Yangiliklar

Joriy yilning yanvar – fevral oylarida O‘zbekistonda Chevrolet Cobalt avtomobilini ishlab chiqarish 19,3 foizga ko‘paydi. Bu haqda Milliy statistika qo‘mitasi ma’lumotlari e’lon qilindi.

Unga ko‘ra, ayrim modellarda ishlab chiqarish sezilarli oshgan bo‘lsa, boshqalarida pasayish kuzatilgan.

Eng katta o‘sish Cobalt modelida qayd etilib, ikki oy davomida 23,2 ming dona avtomobil ishlab chiqarildi. Bu ko‘rsatkich o‘tgan yilning shu davriga nisbatan 19,3 foizga yuqori hisoblanadi.

Shu bilan birga, Damas ishlab chiqarish hajmi kamayib, 12,3 ming donani tashkil etdi (o‘tgan yili – 12,9 ming dona). Ammo Tracker modeli bo‘yicha o‘sish kuzatilib, ishlab chiqarish 6,2 ming donaga yetdi.

Xorijiy brendlar bozorida ham...

Mart oyida dollar kursi O‘zbekistonda keskin tebranishlar bilan kechdi. Markaziy bank taqdim qilgan ma’lumotlarga ko‘ra, oy boshida o‘sish kuzatilgan bo‘lsa, o‘rtalarida pasayish, oxirida esa yana tiklanish qayd etildi.

2-mart kuni dollar 35,61 so‘mga oshib, 12 172,18 so‘mni tashkil etdi. 3-mart kuni yana 18,39 so‘mga ko‘tarilib, 12 190,57 so‘mga yetdi. 4-mart kuni ham o‘sish davom etib, kurs 12 209,86 so‘mga chiqdi. 5-martdan boshlab pasayish boshlandi. Kurs 30,05 so‘mga tushib, 12 179,81 so‘mni tashkil etdi. 6-mart kuni yana 4,28 so‘mga pasayib, 12 175,53 so‘mga tushdi.

10-mart kuni qisqa muddatli o‘sish qayd etildi va dollar 12 191,25 so‘mga yetdi. Biroq keyingi...

O‘zbekistonda sog‘lom turmush tarzini ommalashtirishga qaratilgan «10 ming qadam piyoda» loyihasi 1-maydan yana ishga tushiriladi. Mazkur tashabbus prezident qarori bilan tasdiqlangan «Eko-madaniyat» umummilliy loyihasi doirasida qayta tiklanmoqda.

Shu bilan birga, «Sog‘lom turmush tarzi» raqamli platformasi – 1hls.uz ham faoliyatini qayta boshlaydi.

Loyihani qo‘llab-quvvatlash maqsadida har yili Maxsus jamg‘arma hisobidan 10 milliard so‘m mablag‘ ajratilishi rejalashtirilgan.

Ma’lumot uchun, ushbu tashabbus ilk bor 2020-yilda joriy etilgan bo‘lib, unda fuqarolar kuniga 10 ming qadam yurgani uchun rag‘bat puli olishi mumkin edi. Keyinchalik loyiha 2022-yilda to‘xtatilgan.

Endilikda esa dastur yangilangan shaklda qayta yo‘lga qo‘yiladi.

Avvalroq «Kursiv» nashri O‘zbekistonda «Yosh ekolog» ko‘krak nishoni...

Gaitida sodir bo‘lgan qurolli hujum kamida 70 kishining o‘limiga va 30 kishining jarohatlanishiga sabab bo‘ldi. Bu haqda Reuters agentligi ma’lum qildi.

Unga ko‘ra, hujum 29-mart kuni tongda Jean-Denis atrofidagi qishloq hududlarida boshlangan va 30-mart tongigacha davom etgan. Qurolli hujumchilar hududga bostirib kirib, bir nechta uylarni yoqib yuborgan. Defenseurs Plus tashkilotining taxmin qilishicha, zo‘ravonlik tufayli 6 ming kishi hududdan ko‘chib ketishga majbur bo‘lgan, BMT esa bu raqamni 2 mingdan ortiq deb baholadi.

Gran Grif qurolli guruhi yetakchisi ijtimoiy tarmoqlarda tarqalgan audio xabarda hujumni o‘z bazasiga qilingan hujumlarga javob sifatida amalga oshirilganini aytgan. Hududga uchta zirhli mashinada politsiya safarbar qilingan...

