Yangiliklar

Audi o‘zining Audi Q3 krossoverini to‘liq yangiladi va uchinchi avlod modelini rasman taqdim etdi. Bu haqda Motor1 xabar bermoqda.

Yangi Q3 dizayni, saloni va texnik xususiyatlari bilan avvalgi avloddan keskin farq qiladi. Tashqi ko‘rinishda avtomobil faralarining yangi shakli e’tiborni tortadi. Asosiy chiroqlar qoraytirilgan oynalar ostida joylashgan bo‘lib, faqatgina yuqori qismdagi kunduzgi chiroqlar ko‘rinadi. Har bir farda 25,6 ming dona LED element mavjud. Orqa fonarlar esa pastki LED chiziq bilan ajratilgan. Ularning grafik uslubi sozlanadi.

Yangi Q3 oldingi Audi Quattro modelidan ilhomlangan g‘ildirak arkalari bilan taqdim etiladi. Boshlang‘ich modelda 17 dyuymli disklardan, eng yuqori versiyada esa 20 dyuymli disklardan...

Oliy Majlis Qonunchilik palatasida muhokama qilingan qonun loyihasiga ko‘ra, xorijda vafot etganlarni olib kelish xarajatlarini Migratsiya jamg‘armasi moliyalashtirishi mumkin.

«Dafn etish va dafn ishi to‘g‘risida»gi qonunga mehnat migratsiyasi davrida vafot etgan fuqarolarning jasadlarini olib kelish xarajatlarini Migratsiya jamg‘armasi mablag‘lari hisobidan moliyalashtirish ko‘zda tutilmoqda.

Bundan tashqari, qonun loyihasi bilan o‘rmon fondi yerlarini onlayn auksion orqali foydalanishga berish hamda yig‘imlarning faqat qonunlar bilan belgilanishini nazarda tutish taklif etilmoqda.

Shuningdek, Vazirlar Mahkamasining maktabgacha ta’lim va tarbiyaning davlat standartini tasdiqlash vakolati Maktabgacha va maktab ta’limi vazirligiga o‘tkazilmoqda.

Loyiha birinchi o‘qishda qabul qilingan.

Avvalroq Kursiv Uzbekistan Rossiyada eng ko‘p migratsion jinoyatni o‘zbekistonliklar sodir...

TrendForce tahlilchilarining hisob-kitoblariga ko‘ra, Samsung 2025-yilning birinchi choragida 64 mln dona smartfon ishlab chiqargan. Bu haqda Sammobile saytida ma’lum qilindi.

Bu o‘tgan yilning shu davriga nisbatan 21 foizga ko‘pdir. Eng qizig‘i, Top-5 smartfon ishlab chiqaruvchilari orasida faqat Samsung ishlab chiqarishni oshirishga muvaffaq bo‘lgan. Qolgan brendlar, xususan Apple, ishlab chiqarish hajmini sezilarli kamaytirgan.

Apple ushbu chorakda 48 mln smartfon ishlab chiqargan – bu o‘tgan yilga nisbatan 40 foizga kam. Xiaomi’ning ishlab chiqarishi 7 foizga kamayib, 42 mln donani tashkil etdi. Oppo va Vivo esa mos ravishda 26 va 16 foizlik pasayishni boshdan kechirdi.

Samsung’ning ishlab chiqarish hajmini oshirishiga ikki sabab...

1-iyul kuni Toshkent shahrida Kursiv Uzbekistan platformasi tomonidan navbatdagi konferensiya bo‘lib o‘tadi. Bu safargi asosiy mavzu: «O‘zbekistonda kapital bozori: investitsiya uchun yangi imkoniyatlar» bo‘ladi. Tadbirda yetakchi ekspertlar, investorlar, top-menejerlar, biznes egalari hamda davlat idoralari vakillari O‘zbekistonda mavjud investitsion imkoniyatlar haqida fikr almashadilar.

O‘zbekiston kapital bozori keskin o‘zgarishlar jarayonini boshdan kechirmoqda: davlat korxonalarini xususiylashtirishni jadallashtirish va ularni fond bozorlariga kirishga tayyorlash xalqaro investorlarning e’tiborini tortmoqda. Shu bilan birga, iqtisodiy faol aholi uchun kapitalning an’anaviy investitsiya usullari bilan bir qatorda yangi mexanizmlar ham paydo bo‘lmoqda.

