Yangiliklar

Sony Pictures «Jumanji: Ochiq dunyo» (Jumanji: Open World) filmining ilk treylerini taqdim etdi. Bu haqda Lifehaker nashri xabar berdi.

Kartina qayta ishga tushirilgan trilogiyaning yakuniy qismi bo‘lib, unda voqealar avvalgi filmlardan butunlay boshqacha yo‘nalishda davom etadi.

Qahramonlar ilk bor haqiqiy dunyoga chiqadi

Yangi filmda Dueyn Jonson, Jek Blek, Kevin Xart va Karen Gillan gavdalantirgan videoo‘yin qahramonlari o‘yin olamidan chiqib, haqiqiy hayotga kelib qoladi. Treylerda ularning real dunyoda tartibsizliklar keltirib chiqarishi tasvirlangan.

Aleks Vulf ijro etgan qahramon bunga sababni shunday izohlaydi: ular videoo‘yin qahramonlari bo‘lsa-da, demo versiyada qolib ketgan.

Ijodiy jamoa o‘zgarmadi

Filmga avvalgi ikki qism rejissyori Jeyk...

Shavkat Mirziyoyev amaliy tashrifi doirasida Ostona shahridagi Baris Arena muz saroyida o‘tkazilgan «Kelajak o‘yinlari» uchinchi xalqaro musobaqasining ochilish marosimida qatnashdi. Bu haqda davlat rahbari matbuot xizmati xabar berdi.

Mintaqa yetakchilari bir sahnada

Tadbirda Qozog‘iston prezidenti Qasim-Jomart Toqayev, Qirg‘iziston prezidenti Sadir Japarov, Tojikiston prezidenti Emomali Rahmon hamda boshqa xorijiy delegatsiyalar vakillari ishtirok etdi. Rossiya prezidenti Vladimir Putin marosim qatnashchilariga videomurojaat yo‘lladi.

Fijital sport targ‘ib qilindi

Marosim davomida fijital sport konsepsiyasi taqdim etildi. Ushbu yo‘nalish raqamli musobaqalarni an’anaviy sport va jismoniy faollik bilan uyg‘unlashtiradi. Tashkilotchilar turnirning asosiy maqsadi yoshlarni sport bilan muntazam shug‘ullanishga jalb qilish ekanini ta’kidladi.

Shavkat Mirziyoyev...

O‘zbekiston prezidenti Shavkat Mirziyoyev Qozog‘iston prezidenti Qasim-Jomart Toqayevning taklifiga binoan amaliy tashrif bilan Qozog‘istonga bordi. Bu haqda prezident matbuot xizmati xabar berdi.

Ostona aeroportida rasmiy kutib olish marosimi

Davlat rahbarini Ostona xalqaro aeroportida Qozog‘iston Bosh vaziri Oljas Bektenov hamda boshqa rasmiy shaxslar kutib oldi.

Mirziyoyev tashrifining asosiy maqsadi

Tashrif dasturiga muvofiq, Mirziyoyev Ostona shahrida bo‘lib o‘tadigan «Kelajak o‘yinlari» (Games of the Future) uchinchi xalqaro musobaqasining tantanali ochilish marosimida ishtirok etadi.

Musobaqada o‘zbekistonlik sportchilar ham qatnashadi

29-iyuldan 9-avgustgacha davom etadigan musobaqada 50 dan ortiq davlatlar vakillari ishtirok etadi. Unda O‘zbekiston sportchilari ham an’anaviy sport va raqamli texnologiyalarni...

Samsung’ning yangi buklanuvchi smartfonlari – Galaxy Z Fold8 Ultra, Galaxy Z Fold8 va Galaxy Z Flip8 Hindiston bozorida rekord natija qayd etdi. Bu haqda Gizmochina nashri xabar berdi.

Kompaniya ma’lumotiga ko‘ra, taqdimotdan keyingi dastlabki 72 soat ichida 271 mingdan ortiq oldindan buyurtma rasmiylashtirilgan.

