Yangiliklar

Toshkentga kirish nuqtalarida yangi avtoturargohlar tashkil etiladi. Bu haqda Тоshkent shahar transport bosh boshqarmasi xabar berdi.

Unga ko‘ra, shahar kirish nuqtalari va chegaraga yaqin hududlarda zamonaviy va qulay turargohlar tashkil etiladi. Bu turargohlar shahar atroflaridan kelayotgan haydovchilarga avtomobilini shu yerda qoldirib, manziliga metro yoki avtobus orqali tez va xavfsiz yetib borish imkonini beradi.

Shuningdek, mazkur avtoturargohlar majburiy emas. Haydovchilar o‘z xohishiga ko‘ra, avtomobilini qoldirishi yoki shahar ichiga kirishda davom etishi mumkin.

Boshqarma poytaxtga har kuni qariyb 300 mingta avtomobil kirishi va bu holat, ayniqsa, tig‘iz soatlarda markaziy ko‘chalarda tirbandliklarning keskin oshishiga sabab bo‘layotganini bildirdi. Yangi mexanizm shaharga kirishni...

AQSh prezidenti Donald Tramp 16-dekabr kuni AQShga to‘liq yoki qisman kirish cheklovlari qo‘llaniladigan davlatlar ro‘yxatini kengaytirish to‘g‘risidagi farmonni imzoladi. Oq uy ma’lumotiga ko‘ra, ro‘yxat 19 ta davlatdan 39 taga yetdi.

Farmonga asosan, ayrim davlatlar uchun to‘liq taqiq, ayrimlari uchun esa qisman cheklovlar joriy etildi. Oq uy bu qarorni mazkur mamlakatlarda hujjatlarni tekshirish, xavfsizlik skriningi va ma’lumot almashish tizimlaridagi jiddiy kamchiliklar bilan izohladi.

Shuningdek, Falastin ma’muriyati bergan sayohat hujjatlariga ega shaxslarga ham qo‘shimcha cheklovlar kiritildi. Shu bilan birga, Turkmaniston fuqarolari uchun notijorat vizalar bo‘yicha taqiq bekor qilindi, ammo mamlakat fuqarolarining AQShga kirishi baribir cheklangan holda qolmoqda.

Farmon doimiy yashash huquqiga...

KIA’ning 2026-yilgi Sorento modeli avtomobil xavfsizligi sohasida eng nufuzli baholardan biri – IIHS Top Safety Pick+ mukofotiga sazovor bo‘ldi. Bu haqda Tarantas News nashri xabar berdi.

Ushbu mukofot AQShdagi Yo‘l harakati xavfsizligini sug‘urtalash instituti tomonidan faqat eng yuqori talablarni bajargan avtomobillarga beriladi.

Institut bahosiga ko‘ra, Sorento 2026 frontal to‘qnashuvning kichik va o‘rtacha qoplanish sinovlarida, shuningdek yangilangan yon zarba testlarida yuqori natijalarni ko‘rsatgan. Bundan tashqari, model piyodalar bilan to‘qnashuvlarning oldini olish bo‘yicha samarali ishlashi va barcha komplektatsiyalarda sifatli standart faralar bilan jihozlangani bilan ajralib turgan.

Bu yutuq Kia brendi uchun 2025-yilda qo‘lga kiritilgan beshinchi IIHS Top Safety Pick+ mukofoti bo‘ldi...

FIFA 2025-yilning ramziy terma jamoasini e’lon qilgandan keyin «Barselona» hujumchisi Rafinyaning ro‘yxatdan tushib qolgani uchun uning rafiqasi e’tiroz bildirdi.

Futbolchining turmush o‘rtog‘i Natalia Belloli ijtimoiy tarmoqlarda keskin norozilik bildirib, tashkilotchilarni xolislikni yo‘qotganlikda aybladi. Ramziy jamoa, asosan, mavsumni Chempionlar ligasi g‘olibligi bilan yakunlagan «PSJ» futbolchilaridan tashkil topdi.

Ramziy jamoadan «Pari Sen-Jermen»ning olti nafar futbolchisi Janluiji Donnarumma, Ashraf Hakimi, Uilyam Pacho, Nuno Mendesh, Vitinya va Usmon Dembele o‘rin oldi. Shuningdek, Virjil van Deyk, Koul Palmer, Pedri, Jud Bellingem va Lamine Yamal tarkibdan joy olgan.

