Yangiliklar

Pokiston harbiylari Erondagi «Balujiston ozodlik armiyasi» harbiylashtirilgan tashkiloti pozitsiyalariga hujum qildi. Ushbu tashkilot a’zolari o’zlarini sarmacharlar deb atashadi. Ular kimlar, nima uchun kurashmoqda va nega ikki davlat o‘rtasida qurolli to‘qnashuv boshlangan? «Kursiv» shu savollarga javob beradi.

Sarmacharlar – boluj xalqi vakillari. Ular Pokiston, Eron va Afg‘oniston tarkibiga kiruvchi hududda mustaqil davlat yaratish uchun kurashishmoqda.

Eronda ham, Pokistonda ham Baluj xalqi zulm va diskriminatsiyaga uchragan. Eronda mojaro diniy xarakterga ega. Balujlar asosan sunniylar, mamlakatdagi rasmiy din islom shia yo‘nalishida.

Pokistonda Balujiston viloyati mamlakat hududining 44%ni egallaydi. Bu mis, oltin, neft va tabiiy gazning yirik konlariga qaramay, eng qashshoq va eng sekin...

18-yanvar kuni O‘zbekiston valyuta birjasida dollarning o‘rtacha tortilgan qiymati 6,85 so‘mga pasaydi va 12 420,15 so‘mni tashkil qildi.

Bugun mamlakatning banklarida dollarni 12 430 – 12 490 so‘mdan xarid qilish va 12 365 – 12 410 so‘mdan sotish mumkin.

Moliya institutlari orasida AQSh valyutasini eng baland narxda Aloqabank, BRB, Xalqbanki, NBU va Agrobank da sotish mumkin, xarid qilishga kelsak — eng foydali taklif Octobank da.

Eslatib o‘tamiz, 16-yanvar kuni dollarning qiymati 11,95 so‘mga ko‘tarilgan edi.

Oʻzbekiston sanoat zonalaridagi ayrim hududlarni xorij kompaniyalari autsorsing asosida boshqaradi, dedi prezident Shavkat Mirziyoyev.

Bu maqsadlar uchun Buxoro, Navoiy va Toshkent viloyatlaridagi maxsus zonalarda 240 gektar yer maydoni ajratiladi.

Davlat rahbari respublikada maxsus iqtisodiy zonalarda 800 gektardan ortiq yer bo‘sh qolganini ta’kidladi. Biroq, viloyat hokimiyatlari ularni kengaytirish uchun arizalar yubormoqda.

Endilikda hokimlarga yerlardan toʻliq foydalanmasdan maxsus iqtisodiy zonalar hududini kengaytirish boʻyicha tashabbus bilan chiqish taqiqlanadi.

Eslatib o‘tamiz, so‘nggi paytlarda respublikada 400 dan ortiq kichik sanoat zonalari va 19 ta erkin iqtisodiy zonalar tashkil etilgan.

«Zomin», «Chimyon», «Amirsoy» kabi kurort hududlarida boj olinmaydigan savdo komplekslari barpo etiladi. Bu boʻyicha prezident farmoni qabul qilindi.

Shuningdek, kurortlar hududida xalqaro brendlardan mahsulotlar sotiladigan savdo nuqtalari ish boshlaydi.

Endilikda nafaqaxoʻrlar, yoshlar va imkoniyati cheklangan fuqarolar «Zomin»ga imtiyozli tariflar asosida parvoz qilish imkoniyatiga ega boʻladilar. Maʼlumotlarga koʻra, imtiyozlar byudjet hisobidan taqdim etiladi.

Milliy zargarlik mahsulotlari sotiladigan doʻkonlarga quyma oltin va esdalik tangalarini sotuvchi savdo avtomatlari oʻrnatiladi.

Bundan tashqari, tadbirkorlar 2024-yilning mart oyidan 2026-yilning bahor fasli boshigacha turistik markazlardagi zargarlik buyumlari doʻkonlari uchun uskunalarni boj toʻlamasdan olib kirish imkoniyatiga ega boʻladilar.