O‘tgan avlod natijasi uch baravar tez yangilandi

Taqqoslash uchun, o‘tgan yilgi Galaxy Z Fold7 va Galaxy Z Flip7 smartfonlari xuddi shunday natijaga erishishi uchun qariyb 15 kun vaqt talab qilingan. Bu esa yangi avlod qurilmalariga qiziqish sezilarli darajada oshganini ko‘rsatmoqda.

Buyurtmalarning qariyb yarmi kichik shaharlardan

Samsung ma’lumotiga ko‘ra, barcha oldindan buyurtmalarning 45 foizi Hindistonning...

Soliq qo‘mitasi sun’iy intellekt asosida ishlovchi AI Soliq platformasini ishga tushirdi. Bu haqda qo‘mita rasmiy sahifasida ma’lum qildi.

Yangi portal tadbirkorlar, buxgalterlar va korxona rahbarlariga soliq masalalarini tezkor tahlil qilish hamda zarur ma’lumotlarni chat orqali olish imkonini beradi.

Bir necha soniyada soliq tahlili

Yangi platforma orqali foydalanuvchilar korxona faoliyatini qisqa vaqt ichida tahlil qilishi, elektron hisobvaraq-fakturalarning «qizil» toifaga tushish sabablarini aniqlashi, soliq reytingi, imtiyozlar va hisobotlar yuzasidan tushuntirishlar olishi mumkin. Barcha xizmatlar chat formatida ishlaydi.

Soliq LLM va mashinaviy o‘qitish tizimi taqdim etildi

Portalda Soliq qo‘mitasining sun’iy intellekt sohasidagi asosiy ishlanmalari jamlangan. Ular orasida Soliq LLM milliy...

Toshkent shahrida tadbirkorga $3,5 mln miqdorida imtiyozli kredit ajratib berishni va’da qilib, buning evaziga $420 ming talab etgan ikki shaxs ushlandi. Bu haqda DXX xabar bermoqda.

Ma’lum qilinishicha, xususiy aksiyadorlik tijorat banklaridan birining Olmazor filialidagi bank xizmatlari markazi yuristi hamda Yangiyo‘l tumanida yashovchi, 1979-yilda tug‘ilgan va muqaddam sudlangan shaxs o‘zaro til biriktirgan.

Ish oson bitishi uchun 12 foizlik «to‘lov»

Ular tadbirkorlik faoliyatini boshlamoqchi bo‘lgan fuqaroning ishonchiga kirib, uning nomiga $3,5 mln imtiyozli kredit ajratilishiga yordam berishlarini aytgan. Buning evaziga kredit summasining 12 foizini, ya’ni $420 mingni «xizmat haqi» sifatida talab qilishgan.

Gumonlanuvchilar so‘ralgan mablag‘ning $50 mingini oldindan olayotgan...

Bosh prokuratura huzuridagi departament narkotik va psixotrop moddalar hamda kriptoaktivlarning noqonuniy savdosi bilan bog‘liq yirik sxemani fosh etdi. Bu haqda departamentning rasmiy sahifasida ma’lum qilindi.

Tergovga qadar tekshiruvda HST, VEK va RBMT MChJ mansabdorlari hamda boshqa shaxslar xalqaro Tesla Shop guruhiga tegishli 58 ta Telegram bot orqali amalga oshirilgan savdolardan tushgan mablag‘larni legallashtirgani aniqlangan.

90 ta drop karta va kriptoaktivlardan foydalanilgan

Tergov ma’lumotlariga ko‘ra, noqonuniy savdodan tushgan 20,9 mlrd so‘m O‘zbekiston banklarida 14 nafar xorijiy fuqaro nomiga ochilgan 90 ta soxta (drop) bank kartasiga o‘tkazilgan. Shuningdek, 8 mlrd so‘m Paynet faoliyati bilan shug‘ullanuvchi HST va VEK MChJlariga, yana...