«Oltin to‘p» uchun kurashda beshinchi o‘rinni egallagan va 2024/25-yilgi mavsumda barcha musobaqalarda 57 o‘yinda 60 ta golli...

16-dekabr kuni Tesla aksiyalari 3 foizdan ortiq qimmatlashib, $489,88 darajasida yopildi. Kun davomida qimmatli qog‘ozlar narxi $491,5 gacha ko‘tarilib, kompaniya aksiyalari qariyb bir yil ichida ilk bor tarixiy maksimumni yangiladi.

Aksiyalar o‘sishi fonida Tesla’ning bozor kapitallashuvi $1,63 trillionga yetdi. Natijada kompaniya chip ishlab chiqaruvchi Broadcom’ni ortda qoldirib, AQShdagi eng qimmat kompaniyalar orasida 7-o‘rinni egalladi. Shunday qilib, eng yirik kompaniyalar ro‘yxatida yana Magnificent Seven – Nvidia, Apple, Alphabet, Microsoft, Amazon, Meta va Tesla jamlandi.

Bozor bahosining oshishi kompaniya rahbari Ilon Maskning boyligiga ham sezilarli ta’sir ko‘rsatdi. Forbes Real-Time ma’lumotlariga ko‘ra, Maskning boyligi bir kun ichida $8,2 mlrdga oshib, $684,2 mlrdni...

Ijtimoiy tarmoqlarda Namangan viloyatida voyaga yetmagan bolalar ishtirokida noqonuniy diniy ta’lim tashkil etilgani haqida xabarlar tarqaldi. Holat yuzasidan Ijtimoiy himoya milliy agentligi rasmiy munosabat bildirdi.

Ma’lum bo‘lishicha, Namangan shahrida 31 yoshli fuqaro hujra tashkil qilib, 23 nafar voyaga yetmagan bolalarga noqonuniy ravishda diniy ta’lim berib kelgan. Ularning 10 nafari 7 yoshgacha, 13 nafari 7 yoshdan katta bolalar bo‘lib, maktablardagi darslarga umuman qatnashmagan. Holat yuzasidan hujra tashkil qilgan shaxsga nisbatan jinoyat ishi qo‘zg‘atildi.

Ijtimoiy himoya milliy agentligi esa bu bo‘yicha maxsus ishchi guruh tuzilib, vaziyat to‘liq nazoratga olinganini ma’lum qildi. Shuningdek, hozirda bolalarni qonuniy ta’lim tizimiga qaytarish, ularning ijtimoiy...

2025-yil yakunlariga ko‘ra, Rossiyada qurilish sohasidagi ish haqlari keskin oshib, hatto IT sektoridagi ko‘rsatkichlardan ham yuqori bo‘ldi. Bu haqda «Vedomosti» nashri xabar berdi.

October Group developerlari va Mega-Personal kompaniyasi ma’lumotlariga ko‘ra, quruvchilik kasbi bo‘yicha o‘rtacha oylik ish haqi 175,8 ming rublga ($1,9 ming) yetgan. Bu ko‘rsatkich o‘tgan yilga nisbatan 40 foizga ko‘p.

Ish haqlarining bunday tez o‘sishiga asosiy sabab – malakali kadrlar tanqisligi. Mega-Personal’ning kadrlar bo‘yicha direktori Anna Koneva ta’kidlashicha, 5 – 6-razryadli payvandchi topish o‘rtacha ikki haftani oladi, ularning oyligi esa 300 ming rublgacha ($3,3 ming) yetmoqda.

Bozorda stropalchi, bo‘yoqchi-suvoqchi va tom yopuvchilarga ham talab yuqori. 2025-yilning birinchi...

Apple iPhone Air modelining ikkinchi avlodini arzonroq narxda taqdim etishni rejalashtirmoqda. Bu haqda The Information nashri xabar berdi.

Yangi model ikki kameraga ega bo‘ladi. Kompaniya asosiy yechim sifatida narxni pasaytirishni ko‘rib chiqmoqda. Hozirda iPhone Air $999 turadi. Apple yangi modelni arzonroq qilishni rejalayapti, ammo aniq narx ochiqlanmagan. Shu bilan birga, u $799 turadigan iPhone 17’dan arzon bo‘lishi ehtimoli past.

