Yangiliklar

O‘zbekistonda mahallalarda har oy «Pensiya kuni»ni tashkil etish taklif qilinmoqda. Bu «Aholi farovonligini ta’minlash va pensiya ta’minoti tizimini isloh qilish chora-tadbirlari to‘g‘risida»gi Prezident farmoni loyihasida nazarda tutilgan.

«Pensiya kuni» doirasida fuqarolarga pensiya tizimi, ish staji va kelajakdagi pensiya miqdoriga ta’sir qiluvchi omillar haqida ma’lumot berilishi rejalashtirilgan.

Qisqa muddatli o‘quv kurslari tashkil etiladi

Shuningdek, o‘qing: Pensiya islohoti: odamlar qanday fikrda

Loyihaga ko‘ra, mahallalarda pensiya ta’minotiga oid qisqa muddatli o‘quv kurslarini o‘tkazish ko‘zda tutilgan.

Ularda fuqarolarga pensiya uchun zarur ish staji, rasmiy bandlikning ahamiyati va pensiya miqdori qanday shakllanishi sodda va tushunarli tarzda tushuntiriladi.

Toshkentdagi yashil hududlarda avtoturargohlar qurilishi va «Navro‘z» bog‘iga tegishli obyektlarning auksionga chiqarilishi jamoatchilik muhokamasiga sabab bo‘ldi. Urbanizatsiya va uy-joy bozori milliy qo‘mitasi yashil hududlarni qisqartirishga yo‘l qo‘yilmasligi, «Navro‘z» bog‘i hududidagi 1,6 gektar maydonda esa hukumat qaroriga muvofiq jamoat parki tashkil etilishi shartligini bildirdi.

Qo‘mitaga ko‘ra, shahar markazidagi ko‘kalamzor hududlarni kamaytirish va aholi sayr qilishi hamda dam olishi uchun mo‘ljallangan jamoat joylari o‘rnida qurilishlar olib borish maqsadga muvofiq emas.

«Avtoturargohlarni tashkil etishda ko‘kalamzor maydonlarning qisqarishiga hamda piyodalar uchun yaratilgan sharoitlarning yomonlashishiga yo‘l qo‘yilmasligi kerak», – deyiladi qo‘mita munosabatida.

Eslatib o‘tamiz, jamoatchilik muhokamasiga sabab bo‘lgan loyiha...

Prezidenti Administratsiyasi rahbari Saida Mirziyoyeva Google vitse-prezidenti Karan Bhatiya bilan O‘zbekistonda YouTube monetizatsiyasini ishga tushirish masalasini muhokama qildi. Bu haqda Mirziyoyeva o‘z Telegram kanalida ma’lum qildi.

Uchrashuvda soʻnggi yillarda Oʻzbekistonda shaxsga doir maʼlumotlarni qayta ishlash va raqamli toʻlovlar sohasidagi qonunchilik takomillashtirilgani qayd etildi. Bu oʻzgarishlar xalqaro toʻlov tizimlaridan foydalanish imkoniyatlarini kengaytirayotgani taʼkidlandi.

«Kompaniya bilan juda ko‘p yo‘nalishda hamkorlik qilish imkoniyati bor. Oldimizda esa katta va muhim vazifalar turibdi», – deyiladi xabarda.

DFC bilan yirik loyihalar muhokama qilindi

Shuningdek, AQSh Xalqaro moliyaviy taraqqiyot korporatsiyasi (DFC) bosh ijrochi direktori Ben Blek bilan uchrashuv boʻlib...

Andijon xalqaro aeroportini rekonstruksiya qilish loyihasining umumiy qiymati 1,1 trln so‘mni tashkil etadi. Prezident Shavkat Mirziyoyev Andijon viloyatiga tashrifini aeroportda olib borilayotgan qurilish ishlari bilan tanishishdan boshladi.

Aeroport 1978-yilda ishga tushirilgan, 2013-yilda esa xalqaro maqom olgan. Hozir uning rekonstruksiyasining ikkinchi bosqichi davom etmoqda.

Uchish-qo‘nish yo‘lagi yangilandi

Loyihaning birinchi bosqichida aeroport infratuzilmasi yangilandi. Uchish-qo‘nish yo‘lagi 3,3 kilometrgacha uzaytirilib, kengligi 60 metr bo‘lgan yangi 4E toifali yo‘lak qurildi.

