Yangiliklar

Xiaomi kompaniyasi 23-sentabr kuni bo‘lib o‘tadigan rasmiy taqdimotdan uch kun avval Xiaomi 18 Pro va Xiaomi 18 Pro Max flagman smartfonlarining qora va oq rangdagi suratlarini e’lon qildi.

Yangi modellarning asosiy xususiyatlaridan biri orqa paneldagi qo‘shimcha ekran bo‘lib qoladi. Kompaniya yangi avlodda uning funksiyalarini kengaytirgan.

Orqa ekran endi interaktiv ilovalarni ham qo‘llaydi

Xiaomi orqa paneldagi displeyni «universal orqa ekran» deb atamoqda. U yirik kamera blokiga integratsiya qilingan.

Displey soat, bildirishnomalar va tasvirlarni ko‘rsatishdan tashqari, interaktiv ilovalar va vidjetlarni ham ishga tushira oladi. Kompaniya sun’iy intellekt yordamida yaratiladigan funksiyalarni ham qo‘shgan.

Masalan, orqa ekranda tuxum pishirish taymeri, suv iste’molini...

O‘zbekiston milliy terma jamoasi bosh murabbiyi Fabio Kannavaro sentabr – oktabr oylaridagi o‘quv-mashg‘ulot yig‘iniga jalb etilgan futbolchilar ro‘yxatini e’lon qildi.

Terma jamoa 21-sentabr kuni yig‘inni boshlaydi. Uning doirasida O‘zbekiston Eron, Suriya va Koreya Respublikasiga qarshi xalqaro o‘rtoqlik uchrashuvlarini o‘tkazadi.

Husanov va Shomurodov tarkibda

Darvozabonlar qatoriga «Nasaf»dan Abduvohid Ne’matov va Samandar Muratbayev, «Paxtakor»dan Vladimir Nazarov hamda «Dinamo Samarqand»dan Edem Nemanov jalb etildi.

Himoya chizig‘ida «Manchester Siti» futbolchisi Abduqodir Husanov, «Paxtakor» vakillari Muhammadrasul Abdumajidov, Xojiakbar Alijonov va Sherzod Nasrullayev, shuningdek, «Lugano» safida to‘p tepayotgan Behruzjon Karimov va «Rubin» futbolchisi Jahongir O‘rozov bor.

Yarim himoyaga Umarali Rahmonaliyev, Dostonbek Hamdamov, Akmal Mozgovoy...

Isroil armiyasi G‘azo shahri hamda G‘azo sektorining janubidagi Xon-Yunusda falastinliklarga tegishli uylar va mol-mulklarni portlatib vayron qildi. Anadolu agentligi guvohlar ma’lumotiga tayanib, uchta yirik portlatish amalga oshirilganini xabar qildi.

Portlashlar G‘azo shahridagi Zaytun mahallasining janubi-sharqiy qismi va Xon-Yunusning shimoli-sharqida yuz bergan. Portlatishlarda ishlatilgan moddalar atrofdagi hududlarda kuchli tebranishlarga sabab bo‘lgan, portlash ovozlari esa G‘azo sektorining bir necha qismida eshitilgan.

«Sariq chiziq» hududida ham o‘t ochildi

Guvohlarning aytishicha, Isroil harbiy texnikasi G‘azodagi «sariq chiziq» deb ataluvchi, Isroil nazorati ostidagi hududda vaqti-vaqti bilan o‘t ochgan.

Anadolu bu hodisalarni 2025-yil 10-oktabrda kuchga kirgan o‘t ochishni to‘xtatish kelishuvi buzilishining bir qismi sifatida...

Andijon viloyatida bank krediti bo‘yicha qarzdor fuqaroning xorijga chiqishiga qo‘yilgan taqiqni olib tashlab berishni va’da qilgan tijorat banki bosh mutaxassisi ushlandi.

Bosh prokuratura huzuridagi Departamentning Andijon viloyati boshqarmasi va boshqa huquqni muhofaza qiluvchi organlar hamkorligida o‘tkazilgan tezkor tadbirda tijorat bankining Andijon hududiy boshqarmasi bosh mutaxassisi fuqarodan 5,5 mln so‘m olayotgan vaqtida ashyoviy dalillar bilan ushlangan.

