Yangiliklar

Samsung Android 17 asosidagi One UI 9.0 barqaror versiyasini rasman tarqatishni boshladi. Yangilanishni birinchi bo‘lib Galaxy S26, Galaxy S26+ va Galaxy S26 Ultra modellari olmoqda.

Kompaniya One UI 9.0 beta dasturi yakunlanganini e’lon qilganidan so‘ng, yangilanish avval sinov dasturida qatnashgan Galaxy S26 foydalanuvchilariga yetkazila boshlandi. Endi barqaror versiya qolgan Galaxy S26 seriyasi qurilmalariga ham bosqichma-bosqich tarqatiladi.

Boshqa Galaxy modellari ham yangilanadi

Samsung One UI 9.0 beta dasturini Galaxy A25, A35, A36, A37, A55, A56 va A57 modellari uchun ham ishga tushirgan. Shuningdek, Galaxy S23, S24 va S25 seriyalari hamda Galaxy Z Flip 6, Z Flip 7, Z Fold...

AQSh prezidenti Donald Tramp Kanadaga Yevropa Ittifoqining ilk «assotsiatsiyalashgan a’zosi» maqomini berish g‘oyasiga qarshi chiqdi. Bu haqda DW xabar bermoqda.

Yevropa Komissiyasi prezidenti Ursula fon der Lyayen 16-sentabr kuni Strasburgdagi yillik nutqida Kanada uchun yangi formatdagi hamkorlikni taklif qildi. Uning so‘zlariga ko‘ra, Kanada Yevropa Ittifoqining birinchi «assotsiatsiyalashgan a’zosi» bo‘lishi mumkin. Bunday maqom hozircha YI huquqiy tizimida mavjud emas va uni alohida ishlab chiqish talab qilinadi. Reuters ham bu tashabbus hozircha aniq huquqiy shaklga ega emasligini qayd etdi.

Tramp savdoni cheklash bilan tahdid qildi

Tramp jurnalistlarga bergan izohida Kanada bilan bunday yaqinlashuvni AQSh manfaatlariga qarshi qadam sifatida ko‘rishi mumkinligini...

Oppo Find X10 smartfonida foydalanuvchining kundalik odatlarini o‘rganib, keyingi harakatlarni oldindan taklif qiladigan sun’iy intellekt funksiyalari joriy etilishi kutilmoqda. Qurilma ColorOS 17 bilan birga yil oxirida taqdim etilishi mumkin.

Dastlabki sinovlarda Find X10’dagi Xiaobu nomli AI-assistent alohida e’tibor qozongan. iFanR tomonidan ikki hafta davomida o‘tkazilgan testlarga ko‘ra, yordamchi foydalanuvchining mayda kundalik odatlarini eslab qoladi va vaqt o‘tishi bilan shu ma’lumotlar asosida tavsiyalar bera boshlaydi.

Telefon foydalanuvchi odatini oldindan bilishga urinadi

Masalan, foydalanuvchi ish vaqtidan keyin bir necha bor ma’lum ichimlik do‘konidan o‘tsa, telefon keyinchalik odatdagi ichimlikni buyurtma qilishni o‘zi taklif qilishi mumkin.

Bunda alohida ilovani ochish yoki so‘rov...

AQSh Federal rezerv tizimi (Fed) 16-sentabr kuni asosiy foiz stavkasini 0,25 foiz bandga oshirib, yillik 3,75 – 4 foiz oralig‘ida belgiladi. Bu Fedning 2023-yil iyulidan buyon stavkani birinchi marta oshirishi bo‘ldi. Qaror Federal ochiq bozor qo‘mitasi tomonidan bir ovozdan qabul qilindi.

Inflyatsiya hali ham yuqori

Fed qarorini AQShda inflyatsiya yuqori darajada saqlanib qolayotgani bilan izohladi. Regulyatorning maqsadi inflyatsiyani 2 foizlik ko‘rsatkichga qaytarish.

Shu bilan birga, AQSh iqtisodiyoti barqaror sur’atlarda o‘sayotgani, ichki xarajatlar mustahkamligi, investitsiyalar yuqori bo‘lib qolayotgani va ishsizlik darajasi katta o‘zgarish ko‘rsatmagani qayd etildi.

Geosiyosiy vaziyat narxlarga bosim qilmoqda

Fed bayonotida geosiyosiy voqealar iqtisodiy noaniqlikni...

