Yangiliklar

Xitoyning Great Wall Motor kompaniyasi Tank 700 SUV modeli uchun oldindan buyurtmalarni ochdi. Model Hi4-Z va Hi4-T versiyalarida taklif etilmoqda.

Tank 700 Hi4-Z boshlang‘ich narxi 438 ming yuan ($63,5 ming) etib belgilandi. Yuqori komplektatsiya 478 ming yuan ($69 ming) turadi. Hi4-T versiyasi esa 518 ming yuan ($75 ming) narxda taqdim etilgan. Model tashqi dizayni noodatiy uslubda yaratilgan. Kuzovida lazer faralar va tom qismida lidar sensori joylashgan. Avtomobil uzunligi 5105 mmni tashkil qiladi.

Salonida uch ekranli tizim qo‘llangan. 12,3 dyuymli panel, 15,6 dyuymli markaziy ekran va 17,3 dyuymli orqa displey mavjud. Tizim Coffee OS platformasida ishlaydi. Ichki qismida 21 ta...

Osiyodagi birinchi Eurovision qo‘shiq tanlovi joriy yilning noyabr oyida Tailand poytaxti Bangkok shahrida bo‘lib o‘tadi. Final bosqichi 14-noyabrga belgilangan.

Ta’kidlanishicha, tanlovda ishtirok etish uchun hozirgacha 10 ta davlat ariza bergan. Bular qatoriga Janubiy Koreya, Tailand, Filippin, Vyetnam, Malayziya, Kambodja, Laos, Bangladesh, Nepal va Butan kiradi.

Osiyo mintaqasida o‘tkaziladigan ushbu nufuzli musiqa tanlovining potensial auditoriyasi 600 mln kishini tashkil etishi baholanmoqda.

Yevropa formatidagi kabi Osiyodagi tanlovda ham har bir ishtirokchi davlat o‘z vakilini yaqin oylarda bo‘lib o‘tadigan milliy tanlovlar natijalariga ko‘ra aniqlaydi.

Avvalroq Kursiv Uzbekistan Isroil ishtiroki sababli to‘rt davlat «Eurovision – 2026» tanlovini boykot qilgani haqida xabar bergan...

General Motors’ning 2028-yilgi Chevrolet Blazer yangilangan modeli ichki qismining ilk suratlari namoyon bo‘ldi. Bu haqda GMAuthority nashri xabar berdi.

Suratlarda salonning kichik qismi – rul va panelning ustki qismi aks etgan bo‘lsa-da, yangi dizayn haqida dastlabki tasavvurlar paydo bo‘ldi.

Blazer modeli Chevrolet Traverse bilan bir xil platformada ishlab chiqarilgani sabab, yangi salon ham unga o‘xshash bo‘lishi mumkin. Xususan, markazda joylashgan katta sensor ekran va raqamli asboblar paneli kabi zamonaviy elementlar kutilmoqda.

Shuningdek, yangilangan modelda jismoniy tugmalar kamaytirilib, boshqaruv tizimi ko‘proq sensor ekran orqali amalga oshirilishi ehtimoli yuqori. Bu esa interyerga yanada zamonaviy ko‘rinish beradi.

Ma’lum qilinishicha, 2028-yilgi Blazer to‘liq...

Xitoyning Leapmotor kompaniyasi yangi Leapmotor D19 modelini 16-aprel kuni taqdim etadi. Bu haqda CarNewsChina nashri xabar bermoqda. Model allaqachon oldindan buyurtmaga ochilgan.

Yangi avtomobil yirik o‘lchamlari bilan ajralib turadi. Uzunligi 5252 mm, g‘ildirak bazasi 3110 mmni tashkil qiladi. Dizaynda uzluksiz yorug‘lik chiziqlari va zamonaviy LED faralar qo‘llangan. D19 salonida texnologiyaga katta e’tibor qaratilgan. Avtomobil 60 dyuymli AR-HUD displey, katta markaziy ekran va raqamli panel bilan jihozlangan. Ichkarida simsiz zaryadlash, aqlli hid tizimi va sovitkich ham mavjud.

Model 5, 6 va 7 o‘rindiqli variantlarda taklif etiladi. Ikkinchi qatorda «nol gravitatsiya» o‘rindiqlari ham mavjud. Texnologik jihatdan avtomobil Qualcomm chiplariga asoslangan ilg‘or...

