Yangiliklar

Filippinning janubidagi maktablardan birida otishma sodir bo‘lib, kamida bir kishi halok bo‘ldi va bir necha kishi jarohatlandi. Bu haqda BBC xabar bermoqda.

Hodisa juma kuni tushdan keyin Mindanao hududidagi Janubiy Kotabato provinsiyasining Banga shahrida joylashgan Banga National High School’da yuz bergan.

Qurbonlar soni bo‘yicha ma’lumotlar farq qilmoqda

Mahalliy rasmiylar va OAV hodisa oqibatlari bo‘yicha turlicha raqamlarni keltirmoqda.

Janubiy Kotabato gubernatori Reynaldo Tamayo bir kishi halok bo‘lganini va yana to‘rt kishi shifoxonaga yotqizilganini ma’lum qilgan. Otishmani sodir etgan shaxs va jabrlanganlarning kimligi hozircha rasman tasdiqlanmagan.

Filippin Ta’lim departamenti voqeadan jiddiy tashvishda ekanini bildirib, o‘quvchilar, o‘qituvchilar va maktab xodimlari xavfsizligi...

Andijon viloyatining Shahrixon tumanida Favqulodda vaziyatlar bo‘limi boshlig‘i o‘rinbosari pora olayotganda ushlandi. Bu haqda Bosh prokuratura huzuridagi Departament ma’lum qildi.

Ma’lumotlarga ko‘ra, mansabdor shaxs MChJ vakilining ishonchiga kirib, umumiy ovqatlanish shoxobchasida kelgusida favqulodda vaziyatlar bo‘yicha tekshiruv o‘tkazmaslikni va’da qilgan.

Tekshiruvchilar kelgan taqdirda masalani hal qilib berishni aytgan

Shuningdek, u tekshiruvchilar kelgan taqdirda masalani tadbirkor foydasiga hal qilib berishini bildirgan.

Buning evaziga mansabdor shaxs 1,5 mln so‘m talab qilgan va ushbu pulni olayotgan vaqtida tezkor tadbir davomida ashyoviy dalillar bilan ushlangan.

Jinoyat ishi qo‘zg‘atildi

Mazkur holat yuzasidan Jinoyat kodeksining 210-moddasi – pora olish bilan jinoyat ishi qo‘zg‘atilgan. Hozirda...

Apple’ning yangi iPhone 18 Pro Max modeli sovitish tizimi samaradorligi bo‘yicha qator Android flagmanlaridan yaxshiroq natija ko‘rsatdi. Geekerwan kanali o‘tkazgan testlarda smartfon yuqori yuklama ostida kamroq qizigan.

Harorat 44,3 darajada qolgan

Sinov davomida iPhone 18 Pro Max chipi 5,9 Vtgacha quvvat sarflagan. Bu ko‘rsatkich iPhone 17 Pro Max’dagi 5,4 Vtdan biroz yuqori.

Shunga qaramay, yangi modelning harorati 44,3 darajada qolgan. Taqqoslash uchun, iPhone 17 Pro Max 45,2 darajagacha qizigan.

Bu natijalar Apple yangi avlodda sovitish tizimini sezilarli darajada yaxshilaganini ko‘rsatadi.

Android flagmanlari ko‘proq qizigan

Testda OnePlus 15 hamda iQOO 15 Ultra bilan ham taqqoslash o‘tkazilgan. OnePlus...

O‘zbekistonlik mashhur gimnastikachi Oksana Chusovitina Yaponiyada o‘tkaziladigan «Aichi-Nagoya – 2026» XX yozgi Osiyo o‘yinlarida ishtirok etadi. 51 yoshli sportchi O‘zbekiston terma jamoasining sport gimnastikasi bo‘yicha ayollar tarkibiga kiritildi.

O‘zbekiston sharafini uch nafar gimnastikachi himoya qiladi

Sport gimnastikasi bo‘yicha ayollar terma jamoasiga Chusovitinadan tashqari Dildora Aripova va Aleksandra Shevchenko ham kiritilgan. Sportchilar musobaqaga murabbiylar Elvira Rakova va Andrey Markelov qo‘l ostida tayyorgarlik ko‘rmoqda.

Milliy Olimpiya qo‘mitasi ma’lumotiga ko‘ra, «Aichi-Nagoya – 2026» Osiyo o‘yinlarida O‘zbekiston tarixidagi eng katta delegatsiya bilan qatnashadi. Mamlakat sharafini 42 ta sport turi bo‘yicha 396 nafar sportchi himoya qiladi.

