Yangiliklar

Toshkentdagi Isroil elchixonasi O‘zbekiston va Tojikiston hududida hamda chet elda bo‘lib turgan isroilliklarga hozirgi xavfli vaziyatda amal qilinishi kerak bo‘lgan bir nechta muhim tavsiyalarni berdi. Bu haqda elchixona o‘zining rasmiy bayonoti orqali ma’lum qildi.

Chet eldagi isroilliklarga yahudiylik yoki Isroilga oid ramzlarni omma oldida namoyish etmaslik tavsiya etildi.

Shuningdek, ular ijtimoiy tarmoqlarda joylashuv va harakat rejalari haqida ma’lumot bermaslik hamda Isroil yoki yahudiylarga oid ommaviy tadbirlardan chetda bo‘lishga chaqirildi.

Fuqarolar mahalliy xavfsizlik xizmatlari ko‘rsatmalariga to‘liq amal qilishlari zarur. Ommaviy joylarda hushyorlikni oshirish, faqat ishonchli ilovalar orqali taksi chaqirish va notanish mashinalarga chiqmaslik tavsiya etiladi.

Favqulodda holat yuzaga kelganda...

BYD tomonidan 25-iyun kuni yangi BYD M9 elektromobili Meksikada rasman taqdim etiladi. Bu avtomobil ilgari Xitoyda «Xia» nomi bilan sotuvga chiqqan bo‘lib, endilikda xalqaro bozorga BYD M9 nomi ostida chiqmoqda. Bu haqda CarNewsChina xabar bermoqda.

M9 – bu gibrid (benzin va elektr) dvigatelli miniven bo‘lib, oilaviy foydalanish uchun mo‘ljallangan. U bitta to‘ldirishda aralash holatda 945 km masofani bosib o‘tishi mumkin. Avtomobil 0 dan 100 km/soat tezlikka 8,1 soniyada chiqa oladi. Uning yoqilg‘i sarfi 100 km ga atigi 5,9 litrni tashkil etadi. Akkumulyatori esa 30% dan 80% gacha bor-yo‘g‘i 18 daqiqada quvvatlanadi.

BYD M9 Xitoyda 2025-yil 8-yanvarda savdoga chiqqan...

Shavkat Mirziyoyev Qasim-Jomart Toqayevning taklifiga binoan «Markaziy Osiyo – Xitoy» ikkinchi sammitida ishtirok etish uchun Ostona shahriga jo‘nab ketdi. Bu haqda prezident matbuot xizmati xabar bermoqda.

Ushbu sammit mintaqa va Xitoy aloqalarini yanada rivojlantirishga hissa qo‘shishi kutilmoqda. Al Jazeera’ning ma’lum qilishicha, Xitoy rahbari Si Szinpin dushanba kuni Pekinning mintaqa bilan iqtisodiy va strategik aloqalarini chuqurlashtirishga qaratilgan «Xitoy – Markaziy Osiyo» ikkinchi sammitida ishtirok etish uchun Qozog‘istonga yetib borgan.

Markaziy Osiyoning besh davlati mintaqada birinchi marta boshqa davlat rahbari bilan sammit o‘tkazmoqda.

Avvalroq Kursiv Uzbekistan nashri Shavkat Mirziyoyev bugun bo‘lib o‘tadigan «Markaziy Osiyo – Italiya» sammiti tadbirlarida ishtirok etgani...

Eron rasmiylari AQSh bilan yadro dasturi bo‘yicha muzokaralarni qayta boshlashga tayyorligini bildirgan, biroq bu jarayon boshlanishi uchun avvalo Isroil tomonidan amalga oshirilayotgan harbiy hujumlar to‘xtatilishi kerakligini ta’kidladi. Bu haqda Washington Post nashri diplomatik manbalarga tayanib xabar berdi.