Yong‘in xavfsizligini kuchaytirish maqsadida 28 metrdan baland binolarda yonuvchan materiallardan foydalanishni qat’iy taqiqlandi. Bu haqda Adliya vazirligi xabar berdi.

Unga ko‘ra, 28 metrga qadar bo‘lgan binolarning fasad qismida faqat past yonuvchanlik darajasiga (2 – 4) ega materiallardan foydalanishga ruxsat beriladi.

28 metrdan baland binolar, shu jumladan, ta’lim va tibbiyot muassasalarida yonuvchan materiallardan foydalanish qat’iyan taqiqlandi. Bu qoidalar baland binolarda yong‘in tez tarqalishining oldini olish maqsadida joriy etildi.

Binolarning evakuatsiya yo‘llari, zinapoya, yo‘laklar, chiqish yo‘laklari, shuningdek, yerto‘la va yarim yerto‘lalarda devor va shiftlarni bezashda yonuvchan materiallar ishlatish cheklangan.

Ma’lumot uchun, qurilish materiallari yonuvchanlik darajasiga qarab 4 turga bo‘linadi. Bu tasnif...

Prezident farmoniga muvofiq, Toshkentda xalqaro moliya markazi tashkil etilib, markazda yettita yo‘nalish bo‘yicha faoliyat yuritishga ruxsat beriladi. Bu haqda Adliya vazirligi xabar berdi.

Markaz hududida quyidagi faoliyat turlari bilan shug‘ullanish mumkin:

Shuningdek, markaz hududida alohida huquqiy tartib amal qiladi. Uning boshqaruv organlariga fuqarolik, tijorat, moliya, soliq va boshqa sohalarni tartibga soluvchi normativ hujjatlarni mustaqil qabul qilish vakolati beriladi.

Shu bilan birga, markaz hududida Angliya va Uelsning...

Bolgariyada ishlash istagida bo‘lgan fuqarolar uchun oylik maoshi 2 ming yevrogacha bo‘lgan rasmiy ish o‘rinlari taklif etilmoqda. Bu haqda Migratsiya agentligi ma’lum qildi.

Mazkur ish o‘rinlari United Careers XBA MChJ xususiy bandlik agentligi tomonidan taqdim etilgan bo‘lib, agentlik 2026-yil 18-fevralda berilgan №1386952 litsenziya asosida faoliyat yuritadi. E’lon qilingan vakansiyalar orasida enaga, chorvador (ot parvarishi), hamshira, tikuvchi, stanok operatori (tokar) hamda transport dispetcheri kabi yo‘nalishlar mavjud.

Enaga lavozimi uchun oylik maosh 1,5 ming yevro bo‘lib, ingliz tilini bilish talab etiladi. Chorvadorlik ishida esa 2 ming yevro maosh taklif qilinadi va nomzoddan traktorchi guvohnomasi talab qilinadi. Hamshiralarga 1,8 ming yevro...

1-aprel uchun valyutalar kursi yangilandi. Unga ko‘ra, dollar 16,50 so‘mga tushib, 12 194,21 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

25-mart kuni 3,94 so‘mga oshib, 12 196,00 so‘mga, 26-mart kuni esa 24,39 so‘mga pasayib, 12 171,61 so‘mga yetdi. 27-mart kuni dollar 8,26 so‘mga oshib, 12 179,87 so‘mni, 30-mart kuni 15,63 so‘mga oshib, 12 195,50 so‘mni tashkil qilgan edi. 31-mart kuni esa 15,21 so‘mga oshib, 12 210,71 so‘mni tashkil etgan edi.

Markaziy bank ma’lumotlariga ko‘ra, yevro 51,89 so‘mga pasayib, 13 984,32 so‘mni, rubl esa 0,39 so‘mga pasayib, 149,97 so‘mni tashkil qildi.

Eslatib o‘tamiz...

Toyota kompaniyasi o‘zining 13-avlod Corolla modeli keng ommaga mo‘ljallangan bo‘lishi bilan birga, ichki yonuv dvigatellarini ham saqlab qolishini ma’lum qildi. Bu haqda CarBuzz nashri xabar bermoqda.

