Yangiliklar

Nepal va Xitoyning Tibet hududida yuz bergan kuchli suv toshqinlari oqibatida 1,5 mingga yaqin kishilar bedarak yo‘qolgan. Ular orasida 700 dan ortiq xorijlik fuqarolar bor. Hozircha tabiiy ofat oqibatida halok bo‘lgan yoki jabrlanganlar orasida O‘zbekiston fuqarolari borligi haqida ma’lumot kelib tushmagan. Bu haqda O‘zbekistonning Dehlidagi elchixonasi ma’lum qildi. 

Diplomatik vakolatxona Nepal va tegishli idoralar bilan doimiy aloqada bo‘lib, vaziyatni kuzatmoqda.

Nepal va Tibetda minglab odam qidirilmoqda

Himolay hududidagi daryoga katta miqdorda loy va tosh massasining qulab tushishi kuchli suv hamda vayronalar oqimini yuzaga keltirgan. Tabiiy ofat yo‘llar, uylar va boshqa infratuzilma obyektlariga jiddiy zarar yetkazgan.

Nepalda...

Rossiyaning «Sibereko» kompaniyasi O‘zbekistonga ekologik toza oziq-ovqat mahsulotlarini yetkazib berish va kelgusida ularni mamlakat hududida ishlab chiqarishni mahalliylashtirishni rejalashtirmoqda. O‘zbekistonning Novosibirsk shahridagi Bosh konsuli Aslam Akbarov «Sibereko» MChJ bosh direktori Andrey Mandrik bilan uchrashdi.

Muloqot davomida kompaniyaning O‘zbekiston bilan uzoq muddatli hamkorlikni yo‘lga qo‘yish rejalari muhokama qilindi.

Mahsulot ishlab chiqarish O‘zbekistonda yo‘lga qo‘yilishi mumkin

Andrey Mandrik kompaniya O‘zbekistonga ekologik toza oziq-ovqat mahsulotlarini yetkazib berishga qiziqish bildirayotganini ma’lum qildi.

Kelgusida esa «Sibereko» ishlab chiqarish quvvatlarini O‘zbekiston hududida mahalliylashtirish imkoniyatini ko‘rib chiqmoqchi.

Kompaniya, shuningdek, O‘zbekiston bozoridagi ishtirokini kengaytirish va o‘z mahsulotlarini faol targ‘ib qilishni rejalashtirmoqda.

O‘zbekiston kompaniyasi bilan hamkorlik...

O‘zbekistonlik sportchilar Shahzod Nurmatov va Sobir Safaraliyev akademik eshkak eshish bo‘yicha kattalar o‘rtasidagi jahon chempionatida tarixiy natijaga erishdi. O‘zbekiston vakillari mamlakat tarixida ilk bor ushbu musobaqada oltin medalni qo‘lga kiritdi.

Niderlandiyaning Amsterdam shahrida davom etayotgan akademik eshkak eshish bo‘yicha jahon chempionatida 27-avgust kuni O‘zbekiston terma jamoasi uchun tarixiy natija qayd etildi.

Nurmatov va Safaraliyev oltin medalni qo‘lga kiritdi

Yengil vazn toifasidagi sportchilar o‘rtasida juftlik dasturida – LM2x yo‘nalishida Shahzod Nurmatov va Sobir Safaraliyev tandemi barcha raqiblarini ortda qoldirib, jahon chempioniga aylandi.

Bu natija O‘zbekiston akademik eshkak eshish tarixidagi eng yirik yutuqlardan biri bo‘ldi. Bungacha o‘zbekistonlik sportchilar kattalar o‘rtasidagi...

2026-yilning yanvar – iyul oylarida O‘zbekistonning tashqi savdo aylanmasi $49,5 mlrdni tashkil etdi. Bu 2025-yilning mos davridagiga nisbatan $3,7 mlrdga yoki 8,1 foizga ko‘p. Bu haqda Milliy statistika qo‘mitasi ma’lum qildi.

Hisobot davrida importning yuqori sur’atlarda o‘sishi tashqi savdo aylanmasining kengayishiga asosiy ta’sir ko‘rsatgan. Eksport hajmi esa o‘tgan yilga nisbatan qisqargan.

