Yangiliklar

Raqobat qo‘mitasi tomonidan ko‘rilgan choralar natijasida 11,7 mln nafar iste’molchidan ortiqcha undirilgan jami 399,3 mlrd so‘m ularning foydasiga qayta hisob-kitob qilindi.

Raqobat qo‘mitasiga 2023-yildan 2026-yilning yetti oyiga qadar iste’molchilardan jami 137,8 mingta murojaat kelib tushgan. Ular, asosan, uy-joy kommunal va transport xizmatlari, savdo, umumiy ovqatlanish, aloqa, moliya va ijtimoiy xizmatlar bilan bog‘liq bo‘lgan.

Murojaatlar soni yildan-yilga oshgan

Qo‘mita ma’lumotlariga ko‘ra, 2023-yilda 20,7 mingta, 2024-yilda 30,1 mingta, 2025-yilda 53,7 mingta murojaat qayd etilgan. 2026-yilning dastlabki yetti oyida esa iste’molchilardan 33,4 mingta murojaat kelib tushgan.

Murojaatlarning 68,3 mingtasi uy-joy kommunal va transport xizmatlariga, 39,4 mingtasi savdo va umumiy ovqatlanish sohasiga...

Qozog‘istonlik grossmeyster Bibisora Asaubayeva sentabr oyida O‘zbekistonga keladi. U 15 – 27 sentabr kunlari Samarqandda o‘tkaziladigan 46-Jahon shaxmat olimpiadasida Qozog‘iston terma jamoasi safida ishtirok etadi. Bu haqda u o‘zining Telegram-kanalida yozib qoldirdi.

Asaubayeva AQShning Sent-Luis shahrida o‘tkazilgan Cairns Cup 2026 turniridagi ishtirokidan so‘ng o’z xotiralarini ham ulashgan. Qozog‘istonlik shaxmatchi musobaqani 5 ochko bilan yakunlab, bronza medalini qo‘lga kiritdi.

Asaubayeva AQShdagi turnir haqida gapirdi

Musobaqa yakunlangach, Asaubayeva Telegram-kanalida video murojaat qilib, turnirdagi ishtiroki haqida fikr bildirdi. 

«Turnir bir maromda o‘tdi. Ishchi turnir bo‘ldi, desam bo‘ladi. Eng muhimi, tez orada...

AQSh prezidenti Donald Tramp Eron bilan savdo qiladigan yoki unga moliyaviy yordam ko‘rsatadigan davlatlar «juda katta iqtisodiy oqibatlar»ga duch kelishini aytdi. Donald Tramp Truth Social’dagi postida AQSh Eronga qarshi yanada keskin iqtisodiy bosim kampaniyasini boshlayotganini ma’lum qildi.

Uning so‘zlariga ko‘ra, Eron bilan moliyaviy yoki tijoriy aloqalarni davom ettirayotgan davlatlar ham AQSh sanksiyalariga duch kelishi mumkin.

AQSh prezidenti Eronni kelishuvga erishmaganlikda ayblab, unga qarshi «eng og‘ir iqtisodiy operatsiya» boshlanayotganini bildirdi.

«Eron uchun har qanday moliyaviy ko‘makka yo‘l qo‘ygan davlat juda katta iqtisodiy oqibatlarga duch keladi», – dedi Tramp.

U banklar, kompaniyalar, aeroportlar yoki davlat tashkilotlari...

Turkiyaning Urgup shahrida 17 – 23-avgust kunlari 2nd Kapadokya International Open Chess Tournament xalqaro shaxmat turniri o‘tkazilmoqda. Musobaqada 22 mamlakatdan 687 nafar shaxmatchi, jumladan, O‘zbekistondan 9 nafar sportchi qatnashmoqda. Bu haqda O‘zbekiston shaxmat federatsiyasi xabar berdi. 

O‘zbekistonlik shaxmatchilar dastlabki turlarda

Turnirning dastlabki ikki turidan so‘ng «A» guruhida Almas Raxmatullayev 2 ochko jamg‘arib, yetakchilar safidan joy oldi.

Sayidakbar Saidaliev va Muhammadali Abdurahmonov hisobida 1,5 ochkodan bor. Barchinoy Shokirjonova, Maftuna Bobomurodova va Zilola Aktamova esa dastlabki ikki turdan keyin 1 ochkodan jamg‘argan.