Osiyo o‘yinlari 19-sentabrda boshlanadi

XX yozgi...

Prezident Shavkat Mirziyoyev Qoraqalpog‘iston Respublikasiga tashrifini atoqli davlat va jamoat arbobi Kallibek Kamalov xonadoniga borishdan boshladi. Davlat rahbari marhumning xotirasiga hurmat bajo keltirib, uning el-yurt rivojiga qo‘shgan hissasini yodga oldi.

Marhumning haqqiga duo qilindi

Prezident Kallibek Kamalovning xonadoniga tashrif buyurib, Qur’on tilovatida ishtirok etdi va marhumning haqqiga duo qilindi.

Shavkat Mirziyoyev uning hayot yo‘li, qilgan ezgu ishlari hamda Qoraqalpog‘iston va mamlakat rivojiga qo‘shgan hissasini esladi.

Davlat rahbari o‘tganlar xotirasiga hurmat ko‘rsatish va katta avlod vakillarini e’zozlash yoshlar uchun muhim ibrat ekanini ta’kidladi.

Kallibek Kamalov uzoq yillar rahbarlik lavozimlarida ishlagan

Kallibek Kamalov ko‘p yillar Qoraqalpog‘istonda turli rahbarlik lavozimlarida...

Raqobat qo‘mitasi aviakompaniya aybi bilan reyslar kechikkanida yo‘lovchilarga pul kompensatsiyasi to‘lash tartibini belgilash bo‘yicha Transport vazirligiga bir necha ko‘rsatma berdi. Hozirda aviayo‘lovchilar huquqlarini himoya qilishga oid qonunchilikni takomillashtirish ishlari davom etmoqda.

Shuningdek, qo‘mita Centrum Air aviakompaniyasining Istanbul – Toshkent yo‘nalishidagi C6302 reysi uch soatdan ortiq kechikkani yuzasidan o‘rganish boshladi. Holat ijtimoiy tarmoqlarda yo‘lovchilarning e’tirozlariga sabab bo‘lgan.

Qo‘mita reys kechikishi vaqtida yo‘lovchilarga zarur axborot va tegishli xizmatlar ko‘rsatilgan-ko‘rsatilmaganini, shuningdek, iste’molchilar huquqlari qay darajada ta’minlanganini tekshirmoqda.

Qonun buzilishi aniqlansa, choralar ko‘riladi

Raqobat qo‘mitasi ma’lumotiga ko‘ra, o‘rganish natijasida qonun buzilishi holatlari aniqlansa, kompaniyaga nisbatan belgilangan tartibda ta’sir choralari qo‘llaniladi.

Aviatashuv xizmatlarida...

Xorazm viloyatida fuqaroning pensiya miqdorini oshirib berishni va’da qilib, 15 mln so‘m olgan hokim yordamchisi ushlandi. Bu haqda Bosh prokuratura huzuridagi Departament ma’lum qildi.

Ma’lumotlarga ko‘ra, Urganch shahri Jambul mahallasida tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha hokim yordamchisi fuqaroning ishonchiga kirgan.

Pensiyani oshirib berishni va’da qilgan

Tergov ma’lumotlariga ko‘ra, hokim yordamchisi yuqori lavozimlarda ishlovchi tanishlari orqali Sh.Yu.ning turmush o‘rtog‘ining yoshga doir pensiya miqdorini oshirib berishini aytib, buning evaziga 15 mln so‘mni firibgarlik yo‘li bilan qo‘lga kiritgan.

Keyinchalik u olingan pulning 14,9 mln so‘mini fuqaroga qaytarib berayotgan vaqtida huquqni muhofaza qiluvchi organ xodimlari tomonidan ashyoviy...

Xitoyning Li Auto kompaniyasi yangi flagman elektromobili – Li i9’ni rasman taqdim etdi. Bu haqda CarNewsChina nashri xabar bermoqda.

Modelning Xitoydagi narxi 369,8 ming yuan, ya’ni qariyb $54,4 mingdan boshlanadi. Kompaniya ma’lumotiga ko‘ra, avtomobilning aerodinamik qarshilik koeffitsiyenti 0,215 Cd bo‘lib, bu uni dunyodagi eng aerodinamik seriyali SUV’ga aylantiradi.

