Yangiliklar

Kanada parlamentida deputat Bill Oliver nutq so‘zlar ekan, sun’iy intellekt tayyorlagan matn bilan birga uning tahrirlash bo‘yicha tavsiyasini ham ovoz chiqarib o‘qib yubordi. Hodisa bir necha hafta davomida e’tibordan chetda qolgan.

Nutqqa SI ko‘rsatmasi ham qo‘shilib ketgan

Kanadaning Nyu-Brunsvik provinsiyasi qonunchilik yig‘ini deputati Bill Oliver parlamentdagi chiqishi davomida sun’iy intellekt tomonidan berilgan xizmat ko‘rsatmasini ham o‘qib yubordi. Mahalliy OAV ma’lumotlariga ko‘ra, siyosatchi SI tayyorlagan matndan foydalangan, biroq matnga ilova qilingan tavsiyani o‘chirib tashlashni unutgan.

Deputat nutq o‘rtasida: «Mana bu bo‘limning qonunchilik matniga ko‘proq o‘xshaydigan, tabiiyroq variantidir», degan jumlani ham o‘qib bergan. Aslida bu sun’iy intellekt tomonidan matnni qayta...

2026-yilning yanvar – iyun oylarida O‘zbekiston aeroportlari orqali 8,15 milliondan ortiq yo‘lovchilar tashildi. Bu o‘tgan yilning mos davridagiga nisbatan 16 foiz ko‘p bo‘lib, reyslar soni 8 foizga, yuk va pochta tashish hajmi esa 33 foizga oshdi. Bu haqda Uzbekistan Airport matbuot xizmati xabar berdi.

Yo‘lovchilar soni 8 milliondan oshdi

2026-yilning birinchi yarmida mamlakat aeroportlari jami 64 831 ta reysga xizmat ko‘rsatdi. Shundan 47 371 tasi xalqaro, 17 460 tasi ichki qatnovlarga to‘g‘ri keldi.

Hisobot davrida aeroportlar orqali 8 mln 153 ming 470 nafar yo‘lovchi tashildi. Ularning 6,7 millionga yaqini xalqaro, 1,45 milliondan ortig‘i esa ichki reyslardan foydalangan.

O‘zbekistonda kapital bozorini rivojlantirishga qaratilgan yangi qonun loyihasi Qonunchilik palatasi tomonidan birinchi o‘qishda ma’qullandi. Bu haqda quyi palata matbuot xizmati xabar berdi.

Hujjat sukuk va boshqa zamonaviy moliyaviy instrumentlarni muomalaga kiritish, investorlar huquqlarini kuchaytirish hamda bozorni xalqaro standartlarga moslashtirishni nazarda tutadi.

Kapital bozoriga yangi moliyaviy vositalar kirib keladi

Qonun loyihasiga ko‘ra, O‘zbekistonda islom moliyasi tamoyillariga asoslangan sukuk (islom obligatsiyalari), shuningdek, barqaror rivojlanish obligatsiyalari, qoplangan obligatsiyalar va sekyuritizatsiyalangan obligatsiyalar muomalaga chiqarilishi mumkin. Bu investorlar uchun investitsiya imkoniyatlarini kengaytirishga xizmat qilishi kutilmoqda.

Investorlar huquqlari kuchaytiriladi

Loyihada investorlar va fuqarolarning huquqlarini himoya qilish mexanizmlarini takomillashtirish, kapital bozori infratuzilmasini yanada...

Threads foydalanuvchilari Haval, Chery, Geely, Changan va Zeekr kabi Xitoy avtomobillarining ishonchliligi haqida fikr bildirdi. Muhokama ikki-uch yildan beri foydalanilayotgan mashinalar tajribasi atrofida kechdi: ayrimlar jiddiy nosozlik ko‘rmaganini aytsa, boshqalar kafolat muddati tugagandan keyingi holat bo‘yicha savollar borligini ta’kidladi.

Aksar egalarda jiddiy shikoyat yo‘q

Muhokama muallifi Xitoy avtomobillari haqida yillar o‘tganidan keyingi halol fikrlar kamligini aytgan. Uning fikricha, asosiy muammolar ko‘pincha kafolat muddati tugagandan so‘ng boshlanishi mumkin.

Biroq ko‘plab avtomobil egalari bu fikrga qo‘shilmadi. Ularning aytishicha, bir necha yillik foydalanish davomida jiddiy nosozliklar kuzatilmagan.