Shuningdek, 10 ta havo kemasi uchun to‘xtash joylari va rullash yo‘laklari barpo etildi. Yangi yo‘lakka 50 yilgacha xizmat qilishi ko‘zda tutilgan sement-beton qoplama yotqizilgan. Germaniyada ishlab chiqarilgan yoritish-signal tizimi ham o‘rnatilgan.

Qirg‘izistonda arashan zotiga mansub zotdor qo‘chqor $1 mln ga sotildi. Bitim ushbu zotni rivojlantirishga bag‘ishlangan xalqaro festival doirasida amalga oshirilgan.

Tadbirda Qirg‘iziston, Qozog‘iston, Rossiya, Tojikiston va O‘zbekistondan fermerlar hamda soha mutaxassislari ishtirok etdi.

Million dollarlik qo‘chqor mashhur Frankelning avlodi

Ma’lumotlarga ko‘ra, $1 mlnga sotilgan qo‘chqor mashhur Frankel laqabli qo‘chqorning avlodi hisoblanadi. Frankelning o‘zi 2023-yilda Qozog‘istonga $150 mingga sotilgan edi.

Ayrim manbalarda yangi qo‘chqorning xaridori ham Qozog‘istondan ekani qayd etilgan.

Arashan zoti nimasi bilan ajralib turadi

Arashan zoti Qirg‘izistonda 2021-yilda rasman ro‘yxatdan o‘tkazilgan. Uni yaratish bo‘yicha seleksiya ishlari esa 1970-yillardan buyon davom etib keladi. Zot hisor qo‘chqorlari va...

Tijorat banklari tomonidan 23-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar kursi hafta davomida qanday o‘zgargani haqida xabar bergandi.

Prezident Administratsiyasi rahbari Saida Mirziyoyeva Nyu-Yorkda BMT Bosh Assambleyasining 81-sessiyasi doirasidagi tadbirlarda ishtirok etmoqda. Bu haqda Mirziyoyeva o‘z Telegram sahifasida xabar berdi.

BMT Bosh Assambleyasining 81-sessiyasi 8-sentabrda ochilgan. Yuqori darajadagi umumiy munozaralar esa 22 – 28-sentabr kunlari o‘tkazilmoqda. BMT ma’lumotiga ko‘ra, yuqori darajadagi haftada qariyb 130 nafar davlat va hukumat rahbari qatnashishi kutilmoqda.

O‘zbekiston delegatsiyasi umumiy munozaralarda qatnashmoqda

Saida Mirziyoyevaning aytishicha, BMT bosh qarorgohi shu kunlarda dunyoning ko‘plab davlatlaridan kelgan delegatsiyalarni qabul qilmoqda.

O‘zbekiston delegatsiyasi ham sessiyaning umumiy munozaralarida qatnashib, davlat rahbarlarining chiqishlarini tingladi.

Sessiya doirasida Saida Mirziyoyeva BMT Bosh kotibi Antoniu Guterrish bilan ham uchrashgandi...

Turkiya prezidenti Rajab Toyib Erdoʻgʻon BMT Xavfsizlik Kengashini isloh qilish va doimiy aʼzolarning veto huquqini bekor etishga chaqirdi. Uning fikricha, xalqaro inqirozlar boʻyicha qarorlar bir necha davlatga bogʻliq boʻlib qolmasligi kerak.

Erdoʻgʻon Xavfsizlik Kengashining amaldagi tuzilmasi Ikkinchi jahon urushidan keyingi kuchlar nisbatini aks ettirishini va bugungi sharoitga mos kelmasligini taʼkidladi. U veto huquqini boshqa mamlakatlarga ham berish emas, balki uni bekor qilish islohotning asosiy maqsadi boʻlishi kerakligini bildirdi.

Gʻazodagi vaziyatni keskin tanqid qildi

BMT Bosh Assambleyasidagi chiqishida Turkiya rahbari Gʻazodagi vaziyatga ham alohida toʻxtaldi. U Gʻazoni «davrimizning eng uyatli qirgʻini» deb atab, BMTning xalqaro tinchlik hamda xavfsizlikni taʼminlashdagi...

HSBC Netflix aksiyalari bo‘yicha tavsiyasini «sotib olish»dan «ushlab turish»ga tushirdi va maqsadli narxni $96 dan $76 gacha pasaytirdi. Bloomberg ma’lumotiga ko‘ra, yangi target Netflix aksiyalarining so‘nggi yopilish narxidan atigi 3,5% yuqori.