«B» guruhida Mumtozbegim Mansurova 2 ochko bilan yuqori o‘rinlardan birini egallab turibdi. Ozoda Shahzodova esa...

Rossiyaning Sverdlovsk viloyatida O‘zbekiston fuqarolari uchun 15 ta bo‘sh ish o‘rni taklif qilindi. «Dunyo» axborot agentligiga ko‘ra, ish haqi oyiga 100 mingdan 150 ming rublgacha bo‘lib, hujjatlarni rasmiylashtirish, yotoqxona va ovqatlanish xarajatlarini ish beruvchi qoplashi ma’lum qilindi.

O‘zbekistonning Yekaterinburgdagi Bosh konsulxonasi diplomatlari Sverdlovsk viloyatida faoliyat yurituvchi Gross Group kompaniyasi rahbari Nikita Kalashnikov bilan uchrashdi.

Muloqot davomida O‘zbekiston fuqarolarini Rossiyada qonuniy ishga joylashtirish, mehnat sharoitlarini ta’minlash va ularning huquqlarini himoya qilish masalalari muhokama qilindi.

Gross Group vakilining ma’lum qilishicha, kompaniyada o‘zbekistonliklar uchun 15 ta bo‘sh ish o‘rni mavjud.

Taklif etilayotgan maosh oyiga 100 mingdan 150 ming rublgacha. Ishga qabul qilingan...

General Motors avtomobil o‘rindig‘i ichiga yashiriladigan va kerak bo‘lganda avtomatik ochiladigan bo‘yin yostiqchasi uchun patent arizasi topshirdi. GM Authority’ga ko‘ra, tizim yo‘lovchining bo‘ynini qo‘llab-quvvatlash uchun havo bosimi yordamida ishlaydi.

Patent tavsifiga ko‘ra, yostiqcha ishlatilmayotganda o‘rindiq suyanchig‘i ichidagi maxsus bo‘limda to‘liq yig‘ilgan holatda turadi.

Kerak bo‘lganda esa pnevmatik tizim yordamida shishib, o‘rindiqdan tashqariga chiqadi va yo‘lovchining bo‘ynini qisman qo‘llab-quvvatlaydi. Yostiqcha shishganda uning ustini yopib turgan panel ham avtomatik ravishda ochiladi.

Qattiqlikni sozlash mumkin

Tizim yostiqchani bir necha qismga bo‘lib ishlashi mumkin. Avval ichki qism shishib, asosiy shaklni hosil qiladi, keyin tashqi qism kengayib bo‘yin uchun tayanch vazifasini bajaradi.

Patentda...

Toshkent shahrida maktabgacha ta’lim tizimini rivojlantirishga ixtisoslashgan yangi markaz tashkil etiladi. Bu haqda hukumatning 18-avgustdagi 446-son qarorida belgilangan.

Markaz nimalar bilan shug‘ullanadi?

Qarorga ko‘ra, Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish instituti huzurida Maktabgacha ta’limni rivojlantirish mintaqaviy markazi tashkil qilinadi.

Markazning asosiy vazifalari qatoridan maktabgacha ta’lim sohasida xalqaro hamkorlikni rivojlantirish hamda xorijiy tajribani o‘rganish o‘rin oladi.

Shuningdek, markaz YUNESKOga a’zo davlatlarning maktabgacha ta’lim dasturlari va usullari bo‘yicha qo‘shma tadqiqotlar o‘tkazishda ishtirok etadi.

Muassasa bolalarni erta rivojlantirishga qaratilgan ta’lim dasturlarini ishlab chiqish va amaliyotga joriy etishga ham ko‘maklashadi.

Toshkent deklaratsiyasi ijrosi...

Armanistonlik 14 yoshli FIDE ustasi Tigran Ambartsumyan dunyoning eng kuchli shaxmatchilaridan biri, reyting peshqadami Magnus Karlsenni mag‘lub etdi. Ular 18 avgust kuni o‘tkazilgan Titled Tuesday onlayn turnirida o‘zaro bahs olib bordi. Bu haqda Armaniston shaxmat federatsiyasi xabar berdi. 

Oq donalarda o‘ynagan Ambartsumyan 60 yurish davom etgan partiyada Karlsen ustidan g‘alaba qozondi.

14 yoshli shaxmatchidan katta natija

Tigran Ambartsumyan FIDE ustasi unvoniga ega va Armaniston shaxmat akademiyasida shug‘ullanadi. Uning murabbiyi grossmeyster Tigran Arutyunyan hisoblanadi.