Toshkent shahridagi 15 ta ko‘chada ta’mirlash va tiklash ishlari olib borilmoqda. Yo‘l harakatini tashkil etish markazi ma’lumotiga ko‘ra, bu ishlar ayrim hududlarda transport oqimiga qisman ta’sir qilishi mumkin.

Veolia Energy Tashkent tomonidan Muqimiy, Ohangrabo, Beshariq, Gulnora 1-tor, Qorasuv, Amir Temur shoh, Muhammad Yusuf, Mirzo Ulug‘bek, Qatortol 1-tor va Oqqo‘rg‘on ko‘chalarida ishlar olib borilmoqda.

«Hududiy elektr tarmoqlari» AJ Asrlar sadosi ko‘chasida, «Toshkent shahar suv ta’minoti» AJ esa Labzak, Sultonali Mashhadiy va Birlashgan ko‘chalarida ishlamoqda.

Toshkent shahar elektr tarmoqlari MChJ tomonidan Vosit Vohidov ko‘chasida ta’mirlash ishlari amalga oshirilmoqda. Zarurat tug‘ilganda ayrim harakat tasmalari vaqtincha yopilishi mumkin.

Eng tig‘iz vaqtlar ma’lum...

Afg‘onistonning Tolibon hukumati tashqi ishlar vaziri Amir Xon Muttaqiy Qirg‘izistondan 2027-yildan BMT Xavfsizlik Kengashida Afg‘oniston masalalarida qo‘llab-quvvatlashni so‘radi. Bu haqda Tolibon tashqi ishlar vazirligi Qirg‘iziston tashqi ishlar vaziri Jeenbek Kulubayev bilan telefon muloqotidan so‘ng ma’lum qildi.

Qirg‘iziston 2026-yil iyunida 2027 – 2028-yillar uchun BMT Xavfsizlik Kengashining muvaqqat a’zosi etib saylangan. Mamlakat ushbu organ tarkibiga ilk bor kiradi.

Tolibon o‘zaro yordamga chaqirdi

Tolibon TIV ma’lumotiga ko‘ra, Muttaqiy Qirg‘izistonning BMT Xavfsizlik Kengashiga saylanishini muhim yutuq deb atagan va ushbu tuzilma doirasida ikki tomonlama hamkorlik hamda o‘zaro yordamni kuchaytirish zarurligini bildirgan.

Qirg‘iziston TIVning rasmiy xabarida esa telefon suhbatida savdo, iqtisodiyot...

Davlat aktivlarini boshqarish agentligi UzAuto Motors va UzAuto Motors Powertrain kompaniyalaridagi davlat ulushlarini xususiylashtirish bo‘yicha tenderlarni yaqin vaqt ichida e’lon qiladi. Bu haqda 17-sentabr kuni agentlik direktori o‘rinbosari Alisher Miraliyev VIII xalqaro Cbonds konferensiyasida ma’lum qildi.

Davlatning UzAuto Motors’dagi ulushi 99,7 foiz

Avvalgi xususiylashtirish rejasiga ko‘ra, UzAuto Motors’dagi 99,7 foiz va UzAuto Motors Powertrain’dagi 100 foiz davlat ulushini sotish ko‘zda tutilgan edi. Mazkur kompaniyalar davlat ulushi ommaviy savdoga taklif etilishi rejalashtirilgan yirik aktivlar ro‘yxatiga ham kiritilgan.

Dastlab ushbu xususiylashtirish jarayonlarini 2025-yil oxiri va 2026-yil boshida amalga oshirish rejalashtirilgan edi. Biroq tenderlar hozirgacha e’lon qilinmagan.

Xususiylashtirishga tayyorgarlik davom etmoqda

O‘zbekistonda 2027-yil 1-iyuldan tibbiyot va farmatsevtika xodimlari uchun yangi uzluksiz kasbiy ta’lim tizimi joriy qilinadi. Oliy ma’lumotli mutaxassislar yiliga kamida 50, o‘rta bo‘g‘in xodimlari esa kamida 28 kredit to‘plashi shart bo‘ladi.

Malaka oshirish kredit-modul tizimiga o‘tkaziladi

Yangi tizim doirasida tibbiyot va farmatsevtika xodimlarining bilim va ko‘nikmalarini muntazam oshirib borish kredit-modul tamoyili asosida yo‘lga qo‘yiladi.