2027-yilgi Toyota Corolla modeli avvalgi 1,8 litrli dvigatel o‘rniga yanada tejamkor 1,5 litrli gibrid to‘rt silindrli motor bilan jihozlanishi kutilmoqda. Keyinchalik to‘liq elektr va plagin-gibrid versiyalari ham taqdim etilishi mumkin.

Shuningdek, xabarlarga ko‘ra, joriy yilda modelning 60 yilligiga bag‘ishlangan maxsus modeli ishlab chiqarilishi mumkin. Ushbu avtomobil qora rangda bo‘lishi va salon qismi Century modeliga ishora qiluvchi kulrang sun’iy charm bilan bezatilishi taxmin qilinmoqda.

Maxsus modelning boshlang‘ich narxi oldingi tortuvchi g‘ildirakli versiya uchun...

O‘zbekistonda aviatsiya xodimlari uchun majburiy tibbiy ko‘rik tartibi belgilandi. Bu haqda Adliya vazirligi ma’lum qildi.

Yangi qoidalarga ko‘ra, fuqarolik aviatsiyasida ishlovchi barcha xodimlar hamda ushbu sohaga ishga qabul qilinayotgan nomzodlar majburiy tibbiy ko‘rikdan o‘tadi. Ushbu jarayon maxsus tibbiy-uchish komissiyasi tomonidan amalga oshiriladi.

Ko‘rik davomida nomzodlarning umumiy sog‘lig‘i, ko‘rish va eshitish qobiliyati, ruhiy holati hamda kasbiy faoliyatga ta’sir qilishi mumkin bo‘lgan xavf omillari baholanadi. Shuningdek, parvoz xavfsizligiga salbiy ta’sir ko‘rsatishi mumkin bo‘lgan kasalliklar va holatlar ham aniqlanadi.

Tibbiy tekshiruv natijasiga ko‘ra, aviatsiya xodimlari va nomzodlarga sog‘lig‘i holatiga qarab 1, 2 yoki 3-klass tibbiy xulosa beriladi. Ushbu hujjat ularning kasbiy vazifalarni...

Meta kompaniyasi Instagram platformasida yangi pullik obuna xizmatini sinovdan o‘tkazishni boshladi. Bu haqda Tech Crunch nashri ma’lum qildi.

Ma’lum qilinishicha, «Instagram Plus» deb nomlangan ushbu obuna foydalanuvchilarga bir qator eksklyuziv funksiyalarni taqdim etadi. Jumladan, obunachilar boshqalarning «story»larini muallifga bildirmasdan ko‘rish imkoniga ega bo‘ladi. Shuningdek, foydalanuvchilar o‘z «story»larini nechta odam qayta ko‘rganini ham aniqlay oladi.

Yangi funksiyalar orasida «story» uchun kengaytirilgan sozlamalar ham mavjud. Endilikda foydalanuvchilar auditoriyani faqat «Yaqin do‘stlar» bilan cheklab qolmay, turli guruhlarga ajratgan holda cheksiz ro‘yxatlar tuzishi mumkin. Bu esa har bir «story»ni kimlar ko‘rishini aniq belgilash imkonini beradi.

Bundan tashqari, obunachilar «story» muddatini qo‘shimcha...

Germaniyaning Volkswagen kompaniyasi va SAIC hamkorligida ishlab chiqilgan yangi Volkswagen ID. Era 9X krossoveri Xitoyda oldindan buyurtma bosqichiga chiqdi. Model to‘liq o‘lchamli oilaviy SUV segmentiga mo‘ljallangan bo‘lib, zamonaviy texnologiyalar va katta hajmi bilan ajralib turadi.

Yangi model 5,2 metr uzunlikka ega bo‘lib, bu uni segmentdagi eng yirik avtomobillardan biriga aylantiradi. Mashina dizaynida aerodinamik yechimlar qo‘llanilgan va qarshilik koeffitsiyenti 0,253 Cd ni tashkil etadi. Bu esa yonilg‘i va energiya samaradorligini oshiradi. Model tashqi ko‘rinishda zamonaviy chiziqlar, tomdagi lidar sensori, yashirin eshik tutqichlari va yagona orqa chiroq paneli bilan ajralib turadi.

Salon qismi 6 o‘rindiqli qilib ishlab chiqilgan. Ichki makonda ikkita...

