Yangiliklar

O‘zbekistonda texnikumlarning yagona tarmog‘i tashkil etiladi. Bu haqda Adliya vazirligi prezident farmoniga tayanib xabar berdi.

Farmonga muvofiq, kasbiy ta’lim tashkilotlarini optimallashtirish va kadrlarni tayyorlash maqsadida texnikumlarning yagona tarmog‘i yaratish ko‘zda tutilgan. Texnikumlarda kadrlar xalqaro standartlar va milliy malaka tizimiga asoslangan holda tayyorlanadi.

Texnikumlarda boshlang‘ich, o‘rta va o‘rta maxsus kasbiy ta’lim dasturlari asosida kadrlar tayyorlash yo‘lga qo‘yilib, qisqa muddatli o‘quv kurslari ham tashkil etiladi. Boshlang‘ich kasbiy ta’lim dasturlari bo‘yicha kadrlar davlat granti asosida 9-sinf bitiruvchilari uchun amalga oshiriladi. O‘rta va o‘rta maxsus kasbiy ta’lim dasturlari esa davlat granti va to‘lov-kontrakt asosida tashkil etiladi.

Shuningdek, o‘rta maxsus kasbiy ta’limni tamomlagan bitiruvchilarga...

Afg‘oniston bilan muzokaralar natijasida o‘zbekistonlik haydovchilardan olinadigan yig‘imlar kamaytirildi. Bu haqda O‘zbekiston Transport vazirligi xabar berdi.

28-sentabrdan boshlab Amudaryo ko‘prigidan yengil avtomobillar o‘tish uchun yig‘im 12 mingdan yetti ming afg‘onigacha (taxminan $182 dan $106 gacha) kamaytirildi. Shuningdek, Afg‘onistonga yuk avtomobillarini kirishi uchun yig‘im besh mingdan uch yarim ming afg‘onigacha ($76 dan $53 gacha) pasaytirildi.

Avvalroq Kursiv Uzbekistan Trans-Afgʻon temir yoʻli loyihasi kelasi yildan boshlab amalga oshirilishini yozgan edi.

O‘zbekiston elchixonasi rahbariyati Malayziyaning «Export-Import Bank of Malaysia» (Eksimbank) prezidenti va bosh ijrochi direktori Nurbayu binti Kasim Chang bilan uchrashuv o‘tkazdi. Bu haqda «Dunyo» AA axborot agentligi ma’lum qildi.

Muloqotda Malayziya Eksimbanki rahbariyati bilan O‘zbekiston tijorat banklariga moliyaviy resurslarni ajratish va hamkorlik masalalari muhokama qilindi.

Nurbayu binti Kasim Chang O‘zbekistonning ulkan salohiyati, investitsiya muhiti, investorlarga yaratilgan sharoitlar haqida ta’kidlab o‘tdi.

Malayziya tomoniga O‘zbekiston moliyaviy sektoriga islomiy banking va sug‘urta (takaful) bozoriga birinchilardan bo‘lib kirish taklifi taqdim etildi. Eksimbanki prezidenti bu boradagi masalalarni o‘rganib chiqishga tayyorligini bildirdi.

Ma’lumot uchun, Malayziya Eksport-import banki 1995-yilda tashkil etilgan. 2023-yilda bankning umumiy aktivlari qiymati...

O‘zbekistonda gaz qazib chiqarish 2024-yil oktabr oyi boshida yillik 4,8 foizga pasaygan holda 33,4 mlrd kub metr gazni tashkil etdi. Bu haqdagi hisobot Statistika agentligi tomonidan e’lon qilindi.

Gaz qazib olishning pasayishi fonida mamlakatimiz yil davomida import qilinadigan mineral yoqilg‘i xaridini 59,2 foizga oshirib, $3 milliardga yetkazdi. Bu mablag‘ning $1,2 milliardi gazga to‘g‘ri keladi.

Avgust oyi oxirida Gazprom’ rahbari Aleksey Miller Rossiya konserni Markaziy Osiyo mamlakatlariga, shu jumladan, O‘zbekistonga gaz yetkazib berishni ko‘paytirganini ma’lum qildi.