Uzluksiz ta’lim dasturlarini tegishli akkreditatsiyadan o‘tgan davlat va nodavlat ta’lim hamda tibbiyot tashkilotlari, shuningdek, tibbiyot va farmatsevtika sohasidagi nodavlat notijorat tashkilotlari amalga oshiradi.

An’anaviy o‘qitish shakllari bilan bir qatorda masofaviy, kechki va bevosita ish jarayoniga moslashtirilgan boshqa ta’lim shakllari ham joriy qilinadi.

Huawei Xitoyda Huawei Mate 90 flagman smartfonlari uchun norasmiy oldindan buyurtma qabul qilishni boshladi. Bu haqda Huaweicentral xabar berdi.

Hozircha Mate 90’ga internet orqali buyurtma berish imkoni yo‘q. Oldindan buyurtma qilish faqat ayrim jismoniy savdo nuqtalarida mavjud.

Ijtimoiy tarmoqlarda tarqalgan suratlarda Mate 90 seriyasini bron qilish boshlanganini ko‘rsatuvchi reklama materiallari aks etgan. Xaridorlarning yozishicha, qurilmani band qilish uchun 200 yuan miqdorida depozit to‘lash talab etiladi.

«Ko‘r-ko‘rona» buyurtma qilish tartibi qo‘llanmoqda

Bu usul «blind pre-order», ya’ni «ko‘r-ko‘rona oldindan buyurtma» deb ataladi. Bunda xaridor qurilmaning yakuniy narxi, texnik xususiyatlari va hatto tashqi ko‘rinishi rasman ochiqlanmasidan turib uni bron qiladi.

Ayrim...

O‘zbekistonda 2026 – 2028-yillarda elektrotexnika sanoatidagi investitsiya loyihalari uchun ajratiladigan kreditlarning foiz xarajatlari qisman qoplab beriladi. Shuningdek, kamida $50 mln investitsiya kiritadigan yirik xalqaro investorlar uchun 10 yilgacha soliq imtiyozlari beriladi.

Yangi tartib elektrotexnika tarmog‘ida butlovchi buyumlar va ehtiyot qismlar ishlab chiqarishni kengaytirish, shuningdek, elektronika, robototexnika va boshqa yondosh sanoat yo‘nalishlarini rivojlantirishga qaratilgan.

20 mlrd so‘mgacha bo‘lgan kredit qismi kompensatsiya qilinadi

2026 – 2028-yillarda elektrotexnika sanoatidagi investitsiya loyihalariga tijorat banklari tomonidan ajratiladigan kreditlar bo‘yicha foiz xarajatlarining bir qismi «Tadbirkorlikni rivojlantirish kompaniyasi» tomonidan qoplanadi.

Kredit miqdoridan qat’i nazar, kompensatsiya uning 20 mlrd so‘m ekvivalentidan oshmagan qismiga nisbatan qo‘llanadi.

Milliy...

O‘zbekistonda 2026-yil 1-oktabrdan elektrotexnika sanoati korxonalarini moliyaviy qo‘llab-quvvatlashning yangi mexanizmlari joriy etiladi. Bu haqda Adliya vazirligi xabar bermoqda. Korxonalar aylanma mablag‘lar uchun $5 mln gacha kredit olishi, mis xomashyosini xarid qilishda esa to‘lovning 75 foizini kechiktirib to‘lashi mumkin bo‘ladi.

Kreditlar 6 foiz stavkada ajratiladi

Qarorga ko‘ra, elektrotexnika sanoati korxonalariga aylanma mablag‘larni to‘ldirish uchun tijorat banklari orqali ikki yilgacha muddatga kreditlar ajratiladi.

Kreditlar uch oylik imtiyozli davr bilan yillik 6 foiz stavkada beriladi. Shundan 2 foizi bank marjasini tashkil etadi. Bitta tadbirkor uchun kredit miqdori $5 mln’dan oshmaydi.

Kreditning 50 foizigacha bo‘lgan qismiga, biroq 20 mlrd so‘m ekvivalentidan ko‘p...

O‘zbekistonda Markaziy depozitariy orqali hisob-kitoblarga o‘tish tufayli talab qilinmagan dividendlar muammosini deyarli bartaraf etishga erishildi. Bu haqda 17-sentabr kuni Toshkentda bo‘lib o‘tgan VIII Cbonds konferensiyasida Istiqbolli loyihalar milliy agentligi (ILMA) direktori o‘rinbosari Vyacheslav Pak ma’lum qildi.