YouTube’ning ulushi oshmoqda

HSBC tahlilchisi Mohammed Xalluf fikricha, YouTube televizor ekranlarida o‘z ishtirokini jadal kengaytirmoqda va bu Netflix pozitsiyalariga bosim qilmoqda.

Uning qayd etishicha, Netflix’ning AQShda televizor tomosha qilish uchun sarflanadigan umumiy vaqtdagi ulushi bir necha yillik minimumga tushgan.

Tahlilchining baholashicha, Google’ga tegishli YouTube Netflix’ning original kontentiga qiziqish pasayishidan foyda ko‘rmoqda. Yaqin vaqt ichida auditoriya faolligining tez tiklanishi esa ehtimoldan yiroq deb baholanmoqda.

Bir haftada ikkinchi...

OnePlus kompaniyasining yangi OnePlus 16 smartfoni AnTuTu V12 testida 5 384 433 ball qayd etdi. Qurilma hali rasman taqdim etilmagan bo‘lib, uning Xitoydagi taqdimoti oktabr oyida o‘tkazilishi kutilmoqda.

Benchmark ma’lumotlariga ko‘ra, smartfon Qualcomm’ning yangi Snapdragon 8 Elite Extreme Gen 6 protsessori bilan jihozlangan.

Protsessor testida 1,45 mln ball

OnePlus 16 AnTuTu sinovida markaziy protsessor bo‘yicha 1 458 283 ball, grafik protsessor bo‘yicha esa 2 010 584 ball to‘plagan.

Xotira ko‘rsatkichi 766 362 ballni, foydalanuvchi interfeysi va tizim tezligini baholovchi UX natijasi esa 1 149 204 ballni tashkil etdi.

Sinovdan o‘tkazilgan qurilmada 2 nanometrli Snapdragon 8 Elite Extreme Gen...

22-sentabr kuni kechasi Toshkent shahrining Chilonzor tumanidagi kafelardan birida yong‘in sodir bo‘ldi. Hodisa oqibatida tan jarohati olganlar yo‘q.

Yong‘in 47 daqiqada o‘chirildi

Hodisa Kichik halqa yo‘li ko‘chasida joylashgan kafelardan birida yuz bergan. Xabar kelib tushgach, qutqaruv ekipajlari voqea joyiga yetib borib, yong‘inni o‘chirish ishlarini boshlagan.

Yong‘in 23-sentabr kuni soat 00:10 da to‘liq o‘chirilgan. Favqulodda vaziyatlar boshqarmasi ma’lumotiga ko‘ra, hodisa joyida tan jarohati olganlar qayd etilmagan.

Yong‘in sababi aniqlanmoqda

Hozirda yong‘inning kelib chiqish sababi hamda yetkazilgan moddiy zarar miqdori aniqlanmoqda. Vaziyat Toshkent shahar FVBB tomonidan nazoratga olingan.

Avvalroq Kursiv Uzbekistan Qarshidagi universitetda yong‘in chiqqani haqida yozgan edi.

AQSh, Daniya va Grenlandiya Arktika hamda Shimoliy Atlantikada xavfsizlikni kuchaytirishga qaratilgan uch tomonlama kelishuvni imzoladi. Hujjat AQShning Grenlandiyadagi harbiy ishtirokini kengaytirishni nazarda tutadi.

Kelishuv 22-sentabr kuni BMT Bosh Assambleyasi doirasida AQSh prezidenti Donald Tramp, Daniya bosh vaziri Mette Frederiksen va Grenlandiya bosh vaziri Yens-Frederik Nilsen tomonidan imzolandi.

Grenlandiyada ikkita harbiy baza tashkil etiladi

Kelishuvga ko‘ra, AQSh Grenlandiya janubidagi Narsarsuaqda harbiy bazani qayta tiklaydi. Yana bir baza orolning sharqiy sohilidagi Mestersvig hududida tashkil etiladi.

Shuningdek, AQShga Grenlandiyadagi Kosmik kuchlar bazasidagi faoliyatini modernizatsiya qilish va kengaytirishga ruxsat beriladi.

Hujjat AQSh harbiylariga Grenlandiya hududi va uning hududiy suvlarida kengroq harakatlanish imkoniyatini...