Masalan, Chery krossoveri egasi shunday deb yozdi:

«4 yildan beri...

Rekonstruksiya ishlari yakunlangach, Toshkent metropolitenining «Chinor» bekati 29-iyul kuni soat 05:00 dan boshlab yana yo‘lovchilarga xizmat ko‘rsatishni boshlaydi. Bu haqda metropoliten matbuot xizmati xabar berdi.

Yangilanishlar natijasida bekatning o‘tkazuvchanlik quvvati ikki baravardan ko‘proqqa oshirildi.

Rekonstruksiya ishlari yakunlandi

Toshkent metropoliteni ma’lum qilishicha, bekatda yo‘lovchilar uchun yanada qulay va zamonaviy infratuzilma yaratish maqsadida keng ko‘lamli rekonstruksiya va kengaytirish ishlari amalga oshirildi. Ishlar Vazirlar Mahkamasining 2026-yil 30-apreldagi yig‘ilish bayonnomasida belgilangan topshiriqlar asosida bajarilgan.

Turniketlar soni ikki baravardan ko‘proqqa oshdi

Rekonstruksiya davomida bekatning kirish va chiqish qismlari kengaytirildi. Avval 6 ta bo‘lgan turniketlar soni 13 taga yetkazildi. Shuningdek, yo‘lovchilarga noqulaylik tug‘dirgan...

Kursiv Uzbekistan 1-avgustdan O‘zbekistonda yuz beradigan o‘zgarishlar haqida batafsil ma’lumotlarni bir joyga jamladi.

Ushbu maqolada siz quyidagilar bilan tanishishingiz mumkin:

Rossiya prezidenti Vladimir Putin hukumatga O‘zbekiston va Qozog‘iston bilan harbiy-texnik hamkorlik bo‘yicha amaldagi kelishuvlarga o‘zgartirish kiritish yuzasidan muzokaralar boshlashga ruxsat berdi. Tegishli farmoyishlar 27-iyul kuni imzolangan va Rossiyaning rasmiy huquqiy axborot portalida e’lon qilingan.

Farmoyishlar ikki davlat bilan kelishuvlarga taalluqli

Hujjatlardan biri Rossiya va Qozog‘iston o‘rtasida 2013-yil 24-dekabrda imzolangan harbiy-texnik hamkorlik to‘g‘risidagi bitimga taalluqli.

Ikkinchi farmoyish esa Rossiya va O‘zbekiston o‘rtasida 2016-yil 29-noyabrda tuzilgan harbiy-texnik hamkorlikni rivojlantirish haqidagi shartnomaga o‘zgartirish kiritish bo‘yicha muzokaralarni nazarda tutadi.

Amaldagi kelishuvlar nimalarni qamrab oladi

Amaldagi shartnomalar faqat Rossiya qurol-yarog‘ini O‘zbekiston va Qozog‘istonga sotishni emas, balki harbiy maqsaddagi mahsulotlarning o‘zaro yetkazib berilishini...

Oppo kompaniyasi Xitoyda yangi Oppo A7 Pro Max smartfoni uchun oldindan buyurtmalar qabul qilishni boshladi. Bu haqda ITHome nashri xabar bermoqda.

Smartfonni dastlabki bosqichda band qilgan xaridorlarga suv tushishi bilan bog‘liq holatlar uchun qo‘shimcha kafolat taqdim etiladi. Ushbu xizmatning alohida qiymati qariyb $30 ni tashkil etadi.

Dastlabki ma’lumotlarga ko‘ra, katta sig‘imli batareyaga qaramay, Oppo A7 Pro Max korpusining qalinligi 8,47 mm, og‘irligi esa 226 gramm bo‘ladi. Qurilma 80 vattli tezkor quvvatlash texnologiyasini qo‘llab-quvvatlaydi.

Texnik imkoniyatlar

Smartfon 6,78 dyuymli OLED ekran bilan jihozlanishi kutilmoqda. Displey 1,5K aniqlik va 120 Gts yangilanish chastotasiga ega bo‘ladi. Bu ko‘rsatkichlar tasvirning ravon namoyish...

Yaponiyaning janubi-g‘arbidagi Kumamoto prefekturasida sodir bo‘lgan 7,1 magnitudali zilzila oqibatida binolar qulab tushdi, yong‘inlar yuzaga keldi va minglab xonadon elektr ta’minotisiz qoldi. Bu haqda Japan Wire nashri xabar berdi.