500 km zaxira 10 daqiqada to‘ldiriladi

Li i9 101 kVt·soat sig‘imli 5C turidagi uch komponentli litiy batareya bilan jihozlangan. CLTC sikli bo‘yicha avtomobil bir quvvatlashda 705 km masofani bosib o‘ta oladi.

Tezkor quvvatlash tizimi yordamida 10 daqiqada 500 km yurishga yetadigan energiya zaxirasini to‘ldirish mumkin.

Elektromobil ikkita motor va to‘liq...

Prezident Shavkat Mirziyoyev ikki kunlik tashrif bilan Qoraqalpog‘iston Respublikasida bo‘ladi. Safar davomida hududdagi sanoat, qishloq xo‘jaligi, ta’lim, tibbiyot, transport, turizm va sport sohalaridagi loyihalar bilan tanishish rejalashtirilgan. Bu haqda prezident matbuot xizmati xabar berdi.

Davlat rahbari, shuningdek, aholi bandligini ta’minlash va mahallalarni obodonlashtirish bo‘yicha amalga oshirilayotgan ishlarni ko‘zdan kechiradi.

Yangi loyihalarga start beriladi

Tashrif doirasida bir qator yangi loyihalarni ishga tushirish hamda ularning qurilishiga start berish rejalashtirilgan.

Prezident hududda amalga oshirilayotgan iqtisodiy va ijtimoiy loyihalar bilan ham tanishadi.

Shuningdek, o‘qing: Mo‘ynoqda tuya sutidan oziq-ovqat va kosmetika mahsulotlari ishlab chiqarilmoqda

Qoraqalpog‘istonni rivojlantirish...

Endilikda ota-onalar my.gov.uz portali orqali maktabda o‘qiyotgan farzandining baholari va ta’lim muassasasi haqidagi ma’lumotlarni masofadan turib ko‘rishi mumkin. Yaqin vaqt ichida davomatni ham real vaqt rejimida kuzatish imkoniyati ishga tushirilishi rejalashtirilgan.

Yangi imkoniyat orqali ota-onalar farzandining har bir fan bo‘yicha joriy baholari va o‘rtacha ko‘rsatkichlarini ko‘rishi mumkin.

Maktab haqidagi ma’lumotlar ham ko‘rsatiladi

Portalda sinfga oid va umumiy baholar statistikasi bilan birga farzand tahsil olayotgan maktab haqida ham ma’lumot olish mumkin.

Jumladan, ta’lim muassasasining nomi va manzili, maktabdagi o‘quvchilar hamda o‘qituvchilar soni va boshqa ma’lumotlar ko‘rsatiladi.

Shuningdek, o‘qing: Maktab darsliklari yangi alifboga qachon...

O‘zbekistonda qimmatli qog‘ozlar emitentlarining faoliyatini baholash bo‘yicha yangi reyting tizimi joriy qilinadi. Bu haqda Adliya vazirligi xabar bermoqda.

Reyting har chorakda e’lon qilinadi

Emitentlar reytingini Istiqbolli loyihalar milliy agentligi har chorak yakunlari bo‘yicha shakllantiradi.

Natijalar Korporativ axborot yagona portali – openinfo.uz’da ochiq e’lon qilinadi. Reyting hisobot choragidan keyingi ikkinchi oyning dastlabki 10 kuni ichida joylashtirilishi kerak.

Shuningdek, emitentlarga o‘z natijalari to‘g‘risida shaxsiy kabinet orqali alohida xabar yuboriladi.

Emitentlar yettita mezon bo‘yicha baholanadi

Reyting emitent faoliyatini aks ettiruvchi yettita mezon bo‘yicha to‘plangan ballar asosida aniqlanadi. Yakuniy natijaga qarab emitentlar to‘rtta toifadan biriga kiritiladi: «A», «B», «C» yoki «D».

«Manchester Siti» sport direktori Ugu Viana O‘zbekiston terma jamoasi himoyachisi Abduqodir Husanovning klubdagi rivojlanishi kutilganidan tezroq kechayotganini aytdi. Uning fikricha, futbolchi kelgusi 5-6 yil ichida dunyoning eng yaxshi markaziy himoyachilaridan biriga aylanishi mumkin. Viana bu haqda «Manchester Siti» matbuot xizmatiga bergan intervyusida ma’lum qildi.