Bundan tashqari, Apple iPhone Air 2’ni ikkinchi kamera bilan jihozlashni rejalashtirmoqda. Birinchi avlod modelida 48 MP’lik faqat bitta kamera va 2 karra optik zum mavjud edi. Yangi smartfon 2027-yil bahorida taqdim etilishi mumkin.

iPhone Air’ning asosiy xususiyati uning juda yupqa...

Jizzax viloyatida xorijga ishga yuborishni va’da qilgan shaxslar ushlandi. Bu haqda Bosh prokuratura huzuridagi Departament ma’lum qildi.

Departamentning Jizzax viloyati boshqarmasi hamda boshqa huquqni muhofaza qiluvchi organlar hamkorligida o‘tkazilgan tezkor tadbirda fuqarolarni xorijiy davlatlarga ishga yuborishni va’da qilgan shaxs ushlandi.

Ma’lumotlarga ko‘ra, fuqaro boshqa bir fuqaroni $7 ming evaziga Norvegiyaga ishga yuborishini aytib, ushbu kelishuv doirasida 84 million so‘m miqdoridagi pul mablag‘larini firibgarlik yo‘li bilan qo‘lga kiritgan vaqtida ashyoviy dalillar bilan qo‘lga olingan.

Shuningdek, Bosh prokuratura huzuridagi Departamentning Uchtepa tumani bo‘limi hamda boshqa huquqni muhofaza qiluvchi organlar tomonidan o‘tkazilgan tezkor tadbirda fuqaro boshqa bir fuqaroning ishonchiga kirib, uni Latviya...

FIFA’ning 2025-yilgi «The Best» mukofoti uchun o‘tkazilgan so‘rovnomada O‘zbekiston nomidan milliy terma jamoa sardori Eldor Shomurodov, bosh murabbiy Fabio Kannavaro va Davron Fayziyev ishtirok etdi.

O‘zbekiston milliy terma jamoasi sardori Eldor Shomurodov birinchi o‘ringa «Barselona» vingeri Rafinyani munosib ko‘rdi. Uning ro‘yxatidan ikkinchi o‘rinni Usmon Dembele («PSJ») egallagan bo‘lsa, kuchli uchlikni yosh iqtidor egasi Lamine Yamal yakunlab berdi.

Terma jamoa bosh murabbiyi Fabio Kannavaro va Davron Fayziyevning tanlovlari esa o‘zaro mos tushdi. Ularning ikkisi ham yilning eng yaxshi futbolchisi sifatida Usmon Dembeleni e’tirof etishdi. Ularning ro‘yxatida ikkinchi pog‘onani Lamine Yamal band etgan bo‘lsa, uchinchi o‘rin Rafinyaga nasib qildi.

Ma’lumot uchun, «The...

Great Wall Motor Xitoy bozorida Ora 5 elektromobilini rasman sotuvga chiqardi. Bu haqda CarNewsChina xabar bermoqda.

Modelning boshlang‘ich narxi 99 800 yuan, ya’ni $14,1 ming etib belgilandi. Ora 5 4,4 metrli besh o‘rindiqli shahar krossoveri hisoblanadi. Avtomobil 150 kVt quvvatga ega elektromotor bilan jihozlangan. Bu 201 ot kuchiga teng. Yurish masofasi maksimal 580 kmni tashkil etadi.

Ora brendi 2018-yilda GWM tarkibida elektromobil yo‘nalishi sifatida ishga tushirilgan. Biroq so‘nggi yillarda savdolar pasaygan. 2025-yil yanvar – noyabr oylarida Xitoyda 27 958 dona avtomobil sotilgan. Bu bir yil oldingiga nisbatan 38,7 foizga kam.

16-dekabr kuni kompaniya Ora brendini qayta ishga tushirishini...

«Za rulyom» nashri bosh muharriri Maksim Kadakov yangi Moskvich avtomobillari videosini e’lon qildi. Unga ko‘ra, zavod yangi rasmiy saytni ishga tushirdi.

Bunda avtomobillar savdosi boshlanguniga qadar sayt qisqartirilgan demo rejimida ishlaydi. Unda kelajakdagi modellarga oid sahifalar va umumiy dizayn ko‘rsatib berilgan.

Bundan avval Moskva avtomobil zavodi korxonada mutlaqo yangi modellar Moskvich M70 va Moskvich M90’ni yirik uzellar asosida yig‘ish boshlanganini ma’lum qilgandi. Ushbu avtomobillar SAIC konserniga mansub krossoverlar klonlari hisoblanadi.