Ambartsumyan yoshlar o‘rtasidagi musobaqalarda ham bir qator natijalarga erishgan. U 2023-yilda 12 yoshgacha bo‘lgan shaxmatchilar o‘rtasidagi jahon chempionatining rapid yo‘nalishida bronza medalini qo‘lga...

Samsung Galaxy A57 modelini yaqinda taqdim etgan bo‘lsa-da, kompaniya uning davomchisi Galaxy A58 ustida ishlayotgani ma’lum bo‘ldi. Sammobile’ga ko‘ra, smartfon GSMA IMEI bazasida SM-A5860 model raqami bilan paydo bo‘lgan.

Bazadagi yozuvda qurilmaning ishlab chiqaruvchisi Samsung Korea, bozor nomi esa Galaxy A58 5G deb ko‘rsatilgan.

Hozircha ushbu baza smartfonning texnik xususiyatlarini oshkor qilmagan.

Taqdimot 2027-yil boshida bo‘lishi mumkin

Samsung odatda Galaxy A5x seriyasini yil boshida yangilaydi. Shu sababli Galaxy A58 taqdimoti 2027-yilning birinchi choragida bo‘lishi mumkin.

Biroq kompaniya hozircha smartfonning rasmiy taqdimot sanasi yoki texnik xususiyatlarini e’lon qilmagan.

Yana bir yangi Galaxy Xcover modeli aniqlandi

GSMA IMEI bazasida...

AQSh prezidenti Donald Tramp Shimoliy Koreya yetakchisi Kim Chen In bilan bu yil uchrashishni rejalashtirayotganini ma’lum qildi. Bu ikki davlat rahbarining yetti yildan keyingi ilk uchrashuvi bo‘lishi mumkin. 

Tramp Oq uy oldida jurnalistlar bilan suhbatda Kim Chen In bilan uchrashish haqidagi savolga «Ha, buni qilaman», – deya javob bergan.

Tramp uchrashuvni kuzda o‘tkazmoqchi

Ma’lumotlarga ko‘ra, Tramp Kim Chen In bilan uchrashuvni kuzda tashkil etishni istamoqda. Uchrashuvdan asosiy maqsad Pxenyanning yadroviy dasturi bo‘yicha muzokaralarni qayta boshlash bo‘lishi mumkin. 

Biroq Pxenyanda Trampning bayonotiga nisbatan ehtiyotkor munosabat bildirildi. Shimoliy Koreya rahbarining singlisi Kim Yo Chen ikki davlat rahbarlari o‘rtasida hozircha...

Portugaliyalik futbolchi Krishtianu Ronaldu o‘g‘li Krishtianu kichikning kelajagi haqida gapirib, uning o‘zidan ham balandroq va kuchliroq bo‘lishini aytdi. Futbolchi bu fikrlarini o‘g‘lining «Al-Nassr» akademiyasidagi mashg‘ulotini kuzatayotgan vaqtida bildirgan. 

Tarmoqda e’lon qilingan videoda 41 yoshli Ronaldu 16 yoshli o‘g‘lining mashg‘ulotlarini tomosha qilayotgani aks etgan. U o‘g‘lining xarakteri haqida ham iliq fikrlar bildirgan.

«U yaxshi bola, halol va aqlli farzand. Uyda qolgan kichiklar esa biroz qiyinroq», – degan Ronaldu.

«U mendan kattaroq va kuchliroq»

Futbolchi o‘g‘lining o‘z yoshidagi holatini o‘ziniki bilan taqqoslagan. Uning aytishicha, Krishtianu kichik shu yoshda undan kattaroq va kuchliroq ko‘rinadi.

Toshkent va Farg‘onada fuqarolarni Umra ziyoratiga yuborishni va’da qilib, ulardan minglab dollar talab qilgan ikki shaxs ushlandi. Bu haqda Davlat xavfsizlik xizmati xabar berdi. 

Toshkentda 3 kishini Umraga yuborish uchun 3 450 dollar so‘ralgan

Toshkent shahrida yashovchi, 1981-yilda tug‘ilgan shaxs tegishli litsenziyaga ega bo‘lmaganiga qaramay, o‘zini Umra ziyoratini tashkil etishga ruxsat berilgan turfirmaning vakili sifatida tanishtirgan.

