Yangiliklar

Xiaomi’ning Redmi K100 Pro seriyasi sotuvga chiqqanidan keyingi dastlabki haftada yuqori talab qayd etdi. Ayniqsa, K100 Pro Max modeli shu davrda avvalgi K90 Pro Max’dan qariyb 35% ko‘proq sotildi.

Redmi K100 Pro Max avvalgi modeldan o‘zib ketdi

ITHome nashri @RDObservation ma’lumotlariga tayanib yozishicha, Redmi K100 Pro va K100 Pro Max’ning ilk yetti kundagi jami savdosi K90 seriyasining xuddi shu davrdagi natijasining qariyb 95 foiziga yetgan.

Bunda modellarning natijasi keskin farq qilgan. Redmi K100 Pro savdosi taqqoslanayotgan davrda Redmi K90 ko‘rsatkichining qariyb 70 foizini tashkil etgan. Redmi K100 Pro Max esa avvalgi K90 Pro Max natijasining 135 foiziga yetib...

22 – 23-avgust kunlari kutilayotgan yomg‘irlar sabab O‘zbekistonning bir qator tog‘oldi va tog‘li hududlarida sel hamda suv toshqinlari yuzaga kelishi mumkin. «O‘zgidromet»ga ko‘ra, ayrim joylarda yomg‘ir suvlari to‘planib, hududlarni suv bosish xavfi ham mavjud.

Sel xavfi qaysi hududlarda yuqori

Qashqadaryo viloyatida Yakkabog‘, Dehqonobod, Chiroqchi, Kitob, Shahrisabz, Qamashi va G‘uzor tumanlarida sel-suv toshqin hodisalari kuzatilishi mumkin.

Surxondaryo viloyatida Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on va Muzrabot tumanlari xavfli hududlar qatoriga kiritilgan.

Jizzax viloyatida Zomin, Baxmal, G‘allaorol, Sharof Rashidov, Forish va Yangiobod tumanlarida kuchli yog‘ingarchilik oqibatida sel kelishi ehtimoli mavjud.

Toshkent viloyatida Ohangaron, Bo‘stonliq, Parkent, Piskent, O‘rta Chirchiq...

Lionel Messi va Krishtianu Ronalduning futbolkalari bir auksionda sotildi. Yakunda argentinalik futbolchining 2012-yilda «Manchester Yunayted»ga qarshi o‘yinda kiygan futbolkasi portugaliyalik yulduznikidan qariyb 6 baravar qimmatga sotildi. Bu haqda Talksport nashri xabar berdi.

Messining «Barselona»dagi futbolkasi 48 608 funt sterlingga (784 mln so‘mdan ortiqroq) sotilgan. Ronaldu esa «Real Madrid»da o‘ynagan davrida kiygan futbolkasi uchun 7 795 funt sterling (125 mln so‘m atrofida) taklif qilingan.

Messi futbolkasini «Manchester Yunayted» xodimi olgan

Messi futbolkasi «Manchester Yunayted»ning sobiq massajchisi Rod Tornley kolleksiyasidan joy olgan edi. U futbolkani 2012-yil avgustida jamoalar o‘rtasidagi o‘rtoqlik uchrashuvidan keyin Messining o‘zidan olgan.

«Barselona» va «Manchester Yunayted» o‘rtasidagi...

Toshkent hokimligi dizayn-kodni joriy etish bo‘yicha yondashuvini qayta ko‘rib chiqdi. Bunga tadbirkorlar tomonidan bildirilgan, jumladan, tanqidiy fikr-mulohazalar sabab bo‘lgan. Bu haqda hokimlikning Telegram-kanalida xabar berildi. 

Hokimlik bundan buyon asosiy e’tibor tadbirkorlar bilan ochiq muloqot qilish, talablarni tushunarli tarzda yetkazish va yuzaga keladigan masalalarni individual ko‘rib chiqishga qaratilishini ma’lum qildi.

3 228 ta tadbirkorlik subyekti qamrab olingan

11-maydan 26-iyulgacha poytaxtning 56 ta ko‘chasida dizayn-kodni joriy etish ishlari olib borildi. Jarayon jami 3 228 ta tadbirkorlik subyektini qamrab oldi.

O‘zgarishlar bevosita ta’sir qilgan tadbirkorlarning fikrini o‘rganish uchun Toshkent shahar hokimligi Savdo-sanoat palatasining hududiy boshqarmasi bilan hamkorlikda so‘rovnoma o‘tkazdi.