Taʼkidlanishicha, hududga Oʻzbekistonda muqobili ishlab chiqarilmaydigan texnika vositalarinigina boj...

Investitsiyalar, sanoat va savdo vazirligi huzuridagi Eksport agentligi Savdoni rivojlantirish kompaniyasiga aylantiriladi. Bu tashabbus prezident Shavkat Mirziyoyev raisligida o‘tkazilgan yig‘ilishda ma’lum qilindi.

Institutni qayta tashkil etish JST talablariga muvofiq amalga oshiriladi.

1-martdan boshlab investitsiyalar vazirligi eksport uchun eng ommabop mahsulotlarni aniqlaydi. Bundan tashqari, O‘zbekiston Savdo-sanoat palatasi tadbirkorlarning yangi bozorlar talablariga moslashishiga yordam beradi.

Shuningdek, yuqori qiymatga ega mahsulot yetkazib beruvchi eksportyorlarga kredit va subsidiyalar ajratiladi.

Avvalroq, «Kursiv» Xorijiy investitsiyalarni jalb etish agentligi rahbari ishidan ayrildi, deb xabar bergan edi.

Prezident Shavkat Mirziyoyev viloyat hokimlari va mutasaddilarga 25 turdagi oziq-ovqat mahsulotlarini Oʻzbekistonning oʻzida ishlab chiqara boshlash vazifasini topshirdi. Bu haqida prezident matbuot kotibi Sherzod Asadov xabar berdi.

Kelgusida bu turdagi korxonalarda xalqaro standartlar joriy etiladi, ularga xorijdan texnolog va marketologlar jalb qilinadi.

Davlat rahbari oziq-ovqat sanoatida keng imkoniyatlar mavjud ekanligiga qaramasdan, oʻtgan yili qayta ishlangan oziq-ovqat mahsulotlari hajmi Surxondaryoda 16 foiz, Andijonda 21 foiz, Jizzaxda 3 foizga kamayganini qayd etdi.

Qoraqalpogʻiston, Xorazm, Navoiy va Samarqandda ishlab chiqarilgan makaron mahsulotlari hajmi esa hududiy ehtiyojning yarmini qoplashga ham yetmagan.

Avvalroq, «Kursiv» Xorijiy investitsiyalarni jalb etish agentligi rahbari oʻz lavozimidan ozod etilgani haqida yozgandi.

19—21-yanvar kunlari Oʻzbekistonning Toshkent va Namangan viloyatlarida qor koʻchkisi tushishi kutilmoqda, deb xabar qildi «Oʻzgidromet».

Bunga respublikaning togʻli hududlarida havo haroratining keskin oʻzgarishi sabab boʻlgan, deya taʼkidladi sinoptiklar.

Shu kunlarda Toshkent viloyatining Ohangaron, Bo‘stonliq va Parkent tumanlari hamda Namangan viloyatining Pop tumanida qor ko‘chkisi xavfi yuqori.

Avvalroq, Kursiv Toshkent viloyatida 18—19-yanvar kunlari havo harorati +13° gacha isishi kutilayotgani haqida yozgan edi.

18-yanvar kuni Qatarda bo‘lib o‘tayotgan futbol bo‘yicha Osiyo Kubogi 2-tur bahslariga start beriladi. Hamyurtlarimiz Hindiston terma jamoasiga qarshi to‘p surishadi.

Uchrashuv Toshkent vaqti bilan soat 19:30 Ahmad Ibn Ali stadionida bo‘lib o‘tadi.

Jamoamizning asosiy o‘ng qanot himoyachisi Xojiakbar Alijonov jarohat olgani sababli, musoboqadagi ishtirokini yakunladi.