U uch nafar fuqaroni Saudiya Arabistoniga Umra safariga yuborish va ziyorat davomida barcha amallarni bajarishlarini ta’minlashni va’da qilib, jami 3 450 dollar talab etgan.

Davlat xavfsizlik xizmati, Iqtisodiy jinoyatlarga qarshi kurashish departamenti va ichki ishlar organlari hamkorligida o‘tkazilgan tezkor tadbir davomida...

Chevrolet Cobalt va Onix O‘zbekistonda kundalik foydalanish uchun mo‘ljallangan ommaviy sedanlar qatoriga kiradi. Joriy yilning yanvar-iyul oylarida 40,9 ming dona Cobalt, 19,5 ming dona Onix modellari sotilgan.

«Kursiv» nashri bilan suhbatda bo‘lgan Avtomobillar bo‘yicha ekspert Komil Sulaymonov va Automotive Exhibition korxonasi art-direktori Aziz Sayidov Cobalt va Onix’ni uzoq muddat yaxshi holatda saqlash uchun faqat moy almashtirish bilan cheklanib qolmaslik kerakligini ta’kidladi.

Maqoladan quyidagilarni bilib olasiz:

Abituriyentlar endi mandat.uzbmb.uz sayti orqali tanlagan OTM va yo‘nalish bo‘yicha abituriyentlarning to‘liq ro‘yxatini, to‘plagan ballarini hamda egallagan o‘rnini ko‘rishi mumkin.

Buning uchun mandat.uzbmb.uz saytiga kirib, «Kengaytirilgan qidiruv» bo‘limini tanlash kerak.

U yerda hudud, oliy ta’lim muassasasi, ta’lim yo‘nalishi, ta’lim tili va ta’lim shakli ko‘rsatiladi.

Qidiruv natijasida abituriyentlarning ro‘yxati, ularning to‘plagan ballari va davlat granti yoki boshqa yo‘nalish bo‘yicha holati aks etadi.

Bu imkoniyat abituriyentlarga o‘z natijasini boshqa talabgorlar bilan solishtirish va tanlagan yo‘nalishdagi o‘rnini ko‘rishga yordam beradi.

Eslatib o‘tamiz, avvalroq O‘zbekistonda milliy sertifikatga ega abituriyentlarga maksimal ball berish tizimi qayta ko‘rib chiqilayotgani haqida xabar berilgandi. Oliy ta’lim, fan...

20-avgust kuni O‘zbekiston hududida yog‘ingarchilik kutilmaydi. Ayrim hududlarda havo harorati 43 darajagacha ko‘tariladi. Bu haqda «O‘zgidromet» xabar berdi.

Toshkentda 38 darajagacha

Toshkent shahrida havo biroz bulutli bo‘ladi, yog‘ingarchilik kutilmaydi. Kechasi 21–23 daraja, kunduzi esa 36–38 daraja issiq bo‘ladi.

Ayrim hududlarda 40 darajagacha

Qoraqalpog‘iston Respublikasi va Xorazm viloyatida kunduzi 35–40 daraja, Buxoro va Navoiy viloyatlarida 35–40 daraja issiq kuzatiladi.

Toshkent, Sirdaryo, Jizzax va Samarqand viloyatlarida harorat 34–39 daraja bo‘ladi.

Janubda issiq kuchayadi

Qashqadaryo va Surxondaryo viloyatlarida havo harorati 38–43 darajagacha ko‘tariladi. Ayrim joylarda shamol tezligi 13–18 m/s gacha kuchayib, chang-to‘zonlar kuzatilishi mumkin.

Andijon, Namangan va Farg‘ona viloyatlarida...

Shavkat Mirziyoyev O‘zbekistonda ikkinchi atom elektr stansiyasini qurish bo‘yicha yaqin orada keng ko‘lamli tayyorgarlik ishlari boshlanishini ma’lum qildi. Bu haqda 17-avgust kuni Xorazm viloyatida yangi loyihalarni ishga tushirish va istiqbolli obyektlar qurilishini boshlash tadbirida gapirdi.

Ikkinchi AES qurilishiga tayyorgarlik boshlanadi

Prezident mamlakatda elektr energiyasiga bo‘lgan talab kelgusi yillarda sezilarli oshishini ta’kidlab, atom energetikasini rivojlantirish zarurligini qayd etdi.