Import 17,8 foizga oshdi

Yanvar – iyul oylarida O‘zbekiston eksporti $19,9 mlrdni tashkil etib, 2025-yilning shu davridagiga nisbatan 3,6 foizga kamaydi. Import esa aksincha, 17,8 foizga o‘sib, $29,6 mlrdga yetdi. Natijada import hajmi eksportdan $9,7 mlrdga yuqori bo‘ldi.

Mamlakat tashqi savdo aylanmasining qariyb 60 foizi import hissasiga...

Nepalning shimoliy hududlarida yuz bergan kuchli suv toshqini oqibatida halok bo‘lganlar soni 469 nafarga yetdi. Yana 977 kishi bedarak yo‘qolgan deb hisoblanmoqda. Bu haqda Nepalning Milliy favqulodda operatsiyalar markazi ma’lumotlariga tayanib, mahalliy Ratopati nashri xabar berdi.

Qidiruv-qutqaruv ishlari davom etmoqda

Tabiiy ofat oqibatida 73 kishi jarohatlangan, 3 253 kishi esa qutqarilgan. Bedarak yo‘qolganlar orasida 517 nafar xorij fuqarosi ham bor. Qutqaruvchilar vayronalar ostidan va daryo oqimlari bo‘ylab odamlarni izlash ishlarini davom ettirmoqda.

Qutqaruv ishlariga Nepal armiyasi, politsiya va qurolli politsiya kuchlaridan jami 9 405 nafar xodim jalb qilingan. Operatsiyalarda 15 ta vertolyot ham foydalanilmoqda.

Tijorat banklari tomonidan 28-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 28-avgust uchun valyutalar kursi e’lon qilingani haqida yozgan edi.

iPhone 17 Pro Rhinoshield AirX g‘ilofida 30 607 metr balandlikdan yerga tashlandi va sinovdan keyin ham to‘liq ishlashda davom etdi. Tajriba Ginnesning rekordlar kitobiga kiritildi, deya xabar berdi PR Newswire.

Sinov 2026-yil 24-iyun kuni Shvetsiyadagi Esrange Space Center kosmik poligonida o‘tkazilgan. Smartfon balandlikka aerostat yordamida ko‘tarilgan. So‘ng qurilma masofadan ajratilib, erkin tushishga yuborilgan.

Telefon 25 daqiqa davomida qulagan

iPhone 17 Pro taxminan 25 daqiqa davomida stratosferadan yerga tushgan.

Parvoz vaqtida smartfon qo‘shimcha himoya yoki isitish tizimidan foydalanmagan. Rhinoshield AirX g‘ilofi -40 dan -60 darajagacha bo‘lgan sovuq va dengiz sathidagi bosimning qariyb 1 foiziga teng juda past bosimga bardosh...

Abduqodir Husanovning Angliyadagi faoliyatiga faqat «Manchester Siti»dagi o‘yinlar soni orqali baho berish qiyin. 2025-yil yanvarida «Chelsi»ga qarshi dahshatli boshlangan debyutidan keyin Britaniya matbuotida unga achinish ohangi ustun edi. Oradan bir yildan sal ko‘proq vaqt o‘tib esa BBC uni «Manchester Siti» himoyasining muhim futbolchilaridan biri sifatida tahlil qila boshladi. Kursiv Uzbekistan Britaniya OAV, futbol ekspertlari hamda ingliz tilidagi «Manchester Siti» muxlislari muhokamalarini o‘rganib, Abduqodir Husanov haqidagi qarashlar qanday o‘zgarganini jamladi.

Dastlabki taassurot: «Bu yigitga qarab yig‘lagim keldi»

Husanovning Angliyadagi hikoyasini uning «Chelsi»ga qarshi 2025-yil 25-yanvardagi debyutisiz tushuntirib bo‘lmaydi. U uchrashuv boshida xato qilib, raqibning gol urishiga sababchi bo‘ldi, ko‘p o‘tmay...

Bugun, 28-avgust kuni prezident Shavkat Mirziyoyev O‘zbekiston Mustaqilligining 35 yilligi munosabati bilan bir qator tadbirlarda ishtirok etadi. Bu haqda prezident matbuot kotibi Sherzod Asadov xabar berdi.

Davlat rahbari dastlab Toshkent shahridagi «Shahidlar xotirasi» xiyobonida qatag‘on qurbonlarini yod etish marosimida qatnashadi.

