Yangiliklar

Xiaomi kompaniyasi o‘zining Redmi Smart TV A Pro 2025 seriyasining energiya tejamkor versiyasini taqdim etdi. Bu haqda ITHome nashri ma’lum qildi.

Yangi model beshta turli o‘lchamda taqdim etilgan: 43 dyuymli versiya $190dan, 50 dyuymli model $225dan, 55 dyuymli variant $255dan, 65 dyuymli model $335dan va eng katta – 75 dyuymli versiya esa atigi $450dan sotuvga chiqariladi.

Televizor 4K o‘lchamdagi ekran va 120 Gts chastotaga ega bo‘lib, DCI-P3 rang maydonining 94 foizini qamrab oladi. Tasvir sifatini yaxshilash uchun MEMC texnologiyasi joriy etilgan. Shuningdek, ushbu model Wi-Fi 6 texnologiyasini qo‘llab-quvvatlaydi va ichki Xiao Ai ovozli yordamchisi bilan jihozlangan.

Televizor to‘rtta Arm...

Xitoyning Xarbin shahrida davom etayotgan Qishki Osiyo o‘yinlarida figurali uchish bo‘yicha juftliklar o‘rtasida musobaqalar boshlandi.

Yurtimiz vakillari Dmitriy Chigirev va Yekaterina Geynish qisqa dasturda a’lo darajada chiqish qilib, 64,55 ball to‘pladilar va musobaqaning dastlabki bosqichida birinchi o‘rinni egallashdi.

Musobaqada Yaponiya ikkinchi, KXDR esa uchinchi o‘rinni band etdi.

Ertaga Toshkent vaqti bilan soat 16:30 da boshlanadigan erkin chiqish bahslarida sportchilarning final natijalari e’lon qilinib, medallar topshiriladi.

Avvalroq Kursiv Uzbekistan «Xarbin – 2025»: o‘zbekistonlik sportchi chorak finalga yo‘l olgani haqida xabar bergan edi.

Qozogʻistonning Qostanay viloyatida yoʻlda qolib ketgan Oʻzbekiston va Tojikiston fuqarolari qutqarildi, deb xabar bermoqda Qozogʻiston Favqulodda vaziyatlar vazirligi.

11-fevral kuni tongda viloyatning 112-dispetcherlik xizmatiga Adayevka qishlogʻidan 30 km uzoqlikda yoʻlovchilari boʻlgan mikroavtobus nosozlik sababli toʻxtab qolgani haqida maʼlumot kelib tushgan.

Qutqaruv xizmatlari zudlik bilan voqea joyiga yetib borib, 24 nafar yoʻlovchini, jumladan, 4 nafar bolani eng yaqin isinish joyiga evakuatsiya qildi. Mikroavtobus ham aholi yashash punktiga yetkazildi.

Avvalroq Kursiv Uzbekistan Qozogʻistondan Oʻzbekistonga olib kelinayotgan 43 vagon kartoshka chegarada chirib ketgani haqida xabar bergan edi.

AQShning Oʻzbekistondagi elchixonasi boshqa davlat fuqarolaridan immigratsiya arizalarini qabul qilishni toʻxtatdi, deb xabar bermoqda Amerika diplomatik vakolatxonasi.

Elchixona faqat shoshilinch tibbiy yoki boshqa favqulodda holatlar bilan bogʻliq cheklangan miqdordagi ishlarni koʻrib chiqishini ma’lum qildi. Biroq boshqa davlatlarda uzoq kutish AQShning Toshkentdagi elchixonasiga murojaat qilish uchun asos boʻla olmasligi ta’kidlandi.

Avvalroq Kursiv Uzbekistan 2023-yil iyun oyidan boshlab oʻzbekistonliklar uchun AQSh vizalarini rasmiylashtirishning yangilangan tizimi ishga tushgani haqida xabar bergan edi.

Ruminiya prezidenti Klaus Yoxannis iste’foga chiqishini e’lon qildi. U bu qarorini 10-fevral kuni Buxarestda e’lon qilib, mamlakatni inqirozdan qutqarish uchun lavozimini tark etayotganini ta’kidladi. Siyosatchi 12-fevral kuni rasman ish joyini boʻshatishini ma’lum qildi.