Avvalroq, «Kursiv» futbol bo‘yicha Osiyo Kubogida O‘zbekiston bilan Suriya o‘ynida gol bo‘lmadi, deb xabar bergan edi.

Xorijiy investitsiyalarni jalb etish agentligi rahbari M.Mirzayev prezident koʻrsatmasiga binoan egallab turgan lavozimidan ozod etildi. Bu haqida Oʻzbekiston Respublikasi prezidenti matbuot kotibi Sherzod Asadov maʼlum qildi.

Prezident Xorijiy investitsiyalarni jalb etish agentligining faqatgina forumlar oʻtkazish bilan mashgʻul boʻlib qolganini tanqid qilgan.

Davlat rahbari shuningdek, bosh vazir oʻrinbosari Jamshid Xoʻjayevga yangilangan investitsiya dasturini kiritish vazifasini topshirdi.

Eslatib oʻtamiz, Shavkat Mirziyoyev bosh vazir oʻrinbosari Jamshid Xoʻjayevga ham jiddiy ogohlantirish bergan edi.

O‘zbekiston prokuraturasi tomonidan elektr tarmoqlariga noqonuniy ulanish holatlari bo‘yicha 1037 ta jinoiy ish va 41,5 mingta ma’muriy ish qo‘zg‘atilgan. Bu haqda Bosh prokuratura axborot xizmati rahbari Hayot Shamsuddinov AOKAda bo‘lib o‘tgan brifingda ma’lum qildi.

O‘rmon fondi yerlarini ijaraga berish bilan bog‘liq nazorat tekshiruvlari doirasida 24 ta jinoiy, 61 ta ma’muriy va 39 ta intizomiy ish qo‘zg‘atilgan. Shuningdek, prokuratura tomonidan tadbirkorlik faoliyatiga noqonuniy aralashuvlar va byurokratik to‘siqlar aniqlanib, bartaraf etilib, 11 mingdan ortiq tadbirkorning buzilgan huquqlari tiklandi.

Hammasi bo‘lib prokuratura aralashuvini talab qilgan 1,08 ming tanqidiy material aniqlandi. 34 ta jiddiy qonunbuzarlik holatlari, jumladan, elektr tarmoqlariga noqonuniy ulanish natijasida...

Eksport har yili kamida 30 foizga oshirilib borilsagina Oʻzbekiston iqtisodiyotini yangi bosqichga olib chiqish mumkin. Bu haqida prezident Shavkat Mirziyoyev eksport sohasidagi ishlarni tahlil qilish vaqtida aytib oʻtdi.

Prezidentning taʼkidlashicha, 2023-yilda 2 ta drayver tarmoq va 4 ta hududda eksport hajmi oʻtgan yilgiga nisbatan kamaygan. 10 ta tuman va shaharda esa eksport oldingi yilgi koʻrsatkichlarning yarmiga ham yetmagan.

Davlat rahbari Bosh vazirga Andijon, Buxoro, Qashqadaryo, Navoiy viloyatlari hokimlarining investitsiyalar boʻyicha oʻrinbosarlari va 10 nafar hokimga intizomiy chora koʻrishni topshirdi.

Avvalroq, Shavkat Mirziyoyev Investitsiyalar, sanoat va savdo vaziri Jamshid Xoʻjayevni tizimdagi kamchiliklar uchun jiddiy ogohlantirgan edi.

O‘zbekistonda avtomobillar savdosining faol tendentsiyasi davom etmoqda, ayniqsa yo‘lovchi elektromobillar segmentida so‘nggi bir yil ichida 4,3 barobar oshgan. Bu haqda Iqtisodiy tadqiqotlar va islohotlar markazi (ITIM) xabar berdi.

ITIM ma’lumotlariga koʻra, 2023-yilda 1,69 mln dona avtomobil sotilgan, bu 2022-yilga nisbatan 18%ga koʻpdir. Yangi yengil avtomobillar segmenti eng yuqori faollikni ko’rsatdi, ularning savdosi 33%ga, mahalliy ishlab chiqarish esa 25%ga oshdi.