«O‘zbekistonda investorning e’tibori qayerga qaratilmoqda?» – konferensiyaning birinchi sessiyasi shunday nomlanib, unda kapital bozorining zamonaviy rivojlanish tendensiyalari...

Tramp oilasi AQShda Trump Mobile virtual operatorini ishga tushirib, oltin rangdagi T1 smartfonini taqdim etdi. Smartfon oldindan buyurtma qilish uchun ochiq.

Bitta tarif – The 47 Plan

Trump organization tarkibiga kiruvchi Trump Mobile kompaniyasi faqat bitta tarif rejasi – The 47 Planni taklif qilmoqda. Uning narxi oyiga $47,45. Bu narx Donald Trampning AQShning 45-prezidenti va ehtimoliy 47-prezidenti bo‘lishiga ishora sifatida tanlangan.
Mijozlar ushbu tarif bilan birga oltin rangli T1 smartfonini ham xarid qilishi mumkin. Qurilma narxi – $499.

T1 – oltin rangdagi smartfon

Trump Mobile tomonidan tarqatilgan press-relizda ushbu smartfon yuqori baholangan:

«Yuqori...

O‘zbekistonning JSTga a’zo bo‘lishi bo‘yicha ikki tomonlama muzokaralar yakunlangani haqida Xitoy bilan bayonnoma imzolandi. Bu haqda prezident matbuot xizmati xabar berdi.

Bugun, 17-iyun kuni O‘zbekiston prezidenti Shavkat Mirziyoyev va Xitoy Xalq Respublikasi Raisi Si Szinpin muzokara o‘tkazdi.

Tomonlar ikki tomonlama hamda mintaqaviy ahamiyatga ega dolzarb masalalarni ko‘rib chiqdilar.

Asosan kambag‘allikka qarshi kurashish sohasidagi hamkorlikni chuqurlashtirishga alohida e’tibor qaratildi. Shuningdek, yetakchilar «Xitoy – Qirg‘iziston – O‘zbekiston» strategik temir yo‘li qurilishini tezlashtirish zarurligini qayd etdi.

Bundan tashqari, ta’lim, fan, turizm, madaniyat, kadrlar tayyorlash va xitoy tilini o‘rganish sohalaridagi almashinuvlarni kengaytirishga qiziqish bildirildi.

Kelgusi yilda ikki davlatda madaniyat va san’at haftaliklarini o‘tkazish...

Chery kompaniyasi Tiggo 8 Plus Chengfeng Edition va Tiggo 8L Changhong Edition nomli yangi krossover modellari 28-iyun kuni rasman namoyish etilishini e’lon qildi. Bu haqda ITHome nashri xabar bermoqda.

Hozircha avtomobillarning aniq texnik tafsilotlari oshkor etilmagan, biroq ularning dizayni va ayrim asosiy jihatlari ma’lum qilindi.

Tiggo 8 Plus Chengfeng Edition zamonaviy ko‘rinishga ega bo‘lib, yashirin eshik tutqichlari, orqa qismini esa uzluksiz chiroqlar va sport uslubidagi spoiler bezab turadi. Shuningdek, avtomobil ikki tomonlama chiqarish tizimiga ega. Salon markazida esa katta – 15,6 dyuymli sensorli boshqaruv ekrani joylashgan.

Tiggo 8L Changhong Edition esa old qismining dizayni bilan e’tiborni tortadi...

Oliy Majlis Qonunchilik palatasida muhokama qilinayotgan yangi qonun loyihasiga ko‘ra, yo‘l harakati qoidalarini buzganlik uchun foto va video orqali rasmiylashtirilgan jarimalar bir oydan kech yuborilsa, haqiqiy emas deb topilishi mumkin.

Ma’muriy javobgarlik to‘g‘risidagi kodeksning 36-moddasiga kiritilayotgan o‘zgartirishlarga ko‘ra:

Shuningdek, transport vositasini boshqarish jarayonida xavfsizlik kamarini taqmaslik, texnik ko‘rikdan o‘tkazmaslik yoki tegishli jihozlar bilan ta’minlanmaganlik holatlarida ham javobgarlik belgilangan. Bundan tashqari, boshqarish vaqtida telefondan...