Yoxannis iste’fosi parlamentdagi oʻta oʻng kuchlarning impichment e’lon qilish tahdidi va norozilik namoyishlari fonida qabul qilindi.

Ruminiya Konstitutsiyaviy sudi 6-dekabr kuni boʻlib oʻtgan prezidentlik saylovining birinchi bosqichi natijalarini haqiqiy emas deb e’lon qildi. Razvedka ma’lumotlariga koʻra, saylovga Rossiya tarafdori boʻlgan oʻta oʻngchi nomzod Kalin Jorjeskuning foydasiga manipulyatsiya ta’siri oʻtkazilgan.

Hukmron koalitsiya 4-may kuni yangi prezidentlik saylovlarini oʻtkazishga kelishib oldi.

Avvalroq Kursiv Uzbekistan Abxaziya prezidenti va bosh...

Prezident farmoni asosida yoqilg‘i va energiya resurslaridan noqonuniy foydalanishga qarshi kurashish tizimi takomillashtirish belgilandi. Bu haqda Adliya vazirligi ma’lum qildi.

Eng muhim yangiliklardan biri – O‘zenergoinspeksiya xodimlari istalgan vaqtda korxonalarda tekshiruv o‘tkazishi va bu jarayonni «Yagona davlat nazorati» tizimiga 24 soat ichida kiritishi shart bo‘ladi.

Yangi tartibga ko‘ra, yoqilg‘i qazib olishdan tortib, uni tashish, saqlash, sotish va iste’mol qilishgacha bo‘lgan barcha jarayonlar qat’iy nazorat ostida bo‘ladi. Shu tariqa noqonuniy qazib olish, sifatsiz mahsulot realizatsiyasi va yashirin xaridlarning oldi olinadi.

Avvalroq Kursiv Uzbekistan qariyb 18 milliard so‘mlik elektr energiyasi talon-toroj qilingani haqida xabar bergan edi.

Toshkent shahridagi yirik supermarketlarda fevral oyida oziq-ovqat mahsulotlari minimal narxlari sezilarli o‘zgarishlarga uchradi. Bu haqda Makroiqtisodiy va hududiy tadqiqotlar instituti ma’lum qildi.

Institut mutaxassislari tomonidan olib borilgan tahlillarga ko‘ra, ayrim mahsulotlarning narxi pasaygan bo‘lsa, boshqalari qimmatlashgan. Eng katta arzonlashish kartoshka mahsulotida kuzatildi – uning narxi 26,1 foizga tushdi. Shuningdek, sabzi 11,3 foiz, lavlagi 8,2 foiz, tuxum 7,8 foiz, sut 0,9 foiz va shakar 0,4 foiz arzonlashgan. Kartoshkaning sezilarli darajada arzonlashishi mamlakatga Pokistondan olib kelingan import hajmining ortgani bilan bog‘liq bo‘lsa, sabzi va lavlagi narxining pasayishi mavsumiy yetishtirish hajmining oshgani bilan izohlanmoqda.

Biroq ba’zi mahsulotlarning narxi oshdi. Ayniqsa, oqbosh karam...

Raqobat qo‘mitasi maishiy chiqindi tashish xizmatlari bo‘yicha iste’molchilardan kelib tushayotgan shikoyatlar asosida keng miqyosli o‘rganishlar va tahlil ishlari olib bormoqda.

Ushbu o‘rganishlar davomida Namangan viloyatining 10 ta hududida joylashgan MFYlarida xizmat ko‘rsatilgan 1,1 milliondan ortiq iste’molchilardan 18 mlrd so‘mdan ortiq mablag‘ asossiz hisoblangani ma’lum bo‘ldi.

Viloyatda faoliyat yuritayotgan «Namangan Musaffo Iqlim» MCHJ va «Toza Hudud» DUKlarining maishiy chiqindi tashish xizmatlari bo‘yicha qonunbuzarliklar ro‘y bergani aniqlangan.

Raqobat qo‘mitasi va Maxsus komissiya tomonidan bu holatga qat’iy qarshi chora-tadbirlar belgilandi. Xizmat ko‘rsatuvchi tashkilotlarga nisbatan tegishli huquqiy choralar qo‘llanilib, ortiqcha hisoblangan mablag‘lar qayta hisob-kitob qilinishi talab etildi.