Timur Ismoilov Surxondaryo viloyati Ichki ishlar bosh boshqarmasi boshlig‘i lavozimidan ozod qilinib, Ichki ishlar vazirining birinchi o‘rinbosari – Jamoat xavfsizligi departamenti boshlig‘i etib tayinlandi. Bu haqda vazirlik xabar berdi. 

Timur Ismoilov haqida

Timur Ismoilov 2024-yil yanvaridan buyon Surxondaryo viloyati IIB boshlig‘i sifatida ishlab kelayotgan edi.

U bunga qadar Ichki ishlar vazirligi Terrorizm va ekstremizmga qarshi kurashish bosh boshqarmasi hamda Jinoyat-qidiruv bosh boshqarmasiga rahbarlik qilgan.

Yangi lavozimdagi vazifalar

Yangi lavozimda Timur Ismoilov zimmasiga jamoat xavfsizligini ta’minlash, huquqbuzarliklar profilaktikasi va jinoyatchilikning barvaqt oldini olish tizimini takomillashtirish vazifalari yuklatildi.

Shuningdek, ichki ishlar organlari faoliyatini raqamlashtirish, davlat idoralari va...

Sindarovning qaylig‘i Samarqandga keladi, Husanovning o‘rni o‘zgardi — 20-avgust e’lon qilingan yangiliklar Kursiv Uzbekistan dayjestida.

Maktabgacha ta’lim sohasida yangi markaz tashkil etiladi: u nima bilan shug‘ullanadi

Toshkent shahrida maktabgacha ta’lim tizimini rivojlantirishga ixtisoslashgan yangi markaz tashkil etiladi. Bu haqda hukumatning 18-avgustdagi 446-son qarorida belgilangan.

Qarorga ko‘ra, Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish instituti huzurida Maktabgacha ta’limni rivojlantirish mintaqaviy markazi tashkil qilinadi.

Sindarovning qaylig‘i Samarqandga keladi

Qozog‘istonlik grossmeyster Bibisora Asaubayeva sentabr oyida O‘zbekistonga keladi. U 15 – 27 sentabr kunlari Samarqandda o‘tkaziladigan 46-Jahon shaxmat olimpiadasida Qozog‘iston terma jamoasi safida ishtirok etadi. Bu haqda u o‘zining Telegram-kanalida...

«Samarkand – 2028» gipеrspektral sun’iy yo‘ldoshi Samarqand shahrining kosmosdan olingan ilk suratini Yerga uzatdi. Mazkur tasvir sun’iy yo‘ldoshning Yer yuzasini kuzatish bo‘yicha missiyasi doirasida olingan. Bu haqda «Uzcosmos» agentligi xabar berdi.

Sun’iy yo‘ldosh orbitada ishlamoqda

Orbitaga chiqarilgan «Samarkand – 2028» o‘z missiyasi davomida Yer yuzasi haqida ma’lumot to‘plash va hududlarni suratga olishni davom ettirmoqda.

Sun’iy yo‘ldoshning Samarqandni suratga olgani alohida ramziy ahamiyatga ega. Chunki shahar 2028-yilda Xalqaro Astronavtika Kongressiga mezbonlik qiladi.

Samarqand kosmik tadbir markazida

Shunday qilib, 2028-yilda dunyoning turli mamlakatlaridan kosmik soha vakillarini qabul qilishi kutilayotgan Samarqand bugunoq orbitadagi sun’iy yo‘ldosh nigohida.

«Samarkand – 2028»ning yangi...

20-avgustdan Toshkent shahri uzra laboratoriya havo kemasi ishtirokida rejali parvoz tekshiruvlari boshlandi. Bu haqda «O‘zaeronavigatsiya» markazi xabar berdi.

Tekshiruvlar markaz tomonidan fuqaro aviatsiyasida qo‘llaniladigan radiotexnik vositalarning belgilangan talablarga muvofiqligini baholash uchun tashkil etilmoqda.

Samolyot past balandlikda uchadi

Tekshiruvlarda Avia Navigatsiya kompaniyasining Diamond laboratoriya samolyotidan foydalanilmoqda. Havo kemasi Toshkent uzra taxminan 1000 metr balandlikda parvoz qilishi mumkin.

Samolyot ayrim hududlar ustidan bir necha marta uchib o‘tadi, turli yo‘nalishlarda harakatlanadi va odatdagidan farqli manyovrlarni amalga oshirishi mumkin. Ayrim parvozlar olti soatgacha davom etadi.

