Yangiliklar

Angliya Premyer-ligasining 37-turi doirasidagi o‘yinda «Manchester Siti» o‘z maydonida «Bornmut»ni ishonchli tarzda 3:1 hisobida mag‘lub etdi.

Uchrashuvning birinchi bo‘limidayoq mezbonlar tashabbusni qo‘lga oldi: 15-daqiqada Omar Marmush uzoq masofadan bergan zarbasi bilan hisobni ochdi, 38-daqiqada esa Ilkay Gyundoganning uzatmasidan so‘ng Bernardu Silva hisobni 2:0 ga yetkazdi.

Kovachich qizil kartochka oldi, biroq «Siti» ustunlikni saqlab qoldi

Ikkinchi bo‘limning 68-daqiqasida Mateo Kovachich Evansonga nisbatan qo‘pollik qilgani uchun qizil kartochka olib maydondan chetlatildi va jamoasini bir kishilik kamlikda qoldirdi. Shunga qaramay, Gvardiola shogirdlari o‘yin nazoratini o‘z qo‘lida saqlab qoldi.

Oradan bir daqiqa o‘tib, «Manchester Siti» sardori Kevin De Bryuyne maydonni tark etdi. Bu uning...

Bugun, 21-may kuni O‘zbekiston bo‘ylab havo biroz bulutli, ammo yog‘ingarchilik kutilmaydi. Aksariyat hududlarda osmon ochiq, quyoshli ob-havo kuzatiladi, deya xabar bermoqda «O‘zgidromet».

Toshkent shahrida havo ochiq bo‘ladi, harorat kunduz kuni 35-37 darajagacha ko‘tariladi.

Qoraqalpog‘iston va Xorazmda shamol kuchayishi va chang-to‘zonlar kuzatilishi mumkin. Harorat kechasi 17-22, kunduzi 32-37 darajada bo‘ladi.

Buxoro va Navoiyda issiq ob-havo kuzatiladi, harorat 40 darajagacha ko‘tariladi.

Toshkent, Sirdaryo, Jizzax va Samarqand viloyatlarida harorat 38 darajagacha yetadi.

Qashqadaryo va Surxondaryoda ham kunduzgi issiqlik 40 darajaga yaqinlashadi.

Farg‘ona vodiysida havo issiq, lekin biroz yengil shamol esadi.

Tog‘li hududlarda esa salqin ob-havo kuzatiladi – kunduzi 23-28 daraja atrofida...

Pfizer va Xitoyning 3SBio kompaniyasi saraton kasalligiga qarshi yangi preparat – SSGJ-707 ni ishlab chiqish va global bozorga chiqarish bo‘yicha hamkorlik shartnomasini imzoladi. Bu haqda Investing nashri ma’lum qildi.

Unga ko‘ra, ushbu dori ikki maqsadga yo‘naltirilgan bispesifik antitana bo‘lib, PD-1 va VEGF ga qarshi qo‘llaniladi. Hozirda u Xitoyda o‘pka, ichak va ayollar saratoni turlarini davolash uchun klinik sinovdan o‘tmoqda.

Shartnoma Pfizerga Xitoy tashqarisida ushbu preparatni tijoratlashtirish huquqini beradi, Xitoy ichida esa kompaniyaga opsion (tanlov huquqi) taqdim etiladi. 3SBio kompaniyasiga dastlabki to‘lov sifatida $1,25 mlrd ajratiladi. Shuningdek, ma’lum bosqichlarga erishilganda qo‘shimcha to‘lovlar $4,8 mlrdgacha yetishi mumkin.

Kompaniya, shuningdek, 3SBio aksiyalariga...

TBC Uzbekistan raqamli bank ekotizimi sun’iy intellekt asosidagi texnologiyalar orqali mijozlarga xizmat ko‘rsatishni boshladi. Bu haqda bank vakili Kursiv Uzbekistan nashriga ma’lum qildi.

2024-yilda bank o‘zbek tiliga mos nutqni tanish va sintez qilish texnologiyalarini ishlab chiqib, ularni qo‘ng‘iroqlarda ovozli SI-agent sifatida joriy etdi. Bu agentlar yuklamaga qarab avtomatik ravishda ishga tushadi yoki to‘xtaydi, mijozlar esa ularni ko‘pincha inson deb o‘ylashadi.