Avvalroq Kursiv Uzbekistan Farg‘ona viloyatidagi...

2025-yil yanvar oyida Oʻzbekiston aholisining inflyatsion kutilmalari avvalgi oy darajasida saqlanib qoldi. Markaziy bank tomonidan oʻtkazilgan soʻrovnoma natijalariga koʻra, respondentlar kelgusi 12 oy ichida narxlarning 14,4 foiz darajada bo‘linishini taxmin qilmoqda.

Narxlarning oshishiga ta’sir etuvchi asosiy omillar sifatida aholi kommunal xizmatlar, yonilgʻi va elektr energiyasi narxining koʻtarilishi, shuningdek, valyuta kurslarining oʻzgarishini ta’kidlamoqda.

Eng yuqori inflyatsiya darajasi Toshkent, Buxoro va Andijon viloyatlarida kutilmoqda. Ushbu hududlarda narxlar yil davomida 15,5 – 15,7 foizga oshishi mumkin. Surxondaryo, Navoiy va Jizzax viloyatlarida inflyatsiya darajasi nisbatan past boʻlib, 12,5 – 13,3 foiz atrofida boʻlishi prognoz qilinmoqda.

Shuningdek, oylik daromadi 15 million soʻmdan yuqori boʻlgan...

Birlashgan Arab Amirliklarining Fujayra shahrida taekvondo WT bo‘yicha o‘tkazilayotgan musobaqada Osipova +73 kg vazn toifasida ishtirok etib, raqiblarini mag‘lubiyatga uchratdi va chempionlikni qo‘lga kiritdi.

Turnirning o‘ziga xos jihati shundaki, ayollar o‘rtasidagi bellashuvlarda g‘olib bo‘lgan sportchilar an’anaviy medallardan tashqari sof brilliant bilan ham taqdirlandi. U bu xabarni Telegram kanalida muxlislari bilan bo‘lishdi.

Avvalroq Kursiv Uzbekistan para taekvondochilar Antaliyadagi «Turkish Open» turnirida 9 ta medalni qo‘lga kiritgani haqida xabar bergan edi.

Ilon Mask sun’iy intellekt sohasida katta o‘zgarishlar qilish maqsadida OpenAI’ni $97.4 mlrdga sotib olishni taklif etdi. Bu haqda CNN axborot agentligi ma’lum qildi.

OpenAI ning asoschisi sifatida Mask kompaniya rahbariyati va CEO Sam Altman bilan uzoq vaqt davomida janjallashib kelgan. U OpenAI’ni xayriya tashkiloti sifatida taqdim etilayotganini tanqid qilib, kompaniya foyda olishni boshlagani uchun uni qoralagan.

OpenAI aslida notijorat tashkilot bo‘lsa-da, OpenAI LP nomli foyda keltiruvchi kompaniyani boshqaradi. Maskning investitsiyasi kompaniyaning ko‘pchilik ulushini qo‘lga kiritishga imkon berishi mumkin, bu esa uning X.AI sun’iy intellekt kompaniyasiga raqobatni kuchaytiradi.

Maskning taklifi OpenAI’ni avvalgi ochiq manba, xavfsizlikka yo‘naltirilgan xayriya kuchiga qaytarishni maqsad...

Chevrolet o‘zining yangi avlod tijorat elektromobillari qatoriga kiruvchi 2025 BrightDrop furgonlarini rasman namoyish qildi. Meksikada taqdim etilgan ushbu model 400 va 600 versiyalarida sotuvga chiqadi hamda elektr harakatchanligi, keng yurish masofasi va ilg‘or texnologiyalari bilan ajralib turadi. Bu haqda 32cars nashri ma’lum qildi.

Yangi mikroavtobus General Motors’ning elektr platformasida qurilgan bo‘lib, yuqori samaradorlik va energiya tejashni ta’minlaydi. Salonda 11,3 dyuymli multimedia ekrani joylashgan bo‘lib, xavfsizlik tizimlari soni 20 dan ortiq.