Aholi xavotirga tushmasligi kerak

Mutasaddilarga ko‘ra, bunday parvozlar havo kemalarining xavfsiz va muntazam harakatini ta’minlash uchun...

O‘zbekistonda ilk bor yo‘l haqini elektron tarzda undirish tizimiga ega pullik avtomagistral foydalanishga topshirilmoqda. Urganch va Xivani bog‘lovchi 35 kilometrlik yo‘lda to‘lov tizimi 25-avgustdan to‘liq ishlay boshlaydi. Bu haqda Transport vazirligi huzuridagi Avtomobil yo‘llari qo‘mitasi matbuot xizmati Kursiv Uzbekistan’ga ma’lum qildi.

Yangi avtomagistral orqali Urganchdan Xivaga yetib borish uchun ketadigan vaqt avvalgi 45 – 50 daqiqadan 15 – 20 daqiqagacha qisqarishi kutilmoqda. To‘rt polosali yo‘lda tunnel, 8 ta yo‘l o‘tkazgich, 15 ta ko‘prik hamda 100 dan ortiq suv o‘tkazuvchi inshoot barpo etilgan. Trassa bir sutkada 30 mingdan ortiq transport vositasini qabul qila oladi.

Yo‘l haqi qancha

Yengil avtomobillar uchun...

Yangi o‘quv yili arafasida ota-onalar odatdagidek farzandlari uchun o‘quv qurollari, kiyim-kechak va oyoq kiyim xarid qilishga kirishadi. Kursiv Uzbekistan Toshkentdagi «Salar», «Bek-Baraka» va «Qo‘yliq» bozorlaridagi narxlarni taqqoslab, maktab o‘quvchisini qaysi bozorda tejamkorroq tayyorlash mumkinligini aniqladi.

Taqqoslash uchun tahririyat har bir bozor bo‘yicha bir xil xaridlar ro‘yxatini tuzdi. Unga ryukzak, daftarlar, yozuv va rasm chizish uchun kerakli buyumlar, ikkita ko‘ylak yoki bluzka, shim yoki yubka, nimcha, sport kiyimi, shuningdek tufli va krossovka kiritildi.

Eslatma: Narxlar taxminiy ko‘rsatilgan. Yakuniy summa mahsulotlarning sifati va sotuvchi bilan savdolashish imkoniyatiga qarab farq qilishi mumkin.

«Salar» bozori

«Salar» bozori Toshkent viloyatining Zangiota tumanida joylashgan. Bozor...

21-avgust uchun valyutalar kursi yangilandi. Unga ko‘ra, dollar kursi 52,28 so‘mga oshib, 11 847,16 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 14-avgust kuni 10,69 so‘mga tushib, 11 937,39 so‘m bo‘ldi. 17-avgust kuni 46,71 so‘mga tushib, 11 891,18 so‘mni, 18-avgust kuni esa 33,83 so‘mga tushib, 11 891,18 so‘mni, 19-avgust kuni 36,95 so‘mga tushib, 11 820,40 so‘mni va 20-avgust kuni yana 25,52 so‘mga tushib, 11 794,88 so‘mni tashkil etdi. 

Yevro kursida ham o‘sish kuzatildi. Yevropa valyutasi 157,81 so‘mga oshib, 13 843,41 so‘m bo‘ldi. Rossiya rubli ham oshdi. Rubl kursi...

Buick, Chevrolet va GMC 2026-yilda AQShda sug‘urta xarajatlari nisbatan past bo‘lgan avtomobil brendlari qatoridan joy oldi. Consumer Reports va Insurify ma’lumotlariga ko‘ra, Cadillac esa General Motors tarkibidagi eng qimmat sug‘urtalanadigan brendlardan biri bo‘ldi.

Insurify AQSh bo‘ylab yirik sug‘urta kompaniyalarining 90 mln dan ortiq real takliflarini tahlil qilgan. Natijalarga ko‘ra, Chevrolet avtomobillari uchun o‘rtacha yillik sug‘urta to‘lovi $2 704, Buick uchun $2 676, GMC uchun esa $2 786 ni tashkil qilgan. Cadillac’da bu ko‘rsatkich ancha yuqori – yiliga o‘rtacha $3 500.