Shundan so‘ng Prezident «Yangi O‘zbekiston» bog‘ida joylashgan Mustaqillik monumenti poyiga gul qo‘yadi.

Kechqurun tantanali tadbir bo‘lib o‘tadi

Kechqurun Shavkat Mirziyoyev mamlakat mustaqilligining 35 yilligiga bag‘ishlangan tantanali tadbirda ishtirok etadi.

Tadbir davomida davlat rahbari O‘zbekiston xalqini Mustaqillik bayrami bilan tabriklashi kutilmoqda.

Ma’lumot uchun, O‘zbekiston 1991-yil 31-avgustda davlat mustaqilligini e’lon qilgan. 1-sentabr esa mamlakatda Mustaqillik kuni sifatida nishonlanadi.

Prezident Shavkat Mirziyoyev Islomoboddagi tibbiyot muassasasida yuz bergan kuchli yong‘in oqibatida ko‘plab bolalar halok bo‘lgani va jarohatlangani munosabati bilan Pokiston rahbariga hamdardlik bildirdi.

Shavkat Mirziyoyev Pokiston prezidenti Asif Ali Zardoriy va bosh vaziri Shahboz Sharifga hamdardlik yo‘lladi.

Davlat rahbari halok bo‘lgan bolalarning oila a’zolari va yaqinlariga sabr-toqat tiladi. Shuningdek, jarohat olganlarning tez fursatda sog‘ayib ketishini tiladi.

Eslatib o‘tamiz, avvalroq shifoxonaning tug‘uruq bo‘limidagi yong‘in oqibatida kamida 14 nafar yangi tug‘ilgan chaqaloq halok bo‘lgani xabar qilingandi. Islomobod bosh komissari Sohail Ashraf qutqaruv guruhlari, mutaxassislar va politsiya xodimlari voqea joyiga zudlik bilan yetib kelganini ma’lum qildi. Ularning sa’y-harakatlari natijasida yong‘in nazoratga olingan. Kamida...

O‘zbekistonda 2026-yil 1-iyul holatiga ko‘ra, har bir kvadrat kilometr hududga o‘rtacha 85,8 kishi to‘g‘ri kelmoqda. Bu haqda Milliy statistika qo‘mitasi ma’lum qildi.

Ko‘rsatkich o‘tgan yilning mos davridagiga nisbatan 1,5 kishiga oshgan. 2025-yil 1-iyul holatida mamlakatda bir kvadrat kilometrga o‘rtacha 84,3 kishi to‘g‘ri kelgan edi.

Aholi zichligi yilma-yil oshib bormoqda

Statistik ma’lumotlarga ko‘ra, O‘zbekistonda aholi zichligi so‘nggi yillarda izchil o‘sib borgan. 2022-yil 1-iyul holatida bir kvadrat kilometrga 79,3 kishi to‘g‘ri kelgan. 2023-yilda bu ko‘rsatkich 81 kishiga, 2024-yilda esa 82,7 kishiga yetgan.

2025-yilda aholi zichligi 84,3 kishini tashkil etgan bo‘lsa, 2026-yilda ko‘rsatkich 85,8 kishiga ko‘tarilgan.

To‘rt yilda 6,5 kishiga...

Prezident Shavkat Mirziyoyev Xitoyning Tibet avtonom rayonida va Nepalning Tibet bilan chegarasida yuz bergan tabiiy ofatlar oqibatida ko‘plab insonlar halok bo‘lgani va jarohatlangani munosabati bilan ikki davlat rahbariga hamdardlik bildirdi.

Xitoy raisiga hamdardlik

Shavkat Mirziyoyev Tibet avtonom rayonidagi Shigadze shahar okrugida yuz bergan keng ko‘lamli ko‘chki va toshqin oqibatlari munosabati bilan Xitoy Xalq Respublikasi raisi Si Szinpinga hamdardlik yo‘lladi.

Tabiiy ofat natijasida ko‘plab insonlar halok bo‘lgan, jarohatlangan va katta iqtisodiy talafot yetgan.

Nepal prezidentiga ham hamdardlik

Davlat rahbari Nepalning Tibet bilan chegarasida yuz bergan kuchli suv toshqini oqibatlari munosabati bilan Nepal prezidenti Ram Chandra...