BrightDrop 400 versiyasida 240 ot kuchiga ega motor va 300 Nm aylanish momenti mavjud bo‘lib, taxminan 267 km yurish masofasini ta’minlaydi. Uning yuk ko‘tarish quvvati 1683 kg.ga teng bo‘lib...

Oltin narxi yangi rekordni yangiladi. Toshkent vaqti bilan erta tongda Nyu-Yorkdagi tovar birjasida uning bir unsiyasi $2 950 dan oshgani qayd etildi.

Soat 07:22 holatiga ko‘ra, oltinning narxi $2 966 ni tashkil etdi. Bir kun ichida narx 1,09% ga oshdi. Ayni damda (09:45 holatiga) $2 944 qiymatda turibdi.

Gap 2025-yil aprel oyida yetkazib beriladigan oltin fyucherslari haqida ketmoqda.

Avvalroq Kursiv Uzbekistan tahlilchilarga asoslanib, oltin narxi kelgusi oylarda $3,000 dan oshishi mumkinligini xabar qilgan edi.

Geosiyosiy vaziyatning murakkabligi va AQShning yangi prezidenti Donald Trampning harakatlari tufayli investorlarning ushbu aktivga qiziqishi ortib bormoqda.

Eslatib o‘tamiz, avvalroq yanvar oyida Oʻzbekistonning oltin-valyuta...

Samsung flagman smartfonlarida yangi avlod batareyalarini joriy etishga tayyorgarlik ko‘rmoqda. Koreyaning Fnnews nashriga ko‘ra, kompaniya kremniy-uglerodli batareyalarni ishlab chiqish ustida ishlamoqda va bu texnologiya Galaxy S26 seriyasida qo‘llanilishi kutilmoqda.

Agar Galaxy S25 Ultra 5000 mA/soat sig‘imli akkumulyator bilan yetkazib berilsa, Galaxy S26’da bu ko‘rsatkich 6000 – 7000 mA/soatgacha oshishi mumkin. Yangi kremniy-uglerodli batareyalar an’anaviy litiy-ionli akkumulyatorlarga nisbatan yuqori sig‘im va tezkor zaryadlash imkoniyatlarini taqdim etadi.

Hozirda xitoylik ishlab chiqaruvchilar, ayniqsa, flagman smartfonlarida katta sig‘imli akkumulyatorlarni taqdim etishda yetakchilik qilmoqda.

Avvalroq Kursiv Uzbekistan Galaxy S26 silikon-uglerodli batareyalar orqali inqilobni boshlashi mumkinligi haqida xabar bergan edi.

Tailandning Pxitsanulok shahrida velosportning shosse yo‘nalishi bo‘yicha Osiyo chempionati davom etmoqda. Bu haqda Milliy olimpiya qo‘mitasi ma’lum qildi.

Unga ko‘ra, O‘zbekiston terma jamoasi ayni paytgacha uchta oltin va bitta bronza medallarini qo‘lga kiritdi. Oltin medallarni U18 yoshlar toifasidagi aralash estafeta, Samira Ismoilova (U18, individual vaqt poygasi) va Yanina Kuskova (kattalar, individual vaqt poygasi) qo‘lga kiritdi. U23 toifasidagi Asal Rizayeva esa bronza medaliga sazovor bo‘ldi.

Chempionat hali davom etmoqda va jamoamizning muvaffaqiyatli yurishiga umid qilamiz.

Eslatib o‘tamiz, avvalroq O‘zbekistonning «Xarbin – 2025» Osiyo o‘yinlarida ishtirok etadigan tarkibi e’lon qilingan edi.

2024-yil yakunlari bo‘yicha Humo to‘lov tizimining sof foydasi 168,2 mlrd so‘mni tashkil etdi. Yil davomida o‘sish 47,1% ni tashkil qildi. Bu kompaniyaning moliyaviy hisobotida ma’lum qilindi.

Hisobotga ko‘ra, Humo daromadi 44% ga oshib, 311,4 mlrd so‘mga yetdi. To‘lov tizimining aktivlari o‘tgan yili 65,4% ga oshib, 434,8 mlrd so‘mga yetgan. Kapital esa 369 mlrd so‘mni tashkil qilgan.