Geely tarkibidagi premium elektromobil brendi Zeekr yangilangan Zeekr 007 va 007 GT avtomobillarini 10-aprel kuni savdoga chiqaradi. Bu haqda CarNewsChina nashri xabar bermoqda. Ular 2-apreldan oldindan buyurtmaga chiqadi.

Yangilangan Zeekr 007 tashqi ko‘rinishda yanada sport uslubiga ega bo‘ldi. Old qismda yangi havo kirish elementlari paydo bo‘lgan, karbon paket esa opsiya sifatida taklif qilinadi. Model uzunligi 4858 – 4880 mm, g‘ildirak bazasi esa 2925 mmni tashkil etadi.

Texnik jihatdan model 900V yuqori kuchlanishli platformaga o‘tkazilgan. Unda Nvidia Drive Thor-U chipi qo‘llanib, aqlli haydovchi tizimlari yanada rivojlantirilgan. Zeekr 007 GT esa shooting brake kuzovida ishlab chiqilgan bo‘lib, dizaynda katta o‘zgarish yo‘q...

Isroil parlamenti falastinliklarga nisbatan halokatli hujumlarda aybdor deb topilgan shaxslarga o‘lim jazosini joriy etdi. Bu haqda BBC ma’lum qildi.

Qonun Knessetda uchinchi o‘qishda 62 ga 48 ovoz bilan qabul qilindi. Ovoz berishda bosh vazir Benjamin Netanyaxu ham uni qo‘llab-quvvatladi. Yangi tartibga ko‘ra, harbiy sudlar tomonidan terrorchilik hujumida aybdor deb topilgan falastinliklar 90 kun ichida qatl etilishi mumkin. Ayrim holatlarda bu muddat 180 kungacha cho‘zilishi mumkin.

Rasmiy jihatdan qonun yahudiy fuqarolarga ham tatbiq etilishi mumkin. Ammo amalda u faqat davlat mavjudligini inkor etishga qaratilgan hujumlarga nisbatan qo‘llanadi va bunday holatlar deyarli uchramaydi.

Qonun tashabbuskori milliy xavfsizlik vaziri Itamar Ben-Gvir bo‘lib...

Markaziy bank jinoiy daromadlarni legallashtirish va moliyaviy firibgarlik xavfini kamaytirish maqsadida yangi nazorat choralarini joriy etishni taklif qilmoqda. Loyiha muhokamasi 4-aprelgacha davom etmoqda.

Loyihaga ko‘ra, 16 yoshgacha bo‘lgan shaxslarning hisobvaraqlarida qisqa vaqt ichida BHMning 40 baravaridan (taxminan 16,48 mln so‘m) ortiq mablag‘ aylanmalari shubhali deb hisoblanadi.

Bu yoshdagi shaxslar moliyaviy qarorlarni mustaqil qabul qila olmaydi, shuning uchun katta mablag‘ aylanmalari uchinchi shaxslar tomonidan firibgarlik yoki jinoiy maqsadlar uchun ishlatilishi mumkin.

Shuningdek, 30 kun ichida jismoniy shaxslar hisobiga 1,03 mlrd so‘mdan ortiq naqd mablag‘ kirimi yoki bir nechta o‘tkazmalar ham yuqori tavakkalchilik sifatida kuzatiladi.

Xavfi yuqori davlatlardan keladigan yoki...

Bir nechta kredit olib, har oy faqat unga to‘lov qilish hayotni qiyinlashtirishi mumkin. Lifehaker nashri tez va samarali tarzda kreditlarni yopishning eng amaliy usullari bilan bo‘lishadi.

1. To‘lovlar jadvalini tuzish

Bir nechta qarzingiz bo‘lsa, avvalo ularni ro‘yxatga olish va har birining oylik to‘lovlarini aniq yozish muhim. Buning uchun qog‘ozdan yoki mobil ilovadan foydalaning, faqat yodingizda saqlash yetarli emas. Bu har oy boshida budjetni rejalashtirishga, to‘lovlar uchun zarur mablag‘ni ajratishga yordam beradi.

SMS-xabarlar bank tomonidan kelishi mumkin, lekin o‘zingiz ham muddatni kuzatish odatini shakllantiring.

2. Kichik qarzdan boshlash

Bu usul psixologik jihatdan foydalidir, chunki kichik qarzni yopish motivatsiya...