Braziliyalik futbolchi Neymar milliy terma jamoadagi faoliyatini yakunlaganini rasman ma’lum qildi. 34 yoshli hujumchi bu qarorni Braziliya terma jamoasi 2026-yilgi jahon chempionatining 1/8 finalida Norvegiyaga mag‘lub bo‘lib, musobaqani tark etganidan keyin qabul qilgan.

«Terma jamoadagi vaqtim yakunlandi. Men tarix yaratdim, juda baxtli bo‘ldim. Sariq futbolka uchun qonimni, hayotimni berdim va doimo kurashdim. Ammo endi davom etishni istamayman», – degan Neymar «Santos»ning «Universidad Sentral» ustidan 4:2 hisobidagi g‘alabasidan keyin.

Shu tariqa Braziliya terma jamoasi tarixidagi eng yaxshi to‘purarning milliy jamoadagi 16 yillik faoliyati yakunlandi. Futbolchi mundialdagi so‘nggi uchrashuvidan keyin Nyu-Jersidagi «MetLife» stadionida ko‘z yoshlarini tiya...

Wildberries’ni rivojlantiruvchi RWB guruhi Qozog‘istonda yirik ombor maydonlarini izlashni boshladi. «Kommersant» nashriga ko‘ra, kompaniya Rossiyadagi logistika obyektlariga dron hujumlari kuchaygani fonida tovarlarning bir qismini Qozog‘istondagi omborlarga yo‘naltirish imkoniyatini ko‘rib chiqmoqda.

Kompaniya barcha bo‘sh omborlarni egallashi mumkin

Ko‘chmas mulk bozoridagi manbalarga ko‘ra, RWB Qozog‘istonda 100 ming kvadrat metr atrofida ombor maydonlarini izlamoqda. Ayrim suhbatdoshlar kompaniya mamlakatdagi mavjud bo‘sh omborlarning barchasini egallashga tayyor bo‘lishi mumkinligini aytmoqda.

Bunga Qozog‘istonda sifatli logistika maydonlari taklifi cheklangani sabab qilib ko‘rsatilmoqda.

RWB buni rejalashtirilgan kengayish deb izohladi

RWB matbuot xizmatida kompaniya faoliyat yuritayotgan mamlakatlarda logistika obyektlarini qurish bo‘yicha rejalashtirilgan ishlar olib borilayotganini bildirdi.

Kompaniyaga...

30-iyul uchun valyutalar kursi yangilandi. Unga ko‘ra, dollar kursi 15,08 so‘mga tushib, 12 035,26 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

24-iyul kuni 53 so‘mga oshib, 12 101,84 so‘m, 27-iyul kuni 82,76 so‘mga tushib, 12 019,08 so‘m, 28-iyul kuni esa 30,16 so‘mga tushib, 11 988,92 so‘m bo‘ldi. 29-iyul kuni dollar 61,42 so‘mga oshib, 12 050,34 so‘mga yetgan edi.

Yevro kursida ham tushish kuzatildi. Yevropa valyutasi 25 so‘mga oshib, 13 710,57 so‘m bo‘ldi. Rossiya rubli pasaydi. Rubl kursi 1,83 so‘mga tushib, 151,46 so‘mni tashkil qildi.

Jizzax shahridagi yirik tekstil korxonasida 2022-yildan buyon sodir qilib kelingan yirik o‘g‘rilik holati fosh etildi. Bu haqda Ichki ishlar vazirligi ma’lum qildi.

Unga ko‘ra, korxona xo‘jalik mudiri 112 xizmatiga murojaat etib, to‘rt yil davomida korxona hududidan jami 91 dona elektr generatori va tikuv mashinasi o‘g‘irlab ketilganini bildirgan.