Muzokaralar bo‘yicha vositachilik tashabbusini Omon va Qatar davlatlari ilgari surmoqda. CNN telekanalining ma’lumotlariga ko‘ra, AQSh prezidenti Donald Tramp o‘zining Milliy xavfsizlik kengashiga Eron tomoni bilan muloqot o‘rnatish uchun zudlik bilan chora ko‘rishni topshirgan. Shuningdek, u «Katta Yettilik» (G7) sammitini muddatidan oldin tark etib, Oq uyda vaziyat bo‘yicha favqulodda yig‘ilish o‘tkazdi.

Isroil va Eron o‘rtasidagi harbiy qarama-qarshilik esa keskin tus olib bormoqda. Isroil...

Joriy yilning 26 iyun–2 iyul kunlari Toshkent shahrida U-15 va U-19 yosh toifasidagi sportchilar o‘rtasida stol tennisi bo‘yicha Osiyo chempionati o‘tkaziladi. Bu haqda Milliy Olimpiya qo‘mitasi ma’lum qildi.

Unga ko‘ra, musobaqada O‘zbekiston, Xitoy, Yaponiya, Koreya Respublikasi, Hindiston, Eron, Qozog‘iston kabi 22 davlatdan 400 nafardan ortiq sportchi ishtirok etadi.

Yosh tennischilar o‘rtasidagi bahslar Toshkentdagi «Humo arena» majmuasida tashkil etiladi. Ayni paytda O‘zbekiston terma jamoasi turnirga jiddiy tayyorgarlik ko‘rmoqda.

Eslatib o‘tamiz, avvalroq O‘zbekiston davlat sport akademiyasi faoliyatini boshlagani haqida xabar bergan edik.

Samsung kompaniyasi Galaxy S23, S24 hamda S21 FE modellari uchun 2025-yil iyun oyi xavfsizlik patchini tarqata boshladi. Bu haqda Sammobile nashri ma’lum qildi.

Yangilanish avvalo Janubiy Koreyada (S23), Yevropa va Rossiyada (S21 FE), hamda Yevropa bozoridagi S24 modellari uchun taqdim etildi.

Xavfsizlik tuzatmasi One UI tizimida aniqlangan 19 ta xavfsizlik zaifligini bartaraf etadi. Jumladan, Galaxy Watch orqali Samsung Cloud’ga ruxsatsiz kirish va ekran tasvirlarini olish imkonini beruvchi eksploitlar yo‘q qilindi. Android tizimidagi bir nechta yuqori darajadagi zaifliklar ham bartaraf etilgan.

Yangilanish hajmi S23 uchun 443 MB, S24 uchun esa 474 MB ni tashkil qiladi. Bu tuzatma qurilmalarning xavfsizlik darajasini...

Shavkat Mirziyoyev Toshkentda rejalashtirilgan qurilish va jamoat transporti loyihalari taqdimoti bilan tanishdi. Bu haqda davlat rahbari matbuot xizmati ma’lum qildi.

Poytaxtda bunyodkorlik sur’ati ortib borayotgani bois yangi loyihalarda sifat va xavfsizlik masalalari ustuvor bo‘ldi.

Ko‘p qavatli binolarning zilzilabardoshligi 9 ballgacha oshirilmoqda, har bir loyiha ilmiy-texnik ekspertizadan o‘tkaziladi. Chilonzorda yangi elektr podstansiyasi va suv rezervuari barpo etiladi. Bu orqali tarmoq yuklamasi kamayadi, suv ta’minoti yaxshilanadi.

Metropoliten infratuzilmasi ham kengaymoqda. Chilonzor yo‘lining Pushkin bekatidan Traktor zavodigacha bo‘lgan yerusti va yerosti metro yo‘llari qurilishi rejalashtirilgan. Yangi Toshkentga olib boruvchi 21 kilometrlik yangi metro yo‘li kuniga 230 ming yo‘lovchiga xizmat qiladi.

Eslatib o‘tamiz...

Xitoylik Nubia kompaniyasi o‘zining ilk Android plansheti – Nubia Pad Proni taqdim etdi. Bu haqda TechRadar ma’lum qildi.

Unga ko‘ra, qurilma xalqaro bozorda sotuvga chiqdi va arzon iPad modellari bilan raqobatlashmoqda.