Xitoyning Chery kompaniyasi yangi Chery QQ3 EV elektromobilini rasman taqdim etdi. Bu haqda CarNewsChina nashri xabar bermoqda.

Ushbu model ishga tushirilgach qisqa vaqt ichida 56,8 mingta buyurtma to‘pladi. Qurilma 58,9 ming – 78 ming yuan ($8,2 ming – $11,2 ming) narxda taklif etilmoqda va arzon elektromobillar segmentida jiddiy raqobatchi sifatida baholanmoqda.

Yangi model yumaloq va ixcham dizayni bilan ajralib turadi. Old qismida yopiq radiator panjarasi va Q shaklidagi LED faralar qo‘llangan. Avtomobil uzunligi 4195 mm bo‘lib, turli rang variantlari bilan taklif etiladi.

Salonida zamonaviy multimedia tizimi o‘rnatilgan. Yuqori komplektatsiyalarda 15,6 dyuymli ekran va 8,8 dyuymli panel mavjud. Tizim Qualcomm...

Qashqadaryo viloyati va Toshkent shahrida energiya resurslaridan noqonuniy foydalanish holatlari aniqlandi. Bu haqda Bosh prokuratura huzuridagi Departament ma’lum qildi. Umumiy zarar 1,1 mlrd so‘mdan oshgan.

Departament xodimlari tomonidan o‘tkazilgan reydda Yakkabog‘ tumanida «I.F.» MChJ mansabdorlari savdo majmuasida elektr hisoblagichga tashqi ta’sir ko‘rsatgani fosh etildi. Natijada 601,6 mln so‘mlik elektr energiyasi noqonuniy ishlatilgani aniqlangan.

Toshkent shahrining Sergeli tumanida esa «H.S.» MChJ mas’ullari ishlab chiqarish sexida gaz tarmog‘iga noqonuniy ulanish qilgani ma’lum bo‘ldi. Ular 514,1 mln so‘mlik tabiiy gazdan tijorat maqsadida noqonuniy foydalangan.

Holatlar yuzasidan Jinoyat kodeksining 169-moddasi bilan jinoyat ishlari qo‘zg‘atildi. Hozirda tergov harakatlari olib borilmoqda.

Eslatib o‘tamiz, Kursiv Uzbekistan...

FIFA prezidenti Janni Infantino Eronning 2026-yilgi Jahon chempionatini boykot qilish ehtimoliga qaramay, o‘rniga boshqa jamoani jalb etish bo‘yicha hech qanday reja yo‘qligini ma’lum qildi.

Eron terma jamoasi musobaqaga bir yil avval yo‘llanma olgan bo‘lsa-da, mintaqadagi harbiy harakatlar va Oliy rahbar Oyatulloh Ali Xomanaiyning vafoti sababli ularning ishtiroki so‘roq ostida qolmoqda. FIFA rahbari futbol ziddiyatlarga qaramay birlashtiruvchi kuch bo‘lishi kerakligini ta’kidlab, Eronning ishtirokini yagona maqsad deb atadi.

«Biz real dunyoda yashayapmiz va vaziyat juda murakkabligini bilamiz, ammo Eron ushbu Jahon chempionatida eng yaxshi sharoitlarda o‘ynashini ta’minlash ustida ishlayapmiz», – dedi Janni Infantino.

Eron rasmiylari musobaqani...

27 – 30-mart kunlari yurtimiz yashil maydonlarida o‘tkazilgan FIFA Series xalqaro turniri yakuniga yetdi. Hal qiluvchi bahsda O‘zbekiston milliy terma jamoasi Janubiy Amerikaning Venesuela terma jamoasi bilan ro‘baro‘ keldi.

Uchrashuvning asosiy vaqtida hisob ochilmadi va navbat penaltilar seriyasiga berildi. Futbol lotereyasida O‘zbekiston 5:4 hisobida g‘alaba qozondi. Kursiv Uzbekistan ushbu oqshomning eng yorqin lahzalari muhrlangan eksklyuziv kadrlardan iborat fotoreportajni taqdim etadi.

General Motors’ning eng arzon elektromobillaridan biri Chevrolet Bolt EV 2027 modeli avtomagistralda real sharoitda sinovdan o‘tkazildi. Bu haqda InsideEvs nashri xabar berdi.