5,5 mln so‘m talab qilingan

Ma’lum qilinishicha, fuqaroning bank krediti bo‘yicha qarzdorligi sababli Majburiy ijro byurosi tomonidan uning xorijga chiqishiga taqiq qo‘yilgan.

Bank mutaxassisi ushbu taqiqni olib tashlab berish evaziga 5,5 mln so‘m olgan vaqtda qo‘lga olingan.

Jinoyat ishi qo‘zg‘atildi

Holat yuzasidan...

Vivo‘ning V2609A model raqamiga ega yangi smartfoni Geekbench 6.7.1 ma’lumotlar bazasida paydo bo‘ldi. Taxminlarga ko‘ra, ushbu qurilma Vivo X500 bo‘lishi mumkin.

Smartfon bir yadroli testda 2 694 ball, ko‘p yadroli sinovda esa 7 770 ball to‘plagan. Qurilma 12 GB tezkor xotiraga ega bo‘lib, Android 17 operatsion tizimi va OriginOS 7 interfeysida ishlaydi.

Vivo X500 yangi Dimensity chipini olishi mumkin

Geekbench ma’lumotlariga ko‘ra, Vivo X500 MediaTek Dimensity 9600M platformasi bilan jihozlanishi kutilmoqda.

Bu chip o‘tgan yilgi Dimensity 9500’ning yangilangan versiyasi bo‘lib, arxitektura va texnologik jarayon bo‘yicha unga yaqin. Shu bilan birga, yangi platformada sun’iy intellekt imkoniyatlari kengaytirilgan.

NPU bloki...

O‘zbekistonda 2026/2027-o‘quv yilidan boshlab magistratura dasturlari amaliy hamda ilmiy-pedagogik yo‘nalishlarga ajratiladi. Bu haqda Adliya vazirligi xabar bermoqda.

Amaliy magistratura kamida bir yil davom etadi

Ishlab chiqarish, ya’ni amaliy dasturga yo‘naltirilgan magistraturada o‘qish muddati kamida bir yil qilib belgilanadi. Ilmiy-pedagogik dasturga yo‘naltirilgan magistratura esa kamida ikki yil davom etadi.

Ta’lim jarayoni mutaxassislikning o‘quv rejasi va dasturlariga muvofiq kunduzgi, kechki yoki masofaviy shaklda tashkil etilishi mumkin.

Bitiruvchilar amaliy loyiha himoya qiladi

Amaliy magistratura bitiruvchilari mutaxassislik xususiyatidan kelib chiqib loyiha ishi, konstruktorlik loyihasi, startap loyihasi, ratsionalizatorlik g‘oyasi, amaliy-ijodiy asar yoki boshqa turdagi ishni tayyorlab, himoya qiladi.

Ilmiy-pedagogik yo‘nalishdagi magistratura talabalari...

AQSh prezidenti Donald Tramp 18-sentabr kuni Rossiyaga nisbatan sanksiyalarni kengaytirish imkonini beruvchi H.R. 5334 – «Lindsey O. Graham Sanctioning Russia and Iran Act of 2026» qonunini imzoladi. Oq uy hujjat Rossiyaga qarshi sanksiyalar, tariflar va boshqa cheklovlarni kengaytirishini tasdiqladi.

Yangi qonun Rossiya neft va gazining yirik xaridorlariga bosimni kuchaytirish imkonini beradi. Jumladan, ma’lum shartlarga javob beradigan davlatlardan AQShga import qilinadigan tovarlarga 100% gacha boj joriy etish vakolati prezidentga beriladi. Bu choralar avtomatik ravishda kuchga kirmaydi – ularni qo‘llash yoki qo‘llamaslik ma’muriyat qaroriga bog‘liq.

Xitoy va Hindiston ta’sir doirasiga tushishi mumkin

Rossiya energiya resurslarining yirik xaridorlari qatorida Xitoy va...

O‘zbekistonlik himoyachi Abduqodir Husanov Angliya Liga kubogi uchinchi bosqichida «Manchester Siti»ning «Norwich» ustidan 5:0 hisobidagi g‘alabasida to‘liq 90 daqiqa maydonda harakat qildi. U uchrashuvni asosiy tarkibda boshladi.

Muxlislar Husanov nomini hayqirdi

Final hushtagi yangragach «Etihad» stadionidagi muxlislar futbolchilarni olqishlar bilan kuzatib qo‘ydi. Ayrim «Manchester Siti» ishqibozlari Abduqodir Husanov nomini alohida hayqirgan.