Planshet kuchli Snapdragon 8 Gen 3 protsessori, 8 – 16 GB tezkor va 256 – 512 GB ichki xotira bilan jihozlangan. 10,9 dyuymli ekrani 144 Gts yangilanish tezligiga ega. Narxi esa $420 dan boshlanadi.

iPad bilan solishtirganda, Nubia Pad Pro ko‘proq xotira va aniqlikni taklif qilib, foydali tanlov bo‘lmoqda. Bu Android planshetlar bozoridagi raqobatni yanada kuchaytiradi.

Eslatib o‘tamiz, avvalroq iPadkid haqida batafsil yozgan edik.

O‘zbekiston hududida kuzatilayotgan kuchli issiq tufayli yerusti temir yo‘llaridagi rels va po‘lat qismlar juda yuqori haroratga ega bo‘layotgani sababli yo‘lovchilar xavfsizligini ta’minlash maqsadida poyezdlar harakatiga tezlik cheklovlari joriy etildi. Bu haqda «O‘ztemiryo‘lyo‘lovchi» AJ ma’lum qildi.

Bunda ayrim poyezdlar sovitish tizimining samaradorligi pasayishi va manzillarga jadvaldan kech yetib borishi mumkinligi ma’lum qilinmoqda.

«O‘ztemiryo‘lyo‘lovchi» AJ issiq tufayli yuzaga kelgan noqulayliklar uchun uzr so‘radi va yo‘lovchilarning sabr-toqatli bo‘lishga chaqirdi.

Eslatib o‘tamiz, avvalroq Toshkentdan Issiq-ko‘lga avtobus qatnovlari boshlangani haqida xabar bergan edik.

WhatsApp messenjeri tez orada «Aktual» bo‘limida yangi imkoniyatlarni joriy etishini ma’lum qildi. Bu haqda kompaniya rasmiy sahifasida ma’lum qildi.

Endilikda foydalanuvchilar kanallarga oylik pullik obuna bo‘lib, mualliflardan eksklyuziv yangiliklar olishlari mumkin bo‘ladi. Shuningdek, kanallar katalogi kengaytiriladi va foydalanuvchilarga mos tavsiyalar ko‘rsatiladi.

Bundan tashqari, «Status» bo‘limida reklama paydo bo‘ladi. Bu orqali foydalanuvchilar yangi brend va xizmatlar bilan tanishib, ularga yozish imkoniga ega bo‘ladilar. Ushbu yangiliklar shaxsiy yozishmalarga ta’sir qilmaydi va faqat «Aktual» bo‘limiga tegishlidir.

Eslatib o‘tamiz, avvalroq Instagram’da yangi funksiyalar ishga tushirilgan edi.

Dunyoda eng mashhur Samsung smartfoni hisoblangan Galaxy A16 5G o‘zining ilk katta dasturiy yangilanishini oldi. Bu haqda Sammobile nashri ma’lum qildi.

Unga ko‘ra, yangi versiya – Android 15 asosidagi One UI 7.0 interfeysi hozircha Yevropa foydalanuvchilari uchun taqdim etildi.

3 GB hajmdagi ushbu yangilanish xavfsizlik bo‘yicha may oyida chiqarilgan xavfsizlik va barqarorlikni oshiruvchi rasmiy tuzatishlarni ham o‘z ichiga oladi. Shuningdek, Galaxy A16 4G versiyasi ham bundan 10 kun avval shu yangilanishni olgan edi.

Samsung kompaniyasi Galaxy A16 5G modelini 6 yilgacha yangilab borishni rejalashtirgan bo‘lib, foydalanuvchilar Android 20 versiyasigacha yangilanish olishlariga ishonch hosil qilishlari mumkin.

Eslatib o‘tamiz, avvalroq Samsung...

Shayxontohur tumani jinoyat ishi bo‘yicha sud majlisida sobiq deputati Qobil Dusov tuhmat, haqorat va yolg‘on xabar tarqatishda aybdor deb topilib, 5 yil 2 oy muddatga ozodlikdan mahrum etildi. Bu haqda O‘zbekiston Oliy sudi matbuot kotibi xabar berdi.