Fair Tech yagona axborot tizimi orqali olib borilgan monitoring natijalariga ko‘ra, respublika bo‘ylab 225 ta dorixonada dori vositalari savdosi jarayonida belgilangan tartib buzilgani ma’lum bo‘ldi. Bu dorixonalar umumiy hisobda 2,6 mlrd so‘mdan ortiq asossiz daromad olgan. Bu haqda Raqobat qo‘mitasi xabar berdi.

2025-yilning hozirgacha bo‘lgan davrida 62 mingdan ortiq qonunbuzarlik holatlari qayd etilgan. Tegishli tartibda huquqiy choralar ko‘rilib, noqonuniy olinadigan mablag‘larni qaytarish ishlari boshlangan.

Ayniqsa, quyidagi kompaniyalar ulgurji savdo jarayonida belgilangan narx me’yorlarini buzgan holda mahsulot realizatsiyasini amalga oshirgani aniqlangan:

Isroil Mudofaa armiyasi Tehronda joylashgan Eron davlat telekanali IRIN tahririyati binosiga zarba berdi, deb xabar bermoqda BBC.

Mahalliy OAVlar yong‘in ichidagi bino ustidan qalin tutun ko‘tarilayotgan kadrlarni tarqatdi. Dastlabki ma’lumotlarga ko‘ra, jabrlanganlar bor.

Zarba berilgan lahza telekanalning jonli efirida aks etdi – studiyadan uzatma bo‘layotganida fon lavhasi o‘chdi, qog‘ozlar havoga uchdi, boshlovchi esa studiyani tark etdi. Oradan biroz vaqt o‘tib, kadrni kul bosdi va efir bir necha soniyaga uzilib qoldi.

Bunga qadar Isroil armiyasi rasmiy ogohlantirish berib, telekanal tahririyati joylashgan Tehron tumaniga zarba berilishini aytgan va tuman aholisini uni zudlik bilan tark etishga chaqirgan edi.

«Izvestiya» nashrining yozishicha...

Shavkat Mirziyoyev Qozog‘iston Respublikasi prezidenti Qosim-Jomart Toqayevning taklifiga binoan Ostona shahriga yetib bordi. Bu davlat rahbari matbuot xizmati xabar bermoqda.

O‘zbekiston rahbarini Qozog‘iston bosh vaziri Oljas Bektenov va boshqa rasmiy shaxslar kutib olgan.

Ma’lumot o‘rnida, O‘zbekiston prezidenti Ostonada «Markaziy Osiyo – Xitoy» sammitida ishtirok etadi. Ushbu sammit 17-18-iyun kunlari Qozog‘iston poytaxti Ostona shahrida bo‘lib o‘tadi. Unda Xitoy, Qozog‘iston, Qirg‘iziston, Tojikiston, Turkmaniston va O‘zbekiston rahbarlari ishtirok etadi.

Avvalroq davlat rahbari Ostona shahriga jo‘nab ketgani haqida yozgan edi.

Endi jismoniy va yuridik shaxslar umumiy hamda ixtisoslashtirilgan gidrometeorologik ma’lumotlarni onlayn tarzda olishlari mumkin. Buning uchun Yagona portaldan (my.gov.uz) foydalanish kerak.

Ushbu xizmatdan foydalanish uchun ariza beruvchidan xizmat turini, kerakli hudud va tumanni, meteorologik ma’lumot turini hamda so‘ralayotgan davrini belgilash talab etiladi.

So‘ralgan ma’lumotlar 10 ish kuni ichida beriladi. Xizmat narxi so‘ralgan axborot turiga qarab belgilanadi.

Xizmatdan qanday foydalanish mumkin

Dastlab Yagona portaldagi shaxsiy sahifaga kirib, «Gidrometeorologik ma’lumotlarni berish» xizmatidan foydalanish tugmasi bosiladi.

Xizmatdan foydalanish ikki bosqichdan iborat. Birinchi bosqichda foydalanuvchi meteorologik yoki agrometeorologik ma’lumotdan qay birini olmoqchi ekanini tanlashi kerak.

