Yangiliklar

Oʻzbekiston Davlat xavfsizlik xizmati (DXX) xodimlari poraxoʻr mansabdor shaxslarga qarshi reydlar oʻtkazdi.

Davlat xavfsizlik xizmati xabariga ko‘ra, Raqobatni rivojlantirish va iste’molchilar huquqlarini himoya qilish qo‘mitasining Andijon viloyati boshqarmasi boshlig‘i o‘rinbosari qo‘lga olingan.

U mahalliy farmatsevtika korxonasiga korxona tomonidan 2,1 milliard so‘mni o‘zlashtirgani bo‘yicha ekspertiza natijalarini bekor qilishga va’da bergan. Buning uchun amaldor 30 ming dollar pora talab qilgan.

Hukumat xodimi 22,5 ming dollar olayotgan paytda qo‘lga olindi. Ma’lum bo‘lishicha, u avvalroq 7,5 ming dollar olgan.

Shuningdek, Toshkent shahrida o‘tkazilgan reyd davomida O‘zbekiston shaharsozlik ilmiy-tadqiqot instituti xodimi 20 ming dollar pora olayotgan vaqtda qo‘lga olindi. Andijonlik tadbirkorga...

Issiqxona gazlaridagi chiqindilarining 80 foizga yaqini 57 ta yirik neft, gaz, koʻmir va sement ishlab chiqaruvchilariga toʻgʻri keladi. Ular global iqlim inqirozining asosiy «harakatlantiruvchi kuchi» deb hisoblanmoqda. Bu haqda Guardian nashri Carbon Majors maʼlumotlar bazasiga tayanib xabar bermoqda.

Tahlilchilarning fikricha, iqlim boʻyicha Parij kelishuvining tuzilishi bu korxonalarda chiqindi gazlar miqdori kamayishiga olib kelmagan. Aksincha, yirik kompaniyalar oxirgi yetti yil ichida ishlab chiqarish hajmini oshirib, ularning atrof-muhitga taʼsiri kuchaygan.

Unga koʻra, dunyoning eng yirik iqlim ifloslantiruvchilari orasida davlat korxonalarining 65 foizi va xususiy kompaniyalarning 55 foizi ishlab chiqarish koʻrsatkichlarining oʻsishini qayd etdi. Eng katta chiqindilar (global hajmning 1,4 foiz) Amerikaning...

Kelgusi oʻquv yilidan boshlab Oʻzbekiston Ixtisoslashtirilgan taʼlim muassasalari agentligi tizimidagi maktablarda fanlarni chet tillarida oʻqitish amaliyoti joriy etiladi, bunday qaror respublika prezidenti tomonidan imzolandi.

«Shunday tartib belgilansinki, unga ko‘ra 2004/2025 o‘quv yilidan boshlab agentlik tizimidagi ijodiy va ixtisoslashtirilgan maktablarda fanlarni chet tilida o‘qitish amaliyoti joriy etiladi», — deyiladi hujjatda.

Chet tilida o‘qitilishi mumkin bo‘lgan fanlar qatoriga matematika, fizika, kimyo, biologiya, tabiiy fanlar va informatika kiradi.

Ushbu fanlar o‘qituvchilaridan B2 dan past bo‘lmagan darajada chet tilini bilishini tasdiqlovchi sertifikatlar bo‘lishi talab qilinadi. Pedagoglarga ish haqiga qo‘shimcha to‘lanadi.

Avvalroq «Kursiv» O‘zbekiston fuqarolariga chet tillarini o‘rganish xarajatlari qoplanishini yozgan edi.

Birinchi obyektlar Yangi Toshkent shahrida qurila boshlandi. Bir kun avval ushbu voqeaga bagʻishlangan tantanali marosim boʻlib oʻtdi va unda Oʻzbekiston prezidenti Shavkat Mirziyoyev ishtirok etdi, deb xabar qildi uning matbuot xizmati.

Davlat rahbari birinchi navbatda «Yangi Oʻzbekiston» universiteti va Toshkent davlat pedagogika universiteti kampuslari, milliy teatr va kutubxona binolari, adabiyot muzeyi Alisher Navoiy nomidagi xalqaro ilmiy-tadqiqot markazi barpo etilishini aytib o‘tdi.