Dusov quyidagi jinoyat moddalari asosida aybdor deb topildi:

Mart oyida Toshkent shahar sudi Dusovga nisbatan chiqarilgan sud hukmini o‘zgarishsiz qoldirgandi.

Jinoyat ishlari...

Umumiy o‘rta ta’lim tashkilotlarida ayrim toifadagi o‘quvchilar maktabdan tashqari ta’limga jalb qilinadi. Bu haqda Vazirlar Mahkamasi nizomi tasdiqlandi.

Unga ko‘ra, kambag‘al oilalar reyestrida qayd etilgan oilalarning farzandlari qo‘shimcha ta’limga jalb etiladi. Ularning o‘qitish xarajatlarining 80 foizi Davlat budjeti hisobidan qoplab beriladi.

O‘quvchilar turli to‘garaklarga ixtiyoriy asosda jalb qilinadi. Ota-onalar bilan ta’lim tashkilotlari o‘rtasida shartnomalar YAIDXP (my.gov.uz) platformasi orqali tuziladi.

Ta’lim xizmatlari uchun to‘lov miqdori quyidagicha belgilanadi:

Kanadada G7 (Katta yettilik) davlatlari yetakchilari yig‘ilib, Ukraina va Yaqin Sharqdagi urushlar, shuningdek, global iqtisodiy beqarorlik muammolarini muhokama qilmoqda. Bu haqda Reuters axborot agentligi ma’lum qildi.

Unga ko‘ra, Buyuk Britaniya, Kanada, Fransiya, Germaniya, Italiya, Yaponiya va AQSh rahbarlari, Yevropa Ittifoqi bilan birga, Kananaskis tog‘ kurortida uchrashuvlar o‘tkazmoqda.

Sammitda asosiy e’tibor iqtisodiyot, savdo, Xitoy bilan munosabatlar, Rossiya neftiga narx cheklovlari va Isroil – Eron o‘rtasidagi keskinlikka qaratildi. Fransiya prezidenti Emmanuel Makron tinchlik va diplomatik muzokaralarga qaytishni yoqlab chiqdi.

AQSh prezidenti Donald Tramp Rossiya prezidenti Putin bilan muloqot qilib, uni vositachilikka taklif qilgani Yevropa davlatlari orasida bahs uyg‘otdi. Ukraina prezidenti Zelenskiy

Portal.infokredit.uz manzili orqali foydalaniladigan UCIN (Uzbekistan credit information network) portali – O‘zbekistonda kredit axborotlari almashinuvi bo‘yicha yagona elektron tizim ishga tushdi.

Uning asosiy maqsadi – banklar, mikromoliya tashkilotlari va boshqa moliyaviy institutlar o‘rtasida kredit ma’lumotlarini avtomatlashtirilgan shaklda almashish hamda foydalanuvchilarga o‘z kredit tarixini ko‘rish va nazorat qilish imkoniyatini yaratishdan iborat.

Portal foydalanuvchilarga quyidagi xizmatlarni taqdim etadi:

Mazkur tizimdan jismoniy va yuridik shaxslar, tijorat banklari...

Ijtimoiy tarmoqlarda «O‘zbekistonda jinsni o‘zgartirishga ruxsat berildi» mazmunidagi xabarlar tarqalganidan so‘ng Adliya vazirligi rasmiy bayonot berdi.

Unda jinsga oid ma’lumotlar va shaxsiy ma’lumotlar (familiya, ism, otasining ismi)ni o‘zgartirish borasida yangilik emas, balki yillar davomida mavjud bo‘lgan amaliyotdagi huquqiy bo‘shliqlarni bartaraf etishga qaratilgan normativ o‘zgarish amalga oshirilgani ta’kidlandi.

Rasmiy izohga ko‘ra, har yili o‘rtacha 5-6 nafar bola noaniq jinsda tug‘iladi. Bunday holatlarda dastlabki tibbiy ko‘riklar bolaning jinsini noto‘g‘ri belgilagan bo‘lishi mumkin. Bola o‘sib ulg‘aygach (5 – 16 yosh oralig‘ida) asl jinsini aniqlovchi tibbiy xulosalar asosida hujjatlarga tegishli tuzatishlar kiritiladi.