Keyingi qadamda...

Apple yaqinda iOS 26 operatsion tizimini tanishtirdi. Shu bilan birga, ayrim eski iPhone modellari bu yangilanishni olmaydi. «Palach» nashri bu modellarni ularning alternativalari bilan bitta maqolaga jamladi.

iPhone XR, iPhone XS va iPhone XS Max smartfonlari 2018-yilda chiqqan edi. O‘z vaqtida juda mashhur bo‘lgan. Ammo Apple odatda har bir modelni 5–6 yilgacha yangilab turadi. Endi bu uchta model yangilanishdan chiqib ketgani aytilmoqda. Ularda yangi dasturlar va xavfsizlik yangilanishlari bo‘lmaydi. Shuning uchun ularni ishlatish xavfli va noqulay bo‘lib boradi.

Bu modellarning o‘rniga qayslarini xarid qilish mumkin?

Isroilning Eronga hujumi davom etmoqda. Ikki davlat qarama-qarshiligi mintaqada xavfni orttirmoqda. Eron-Isroil urushi jiddiy muammolarga sabab bo‘lishi mumkin, deya yozmoqda times of Israeel nashri.

G‘azo janubida IDF askari halok bo‘ldi, 10 kishi yaralandi

Kecha G‘azo sektorining janubida olib borilgan harbiy amaliyotlar vaqtida Isroil Mudofaa Kuchlari (IDF) askari halok bo‘ldi. Yana 10 nafar harbiy jarohat oldi. Halok bo‘lgan harbiy — 20 yoshli Staff-serjant Naveh Leshem bo‘lib, u G‘arbiy Sohildagi Nokdim posyolkasidan bo‘lgan. U Golani brigadasining 12-batalyonida xizmat qilgan.

U portlash oqibatida halok bo‘lgan, to‘rt nafar askar, jumladan bir ofitser og‘ir yaralangan. Yana uch kishi o‘rtacha, uch nafari...

POCO brendining yangi flagman smartfoni – POCO F7 yaqinda taqdim etilishi kutilmoqda. Bu haqda Gizmochina nashri ma’lum qildi.

Yangilangan dizayn klassik qora va oq ranglardagi soddalikni o‘zida mujassam etgan bo‘lsa, maxsus versiya futuristik yondashuv bilan ajralib turadi. Unda orqa panel diagonal bo‘ylab ikki rangga bo‘lingan: yuqori qismi shaffof bo‘lib, ostida mikrosxemalar va Snapdragon chipseti ko‘rinishidagi bezak joylashgan; pastki qismi esa POCO logotipi tushirilgan kumush rangdagi xira sirt bilan qoplangan.

Foto: Poco

POCO F7’ning texnik xususiyatlari quyidagicha:

Skoda kompaniyasi yangi Elroq vRS elektromobilini taqdim etdi. Bu haqda Electriccarsreport xabar bermoqda.

Bu krossover sport uslubida yaratilgan. U ikki elektr motor bilan harakatlanadi. Umumiy quvvati 340 ot kuchi. To‘liq g‘ildirak tortishga ega. 0 dan 100 km/soat tezlikka 5,4 soniyada chiqadi. Maksimal tezligi 180 km/soat. Bir quvvatda 546 km yo‘l bosadi.

Batareyasi 84 kVt/soat. Quvvat modullari 12 ta bo‘lib, energiyani samarali taqsimlaydi.

Tashqi ko‘rinishi sportcha. 21 dyuymli disklar o‘rnatilgan. Old va orqa bamperlar vRS uslubida. Korpus rangi uchun 10 xil tanlov bor. Yaqinda mat kulrang rang ham qo‘shiladi.

Salon zamonaviy va qulay. Sun’iy charm va mikrozamsh ishlatilgan.

Unda karbon...

Xitoy Oyga yo‘naltirilgan kelajakdagi «Yer – Oy» infratuzilmasini yaratish maqsadida olib borilgan kosmik sinovlarini muvaffaqiyatli yakunladi. Bu haqda Space News nashri ma’lum qildi.