Internetda Google’ning yangi flagmani Pixel 11 smartfoni haqidagi ilk renderlar va texnik tafsilotlar paydo bo‘ldi. Bu haqda Android Headlines nashri xabar berdi.

Unga ko‘ra, qurilma avvalgi dizayn uslubini saqlab qoladi, biroq ekran atrofi yanada ingichkaroq bo‘ladi. 6,3 dyuymli LTPO Amoled displey bilan jihozlanishi kutilayotgan smartfonda kamera bloki ham yangicha ko‘rinishga ega bo‘lib, endi u to‘liq qora rangda bo‘ladi.

Texnik jihatdan, modelga yangi 7 yadroli Tensor G6 protsessori o‘rnatilishi aytilmoqda. Shuningdek, kompaniya Samsung modemidan voz kechib, MediaTek’ning M90 modemiga o‘tishi mumkin.

Qurilma 5000 mA/soat sig‘imli batareya, 12 GB tezkor va 128 GB ichki xotira bilan taqdim etilishi kutilmoqda. Dastlabki narxi...

2025-yil davomida xorijiy davlatlardan O‘zbekistonga jami 1159 kishi doimiy yashash maqsadida ko‘chib kelgan. Ularning aksariyati mamlakat poytaxti va uning atrofidagi hududlarga joylashishni afzal ko‘rgan.

Xorijdan doimiy yashash uchun ko‘chib kelganlarning eng katta qismi Rossiya hissasiga to‘g‘ri keladi va bu umumiy ko‘rsatkichning 39,9 foizini tashkil etgan. Undan keyingi o‘rinlarni Qozog‘iston (20,3 foiz), Tojikiston (10,3 foiz), Qirg‘iziston (4,3 foiz) hamda Turkmaniston (3,1 foiz) band qilgan. Boshqa davlatlardan kelganlar ulushi esa 22,1 foizni tashkil etgan.

Hududlar kesimida tahlil qilinganda, immigrantlarning mutlaq ko‘p qismi Toshkent shahriga (698 nafar) hamda Toshkent viloyatiga (275 nafar) joylashgan. Shuningdek, Qoraqalpog‘iston Respublikasiga 101 kishi doimiy yashash uchun ko‘chib...

Tijorat banklari tomonidan 31-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 30-mart uchun valyutalar kursi e’lon qilingani haqida yozgan edi.

Apple kompaniyasi iOS 26.5’ning birinchi beta-versiyasini taqdim etdi. Bu haqda kompaniya rasmiy sahifasida ma’lum qildi.

Yangilanish hajmi ayrim qurilmalarda 8 GB’dan oshadi va bir qator yangiliklarni o‘z ichiga oladi. Yangi versiyada Apple Maps ilovasida Suggested Places funksiyasi paydo bo‘ldi, RCS xabarlarda esa yana uchdan-uch (E2EE) shifrlash qo‘llab-quvvatlanmoqda.

Shuningdek, ilovalarda yangi to‘lov modeli joriy etilishi kutilmoqda. Foydalanuvchilar uchun 12 oylik majburiy oylik to‘lov qilish imkoniyati paydo bo‘ladi.

Bundan tashqari, Apple Intelligence funksiyalari ilk bor Xitoy bozorida ishlay boshlagan. Bunda kompaniya mahalliy talablar tufayli Alibaba tomonidan ishlab chiqilgan Qwen 3 modelidan foydalanayotgani aytilmoqda.

Kutilgan yangilanishlardan biri – Siri’ning Gemini asosidagi...

General Motors (GM) AQShda pikap ishlab chiqarishni oshirishga qaror qildi. Bu haqda «Tarantas Nyus» nashri xabar bermoqda.

Kompaniya talab yuqori bo‘lgani uchun ishlab chiqarish rejimini o‘zgartirmoqda. Gap Michigan shtatidagi Flint Assembly zavodi haqida ketmoqda. Bu yerda Chevrolet Silverado va GMC Sierra modellarining og‘ir versiyalari ishlab chiqariladi.