Klub rasmiy sayti avvalroq ham Husanov mahalliy muxlislar orasida mashhurlikka erishganini qayd etgan edi. Tribunadagi ishqibozlar uning...

Tijorat banklari tomonidan 20-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 19-sentabr uchun valyutalar kursi e’lon qilingani haqida yozgan edi.

Yamandagi husiylar Saudiya Arabistoni poytaxti Ar-Riyoddagi «muhim obyektlar» hamda Yanbu shahridagi Saudi Aramco neft infratuzilmasiga raketa va dronlar yordamida zarba berganini ma’lum qildi. Saudiya tomoni esa Ar-Riyod tomon uchirilgan ballistik raketa urib tushirilganini bildirdi.

Husiylarning bayonoti Ar-Riyoddagi Qirol Xolid xalqaro aeroporti yaqinida joylashgan yoqilg‘i omborida yong‘in sodir bo‘lganidan bir necha soat o‘tib e’lon qilindi. Avvalroq poytaxt aholisi hududda portlash ovozlarini eshitgani haqida xabar bergan.

Husiylar raketa va dronlardan foydalanganini aytdi

Husiylar harbiy vakili Yahyo Sariyning aytishicha, guruh ikki harbiy operatsiyani amalga oshirgan. Uning so‘zlariga ko‘ra, hujumlarda ko‘plab ballistik va qanotli raketalar hamda uchuvchisiz uchish apparatlaridan foydalanilgan.

Birinchi operatsiya...

20-sentabr kuni O‘zbekistonning aksariyat hududlarida yog‘ingarchilik kutilmaydi. Kunduzi havo harorati 27–32 daraja iliq bo‘ladi. Shamol 7–12 metr/sekund tezlikda esadi.

Toshkentda yog‘ingarchilik kutilmaydi

Poytaxtda kun davomida yog‘ingarchilik bo‘lmaydi. Shamol tezligi 3–8 metr/sekundni tashkil etadi. Toshkentda havo harorati 29–31 daraja atrofida bo‘lishi kutilmoqda.

Tog‘larda yomg‘ir yog‘ishi mumkin

Respublikaning tog‘li hududlarida ayrim joylarda qisqa muddatli yomg‘ir yog‘ishi va momaqaldiroq kuzatilishi mumkin.

Shamol 7–12 metr/sekund tezlikda esadi, ayrim hududlarda esa 13–18 metr/sekundgacha kuchayishi mumkin. Tog‘larda harorat 22–27 daraja bo‘ladi.

Avvalroq «Kursiv» 18-sentabr kuni qanday ob-havo kuzatilishi haqida yozgan edi.

O‘zbekistonlik grossmeyster Javohir Sindarov Samarqandda o‘tayotgan 46-Butunjahon shaxmat Olimpiadasida qayd etgan ilk durangidan so‘ng partiya qanday kechgani haqida gapirdi.

To‘rtinchi turda O‘zbekiston erkaklar terma jamoasi Turkiyaga qarshi bahs olib bordi va 2,5:1,5 hisobida g‘alaba qozondi. Sindarov turkiyalik grossmeyster Ediz Gurelga qarshi o‘ynab, durang qayd etdi. Bu uning Olimpiada – 2026 doirasidagi ilk durangi bo‘ldi.

Vaqt tanqisligi qarorga ta’sir qildi

Sindarovning aytishicha, partiya boshidanoq u uchun qulay kechmagan. Shunga qaramay, grossmeyster o‘yin davomida vaziyatni tenglashtira olgan.

«Bugungi partiya ancha murakkab o‘tdi. Dastlab men o‘zim uchun biroz noqulay pozitsiyaga tushib qoldim. Shunga qaramay, asta-sekin vaziyatni tenglashtirdim...

UzAuto Motors zavodidan olib chiqilayotgan Chevrolet Cobalt avtomobillarida yangi dizayndagi yengil qotishmali disklar yana kuzatilmoqda. Bu haqda Autostrada nashri yozdi.

Bunday disklar yangi Cobalt avtomobillarida ilk bor 2026-yil aprel oyida ko‘ringan edi. Oradan besh oy o‘tganiga qaramay, yangi dizayndagi g‘ildiraklarga ega avtomobillar hozircha rasmiy dilerlar narxnomasida paydo bo‘lmagan. UzAuto Motors ham ushbu yangilanish haqida rasman ma’lumot bermagan.