Dividendlarni to‘lash tartibida nima o‘zgardi

Pakning so‘zlariga ko‘ra, so‘nggi ikki yil davomida joriy etilgan mexanizm investorlarning dividendlar va qimmatli qog‘ozlar bo‘yicha foiz daromadlarini olish jarayonini sezilarli darajada soddalashtirdi.

Avvallari investor o‘ziga tegishli to‘lovni olish uchun mustaqil ravishda ariza bilan murojaat qilishi kerak edi. Hozir esa hisob-kitoblar Markaziy depozitariy infratuzilmasi va investitsiya vositachilari orqali amalga oshirilmoqda. (Aksiyador dividendlarni Markaziy depozitariyning mobil ilovasi orqali olishi...

«Milliy tiklanish» partiyasi raisi, Qonunchilik palatasi deputati Alisher Qodirov Madaniy meros agentligining o‘z tanqidlariga bergan rasmiy javobidan qoniqmaganini bildirdi.

U agentlikdan Sarmishsoy, Shohizinda, Mizdaxqon va boshqa tarixiy obyektlar bo‘yicha aniq javob olish uchun parlament so‘rovi yoki eshituvi mexanizmlaridan foydalanishga harakat qilishini ma’lum qildi. Qodirovning yozishicha, Madaniy meros agentligi Oliy Majlis Qonunchilik palatasidagi budjet hisoboti vaqtida deputatlar ko‘targan masalalarga javob berish o‘rniga ijtimoiy tarmoqlarda rasmiy munosabat bildirdi.

Deputat agentlik uning avvalgi fikrlarini millatlararo masala sifatida talqin qilishga urinayotganini tanqid qildi. Avvalroq Qodirov Toshkentdagi Bobur ko‘chasi, 7-uy manzilidagi tarixiy binoni saqlashga sarflanayotgan e’tibor va mablag‘larni savol ostiga qo‘ygan edi. Madaniy...

Surxondaryo viloyatining Qiziriq tumanida Savdo-sanoat palatasi tuman bo‘limi boshlig‘i firibgarlikda gumonlanib ushlandi. Bu haqda Departament xabar bermoqda.

Savdo-sanoat palatasining Qiziriq tumani bo‘limi boshlig‘i fuqaroga dehqon xo‘jaligi tashkil etishi uchun auksion orqali 2 gektar yer maydoni olib berishni va’da qilgani aytilmoqda.

Tergov ma’lumotlariga ko‘ra, mansabdor ushbu vaj bilan firibgarlik yo‘li orqali 5 mln so‘m olgan. U mazkur pulni unga qaytarib berayotgan vaqtida ashyoviy dalillar bilan ushlangan.

Jinoyat ishi qo‘zg‘atildi

Holat yuzasidan Jinoyat kodeksining 168-moddasi – firibgarlik bilan jinoyat ishi qo‘zg‘atildi. Hozirda tergov harakatlari olib borilmoqda.

Avvalroq «Kursiv» 31 sotix yer uchun 9,5 ming dollar so‘raganlar qo‘lga olingani haqida...

Yevropa Ittifoqi 13 yoshga to‘lmagan bolalarning ijtimoiy tarmoqlardan foydalanishini taqiqlashni nazarda tutuvchi qonun loyihasini tayyorlamoqda. Bu haqda The Guardian xabar berdi.

Bu haqda Yevropa Komissiyasi prezidenti Ursula fon der Lyayen 16-sentabr kuni Strasburgda Yevropa Ittifoqining holati bo‘yicha yillik nutqida ma’lum qildi.

Uning ta’kidlashicha, ijtimoiy tarmoqlar bolalarni bolaligidan mahrum qilmoqda, yirik texnologik platformalar esa o‘z mahsulotlari bolalar uchun xavfsizligini isbotlashi kerak.

13 – 15 yoshdagilar uchun alohida akkauntlar taklif qilinmoqda

Rejaga ko‘ra, 13 yoshgacha bo‘lganlar uchun ijtimoiy tarmoqlardan foydalanish to‘liq cheklanishi mumkin.

13 – 15 yoshli o‘smirlarga esa ota-onalar nazorati ostida «mini akkauntlar» ochishga ruxsat berish taklif etilmoqda. Bunday...