Iyun oyidan boshlab zavod olti kunlik ish haftasiga o‘tadi. Bu ishlab chiqarish hajmini kengaytiradi va qo‘shimcha quvvat talab qilmaydi. Qaror yuqori talab bilan bog‘liq. O‘tgan yili kompaniya qariyb 320 ming dona pikap sotgan. Bu AQShda katta avtomobillarga qiziqish yuqoriligini ko‘rsatadi.

Yonilg‘i narxlari oshganiga qaramay, sotuvlar pasaymagan. Xaridorlar hanuz katta va kuchli avtomobillarni tanlamoqda...

OpenAI kompaniyasi Sora video yaratish vositasini ishga tushganidan 6 oy o‘tib yopdi. Techcrunch yozishicha, qaror kutilmagan bo‘lib, bozorni hayratda qoldirgan.

Dastlab loyiha katta qiziqish uyg‘otgan edi. Foydalanuvchilar soni 1 mlngacha yetdi. Biroq keyinchalik bu ko‘rsatkich 500 mingdan pastga tushib ketgandi.

Asosiy muammo yuqori xarajatlar bo‘lgan. Sora ishlashi uchun kuniga taxminan $1 mln sarflangan. Video generatsiyasi katta hisoblash quvvatini talab etgan. Har bir foydalanuvchi kompaniya resurslarini sezilarli darajada band qilgan. Bu esa loyiha samaradorligini pasaytirgan.

Qaror Sem Altman tomonidan qabul qilingan. U resurslarni boshqa yo‘nalishlarga yo‘naltirishni ma’qul ko‘rgan. Yopilish hamkorlarga ham kutilmagan bo‘ldi. Xususan, The Walt Disney Company bu haqda...

Samarqand viloyatida noqonuniy qum-shag‘al qazib olish holati fosh etildi. Bu haqda viloyat Ekologiya bosh boshqarmasi ma’lum qildi. Tabiatga yetkazilgan zarar 63 mln so‘mni tashkil etgan.

Holat Pastdarg‘om tumani «Elbek» MFY hududida aniqlangan. Ekologiya inspektorlari sel yo‘lidan noqonuniy qazish ishlari olib borilayotganini aniqlagan. Ma’lum bo‘lishicha, fuqaro D.S va J.E ekskavatorlar yordamida qora qum aralashmasini qazib olgan. Qazilgan material yuk mashinalariga ortilgan.

Qonunbuzarlarga nisbatan ma’muriy choralar qo‘llanildi. Ularga MJtK 70-modda asosida har biriga BHMning 30 barobari miqdorida jarima belgilandi.

Shuningdek, tabiatga yetkazilgan zarar uchun 63 mln so‘m undirish belgilandi. Qonunbuzarlikda foydalanilgan texnika vaqtincha jarima maydonchasiga joylashtirildi. Hozirda hujjatlar huquqni muhofaza qiluvchi...

Ijtimoiy tarmoqlarda yo‘l ta’mirlanayotgan hududda yuk mashinasi chuqurlikka tushib ketgani aks etgan videolar tarqaldi. Holat yuzasidan Jizzax IIB izoh berdi.

Voqea 28-martdan 29-martga o‘tar kechasi Sharof Rashidov tumanidan o‘tuvchi B-08 yo‘lning 5-kilometrida sodir bo‘lgan. Haydovchi Forish – Jizzax yo‘nalishida harakatlangan. Dastlabki ma’lumotlarga ko‘ra, haydovchi rul boshqaruvi vaqtida hushyorligini yo‘qotgan. Natijada mashina yo‘lni ajratuvchi yashil hududdagi chuqurlikka ag‘darilgan.

Hodisa oqibatida hech kim jarohat olmagan. Transport vositasi qisqa vaqt ichida yo‘ldan olib chiqilgan. Mutasaddilar ushbu hududda avval yo‘l belgilari va tezlik cheklovlari o‘rnatilganini ma’lum qildi. Ammo ayrim belgilar shikastlangani sabab qayta tiklangan.

Hozirda yo‘lning mazkur qismida harakat xavfsizligi to‘liq ta’minlangan.

Eslatib...

Italiyada Parma yaqinidagi Magnani-Rokka xususiy muzeyidan mashhur rassomlarning qimmatbaho asarlari o‘g‘irlandi. Bu haqda DW xabar bermoqda. O‘g‘rilar bor-yo‘g‘i 3 daqiqada jinoyatni amalga oshirgan.