Bu amaliyot Oila kodeksining 229-moddasida belgilangan bo‘lib, 1998-yil 1-sentabrdan beri amal...

Kompaniya rahbari Lei Jun Xiaomi YU7 modelini 2025-yil iyun oyi oxirida rasman sotuvga chiqarishini Weibo ijtimoiy tarmog‘ida ma’lum qildi.

YU7 modelining eng muhim afzalliklaridan biri – 700 TOPS hisoblash quvvatiga ega Nvidia Drive AGX Thor platformasidir. Ushbu platforma avtonom haydash funksiyalarini ta’minlab beradi: LiDAR, millimetrli radarlar va yuqori aniqlikdagi videokameralar bilan integratsiya qilinadi.

Avtomobil quyidagi texnik xususiyatlarga ega bo‘ladi:

Boshlang‘ich narx 250 ming yuan (taxminan $34,7 ming)dan...

O‘zbekistonda axborot texnologiyalari yo‘nalishiga ixtisoslashtirilgan maktablar tarmog‘i yanada kengayadi.

2025-yil 14-iyun kuni Vazirlar Mahkamasining tegishli qarori qabul qilindi. Hujjatga ko‘ra, Toshkent shahridagi Muhammad al-Xorazmiy nomidagi ixtisoslashtirilgan maktab ushbu yo‘nalishda tayanch maktab etib belgilandi.

Yangi qaror bilan quyidagi tartiblar belgilandi:

Ma’lumot uchun, prezident farmoniga muvofiq, 13 ta ixtisoslashtirilgan maktab-internat negizida Muhammad...

Realme o‘zining Narzo 80 liniyasini yangi model – Narzo 80 Lite 5G smartfoni bilan to‘ldirdi. Qurilma budjet toifasidagi bo‘lishiga qaramay, 5G tarmog‘ini qo‘llab-quvvatlaydi va yaxshi texnik xususiyatlarga ega. Bu haqda kompaniya saytida xabar berildi.

Smartfonga 6,67 dyuymli HD+ (1604×720) o‘lchamdagi 120 Gts yangilanish chastotasiga ega LCD displey o‘rnatilgan. Uning maksimal yorqinligi 625 nitga yetadi. Narzo 80 Lite 5G MediaTek Dimensity 6300 chipi asosida ishlaydi. 4 yoki 6 GB tezkor, 64 yoki 128 GB doimiy xotira bilan taqdim etiladi. Shuningdek, 12 GB gacha virtual xotirani kengaytirish imkoniyati ham mavjud.

Smartfon 6000 mA·soat sig‘imli akkumulyator bilan jihozlangan. U 15 vattli...

Vivo kompaniyasi o‘rta narx toifasidagi yangi Y400 Pro smartfonini chiqaryapti. Y400 Pro 2025-yil 20-iyun kuni taqdim etiladi.

Vivo e’lon qilgan tizerda smartfonning umumiy ko‘rinishi ham ochiqlangan. Qurilma zamonaviy dizaynga ega bo‘lib, u bozorga AMOLED ekran va kuchli akkumulyator bilan kirib keladi. Mish-mishlarga ko‘ra, Vivo Y400 Pro 6,77 dyuymli AMOLED-displey, MediaTek Dimensity 7300 protsessori, 50 megapikselli asosiy va 32 megapikselli old kamera, 5500 mA/soat sig‘imli akkumulyator va 90 vattli tez quvvatlash funksiyasiga ega bo‘ladi.

Shuningdek, fotosuratlarni optimallashtirish uchun sun’iy intellekt funksiyalari to‘plami bilan jihozlanadi. Qurilmaning Hindiston bozoridagi taxminiy narxi $290 atrofida bo‘lishi kutilmoqda.

Y400 Pro o‘rtacha narxdagi kuchli va samarali...