«Bunday tez rivojlanishini kutmagandik»

Sport direktorining aytishicha, klub Husanovni taklif qilganida uning jismoniy imkoniyatlarini yaxshi bilgan va kelajakda jamoaning muhim futbolchisiga aylanishiga ishongan.

«Ammo bu shunchalik tez sodir bo‘lishini kutmagandik. U juda yosh edi va Fransiyada ham qisqa vaqt o‘ynagandi. Biz undan juda mamnunmiz», – dedi Viana.

Shu bilan...

Nigeriyaning markaziy qismidagi Niger shtatida noqonuniy konchilikda gumon qilinib hibsga olingan kamida 37 kishi vaqtincha saqlash joyida vafot etdi.

Gumondorlar ikki kun avval hibsga olingan

Nigeriya Xavfsizlik va fuqarolik mudofaasi korpusi ma’lumotiga ko‘ra, vafot etgan shaxslar seshanba va chorshanba kunlari noqonuniy kon qazish bilan shug‘ullanganlikda gumon qilinib ushlangan.

Tashkilotning Niger shtatidagi rahbari Suberu Siyaka Aniviye dastlab mahbuslar kasallik tufayli vafot etgan bo‘lishi mumkinligini bildirgan. Biroq o‘lim sababini aniqlash uchun jasadlar tibbiy ko‘rikka yuborilgan. Qaysi kasallik haqida gap ketayotgani ochiqlanmagan.

Shu bilan birga, razvedka ma’lumotlarida dastlabki sabab sifatida hibsxonadagi haddan tashqari tiqilinch va yetarli ventilyatsiya bo‘lmagani ko‘rsatilgan.

Tirik...

Toshkent viloyatining Ohangaron tumanida qurilish ishlari bilan bog‘liq noqonuniy holat aniqlandi. Davlat xavfsizlik xizmati ma’lumotiga ko‘ra, bosh pudratchi hisoblangan MChJ rahbari yordamchi pudratchidan $83,5 ming talab qilgan.

Ma’lum qilinishicha, tumanda faoliyati yo‘lga qo‘yilayotgan parrandachilik fabrikasi qurilishida bosh pudratchi bo‘lgan MChJ joriy yil aprel oyida obyektning ichki yo‘llarini asfaltlash uchun boshqa MChJ bilan 3,7 mlrd so‘mlik shartnoma tuzgan.

1,2 mlrd so‘m to‘lanmay qolgan

Shartnomada ko‘zda tutilgan ishlar bajarilgach, bosh pudratchi yordamchi pudratchi hisob raqamiga 2,5 mlrd so‘m o‘tkazib bergan. Qolgan 1,2 mlrd so‘m esa to‘lanmay, jarayon cho‘zib kelingan.

DXX ma’lumotiga ko‘ra, bosh pudratchi MChJ rahbari asfaltlashtirish obyektini yordamchi pudratchiga...

Toshkentda avtobus haydovchilarining oylik maoshi kechikayotgani va to‘lovlardagi noaniqliklar haqida video tarqaldi. «Toshshahartransxizmat» AJ holatni tekshirish uchun maxsus ishchi guruh tuzilganini ma’lum qildi.

«Toshshahartransxizmat» ma’lumotiga ko‘ra, kompaniyaning sakkizta avtobus saroyida ishlovchi haydovchilarning ish haqi oy yakunlangach hisoblab chiqiladi.

Keyingi oyning 1 – 10-sanalarida haydovchining ishlagan soatlari, bajargan qatnovlari va ularning muntazamligi tekshiriladi. Shuningdek, yo‘nalishda ishlash vaqtida sodir etilgan qoidabuzarliklar ham hisobga olinadi.

Barcha ma’lumotlar yig‘ilgach, oyning 10-sanasidan boshlab yakuniy ish haqi hisob-kitobi amalga oshiriladi va to‘lovlar boshlanadi.

Shuningdek, o‘qing: Toshkentda avtobus va metro yo‘lkirasi oshirilishi mumkin

Kompaniya avgust oyi uchun hisoblangan ish haqlari...

O‘zbekistonda xizmat ko‘rsatgan artist, teatr va kino aktrisasi Yodgora Ziyomuhamedova 74 yoshida vafot etdi. Bu haqda Madaniyat vazirligi xabar berdi.

Yodgora Ziyomuhamedova 34 yildan ortiq O‘zbekiston davlat yosh tomoshabinlar teatrida faoliyat yuritgan.

