbekiston Respublikasi Qishloq xo‘jaligi fanlari akademiyasi tashkil etiladi.

O‘tgan yillardagi ijobiy tajriba davom ettirilib, yana 100 ming gektar yer dehqon xo‘jaliklarini tashkil etish uchun aholiga bo‘lib beriladi. Paxtachilikda...

Janubiy Koreya sobiq mudofaa vaziri Kim Yong Xyon tergov doirasida hibsga olindi. Bu haqda Yonhap news agentligi xabar berdi.

Janubiy Koreyaning sobiq mudofaa vaziri Kim Yon Xyon 8-dekabr kuni mamlakatda harbiy holat joriy etishda ishtirok etgani uchun hibsga olingan.

Ma’lumotlarga ko‘ra, sobiq vazir o‘z ixtiyori bilan Seulning markaziy tuman prokuraturasiga kelgan. So‘roqdan so‘ng sobiq vazir qamoqqa olingan va uning qo‘l telefoni olib qo‘yilgan.

Janubiy Koreya prokuraturasi mamlakatda harbiy holat joriy etilgani sababli qo‘zg‘olon va hokimiyatni suiiste’mol qilish bilan bog‘liq ikkita jinoyat ishini tergov qilmoqda. Prezident Yun Sok Yol qo‘zg‘olonda gumon qilinmoqda.

Ma’lumot uchun, Kim Yon Xyon joriy yilning 4-dekabr...

O‘zbekistonning 50 foiz fuqarolik jamiyati tashkilotlari ayollar va nogironligi bo‘lgan shaxslarga huquqiy xizmatlar ko‘rsatishda moliyaviy cheklovlarga duch kelmoqda.

BMTning Taraqqiyot dasturi O‘zbekiston fuqarolik jamiyati tashkilotlari o‘rtasida o‘tkazilgan so‘rov natijalarini e’lon qildi. Mazkur so‘rovda zaif qatlamdagi aholini qo‘llab-quvvatlashdagi muammolarni o‘rganish maqsad qilingan. Tadqiqot natijalarini mutaxassis Gulnoza Ahmedova taqdim etdi.

Qayd etilishicha, fuqarolik jamiyati tashkilotlari tomonidan tilga olingan boshqa muammolar orasida xodimlar yetishmasligi va huquqiy muammolar mavjud.

Fuqarolik jamiyatining salohiyatini kengaytirish uchun notijorat tashkilotlariga zaif qatlamdagi aholiga xizmat ko‘rsatish funksiyalarini taqdim qilish tavsiya etiladi.

Ta’kidlanishicha, faol fuqarolik tashkilotlarining salohiyatini oshirish uchun zaif holatdagi O‘zbekistonda yashovchi fuqarolarni himoya qilishga...

2024-yilning noyabr oyida geymerlar tomonidan mobil o‘yinlar uchun $6,5 milliard sarflandi. Bu haqda Sensor Tower tahliliy kompaniyasi ma’lum qildi.

Ushbu ko‘rsatkichlar oktabr oyi bilan solishtirganda, 0,05 foizga kamaygan. Eng ko‘pi ichki o‘yin xaridlariga sarflangan, mablag‘lar AQSh geymerlari tomonidan amalga oshirilgan $2,1 milliard miqdorida sarflangan.

Bundan tashqari, noyabr oyida mobil platformalarga eng ko‘p Free Fire o‘yini yuklangan.

Ikkichi o‘rinda esa Pokemon TCG Pocket kartochka o‘yini joylashgan bo‘lib, Mini Games: Calm & Relax mini-o‘yinlar to‘plami uchinchi o‘rindan joy olgan.

Eslatib o‘tamiz, avvalroq Kursiv Uzbekistan PUBG Mobile o‘yinida o‘zbek tili paydo bo‘lgani haqida xabar bergan edi.

Joriy yil noyabr oyida aholi tomonidan sezilgan inflyatsiya darajasi o‘tgan oyga nisbatan tezlashib, 14,1 foizni tashkil qildi. Bu haqda Markaziy bank axborot xizmati xabar berdi.

Qayd etilishicha, ushbu ko‘rsatkich 2023-yil avgustdan beri qayd etilgan yangi maksimal ko‘rsatkichdir.

Markaziy bank tomonidan o‘tkazilgan so‘rovnoma natijalariga ko‘ra, aholining 42 foizi benzin va yoqilg‘i, 39 foizi elektr va tabiiy gazning narxlari yuqori o‘sishda davom etayotganini ko‘rsatgan.

Shuningdek, o‘simlik yog‘i, meva-sabzavotlar, kiyim va poyabzal, yo‘l haqqi va tashish xizmatlari va tuxum narxlari yuqori darajada oshganini ko‘rsatganlar ortgan.

«Aholi guruhlari orasida pensionerlar inflyatsiyadan eng ko‘p jabrlanmoqda. Ular...

Realme o‘zining Weibo sahifasida kelajakdagi subflagman Realme Neo7’ning sifatli tasvirlarini e’lon qildi. Bu haqda ithome xabar berdi.

Qurilma yangiliklari ichida 7000 mAч akkumulyatori va Dimensity 9300+ protsessori, balki Sony’ning eng yaxshi sensori bilan jihozlangan Hyperimage+ kamerasini ham topish mumkin.

Ushbu qurilma qora, ko‘k va oq ranglarda taklif etiladi. Kamera blokining qiya qismida Hyperimage+ yozuvi mavjud bo‘lib, bu asosan sun’iy intellekt algoritmlari ishlatiladigan asosiy kamera tizimi hisoblanadi.

Shuningdek, kompaniya asosiy modulni 50 MP rezolyutsiyaga ega bo‘lgan Sony’ning eng yuqori darajadagi sensori bilan jihozlashini ma’lum qildi.

Eslatib o‘tamiz, avvalroq Kursiv Uzbekistan Samsung smartfonlarida periskop kamera yaxshilangani haqida xabar bergan edi.