To‘qqiz oy ichida gaz eksporti $479,5 millionni tashkil etdi, yillik o‘sish esa 16,5 foizga yetdi. TASS, Xitoyning Bojxona bosh boshqarmasiga tayanib...

O‘zbekistonda faoliyat olib borayotgan 700 ga yaqin umumiy ovqatlanish korxonalarining 524 tasida taomnoma o‘zbek tilida emasligi ma’lum bo‘ldi. Bu haqda Raqobat qo‘mitasi matbuot xizmati xabar berdi.

Ma’lum qilinishicha, joriy yilning o‘tgan davri mobaynida umumiy ovqatlanish korxonalari faoliyati bilan bog‘liq holatlar yuzasidan iste’molchilar tomonidan 250 ga yaqin murojaatlar kelgan.

Vakolatli organlar tomonidan o‘tkazilgan tekshiruv natijalariga ko‘ra, umumiy ovqatlanish korxonalarining 524 tasida taomnoma davlat tilida emas, 480 tasida ish rejimi ko‘rsatilmagan, 449 tasida narxnomalar mavjud emasligi aniqlangan.

Mazkur holatlar yuzasidan Raqobat qo‘mitasi aniqlangan kamchiliklarni bartaraf etish bo‘yicha vakolatli organlarga taqdimnoma kiritgan.

«Umumiy ovqatlanish korxonasi...

Braziliya prezidenti Lula da Silva vannada yiqilib, bosh qismidan jarohat olgani tufayli yakshanba kungi BRICS sammiti uchun Rossiyaga safarini bekor qildi. Bu haqda Reuters xalqaro nashri ma’lum qildi.

Prezident idorasi bayonotiga ko‘ra, 78 yoshli Lula endi BRIKS yig‘ilishida videokonferensiya orqali ishtirok etadi.

Tibbiy hisobotda aytilishicha, Lulaga uzoq masofalarga parvoz qilishdan qochish tavsiya etilgan bo‘lsa-da, o‘zining boshqa vazifalarini bajarishi mumkin.

Hukumatning X platformasidagi rasmiy sahifasida aytilishicha, Braziliya Tashqi ishlar vaziri Mauro Vieyra BRIKS sammitida Braziliya delegatsiyasiga rahbarlik qilish uchun tayinlangan.

Eslatib o‘tamiz, avvalroq Putin Falastin rahbari Mahmud Abbosni BRICS sammitiga taklif qilgan edi.

Oʻzbekiston Markaziy banki ma’lumotlariga koʻra, 21-oktabr kuni respublikada besh grammlik oltin quymasining narxi rekord darajadagi 5,75 mln soʻmga yetdi. Avvalgi rekord 18-oktabr kuni o‘rnatilgan edi.

21-oktabr holatiga ko‘ra, o‘n grammlik quymaning qiymati 11,5 mln so‘mgacha, 20 grammlik quymaning qiymati esa 23 mln so‘mga qimmatlashgan. Og‘irligi 50 gramm bo‘lgan quymaning narxi esa 57,5 ​​mln so‘mga ko‘tarildi.

18-oktabr kuni besh grammlik oltin quyma 5,74 mln so‘m, 10 grammlik quyma 11,4 mln so‘mdan sotuvga qo‘yilgan edi.

Avvalroq «Kursiv Uzbekistan» respublikada oltin narxi nima uchun oshib borayotgani haqida yozgan edi.

Joriy yil boshidan buyon quyosh va shamol elektr stansiyalari tomonidan 4 mlrd kVt/soat elektr energiyasi ishlab chiqarildi. Bu haqda Energetika vazirligi matbuot xizmati xabar berdi.

Bugungi kunga kelib mamlakatning 7 ta viloyatida umumiy quvvati 2,7GVt bo‘lgan 9 ta quyosh fotoelektr stansiyasi hamda bitta shamol elektr stansiyasi «yashil» energiya ishlab chiqarmoqda.

Energetika vazirligi hisob-kitoblariga ko‘ra, yil boshidan buyon yashil elektr stansiyalari 1,2 milliard kub metr tabiiy gazni tejash imkonini berdi va atmosferaga chiqariladigan gazlarni 1,7 million tonnagacha kamaytirdi.