23-sentabr kuni O‘zbekistonning aksariyat hududlarida yog‘ingarchilik kutilmaydi. Janubiy viloyatlarda havo harorati 37 darajagacha ko‘tariladi, tog‘li hududlarda esa qisqa muddatli yomg‘ir yog‘ishi va momaqaldiroq bo‘lishi mumkin.

Toshkentda 32 darajagacha issiq bo‘ladi

Toshkent shahrida havo biroz bulutli bo‘ladi, yog‘ingarchilik kutilmaydi. Sharqdan esadigan shamol tezligi 3–8 m/s ni tashkil etadi.

Harorat kechasi 16–18 daraja, kunduzi esa 30–32 daraja atrofida bo‘ladi.

Hududlarda qanday ob-havo kutilmoqda

Qoraqalpog‘iston Respublikasi va Xorazm viloyatida yog‘ingarchilik kutilmaydi. Harorat kechasi 12–17 daraja, kunduzi 27–32 daraja bo‘ladi. Buxoro va Navoiy viloyatlarida ham havo yog‘ingarchiliksiz kechadi. Kechasi harorat 13–18 daraja, kunduzi 30–35 darajaga yetadi.

Toshkent, Sirdaryo, Jizzax va Samarqand...

Xitoyning Voyah brendi yangi flagman Voyah Dreamer 9 minivenini rasman taqdim etdi. Bu haqda ITHome nashri xabar bermoqda.

1500 km gacha yurish zaxirasi

Dreamer 9’ning plagin-gibrid versiyasi 1,5 litrli turbomotor va ikkita elektromotor bilan jihozlangan. Elektromotorlarning umumiy quvvati 761 ot kuchiga teng.

65 kVt·soat sig‘imli akkumulyator avtomobilga faqat elektr energiyasida 340 km masofa bosib o‘tish imkonini beradi. Ishlab chiqaruvchi ma’lumotiga ko‘ra, avtomobilning umumiy yurish zaxirasi CLTC sikli bo‘yicha 1500 km ga yetadi.

Gibrid 0 dan 100 km/soat tezlikka 5,9 soniyada chiqadi. Akkumulyator quvvati tugagan holatda yonilg‘i sarfi 100 km ga 5,55 litrni tashkil etadi. 800 voltli arxitektura va...

Klub sentabr oyida o‘tkazgan barcha besh uchrashuvida g‘alaba qozongan. Shu sababli oyning eng yaxshi futbolchisi uchun bir nechta nomzodlar ko‘rib chiqilgan, yakunda uch futbolchi ommaviy ovoz berish bosqichiga chiqqan.

Mark Guehi himoyada barqaror o‘yin ko‘rsatdi

Guehi sentabr oyidagi besh uchrashuvning to‘rttasida maydonga tushdi va «Siti»ning uchta bahsda gol o‘tkazmasligiga katta hissa qo‘shdi.

U «Portu»ga qarshi 2:0 hisobidagi g‘alabada, «Koventri Siti»ga qarshi 1:0 hisobidagi uchrashuvda hamda «Manchester Yunayted» ustidan 1:0 hisobidagi derbida ishonchli o‘yin ko‘rsatdi.

AQSh Oq uyi prezident Donald Tramp ma’muriyati faoliyatiga bag‘ishlangan «Trump TV» nomli 24 soatlik onlayn kanalni ishga tushirdi. Kanal Oq uyning rasmiy saytida va YouTube’da namoyish etilmoqda.

Oq uy ma’lumotiga ko‘ra, kanal orqali ma’muriyatning so‘nggi tadbirlari, bayonotlari va avvalgi muhim voqealardan lavhalar bir joyda namoyish qilinadi.

Kanal OAV bilan mojaro fonida ishga tushirildi

«Trump TV» ishga tushirilishi CNN, MS NOW va Politico jurnalistlarining Oq uyga kirish huquqi bekor qilinganidan ko‘p o‘tmay yuz berdi. Tramp bu uch OAVni uning ma’muriyati haqida yolg‘on xabarlar tarqatishda ayblagan.

CNN, MS NOW va Politico esa ushbu qaror AQSh Konstitutsiyasining Birinchi tuzatishida belgilangan matbuot...