«Yangi shahar qurilishi ilm-fan, ma’naviyat maskanlaridan boshlanayotgani bejiz emas. Bular ma’rifatli jamiyat barpo etish g‘oyamizning asosi va namunasi bo‘ladi», – dedi Mirziyoyev. U bu muassasalar uzoq yillar xizmat qilishiga umid bildirdi.

Avvalroq «Kursiv» mamlakat prezidenti 2023-yil mart oyida...

Oʻzbekiston fuqarolari Rossiyaning eng yirik neft kompaniyalaridan biri «Lukoyl» kompaniyasida mehnat faoliyatini amalga oshiradi. Bu to‘g‘risida «Lukoyl» va Oʻzbekiston Kambagʻallikni qisqartirish va bandlik vazirligi o‘rtasida shartnoma imzolandi.

«Lukoyl»ga ishga joylashish uchun nomzodlarning ish tajribasi, malakasi, tibbiy talablari va rus tilini bilishi hisobga olinadi.

Vazirlik huzuridagi Tashqi mehnat migratsiyasi agentligi va Rossiya kompaniyasi hamkorligida Rossiya Federatsiyasiga mutaxassislar joʻnatish masalalarini muvofiqlashtiruvchi ishchi guruh tuziladi. Shuningdek, ularga huquqiy, ijtimoiy va tibbiy masalalarda yordam beriladi.

Avvalroq «Kursiv» «Lukoyl Uzbekistan» neft-gaz kompaniyasi mamlakatdagi eng yaxshi ish beruvchilar qatoridan joy olgani haqida xabar bergan edi.

2024-yilning yanvar-fevral oylarida O‘zbekistonga 17,5 mingdan ortiq yengil avtomobil olib kirildi, deya xabar bermoqda Statistika agentligi.

Bu oʻtgan yilning shu davriga nisbatan qariyb 12,5 ming kishiga koʻpdir.

Import qilingan avtomobillarning umumiy qiymati 383,1 million dollarni tashkil etdi. Har bir avtomobil o‘rtacha 21,8 ming dollarga baholanmoqda.

Avtomobillarning asosiy qismi Xitoy, Janubiy Koreya va Amerika Qo‘shma Shtatlaridan olib kelingan.

Avvalroq «Kursiv» 2024-yilning dastlabki ikki oyida O‘zbekiston 3,5 mingta elektromobil import qilgani haqida yozgan edi.

Oʻzbekistonliklarga pul evaziga jamoat joylarini minalashtirish uchun takliflar tusha boshladi. Oʻzbekiston Ichki ishlar vazirligi (IIV) yurtdoshlarimizdan vahima qilmaslikni va bunday holatlar yuzasidan huquq-tartibot idoralari xodimlariga xabar berishni soʻradi.

«Agarda sizga bu kabi xabarlar kelib tushsa vahimaga tushmang va ularni ochiq chatlar, tanishlaringiz va doʻstlaringizga yubormay, darhol 102 raqamiga qoʻngʻiroq qilib, ichki ishlar organlariga xabar bering», — deyiladi IIV xabarida.

Huquq-tartibot idoralari vakillarining soʻzlariga koʻra, bunday xabarlar koʻpincha Telegram messenjeri orqali yuborilmoqda. Shuningdek, ushbu mazmundagi xabarlar Oʻzbekiston fuqarolaridan tashqari qoʻshni davlatlar fuqarolariga ham joʻnatilganligi aytilmoqda.

Xabarda keltirilishicha, bu mazmundagi xabarlar asosan voyaga yetmaganlarga joʻnatilayotganligi maʼlum qilindi.

Avvalroq «Kursiv» Rossiyaning Moskva...

200 dan ortiq musiqachilar oʻzlarining professional sohalarida sunʼiy intellektdan nomaqbul foydalanishga qarshi ochiq xat imzoladilar, deb xabar berdi Variety.

Maktub Artist Rights Alliance tomonidan tayyorlangan. Unga bir qator mashhur musiqachilar, jumladan Billi Aylish, Nikki Minaj, Stivi Vander, Perl Jem guruhi va Kamila Kabello imzo qo‘yishgan.