Infinix kompaniyasi yangi Smart 10 va Smart 10 HD smartfonlarini taqdim etdi. Ikkala model ham arzon narxda yaxshi imkoniyatlar bilan ajralib turadi. Bu haqda Gizmochina xabar bermoqda.

Smart 10’da 6,67 dyuymli HD+ LCD ekran mavjud. U 120 Gts yangilanish tezligi va 700 nit yorqinlikni taklif etadi. Smart 10 HD esa 6,6 dyuymli HD+ IPS displeyga ega, 90 Gts yangilanish va 500 nit yorqinlikni qo‘llab-quvvatlaydi.

O‘lcham va vazn jihatidan Smart 10 – 162,62 x 77,01 x 8,25 mm, vazni 187 g. HD variantda esa 163,6 x 75,6 x 8,5 mm, vazni 184 g. Smart 10 – Unisoc T7250 protsessori...

Uzbekistan Airways va Azerbaijan Airlines (AZAL) o‘rtasida 13-iyun kuni aviaqatnovlarni birgalikda amalga oshirish (code-share) bo‘yicha bitim imzolandi. Bu haqda Uzbekistan Airways matbuot xizmati xabar berdi.

Mazkur kelishuvga ko‘ra, har ikki aviakompaniya bir-birining reyslariga o‘zining aviakompaniya kodi ostida chipta sotish huquqiga ega bo‘ladi.

Yo‘lovchilar uchun ikki aviakompaniyaga tegishli jami to‘qqizta yo‘nalishda parvozlar mavjud bo‘ladi. Shuningdek, Uzbekistan Airways mijozlari Boku – Samarqand – Boku yo‘nalishida AZAL samolyotlarida parvoz qiladi.

AZAL tijorat direktori Jamil Manizade bu hamkorlik haqida quyidagicha izoh berdi:

«Uzbekistan Airways bilan hamkorlik nafaqat yo‘nalishlar tarmog‘ini kengaytirish, balki ikki xalq o‘rtasidagi aloqalarni mustahkamlashga qaratilgan».

Ushbu...

«Tolibon»ning «axloq politsiyasi» 40 yoshgacha bo‘lgan ayollarning Afg‘oniston – O‘zbekiston chegarasidagi bozorga kirishini taqiqlagan, deya ma’lum qilishmoqda mahalliy savdogarlar va do‘kon egalari. Bu haqda AmuTv ma’lum qildi.

Tadbirkorlarning aytishicha, yosh ayollar bozordagi mijozlarning asosiy qismini tashkil qilgan va ularning kirishiga ruxsat berilmasligi natijasida savdo hajmi keskin kamaygan.

«O‘tmishda mijozlarimizning asosiy qismini oilalar, jumladan, ayollar tashkil qilardi. Endi yosh ayollarga taqiq qo‘yilganidan so‘ng sotuvlarimiz keskin pasayib ketdi», – deydi savdogarlardan biri.

Bu haqda Kursiv Uzbekistan Tolibon stol futbolini taqiqlashga oid qaror qabul qilgani haqida xabar bergan edi.

Niderlandiyadagi TTF markazida iyul oyiga mo‘ljallangan gaz fyuchersining narxi 2,21% ga oshib, eng yuqori nuqtada €38,73 ($41,44) ni tashkil etdi. Bu joriy Forex bozoridagi kursga ko‘ra, 1 ming kub metr gaz uchun $470,92 ga teng. Bu haqda Bloomberg xabar berdi.

Eron va Isroil o‘rtasidagi ziddiyat keskinlashgani bois tabiiy gaz narxlari oshmoqda. Bloomberg’ning yozishicha, investorlar Yaqin Sharqda keng ko‘lamli urush boshlanishidan xavotirda.

Ayni paytda gaz savdogarlari uchun eng katta xavotiralardan biri mojarolar kuchaysa, dengiz orqali gaz tashiladigan muhim yo‘lak – Ormuz bo‘g‘ozidagi ta’minot to‘xtab qolishi mumkinligi.

Shanba va yakshanba kunlari Isroil Fors ko‘rfazidagi Eronning «Janubiy Pars» gaz koniga zarba berdi...