Ma’lumotlarga ko‘ra, u yetti o‘rindiqli krossover hisoblanadi. Avtomobil to‘liq uzatma tizimiga ega. Rossiya sharoitiga moslashtirilgan va opsiyalar to‘plami kengaytirilgan.

Moskvich zavodida ishlab chiqarish 2022-yilda qayta yo‘lga qo‘yilgan...

«O‘zbekiston temir yo‘llari» AJ 2025-yilning 9 oyi yakunlari bo‘yicha 1,3 trln so‘m ($112 mln) miqdorida sof foydaga erishdi. Bu haqda kompaniyaning 15-dekabr kuni kuni e’lon qilingan moliyaviy hisobotida keltirilgan.

Hisobotda yozilishicha, kompaniya 2024-yilning mos davrida 328,5 mlrd so‘mlik zarar ko‘rgan edi. KAP DEPO investitsiya tashkilotiga ko‘ra, moliyaviy natijaning bunday keskin yaxshilanishi to‘g‘ri talqinni talab qiladi.

«Asosiy omil operatsion samaradorlikning oshishi emas, balki milliy valyutaning mustahkamlanishidir», – deya tushuntirgan tashkilot.

Qayd etilishicha, valyuta kursi farqlaridan olingan daromadlar yillik hisobda uch baravar oshib, 0,6 trln so‘mdan 1,8 trln so‘mga yetgan, shu bilan birga valyuta bo‘yicha...

Yevropa Ittifoqi 2035-yildan boshlab yangi benzin va dizel dvigatelli avtomobillarni sotishni to‘liq taqiqlash rejasiga o‘zgartirish kiritdi. Avtomobil ishlab chiqaruvchi kompaniyalarining bosimi ostida nol emissiya talabi 100 foizdan 90 foizga tushirildi.

Yevropa avtomobil ishlab chiqaruvchilar uyushmasi (ACEA) elektromobillarga bo‘lgan talab pastligi va qoidalar o‘zgarmasa, ishlab chiqaruvchilar milliardlab yevro miqdorida jarimaga tortilishi mumkinligidan ogohlantirgan edi. Yangi rejaga muvofiq, 2035-yildan boshlab sotiladigan yangi avtomobillarning 10 foizi an’anaviy yoki gibrid dvigatelli bo‘lishiga ruxsat beriladi.

Buning evaziga atrof-muhitga zararni qoplash uchun bioyonilg‘i va karbonat angidriddan sintez qilingan e-yonilg‘idan foydalanishni ko‘paytirish hamda ishlab chiqarishda kam uglerodli po‘latni qo‘llash talab etiladi. Ushbu qaror soha vakillari tomonidan...

Xitoyda Chery iCar V27 uchun oldindan buyurtmalar ochildi. Bu haqda CarNewsChina xabar bermoqda.

Avtomobillar dilerlarga 2026-yil yanvar o‘rtalaridan yetib boradi. Rasmiy taqdimot esa 2026-yil birinchi choragiga rejalashtirilgan. iCar V27 iCar brendining to‘rtinchi modeli hisoblanadi. Krossover kengaytirilgan yurish masofasiga ega EREV tizimi bilan jihozlangan. U 1,5 litrli turbobenzin dvigatel asosida ishlaydi. To‘liq yurish masofasi CLTC siklida 1 200 kmni tashkil etadi. Faqat elektr rejimida avtomobil 210 km masofa bosib o‘ta oladi.

Model o‘rta va yirik SUV sifatida joylashtirilgan. Kuzov uzunligi 4 909 mm, g‘ildirak bazasi esa 2 910 mm. Salon besh o‘rindiqli. Dizaynda burchakli shakl va dumaloq old faralar qo‘llanilgan...

Yaponiya kompaniyasi Mizuho Securities Hindistonning Avendus investitsiya bankidagi ulushning katta qismini AQShning KKR investitsiya firmasi hisobidan sotib olmoqchi. Bitim qiymati 81 mlrd yen ($523 mln)gacha baholangan, deya yozmoqda Reuters.

Mizuho Securities Avendus aksiyalarining 61,6% dan 78,3% gacha ulushini sotib olib, bankni konsolidatsiyalangan sho‘ba korxona sifatida boshqaradi. Kompaniya bu xarid orqali Hindistondagi faoliyatini kengaytirishni maqsad qilmoqda.