Kompaniyaning hisob raqamidagi naqd pul hajmi 2,5 barobar o‘sib, 233,5 mlrd so‘m.

Eslatib o‘tamiz, joriy yilning yanvarida Paynet Humo to‘lov tizimini $65 mlnga sotib oldi.

Toshkentda havo biroz bulutli bo‘lib, vaqti-vaqti bilan qor yog‘ishi va tuman tushishi mumkin. Shamol g‘arbdan 3-8 m/s tezlikda esadi. Harorat kechasi 0-2° sovuq, kunduzi 1-3° iliq bo‘ladi, deya xabar qilmoqda «O‘zgidromet».

Qoraqalpog‘iston Respublikasi va Xorazm viloyatida havo biroz bulutli bo‘lib, ayrim joylarda qor yog‘ishi kutilyapti. Shamol g‘arbdan 7-12 m/s tezlikda esadi. Harorat kunduzi 3-8° sovuq, kechasi 0-5° sovuq bo‘ladi.

Buxoro va Navoiy viloyatlarida havo biroz bulutli bo‘lib, ayrim joylarda qor yog‘ishi va tuman tushishi mumkin. Shamol g‘arbdan 7-12 m/s tezlikda esadi. Harorat kunduzi 3-8° sovuq, kechasi 0-5° sovuq bo‘ladi.

Toshkent, Samarqand, Sirdaryo, Jizzax viloyatlarida havo biroz bulutli bo‘lib...

O‘zbekiston va Mo‘g‘uliston transport vazirliklari o‘rtasida xalqaro avtomobil tashuvlarini rivojlantirish masalalari bo‘yicha yig‘ilish bo‘lib o‘tdi. Bu haqda Transport vazirligi ma’lum qildi.

Unga ko‘ra, yig‘ilishda ikki mamlakat vakillari avtomobil transportidagi tashuvlar va milliy tashuvchilarga qulay sharoitlar yaratish muhimligini ta’kidladilar.

Tomonlar o‘rtasida xalqaro avtomobil tashuvlarining hozirgi holati va kelgusi rivojlanish istiqbollari muhokama qilindi. Yig‘ilishda 2025-yilga mo‘ljallangan ruxsatnoma blankalarini ikki barobarga oshirish hamda elektron «E-Permit» tizimi joriy etish masalalari muhokama qilindi.

Eslatib o‘tamiz, avvalroq Koreya O‘zbekistonda sanoat kadrlarini tayyorlashga doir loyihani amalga oshirilishi haqida yozgan edik.

Shavkat Mirziyoyev atom energetikasi sohasida amalga oshirilayotgan ishlar va kelgusidagi ustuvor vazifalar yuzasidan yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, yig‘ilishda mamlakatda energiya ehtiyojlarini ta’minlash uchun atom energetikasidan foydalanish rejalari muhokama qilindi.

Bugungi kunda O‘zbekiston energiya sohasida muqobil manbalarni kengaytirishga katta e’tibor bermoqda. Shu kunga qadar 4 gigavattli qayta tiklanuvchi energiya manbalari ishga tushirilgan bo‘lsa, 2030-yilga borib, «yashil energiya» ulushi 50 foizga yetkazish maqsad qilingan. Buning uchun 25 gigavattlik yangi qayta tiklanuvchi energiya manbalari yaratish rejalashtirilgan.

Mamlakatda uran zaxiralaridan samarali foydalanib, kichik quvvatli atom reaktorlarini qurish rejalari ishlab chiqilgan.

Prezident bu sohada xavfsizlikni ta’minlash...

Shimoliy Angliyadagi Wooler shahrida bolalar o‘yin maydonchasida Ikkinchi jahon urushidan qolgan portlamagan bombalar topildi. Bu haqda CNN axborot agentligi ma’lum qildi.

Unga ko‘ra, Scotts Play Parkda amalga oshirilayotgan ta’mirlash ishlari paytida ishchilar o‘q-dorilarni aniqlashdi. Britaniya Armiyasi dastlab ikkita bombani olib tashladi, keyinchalik esa Brimstone Site Investigation kompaniyasi 65 dona bomba va tutun kartushkalarini topdi. Sal keyinroq esa yana 90 dona bomba olingan.

