Yangiliklar

Turkiyaning Manisa viloyatida maktab oldida sodir bo‘lgan otishma oqibatida kamida 11 nafar o‘quvchi jarohatlandi. Ulardan ikki nafarining ahvoli og‘ir, deb ma’lum qildi Turkiya adliya vaziri Akin Gyurlek.

Hujum Turgutlu tumanida sodir bo‘ldi

Voqea Manisa viloyatining Turgutlu tumanidagi Inji Uzmez kasb-hunar va texnik Anadolu litseyi yaqinida mahalliy vaqt bilan soat 08:00 atrofida yuz bergan.

Dastlabki ma’lumotlarga ko‘ra, gumonlanuvchi qurolni bobosi va buvisi yashaydigan uydan olgan. Qurol bobosiga tegishli bo‘lgani va unga ruxsatnoma mavjud bo‘lgani aytilmoqda.

Internetda tarqalgan videolarda maktab yaqinida miltiq ko‘targan shaxs ko‘rinadi. Hujumdan keyin politsiya ota-onalarni voqea joyiga yaqinlashmaslikka chaqirgan.

Hujum sababi tergov qilinmoqda

Hujumning aniq...

UzAuto Motors Damas avtomobillarini bank krediti va ustamasiz muddatli to‘lov asosida sotishni boshladi. Bu haqda kompaniya matbuot xizmati ma’lum qildi. Xaridor avtomobil narxining kamida 50 foizini dastlabki to‘lov sifatida kiritadi, qolgan qismini esa 24 oy davomida to‘laydi.

Aksiya Damas’ning barcha amaldagi komplektatsiyalariga tatbiq etiladi, biroq Labo modeli bundan mustasno.

Dastlabki to‘lov 50 foizdan boshlanadi

Amaldagi narxlarga ko‘ra, Damas D11 yuk tashuvchi versiyasi 93,156 mln so‘m, D3 Style Kombi 96,449 mln so‘m, D2 Style Plus Deluxe esa 96,932 mln so‘m turadi.

Shu sababli 50 foizlik dastlabki to‘lov Damas D11 uchun taxminan 46,6 mln so‘m, D3 Style Kombi uchun...

23-sentabr uchun valyutalar kursi yangilandi. Unga ko‘ra, dollar kursi 7,63 so‘mga tushib, 11 802.19 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

16-sentabr kuni 9,71 so‘mga oshib, 11 774,92 so‘mga, 17-sentabr kuni 22,54 so‘mga oshib, 11 797,46 so‘mga, 18-sentabr kuni esa 35,91 so‘mga oshib, 11 833,37 so‘mga tenglashdi. 19-sentabr kuni esa 6,22 so‘mga oshib, 11 839,59 so‘m, 22-sentabr kuni 29,77 so‘mga tushib, 11 809,82 so‘m bo‘ldi.

Shuningdek, o‘qing: Dollar kursi hafta davomida qanday o‘zgardi

Yevro kursida tushish kuzatildi. Yevropa...

Xalqaro shaxmat federatsiyasi (FIDE) prezidenti saylovida Timur Turlov va Vishvanatan Anand tandemining g‘alaba qozonish ehtimoli 82 foiz deb baholanmoqda. 22-sentabr soat 15:10 holatiga ko‘ra, bunday ko‘rsatkichlar prognozlar platformasi Manifold Markets ma’lumotlarida qayd etilgan.

Nomzodlarning imkoniyatlari qanday baholanmoqda

Prognozlar bozori ishtirokchilarining umumlashtirilgan baholariga ko‘ra, Freedom Holding Corp. bosh direktori va uning sherigining g‘alaba qozonish ehtimoli boshqa nomzodlarnikidan ancha yuqori. Mashhurlik bo‘yicha ikkinchi o‘rinda turgan Yan Henrik Byuttner va Malkolm Peyn tandemi platforma foydalanuvchilarining atigi 7 foiz ovozini to‘plagan.

Vadim Rozensteyn va Gordon Tangning g‘alaba qozonish imkoniyati bozor ishtirokchilari tomonidan yanada past – 4 foiz deb baholanmoqda. Boshqa jamoaning g‘alaba...