Qayd etilishicha, KKR dastlab Avendusga 2016-yilda sarmoya kiritgan. Shu yil boshida esa Yaponiya moliya sektori vakili Sumitomo Mitsui Financial Group Hindistonning Yes Bankida 24,2% ulush sotib olgan.

Eslatib o‘tamiz, avvalroq Namangan Yaponiya bilan 50 million dollarlik shartnomalar imzolagani haqida xabar bergan...

Disney studiyasi «Sohibjamol va Maxluq» multifilmidagi salbiy qahramon Gaston haqida yangi kinokartina yaratishni rejalashtirmoqda. Bu haqda Variety nashri xabar berdi.

Unga ko‘ra, yangi loyiha ssenariysi David Callaham tomonidan yoziladi. U avval «Godzilla x Kong: The New Empire» hamda «Shang-Chi and the Legend of the Ten Rings» filmlarida hammuallif sifatida ishlagan. Hozircha film syujeti tafsilotlari ochiqlanmagan, shuningdek, rejissyor nomi ham e’lon qilinmagan.

«Sohibjamol va Maxluq» fransuz xalq ertagi asosida yaratilgan bo‘lib, unda kitobsevar qiz Bella la’nat tufayli maxluqqa aylangan shahzodaga oshiq bo‘lib, uni va uning qirolligini qutqaradi. 1991-yilda chiqqan animatsion film o‘sha paytda Disney tarixidagi eng yuqori daromad keltirgan loyiha...

Italiyaning shimoliy qismida joylashgan Stelvio milliy bog‘ida 210 mln yil avval yashagan dinozavrlarga tegishli minglab oyoq izlari topildi. Bu haqda BBC xabar bermoqda.

Olimlarning ta’kidlashicha, topilgan izlarning ayrimlari 40 sm diametrga ega bo‘lib, ular parallel qatorlarda joylashgan va aniq tirnoq izlarini saqlab qolgan. Mutaxassislar ushbu izlarni uzun bo‘yinli va kichik boshli o‘txo‘r dinozavrlar prosauropodlar qoldirgan deb hisoblamoqda. Ushbu jonivorlar uzunligi 10 mgacha yetgan va asosan ikki oyoqda harakatlangan.

Milanda faoliyat yurituvchi paleontolog Kristiano Dal Sassoning so‘zlariga ko‘ra, bu hudud «ulkan ilmiy xazina» hisoblanadi. Izlarni o‘tgan yilning sentabr oyida fotograf Elio Della Ferrera tasodifan payqab qolgan.

2025-yil yakunlari bo‘yicha IndieWire nashri 148 nafar kino tanqidchi ishtirokida an’anaviy so‘rov o‘tkazdi. Natijalarga ko‘ra, yilning eng yaxshi filmi deb «Jangu jadal» («One battle after another») e’tirof etildi. Ushbu film 148 tanqidchidan 101 nafari tomonidan Top-10 ro‘yxatiga kiritilgan, ularning 43 nafari esa filmni birinchi o‘ringa qo‘ygan. Mazkur reyting natijalari bilan quyida tanishish mumkin.

Eng yaxshi film

Amazon.com Inc ChatGPT ishlab chiquvchisi OpenAI’ga $10 mlrd sarmoya kiritish bo‘yicha muzokaralar olib bormoqda. Bu haqda Reuters agentligi ma’lum qildi.

Manbalarga ko‘ra, agar kelishuv amalga oshsa, OpenAI qiymati $500 mlrddan ortiq baholanishi mumkin. OpenAI Microsoft bilan kelishuv asosida jamoat manfaatidagi korporatsiya sifatida ishlamoqda. Microsoft kompaniyaning 27 foiz ulushiga ega va OpenAI modellari bo‘yicha o‘z bulut mijozlariga eksklyuziv sotish huquqiga ega.

The Information nashrining xabariga ko‘ra, OpenAI Amazon’ning Trainium chiplaridan foydalanishni rejalashtirmoqda. Kompaniya shuningdek, ChatGPT’ning korporativ versiyasini Amazon’ga sotmoqchi, lekin uni Amazon ilovalariga qanday integratsiya qilish masalasi hozircha noma’lum.

Eslatib o‘tamiz, avvalroq Disney OpenAI’ga SI videolari yaratish uchun...

Samsung’ning ilk uch buklamali smartfoni Galaxy Z TriFold’da qo‘llanilgan simsiz quvvatlash texnologiyasi bo‘yicha yangi ma’lumotlar paydo bo‘ldi. Bu haqda Sammobile nashri ma’lum qildi.