Rasmiylar sunami xavfi haqida ogohlantirib, aholini qirg‘oq hududlarini tark etishga chaqirdi.

Kumamotoda kuchli zilzila qayd etildi

Yaponiya meteorologiya agentligi (JMA) ma’lumotiga ko‘ra, 28-iyul kuni mahalliy vaqt bilan soat 16:35 da Kumamoto prefekturasida 7,1 magnitudali zilzila sodir bo‘ldi. Yer silkinishining epimarkazi 10 kilometr chuqurlikda joylashgan.

Oradan yarim soat o‘tib hududda 5 ballgacha bo‘lgan takroriy zilzila kuzatildi. Mutaxassislar kuchli aftershoklar davom etishi mumkinligidan ogohlantirmoqda.

Binolar qulab tushdi, yong‘inlar yuz berdi

29-iyul uchun valyutalar kursi yangilandi. Unga ko‘ra, dollar kursi 61,42 so‘mga oshib, 12 050,34 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

AQSh valyutasi 21-iyul kuni 71,16 so‘mga tushib, 11 960,09 so‘mga, 22-iyul kuni 26,47 so‘mga oshib, 11 986,56 so‘mga, 23-iyul kuni 62,28 so‘mga oshib, 12 048,24 so‘mga tenglashdi. 24-iyul kuni 53 so‘mga oshib, 12 101,84 so‘m, 27-iyul kuni 82,76 so‘mga tushib, 12 019,08 so‘m, 28-iyul kuni esa 30,16 so‘mga tushib, 11 988,92 so‘m bo‘ldi.

Yevro kursida ham tushish kuzatildi. Yevropa valyutasi 21,8 so‘mga oshib...

«Barselona» va Ispaniya terma jamoasi hujumchisi Lamin Yamal faoliyatidagi muvaffaqiyatlardan so‘ng ko‘chmas mulk bozorida ham katta xaridni amalga oshirdi. Futbolchi Barselona yaqinidagi Espluges-de-Lobregat hududida joylashgan hashamatli uyda yashaydi.

Mazkur qarorgoh avval «Barselona»ning sobiq himoyachisi Jerar Pike va kolumbiyalik xonanda Shakiraga tegishli bo‘lgan.

Ispaniya OAV ma’lumotlariga ko‘ra, Yamal ko‘chmas mulkni 2025-yil oktabr oyida qariyb 11 mln yevro evaziga sotib olgan. Dastlab butun majmua uchun 14 mln yevro atrofida narx so‘ralgan, ammo tarkibdagi alohida uylardan biri boshqa xaridorga sotilgach, qolgan mulkning bahosi pasaygan.

Ayrim manbalarda yakuniy qiymat 10,5 mln yevro deb ham ko‘rsatiladi. Bitim tafsilotlari to‘liq oshkor etilmagani sabab aniq summa...

Buxoro va Qashqadaryo viloyatlarida yer maydonlari hamda kadastr hujjatlarini rasmiylashtirib berish evaziga jami $3,5 ming talab qilgan mansabdor shaxslar ushlandi. Bu haqda DXX xabar bermoqda.

Birinchi holat Davlat kadastrlari palatasining Buxoro viloyati boshqarmasida aniqlangan. Boshqarmaning bo‘lim boshlig‘i lavozimida ishlovchi mansabdor xizmat mavqeyidan foydalanib, mahalliy fuqaroning ishonchiga kirgani aytilmoqda.

U fuqaro tomonidan 2015-yilda Romitan tumani hokimligi zaxirasidagi 65 kvadrat metr yer maydonida o‘zboshimchalik bilan qurilgan savdo va xizmat ko‘rsatish binosini, shuningdek, unga tutash 35 kvadrat metr bo‘sh yer uchastkasini uning nomiga rasmiylashtirib berishni va’da qilgan.

Buning evaziga mansabdor $2,5 ming olgan vaqtida Davlat xavfsizlik xizmati, Bosh prokuratura huzuridagi Iqtisodiy jinoyatlarga...

Fransiya futbol federatsiyasi Zinedin Zidanni mamlakat milliy terma jamoasining yangi bosh murabbiyi etib rasman tayinladi. U 14 yil davomida jamoani boshqargan Dide Desham o‘rnini egalladi.

54 yoshli mutaxassis terma jamoa bilan 2030-yilgi Jahon chempionatigacha mo‘ljallangan to‘rt yillik shartnoma imzoladi. Bu uning 2021-yilda Madridning «Real» klubini tark etganidan keyingi ilk murabbiylik faoliyati bo‘ladi.