«Yaqin vaqt ichida ikkinchi atom elektr stansiyasi uchun ham katta tayyorgarlikni boshlaymiz», – dedi Mirziyoyev.

Unga ko‘ra, atom energetikasini rivojlantirish investorlarga elektr energiyasini kafolatli yetkazib berish va uning tannarxini pasaytirishda muhim ahamiyatga ega.

Investorlar uchun elektr...

Andrash Baka 19-avgust kuni rasman Vengriya prezidenti lavozimiga kirishdi. Bu haqda mamlakat bosh vaziri Peter Madyaar ma’lum qildi.

Parlament uni prezident etib saylagan

Baka 8-avgust kuni Tisa partiyasidan prezidentlikka nomzod bo‘lishga rozilik bergan. Bungacha u Vengriya Oliy sudi raisi lavozimida ishlagan.

11-avgust kuni Vengriya parlamentida o‘tkazilgan yashirin ovoz berishda uning nomzodini 140 deputat qo‘llab-quvvatlagan, olti nafar deputat qarshi ovoz bergan.

Yangi prezidentga omad tilandi

Bosh vazir Peter Madyaar Baka mamlakatga xizmat qilish, venger xalqining birligi va demokratik Yevropa davlatini mustahkamlash yo‘lida ishlashga intilayotganini ta’kidlagan.

19-avgustdan boshlab Andrash Baka Vengriya prezidenti sifatida o‘z vazifalarini bajarishga rasman kirishdi.

Avvalroq...

Xiaomi uy xavfsizligini kuzatish bilan birga videomuloqot qilish imkonini beruvchi Smart Camera Video Call Version 2 aqlli kamerasini taqdim etdi. Bu haqda kompaniya rasmiy sahifasida ma’lum qildi.

3,97 dyuymli ekran

Qurilma 480×800 piksel aniqlikka ega 3,97 dyuymli rangli displey bilan jihozlangan. Ekranda videomuloqot paytida suhbatdoshning yuzi ko‘rsatiladi.

Kamera ikki tomonlama videomuloqotni qo‘llab-quvvatlaydi. U orqali boshqa kamera yoki smartfon bilan qo‘ng‘iroq qilish mumkin.

4K formatda tasvirga oladi

Smart Camera Video Call Version 2 8 MP sensor bilan jihozlangan bo‘lib, 4K formatda video yozishni qo‘llab-quvvatlaydi. Qurilmada shovqinni aqlli tarzda kamaytiruvchi ikkita mikrofon va kattalashtirilgan dinamiklar ham mavjud.

Kamerani gorizontal...

Toshkentda taksi haydovchisi va yo‘lovchi ayol o‘rtasidagi janjaldan so‘ng ayolning ukasi bezorilikda, ayolning o‘zi esa tuhmat qilishda gumonlanmoqda. Bu haqda Toshkent shahar IIBB ma’lumot berdi.

Har ikki holat yuzasidan jinoyat ishlari qo‘zg‘atilib, tergov harakatlari olib borilmoqda.

Janjalga nima sabab bo‘lgan

Ijtimoiy tarmoqlarda tarqalgan videolarga ko‘ra, mojaro taksi haydovchisi yo‘lovchi ayolga farzandi avtomobil o‘rindig‘ini tepaverayotgani sabab tanbeh berganidan keyin boshlangan.

Haydovchi ayoldan avtomobildan tushishni so‘ragan. Biroq yo‘lovchi bunga rozi bo‘lmay, telefon orqali 2003-yilda tug‘ilgan bloger ukasini chaqirgan.

Haydovchi jinsiy yaqinlikda ayblangan

Ayolning tanishlari yetib kelganidan so‘ng u haydovchini o‘ziga jinsiy yaqinlik taklif qilganlikda ayblagan. Shundan keyin ayolning tanishi...

O‘zbekistonda yangi turizm xizmatlarini ishlab chiqib, amaliyotga joriy etayotgan startaplar uchun subsidiya ajratish tartibi belgilandi. Bu haqda Hukumatning 443-son qarori bilan tasdiqlangan ma’muriy reglamentda nazarda tutilgan.

Eng yaxshi 10 ta startapga subsidiya

Unga ko‘ra, har yili eng yaxshi 10 tagacha turistik startapga loyihani ishlab chiqish va amaliyotga joriy etish bilan bog‘liq xarajatlarning 50 foizi qoplab beriladi. Bunda subsidiya miqdori 1 milliard so‘mdan oshmasligi kerak.