Yangi disklar avval Braziliyadagi Cobalt’da ishlatilgan

General Motors katalogiga ko‘ra, yangi g‘ildirak «N13» dizaynidagi alyuminiy disk bo‘lib, uning og‘irligi qariyb 10 kg ni tashkil etadi.

Xuddi shunday disklar General Motors tomonidan 2016 – 2019-yillarda Braziliya bozori uchun ishlab chiqarilgan restayling Chevrolet...

Kursiv Uzbekistan 19-sentabr kuni e’lon qilingan yangiliklarning muhimlarini bir joyga jamladi

Anorbank aksiyadori Kaxramonjon Olimovga nisbatan xalqaro qidiruv e’lon qilindi

2025-yil yozida Fransiyada o‘g‘irlab ketilganini da’vo qilgan o‘zbekistonlik moliyachi Kaxramonjon Olimov endilikda odam o‘g‘irlashni tashkillashtirishda ayblanib, xalqaro qidiruvga berildi. Bu haqda The Insider nashri xabar berdi.

Rasmiy ma’lumotlar hozircha e’lon qilinmagan, biroq nashr manbasiga ko‘ra, Olimov o‘zining sobiq ish beruvchisi Botir Rahimovni badnom qilish maqsadida Parijdagi o‘g‘irlanish holatini soxtalashtirgan bo‘lishi mumkin.

Toshkent va Nukus o‘rtasida tezyurar poyezd qatnovi yo‘lga qo‘yiladi

2027-yilning mart oyidan boshlab Toshkent va Nukus shaharlari o‘rtasida tezyurar...

Anorbank o‘zining aksiyadorlaridan biri va kuzatuv kengashi a’zosi Kaxramonjon Olimov xalqaro qidiruvga berilgani haqidagi xabarlar ortidan bayonot e’lon qildi. Bank aksiyadorga oid vaziyat muassasa boshqaruvi, kapitali va operatsion faoliyatiga aloqador emasligini ta’kidlagan.

Shaxsiy masala va bank faoliyati

Anorbank bayonotiga ko‘ra, ijtimoiy tarmoqlarda tarqalayotgan ma’lumotlar aksiyadorlardan birining shaxsiy ishi hisoblanadi. Shuningdek, ushbu masalalarni bank faoliyati bilan aralashtirish noto‘g‘ri va yo‘l qo‘yib bo‘lmaydigan holatdir.

Rasmiy so‘rovlarning yo‘qligi

Moliya muassasasi mazkur masala yuzasidan vakolatli organlardan hech qanday rasmiy so‘rov yoki tasdiq kelib tushmaganini ma’lum qildi. Internetda tarqalayotgan xabarlar esa tasdiqlanmagan dalillarga asoslangani aytilmoqda.

Mijozlarga xizmat ko‘rsatish

Hozirgi vaqtda bank...

2025-yil yozida Fransiyada o‘g‘irlab ketilganini da’vo qilgan o‘zbekistonlik moliyachi Kaxramonjon Olimov endilikda odam o‘g‘irlashni tashkillashtirishda ayblanib, xalqaro qidiruvga berildi. Bu haqda The Insider nashri xabar berdi.

Soxta o‘g‘irlash va yangi ayblov

Rasmiy ma’lumotlar hozircha e’lon qilinmagan, biroq nashr manbasiga ko‘ra, Olimov o‘zining sobiq ish beruvchisi Botir Rahimovni badnom qilish maqsadida Parijdagi o‘g‘irlanish holatini soxtalashtirgan bo‘lishi mumkin.

Hozirda u Rahimovga nisbatan tuhmat qilish va huquq-tartibot idoralari yordamida uni o‘g‘irlashni tashkillashtirishda ayblanmoqda. Ma’lum bo‘lishicha, Rahimov avvalroq Olimovdan o‘ziga tegishli biznes aktivlarini talon-toroj qilgani uchun $200 mlndan ortiq tovon puli talab qilgan.

Parijdagi voqea tafsilotlari

Olimov 2025-yil yozida Parij...