Zidan futbolchilik faoliyati davomida Fransiya bilan 1998-yilgi Jahon chempionati va 2000-yilgi Yevropa chempionatida g‘olib chiqqan. Murabbiy sifatida esa «Real»ni ketma-ket uch marta UEFA Chempionlar ligasi g‘olibiga aylantirib, zamonaviy futbolning eng muvaffaqiyatli murabbiylaridan biri sifatida e’tirof etilgan.

«Fransiya terma jamoasidan ulug‘roq narsa yo‘q. Bu...

O‘zbekistonga Italiya, Falastin, Saudiya Arabistoni, Kuvayt, Jazoir, Malayziya, Pokiston, Ozarbayjon va Qozog‘istonning yangi tayinlangan elchilari keldi. Prezident Shavkat Mirziyoyev ular bilan uchrashib, ikki tomonlama hamkorlikni kengaytirishning ustuvor yo‘nalishlarini belgilab berdi.

Italiya bilan «yashil» energetika va ta’lim yo‘nalishlari kengayadi

Davlat rahbari Italiyani O‘zbekistonning muhim siyosiy va iqtisodiy hamkori sifatida e’tirof etdi. Tomonlar «yashil» energetika, metallurgiya, kimyo, qishloq xo‘jaligi, sog‘liqni saqlash, farmatsevtika, ta’lim va turizm sohalaridagi hamkorlikni yanada rivojlantirishga alohida e’tibor qaratdi.

Shuningdek, Toshkentdagi Turin politexnika universiteti va Piza universiteti filiallari faoliyati yuqori baholandi. Lombardiya va Toskana hududlari bilan tibbiyot mutaxassislarini tayyorlash bo‘yicha qo‘shma tashabbuslar qo‘llab-quvvatlanishi bildirildi.

Falastin masalasida...

General Motors 2026-yilgi Chevrolet Silverado EV elektromobil-pikapining ayrim komplektatsiyalarida tashqi yon ko‘zgular jihozlarini yangiladi. Bu haqda GMAutority nashri xabar bermoqda.

Eng katta yangilanish LT komplektatsiyasiga tegishli bo‘lib, avval LT Standard Range va LT Extended Range versiyalari isitiladigan hamda elektr yordamida sozlanadigan DLF turidagi tashqi ko‘zgular bilan jihozlangan edi.

Endilikda ularga DX6 ko‘zgulari o‘rnatiladi. Yangi jihoz isitish va elektr sozlash funksiyalaridan tashqari, ko‘zgularni elektr yordamida bukish hamda haydovchi tomonidagi oynani avtomatik xiralashtirish imkoniyatini beradi.

LT Max Range versiyasida ko‘zgular holatini eslab qolish funksiyasi standart jihoz hisoblanadi. LT Extended Range’da esa ushbu imkoniyat Plus yoki Premium paketlaridan biri tanlanganda taqdim etiladi.

«Real Madrid» va Fransiya terma jamoasi hujumchisi Kilian Mbappe ispaniyalik aktrisa Ester Ekspósito bilan Parijda birga ko‘rinish berdi. Juftlik Fransiya poytaxtidagi mashhur moda do‘konlariga tashrif buyurgan, deya xabar berdi Kursiv Kazakistan.

Juftlik Parijda shopping qildi

O‘tgan dam olish kunlari 27 yoshli futbolchi va 26 yoshli aktrisa Parij ko‘chalarida birga sayr qilgan. Ular Dior va Jacquemus kabi mashhur fransuz moda uylari do‘konlariga kirgan.

Backgrid agentligi e’lon qilgan suratlarda Mbappe Dior brendining och sariq-kulrang uzun yengli ko‘ylagi va to‘q rangli shimda ko‘rinadi. Ester Ekspósito esa qora libos, quyoshdan himoyalovchi ko‘zoynak va to‘rli ro‘mol taqqan.

O‘zbekistonda haydovchilarga ma’lum haq evaziga jarima ballarini elektron bazadan o‘chirib berishni taklif qilayotgan firibgarlar paydo bo‘ldi. Bu haqda Yo‘l harakati xavfsizligi boshqarmasi axborot xizmati rahbari Zoyir Yo‘ldoshev ma’lum qildi.