Tezkor tadbirlar qorovulga olib chiqdi

Holat yuzasidan o‘tkazilgan tezkor-qidiruv tadbirlari davomida videokuzatuv yozuvlari va boshqa ma’lumotlar tahlil qilindi. Natijada Sirdaryo viloyati raqamidagi avtomobillar ayrim tunlari korxona hududiga kirib, tongda chiqib ketgani aniqlandi. Bu holatlar aynan Boyovut tumanida yashovchi qorovul navbatchilik qilgan kunlarga to‘g‘ri kelgani ma’lum bo‘ldi.

Mahalladoshlari bilan uskunalarni olib...

Toshkent shahrini 2026 – 2027-yillarda ijtimoiy-iqtisodiy rivojlantirish bo‘yicha qo‘shimcha choralar belgilandi. Prezident qaroriga ko‘ra, 2031-yil 1-yanvarga qadar poytaxtda eksperiment tariqasida yangi tartiblar joriy etiladi, jumladan, maydoni 5 ming kvadrat metrdan ortiq savdo markazlarida kitob do‘konlari tashkil etish majburiy bo‘ladi.

Har bir tuman maxsus iqtisodiy va sanoat zonalari bilan bog‘lanadi

Qarorga ko‘ra, Toshkent shahridagi barcha tumanlarni maxsus iqtisodiy va sanoat zonalari bilan bog‘lash rejalashtirilgan.

Bu orqali tumanlarning iqtisodiy salohiyatini oshirish va yangi loyihalar sonini ko‘paytirish maqsad qilingan. Har bir tumanga loyihalarni joylashtirish uchun maxsus iqtisodiy va sanoat zonalari hududidan yer maydonlari biriktiriladi. Bu Toshkent shahar hokimi qarori bilan amalga...

O‘zbekistonlik fuqarolar uchun BAAning Dubay xalqaro aeroportida yangi ish o‘rinlari e’lon qilindi. Bu haqda Migratsiya agentligi xabar berdi.

Unga ko‘ra, aeroportning biznes va birinchi toifa yo‘lovchilari uchun mo‘ljallangan maxsus kutish zallariga xizmat ko‘rsatish yo‘nalishi bo‘yicha 80 nafar xodim ishga qabul qilinadi.

Nomzodlarga qanday talablar qo‘yilgan

Tanlovda 20 – 30 yosh oralig‘idagi erkak va ayollar ishtirok etishi mumkin. Nomzodlar mehmonxona va restoran xizmati yo‘nalishi bo‘yicha mutaxassislikka ega bo‘lishi, ovqat hamda ichimliklar servisi sohasida kamida bir yillik ish tajribasiga ega bo‘lishi va ingliz tilini kamida «B2» darajada bilishi talab etiladi. IELTS, TOEFL yoki boshqa xalqaro til sertifikatiga ega bo‘lganlarga ustunlik...

Kursiv Uzbekistan muxbiri Toshkentning Sergeli tumanidagi avtomobil bozorida bo‘lib, biznes uchun mo‘ljallangan ommabop minivenlar va ixcham tijorat avtomobillari narxlarini o‘rgandi. Bozorda Chevrolet Damas, Labo bilan bir qatorda Xitoyning Wuling, Changan hamda Shineray modellari ham taklif qilinmoqda.

«Xalq avtomobili» Damas qancha turadi?

Mazkur segmentdagi eng hamyonbop yo‘lovchi avtomobili Chevrolet Damas bo‘lib qolmoqda. Ishlab chiqarilgan yili va texnik holatiga qarab, 2000-yillarning o‘rtalarida chiqarilgan ikkilamchi bozordagi avtomobillar narxi taxminan 20 mln so‘mdan boshlanadi.

2015 – 2019-yillarda ishlab chiqarilgan Damas avtomobillari 40 – 56 mln so‘m, 2020 – 2022-yillardagi mashinalar 50 – 65 mln so‘m, 2023 – 2025-yillarda chiqarilgan minivenlar esa...