Toshkent viloyatida oliy ta’lim muassasalariga kirishda imtiyoz beruvchi xalqaro SAT sertifikatini noqonuniy yo‘l bilan olib berishga ixtisoslashgan jinoiy guruh faoliyatiga chek qo‘yildi. Bu haqda Davlat xavfsizlik xizmati xabar berdi.

«Bunker» va xorijiy OTM talabalari

Tezkor tadbir DXX Toshkent viloyati bo‘yicha boshqarmasi va viloyat IIBB xodimlari hamkorligida o‘tkazilgan. Guruh a’zolarining asosiy qismini Yevropadagi nufuzli universitetning Toshkentdagi filiali talabalari, shuningdek, Osiyoning yetakchi davlatlaridan birining poytaxtdagi filiali talabasi tashkil etgan. Ular Yangihayot tumanida joylashgan xususiy maktab binosida maxsus «bunker» tashkil qilishgan.

Noqonuniy sxema qanday ishlagan

Sxemani amalga oshirishda IT sohasiga ixtisoslashtirilgan MChJ mutaxassisi muhim rol o‘ynagan. U tizimga yashirincha ulanib...

Qoraqalpog‘istonda aholi bandligi va daromadlarini oshirish maqsadida oilaviy tadbirkorlik uchun ajratiladigan kreditlar stavkasi 17,5 foizdan 12 foizga pasaytiriladi. Bu haqda prezident matbuot xizmati xabar berdi.

Kredit stavkalarining pasaytirilishi

Hududdagi 2 ming tadbirkor o‘tgan uch yil davomida 2 trln 145 mlrd so‘m kreditni vaqtida qaytarib, ishonchli mijoz maqomini olgan. Endilikda ushbu mijozlar uchun hududga mas’ul bank tomonidan 16 foizlik stavkada 300 mlrd so‘mlik kredit liniyasi ochilmoqda. Tadbirkorlikni rivojlantirish kompaniyasi kreditning 4 foiz qismini qoplab beradi va natijada mijozlar uchun yakuniy yuklama 12 foizga tushadi. Qolgan sakkizta bankka ham bir oy ichida shunga o‘xshash mahsulotlar ishlab chiqish topshirildi.

Yangi...

2027-yilning mart oyidan boshlab Toshkent va Nukus shaharlari o‘rtasida tezyurar poyezd qatnovi yo‘lga qo‘yilishi va yo‘lovchilarning manzilga yetib borish vaqti ikki barobardan ko‘proqqa qisqarishi kutilmoqda. Bu haqda prezident matbuot xizmati xabar berdi.

Infratuzilma va yo‘l qurilishi

Osiyo taraqqiyot banki bilan hamkorlikda $384 mln hisobiga «A-380» magistral yo‘lining Qo‘ng‘irotdan o‘tgan 240 kilometr qismi to‘liq beton qoplamaga o‘tkazildi. Shuningdek, kecha yo‘lning To‘rtko‘l, Ellikqal’a va Beruniydan o‘tgan yana 92 kilometrini qurish boshlandi. Mazkur loyihaning umumiy qiymati $233 mln ni tashkil etadi. Natijada hudud orqali tranzit hajmi 1,5 karra oshib, To‘rtko‘lga kirgan yuklar Qozog‘iston chegarasiga bir sutka o‘rniga 10 soatda yetib borishi...

Nukus shahrida prezident Shavkat Mirziyoyev raisligida Qoraqalpog‘istonni ijtimoiy-iqtisodiy rivojlantirish masalalariga bag‘ishlangan yig‘ilish bo‘lib o‘tdi. Yig‘ilishda 2025-yili hududga kiritilgan investitsiya miqdori $1,7 mlrd ni tashkil etgani va bu iqtisodiyotning tez o‘sishiga xizmat qilgani ta’kidlandi. Bu haqda prezident matbuot xizmati xabar bermoqda.

Iqtisodiy ko‘rsatkichlar va soliq imtiyozlari

O‘tgan 2025-yili Qoraqalpog‘istonga kiritilgan $1,7 mlrd investitsiya 2021-yilgi ko‘rsatkichdan 22 karra ko‘p ekani qayd etildi. Joriy yilning birinchi yarmida hudud iqtisodiyoti 10,2 foizga o‘sib, Toshkent shahridan keyin mamlakatda ikkinchi o‘rinni egalladi. Mintaqada qulay biznes muhitini yaratish maqsadida foyda, yer va mol-mulk soliqlari ikki barobarga qisqartirildi. Shuningdek, sanoat uchun elektr energiyasi tarifi 15 foizga...