Uning aytishicha, jarima ballari onlayn tarzda avtomatik hisoblanadi va tizim to‘liq himoyalangan. Shu sababli biror shaxsning ballarni bazadan o‘chirishi yoki natijalarni qo‘lda o‘zgartirishi mumkin emas. Bunday va’dalar faqat fuqarolarning pullarini qo‘lga kiritishga qaratilgan firibgarlik hisoblanadi.

YHXB vakili shunday holatga duch kelgan fuqarolardan zudlik bilan ichki ishlar organlariga murojaat qilishni so‘radi. Uning ta’kidlashicha, huquqni muhofaza qiluvchi organlar ijtimoiy tarmoqlarni muntazam kuzatib, zararli havolalar, shubhali e’lonlar va firibgarlik sxemalarini aniqlash hamda ularga...

O‘zbekiston milliy terma jamoasi navbatdagi FIFA kunlari doirasida Koreya Respublikasiga qarshi o‘rtoqlik uchrashuvi o‘tkazadi. Fabio Kannavaro boshqaruvidagi jamoa 6-oktabr kuni safarda maydonga tushadi.

Mazkur bahs O‘zbekiston terma jamoasining navbatdagi xalqaro uchrashuvlarga tayyorgarlik jarayonining bir qismi bo‘ladi. Milliy jamoa FIFA kunlarida yana bir qator o‘rtoqlik o‘yinlari o‘tkazishi rejalashtirilgan. Hozircha Koreya Respublikasiga qarshi uchrashuvning boshlanish vaqti va qaysi stadionda tashkil etilishi ma’lum qilinmagan.

FIFA reytingi

FIFA’ning 2026-yil 20-iyulda yangilangan erkaklar terma jamoalari reytingida Koreya Respublikasi 32-o‘rinni egallab turibdi. O‘zbekiston esa dunyo tasnifida 60-pog‘onadan joy olgan. Shu tariqa, bo‘lajak raqiblar o‘rtasidagi farq 28 o‘rinni tashkil etmoqda.

Jamoalar qanday natija...

Apple kelajakdagi iPhone 18 seriyasi uchun OLED displeylarni arzonroq narxda xarid qilishga urinmoqda. Soha manbalariga ko‘ra, kompaniya iPhone 18 Pro Max ekranining har bir donasi uchun qariyb $70 to‘lashni rejalashtirmoqda.

Avvalgi avlodlarda ham yangi iPhone chiqarilishi bilan OLED panellar narxi pasayib borgan. Yetkazib berish muddati va shartlariga qarab, iPhone 16 Pro Max displeylarining narxi ayrim hollarda $100 dan oshgan. iPhone 17 Pro Max uchun mo‘ljallangan panellar esa qariyb $80 gacha arzonlashgan.

Model qanday materialda chiqadi

iPhone 18 ekranlari ilk bor M16 organik materiallar majmuasi asosida ishlab chiqarilishi kutilmoqda. Yangi texnologiya displeyning yorqinligini oshirish, xizmat muddatini uzaytirish va ranglarni...

Raqobat qo‘mitasi fuqarolarni «Tashabbusli budjet» loyihasi doirasida ovoz berish evaziga pul mukofoti va’da qilayotgan norasmiy Telegram-botlar hamda ularning reklamalariga ishonmaslikka chaqirmoqda. Bu haqda qo‘mita Telegram kanalida ma’lum qildi.

Qo‘mita ma’lumotiga ko‘ra, «Tashabbusli budjet» fuqarolarga o‘z hududidagi ijtimoiy muammolarni hal qilishga qaratilgan loyihalarni ilgari surish va ovoz berishda ishtirok etish imkonini beradi. Ovoz berish ixtiyoriy bo‘lib, buning uchun hech qanday to‘lov undirilmaydi yoki moddiy rag‘batlantirish berilmaydi.

So‘nggi vaqtlarda ijtimoiy tarmoqlarda ayrim norasmiy Telegram-botlar orqali ovoz berish evaziga pul taklif qilinayotgani kuzatilgan. Bunday takliflar aholi orasida turli talqin va bahslarga sabab bo‘lib, jarayonning shaffofligiga salbiy ta’sir ko‘rsatishi mumkin.

Ovoz berish...

Qozog‘iston maktab ta’limi dasturiga sun’iy intellektdan xavfsiz va mas’uliyatli foydalanish bo‘yicha bilimlar rasman kiritiladi. Bu mamlakatda yangilangan davlat majburiy ta’lim standarti doirasida amalga oshiriladi, deb xabar berdi Qozog‘iston Ta’lim vazirligi.