Yangi lavozimida Viktor Gryaznov Yandex Adsʼning Markaziy Osiyo mamlakatlaridagi ekspertizasini birlashtiradi. U jamoalar bilan birgalikda hamkorlar biznesiga Yandex texnologiyalari va servislar ekotizimi — Qidiruv va Directʼdan tortib, Xaritalar, shahar va koʻngilochar servislarigacha boʻlgan imkoniyatlar yordamida oʻsishda koʻmaklashishda davom etadi. Avval Yandex Adsʼning Markaziy Osiyodagi faoliyatiga rahbarlik qilgan Madina Seysengaliyeva kompaniyani tark etdi.

Jamoaning ustuvor vazifalaridan biri turli mamlakatlarda faoliyat yuritayotgan kompaniyalar uchun imkoniyatlarni rivojlantirish boʻladi. Yandex Ads yordamida ular butun dunyo boʻylab 168 milliondan ortiq foydalanuvchiga, shuningdek, ilgʻor tavsiya tizimlari va reklama texnologiyalariga kirish imkoniga ega boʻladi. Biznes bir nechta bozorda mahalliy xususiyatlar va mijozlar ehtiyojlarini hisobga olgan holda yagona...

Prezident Shavkat Mirziyoyev ma’muriy odil sudlov tizimini yangi bosqichga olib chiqish bo‘yicha takliflar taqdimoti bilan tanishdi. Islohotlar fuqarolar va tadbirkorlarning buzilgan huquqlarini tezroq tiklash, davlat organlari ustidan sud nazoratini kuchaytirish hamda ma’muriy sudlar vakolatlarini kengaytirishga qaratilgan.

Ma’muriy sudlar O‘zbekistonda 2017-yil 1-iyuldan faoliyat yuritib kelmoqda. O‘tgan davrda ular qariyb 150 mingta ishni ko‘rib chiqqan, 70 mingdan ortiq holatda davlat organlarining noqonuniy qarorlari bekor qilingan. Mansabdor shaxslarning noqonuniy xatti-harakatlari yuzasidan esa qariyb 27 mingta xususiy ajrim chiqarilgan.

Sudga murojaat qilishning to‘rtta shakli taklif qilinmoqda

Hozir fuqarolar va tadbirkorlar ma’muriy sudga buzilgan huquqini tiklash bo‘yicha faqat bitta shaklda murojaat qilishi mumkin.

Toshkent shahrida jamoat transporti tariflarini qayta ko‘rib chiqish hamda maktab o‘quvchilari uchun maxsus avtobuslar joriy etish masalasida Xalq demokratik partiyasi o‘zining qat’iy ijtimoiy pozitsiyasini bildirdi. Bu haqda partiyaning rasmiy bayonotida ma’lum qilindi.

Tariflar va aholi daromadi

Toshkent shahrida avtobus va metro uchun elektron to‘lov tariflarini qariyb 47 foizga oshirish taklifi jamoatchilik muhokamasiga qo‘yilgan. XDP mazkur qarorni qabul qilishda faqat tashuvchilar xarajatlarini emas, balki kam daromadli hamda ko‘p farzandli oilalar imkoniyatlarini ham hisobga olish shartligini ko‘rsatmoqda. Partiyaga ko‘ra, transport siyosatida iqtisodiy samaradorlik bilan birga ijtimoiy tenglik ham asosiy mezon bo‘lishi zarur.

«School Bus» tizimi va imtiyozlar

O‘quvchilar...

Samsung Galaxy M34 5G smartfoni uchun Android 17 asosidagi One UI 9.0 beta yangilanishini tarqatishni boshladi. Hozircha beta dasturi Hindistondagi foydalanuvchilar uchun ochilgan.

SamMobile ma’lumotiga ko‘ra, yangilanish M346BXXUEZZIB proshivka raqami bilan taqdim etilmoqda va uning hajmi taxminan 2,7 GBni tashkil qiladi.

Uch yillik smartfon ham beta dasturiga qo‘shildi

Galaxy M34 5G 2023-yilda taqdim etilgan o‘rta segmentdagi smartfon hisoblanadi. Samsung’ning uch yillik modelni ham One UI 9.0 beta dasturiga qo‘shishi kompaniya bu yil sinov dasturini ko‘proq qurilmalarga kengaytirayotganini ko‘rsatmoqda.

Galaxy M34 One UI 9.0 beta dasturi amal qiladigan mamlakatlar orasida asosan Hindiston bozorida sotilgani sababli, sinov versiyasi boshqa hududlarda...

Vivo kompaniyasi Vivo X500 Ultra smartfonini 2027-yil mart yoki aprel oyida taqdim etish rejalashtirilmoqda. Bu haqda Gizmochina nashri xabar bermoqda.