Voqea 22 – 23-mart kechasi sodir bo‘lgan. Noma’lum shaxslar muzeyning eshigini buzib kirgan. Ular yuzlarini yashirib, rasmlar bilan bog‘ orqali qochib ketgan.

O‘g‘irlangan asarlar orasida mashhur rassomlarning ishlari bor. Ular orasida Pyer Ogust Renuarning «Baliqlar» kartinasi ham bor. Shuningdek, Pol Sezanning «Gilosli natyurmort» asari o‘g‘irlangan. Yana Anri Matissning «Terrasadagi odaliska» akvareli ham olib ketilgan.

Mutaxassislar ushbu asarlarning qiymati mln yevroga baholanayotganini aytmoqda. Hozirda tergov ishlari olib borilmoqda. Muzey vakillariga ko‘ra, bu puxta rejalashtirilgan jinoyat bo‘lgan. Kuzatuv...

Volvo Cars va Geely Lynk & Co brendi bo‘yicha yangi strategiya kelishuviga erishdi. Endi Volvo Yevropada ushbu brendning eksklyuziv importyori bo‘ladi.

Kelishuvga ko‘ra, Lynk & Co‘ning global boshqaruvi Xitoyda Geely qo‘lida qoladi. Biroq Yevropa bozori Volvo operatsion nazoratiga o‘tadi. Bu sotuv, servis va brend rivojini o‘z ichiga oladi. Volvo Lynk & Co avtomobillarini o‘zining mavjud dilerlik tarmog‘i orqali sotadi. Shu bilan birga, servis infratuzilmasi ham birlashtiriladi. Bu mijozlar uchun xizmatni soddalashtiradi va ishonchni oshiradi.

Volvo uchun bu yangi modellarsiz auditoriyani kengaytirish imkonidir. Lynk & Co esa yosh va raqamli foydalanuvchilarga yo‘naltirilgan brend hisoblanadi. Geely esa Yevropada tayyor infratuzilmadan foydalanadi...

Hozirgi davrda ayollar uchun uy sharoitida turib ham halol va barqaror daromad topish yo‘llari ancha kengaygan. Endilikda daromad olish oliy ta’limga emas, balki bilim, tajriba va ijodiy yondashuvga tayanmoqda. Bunday imkoniyatlar vaqtni samarali boshqarish, oila yumushlarini ish bilan uyg‘unlashtirish hamda qo‘shimcha daromadni asta-sekin asosiy faoliyatga aylantirishga sharoit yaratadi.

Ushbu maqolada ayollar uchun uyda o‘tirgan holda daromad topishning eng qulay, ishonchli va O‘zbekiston sharoitiga mos yo‘llari sanab o‘tiladi. Unda har bir faoliyat turi bo‘yicha qanday ko‘nikmalar zarurligi, ishni nimadan boshlash kerakligi hamda taxminiy daromad imkoniyatlari oddiy, tushunarli va hayotiy misollar asosida yoritib beriladi.

Quyida eng maqbul 10 ta kasb-hunar keltirilgan:

31-mart sanasi arxitektura, san’at, sport va ilm-fan olamidagi yorqin voqealar bilan tarix sahifalaridan o‘rin olgan. Kursiv Uzbekistan kunning eng muhim voqealarini xronologik tartibda taqdim etadi.

1685-yili barcha musiqa va san’at maktablarida asarlari o‘qitiladigan buyuk nemis kompozitori Iogann Sebastyan Bax tavallud topdi. U o‘z hayoti davomida mingdan ortiq asarlar yaratgan bo‘lib, barokko davri musiqasining eng cho‘qqisi hisoblanadi. Uning polifoniya uslubidagi ijodi jahon musiqasi rivojiga ulkan ta’sir ko‘rsatgan.

1727-yilda fizika fanida butun olam tortishish qonunini yaratgan buyuk ingliz olimi Isaak Nyuton vafot etdi. U o‘zining «Tabiat falsafasining matematik tamoyillari» asari bilan klassik mexanikaga asos solgan. Nyuton qonunlari nafaqat fizika kursining...