2026/2027-yilgi UEFA Chempionlar ligasining umumiy bosqichida O‘zbekistonning ikki nafar futbolchisi vakillik qiladi. Abduqodir Husanov va Umarali Rahmonaliyev Yevropaning asosiy klub turnirida qatnashish imkoniyatiga ega bo‘ldi, deb xabar bermoqda Sports.kz.

Husanov «Manchester Siti» safida o‘ynaydi

O‘zbekiston terma jamoasi himoyachisi Abduqodir Husanov Angliyaning «Manchester Siti» klubi bilan UEFA Chempionlar ligasining umumiy bosqichida qatnashadi.

Angliya klubi musobaqaning asosiy bosqichiga to‘g‘ridan to‘g‘ri yo‘llanma olgan. Shu tariqa Husanov yangi mavsumda Chempionlar ligasida O‘zbekiston sharafini himoya qiladigan futbolchilardan biri bo‘ladi.

Rahmonaliyev «Sabah» bilan asosiy bosqichga chiqdi

Umarali Rahmonaliyev esa Ozarbayjonning «Sabah» klubi bilan saralash bosqichlarini muvaffaqiyatli yakunlab, Chempionlar ligasining umumiy bosqichiga yo‘l oldi.

AQSh prezidenti Donald Tramp Ontario ko‘lini Amerika ko‘li – Lake America deb qayta nomlash to‘g‘risidagi farmonni imzoladi. Oq uy ma’lumotiga ko‘ra, qaror AQSh va Kanada o‘rtasidagi savdo munosabatlari keskinlashgan bir paytda qabul qilindi.

Jurnalistlar Trampdan ushbu qaror orqali Kanadaga qanday signal yubormoqchi ekanini so‘ragan. AQSh prezidenti bunga «Hech qanday» deya javob bergan.

Ontario ko‘li haqida

Ontario ko‘li Shimoliy Amerikadagi beshta Buyuk ko‘ldan biri bo‘lib, AQSh va Kanada chegarasida joylashgan. U Buyuk ko‘llarning eng sharqiy qismida joylashgan va maydoni jihatidan ular orasida eng kichigi hisoblanadi.

Ko‘lning umumiy maydoni qariyb 19 ming kvadrat kilometrni tashkil qiladi. Uning o‘rtacha chuqurligi...

O‘zbekistonlik grossmeyster Javohir Sindarov 3 – 13-sentabr kunlari Hindistonning Bengaluru shahrida o‘tadigan Tech Mahindra Global Chess League musobaqasining to‘rtinchi mavsumida qatnashadi. Bu haqda tashkilot saytida ma’lum qilindi.

U bu safar FYERS American Gambits jamoasining asosiy yetakchisi – Icon taxtasida o‘ynaydi. Musobaqada Magnus Karlsen, Vishvanatan Anand, Alireza Firuzja, Yan Nepomnyashchiy kabi dunyoning yetakchi shaxmatchilari ham ishtirok etadi.

Sindarov uchun Bengaluru turniri nafaqat kuchli raqiblarga qarshi navbatdagi sinov, balki Samarqanddagi Shaxmat olimpiadasi va amaldagi jahon chempioni Dommaraju Gukeshga qarshi jahon toji uchun bo‘lajak bahsga tayyorgarlikning bir qismi bo‘ladi.

Sindarov ilk bor jamoa yetakchisi bo‘ladi

Javohir Sindarov Global Chess League’dagi faoliyatida...

Samsung kompaniyasi Samsung Galaxy S26 FE smartfonini rasman taqdim etdi. Galaxy S26 oilasining nisbatan hamyonbop modeli 2026-yil 4-sentabrdan boshlab qator yirik bozorlarda sotuvga chiqadi. Smartfonning boshlang‘ich narxi AQShda $699 etib belgilandi.

Yangi model o‘tgan yilgi Galaxy S25 FE bilan taqqoslaganda qimmatroq bo‘ladi. Shu bilan birga, qurilma kuchliroq protsessor, kattaroq xotira variantlari va yangi kamera funksiyalariga ega bo‘ldi.

Galaxy S26 FE qancha turadi

Samsung ma’lumotiga ko‘ra, Galaxy S26 FE uchta xotira konfiguratsiyasida taklif etiladi.