Sirdaryo viloyatining Sirdaryo tumanida joylashgan do‘konlardan birida yuz bergan yong‘in oqibatida uchta savdo shoxobchasining qariyb 80 kvadrat metr maydoni zarar ko‘rdi. Hodisada jabrlanganlar yo‘q. Bu haqda Favqulodda vaziyatlar vazirligi xabar berdi.

Yong‘in bir soatdan kam vaqtda o‘chirildi

Hodisa 29-iyul kuni soat 12:22 da Sirdaryo tumani Yoshlik mahallasi, O‘zbekiston shohko‘chasida joylashgan do‘konda sodir bo‘lgan.

Xabar kelib tushgach, voqea joyiga uchta yong‘in-qutqaruv ekipaji yuborilgan. Yong‘in soat 13:00 da to‘liq bartaraf etilgan.

80 kvadrat metr maydon zararlangan

Dastlabki ma’lumotlarga ko‘ra, yong‘in oqibatida uchta do‘konning taxminan 80 kvadrat metr maydoni yonib zarar ko‘rgan.

Favqulodda vaziyatlar vazirligi hodisa natijasida tan jarohati olganlar...

Samsung Galaxy S26 Ultra va iPhone 16 Pro Max premium smartfonlar segmentiga mansub bo‘lsa-da, ular turli davr mahsulotlari hisoblanadi. Kursiv Uzbekistan ikki modelning texnik imkoniyatlari va qulayliklarini taqqosladi.

Texnik imkoniyatlar

Galaxy S26 Ultra 6,9 dyuymli QHD+ Dynamic AMOLED 2X ekran bilan jihozlangan. Displey yangilanish chastotasini kontentga qarab 1 Hz dan 120 Hz gacha avtomatik o‘zgartira oladi. Modelning o‘ziga xos jihatlaridan biri Privacy Display funksiyasi bo‘lib, u ekran mazmunini yon tomondan qarayotgan odamlardan yashirish imkonini beradi. Qurilmada elektron qaydlar, chizmalar va masofadan boshqaruv uchun korpusga o‘rnatilgan S Pen ham mavjud.

iPhone 16 Pro Max ham 6,9 dyuymli OLED...

O‘zbekistonda Apple Pay va Google Pay servislarini ishga tushirish bo‘yicha ishlar davom etmoqda. Markaziy bank To‘lov tizimlarini rivojlantirish departamenti direktori Jamshid Usmonov Kursiv Uzbekistan’ga ma’lum qilishicha, yaqin oylarda xizmatlar ishga tushishi haqida ijobiy xabarlar kutilmoqda.

Muzokaralar bahordan beri olib borilmoqda

Usmonovga ko‘ra, shaxsga doir ma’lumotlar to‘g‘risidagi qonunga o‘zgartirishlar kiritilganidan so‘ng Markaziy bank, tijorat banklari, Humo va Uzcard milliy to‘lov tizimlari Apple hamda Google bilan muzokaralarni boshlagan.

Uning aytishicha, bu ishlar joriy yilning mart – aprel oylaridan beri olib borilmoqda.

Kartalar tokenizatsiya qilinishi kerak

Apple Pay va Google Pay oddiy plastik karta bilan emas, kartaning virtual ko‘rinishi bilan ishlaydi...

«Zolotaya Korona» tizimi orqali O‘zbekistonga kelayotgan mablag‘lar bo‘yicha muammo yo‘q. Markaziy bankning Valyutani tartibga solish va nazorat qilish departamenti direktori Otabek Tojiddinovning ma’lum qilishicha, sanksiya «Zolotaya Korona» tizimining o‘ziga emas, balki uning hisob-kitob banki – operatoriga nisbatan qo‘llangan.