Eslatib o‘tamiz, Navoiy va Samarqand viloyatlaridagi quyosh fotoelektr stansiyalari 2022-yilda 434 mln kVt/soat, 2023-yilda esa 576,9 mln kVt/soat elektr...

Prada hashamatli moda uyi va Axiom Space tijorat kosmik kompaniyasi NASA’ning Artemida III oy missiyasi uchun kiyiladigan skafandr dizaynini namoyish qildi. Bu haqda CNN axborot agentligi ma’lum qildi.

Unga ko‘ra, kostyum Milanda boʻlib oʻtgan Xalqaro astronavtika kongressi chogʻida namoyish etilgan. Garchi brend va logotiplardan xoli bo‘lsa-da, dizayndagi bilaklar, bel va kislorod tizimi joylashgan ryukzak bo‘ylab qizil urg‘u chiziqlar Prada sub-brendi Linea Rossaga ishora qiladi.

Yumshoq ko‘rinishga ega kostyumlar qator innovatsion xususiyatlarni o‘z ichiga oladi. Astronavtlar maxsus ishlab chiqilgan etiklar tufayli kuniga kamida sakkiz soat kosmosda yurishlari mumkin bo‘ladi. Qo‘shma press-relizda aytilishicha, kostyumlar issiqlikni aks ettira oladigan, o‘ta yuqori harorat...

Jahon sog‘liqni saqlash tashkiloti (JSST) Misrni malyariyada xoli davlat deb tan oldi. Bu haqda JSST o‘z bayonotida ma’lum qildi.

«Malyariya Misr sivilizatsiyasi kabi qadimiy, biroq fir’avnlar azob chekkan bu kasallik endilikda tarixga tegishli, kelajakka emas», – deb izoh berdi JSST bosh direktori Tedros Adhanom Gebreyesus.

U Misrning malyariyadan xoli davlat sifatida tan olinishi tarixiy hodisa ekanini ta’kidladi hamda direktor ushbu yutuq bilan barchani tabrikladi.

Ma’lumot uchun, Misr Sharqiy O‘rta Yer dengizi mintaqasida malyariyadan xoli davlat sertifikatini olgan uchinchi mamlakat bo‘ldi. Avvalroq, bunday sertifikatni Marokash va BAA mamlakatlari ham olgan edi.

Agarda mamlakat uch yil...

AQSh prezidentligiga respublikachilar nomzodi Donald Tramp Pensilvaniyadagi McDonald’s restoranlar bir necha porsiya kartoshka fri tayyorladi. Bu haqda CNN nashri xabar berdi.

Tramp tayyorlagan taomlarini drive-through orqali tarqatdi va ushbu tez tayyorlangan taom uning hisobidan ekanini ta’kidladi.

«Men ish qidirmoqdaman, men bu ishni butun kun qilishim mumkin edi», – dedi Tramp restoran egasiga.

Shundan so‘ng, siyosatchi fartukni yechmasdan, avtomobillar uchun xizmat oynasi orqali jurnalistlarning savollariga javob berdi.

Eslatib o‘tamiz, avvalroq Kursiv Uzbekistan Tramp saylovoldi mitingni raqs kechasiga aylantirgani haqida xabar bergan edi.

Qozog‘iston poytaxti Ostona aholisi Buyuk Britaniya elchixonasi oldida One Direction guruhining sobiq vokalisti Liam Peynga bag‘ishlangan yodgorlik tashkil qildi, deb xabar beradi New Times portali.

Diplomatik vakolatxona oldiga gullar, qo‘shiqchining fotosuratlari, shamlar va ta’ziya so‘zlari yozilgan varaqalar olib kelindi.

Britaniya-Irlandiya One Direction guruhining 31 yoshli sobiq vokalisti Liam Peyn o‘tgan hafta vafot etdi. U Argentina poytaxti Buenos-Ayresdagi mehmonxonalardan birining balkonidan yiqilib tushdi.

One Direction guruhi 2010-yilda tashkil etilgan. Olti yil o‘tgach, jamoa o‘z faoliyatini to‘xtatdi. Peyn yakkaxon artist sifatida faoliyat yuritdi va 2019-yilda LP1 albomini chiqardi.