Oppo Xitoyda yangi flagman smartfoni — Oppo Find X10 modelini rasman taqdim etdi. Bu haqda ITHome nashri xabar bermoqda.

Qurilma 6,8 dyuymli AMOLED ekran, MediaTek Dimensity 9600M protsessori, 8000 mA·soat batareya va Hasselblad bilan hamkorlikda ishlab chiqilgan kamera tizimiga ega.

Smartfon narxi 12/256 GB versiya uchun $820 dan boshlanadi.

144 Gts ekran va IP69 himoya

Oppo Find X10 metall ramka va mat shisha orqa panel bilan jihozlangan. Qurilma IP66, IP68 va IP69 standartlari bo‘yicha chang va suvdan himoyalangan.

Smartfon 2768 × 1272 piksel aniqlikdagi 6,8 dyuymli AMOLED displeyga ega. Yangilanish chastotasi 144 Gtsni, PWM chastotasi esa 3840 Gtsni...

O‘zbekistonda energetika sohasidagi investitsiya loyihalarini shakllantirish va investorlarni tanlash tizimini tubdan o‘zgartirish taklif qilindi. Bu Prezident Shavkat Mirziyoyevga taqdim etilgan yoqilg‘i-energetika tarmog‘ini rivojlantirish rejalari doirasida muhokama qilindi.

Yangi modelga ko‘ra, loyihalar avvalo investor tashabbusidan emas, balki iqtisodiyot, aholi va hududlarning kelajakdagi energiya ehtiyojidan kelib chiqib shakllantiriladi.

Avval talab aniqlanadi, keyin investor tanlanadi

Amaldagi tizimda ko‘plab energetika loyihalari investor tashabbusi bilan boshlanadi. Yer maydoni, tarmoqqa ulanish, texnik shartlar, tarif va investitsiya bitimlari esa turli idoralar bilan alohida kelishiladi.

Bu jarayonlarning cho‘zilishi, idoralar funksiyalarining takrorlanishi va ayrim loyihalarning energetika tizimi ehtiyojlari bilan yetarlicha bog‘lanmasligiga sabab bo‘layotgani qayd etildi.

Yangi modelda...

O‘zbekistonda 2030-yilgacha elektr energiyasi ishlab chiqarish quvvatlarini 46,1 GVtga, 2035-yilga kelib esa 57,2 GVtga yetkazish rejalashtirilmoqda. Bu Prezident Shavkat Mirziyoyevga taqdim etilgan yoqilg‘i-energetika tarmog‘ini o‘rta va uzoq muddatli rivojlantirish rejalari doirasida ma’lum qilindi.

Rejaga ko‘ra, 2030-yilda mamlakatda yiliga qariyb 129 mlrd kVt/soat, 2035-yilda esa 154,7 mlrd kVt/soat elektr energiyasi ishlab chiqarish imkoniyati yaratiladi.

Elektr iste’moli keskin oshishi kutilmoqda

2030-yilgacha O‘zbekiston iqtisodiyoti hajmini $300 mlrdga yetkazish maqsad qilingan, aholi soni esa 41 mln kishidan oshishi kutilmoqda.

Sanoatning o‘zida elektr energiyasi iste’moli hozirgi 38 mlrd kVt·soatdan 53,5 mlrd kVt·soatgacha oshishi prognoz qilinmoqda.

Bundan tashqari, elektromobillar va data-markazlar rivojlanishi ham energetika...

Samarqandda davom etayotgan 46-Butunjahon shaxmat olimpiadasining 6-turida O‘zbekiston terma jamoasi Hindiston ustidan g‘alaba qozondi. Uchrashuvdagi yagona g‘alabani Nodirbek Yoqubboyev qo‘lga kiritdi.

O‘zbekistonlik grossmeyster hindistonlik Nihal Saringa qarshi partiyada g‘alaba qozonib, jamoasiga muhim ochkoni taqdim etdi.

O‘yindan oldin juda hayajonlandim

Bahsdan keyin Yoqubboyev uchrashuv kutilganidek murakkab kechganini aytdi. Uning so‘zlariga ko‘ra, partiya boshida vaziyat kutilmaganda o‘zgargan va raqibi o‘yinning dastlabki qismidanoq bosim o‘tkazishga harakat qilgan.

«To‘g‘risi...