«Zolotaya Korona» sanksiya ostida emas

Tojiddinovga ko‘ra, «Zolotaya Korona» an’anaviy to‘lov tizimi sifatida sanksiya ostiga tushmagan. Shu sabab O‘zbekistondagi banklar reklama yoki promo-aksiyalarida ushbu tizim bilan bog‘liq e’lonlar berayotgani tabiiy holat hisoblanadi.

Uning ta’kidlashicha, cheklov tizimning o‘ziga emas, balki tezkor pul o‘tkazmalarida hisob-kitob qiluvchi operator bankka tegishli.

Pul o‘tkazmalari odatdagi tartibda kelmoqda

Markaziy bank vakili bugungi kunda «Zolotaya Korona» orqali...

Markaziy bank asosiy stavkani 14 foiz darajasida saqlab qolish qarorini inflyatsiya, bazaviy inflyatsiya, inflyatsion kutilmalar va kelgusi davr prognozlari bilan izohladi. Pul-kredit siyosati departamenti direktori Samig‘jon Inog‘amov 29-iyul kungi matbuot anjumanida inflyatsiya yil boshidan pasayish tendensiyasida bo‘lsa-da, ayrim xatarlar saqlanib qolayotganini bildirdi.

Inflyatsion xatarlar saqlanib qolmoqda

Samig‘jon Inog‘amov Kursiv Uzbekistan savoliga javoban asosiy stavka bo‘yicha qarorga bir nechta omillar ta’sir qilganini aytdi. Ular orasida inflyatsiyaning joriy tendensiyasi, bazaviy inflyatsiya dinamikasi, inflyatsion kutilmalar va prognozlar asosiy omillar sifatida ko‘rsatildi.

Ta’kidlanishicha, umumiy inflyatsiya yil boshidan pasayish yo‘nalishida shakllanmoqda. Inflyatsion kutilmalar ham pasaymoqda, biroq bu jarayon hali yetarli darajada tez emas.

Belarus prezidenti Aleksandr Lukashenko Vitebsk viloyatiga ishga kelgan O‘zbekiston fuqarolari masalasini muhokama qilib, o‘zbekistonlik ishchilar haqida «ularning maoshi – uchinchi masala», deya fikr bildirdi. Bu haqda Belta nashri ma’lum qildi.

Belarus rahbarining aytishicha, mamlakatda ishchi kuchi yetishmayapti, shu sababli O‘zbekiston fuqarolarini aniq ehtiyojdan kelib chiqib qishloq xo‘jaligi va boshqa sohalarga jalb qilish rejalashtirilgan.

Lukashenko hamkorlik faqat mehnat migrantlarini ishga joylashtirish bilan cheklanmasligini qayd etgan. Uning so‘zlariga ko‘ra, O‘zbekiston tomoni Belarusdan go‘sht va sut mahsulotlari yetkazib berilishiga qiziqmoqda hamda qishloq xo‘jaligi loyihalariga investitsiya kiritishga tayyor. Ishchi kuchiga ehtiyoj Vitebskdan tashqari Mogilyov, Gomel va Grodno viloyatlarida ham mavjud.

Kontekst

O‘zbekiston...

Portugaliyalik futbolchi Krishtianu Ronaldu Britaniya futboli haqida suratga olinayotgan yangi serialda rol ijro etadi va loyihaning ijrochi prodyuserlaridan biri bo‘ladi. Bu haqda The Sun nashri xabar bermoqda.

Loyiha futbol agenti Darren Deynning g‘oyasi asosida yaratilmoqda. Voqealar professional futbol olamida kechadi, serialning bosh qahramoni esa Stenli Dalton ismli to‘qima futbol agenti bo‘ladi. Uning faoliyati orqali futbol biznesining ichki jarayonlari, sportchilar, klublar va agentlar o‘rtasidagi munosabatlar ko‘rsatilishi kutilmoqda.

Kartina haqida nimalar ma’lum

Serialga Kingsman filmlari orqali tanilgan rejissyor Metyu Von boshchilik qiladi. Loyihani Ronaldu va Von birgalikda asos solgan UR•Marv Studios kompaniyasi ishlab chiqarmoqda. Shu tariqa portugaliyalik futbolchi serialda nafaqat...