Nega premium avtomobillar qimmatroq sug‘urtalanadi

Consumer Reports izohiga ko‘ra, premium va yuqori unumdorlikka mo‘ljallangan avtomobillar odatda qimmatroq sug‘urtalanadi.

O‘zbekistonlik grossmeyster Javohir Sindarov AQShning Sent-Luis shahrida o‘tkazilgan Sinquefield Cup – 2026 turnirida uchinchi o‘rinni egallab, $58 125 mukofot puli oldi.

Kuchli uchlikdan joy oldi

Grand Chess Tour seriyasining yakuniy bosqichi hisoblangan musobaqada Sindarov 9 ta partiyada 5 ochko jamg‘arib, bronza medaliga sazovor bo‘ldi.

Turnirning so‘nggi turida u qora donalarda amerikalik Uesli So bilan durang o‘ynadi. Barcha hal qiluvchi partiyalar durang bilan yakunlangach, g‘oliblik masalasi tay-breyk orqali aniqlandi.

G‘olib $103 ming oldi

Armageddon bahsida Uesli So g‘alaba qozonib, $103 125 mukofot pulini qo‘lga kiritdi. Rameshbabu Pragnanandha $100 937, Vinsent Keymer esa $65 937 ishlab topdi.

Musobaqaning...

AQShning milliy qarzi so‘nggi o‘n yil ichida ikki baravardan ko‘proqqa oshib, 40 trln dollar chegarasidan o‘tdi. Bu haqda AQSh Moliya vazirligi xabar berdi. 

Qarzdorlik 10 yilda ikki baravarga oshdi

18-avgust holatiga ko‘ra, AQSh davlat qarzi 40,05 trln dollarni tashkil qilgan. 2016-yilda bu ko‘rsatkich 20 trln dollardan biroz kam edi.

AQSh Kongressining Budjet boshqarmasi (CBO) 2026-moliya yili yakuniga kelib davlat qarzi 39,6 trln dollarga yetishini prognoz qilgan edi. Amaldagi ko‘rsatkich esa bu prognozdan tezroq oshgan.

AQSh Moliya vazirligining ta’kidlashicha, davlat qarzi – federal hukumatning vaqt davomida yig‘ilgan jami qarz majburiyatlarini anglatadi.

Qarzdorlik nima sababdan oshmoqda

Qarzning...

O‘zbekistonda 16 yoshdan katta aholining moliyaviy ommaboplik indeksi 59 ball, kichik va o‘rta tadbirkorlik subyektlariniki esa 49 ballni tashkil etdi. Bu ko‘rsatkichlar O‘zbekiston Respublikasi Markaziy bankining 2025-yil uchun ilk milliy Moliyaviy ommaboplik indeksining pilot hisob-kitoblarida qayd etilgan.

Indeks aholining hamda tadbirkorlik subyektlarining moliyaviy tizimga qay darajada integratsiyalashganini baholaydi. Bunda moliyaviy xizmatlardan foydalanish imkoniyatining mavjudligi, ulardan foydalanish darajasi va xizmatlar sifati hisobga olinadi.

Aholida imkoniyat bor, ammo foydalanish faolligi yetarli emas

Katta yoshli aholi bo‘yicha moliyaviy xizmatlardan foydalanish imkoniyatining mavjudligi 62 ball, xizmatlardan foydalanish darajasi 51 ball, xizmatlarning sifati esa 64 ball bilan baholangan. Umumiy indeks...

O‘zbekistondagi barcha umumta’lim maktablarida 2026/2027-o‘quv yili darslari 2-sentabr, chorshanba kuni boshlanadi. Bu haqda Maktabgacha va maktab ta’limi vazirligi xabar berdi.

795 mingdan ortiq bolalar maktabga qadam qo‘yadi

Yangi o‘quv yilida mamlakat bo‘yicha 795 mingdan ortiq bolalar birinchi sinfga qabul qilinadi.

Birinchi sinf o‘quvchilariga «Prezident sovg‘asi»

Birinchi sinfga qabul qilinadigan o‘quvchilarga 12 nomdagi o‘quv qurollaridan iborat «Prezident sovg‘asi» tantanali ravishda topshiriladi.

Avvalroq Kursiv Uzbekistan OTMlarda yangi o‘quv yili darslari qachon boshlanishi haqida yozgandi.

O‘zbekistonlik grossmeyster Javohir Sindarov AQShning Sent-Luis shahrida o‘tkazilgan Sinquefield Cup 2026 turnirini uchinchi o‘rinda yakunladi. U 9 ta partiyada 5 ochko jamg‘ardi.