Tijorat banklari tomonidan 17-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 17-sentabr uchun valyutalar kursi e’lon qilingani haqida yozgan edi.

O‘zbekistonlik himoyachi Behruz Karimov Shveysariya Superligasida «Lugano» safidagi ilk golini kiritdi. Uning jamoasi «Sankt-Gallen»ni 4:1 hisobida mag‘lub etdi.

«Lugano» yirik hisobda g‘alaba qozondi

«Lugano» hisobni 4-daqiqada Bekhem Kastroning goli bilan ochdi. Keyin Elias Pilstryom 14 va 28-daqiqalarda ikki marta raqib darvozasini ishg‘ol qildi.

Karimovning 36-daqiqadagi golidan so‘ng hisob 4:0 ko‘rinishiga keldi.

«Sankt-Gallen» safida Andrin Xuntsiker 74-daqiqada bitta javob golini urdi. Shundan so‘ng hisob o‘zgarmadi va bahs «Lugano»ning...

Samsung kelajakdagi Samsung Galaxy S27 seriyasining ayrim modellarida LPDDR6 o‘rniga LPDDR5X tezkor xotiradan foydalanishi mumkin. Bu haqda Sammobile nashri xabar bermoqda.

The Bell ma’lumotiga ko‘ra, Samsung Micron’ning 1γ texnologik jarayonida ishlab chiqarilgan LPDDR5X xotirasini sifat sinovlaridan o‘tkazmoqda. Bu avlod Samsung va SK Hynix’ning 1c DRAM texnologiyasiga mos keladi.

Micron ushbu chiplarning dastlabki namunalarini Samsung’ga 2025-yilning ikkinchi yarmida taqdim etgan. Avvaliga ular Galaxy S26 seriyasida paydo bo‘lishi mumkinligi taxmin qilingan, biroq bu amalga oshmagan.

Narx asosiy muammo bo‘lishi mumkin

Micron xotira chiplarining Samsung tomonidan keng qo‘llanilishiga ularning narxi to‘sqinlik qilishi mumkin.

Manbaga ko‘ra, Micron yangi avlod chiplarini odatda raqobatchilarga...

14-sentabr kuni Toshkent metropoliteni xizmatlaridan 1,16 mlndan ortiq yo‘lovchilar foydalandi. Yo‘lovchilar oqimi oshib borayotgani sabab yaqin kunlarda kunlik ko‘rsatkich 1,2 mln nafardan ham oshishi kutilmoqda.

Metropoliten ma’lumotiga ko‘ra, eng katta gavjumlik ertalab va kechki tig‘iz vaqtlarda kuzatilyapti.

Eng gavjum vaqtlar ma’lum qilindi

Yo‘lovchilar oqimi ertalab soat 07:00 – 09:00 hamda kechki 16:00 – 19:00 oralig‘ida keskin ortmoqda.

Shu paytlarda ayrim bekatlar va poyezdlarda gavjumlik yuzaga kelayotgani qayd etildi.

Shuningdek, o‘qing: Toshkentda avtobus va metro yo‘lkirasi oshirilishi mumkin

Metropoliten buni yirik shaharlarga xos holat deb baholadi

Toshkent metropoliteni bunday gavjumlik dunyoning boshqa...

Qarshining «Nasaf» klubi OFK Chempionlar ligasi-2 guruh bosqichining ilk turida Bahraynning «Al-Xaldiya» jamoasi bilan 0:0 hisobida durang o‘ynadi.

Uchrashuv boshidan mezbonlar faolroq harakat qildi va «Nasaf» darvozasi tomon bir necha xavfli hujumlar uyushtirdi. Biroq qarshiliklar himoyasi hamda darvozabon Abduvohid Ne’matov raqib zarbalarini qaytara oldi.

14-daqiqada Drozdek pastdan zarba berdi, to‘p rikoshetdan keyin Ne’matovning qo‘liga kelib tushdi. Oradan ko‘p o‘tmay Valid Sabbar darvozabonni ustidan oshirib zarba berishga urindi, biroq uning zarbasi kuchsiz chiqdi.

«Nasaf» ham o‘z imkoniyatlariga ega bo‘ldi

Qarshi klubi birinchi bo‘limda uzoq masofadan xavf tug‘dirishga harakat qildi. Oybek Rustamovning zarbasini «Al-Xaldiya» darvozaboni qaytardi.