Musiqachilar «SI ishlab chiquvchilari, texnologiya kompaniyalari, musiqa platformalari va xizmatlarini san’atkorlarning huquqlarini buzish va qadrsizlantirish uchun sun’iy intellektdan foydalanishni to‘xtatishga» chaqirmoqda.

Gap birinchi navbatda SI orqali musiqadan foydalanish, shuningdek, «ovozni klonlash» va royalti majburiyatlari bo‘yicha to‘lovni chetlab o’tish bo‘yicha texnologiya vositalaridan foydalanish haqida ketmoqda.

Avvalroq «Kursiv» 2023-yilning kuzida Gollivud aktyorlarning raqamli qiyofadoshlari ruxsatsiz foydalanishni...

Oltin narxi ko‘tarilishda davom etmoqda. Respublika Markaziy Banki ma’lumotlariga ko‘ra, 4-aprel kuni besh grammlik oltin quymaning narxi 4,86 mln yetdi.

Aytish joizki, oxirgi o‘n yilliklarda har yili qimmatbaho metallning qiymati 5 foizga oshar edi. Bu yil faqat martni hisobga olsak, oltin taxminan 10% ga o’sdi.

LBMA grafigi bo‘yicha, 3-aprel kuni bir troy unsiya narxi $2,27 mingga (kechki fiksing) ko‘tarildi.

Eslatib o‘tamiz, oltin quymalarni sotib olish uchun Markaziy bank Telegram botidan foydalangan holda, o‘zi uchun yaqin bo‘lgan ro‘yxatdagi banklardan sotib olish mumkin bo‘ladi.

Poytaxtning Shayxontohur tumanidagi Gulbozor mahallasi sayyohlarni jalb etish maqsadida tarixiy qiyofasini saqlab qolgan holda rekonstruksiya qilingan edi. 3-aprel kuni davlat rahbari mahallaga tashrif buyurdi. Bu haqda prezident matbuot xizmati xabar bermoqda.

«Biz xorijiy sayyohlarni buyuk tariximiz bilan koʻproq jalb etishimiz mumkin. Shuning uchun bu yer kecha-yu kunduz faoliyat yuritadigan turistik markazga aylanishi kerak. Bunday etnografik maskanlarni koʻpaytirish, milliy qadriyatlarimizni namoyish etish, turli festivallar oʻtkazish zarur, – dedi Shavkat Mirziyoyev.

Shuningdek, davlat rahbari tomonidan poytaxt mehmonlariga milliy qadriyatlarimizni namoyish etish maqsadida mahallada festivallar oʻtkazishni taklif qilindi.

Mahallani rekonstruksiya qilish jarayonida kiraverishdagi tarixiy darvoza qayta tiklandi. Shu bilan birga ustunlari oʻyilgan...

Xitoyning Buick Velite 6 va BYD e2 elektromobillari narxi $2000 oshdi, deb xabar berdi Autostrada.uz.

Ayni kunlarda ushbu mashinalarning narxi $19,5 minggacha koʻtarildi, ilgari ularni 17-18 mingga sotib olish mumkin edi. Endi onlayn platformalarda past narxlarda avtomobillar qolmadi, avtosalonlarda va avtomobil bozorida narxlar tez oshib bormoqda.

Bunday oʻzgarishlar Shavkat Mirziyoyevning BYD elektromobillari iqlim va yoʻl sharoitiga mos kelmasligi sababli importni cheklash toʻgʻrisidagi qarori fonida roʻy bermoqda.

Eslatib oʻtamiz, Xitoyning BYD kompaniyasi vakili Ivan Sao aytishicha, BYD rusumli avtomashinalarning Oʻzbekistonga norasmiy olib kirilishi ularning mahalliy iqlim sharoitiga moslashmagan.

Norasmiy dilerlardan olingan elektromobillarda qisqa muddatli kafolat bilan yoki umuman kafolatsiz...

Kecha Qozog‘istonning Aqto‘be viloyatida yo‘l-transport hodisasi yuz berdi: Samara-Chimkent trassasida Toyota-Alphard rusumli va Volvo rusumli yuk avtomobili to‘qnashib ketdi. Birinchi avtomashinada sakkiz nafar O‘zbekiston fuqarosi bo‘lgan, ularning barchasi halok bo‘lgan, deb xabar berdi mamlakatimiz Favqulodda vaziyatlar vazirligi (FVV).