2025-yil boshida TBC ikki tilli katta til modelini ishlab chiqdi va mahsulotlarni sotish jarayonida muvaffaqiyatli qo‘llay boshladi. Model mijozlar so‘rovlarini tushunib, aniq va tezkor javoblar beradi. Bu esa savdolar hajmining sezilarli o‘sishiga olib keldi, reklama xarajatlarisiz mijozlar sonini oshirdi.

TBC...

Budapeshtdagi tarixiy «Karmelita» saroyida Shavkat Mirziyoyev va Vengriya bosh vaziri Viktor Orban o‘rtasida tor doirada va delegatsiyalar ishtirokidagi hamkorlik muzokaralari tashkil etildi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda ikki davlat o‘rtasidagi strategik sheriklikni yanada chuqurlashtirish, savdo, investitsiya, moliya, transport va madaniyat sohalarida hamkorlikni kengaytirish masalalari muhokama qilindi.

Yetakchilar o‘zaro savdo hajmini 500 mln yevroga yetkazish, qo‘shma loyihalarni amalga oshirish, «OTP» banki faoliyatini kengaytirish, Sirdaryoda parrandachilik klasterini barpo etish kabi tashabbuslarni ilgari surdi. Yevropa kompaniyalari uchun sanoat zonasi tashkil etish va ta’lim almashinuvi bo‘yicha ham yangi kelishuvlarga erishildi.

Madaniy-gumanitar sohada esa «Lazgi» baletining Budapeshtda sahnalashtirilishi...

Chery kompaniyasi 2025-yilning oxirida iCar subbrendi ostida yangi V27 gibrid yo‘ltanlamasini taqdim etadi. Bu haqda CarNewsChina ma’lum qildi.

Burchakli dizayni bilan Mercedes-Benz G-Class’ni eslatadigan ushbu model allaqachon «xitoycha G-Class» deb nom olgan.

V27 1,5 litrli turbomotor va elektromotorlar bilan ishlovchi EREV gibrid tizimi bilan jihozlanadi. Elektrda 200 km, umumiy yurish zaxirasi esa 1 ming km.dan oshadi. Model to‘liq holatda 4,8 metr uzunlikda bo‘ladi.

Avtomobil Auto Shanghai 2025 ko‘rgazmasida taqdim etilishi kutilmoqda. Uning Xitoydagi narxi 200 – 250 ming yuanni ( $27, 7 mingdan $34,6 minggacha) tashkil etadi.

Eslatib o‘tamiz, avvalroq Chery avtosalonlari endi mijozlarga odamsimon robotlar bilan xizmat qilishi...

Milliy statistika qo‘mitasi ma’lumotiga ko‘ra, 2025-yilning yanvar – mart oylarida O‘zbekistonda jami 198 089 ta tug‘ilish holati qayd etildi. Bu ko‘rsatkich o‘tgan yilning shu davriga nisbatan 3,7 foizga kamaygan.

Shu davrda 193 370 ta holatda yakka chaqaloqlar tug‘ilgan. Egizaklar soni esa 4 582 tani tashkil etdi. Bundan tashqari, 137 ta holatda uch yoki undan ortiq chaqaloq bir vaqtda dunyoga kelgan.

Eslatib o‘tamiz, avvalroq Oʻzbekistondan xorijga koʻchib ketayotganlar soni 8,3 foizga kamaygani haqida xabar bergan edik.

Toshkent metropolitenining TTZ massiviga qadar yo‘nalgan yangi yer usti liniyasi qurilishi joriy yilning 15-iyunida boshlanadi. Bu haqda transport vaziri Ilhom Mahkamov ma’lum qildi.

Rejaga ko‘ra, qurilish ishlari 2026-yil oxirigacha yakunlanadi. Shuningdek, Toshkentni Yangi Toshkent bilan bog‘laydigan yangi metro liniyasi qurilishi ham nazarda tutilgan. U «Do‘stlik» bekatidan boshlanadi.

Vazirning so‘zlariga ko‘ra, uzunligi 10 kmdan ortiq bo‘lgan – «Pushkin» bekatidan TTZ massivi tomon yo‘nalgan liniya loyihasi allaqachon taqdim etilgan. Bu yo‘nalish Chirchiq va G‘azalkentdan har kuni qatnovchi yo‘lovchilar oqimini inobatga olgan holda belgilangan.

Eslatib o‘tamiz, avvalroq Shavkat Mirziyoyevga Toshkent metropolitenini kengaytirish va rivojlantirish borasidagi loyihalar taqdim etilgan edi.