U sahnada 100 ga yaqin turli obrazlarni ijro etgan. Jumladan, «Qizil shapkacha»da Qizil shapka, «Zumrad va Qimmat»da Qimmat, «Farzandim jigarbandim»da Sanobar, «Sening taqdiring»da Nazira, «Yarash-yarash»da Pokiza, «Burgut»da Gulnur va «Birinchi muallim»da Oltinoy obrazlarini yaratgan.

«Oqshom ertaklari»ni 25 yil olib borgan

Aktrisa teatr bilan birga televideniye va kinoda ham faol ijod qilgan. U bolalar orasida mashhur bo‘lgan «Oqshom ertaklari» ko‘rsatuvini 25 yil davomida olib borgan.

Madaniyat vazirligi...

Tijorat banklari tomonidan 18-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 18-sentabr uchun valyutalar kursi e’lon qilingani haqida yozgan edi.

Samsung Galaxy S27 seriyasi uchun tasvirlarni qayta ishlashning yangi tizimini ishlab chiqmoqda. Bu haqda Schrodinger ma’lum qildi.

Kamera sun’iy intellekt bilan real vaqt rejimida ishlaydi

Gap suratga olinganidan keyin bajariladigan oddiy post-processing haqida emas. Samsung neyron algoritmlari va apparat darajasidagi tasvirni qayta ishlash vositalarini yagona tizimga birlashtirmoqchi.

Bunday yondashuv kamera ishlayotgan paytning o‘zida sun’iy intellekt algoritmlariga tasvir sensori va protsessor imkoniyatlari bilan birgalikda ishlash imkonini berishi kutilmoqda.

Video sifati 50 foizgacha yaxshilanishi mumkin

Manbaga ko‘ra, Visual Mapping texnologiyasi ketma-ket olingan bir nechta kadrni birgalikda tahlil qiladi. Shu orqali tizim har bir videokadrni alohida qayta ishlash o‘rniga sahnadagi...

Jahon sog‘liqni saqlash tashkiloti (JSST) Ebola epidemiyasiga qarshi kurashda vaziyat yaxshilanayotganining dastlabki belgilari kuzatilayotganini ma’lum qildi. Bu haqda tashkilot rahbari Tedros Adanom Gebreyesus Africanews telekanaliga bergan bayonotida aytdi.

Uning so‘zlariga ko‘ra, kasallikni davolash usullarini sinovdan o‘tkazish hamda tuzalgan bemorlarda qayta zararlanishning oldini olish bo‘yicha ishlar jadallashmoqda.

Ebola vaksinasi sinovlari boshlanishi kutilmoqda

JSST rahbarining ma’lum qilishicha, Ebola virusiga qarshi vaksinalarni sinovdan o‘tkazish yaqin haftalarda boshlanishi rejalashtirilgan.

Tedros Adanom Gebreyesus vaziyatda ijobiy belgilar paydo bo‘layotganiga qaramay, epidemiya hali yakunlanmaganini ta’kidladi.

«Biz epidemiyaga qarshi kurashda ustunlikka erisha boshlaganimizni ko‘rsatuvchi umidli belgilarni kuzatyapmiz. Ammo epidemiya tarqalishda va odamlar hayotiga zomin bo‘lishda davom...

18-sentabr kuni O‘zbekistonda yog‘ingarchiliksiz va iliq ob-havo saqlanib qoladi. Ayrim hududlarda havo harorati +37 darajagacha ko‘tariladi.

Toshkent shahrida havo biroz bulutli va vaqti-vaqti bilan o‘zgaruvchan bo‘ladi, yog‘ingarchilik kutilmaydi. Sharqdan 3–8 m/s tezlikda shamol esadi. Kechasi harorat +16…+18, kunduzi esa +31…+33 darajani tashkil etadi.

Eng issiq hududlarda +37 darajagacha

Qashqadaryo va Surxondaryo viloyatlarida kechasi +15…+20 daraja, kunduzi +32…+37 daraja bo‘lishi kutilmoqda. Buxoro va Navoiy viloyatlarida havo harorati kechasi +13…+18, kunduzi +30…+35 daraja atrofida bo‘ladi.

Qoraqalpog‘iston Respublikasi va Xorazm viloyatida kechasi +12…+17, kunduzi +29…+34 daraja kuzatiladi.