«Oʻzbekiston respublikasi prezidenti Shavkat Miromonovich Mirziyoyevning topshiriqlariga asosan, baxtsiz hodisada vafot etganlarni Mudofaa vazirligining maxsus havo borti orqali Vatanga olib kelish va dafn etish marosimlarini oʻtkazish boʻyicha Hukumat komissiyasi tuzilib, kerakli barcha zarur chora-tadbirlar koʻrilmoqda» — deyiladi FVV xabarida.

O‘zbekiston Favqulodda vaziyatlar vazirligi qozog‘istonlik hamkasblari bilan fojia sabablarini o‘rganishda hamkorlik qilmoqda.

«Kursiv» fevral oyi boshida Toshkentda...

Bugun, 4-aprel kuni respublika hududlarida yog‘ingarchilik kutilmaydi. Havo iliqlashadi, kunduzi 20-25 iliq bo‘ladi, kechasi esa 5-10 daraja iliq bo‘ladi, deb xabar beradi O‘zgidromet.

Toshkent shahrida havo biroz bulutli bo‘ladi, yog‘ingarchilik kutilmaydi. Havo harorati kunduzi 19-21 daraja iliq va kechasi esa 7-9.

Tog‘li hududlarda havo bulutli bo‘ladi, yomg‘ir, qor yog‘maydi. Qor ko‘chishi xavfi bor. Havo harorati kunduzi 9-14 iliq va kechasi 1- 6 daraja iliq bo‘ladi. 

So‘nggi haftalarda so‘mning dollarga nisbatan sezilarli darajada devalvatsiyasi kuzatildi. O‘tgan hafta, 27-mart kuni dollarning rasmiy kursi ilk bor 12 600 so‘m darajasidan o‘tib ketdi va o‘sha vaqtdan beri deyarli uzluksiz o‘sib bormoqda.

3-aprel kuni Markaziy bank Amerika valyutasining qiymatini 12 668 so‘m etib belgilab, uni 34,48 so‘mga oshirdi. «Kursiv» ekspertlardan chet el valyutasi nima uchun bunchalik tez ko‘tarilayotgani va bunday dinamika kimga foyda keltirayotganini so‘radi.

O‘sish sabablari

Kap Depo investitsiya kompaniyasi moliyaviy tahlilchisi Shodibek Kenjaevning fikricha, hozircha Amerika valyutasi o’sishining asosiy omili iqtisodiyotning umumiy holati, importning eksportga nisbatan o’sishi va davlat byudjeti taqchilligidir.

 «Masalan...

Buxoro viloyati Jondor tumanidagi Zarafshon daryosi ustidan oʻtgan koʻprikdan yuk mashinasi oʻtayotganda koʻprik qulab tushdi. Bu haqda Jondor tumani hokimligi matbuot xizmati xabar berdi.

Tuman hokimligining xabar berishicha, yuz bergan voqea natijasida vafot etganlar yoʻq. Shuningdek, hokimlik tomonidan tuzilgan ishchi guruh mazkur holat boʻyicha oʻrganishlarni olib bormoqda.

Avvalroq «Kursiv» Samarqand viloyatidagi koʻprik mavsumiy yomgʻir tufayli ishdan chiqqani haqida xabar bergan edi.

Jahon oltin kengashi (WGC) hisobotiga koʻra, joriy yilning fevral oyida Oʻzbekiston Markaziy banki 12 tonna oltin sotib, ushbu davrda eng koʻp qimmatbaho metall sotgan tashkilotga aylandi.

Shuningdek, oʻtgan oyda Iordaniya Markaziy banki 4 tonna oltin sotgan.

Oltinning asosiy xaridorlari boʻlsa, Xitoy Xalq banki – 12 tonna, Qozogʻiston Milliy banki – 6 tonna boʻldi. Shuningdek, Turkiya Markaziy banki oltin zaxiralarini 4 tonnaga oshirdi.

Umumiy hisobda, markaziy banklar fevral oyida 19 tonna oltin sotib oldi, bu mart oyiga nisbatan 58 foizga kamaydi.