Asosiy urg‘u kameraga qaratiladi

Dastlabki ma’lumotlarga ko‘ra, Vivo X500 Ultra oilaning asosiy kamerofoni bo‘ladi. Smartfon nafaqat suratga olish, balki videokontent yaratishga ham yo‘naltiriladi.

Insayder Digital Chat Station avvalroq Vivo yangi model uchun uch xil 200 megapikselli periskop sensorni sinovdan o‘tkazayotganini ma’lum qilgan. Ularning o‘lchami 1/1,12, 1/1,3 va 1/1,4 dyuymni tashkil etadi.

Qaysi sensor yakuniy seriyali modelga o‘rnatilishi hozircha noma’lum.

Asosiy kamera ham ikki variantda sinovdan o‘tkazilmoqda

Ma’lumotlarga ko‘ra, Vivo 35 mm formatdagi asosiy kamerani ham ikki xil...

O‘zbekistonliklar Serbiyada o‘tkaziladigan EXPO 2027 xalqaro ko‘rgazmasi doirasidagi qurilish obyektlari va ishlab chiqarish sohalarida ishlash uchun taklif qilinmoqda. Bu haqda Migratsiya agentligi ma’lum qildi.

Ish haqi 700 yevrodan boshlanadi

Ish haqi bajariladigan ish turi, mutaxassislik va nomzodning malakasiga qarab oyiga 700 yevrodan 1 500 yevrogacha etib belgilangan. Ish beruvchi xodimlarni turar joy va oziq-ovqat bilan bepul ta’minlaydi.

Oliy ma’lumotga va tegishli ish tajribasiga ega qurilish hamda elektr muhandislari uchun alohida vakansiyalar mavjud. Ular uchun ish haqi 1 500 yevrodan boshlanadi.

Nomzodlarga qanday talablar qo‘yiladi

Ishga 18 yoshdan 45 yoshgacha bo‘lgan fuqarolar qabul qilinadi. Nomzod rus yoki ingliz...

Surxondaryo viloyatining Sho‘rchi tumanida sanitariya-epidemiologik osoyishtalik va jamoat salomatligi bo‘limi boshlig‘i pora olayotgan vaqtda ushlandi.

Bosh prokuratura huzuridagi Departamentning Sho‘rchi tumani bo‘limi xodimlari o‘tkazgan tezkor tadbirda mansabdor shaxs tumandagi maktabgacha ta’lim tashkilotlaridan birining rahbariga 42 nafar xodim uchun sanitariya sertifikatlarini berishni va’da qilgani aytilmoqda.

2,1 mln so‘m olayotganda ushlandi

Tergov ma’lumotlariga ko‘ra, bo‘lim boshlig‘i ushbu xizmat evaziga 2,1 mln so‘m olgan vaqtda ashyoviy dalillar bilan ushlangan.

Mazkur holat yuzasidan Jinoyat kodeksining 210-moddasi – pora olish bo‘yicha jinoyat ishi qo‘zg‘atildi. Hozirda tergov harakatlari davom etmoqda.

Eslatib o‘tamiz, Kursiv Uzbekistan nashri Buxoroda 832 mln so‘mlik elektr energiyasidan noqonuniy foydalanilgani aniqlangani...

«Toshkent» Respublika fond birjasi kapital bozori texnologik infratuzilmasini modernizatsiya qilish bo‘yicha takliflar so‘rovini e’lon qildi. Avvalroq birja aksiyadorlarining navbatdan tashqari umumiy yig‘ilishida amaldagi dasturiy ta’minotni almashtirish to‘g‘risida qaror qabul qilingan edi.

36 ta xalqaro kompaniyaga so‘rov yuborildi

Mazkur qaror ijrosi doirasida birja Request for Proposal — RFP formatida mahalliy va xorijiy texnologik kompaniyalardan texnik hamda tijorat takliflarini qabul qilishni boshladi.

RFP doirasida Yevropa, Osiyo, Shimoliy Amerika va Afrika bozorlarida faoliyat yurituvchi 36 ta xalqaro texnologik vendorga ham taklif taqdim etish bo‘yicha so‘rov yuborildi.

Birja bu orqali xalqaro tajribani o‘rganish va o‘z texnologik talablariga eng mos yechimni tanlashni rejalashtirmoqda.

Chevrolet Cobalt Kolumbiyada 2012–2016-yillarda ishlab chiqarilgan. Shunga qaramay, model hozir ham mamlakat ikkilamchi bozorida ommabop. 2026-yil 22-sentabr holatiga ko‘ra, Tucaro portalida foydalanilgan sedan narxi 27,9 mln pesodan, ya’ni qariyb 103,8 mln so‘mdan boshlanadi.