Yangi standartda o‘quvchilarda sun’iy intellekt va raqamli resurslardan samarali, xavfsiz hamda mas’uliyatli foydalanish ko‘nikmalarini shakllantirish ko‘zda tutilgan. Shu orqali maktab o‘quvchilari zamonaviy texnologiyalardan foydalanish bilan birga, ularning imkoniyatlari va ehtimoliy xavflarini ham tushunishi kerak bo‘ladi.

Yangi prinsiplar

Yangilangan ta’lim mazmuniga Konstitutsiya tamoyillari, «Adal azamat» yagona tarbiya dasturi qadriyatlari, «Yangi Qozog‘iston» konsepsiyasi hamda «Qonun va tartib» prinsipi ham integratsiya qilinadi.

Ma’rifat vazirligining ta’kidlashicha, o‘quvchilarning Konstitutsiya asoslari, fuqarolarning huquq va...

Shveysariya sudi xususiy Lombard Odier bankini pul yuvishning oldini olish choralarini yetarli darajada ko‘rmagani uchun 3 mln Shveysariya franki ($3,68 mln) miqdorida jarimaga tortdi. Shu bilan birga, sud O‘zbekistonning sobiq prezidenti Islom Karimovning qizi Gulnora Karimovaga nisbatan Shveysariyadagi ish yurituvini to‘xtatdi.

Bank pul yuvish xavfini yetarlicha nazorat qilmagan deb topildi

Reuters yozishicha, Jenevada joylashgan Lombard Odier banki va uning sobiq xodimi Karimovaning ehtimoliy jinoiy faoliyatidan olingan mablag‘larni yashirishga imkon yaratganlikda ayblangan edi. Mazkur ish bo‘yicha sud jarayoni aprel oyida boshlangan.

Sud bayonotida bank pul yuvishning oldini olish uchun «barcha oqilona va zarur tashkiliy choralarni» ko‘rmagani uchun jarimaga tortilgani...

O‘zbekistonda Adliya organlariga kontrafakt mahsulotlarni aniqlash bo‘yicha nazorat xaridlarini mustaqil tashkil etish hamda huquqni muhofaza qiluvchi organlar bilan birgalikda yashirin ishlab chiqarish holatlarini fosh etish vakolatlari berildi. Bu haqda Oliy Majlis matbuot xizmati ma’lum qildi.

Deputatlar mualliflik va turdosh huquqlarni buzgan yuridik shaxslar uchun moliyaviy javobgarlik mexanizmlarini joriy etish masalasiga ham e’tibor qaratgan. Bundan tashqari, ma’muriy huquqbuzarliklar doirasida xususiy ayblov va yarashuv institutlarini amaliyotga tatbiq etish taklif qilindi.

Tovar belgilarini davlat ro‘yxatidan o‘tkazish tartibini soddalashtirish ham qonunchilikni takomillashtirishning muhim yo‘nalishlaridan biri sifatida ko‘rsatildi. Shuningdek, intellektual mulk obyektlarini kredit ta’minoti sifatida garovga qo‘yish uchun huquqiy mexanizmlar yaratish rejalashtirilmoqda.

Amazon AQSh Federal aloqa komissiyasidan orbitaga 5,1 mingtagacha internet sun’iy yo‘ldoshini chiqarishga ruxsat so‘radi. Kompaniya bu orqali smartfon va boshqa qurilmalarga bevosita sun’iy yo‘ldosh orqali internet ulanishini ta’minlaydigan D2D tarmog‘ini yaratmoqchi.

Tarmoq bevosita qurilmalarga ulanadi

Amazon rejasiga ko‘ra, D2D, ya’ni direct-to-device tarmog‘i an’anaviy mobil aloqa minoralarisiz ishlaydi. Bunda internet yoki aloqa xizmati sun’iy yo‘ldosh orqali to‘g‘ridan to‘g‘ri smartfon va boshqa qurilmalarga yetkaziladi.

Kompaniya bunday xizmatni birinchi marta aprel oyida e’lon qilgan edi. O‘shanda Amazon sun’iy yo‘ldosh operatori Globalstar’ni taxminan $11,6 mlrdga sotib olishini bildirgan.

Amazon Globalstar infratuzilmasidan foydalanadi

Amazonning FCCga yuborgan arizasida D2D tarmog‘i kompaniyaning mavjud infratuzilmasi...