Oshayotgan neft narxi, tartibsizlikka uchragan Pashinyan — 30-mart kuni e’lon qilingan yangiliklar «Kursiv» dayjestida.

Yaqin Sharqdagi notinchlik sabab neft narxi 115 dollardan oshdi

AQSh va Isroilning Eron hududlariga davom etayotgan hujumi hamda Yaqin Sharqdagi notinchlik sabab neft narxi $115 dan oshdi. BBC nashrining yozishicha, Osiyo fond bozorlarida ayrim kompaniyalarning aksiyalari pasayishni boshlagan.

Brent nefti narxi 3% dan ko‘proq oshib, $115 dan yuqoriga chiqdi. AQShda savdo qilinadigan neft esa 3,5% ga ko‘tarilib, $103 ga yetdi. Bu brent uchun tarixdagi eng katta oylik o‘sishlardan biri bo‘lishi mumkin.

Bir qator hududlarda giyohvandlik moddalari savdosiga chek qo‘yildi

O‘zbekistonning bir qator hududlarida...

31-mart kuni O‘zbekistonda havo o‘zgaruvchan bo‘ladi. Kunduzi harorat 15–30° iliq, kechasi 5–17° iliq bo‘lishi kutilmoqda. Ba’zi joylarda qisqa muddatli yomg‘ir va momaqaldiroq shaklida kuzatilishi mumkin.

Quyida ob-havo ma’lumoti viloyatlar kesimida:

Eslatib o‘tamiz, 31-mart hamda 2 – 6-aprel kunlari kutilayotgan yog‘ingarchiliklar sabab qator viloyatlarning tog‘li hududlarida sel-suv toshqinlari yuzaga kelishi mumkin.

Samsung kompaniyasi o‘rta narx segmentiga kiruvchi Galaxy A seriyasidagi smartfonlarda AirDrop funksiyasini qo‘llab-quvvatlashni joriy etmoqda. Bu haqda Galaxy Club nashri ma’lum qildi.

Unga ko‘ra, AirDrop dastlab Galaxy S26 modelida mavjud bo‘lgan, so‘ngra Galaxy S25 dan Galaxy S22 gacha bo‘lgan seriyalarda ham ishlatilgan. Endi esa Galaxy A56, Galaxy A55 va Galaxy A36 modellarida ham ushbu funksiya joriy etilishi kutilmoqda.

Agar bu qurilmalar AirDrop’ni qo‘llab-quvvatlasa, yaqindagina taqdim etilgan Galaxy A37 va Galaxy A57 modellari ham bu imkoniyatdan foydalanishi mumkin. Biroq Galaxy A16, A17, A26 va A54 modellari AirDrop’ni qo‘llab-quvvatlamaydi.

Samsung Galaxy smartfonlarida AirDrop Quick Share nomli kompaniyaga xos xizmat...

2026-yil 1-apreldan boshlab Hindistonga kirishda qog‘oz shakldagi immigratsiya kartalari (DE-kartalar) ishlatilmaydi. Barcha xorijiy fuqarolar elektron kelish kartasini oldindan to‘ldirishlari majburiy bo‘ladi.

Endilikda mamlakatga kelishdan kamida 72 soat oldin e-Arrival Card (elektron kelish kartasi) onlayn tarzda to‘ldirilishi lozim. Kartani Hindiston viza xizmatining rasmiy veb-sayti (indianvisaonline.gov.in/earrival) yoki Su-Swagatam mobil ilovasi orqali shakllantirish mumkin.

Qog‘oz shakldagi anketalar faqat 2026-yil 31-martgacha amal qiladi. Shu sababli, xorijiy fuqarolar Hindistonga uchishdan oldin elektron kartani to‘ldirish orqali pasport nazorati va immigratsiya jarayonlarida kechikishlarning oldini olishlari mumkin.

Eslatib o‘tamiz, avvalroq Buyuk Britaniyada 8-apreldan boshlab viza narxlari oshirilishi haqida yozgan edik.

O‘zbekiston poytaxti Toshkentda bo‘lib o‘tayotgan FIFA Series turnirda mezbonlar g‘alaba qozondi. Hal qiluvchi bahsda «Oq bo‘rilar» Janubiy Amerikaning Venesuela terma jamoasidan ustun keldi.