Samarqandda bo‘lib o‘tayotgan shaxmat bo‘yicha 46-Jahon Olimpiadasining birinchi turida Pokiston terma jamoasi Isroil bilan o‘ynashdan bosh tortdi. Bu haqda World Chess portali xabar berdi.

Boykot sababi

Pokiston shaxmat federatsiyasi ushbu qaror hukumat siyosatiga muvofiq va Falastin xalqi bilan birdamlik belgisi sifatida qabul qilinganini bildirdi. Natijada Isroil jamoasi o‘yinsiz 4:0 hisobida g‘alabaga erishdi. Shunga qaramay, Pokiston turnirdagi ishtirokini davom ettirmoqda.

Avvalroq Kursiv nashri shaxmat afsonasi Vishvanatan Anand Samarqandga yetib kelgani haqida xabar bergan edi.

AQSh prezidenti Donald Tramp Vashington Grenlandiyada harbiy ishtirokini oshirishini va orol xavfsizligini ta’minlash bo‘yicha vakolatlarga ega bo‘lganini ma’lum qildi. Bu haqda u 18-sentabr kuni Truth Social ijtimoiy tarmog‘ida xabar berdi.

«Cheklanmagan huquqlar»

Trampning so‘zlariga ko‘ra, AQSh Grenlandiya va o‘z xavfsizligini ta’minlash uchun orolda barcha zarur choralarni ko‘rish bo‘yicha cheklanmagan huquqqa ega bo‘ldi.

Shuningdek, «AQSh raqiblari» Vashington roziligisiz Grenlandiyada harbiy bazalar qura olmaydi va strategik investitsiyalarni amalga oshira olmaydi. Tramp bu kelishuv AQSh uchun bepul ekanini alohida ta’kidladi.

«Tarixiy yutuq»

AQSh prezidenti o‘tgan yuz yil davomida hech bir rahbar Grenlandiya masalasini hal qila olmaganini, bu yutuq aynan uning...

Bahodir Jalolov o‘zining navbatdagi jangini 17-oktabr kuni London shahridagi «O2 Arena»da britaniyalik Solomon Dakresga qarshi o‘tkazadi. Bu haqda o‘zbekistonlik bokschi o‘zining Instagram sahifasida ma’lum qildi.

Jang maqomi va tashkilotchilar

Jalolov va Dakres to‘qnashuvi oqshomning asosiy jangi Daniel Dyubua va Fabio Uordli o‘rtasidagi revansh uchrashuvi oldidan bo‘lib o‘tadi. Tomonlar jangni o‘tkazish bo‘yicha to‘liq kelishuvga erishgan. Solomon Dakres faoliyati davomida 10 g‘alaba va 1 ta mag‘lubiyat qayd etgan.

Jalolovning statistikasi

Bahodir Jalolov professional ringda shu paytgacha 17 ta jang o‘tkazgan. Ushbu janglarning 15 tasida u raqiblarini muddatidan oldin – nokaut evaziga mag‘lub etgan. O‘zbekistonlik bokschi so‘nggi bor shu yilning...

Toshkent shahar hokimligining Vaziyatlar markazida Sergeli tumanidagi maktablarda joriy etilgan «SI Davomat» tizimi taqdim qilindi. Bu haqda Toshkent shahar hokimligi xabar berdi.

Tizimning maqsadi va vazifalari

Mazkur loyiha maktab jarayonlarini raqamlashtirishning dastlabki bosqichi hisoblanadi. Tizim ta’lim sifatini oshirish, o‘quv jarayonini tahlil etish hamda davomatni nazorat qilishga mo‘ljallangan. Darslarning tashkil etilishi, o‘quvchilar faolligi va o‘qitish usullari fanlar, sinflar hamda o‘qituvchilar kesimida muntazam monitoring qilinadi.

Yangi texnologiyalar va nazorat tartibi

Maktablarda o‘rnatilgan smart-kameralar va Face ID texnologiyasi o‘quvchilarning darslardagi ishtirokini avtomatik qayd etadi. Ushbu ma’lumotlar asosida takroriy dars qoldirish holatlari aniqlanadi.

Agar o‘quvchi sababsiz darsga kelmasa, ota-onasiga SMS-xabarnoma yuboriladi...