Statistika agentligi maʼlumotlariga koʻra, yanvar-fevral oylarida Oʻzbekiston $1,3 milliard oltin eksport qilgan, bu oʻtgan yilning shu davriga nisbatan...

Prezident Shavkat Mirziyoyev Yunusobod tumaniga $600 million sarmoya jalb etish, 35 mingda yangi ish oʻrni yaratish imkoniyati mavjudligini ta’kidladi.

Shahar hokimiga xorijdagi yirik shaharlarning sanoat, infratuzilma, tadbirkorlik, kommunal sohalaridagi ijobiy tajribasini Toshkentda joriy qilish topshirildi.

Bungacha Mirziyoyev Yunusobod tumani misolida aholi daromadlarini oshirish borasidagi ishlar muhimligini taʼkidlagan edi.

Prezident aholi daromadini oshirish boʻyicha qanday ishlash zarurligini Yunusobod tumani misolida tushuntirdi.

«Soʻnggi yetti-sakkiz yilda poytaxtda, shu jumladan Yunusobodda katta oʻzgarishlar boʻldi. Masalan, bu davrda tumanga 1 milliard 700 million dollar xorijiy investitsiya kiritildi, korxona, savdo va xizmat koʻrsatish obyektlari 3,5 mingtaga, ish oʻrinlari 20 mingtaga koʻpaydi», – dedi davlat rahbari.

Avvalroq...

3-aprel kuni O‘zbekiston Respublika valyuta birjasida dollarning o‘rtacha tortilgan qiymati 34,48 so‘mga o‘sdi va 12 668,00 so‘mni tashkil qildi.

Ta’kidlash lozimki, dollarning kursi 2024-yilda ilk bor 30 so‘mdan yuqoriga ko‘tarildi.

Bugun mamlakatning tijorat banklari dollarni 12 570 – 12 630 so‘mdan xarid qilishmoqda va 12 650 – 12 720 so‘mdan sotishmoqda.

Eslatib o‘tamiz, 2-aprel kuni AQSh valyutasining rasmiy kursi 11,48 so‘mga pasaygan edi.

Amerikalik rejissyor, «Yulduzlar jangi» mediafranshizasi asoschisi Jorj Lukas Forbes talqini bo‘yicha 2024-yil uchun 14 ta eng badavlat yulduzlar reytingida birinchi o‘rinni egalladi.

Lukasning boyligi $5,5 mlrd baholangan.Aytish joizki, 2012-yilda u o‘zining LucasFilm kompaniyasini Disneyga $4 mlrd ko‘proqqa sotgan va bu uning kapitalining asosiy qismini tashkil qiladi.

Reytingning ikkinchi o‘rnida uning professional hamkasbi Stiven Spilberg $4,8 mlrd boyligi bilan joy olgan.

Kuchli uchlikni 3,2 milliard dollar bilan amerikalik basketbolchi Maykl Jordan yopdi.2010-yilda sportchi Charlotte Hornets basketbol jamoasini $175 mln sotib olgan edi.13 yildan keyin esa uni $3 mlrd sotdi.

Avvalroq «Kursiv» 2023-yilda yuqori maosh oladigan aktyorlar reytingida Adam Sendler yetakchilik...

Oʻzbekistonda oʻn yoshdan oshgan fuqarolarning 99,1 foizi telefondan foydalanadi, deya xabar berdi Statistika agentligi.

Agentlikning qayd etishicha, 2021 yilda bu ko‘rsatkich 95,7 foiz, 2022 yilda esa 97,8 foizni tashkil etgan.

Eslatib o‘tamiz, 2023-yilning to‘qqiz oyida O‘zbekistonga 2,6 millionga yaqin telefon import qilingan. Umportning moliyaviy hajmi — 178,2 mln dollar.

Avvalroq «Kursiv» O‘zbekistonda 420 dona smartfonning noqonuniy savdosining oldi olingani haqida yozgan edi.

Oʻzbekiston prezidenti Shavkat Mirziyoyev Amir Temur shoh koʻchasidagi davlat idoralari binolarini rekonstruksiya qilib, tadbirkorlarga berish boʻyicha topshiriq berdi. Bu haqda davlat rahbari xalq deputatlari shahar kengashining navbatdan tashqari sessiyasida aytib oʻtdi.