Kursiv Uzbekistan musiqachining o‘limi bilan bog‘liq holatlar haqida yozgan edi.

Moldovada prezidentlik saylovi va mamlakat Yevropa Ittifoqiga (YI) a’zo bo‘lish referendumida 90 foizdan ortiq byulletenlar sanab chiqildi. Reuters agentligi xabar berishicha, amaldagi davlat rahbari Mayya Sandu ovoz berish jarayoniga aralashuv bo‘lganini ma’lum qildi.

Byulletenlarning 92 foizini qayta ishlash natijalariga ko‘ra, referendum ishtirokchilarining 52 foizi Yevropa Ittifoqiga kirishga qarshi, 47 foizi esa uni yoqlab ovoz bergan. Shu bilan birga, tahlilchilarning fikricha, integratsiya tarafdorlari hali g‘alaba qozonishi mumkin, chunki asosan, tarafdor diasporalarning ovozlari hali sanalmagan.

Prezidentlik saylovlarida Sandu 38 foiz ovoz yig‘di. Uning asosiy raqibi, mamlakatning sobiq bosh prokurori Aleksandr Stoyanoglo esa 28 foiz ovoz oldi. Bu ikkinchi tur o‘tkazilishini anglatadi...

Bugun, 21-oktabr kuni respublikaning Xorazm, Buxoro, Navoiy viloyatlarida yomg‘ir yog‘ishi ehtimoli bor, ayrim hududlarda chang-to‘zon ko‘tarilishi mumkin. Kunduzi havo harorati 27 darajagacha ko‘tarilishi mumkin. Bu haqda Gidrometeorologiya xizmati agentligi xabar berdi.

Toshkentda havo issiq va quruq bo‘ladi. Kunduzi havo 23-25 daraja issiq, kechga kelib 11-13 daraja iliq bo‘ladi.

Tog‘li hududlarda ham yomg‘ir yog‘maydi. Kunduzi havo 15-20 daraja iliq, kechasi esa 0-3 daraja salqin bo‘ladi.

Rossiyaning «Aeroflot» aviakompaniyasining Moskvadan Toshkentga uchgan samolyoti Samara aeroportiga rejalashtirilmagan qo‘nishni amalga oshirdi, deb xabar berdi «Novosti tashkentskogo neba» Telegram kanali.

Ekipaj bortdagi bemor yo‘lovchi tufayli qo‘nishga qaror qildi. Shu bilan birga, xavf signallari e’lon qilinmadi. Hodisa AFL-1870 reysida sodir bo‘lgan.

Avvalroq Kursiv Uzbekistan Tel-Avivdan Toshkentga uchgan samolyotning kechikishi haqida xabar bergan edi.

Davlat statistika agentligining ma’lumotiga koʻra, 2024-yilning birinchi toʻqqiz oyida Oʻzbekistonda 117,7 ming dona Cobalt avtomobili ishlab chiqarildi. Bu oʻtgan yilning mos davriga nisbatan 53,8% ga koʻp boʻlib, bu model uchun tarixiy rekord hisoblanadi.

Cobalt barcha yengil avtomobillar ishlab chiqarish hajmida 42,3% ni egalladi, bu uni O’zbekiston avtomobil bozoridagi eng ommabop modellardan biriga aylantirdi. Eslatib o‘tamiz, UzAuto Motors kompaniyasi so‘nggi marta Cobalt modellarini iyul oyida savdoga qo‘ygan edi. O‘shanda Gx – Optima At – Plus (narxi 146,5 million so‘m) va undan qimmatroq bo‘Gx – Style At – Plus to‘plami (147,9 million so‘m) modellari sotuvga qo‘yilgan edi.

Joriy yilning...

O‘zbekiston Investitsiyalar, sanoat va savdo vazirligi (ISSV) hamda MDHning eng yirik onlayn savdo platformalaridan biri – Wildberries o‘rtasida hamkorlik to‘g‘risidagi memorandum imzolandi. Mazkur hujjat ikki tomonlama aloqalarni mustahkamlash va O‘zbekistonning onlayn biznes sohasidagi imkoniyatlarini yanada kengaytirishga qaratilgan.