AQShda 8 GB tezkor va 128 GB doimiy xotiraga ega bazaviy versiya $699 turadi. 8/256 GB variantining narxi esa $799 etib belgilangan. 512 GB xotirali...

EA Sports kompaniyasi 25-sentabr kuni sotuvga chiqadigan EA Sports FC 27 futbol simulyatoridagi futbolchilarning yangi reytinglarini e’lon qildi. Zarba berish ko‘rsatkichi bo‘yicha eng yuqori bahoni Harri Keyn oldi. Krishtianu Ronaldu esa ushbu ko‘rsatkich bo‘yicha Lionel Messidan yuqori o‘rinni egalladi.

O‘yin muqovasidan Kilian Mbappe joy olganiga qaramay, fransiyalik futbolchi zarba berish reytingida birinchi o‘ringa chiqa olmadi. U bu ko‘rsatkich bo‘yicha uchinchi pog‘onani egalladi.

Harri Keyn reyting yetakchisi bo‘ldi

EA...

UEFA Chempionlar ligasining 2026/27-yilgi mavsumi liga bosqichida 36 ta klub ishtirok etadi. Angliyadan «Arsenal», «Manchester Yunayted», «Liverpul», «Manchester Siti» va «Aston Villa» Yevropaning eng nufuzli klub turnirida qatnashadi. Liga bosqichi qur’asi Monakoda o‘tkazildi, deb xabar berdi Sky Sports.

Yangi formatga ko‘ra, har bir klub liga bosqichida sakkizta turli raqib bilan uchrashadi. Jamoalar to‘rtta savatning har biridan ikkitadan raqib oladi. Sakkiz uchrashuvning to‘rttasi o‘z maydonida, qolgan to‘rttasi safarda o‘tkaziladi.

Qur’a qanday o‘tkaziladi

Chempionlar ligasining amaldagi formatida 36 ta jamoa yagona liga jadvalida qatnashadi. Klublar UEFAning besh yillik koeffitsiyenti asosida to‘rtta savatga ajratiladi.

Qur’a jarayonida kompyuter tizimi har bir klub...

28-avgust kuni O‘zbekiston bo‘ylab biroz bulutli va quruq ob-havo kuzatiladi. «O‘zgidromet»ga ko‘ra, yog‘ingarchilik kutilmaydi, kunduzgi harorat ayrim hududlarda 40 darajagacha ko‘tariladi.

Eng yuqori harorat Buxoro, Navoiy, Qashqadaryo va Surxondaryo viloyatlarida kuzatiladi. Bu hududlarda kunduzi havo 35–40 darajagacha isishi kutilmoqda.

Toshkentda 37 darajagacha issiq bo‘ladi

Toshkent shahrida havo biroz bulutli bo‘ladi, yog‘ingarchilik kutilmaydi. Shamol sharqdan 3–8 m/s tezlikda esadi.

Harorat kechasi 18–20 daraja, kunduzi 35–37 daraja bo‘ladi.

Toshkent, Sirdaryo, Jizzax va Samarqand viloyatlarida kechasi 17–22 daraja, kunduzi 32–37 daraja issiq bo‘lishi prognoz qilinmoqda.

Buxoro va Navoiyda shamol kuchayishi mumkin

Buxoro va Navoiy viloyatlarida harorat kechasi 18–23 daraja, kunduzi...

General Motors 2027-yilgi Chevrolet Equinox’ning Kanadadagi barcha versiyalarini standart to‘liq uzatma – AWD bilan taklif qiladi. Shu sabab oldingi bazaviy old g‘ildirakdan tortuvchi Equinox LT FWD sotuvdan chiqariladi va modelning boshlang‘ich narxi ham oshadi, deya xabar berdi GM Authority.

2027-yilgi Chevrolet Equinox Kanadada LT, Activ va RS komplektatsiyalarida sotiladi. Ularning barchasi AWD tizimiga ega bo‘ladi.

Hozirda 2026-model yilida taklif qilinayotgan Equinox LT FWD esa yangi model yiliga o‘tilgach Kanada bozoridan chiqariladi.

Eng arzon Equinox 2300 Kanada dollariga qimmatlashadi

2027 Chevrolet Equinox LT AWD’ning boshlang‘ich narxi 36 899 Kanada dollarini ($26,6 ming) tashkil etadi.

Yetkazib berish uchun 2300 Kanada...