Qirg‘izistonda voyaga yetmaganlarning ijtimoiy tarmoqlardan foydalanishini cheklash masalasi muhokama qilinmoqda. Bu haqda maorif vaziri Dogdurkul Kendirbayeva Jo‘qorg‘u Kenesh qo‘mitasi yig‘ilishida ma’lum qildi.

Vazirning aytishicha, mamlakatda dars vaqtida telefonlardan foydalanish allaqachon cheklangan. Endi shunga o‘xshash yondashuv ijtimoiy tarmoqlarga nisbatan ham ko‘rib chiqilmoqda.

Kendirbayeva ayrim davlatlarda voyaga yetmaganlar uchun ijtimoiy tarmoqlar bo‘yicha cheklovlar joriy etilganini aytdi. Uning fikricha, bu masala ayniqsa boshlang‘ich sinf o‘quvchilari uchun muhim. Vazir bolalar ko‘pincha kattalar nazoratisiz ijtimoiy tarmoqlarda vaqt o‘tkazayotgani va qanday axborot olayotgani noma’lum qolayotganini ta’kidladi.

Avvalroq Kursiv Qirgʻizistonda  teatr va muzeyga borish yoshlar uchun majburiy boʻlishi mumkinligi haqida yozgan edi.

Farg‘ona shahrida umumiy qiymati 144 mln so‘mlik kuchli ta’sir qiluvchi dori vositalari aniqlandi. Bu haqda Bosh prokuratura huzuridagi Departament ma’lum qildi.

Departamentning Farg‘ona shahri bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbir davomida «Beshbola» MFY hududidagi xonadonlardan biri ko‘zdan kechirildi.

1 120 dona «Regapen» olib qo‘yildi

Tekshiruv vaqtida xonadonda 1 120 dona «Regapen» nomli kuchli ta’sir qiluvchi dori vositasi saqlanayotgani aniqlangan.

Ularning umumiy qiymati 144 mln so‘mga baholangan. Dori vositalari ashyoviy dalil sifatida olib qo‘yilgan.

Jinoyat ishi qo‘zg‘atildi

Mazkur holat yuzasidan Jinoyat kodeksining 276-8-moddasi bilan jinoyat ishi qo‘zg‘atildi. Ushbu modda giyohvandlik vositalari, psixotrop moddalar...

Turkiyaning Manisa viloyatida maktab oldida sodir bo‘lgan otishma oqibatida kamida 11 nafar o‘quvchi jarohatlandi. Ulardan ikki nafarining ahvoli og‘ir, deb ma’lum qildi Turkiya adliya vaziri Akin Gyurlek.

Hujum Turgutlu tumanida sodir bo‘ldi

Voqea Manisa viloyatining Turgutlu tumanidagi Inji Uzmez kasb-hunar va texnik Anadolu litseyi yaqinida mahalliy vaqt bilan soat 08:00 atrofida yuz bergan.

Dastlabki ma’lumotlarga ko‘ra, gumonlanuvchi qurolni bobosi va buvisi yashaydigan uydan olgan. Qurol bobosiga tegishli bo‘lgani va unga ruxsatnoma mavjud bo‘lgani aytilmoqda.

Internetda tarqalgan videolarda maktab yaqinida miltiq ko‘targan shaxs ko‘rinadi. Hujumdan keyin politsiya ota-onalarni voqea joyiga yaqinlashmaslikka chaqirgan.

Hujum sababi tergov qilinmoqda

Hujumning aniq...

UzAuto Motors Damas avtomobillarini bank krediti va ustamasiz muddatli to‘lov asosida sotishni boshladi. Bu haqda kompaniya matbuot xizmati ma’lum qildi. Xaridor avtomobil narxining kamida 50 foizini dastlabki to‘lov sifatida kiritadi, qolgan qismini esa 24 oy davomida to‘laydi.

Aksiya Damas’ning barcha amaldagi komplektatsiyalariga tatbiq etiladi, biroq Labo modeli bundan mustasno.

Dastlabki to‘lov 50 foizdan boshlanadi

Amaldagi narxlarga ko‘ra, Damas D11 yuk tashuvchi versiyasi 93,156 mln so‘m, D3 Style Kombi 96,449 mln so‘m, D2 Style Plus Deluxe esa 96,932 mln so‘m turadi.

Shu sababli 50 foizlik dastlabki to‘lov Damas D11 uchun taxminan 46,6 mln so‘m, D3 Style Kombi uchun...