Memorandum doirasida Wildberries platformasi orqali mahalliy tadbirkorlikni rivojlantirish va o‘zbek ishlab chiqaruvchilarining eksport salohiyatini yuksaltirishga katta e’tibor qaratiladi. Shuningdek, ayollar tadbirkorligini qo‘llab-quvvatlash, tadbirkorlar uchun seminar va treninglar tashkil qilish hamda elektron savdoni rivojlantirishdagi to‘siqlarni bartaraf etishga doir bir qator tadbirlar rejalashtirilgan.

«Wildberries&Russ (RVB MChJ) bozorning ikki yetakchisi – Wildberries IT-kompaniyasi va Russ tashqi reklama operatorining birlashishi natijasida zamonaviy...

Poytaxtimizdagi Fransuz madaniyat markazi qoshida Fransiya milliy meros instituti filiali ochiladi. Bu haqda Madaniyat va san’atni rivojlantirish jamgʻarmasi ma’lum qildi.

Unga ko‘ra, jamg‘arma raisi Gayane Umerova va institut direktori Charlz Personnaz ta’lim muassasasining ochilishi masalalarini muhokama qildi.

Institutning ochilishi Oʻzbekistondagi madaniy meros obyektlarini restavratsiya qilish uchun Fransiyadan mutaxassislarni jalb qilish imkonini berishi kutilmoqda. Shuningdek, bunda xalqaro usullarni joriy etish rejalashtirilgan.

Eslatib o‘tamiz, avvalroq xorijda tahsil olayotgan talabalar soni boʻyicha Oʻzbekiston dunyoda uchinchi oʻrinda ekanligi haqida yozgan edik.

O‘zbekiston bilan viza rejimini joriy qilish lozimligini aytgan rossiyalik deputat Sergey Mironovga bir qancha siyosat va jamoat faollari javob qaytardilar.

Oliy Majlis Qonunchilik palatasi spikerining o’rinbosari, «Milliy tiklanish» demokratik partiyasi Markaziy kengashi raisi Alisher Qodirov telegram sahifasida quyidagicha izoh qoldirgan:

«O‘zbeklardek barakali xalq haqqini mehnat qilib topadi, odam o‘ldirib emas. Rossiyani esa Mironovning o‘zi, o‘g‘illari, kuyovlari, nevaralari himoya qilishi kerak. Bilishimcha, ruslar ham Vatanni himoya qilishni o‘zbeklardagidek muqaddas burch hisoblaydilar?»

Shuningdek, Ekologiya vaziri maslahatchisi va jamoat faoli Rasul Kusherbayev ham telegram sahifasida bunga o‘z fikrini bildirgan.

«Rossiya Dumasining...

O‘zbekiston va Yevropa Ittifoqi vakillari iqtisodiy sohadagi hamkorlikni yanada kengaytirish bo‘yicha masalalarni kelishib oldi. Bu haqda Investitsiyalar, sanoat va savdo vazirligi matbuot xizmati ma’lum qildi.

Unga ko‘ra, vazirlik rahbari Laziz Qudratov Yevropa Ittifoqining O‘zbekistondagi elchisi Tayvo Klaar bilan uchrashuv o‘tkazdi.

Tomonlar geologiya, kimyo sanoati va energetika sohalarida kelishilgan loyihalarni amalga oshirishni muhokama qildi, shuningdek, hamkorlikning yangi yo‘nalishlarini belgilab oldilar.

Vazirlik ma’lumotiga ko‘ra, ayni paytda respublikada Yevropa sarmoyalari ishtirokida 997 ta korxona faoliyat yuritmoqda.

Xitoy rahbari Si Szinpin Tayvanni blokada qilish bo‘yicha so‘nggi mashg‘ulotlardan so‘ng urushga tayyorgarlikni kuchaytirish va yuqori jangovar shaylikni ta’minlashga chaqirdi. Bu haqda u Pekin harbiy manevrlari orolga tahdid solganidan bir necha kun o‘tib bayonot berdi.

Si Szinpin Xalq ozodlik armiyasining raketa brigadasiga tashrifi chog‘ida harbiylar «urushga tayyorgarlikni har tomonlama kuchaytirishi» va qo‘shinlarni ishonchli jangovar qobiliyat bilan ta’minlashi kerakligini aytdi, deb yozadi «SinXua».