2024-yil mart oyida uchirilgan DRO-A va DRO-B qurilmalari dastlabki avariya tufayli murakkab manevrlar orqali Oy orbitasiga chiqa oldi.

Shuningdek, «Queqiao-2» sun’iy yo‘ldoshi va «Tiandu-1» zondi ham Oy orbitasiga joylashtirilib, muhim navigatsiya va aloqa texnologiyalari sinovdan o‘tkazildi. 2025-yil mayida bu qurilmalar Yer – Oy tizimidagi rezonansli orbitalarga o‘tkazildi – Tiandu-1 birinchi bo‘lib 3:1 rezonansli orbitaga chiqqan.

Biroq Tiandu-2 qurilmasi orbitasidan chetga chiqqani va texnik muammolarga uchragani taxmin qilinmoqda. Mutaxassislar bu sinovlar Xitoyning kosmik izlanishlaridagi muhim bosqich bo‘lganini...

Qozog‘istonda 16 mingdan ziyod aholining ma’lumotlari internetda tarqalib ketdi. Bu haqdagi xabarni Inform buro nashriga Qozog‘iston Kiberhujumlarni tahlil qilish va tergov qilish markazi (TSARKA) tasdiqladi.

«Qozog‘iston aholisi 2024» nomi ostida 16,3 million kishiga oid shaxsiy ma’lumotlar internetda ochiq tarzda tarqaldi. Bu hodisa mamlakat aholisi asosiy qismini qamrab olgan.

Markazi vakili, TSARKA Group vitse-prezidenti Enlik Satieva ma’lumot berishicha, bu faqat ism-shariflar emas, balki juda muhim ma’lumotlar, jumladan:

Eron va Isroil urushi yakuni bo‘yicha bir nechta xulosalar tahmin qilinmoqda. Bu haqda Foreign Policy nashri xabar qildi.

Isroil bosh vaziri Benyamin Netanyaxu Eronning harbiy infratuzilmasi va yadroviy imkoniyatlarini butunlay izdan chiqarish uchun zarbalarni davom ettirishini e’lon qildi. Shunday bo‘lsa-da, hozirdan urush qanday yakun topishi mumkinligi muhokama qilinmoqda.

Eronning chekinuvi va xalqaro vositachilik

Eron bir nechta harbiy hujumlar uyushtirib, o‘z aholisi oldida «qasos olindi» degan taassurot qoldiradi va AQSh hamda boshqa davlatlar vositachiligida sulhga rozi bo‘ladi. Bu ssenariy Hizbullohga qarshi o‘tkazilgan Isroil operatsiyasi bilan o‘xshashlik qiladi. Isroil zarbalari Eron harbiy rahbarlarini izdan chiqargan va koordinatsiyani susaytirgan...

AQSh Atlantika orqali yoqilg‘i quyuvchi samolyotlarni ommaviy ravishda o‘tkaza boshladi. Bu haqda The Times of Israel xabar berdi.

2025-yil 15-iyun kuni kechki paytdan boshlab AQSh sharq tomonga, ya’ni Atlantika okeani orqali, 30 dan ortiq KC-135 va KC-46 yoqilg‘i quyuvchi samolyotlarni jo‘natdi. Xabarga ko‘ra, bu samolyotlar AQShning materikdagi harbiy bazalaridan jo‘natilgan.

Samolyotlar nima maqsadda joylashtirilmoqda

Military Watch Magazine ta’kidlashicha, Isroil harbiy-havo kuchlarining F-15 qiruvchilari Eronga havodan hujum qilish uchun yoqilg‘i quyilmasdan yetib bora oladi, biroq Isroil floti tarkibining katta qismini tashkil qiluvchi F-16 qiruvchilari bunday imkoniyatga ega emas. Hatto tashqi yoqilg‘i baklari va uzoq masofali qanotli yoki...

Qoraqalpog‘istonning To‘rtko‘l va boshqa hududlarida tarqalayotgan chigirtka turi qishloq xo‘jaligi uchun zarar yetkazmaydi. Bu haqda Jo‘qorg‘i Kenges matbuot xizmati xabar berdi.