Uchrashuvning birinchi taymi hujumlarga boy bo‘lgan bo‘lsa-da hisob ochilmadi. Eldor Shomurodov birga-bir vaziyatga chiqib borgan bo‘lsa-da imkoniyatdan unumli foydalana olmadi.

Shu tariqa uchrashuv asosiy vaqtida darvozalar daxlsizligi saqlab qolindi. Uchrashuv g‘olibi penaltilar seriyasida aniqlandi. Seriyalarda esa omad mezbonlarga kulib boqdi.

Eslatib o‘tamiz, turnirning ikkinchi turida Trinidad va Tobago hamda Gabon terma jamoalari kuch sinashdi. Asosiy vaqtda 2:2 hisobida jangovar durang qayd etilgach, navbat penaltilar seriyasiga berildi. Futbol lotereyasida omad afrikaliklarga kulib boqdi, hisob – 2:3.

Avvalroq...

Vivo kompaniyasi yangi avlod X300s smartfonini rasman taqdim etdi. Bu haqda kompaniya rasmiy sahifasida ma’lum qilindi.

Displey va dizayn

Yangi Vivo X300s modeli 6,78 dyuymli tekis displey bilan jihozlangan. U 1,5K aniqlik, 144 Gs yangilanish chastotasi va 2160 Gs PWM dimming texnologiyasini qo‘llab-quvvatlaydi. Qurilmaning o‘lchamlari 161,98 × 75,48 × 8 mm, vazni esa 217 grammni tashkil etadi.

Kamera tizimi

Smartfonning asosiy kamerasi Zeiss bilan hamkorlikda ishlab chiqilgan bo‘lib, u 200 MP, 50 MP va 50 MP sensorlardan iborat. Asosiy modulda 1/1,4 dyuym optik formatga ega 200 megapikselli Samsung HPB sensori o‘rnatilgan. Teleobyektiv 3 karra optik zumni ta’minlaydi, maksimal...

Xitoyning China Eastern Airlines aviakompaniyasi Shanxay va Toshkent o‘rtasida muntazam yo‘lovchi qatnovlarini boshladi. Bu haqda Uzbekistan Airports ma’lum qildi.

Yangi yo‘nalish Xitoyning eng yirik shaharini O‘zbekiston poytaxti bilan to‘g‘ridan to‘g‘ri bog‘lab, yo‘lovchilarga ishbilarmonlik va sayohat imkoniyatlarini yaratadi. Parvozlar haftasiga to‘rt marta – dushanba, seshanba, payshanba va shanba kunlari Airbus A330 samolyotlarida amalga oshiriladi.

Toshkentdan Shanxayga chipta narxlari $275 dan, Shanxaydan Toshkentga esa $438 dan boshlanadi. Safar davomiyligi taxminan 8 soatni tashkil etadi.

Ma’lumot uchun, China Eastern Airlines 1988-yilda tashkil qilingan bo‘lib, Shanxayda shtab-kvartirasi joylashgan Xitoyning yetakchi aviakompaniyalaridan biridir. Aviakompaniya O‘zbekiston bozoriga o‘tgan yil iyul oyida Sian – Toshkent...

So‘nggi besh kun ichida kuchli yog‘ingarchiliklar sabab yuzaga kelgan toshqin va binolar qulashlari oqibatida Afg‘oniston hamda Pokistonda jami 45 kishi halok bo‘ldi. Bu haqda Reuters agentligi ma’lum qildi.

Rasmiylar ma’lumotiga ko‘ra, tabiiy ofat oqibatida ikki mamlakatda jami 74 kishi jarohatlangan. 30-mart kuni berilgan ogohlantirishlarga ko‘ra, Afg‘oniston poytaxti Kobul va boshqa ayrim hududlarda noqulay ob-havo davom etishi mumkin.

Urushdan jabr ko‘rgan Afg‘onistonda qurbonlarning aksariyati mamlakatning markaziy va sharqiy hududlarida – Parvon, Maydan Vardak, Daykundi va Logar viloyatlarida qayd etilgan. Kuchli yomg‘irlar sel va ko‘chkilarga sabab 130 ta uy butunlay vayron bo‘lgan. Mamlakat jami 1 140 ta oila zarar ko‘rgan.