Shuningdek, Akrom Komilov o‘tkir burchakdan...

Portugaliyalik hujumchi Krishtianu Ronaldu 2027-yil yanvaridagi qishki transfer oynasida Saudiya Arabistonining «Al-Nassr» klubini tark etishi mumkin. Bu haqda saudiyalik jurnalist va insayder Saud Al-Sarami ma’lum qildi.

Ronaldu bilan shartnoma 2027-yilgacha amal qiladi

41 yoshli futbolchi 2025-yil iyunida «Al-Nassr» bilan shartnomasini yana ikki yilga uzaytirgan. Amaldagi kelishuv 2027-yilgacha mo‘ljallangan. O‘shanda Ronaldu «yangi bob boshlanayotganini» aytib, Saudiya klubida qolishini tasdiqlagan edi.

Shu sababli futbolchining 2027-yil yanvaridayoq klubdan ketishi amaldagi shartnoma...

O‘zbekistonlik grossmeyster Javohir Sindarov jahon chempionligini qo‘lga kiritish muhimligini, biroq uning asosiy maqsadi dunyo reytingida birinchi o‘ringa chiqish ekanini aytdi.

Shaxmatchining fikricha, hozir jahon shaxmatida avlodlar almashinuvi boshlanmoqda. Shu bilan birga, u norvegiyalik Magnus Karlsenni hozirgi paytda dunyoning eng kuchli shaxmatchisi deb hisoblaydi.

«Maqsadim — dunyoning birinchi raqamli shaxmatchisi bo‘lish»

«Jahon chempionatida g‘alaba qozonish muhim, ammo mening asosiy maqsadim — dunyoda birinchi bo‘lish. 30 yoshdan katta kuchli shaxmatchilar ko‘p, lekin hozir, menimcha, yangi davr boshlanmoqda», – dedi Sindarov.

Uning so‘zlariga ko‘ra, Karlsen hozircha boshqa shaxmatchilardan kuchliroq. Biroq muntazam mehnat orqali uning darajasiga yaqinlashish...

17-sentabr kuni O‘zbekistonning aksariyat hududlarida yog‘ingarchilik kutilmaydi. Eng yuqori harorat Qashqadaryo va Surxondaryo viloyatlarida kuzatilib, +37 darajagacha yetishi mumkin.

Toshkent shahrida havo biroz bulutli bo‘ladi, yog‘ingarchilik kutilmaydi. Kechasi harorat +16…+18, kunduzi esa +30…+32 daraja atrofida bo‘ladi. Shamol sharqdan 3–8 metr/sekund tezlikda esadi.

Janubiy hududlarda eng issiq ob-havo kuzatiladi

Qashqadaryo va Surxondaryo viloyatlarida kunduzgi harorat +32…+37 darajagacha ko‘tariladi. Kechasi esa +15…+20 daraja bo‘lishi kutilmoqda.

Buxoro va Navoiy viloyatlarida havo +30…+35 daraja, Toshkent, Sirdaryo, Jizzax va Samarqand viloyatlarida esa +28…+33 darajagacha isiydi.

Qoraqalpog‘iston Respublikasi va Xorazm viloyatida kunduzgi harorat +27…+32 daraja, Andijon, Namangan va Farg‘ona viloyatlarida +28…+33 daraja bo‘ladi.

Mercedes-AMG o‘z tarixidagi ilk to‘liq elektr SUV modelini 17-oktabr kuni namoyish etadi. Bu haqda The Super car blog nashri xabar bermoqda.

Yangi model Mercedes-AMG tomonidan 2024-yilda ilk bor e’lon qilingan edi. U maxsus AMG.EA elektr platformasida yaratilgan ikkinchi avtomobil bo‘ladi.

Shuningdek, bu AMG muhandislari tomonidan boshidan oxirigacha mustaqil ishlab chiqilgan ilk SUV hisoblanadi. Ya’ni uning platformasi Mercedes-Benz’ning mavjud modellaridan moslashtirilmagan.

Quvvati 1 153 ot kuchigacha yetishi mumkin

Mercedes-AMG hozircha avtomobilning texnik xususiyatlarini rasman oshkor qilmagan. Biroq yangi SUV to‘rt eshikli AMG GT bilan bir xil elektr kuch qurilmasidan foydalanishi mumkinligi taxmin qilinmoqda.

Agar bu ma’lumot tasdiqlansa, avtomobilning maksimal...