Nepalda yuz bergan kuchli sel va toshqinlar oqibatida 350 dan ortiq odamlar halok bo‘ldi, mingdan ziyod kishi esa bedarak yo‘qolgan. Yo‘qolganlar orasida kamida 700 nafar xorijiy sayyoh bor, deb xabar berdi Reuters.

Tabiiy ofat Nepalning Xitoyning Tibet hududi bilan chegaradosh qismida yuz berdi. Toshqin sayyohlar, tog‘ sayohatchilari va ziyoratchilar ko‘p harakatlanadigan yo‘llarni ham qamrab olgan.

Qutqaruv ishlari davom etmoqda

Qutqaruvchilar bedarak yo‘qolganlarni qidirish uchun vertolyotlardan foydalanmoqda. Yo‘llar uzilib qolgan shahar va vodiylardagi minglab odamlarga havo orqali chodirlar, oziq-ovqat va boshqa zarur vositalar yetkazilmoqda.

Nepal bosh vaziri Balendra Shah Nuvakot hududidagi vaziyatni shaxsan ko‘zdan kechirib, keyin Katmanduga qaytgan. U...

General Motors kompaniyasi Chevrolet Captiva PHEV krossoverini Braziliyada ishlab chiqarishni boshlashini rasman tasdiqladi. Bu haqda GMAutority nashri xabar bermoqda.

Model 2026-yil oxirigacha Ceara shtatidagi Comexport kompaniyasining Planta Automotiva do Ceará (PACE) zavodida yig‘ila boshlaydi. Yangi Captiva PHEV Chevrolet’ning Braziliyada ishlab chiqariladigan ilk plagin-gibrid avtomobili bo‘ladi. Shuningdek, u bir yilga yetmas vaqt ichida PACE zavodida ishlab chiqarilishi yo‘lga qo‘yilgan Chevrolet’ning uchinchi modeliga aylanadi.

Ishlab chiqarish 2026-yil oxirida boshlanadi

GM South America prezidenti va boshqaruvchi direktori Tomas Ovsyanski Captiva PHEV yil yakuniga qadar mahalliy ishlab chiqarishga chiqarilishini ma’lum qildi.

Uning so‘zlariga ko‘ra, bu Chevrolet’ning Braziliyada ishlab chiqariladigan birinchi plagin-gibridi va...

Samsung kompaniyasi Galaxy S26 flagmanlar oilasining eng arzon modeli – Samsung Galaxy S26 FE smartfonini taqdim etdi. Bu haqda kompaniya saytida ma’lum qilindi.

Yangi qurilma 3 nanometrli Exynos 2500 protsessori, Galaxy AI funksiyalari, 4900 mA/soat sig‘imli akkumulyator hamda yetti yil davomida dasturiy yangilanishlarni qo‘llab-quvvatlashi bilan ajralib turadi.

Smartfonning boshlang‘ich narxi $700 etib belgilandi. Bu avvalgi Galaxy S25 FE modelining boshlang‘ich narxidan $50 qimmatroq.

Exynos 2500 va Android 17

Galaxy S26 FE yangi Exynos 2500 protsessori asosida ishlaydi. Samsung ushbu chipni 3 nanometrli texnologik jarayon asosida ishlab chiqargan.

Qurilma Galaxy S26 oilasida Android 17 hamda One UI 9 operatsion...

Bugun taqdim etilgan Xiaomi Redmi Note 17 Pro Max avtonom ishlash bo‘yicha GSM Arena sinovidan o‘tdi. 10 000 mA/soatli batareyaga ega model 22 soat 31 daqiqa ishlagan bo‘lsa, 8500 mA/soat batareyali Poco X8 Pro Max 25 soat 21 daqiqa natija ko‘rsatgan.

GSM Arena mualliflari Redmi Note 17 Pro Max’ning 10 000 mA/soat batareyali versiyasini sinovdan o‘tkazdi. Smartfonning global varianti esa 9210 mA/soat sig‘imli akkumulyator bilan ham taklif qilinadi.

Avtonomlik yuqori, ammo rekord emas

Redmi Note 17 Pro Max umumiy sinovda 22 soat 31 daqiqa ishlagan. Bu yuqori ko‘rsatkich bo‘lsa-da, kichikroq batareyaga ega Poco X8 Pro Max’dan past natija.