Raqobat qo‘mitasining xabar berishicha, «Hududgazta’minot» AJ tomonidan HGT mobil ilovasining yangilangan va takomillashtirilgan versiyasi joriy etildi.

Bunga so‘nggi vaqtlarda fuqarolar tomonidan HGT mobil ilovasi orqali gaz sarfini  kuzatish va boshqarish imkoniyatlaridan foydalanishda muayyan cheklovlar yuzaga kelgani sabab bo‘lgan. Xususan, ilovadan to‘liq foydalanish uchun bank plastik kartasini majburiy tarzda bog‘lash talabi qo‘yilgani, ushbu kartaga ega bo‘lmagan foydalanuvchilar uchun ma’lumotlarni olish imkoniyatini cheklab qo‘ygandi.

Holat yuzasidan qo‘mitaga ko‘plab murojaatlar kelib tushgan va holat o‘rganilgan. Natijada yangilangan versiyada cheklovlar olib tashlanib, foydalanuvchilar kundalik va oylik gaz sarfi to‘g‘risidagi ma’lumotlarni hech qanday bank kartasini bog‘lamasdan erkin tarzda ko‘rish imkoniyatiga ega bo‘ldi.

Avvalroq Kursiv Uzbekistan Tashqi savdo shartnomalari endi faqat «E-kontrakt» orqali yuritilishi haqida xabar bergandi.

Shavkat Umurzoqov Obodonlashtirish boshqarmalariga 2 milliard 44 million so‘m ajratdi. Bu haqda shahar hokimining qarori e’lon qilindi.

Mablag‘lar temir panjaralar o‘rnatish va qavariq piyodalar yo‘laklarini tashkil etishga yo‘naltiriladi. Unga ko’ra, ko‘cha va yo‘llar bo‘ylab temir panjara o‘rnatish uchun deyarli 1,5 mlrdga yaqin mablag‘ ajratiladigan.

Voyaga yetmaganlar o‘rtasida yo‘l transport hodisalarining oldini olish
maqsadida qavariq piyodalar o‘tish joylarini tashkil qilish uchun 588 mln so‘m ajratilmoqda.

Tegishli takliflar «Toshkent Invest kompaniyasi» AJ Kuzatuv kengashiga kiritiladi.

Avvalroq Kursiv Uzbekistan Davlat budjetidan davolash yo‘llanmalari uchun 1,1 trln so‘m ajratilgani haqida yozgandi.

Krishtianu Ronalduning o‘g‘li, 14 yoshli kichik Krishtianu Ronaldu Portugaliya terma jamoasi safidagi ilk sovrini bilan tushgan suratini e’lon qildi. Bu haqda Сhempionat.com nashri ma’lum qildi.

U 15 yoshgacha bo‘lgan terma jamoa bilan xalqaro turnirda qatnashib, finalda Xorvatiyaga qarshi o‘yinda ikkita gol urdi va jamoasining 3:2 hisobidagi g‘alabasiga hissa qo‘shdi. Yevropaning yetakchi klublari, jumladan, «Real Madrid» ham yosh futbolchining harakatlarini diqqat bilan kuzatmoqda.

Avvalroq Kursiv Uzbekistan Yurgen Klopp Shomurodovga murabbiy bo‘lmasligi haqida yozgan edi.

Jahon banki (JB) O‘zbekistonga raqamlashtirishni rivojlantirish uchun $35 mln miqdorida imtiyozli kredit ajratadi, deb xabar qildi bank matbuot xizmati. Hukumat ham loyihani moliyalashtirish maqsadida $5,7 mln yo‘naltiradi.

Ajratilgan mablag‘lar O‘zbekiston fuqarolari va korxonalari uchun geofazoviy ma’lumotlardan foydalanish imkoniyatini yaxshilash loyihasiga yo‘naltiriladi.

Bank ma’lumotlariga ko‘ra, respublikada jadal urbanizatsiya yer resurslari va davlat xizmatlariga bosimni keltirib chiqargan. Bu ham geografik ma’lumotlarning mavjudligiga salbiy ta’sir ko‘rsatdi.

Loyihani amalga oshirishda Kadastr agentligi javobgar.

Shuningdek, dastur doirasida respublikada yangi xaritalash usuli sinovdan o‘tkaziladi. Samarqandning 3D modeli va shahar muhandislik kommunikatsiyalari reyestri yaratiladi.