Arizalar qayerdan topshiriladi

Davlat xizmati Davlat xizmatlari markazlari yoki Yagona interaktiv davlat xizmatlari portali – my.gov.uz orqali Turizm qo‘mitasi tomonidan ko‘rsatiladi.

Startap loyihalarini ko‘rib chiqish uchun Turizm qo‘mitasi raisi tomonidan maxsus komissiya tuziladi.

20-avgust uchun valyutalar kursi yangilandi. Unga ko‘ra, dollar kursi 25,52 so‘mga tushib, 11 794,88 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 13-avgust kuni 58,63 so‘mga oshib, 11 948,58 so‘m, 14-avgust kuni 10,69 so‘mga tushib, 11 937,39 so‘m bo‘ldi. 17-avgust kuni 46,71 so‘mga tushib, 11 891,18 so‘mni, 18-avgust kuni esa 33,83 so‘mga tushib, 11 891,18 so‘mni va 19-avgust kuni yana 36,95 so‘mga tushib, 11 820,40 so‘mni tashkil etdi.

Yevro kursida ham o‘sish kuzatildi. Yevropa valyutasi 1,18 so‘mga oshib, 13 685,60 so‘m bo‘ldi. Rossiya rubli tushdi. Rubl...

Vogue jurnali uy hayvonlari uchun o‘tkazgan Dogue tanlovining g‘olibini e’lon qildi. Minglab itlar orasidan Sir Spud laqabli it jurnalning maxsus muqovasiga chiqish huquqini qo‘lga kiritdi.

Tanlovda minglab arizalar kelib tushgan. Yakunda 25 ta it finalga yo‘l olgan va g‘olibni Vogue tahririyati tanlagan.

Sir Spud hakamlarni nimasi bilan hayratlantirdi

Tahririyat ma’lumotiga ko‘ra, g‘olibni aniqlashda bir nechta mezon hisobga olingan. Jumladan, surat kompozitsiyasiga 50 foiz, itning surat orqali namoyon bo‘ladigan o‘ziga xosligiga 25 foiz va Dogue uslubiga qanchalik mos kelishiga yana 25 foiz baho berilgan.

Sir Spud dastlab o‘zining xotirjam ko‘rinishi bilan tahririyat e’tiborini tortgan. Keyinchalik esa uning kameraga...

Perfectum investori Farxod Mamadjonov VEON xalqaro telekommunikatsiya holdingi bilan $200 millionlik investitsiya bitimini tayyorlayotganini ma’lum qildi. Bu haqda Mamadjonov 18-avgust kuni Xorazm viloyatida Shavkat Mirziyoyev bilan uchrashuvda aytdi.

Bitim bo‘yicha kelishuvga erishilgan

Unga ko‘ra, tomonlar iyun oyida muzokaralarni yakunlagan va hozir $200 millionlik investitsiya bitimini imzolashga tayyor.

Buning uchun Raqobatni rivojlantirish va iste’molchilar huquqlarini himoya qilish qo‘mitasining tegishli xulosasi olinishi kerak.

Raqobat qo‘mitasi mobil aloqa bozorini o‘rganmoqda

Qo‘mita raisi Xalililla To‘raxo‘jayevning ma’lum qilishicha, 24-iyul kuni iqtisodiy konsentratsiya bo‘yicha bitimga oldindan rozilik olish yuzasidan murojaat kelib tushgan.

Hozirda idora mobil aloqa bozorini o‘rganmoqda. Ayrim masalalar bo‘yicha ishlar yakunlangach...

«Sanepidqo‘mita» yangi o‘quv yili oldidan ota-onalarga maktab sumkasini tanlash va uning og‘irligiga e’tibor berish bo‘yicha tavsiyalar berdi.

Mutaxassislar sumka og‘irligi bolaning tana vaznining 10 – 15 foizidan oshmasligi kerakligini ta’kidladi.

Sumka qancha og‘ir bo‘lishi kerak

Tavsiyalarga ko‘ra, maktab sumkasining umumiy og‘irligi bolaning tana vaznining 10 – 15 foizidan oshmasligi lozim. Sinflar bo‘yicha tavsiya etilgan maksimal og‘irlik esa quyidagicha:

Og‘ir sumka qanday zarar yetkazadi

Sumkani muntazam ravishda me’yoridan...