Dastlabki turlarda g‘alaba bo‘lmadi

Sindarov turnirni Levon Aronyan bilan durang bilan boshladi. Ikkinchi turda esa hindistonlik Rameshbabu Pragnanandhaga mag‘lub bo‘ldi.

Keyingi to‘rtta partiyada Maksim Vashe-Lagrav, Anish Giri, Sem Sevyan va Fabiano Karuanaga qarshi bahslar durang bilan yakunlandi. Shu tariqa dastlabki olti turdan so‘ng Sindarov hisobida 2,5 ochko bor edi.

Ketma-ket ikki g‘alaba

Yettinchi turda o‘zbekistonlik shaxmatchi germaniyalik Vinsent Keymerni mag‘lub etdi. Sakkizinchi turda esa Yorden van Forest ustidan g‘alaba qozonib, ketma-ket ikkinchi g‘alabasini qayd etdi.

Yandex Ads beta-sinov yakunlanganidan so‘ng reklama beruvchilar uchun «Maksimal foyda» strYandex Ads beta-sinov yakunlanganidan so‘ng reklama beruvchilarga «Maksimal foyda» strategiyasining kengaytirilgan imkoniyatlaridan foydalanishni taklif qilmoqda. Neyrotexnologiyalarga asoslangan yangi strategiya reklama byudjetini avtomatik ravishda shunday taqsimlaydiki, biznes marja va reklama xarajatlarini hisobga olgan holda ko‘proq yakuniy foyda olishi mumkin. Ushbu vositani 15 000 dan ortiq reklama beruvchi sinovdan o‘tkazdi.

Biznes uchun nafaqat ko‘proq klik yoki buyurtma olish, balki reklama qanday foyda keltirayotganini tushunish ham muhim. Marja, mijozni jalb qilish qiymati va talabdagi o‘zgarishlarni qo‘lda hisobga olish qiyin, ayniqsa kompaniya assortimentida minglab pozitsiyalar bo‘lsa. «Maksimal foyda» strategiyasi bu vazifani avtomatlashtiradi: algoritmlar sotuvlar...

O‘zbekiston terma jamoasi a’zosi Abduqodir Husanov yangi mavsum oldidan «Manchester Siti» safida yana o‘ng qanot himoyachisi sifatida ko‘rinish berdi. Bu ko‘plab nashrlar, jumladan, The Guardian’ning ham e’tiborini tortdi. 

O‘zbekistonlik futbolchi avval ham ushbu pozitsiyada o‘ynagan, biroq 2026/27 yilgi mavsum arafasida uning bu roldagi imkoniyatlari yana muhokamalar markazida qoldi. 

16-avgust kuni «Arsenal»ga qarshi Community Shield uchrashuvida Husanov «Manchester Siti»ning asosiy tarkibidan joy oldi va o‘ng qanot himoyachisi sifatida maydonga tushdi. Uchrashuvda shaharliklar 0:3 hisobida mag‘lub bo‘ldi.

Husanov uchun yangi pozitsiya emas

Husanovning o‘ng qanotda o‘ynashi Enzo Mareska davrida paydo bo‘lgan yangilik emas.

2025-yil sentabrida «Manchester Siti»ning o‘sha paytdagi...

Toshkentdagi Amir Temur xiyoboni atrofida va unga tutash chorrahalarda o‘rnatilgan beshta svetofor yagona «Yashil to‘lqin» algoritmi asosida ishlay boshladi. Bu haqda Yo‘l harakatini tashkil etish markazi xabar berdi.

Tizim transport harakatini bir maromda tashkil etish va ortiqcha to‘xtashlarni kamaytirishga qaratilgan.

Beshta svetofor sinxronlashtirildi

Unga ko‘ra, hududga beshta yangi svetofor obyekti o‘rnatilgan. Endilikda ular o‘zaro sinxronlashtirilib, ikki yo‘nalishda yagona tizim asosida ishlamoqda.

Belgilangan harakat shartlariga rioya qilingan taqdirda haydovchilar svetoforlarda ortiqcha to‘xtamasdan harakatlanishi mumkin.

Haydovchilar qanday harakatlanadi

Amir Temur va Buxoro ko‘chalari kesishmasida yashil signalda harakatni boshlagan avtomobil Amir Temur xiyoboni atrofidagi aylanma chorrahadan o‘tib, Amir Temur ko‘chasi...