Eslatib o‘tamiz, Kursiv Uzbekistan nashri JB O‘zbekiston elektr tarmoqlarini modernizatsiya qilish...

Honor kompaniyasi tomonidan Honor Magic V3 smartfoni taqdim etildi. Galaxy S25 Edge’dan ham yupqaligi bilan ahamiyatli.

Honor taqdim etgan reklamada o‘z smartfonini «qo‘lga tushmaydigan darajada yupqa» deb atadi. Unda yangi model – Samsung Galaxy Edge’ga o‘xshash smartfon tasvirlangan va quyidagi savol yozilgan: «Agar bunga murosa qilishga to‘g‘ri kelsa, nega ozish kerak?»

Solishtirish uchun ochilganda qalinligi 4,35 mm bo‘lgan Honor V3 uch tomonlama orqa kamera bilan jihozlangan bo‘lib, u periskop obyektivi va 3,5 marta optik zumga ega modulni o‘z ichiga oladi.

Modelning narxi hali aniq emas. Shuningdek, kompaniya yangi smartfonning texnik xususiyatlarini to‘liq ochiqlagan emas.

Magic V3 batareyasining sig‘imi...

Yuqori sifatli suratga olish imkoniyati smartfon tanlashda hal qiluvchi omillardan biriga aylangan. 2025-yilda bozorda turli narx toifalarida taqdim etilgan, biroq surat sifati bo‘yicha eng kuchli TOP – 5 kamerafonlar ma’lum qilindi.

Honor Magic7 Pro

Smartfon 50+200+50 MP asosiy kamera tizimi, AI algoritmlar bilan yorqin suratlar, 50 MP selfi kamera va 3 karra zum bilan ta’minlangan. 5850 mA/soat sig‘imli akkumulyator va 100 Vt tez quvvatlash uni kun bo‘yi faol ishlatish uchun ideal qiladi.

Google Pixel 9 Pro XL

Google’ning suratga olishda yuqori natijalar ko‘rsatadigan premium modeli. 50+48+48 MP kameralar blokida 5 karra optik zum va ilg‘or surat qayta ishlash imkoniyatlari...

Xitoyda Hedmos 06 avtomobili rasman sotuvga chiqarildi. U bir qator premium klassdagi avtomobillar imkoniyatini taqdim etadi.

U o‘ziga xos uslubni yaratish uchun o‘tkir chiziqlar, dinamik egri chiziqlar, oqlangan yoylar va tarang yuzalarni o‘z ichiga oladi.

A+ sinfidagi sof elektr SUV sifatida Hedmos 06 uzunligi 4670 mm, kengligi 1900 mm va balandligi 1617 mm, g‘ildirak bazasi 2775 mmni tashkil etadi.

Hedmos 06 avtomobilining ichki sig‘imi minimalist, texnologiyaga yo‘naltirilgan dizaynga ega. U nozik to‘liq LCD asboblar paneli va o‘ziga xos ikki simli rulni o‘z ichiga oladi. Markaziy konsol suzuvchi sensorli ekran va ko‘p qatlamli dizayn bilan ajralib turadi. U vites o‘zgartirish...

Honor 200 Pro smartfoni flagmanlarga xos xususiyatlarga ega bo‘lsa-da, narxi nisbatan arzon. Kursiv Uzbekistan Palach nashriga tayanib, bu smartfon sotib olishga arziydimi yoki yo‘qligi haqida ma’lumotlarni tayyorladi.

1. Yuqori sifatli AMOLED ekran
6,78 dyuymli egilgan AMOLED displey 1,5K o‘lcham, 120 Gs yangilanish tezligi va 1100 nit yorqinlik bilan jihozlangan bo‘lib, tasvirlar tiniqligi va silliqligi bilan ajralib turadi.

2. Flagmanga yaqin kuchli protsessor
Snapdragon 8s Gen 3 chipseti og‘ir o‘yinlar va murakkab ilovalarni muammosiz ishlatishga imkon beradi. Bu model yuqori unumdorlikni maqbul narxda taqdim etadi.

3. Katta xotira hajmi
Standart to‘plamda 12 GB operativ va 512 GB ichki xotira taklif etiladi. Bu foydalanuvchilar...

Yevropa kompaniyalariga mo‘ljallangan maxsus sanoat zonasi tashkil etilishi rejalashtirilmoqda. Bu haqda prezident matbuot xizmati xabar berdi.