O‘zbekistonda ishlab chiqarilgan yangi Chevrolet Cobalt narxi 146,4 mln so‘mdan boshlanadi. Braziliyada esa foydalanilgan Cobalt 148 mln so‘m atrofida sotilmoqda.

Kolumbiya bozorida Chevrolet Cobalt’ning ikkinchi avlod modeli sotilgan bo‘lib, u O‘zbekistonda ishlab chiqarilayotgan modelga yaqin. Biroq mahalliy avtomobillarning aksariyatiga 1,8 litrli dvigatel o‘rnatilgan, O‘zbekistondagi Cobalt esa 1,5 litrli motor bilan jihozlangan.

Cobalt afzalliklari — keng salon va ehtiyot qismlar mavjudligi

Kolumbiyalik Cobalt egalari avtomobilning...

Portugaliya terma jamoasi va «Al-Nassr» hujumchisi Krishtianu Ronalduning o‘g‘li — Krishtianu Ronaldu Junior Saudiya Arabistoni klubining U-17 jamoasi safida ikki gol urdi.

16 yoshli futbolchi «Al-Ahli» U-17 jamoasiga qarshi uchrashuvda «Al-Nassr»ning har ikkala goliga mualliflik qildi. Bahs 2:1 hisobida uning jamoasi foydasiga yakunlandi.

Ronaldu Junior jamoasiga g‘alaba keltirdi

Uchrashuvda dastlab «Al-Ahli» hisobni ochdi. Biroq Ronaldu Junior birinchi bo‘lim yakuniga qadar ikki marta raqib darvozasini ishg‘ol qilib, vaziyatni o‘zgartirdi.

Birinchi gol vaziyatida u darvozabon bilan yakkama-yakka chiqib, posbonni aldab o‘tdi va to‘pni bo‘sh darvozaga yo‘lladi.

Ikkinchi golini esa jarima maydoni chizig‘i yaqinidan aniq zarba bilan kiritdi.

Otasi ham...

FAW kompaniyasiga qarashli Hongqi brendi Xitoyda yangi Hongqi Tiangong 07 elektromobiliga oldindan buyurtmalar qabul qilishni boshladi. Model uchta komplektatsiyada taklif etiladi.

Avtomobilning rasmiy dastlabki narxi 189,9 ming yuandan 219,9 ming yuangacha, ya’ni taxminan $27,9–32,3 mingni tashkil etadi. Cheklangan muddat davomida esa maxsus narx 169,9 ming yuandan, ya’ni qariyb $25 mingdan boshlanadi.

Elektromobil 730 kmgacha yo‘l bosadi

Hongqi Tiangong 07 800 voltli yuqori kuchlanishli platformada qurilgan. Model bir yoki ikki elektromotorli variantlarda taklif qilinadi.

Bir motorli versiya 340 kVt, ya’ni 456 ot kuchiga ega. U 0 dan 100 km/soat tezlikka 5,6–5,8 soniyada chiqadi.

Ikki motorli versiyaning umumiy quvvati...

O‘zbekiston Respublika tovar-xom ashyo birjasida 21-sentabr kungi savdolar yakuniga ko‘ra, AI-92 benzinining ayrim turlarida keskin narx o‘zgarishi kuzatildi.

Eng katta o‘sish oddiy A-92 benzinida qayd etildi. Uning bir tonnasi bo‘yicha o‘rtacha narx 15,895 mln so‘mni tashkil etdi. Bu avvalgi ko‘rsatkichga nisbatan 2,745 mln so‘m yoki 20,9% ko‘p.

Eng katta savdo hajmi A-92 K2-L’da bo‘ldi

A-92 K2-L markali benzinning bir tonnasi 13,505 mln so‘mga baholandi. Narx bir kunda atigi 7,4 ming so‘m yoki 0,1% pasaydi.

Shu bilan birga, aynan ushbu tur bo‘yicha savdo faolligi eng yuqori bo‘ldi. Birjaga 3,847 ming tonna mahsulot qo‘yilib, shundan 3,502 ming tonnasi sotildi.

«Kapitalbank» ATB dunyodagi yirik moliyaviy institutlardan biri va AQShning eng qadimgi banki bo‘lgan BNY (The Bank of New York Mellon) da AQSh dollarida korrespondentlik hisob raqamini ochdi.