Qurilmaning nisbatan yupqa korpusini saqlab qolish uchun kompaniya maxsus, yanada ixcham simsiz quvvatlash modulidan foydalangan.

Unga ko‘ra, Galaxy Z TriFold’ga o‘rnatilgan Qi simsiz quvvatlash moduli Witz kompaniyasi tomonidan ishlab chiqilgan. Ishlab chiqaruvchi ushbu modul aynan Samsung’ning birinchi tri-fold smartfoni uchun maxsus yaratilganini bildirgan.

U Wireless Power Consortium (WPC)’ning Qi standarti asosida 15 vattgacha simsiz quvvatlashni qo‘llab-quvvatlaydi. Avval ham Witz Galaxy S va Galaxy Z seriyalaridagi bir qator modellarga simsiz quvvatlash modullarini yetkazib bergan.

Kompaniya vakillarining...

Great Wall Motor o‘tkazgan ilk texnologik konferensiya doirasida Tank 300 yo‘ltanlamasidagi yangilanishlar haqida ma’lumot berdi. Kompaniya vakillariga ko‘ra, o‘zgarishlar mijozlar bildirgan asosiy e’tirozlarga tayangan holda amalga oshirilgan.

Tank model qatori boshqaruvi va rivoji bo‘limi rahbari Ilya Fyodorovning aytishicha, asosiy e’tibor shovqin izolyatsiyasiga qaratilgan. Old eshiklarda ikki qatlamli oynalar qo‘llanildi. Natijada avtomobil, ayniqsa, yuqori tezlikda ancha sokin bo‘lgan.

Yangilangan Tank 300 salonida qulaylik va texnologiyaga oid o‘zgarishlar ham bor. Qalinlashtirilgan rul, 50 Vt quvvatga ega simsiz quvvatlash, Apple CarPlay va Android Auto‘ning simsiz ishlashi joriy etildi. Asboblar paneli grafikasi yangilandi. Bezak uchun qo‘shimcha variantlar ham paydo bo‘ldi.

Kompaniya vakili multimedia...

Italiyaning Ferrari avtomobil ishlab chiqaruvchi kompaniyasi keyingi avlod modellari uchun Samsung bilan hamkorlikni yo‘lga qo‘ymoqda. Bu haqda Sammobile nashri ma’lum qildi.

Kompaniya kelajakdagi avtomobillarida Samsung Display ishlab chiqargan avtomobilga mo‘ljallangan OLED displeylardan foydalanilishini rasman tasdiqladi.

Samsung Display bugungi kunda OLED panellar bo‘yicha dunyodagi yetakchi yetkazib beruvchilardan biri bo‘lib, avtomobil sanoatida ham faol ishlamoqda. Ko‘plab nufuzli avtomobil brendlari infotainment tizimlari uchun aynan Samsung OLED yechimlarini tanlaydi.

Ferrari’ning ilmiy-tadqiqot va ishlanmalar bo‘yicha rahbari Ernesto Lasalandra ta’kidlashicha, Samsung’ning yengil va zamonaviy OLED panellari kompaniyaning yangi avlod modellari ichki raqamli muhitini rivojlantirishda muhim rol o‘ynaydi. Ushbu texnologiya haydovchi va yo‘lovchilar uchun yanada moslashtirilgan...

Turkiya Superligasida noyabr oyining ramziy terma jamoasi e’lon qilindi. Unga ko‘ra, «Istanbul Bashakshehir» klubi sharafini himoya qilayotgan O‘zbekiston milliy terma jamoasi sardori Eldor Shomurodov oyning eng yaxshi futbolchilari qatoridan o‘rin oldi.

Shomurodov noyabr oyida o‘tkazilgan barcha uchta liga o‘yinida raqiblar darvozasini ishg‘ol qilishga muvaffaq bo‘ldi. U 7-noyabrda «Genchlerbirligi», 24-noyabrda «Trabzonspor» va 29-noyabrda «Kasimpasha» klublariga qarshi bahslarning har birida bittadan gol urib, jamoasining muhim ochkolariga hissa qo‘shdi.

Shomurodov joriy mavsum Turkiya Superligasida jami 16 ta o‘yinda maydonga tushib, 11 ta gol va 2 ta golli uzatma qayd etgan holda, «Trabzonspor» forvardi Pol Onuachu bilan birga to‘purarlar ro‘yxatida birinchi o‘rinni egallab...