Mazkur hududni boshqarish bo‘yicha vakolatlar Vengriyaning «Inpark» kompaniyasiga topshiriladi.

Prezidentning Budapeshtga rasmiy tashrifi doirasida Vengriyaning yetakchi kompaniya va bank rahbarlari bilan bo‘lib o‘tgan uchrashuvda sanoat va infratuzilma sohalarida bir qator yirik qo‘shma loyihalarni amalga oshirish bo‘yicha kelishuvlarga erishildi.

Jumladan, yo‘l va transport tizimini yangilash, logistika markazlari hamda kommunal infratuzilma qurish, shuningdek, qurilish, to‘qimachilik, kimyo va farmatsevtika mahsulotlarini ishlab chiqarishga oid loyihalar muhokama qilindi.

Avvalroq Kursiv Uzbekistan Prezidentning rasmiy tashrif bilan Vengriyaga borgani haqida yozgandi.

Tesla kompaniyasining ishga tushirilishi rejalashtirilgan «Robotaksi» loyihasi allaqachon keng jamoatchilik tanqidlariga uchramoqda. Bu haqda 32cars nashri yozmoqda.

Xorij nashrlari loyihani ishga tushirish marosimi yopiq tarzda bo‘lib o‘tishini aytmoqda. Tesla avtomobillariga xavfsizlik choralarini, jumladan, telemetriya va cheklangan kirishni o‘rnatgan.

Kompaniya o‘z texnologiyalari faol rivojlanayotganini ta’kidlamoqda. Xavfsizlik bo‘yicha so‘nggi hisobotga ko‘ra, avtopilot yoqilgan avtomobillar mamlakatdagi o‘rtacha ko‘rsatkichdan qariyb 10 baravar kamroq baxtsiz hodisalarga uchraydi.

Eslatib o‘tamiz, kursiv Uzbekistan nashri Tesla raqsga tushayotgan Optimus robotining videosini e’lon qilgani haqida yozgan edi.

O‘zbekiston valyuta birjasi ma’lumotlariga ko‘ra, 20-may kuni dollarning o‘rtacha kursi 12 892,91 so‘mni tashkil qilib, oldingi kun bilan solishtirganda 34,76 so‘mga oshdi.

Dollar kursi bu haftani pasayish bilan boshladi: 19-may kuni 58,95 so‘mga tushib, 12 858,15 so‘mni tashkil qildi.

Shuningdek, Markaziy bank tomonidan boshqa valyutalar kurslari ham e’lon qilindi. Unga ko‘ra yevro 6,98 soʻmga oshib, 14 512,26 soʻmga yetdi. Rossiya rubli esa 0,63 soʻmga yuqorilab, 160,34 soʻmga teng boʻldi.

Mamlakatdagi tijorat banklari 20-may kuni bir AQSh dollarini 12 795 – 12 855 soʻmdan sotib olayotgan boʻlsa, 12 860 – 12 955 soʻm oraligʻida sotmoqda.

Kursiv Uzbekistan’ga sharh bergan tahlilchilarning fikricha, yil oxirigacha...

Seshanba kuni Vengriya parlamenti mamlakatni Xalqaro jinoiy suddan (XJS) chiqarish jarayonini boshlaydigan qonunni tasdiqladi. Bu qarorni 134 deputat qo‘llab-quvvatladi, 37 nafari qarshi chiqqan.

Vengriya hukumatiga ko‘ra, XJS «siyosiy qurol»ga aylangan. Budapesht xalqaro tashkilotlardan davlatlarga bosim o‘tkazish uchun foydalanilishini istamaydi.

Eslatib o‘tamiz, Vengriya XJSdan chiqish niyatini 3-aprel kuni Isroil bosh vaziri Binyamin Netanyaxuning Budapeshtga tashrifidan so‘ng e’lon qilgan edi. Netanyaxu G‘azodagi harbiy jinoyatlarda ayblanib hibsga olish uchun XJS orderiga ega.

Eslatib o‘tamiz, Kursiv Uzbekistan nashri Tramp Netanyaxuga qarshi order sabab Xalqaro jinoiy sudga sanksiyalar joriy qilgani haqida yozgan edi.

Go‘sht narxining oshishiga qo‘shni davlatlarning eksportga qo‘ygan vaqtinchalik cheklovlari sabab bo‘lgan. Bu haqda Markaziy bank pul-kredit siyosatiga bag‘ishlangan hisobotida ma’lum qildi.