So‘nggi kunlarda ijtimoiy tarmoqlarda To‘rtko‘l va qo‘shni hududlarda chigirtkalar ko‘paygani haqida xabarlar tarqaldi. Mutaxassislarning ma’lum qilishicha, bu bukri chigirtka bo‘lib, u faqat saksovul bilan oziqlanadi va qishloq xo‘jaligi ekinlariga zarar yetkazmaydi.

Qoraqalpog‘istonda chigirtkalarga qarshi maxsus kimyoviy chora-tadbirlar ko‘rilmoqda. Bugungi kunga kelib, barcha hududlarda 11 ta maxsus otryad tashkil etilgan, har bir holat nazoratga olingan.

Fuqarolar chigirtka bo‘yicha maxsus shtabning (61) 229-54-92 raqamiga murojaat qilishi mumkin. Barcha tadbirlar bepul amalga oshiriladi.

Ma’lumot o‘rnida, Qoraqalpog‘istonda bugungi kunda 150 dan ortiq...

Android tizimida doim ixcham planshetlar ishlab chiqarish doim qiyin bo‘lgan. Xiaomi kompaniyasi aynan shu muammoni bartaraf qilish uchun yangi planshet taqdim qilish uchun tayyorlanmoqda. Bu haqda ITHome nashri ma’lum qildi.

Redmi brendi ushbu yozda taqdimoti kutilayotgan K Pad mini plansheti orqali Android ekotizimidagi kam uchraydigan bo‘shliqni to‘ldirishga urinmoqda.

Kompaniya mutasaddilarining so‘zlariga ko‘ra, ixcham flagman planshet ishlab chiqarish texnik jihatdan katta muammo bo‘lib kelgan. Ayniqsa, yengil va nozik korpusda kuchli ekran, unumdor protsessor, kuchli ovoz tizimi va mukammal sovutishni birlashtirish muhandislik nuqtai nazaridan ancha murakkab bo‘lgan.

Foto: Redmi

Redmi K Pad plansheti 8,8 dyuymli 4K LCD displey, yuqori yangilanish chastotasi...

Birlashgan Arab Amirliklari huquq-tartibot organlari Dubayda ikki nafar O‘zbekiston fuqarosining o‘ldirilishida gumon qilingan 11 kishini qo‘lga oldi. Bu haqda Khaleej Times nashri xabar berdi.

Hodisa joriy yilning aprel oyida Dubaydagi yoqilg‘i quyish shoxobchasida yuz bergan. Ma’lumotlarga ko‘ra, mojaro ishtirokchilari bir-birini avvaldan tanigan va voqea eski kelishmovchilik tufayli kelib chiqqan.

Jabrdiydalardan biri mashinasi yonida do‘pposlangan, ikkinchisi esa qochishga uringan, biroq oradan ko‘p o‘tmay qo‘lga olingan.

Rasmiylar voqea shaxsiy nizolar zaminida yuz berganini tasdiqlagan va ish prokuraturaga huquqiy choralar ko‘rish uchun topshirilgan.

Dubay politsiyasi shahar xavfsizligiga putur yetkazuvchi bunday hodisalar juda kam uchrashishini va Dubay hanuz dunyodagi eng xavfsiz shaharlardan...

OpenAI kompaniyasi AQSh Mudofaa vazirligi bilan $200 mlnlik shartnoma imzoladi. Bu haqda Reuters axbirot agentligi ma’lum qildi.

Pentagonning bayonotiga ko‘ra, ushbu hamkorlik doirasida kompaniya ilg‘or sun’iy intellekt texnologiyalarini ishlab chiqadi va ularni harbiy hamda boshqaruv yo‘nalishlarida qo‘llash uchun prototiplar yaratadi.

Loyihaning asosiy ishlari Vashington shahri va uning atrofida amalga oshiriladi hamda 2026-yil iyul oyida yakunlanishi kutilmoqda.

OpenAI so‘nggi oylarda tez sur’atda o‘sib, haftasiga 500 mln faol foydalanuvchiga ega bo‘ldi. Kompaniya yil oxirigacha daromadini $10 mlrdga yetkazishni maqsad qilgan.

Eslatib o‘tamiz, avvalroq OpenAI Google bulutli xizmatlaridan foydalanish bo‘yicha kelishuvga erishgan edi.