Hisob raqamning ochilishi Kapitalbankning korrespondentlik tarmog‘ini mustahkamlaydi va AQSh dollaridagi to‘lovlar bilan ishlash imkoniyatlarini kengaytiradi. BNY bilan to‘g‘ridan to‘g‘ri hamkorlik xalqaro to‘lovlar samaradorligini oshirish hamda bankning to‘lov infratuzilmasini diversifikatsiya qilishga xizmat qiladi.

Tashqi iqtisodiy faoliyat bilan shug‘ullanuvchi Kapitalbank mijozlari uchun bu xorijiy kontragentlar bilan hisob-kitob qilishda qo‘shimcha imkoniyatlar yaratadi.

«BNY’da korrespondentlik hisob raqamining ochilishi Kapitalbank xalqaro infratuzilmasini rivojlantirishdagi muhim bosqichdir. Biz uchun bu nafaqat AQSh dollarida hisob-kitoblarni amalga oshirish...

Yaponiyada o‘tayotgan XX yozgi Osiyo o‘yinlarining futbol musobaqasida O‘zbekiston U-23 terma jamoasi guruh bosqichini 100 foizlik natija bilan yakunladi.

22-sentabr kuni Vyetnamga qarshi kechgan uchrashuvda o‘zbekistonlik futbolchilar 2:0 hisobida g‘alaba qozondi. Gollarga Muhammadali O‘rinboyev va Nurlan Ibraimov mualliflik qildi.

Uch o‘yin — uch g‘alaba

O‘zbekiston guruh bosqichidagi dastlabki uchrashuvda Filippinni 5:1 hisobida mag‘lub etgandi. Ikkinchi turda esa Kuvayt ustidan 2:0 hisobida g‘alaba qozonib, muddatidan avval chorak final yo‘llanmasini qo‘lga kiritgan edi.

Vyetnam ustidan qozonilgan g‘alabadan keyin terma jamoa ochkolari sonini 9 taga yetkazdi va C guruhida birinchi o‘rinni kafolatladi.

Shu tariqa Ravshan Haydarov boshchiligidagi jamoa guruh bosqichidagi barcha uchrashuvlarda...

Toshkent metropolitenida yoʻlovchi tashish boʻyicha yangi rekord qayd etildi. 14-sentabr kuni metro xizmatlaridan 1 mln 165,5 ming nafar yoʻlovchi foydalandi. Bu haqda «Toshkent metropoliteni» AJ maʼlum qildi.

Avvalgi rekord 2026-yil 8-may kuni oʻrnatilgan edi. Oʻsha kuni metrodan 1 mln 117 mingdan ortiq kishi foydalangan. Yangi koʻrsatkich avvalgisidan qariyb 48,5 ming yoʻlovchiga koʻp boʻldi.

Yoʻlovchilar oqimi nega oshdi

Metropoliten maʼlumotiga koʻra, yoʻlovchilar sonining keskin koʻpayishiga oliy taʼlim muassasalarida yangi oʻquv yilining boshlanishi va jamoat transportiga talabning oshishi taʼsir qilgan.

Mutaxassislar metrodagi yoʻlovchilar oqimi yaqin oylar davomida ham yuqori boʻlishini kutmoqda. Xususan, oktabr oyida kunlik yoʻlovchilar soni 1,2 mln nafarga...

Tadbirkorlar uchun bank kreditlarini yagona platforma orqali olish imkonini beruvchi TadbirCore.uz 1-oktabrdan to‘laqonli ishga tushiriladi. Hozir tizim sinov rejimida ishlamoqda va unga 23 ta bank ulangan. 1-iyundan 17-sentabrgacha platforma orqali 415,7 mlrd so‘mlik 1 005 ta kredit ajratilgan.

Bu haqda Simple Smart Systems direktori Shuxratbek Kurbanov platforma taqdimotida ma’lum qildi, deya xabar berdi Kursiv uzbekistan muxbiri. Uning so‘zlariga ko‘ra, loyiha Markaziy bank tashabbusi bilan yaratilgan bo‘lib, asosiy maqsad kichik va mikrobiznes uchun kredit olish jarayonini soddalashtirish hamda banklar o‘rtasidagi raqobatni oshirishdan iborat.

Tadbirkor platformaga elektron raqamli imzo orqali kirib, kerakli kredit miqdori, muddati va maqsadini ko‘rsatadi. Alohida hujjatlar to‘plash...