Davlat rahrabi bu Toshkent markazida korxonalar soni va ish oʻrinlarining koʻpaytirishiga olib kelishini taʼkidladi.

«Amir Temur shoh koʻchasi soʻnggi yetti yilda tadbirkorlar uchun eng jozibador koʻchaga, hududni oʻsish nuqtasiga aylandi. Lekin koʻchani 6 kilometr qismida eskirgan qiyofadagi 3-4 qavatli 8 ta davlat idoralari joylashgan», — dedi davlat rahbari.

Prezidentning soʻzlariga koʻra, bu hududlarni savdo nuqtalari, kafelar, ofislar va mehmonxonalar tashkil etish mumkin. Bunday loyihalarni bank filiallari joylashgan joyda...

Toshkent shahrida 979 ta yer uchastkasini auksion orqali sotish va 175 gektar yerni tadbirkorlarga berish orqali yangi loyihalarni amalga oshirish mumkin, dedi O‘zbekiston prezidenti Shavkat Mirziyoyev xalq deputatlari shahar Kengashi sessiyasida so‘zlagan nutqida.

Davlat rahbari mahallaning iqtisodiy zaminini mustahkamlash, aholi daromadlarini oshirish bo‘yicha chora-tadbirlarni amalga oshirish muhimligini ta’kidladi.

Davlat rahbari poytaxtdagi korxona va tashkilotlar tomonidan 98 ming bo‘sh ish o‘rni taklif etilganini qo‘shimcha qildi. Shuningdek, Yangihayot tumanida ishga tushiriladigan «Yangi avlod» sanoat zonasi tomonidan qo‘shimcha ish o‘rinlari yaratiladi.

Shavkat Umurzoqovning Toshkent shahri hokimi lavozimiga tayinlanishiga  prezident izoh berdi. Mirziyoyevning soʻzlariga koʻra, poytaxt hokimi va hokimiyat vakillari sarmoya...

Istanbuldagi tungi klubda yuz bergan yongʻinda qurbonlar orasida oʻzbekistonliklar yoʻq ekanligi maʼlum qilindi. Bu haqda Oʻzbekistonning Istanbuldagi Bosh konsulxonasi xabar berdi.

Koʻngilochar maskan taʼmirlash ishlari tufayli faoliyat yuritmayotgan boʻlgan. Dastlabki maʼlumotlarga koʻra, yongʻin oqibatida 29 nafar ishchi halok boʻlgan.

Yongʻinni bartaraf etishga 80 nafardan ortiq oʻt oʻchirish xodimlari va 30 ga yaqin maxsus texnikalar jalb qilingan.

BBC xabariga koʻra, klub egasi va pudratchi shahar rasmiylarini taʼmirlash ishlarini olib borayotgani haqida ogohlantirmagan. Hodisa yuzasidan sakkiz kishi qo‘lga olindi.

Avvalroq «Kursiv» Oʻzbekiston hukumati yongʻinlar uchun jazoni kuchaytirish niyatida ekani haqida xabar bergan edi.

O‘zbekiston Tashqi ishlar vazirligi Suriyaning Damashq shahridagi Eron konsulligiga uyushtirilgan hujumni qoraladi. Murojaat matnini vazirlik matbuot kotibi Axror Burxanov o‘zining Telegram’dagi kanalida e’lon qildi.

«Xorijiy davlatlarning diplomatik va boshqa vakolatxonalariga hujum qilinishini mutlaqo qabul qilib bo‘lmas holat hamda xalqaro diplomatik huquq asoslari va tamoyillarini eng qo‘pol ravishda buzilishi deb hisoblaymiz». — deyiladi bayonotda.

Havo hujumida halok bo’lganlarning umumiy soni yetti kishini tashkil etdi. Ularning barchasi Islom inqilobi qo‘riqchilari korpusi (IIQK) zobitlari edi.

The New York Times gazetasining yozishicha, diplomatik missiya binosiga havo hujumi ortida Isroil turgan. Isroil harbiylarining nishoni havo hujumida halok bo‘lgan IRQK...