Unga ko‘ra, avtomobil bir zaryad bilan 262 mil (taxminan 422 km) yurishi mumkin. Biroq bu ko‘rsatkich aralash (shahar va trassa) rejimida hisoblangan.

Amaliy test davomida avtomobil 75 mil/soat (120 km/soat atrofida) tezlikda harakatlanib, jami qariyb 197 mil (317 km) masofani bosib o‘tgan. Bu esa rasmiy ko‘rsatkichdan deyarli 25 foizga kam.

Mutaxassislar buni yuqori tezlikda energiya sarfi keskin oshishi bilan izohlamoqda. Elektromobillarda tezlik qancha yuqori bo‘lsa, batareya shuncha tez tugaydi.

Shu bilan birga, yangi modelda sezilarli yaxshilanishlar ham...

Toshkent Botanika bog‘ida 2026-yil 1-apreldan boshlab hududda velosiped va samokatlarda harakatlanish taqiqlanadi. Bu haqda bog‘ ma’muriyati ma’lum qildi.

Ma’lum qilinishicha, so‘nggi paytlarda ushbu transport vositalari bilan bog‘liq baxtsiz hodisalar ko‘paygan. Fuqarolarning yiqilishi va turli darajadagi jarohatlar qayd etilgan.

Qaror tashrif buyuruvchilar xavfsizligini ta’minlash maqsadida qabul qilingan. Bu borada Ilmiy kengash tavsiyalari ham inobatga olingan.

Endilikda bog‘ hududida faqat piyoda harakatlanish mumkin bo‘ladi. Ma’muriyat bu orqali tinch va xavfsiz sayr muhitini yaratishni maqsad qilgan.

Eslatib o‘tamiz, Kursiv Uzbekistan nashri O‘zbekistonda yangi milliy tabiat bog‘lari tashkil etilishi haqida yozgan edi.

O‘zbekistonda hayvonlarga nisbatan zo‘ravonlik holatlari ortidan jamoatchilik tomonidan jazolarni kuchaytirishga chaqiriqlar kuchaymoqda. Shu munosabat bilan onlayn petitsiya e’lon qilinib, amaldagi choralar yetarli emasligi ta’kidlandi.

So‘nggi paytlarda turli hududlarda hayvonlarning zaharlanishi va shafqatsizlarcha o‘ldirilishi bilan bog‘liq holatlar qayd etilgan. Xususan, Angrenda qarovsiz hayvonlar zaharlangani, Bo‘stonliq tumanida esa mushuklar o‘ldirilgani haqidagi xabarlar jamoatchilik noroziligiga sabab bo‘lgan. Ayrim holatlarda aybdorlar qisqa muddatli qamoq bilan cheklangani ham tanqid qilinmoqda.

Petitsiya mualliflari hayvonlarga nisbatan shafqatsizlikni faqat axloqiy muammo emas, balki jamiyat xavfsizligiga tahdid sifatida baholamoqda. Ular bunday jinoyatlar uchun javobgarlikni kuchaytirish, shuningdek, maktablar va ommaviy axborot vositalari orqali aholining xabardorligini oshirish zarurligini ilgari...

Toshkent shahrining beshta tumanida, xususan, Yakkasaroy, Yangihayot, Mirzo Ulug‘bek, Sergeli va Uchtepa tumanlarida 31-mart kuni tabiiy gaz ta’minoti vaqtincha to‘xtatildi. Bu haqda «Hududgaz Poytaxt» gaz ta’minoti filiali xabar bermoqda.

Gaz ta’minotidagi uzilishlar turli tumanlarda turlicha vaqt oraliqlarida amalga oshiriladi. Yakkasaroy tumanidagi «Shoxjahon» MFY hamda Yangihayot tumanidagi «Yangi turmush» MFYda soat 11:00 dan 13:00 gacha gaz o‘chiriladi. Xuddi shu vaqt oralig‘ida Mirzo Ulug‘bek tumanining Alisher Navoiy, Geologlar, Jasorat va Geofizika mahallalarida ham ta’minot to‘xtatiladi.

Sergeli tumanidagi «Sohibqiron», «Yangi Sergeli», «Ezgulik» va «Ziynat» MFYlarida, shuningdek, Uchtepa tumanining Katta Qani mahallasida esa uzilishlar soat 10:00 dan 12:00 gacha davom etadi. Rasmiy xabarda...