2026-yil yanvar–avgust oylarida O‘zbekistonda 222,5 mingta uy-joy oldi-sotdi bitimi rasmiylashtirildi. Iqtisodiy tadqiqotlar va islohotlar markazi bu ko‘rsatkich o‘tgan yilning shu davriga nisbatan 18,4% oshganini ma’lum qildi.

Avgust oyida respublika bo‘yicha 25,1 mingta uy-joy oldi-sotdi bitimi tuzildi. Bu 2025-yil avgustidagi natijadan 0,2% yuqori. Joriy yil boshida bozorda keskin faollik kuzatilgan. Xususan, mart oyida bitimlar soni 43,5 mingtaga yetgan. Aprel–may oylarida savdo pasaygan bo‘lsa, iyun–iyulda ko‘rsatkich oyiga 25–26 mingta darajasiga qaytdi. Avgustda ham shu sur’at saqlanib qoldi.

Shuningdek, o‘qing: Toshkentda kvartira topish qanday qiyinlashdi.

Toshkentda uy-joy savdosi 27,5% oshdi

Avgustda uy-joy bozori faolligi 14 hududning...

2026-yil 1-dekabrgacha Boshqaruv samaradorligi agentligining axborot tizimlarida «Xavfsiz va hurmatga asoslangan ish muhiti» portali yaratiladi. Bu Prezidentning 21-sentabrdagi 345-son qarorida belgilangan.

Davlat organlari va tashkilotlari xodimlari portal orqali tazyiq yoki zo‘ravonlik holatlari yuzasidan murojaat yuborishi mumkin. Agar murojaat portal uchun mas’ul xodim, uning bevosita rahbari yoki mansabdor shaxsga tegishli bo‘lsa, u avtomatik ravishda yuqori turuvchi tashkilotga yo‘naltiriladi. Murojaatlarni tekshirish, dalillarni to‘plash va xulosa tayyorlash ham portal orqali amalga oshiriladi.

Tekshiruv natijalari hamda ko‘rilgan choralar haqidagi ma’lumotlarni yo‘q qilishga yo‘l qo‘yilmaydi. Agar holatda ma’muriy huquqbuzarlik yoki jinoyat alomatlari aniqlansa, murojaat «112» yagona dispetcherlik xizmati orqali vakolatli organga yuboriladi.

Xiaomi 18 Pro Max smartfonining kamerasi bilan olingan ilk namunaviy suratlar namoyish etildi. Kompaniya qurilmada ikkita 200 megapikselli kamera sensori qo‘llanishini ham tasdiqladi, deya xabar berdi IT Home.

Suratlarni Xiaomi mobil bo‘linmasi rahbari Lu Veybing e’lon qildi. Ular yangi kamera tizimining turli sharoitlardagi imkoniyatlarini ko‘rsatishga qaratilgan.

Superzum bu safar namoyish etilmadi

E’lon qilingan suratlarda 23 mm dan 75 mm gacha bo‘lgan ekvivalent fokus masofalari qo‘llangan.

Bu safar kompaniya kameraning uzoq masofali superzum imkoniyatlarini ko‘rsatmagan.

Ikki dona 200 MP kamera bo‘ladi

Xiaomi 18 Pro seriyasida Leica bilan hamkorlikda ishlab chiqilgan yangi kamera tizimi qo‘llanadi. Unda asosiy va periskop...

Ijtimoiy tarmoqlarda Ijtimoiy himoya milliy agentligi xodimlariga 300 foizgacha ustama va 13,6 mln so‘mgacha mukofot berilishi haqida xabarlar tarqaldi. Agentlik bu miqdorlar barcha xodimlarga majburiy tarzda to‘lanmasligini ma’lum qildi.

Gap Vazirlar Mahkamasining 2026-yil 17-sentabrdagi 493-son qarori haqida bormoqda. Hujjat Agentlik tizimidagi muassasalarda budjetdan tashqari mablag‘larni shakllantirish manbalarini kengaytirishga qaratilgan.

300% — eng yuqori chegara

Agentlik izohiga ko‘ra, qarorda ko‘rsatilgan 300 foizgacha, shuningdek, 5 yoki 10 baravargacha bo‘lgan miqdorlar rag‘batlantirishning maksimal chegaralarini anglatadi.

Bu barcha xodimlar aynan shuncha ustama yoki mukofot oladi, degani emas. To‘lov miqdori muassasada shakllangan budjetdan tashqari mablag‘lar va xodimning ushbu mablag‘larni shakllantirishdagi hissasiga qarab belgilanadi.