«Haqiqiy jangovar qobiliyat va strategik to‘siqlik qobiliyatini kuchaytirish, shuningdek, partiya va xalq tomonidan qo‘yilgan vazifalarni qat’iyat bilan amalga oshirish kerak», – dedi XXR rahbari.

Shu hafta boshida Xitoy Tayvan atrofida yirik harbiy...

Milliy aviakompaniya joriy yilning 15-noyabridan boshlab «Toshkent – Lahor – Toshkent» yo‘nalishida to‘g‘ridan-to‘g‘ri havo qatnovlarini amalga oshiradi. Bu haqda «Dunyo» AA ma’lum qildi.

«O‘zbekiston prezidenti tashabbusi bilan pokistonliklar uchun viza rasmiylashtirish tartibining soddalashtirilgani hamda to‘g‘ridan-to‘g‘ri aviaqatnovlarning yo‘lga qo‘yilayotgani Pokiston jamiyati uchun quvonarli hodisa bo‘ldi. Bu O‘zbekiston yetakchisining mintaqaviy bog‘liqlikni qayta tiklash borasidagi siyosati qat’iy va bu jarayon endi ortga qaytmasligidan dalolat beradi», – dedi mamlakatimiz faxriy konsuli Najib Vohra.

Uning qo‘shimcha qilishicha, endilikda Pokiston fuqarolari Toshkentdan tranzit markazi sifatida foydalanishlari mumkin.

Bundan tashqari, kelajakda tomonlar mamlakatlar o‘rtasida yangi yo‘nalishlarni ishga tushirishni rejalashtirmoqda.

Eslatib o‘tamiz, avvalroq Pokiston oʻzbekistonliklar...

15-16-oktabrdagi hujjatlar Telegram’da «Yaqin Sharq tomoshabinlari» akkaunti tomonidan e’lon qilinganidan so‘ng internetda tarqala boshladi. AQSh Isroilning Eronga qarshi qasos olish rejalari haqidagi o‘ta maxfiy ma’lumotlarning sizib chiqishini tekshirmoqda, deya xabar qildi CNN.

Ular o‘ta maxfiy bo‘lib, faqat AQSh va uning «Besh ko‘z» ittifoqchilari – Avstraliya, Kanada, Yangi Zelandiya va Buyuk Britaniya ko‘rishi kerakligini ko‘rsatadigan belgilar mavjud.

Ular Isroilning Eronga qarshi zarba berishga tayyorlanayotganini tasvirlaydi. Hujjatlardan birida u Milliy geofazoviy-razvedka agentligi tomonidan tuzilgani aytiladi. Bu rejalar Isroilning o‘q-dorilarni aylanib o‘tishini nazarda tutadi.

Yana bir hujjatda aytilishicha, u Milliy xavfsizlik agentligiga topshirilgan va Isroil harbiy-havo kuchlarining Eronga zarba berishga tayyorlanayotgan havo-yer...

«Kichik biznesni uzluksiz qoʻllab-quvvatlash» kompleks dasturi doirasida tadbirkorlar uchun bepul onlayn oʻquv kurslar yo‘lga qo‘yilmoqda. Bu haqda BRB bank matbuot xizmati ma’lum qildi.

Unga ko‘ra, bepul onlayn o‘quv kursi Yaponiyaning Yamagata Universiteti va Biznesni rivojlantirish banki tomonidan taqdim etilmoqda. Oʻquv kursida Yaponiyaning rivojlangan biznes modellari, jumladan, Lean Management va Kaydzen metodlarini bevosita yapon ustozlari tomonidan o‘rgatiladi.

Loyiha biznesini boshlamoqchi boʻlganlar, faoliyatini rivojlantirishni koʻzlagan kichik va oʻrta biznes egalari uchun moʻljallangan.

Kurslarni muvaffaqiyatli tamomlagan tadbirkorlarga Yamagata universiteti va «Biznesni rivojlantirish banki» ATBning xalqaro sertifikati taqdim etiladi.

Oʻquv kurslari mazkur manzilda bo‘lib o‘tadi.

Eslatib o‘tamiz, avvalroq davlat tilini bepul...