Kengashga ko‘ra, barcha bombalar olib tashlanishi kerak, shunda park qayta ochilishi mumkin bo‘ladi. Bu voqea Angliyada portlatilmagan o‘q-dorilarni topish holatining yana bir misoli bo‘ldi.

Eslatib o‘tamiz, avvalroq Polshadagi maktabda Ikkinchi jahon urushi davrida portlamay qolgan bomba...

«Afrosiyob» yuqori tezlikdagi elektropoyezdi Toshkent – Buxoro – Toshkent yo‘nalishida Kattaqo‘rg‘on bekatida to‘xtab o‘tishni boshladi. Bu haqda Transport vazirligi ma’lum qildi.

Unga ko‘ra, mazkur yangilik Kattaqo‘rg‘on aholisiga qulaylik yaratadi va poyezd qatnovining tezligini oshiradi. Bekatda ilk yo‘lovchilar tantanali tarzda kutib olindi.

Eslatib o‘tamiz, avvalroq «Afrosiyob» poyezdlari Xivaga qatnovni boshlagani haqidagi xabarlar rad etilgan edi.

Amerika avtokonserni Chevrolet 10-apreldan boshlab, 2026-yilgi to‘liq harakatlanuvchi elektr avtomobili Silverado EV uchun buyurtmalarni qabul qila boshlaydi. Bu haqda 32cars.ru portali xabar berdi.

Unga ko‘ra, elektr avtomobilining ishlab chiqarilishi may oyining o‘rtalaridan boshlab boshlanadi. Avtomobil gigantining yangi model haqida texnik ma’lumotlarni hozircha oshkor qilgani yo‘q.

Biroq 2025-yilgi modelning narxi $73,1 ming atrofida boshlanishi ma’lum qilindi. Avtomobil 645 ot kuchiga ega elektr dvigateliga ega. Elektr avtomobili 100 km/soat tezlikka 4,1 soniyada erishishi mumkin.

Yo‘lovchilar va haydovchi uchun yuqori texnologiyali sensorli displeylar ham mavjud. Ular orqali kino va seriallar tomosha qilish, shuningdek, yo‘l-yo‘riq haqida ma’lumot olish mumkin.

Slovakiya terma jamoasi 4:2 hisobida O‘zbekistonni U-17 Antalya Youth Cup turnirida mag‘lubiyatga uchratdi. Bu haqda O‘zbekiston futbol assotsiatsiyasi xabar berdi.

Birinchi bo‘lim 2:0 hisobida Slovakiyaning foydasiga yakunlandi. Dastlabki ikki golni David Poltak va Yakov Terenkov kiritdi. Ikkinchi bo‘limda Poltak dublni amalga oshirdi, Elias Tekin esa hisobdagi farqni oshirdi.

O‘zbekiston futbolchilari qaytadan hisobni qisqartirishga urinib, Asilbek Aliev va Muhammad Xabibullayevning gollari orqali oradagi farqni kamaytirdi.

Eslatib o‘tamiz, avvalroq Abduqodir Husanov gol urgan oʻyinda «Manchester Siti» gʻalaba qozongan edi.

BMW X3 G48 modeli kengaytirilgan g‘ildirak bazasi bilan jihozlangan, 28-fevraldan boshlab Xitoy bozorida savdoga chiqadi. Bu haqda CarNewsChina nashri ma’lum qildi.

BMW-Brilliance qo‘shma korxonasi tomonidan ishlab chiqarilgan yangi model BMW X5 G05’ga o‘xshash g‘ildirak bazasiga ega bo‘lib, avtomobilning ichki va tashqi dizaynida zamonaviy qulayliklar va texnologiyalar joriy etilgan.

X3 G48 modeli o‘zining aniq o‘lchamlari – 4865 x 1920 x 1664 mm va 2975 mm g‘ildirak bazasi bilan jahon bozorlaridagi versiyalaridan 90 mm uzunroq va 30 mm kengroqdir. Ushbu parametrlar avtomobilning ikkinchi qatordagi yo‘lovchilari uchun yanada qulay joy taqdim etadi. M-Sport tashqi paketi esa avtomobilga o‘ziga xos uslub va agressiv...