Unga ko‘ra, Qozog‘iston o‘tgan yilning 14-sentabrdan shu yilning 14-martgacha qoramol va mayda shoxli hayvonlarning eksportini cheklagandi. Bu cheklov 9-apreldan boshlab yana 6 oyga uzaytirildi.

Qirg‘iziston esa shu yilning 31-yanvaridan boshlab qoramol, mayda shoxli hayvonlar va otlarning uchinchi davlatlarga eksportini vaqtincha to‘xtatgan.

Birinchi uch oyda O‘zbekiston go‘sht va go‘sht mahsulotlari importini 65,1% ga oshirib, $138,1 mlnga yetkazdi. Mart oyida go‘sht mahsulotlari narxi 6,1% ga, yillik hisobda esa 21,6% ga oshdi. Aprelda esa mol go‘shti (filedan tashqari) 1,84%, qo‘y go‘shti...

Britaniyaning Twisted tuning kompaniyasi tomonidan klassik Volkswagen Beetle’dan ilhomlangan yangi loyiha – TBug avtomobili taqdim etildi.

TBug loyihasi 1960-yillardan 1980-yillargacha ishlab chiqarilgan eski Volkswagen Beetle modeliga asoslangan. Twisted yo‘ldan tashqarida yurish qobiliyatini yaxshilash uchun og‘ir yuklarga chidamli shinalari qo‘shilgan. Ishlov berishni yaxshilash uchun shassi kuchaytirildi va tormozlar yangilangani aytilmoqda. Dvigatel quvvati ikki baravar oshirildi va hozir taxminan 80 ot kuchiga yetkazilgan.

Avtomobilning o‘ziga xos jihati shundaki, har bir avtomobil maxsus ishlab chiqariladi. Uning bir xil varianti bo‘lmaydi.

Modelning rasmiy taqdimoti 29-may kuni Londondagi yangi Twisted salonida bo‘lib o‘tadi.

Ushbu loyihaning yaratilishiga sabab bo‘lgan Volkswagen Beetle avtomobilining texnik xususiyatlari...

Huawei kompaniyasi Qingyun seriyasidagi yangi tijoriy noutbuk – Qingyun HM940 modelini rasman taqdim etdi. Bu haqda kompaniya rasmiy sahifasida xabar berdi.

Bu model kompaniyaning o‘zida ishlab chiqilgan HarmonyOS operatsion tizimi asosida ishlaydi. Bungacha Qingyun liniyasidagi qurilmalar, asosan, Windows yoki Linux tizimlarida ishlagan edi.

Noutbuk tashqi ko‘rinishi oldingi Qingyun modellari bilan juda o‘xshash bo‘lib, Clear Blue (och ko‘k) va Inkstone Black (qora) rang variantlarida taqdim etildi. Yangi modelda AI tugmasi mavjud bo‘lib, bu qurilmada sun’iy intellekt imkoniyatlari kengaytirilganidan dalolat beradi.

Shuningdek, «ko‘z-harakat koordinatsiyasi» texnologiyasi yordamida kursor siz qaragan ekranda harakatlanadi. «Super maxfiylik tugmasi» yordamida kamera, mikrofon va geolokatsiyani bir zumda...

Sobiq «Liverpul» jamoasi murabbiyi Yurgen Klopp Rimda ishlamasligi aniq bo‘ldi. Bu haqda La Stampa nashri ma’lum qildi.

Rimda Yurgen Kloppning «Roma» klubiga bosh murabbiy sifatida kelishi haqidagi mish-mishlar poytaxt ko‘chalarida soatlab muhokama qilindi. Bunga klub e’lon qilgan Kolizey, Bo‘ri qiz, Olimpiya, Sent-Peter, Panteon kabi Rim yodgorliklarining bosh harflarini aks ettirgan sirli video sabab bo‘ldi.

Biroq bugun ertalab La Stampa nashri bu taklifni yana muhokamaga olib chiqqanidan so‘ng, «Roma» klubi rasmiy bayonot berib, bu gap-so‘zlarni qat’iyan rad etdi. Klub nemis mutaxassisi Yurgen Kloppning Giallorossi zaxira o‘rindig‘ida o‘tirmasligini aniq bildirdi.

Shu bilan Rimdagi transfer bozoridagi navbatdagi shov-shuvli sarguzasht yakuniga...