Shavkat Mirziyoyev «Raqamli texnologiyalar xalqaro markazi to‘g‘risida»gi Konstitutsiyaviy qonunni imzoladi. Hujjat Enterprise Uzbekistan uchun 2100-yilgacha maxsus huquqiy rejimni belgilaydi hamda global texnologiya kompaniyalari, startaplar va investorlarni jalb etish uchun alohida sharoit yaratadi.

Qonunga ko‘ra, Enterprise Uzbekistan doirasida korporativ va tijorat munosabatlari, investitsiyalar, mehnat, ma’lumotlar va intellektual mulkni himoya qilish, sun’iy intellekt, ta’lim, soliq va bojxona masalalari uchun maxsus tartib amal qiladi.

Markaz faoliyatida Angliya va Uels umumiy huquqi elementlari hamda yetakchi xalqaro moliya markazlari tajribasi hisobga olinishi mumkin. Ish yuritishning rasmiy tili ingliz tili bo‘ladi.

Investorlar va kompaniyalar uchun alohida tartib

Tasdiqlangan faoliyat turlari bilan shug‘ullanuvchi yuridik shaxslar Enterprise...

O‘zbekistonda bank omonatlaridan olinadigan foiz daromadlarini soliqqa tortish masalasi jamoatchilik va iqtisodchilar orasida muhokamaga sabab bo‘ldi. Yashirin iqtisodiyot ulushini qisqartirish, soliq va bojxona ma’murchiligini takomillashtirish, fiskal tahlillar instituti bank omonatlaridan olinadigan foizlarni dividend daromadlariga tenglashtirib, ularga 5 foizlik jismoniy shaxslar daromad solig‘ini qo‘llashni taklif qilgan.

Kursiv Uzbekistan iqtisodchilar va huquqshunos bilan suhbatlashib ushbu jarayon haqida fikrlarni o‘rgandi.

Ushbu maqolada siz quyidagilarni bilib olishingiz mumkin:

Murod Ilhomovich Abdazimov Toshkent viloyatining Bo‘ka tumani hokimi etib tasdiqlandi. Bu haqda viloyat hokimligining matbuot xizmati xabar berdi.

Bo‘kaga yangi hokim

Xalq deputatlari Bo‘ka tumani Kengashining navbatdan tashqari sessiyasida tumanga yangi hokim tayinlash masalasi ko‘rib chiqildi.

Sessiyada Toshkent viloyati hokimi Zoyir Mirzayev tumanni ijtimoiy-iqtisodiy rivojlantirish borasidagi maqsad va vazifalar ijrosi yuzasidan tahliliy ma’ruza qildi.

Murod Abdazimov hokim etib tasdiqlandi

Zoyir Mirzayev Bo‘ka tumani hokimi lavozimiga ayni paytda «Agrobank» ATB Toshkent viloyati boshqarmasi boshlig‘i vazifasida ishlab kelayotgan Murod Ilhomovich Abdazimov nomzodini tavsiya qildi.

Xalq deputatlari Bo‘ka tumani Kengashi Murod Abdazimov nomzodini qo‘llab-quvvatlab, uni tuman hokimi etib...

O‘zbekistonda 2026/2027-o‘quv yili uchun oliy ta’lim tashkilotlari, akademik litsey va texnikumlarda darslar boshlanish sanalari belgilandi. Oliy ta’lim, fan va innovatsiyalar vazirligi ma’lumotiga ko‘ra, akademik litsey va texnikumlarda yangi o‘quv yili 2-sentabrdan boshlanadi.

Birinchi bosqich talabalari 7-sentabrdan o‘qishni boshlaydi

Oliy ta’lim tashkilotlarida 1-bosqich talabalari uchun o‘quv jarayonlari 7-sentabrdan boshlanadi. 2-bosqich va undan yuqori bosqich talabalari uchun esa o‘quv jarayonlari 14-sentabrdan tashkil etiladi.

Shunday qilib, yangi o‘quv yili akademik litsey va texnikumlarda eng avval, oliy ta’lim muassasalarida esa talabalarning bosqichiga qarab keyinroq boshlanadi.

Eslatib o‘tamiz, avvalroq abituriyentlarga o‘z o‘rni va to‘liq ro‘yxatni ko‘rishi imkoniyati yaratilgandi. Buning uchun mandat.uzbmb.uz saytiga...