Vodiyda ham yog‘ingarchilik kutilmaydi

Toshkent, Sirdaryo, Jizzax va Samarqand viloyatlarida havo biroz bulutli...

Google Samsung Galaxy S26 smartfonlari uchun 2026-yil sentabr oyiga mo‘ljallangan Google Play System yangilanishini tarqata boshladi. Dastlab yangi versiya Android 17 asosidagi One UI 9.0 tizimida ishlaydigan Galaxy S26 seriyasi qurilmalariga yetib bormoqda.

Bu oddiy One UI yangilanishi emas

Google Play System yangilanishlari Samsung’ning One UI tizim yangilanishlari yoki oylik xavfsizlik patchlaridan farq qiladi.

Ushbu mexanizm orqali Google Android’ning muhim tizim komponentlarini Google Play orqali alohida yangilashi mumkin. Buning uchun smartfon ishlab chiqaruvchisi to‘liq yangi proshivka chiqarishi shart emas.

Bu usul ayrim tizim funksiyalari, xavfsizlik komponentlari va Google xizmatlari bilan bog‘liq qismlarni tezroq yangilash imkonini beradi.

Yangilanish...

AQShning General Motors (GM) avtomobil kompaniyasi Patriot havo mudofaa tizimining PAC-3 MSE tutib qoluvchi raketalari uchun korpus qismlarini yetkazib bera boshladi. Bu haqda Lockheed Martin kompaniyasi ma’lum qildi.

Dastlabki partiya GM tomonidan avgust oyida topshirilgan. Buyurtma hajmi va hamkorlikning keyingi bosqichlari bo‘yicha tafsilotlar ochiqlanmagan.

Pentagon ishlab chiqarishni keskin oshirmoqchi

Pentagon Lockheed Martin’dan Patriot raketalari ishlab chiqarishni keskin ko‘paytirishni talab qilmoqda. Shu bilan birga, qurol-yarog‘ ishlab chiqarish zanjiriga avtomobil kompaniyalari va ularning yetkazib beruvchilari ham jalb qilinmoqda.

Bunga Ukrainadagi urush va Yaqin Sharqdagi mojarolar fonida tutib qoluvchi raketalar zaxirasining kamaygani sabab bo‘lgan.

The Wall Street Journal ma’lumotiga ko‘ra, yanvar...

BMT Inson huquqlari kengashi topshirig‘i bilan ishlayotgan Eron bo‘yicha mustaqil xalqaro faktlarni aniqlash missiyasi AQShning Erondagi ikki havo zarbasida harbiy jinoyatlar sodir etilgan deb hisoblash uchun «asosli dalillar» borligini ma’lum qildi.

Minabdagi maktab zarba ostida qolgan

Missiya hisobotiga ko‘ra, AQSh kuchlari Minabdagi Shajareh Tayyebeh boshlang‘ich maktabiga berilgan zarba uchun javobgar bo‘lishi mumkin. Eron rasmiylari hujum oqibatida 150 dan ortiq odamlar, jumladan, qariyb 120 nafar maktab o‘quvchisi halok bo‘lganini bildirgan.

BMT ekspertlari maktab fuqarolik obyekti bo‘lganini va undan harbiy maqsadlarda foydalanilganini tasdiqlovchi dalillar topilmaganini qayd etdi. Missiya zarbani «tanlamasdan amalga oshirilgan» deb baholab, uning fuqarolar o‘limi va fuqarolik infratuzilmasiga...

O‘zbekiston terma jamoasi himoyachisi Abduqodir Husanov «Manchester Siti»ning «Norvich»ga qarshi 5:0 hisobidagi g‘alabasida yuqori baho oldi.

Flashscore statistik portali Husanovning o‘yinini 8,1 ball bilan baholadi. O‘zbekistonlik futbolchi uchrashuvni asosiy tarkibda boshladi va to‘liq 90 daqiqa maydonda harakat qildi. «Manchester Siti» esa raqibiga gol urish imkonini bermadi.

Husanov jamoada to‘rtinchi natijani qayd etdi

8,1 ball olgan Husanov «Manchester Siti» safida uchrashuvning eng yuqori baholangan futbolchilari qatoridan joy oldi. U Ayub Buaddi bilan bir xil natija qayd etdi.

Uchrashuvning eng yaxshi futbolchisi dubl muallifi Floyd Samba bo‘ldi – unga 8,4 ball qo‘yildi. Rayan Sherki va Allan esa 8,2 balldan olishdi.