2027-yil 1-yanvardan ichimlik suvi ta’minoti va oqova suv xizmatlari tariflarini tasdiqlash vakolati Vazirlar Mahkamasi huzuridagi Idoralararo tarif komissiyasiga o‘tkaziladi. Bu haqda Adliya vazirligi xabar berdi.

Loyihalar elektron platformada aks ettiriladi

2026-yil 1-sentabrdan boshlab «O‘zsuvta’minot» AJga foydalanish uchun topshiriladigan barcha ichimlik suvi va oqova suv infratuzilmasini rivojlantirish loyihalari maxsus elektron platformada aks ettiriladi.

Gap «Dasturlarning amalga oshirilishini monitoring qilish va manzilli ro‘yxatlarni kelishishning avtomatlashtirilgan axborot tizimi» haqida bormoqda.

Shartnomaviy munosabatlar soddalashtiriladi

«O‘zsuvta’minot» AJ va uning tizim korxonalari o‘rtasida shartnomaviy munosabatlarni samarali yo‘lga qo‘yish uchun ayrim yo‘nalishlarda to‘g‘ridan to‘g‘ri tartib qo‘llanadi.

Xususan, tor doiradagi malaka oshirish, o‘qitish va ekspluatatsiyaga...

Telegram messenjeri asoschisi Pavel Durov Rossiyada terrorchilik faoliyatiga ko‘maklashish bo‘yicha ochilgan jinoyat ishi doirasida xalqaro qidiruvga berildi. Rossiya Federal xavfsizlik xizmati unga rasman ayblov qo‘yilganini ma’lum qildi, deb xabar berdi «Kommersant».

Rossiya maxsus xizmatining da’vosiga ko‘ra, Telegram Ukraina maxsus xizmatlari, shuningdek, terrorchi va ekstremistik tashkilotlar foydalanayotgan ko‘plab kanal, chat va botlarni o‘chirmagan. FXX ularning ayrimlari hujumlarni tayyorlash, diversiya faoliyatiga odamlarni jalb etish va kiberfiribgarlik maqsadlarida ishlatilganini bildirmoqda. Bu iddaolar hozircha Rossiya tomonining ayblovi bo‘lib, sud hukmi chiqarilgani haqida ma’lumot yo‘q.

FXX ma’lumotiga ko‘ra, Ukraina maxsus xizmatlari Telegram-bot orqali rossiyalik yoshlarni diversiya harakatlariga jalb qilgan. O‘tgan yil yozidan buyon mazkur...

Markaziy bank boshqaruvi 2026-yil 29-iyuldagi yig‘ilishida asosiy stavkani o‘zgarishsiz yana 14 foiz darajasida qoldirdi.

Regulyator inflyatsiyani 5 foizlik maqsadli darajaga pasaytirish, makroiqtisodiy barqarorlikni ta’minlash va aholining xarid qobiliyatini saqlash pul-kredit siyosatining asosiy vazifasi bo‘lib qolishini bildirdi.

Inflyatsiya 6,4 foizga yetdi

2026-yil iyun oyida umumiy inflyatsiya yillik hisobda 6,4 foizni tashkil etdi. Bazaviy inflyatsiya esa 5,7 foiz darajasida o‘zgarishsiz saqlanib qoldi.

Markaziy bankka ko‘ra, iyun oyida energiya va toshko‘mir narxlarining oshishi umumiy inflyatsiyaning qisqa muddatli tezlashishiga ta’sir qilgan.

Yil yakuni bo‘yicha prognoz o‘zgarmadi

Regulyator 2026-yil yakunida umumiy inflyatsiya 6,5 foiz atrofida bo‘lishini prognoz qilmoqda.

Iqtisodiy o‘sish prognozi...