Sotishning eng yuqori ko‘rsatkichlari may va oktabr oylarida qayd etilgan, o’sha oylarda mos ravishda 156 va 186 mingdan ortiq avtomobil sotilgan.

O‘zbekistonda mahalliy yengil avtomobillar ishlab chiqarish ikki yil ichida 1,6 barobarga oshib, 2023-yilda 395 mingtani tashkil etdi. Bundan...

Pokiston Eronning zarbalariga ikki kundan keyin javob berdi. «Pokistonga qarshi» guruhlar jangarilarining bazalariga hujum uyushtirildi, deb xabar berdi Reuters razvedka xizmati vakiliga tayanib.

Eron OAV’ga ko‘ra, Pokistonning bir necha raketalari Siston va Balujiston viloyatidagi qishloqqa tushgan. Uch nafar ayol va to‘rt nafar bola halok bo‘lishdi. Pokiston tomonidan bu fakt tasdiqlanmagan.

Eslatib o‘tamiz, Eron hafta boshida Pokistonga zarbalar bergan. Nishon Eronning amaldagi hukumatiga qarshi kurashayotgan «Adolat armiyasi» guruhining bosh qarorgohi edi.

Investitsiyalar, sanoat va savdo vaziri Jamshid Xoʻjayev oʻz lavozimidan ayrilishi mumkin. Prezident Xoʻjayev chorak yakuniga qadar investitsiyalar sohasida oʻzgarish qilmasa, uning oʻz lavozimiga loyiqligi masalasi koʻrib chiqilishini aytib ogohlantirdi.

Davlat rahbari investitsiyalar tizimida juda koʻp muammolar mavjud ekanligini sanab oʻtdi. Misol uchun, oʻtgan yili yalpi ichki mahsulot ham, sanoat ham 6 foizga oʻsgan. Biroq, tovarlar eksportida kutilganidek oʻsish boʻlmagan.

Bundan tashqari, hududlarda moliyalashtirish toʻliq yakunlangan 8 trillion soʻmlik 1 mingta loyiha haligacha ishga tushmagan.

Tizimda kamchiliklar hamda sustkashlikka yoʻl qoʻygani uchun Investitsiyalar, sanoat va savdo vaziri oʻrinbosari B.Abidov, shuningdek Texnik tartibga solish agentligi rahbari D.Sattarov ishdan boʻshatildi.

Eslatib...

Ayni vaqtda Oʻzbekiston prezidenti Shavkat Mirziyoyev raisligida eksport, investitsiya va mahalliy sanoatda 2024-yilda turgan vazifalar boʻyicha yigʻilish boʻlib oʻtmoqda.

Davlat rahbari yalpi ichki mahsulotni oshirishning yagona yoʻli – xorijdan investitsiyalarni faol jalb qilish va eksportni koʻpaytirish ekanligini taʼkidladi. Prezident shuningdek, YaIMni oshirish boʻyicha yirik natijalarni ichki bozorning oʻzi bilan qoʻlga kiritish imkonsiz ekanligini qayd etdi.

Prezident investitsiya, sanoat va eksport uchun masʼul boʻlgan tashkilotlar faoliyati sust ekanligini tanqid qildi.

Eslatib oʻtamiz, Shavkat Mirziyoyev 16-yanvar kuni boʻlib oʻtgan videoselektor vaqtida 2024-yilda YaIM 6 foizga oshirilishini aytib oʻtgandi.

«Uzbekistan Airways»ning Rossiyadan uchayotgan samolyotlari tuman sabab Toshkentga qo‘na olmadi. Ekipaj guruhi muqobil aerodromga uchishga qaror qildi, deb xabar berdi UzAirways.

2024-yil 18-yanvar kuni noqulay ob-havo sharoiti tufayli kompaniyanig bir necha reyslari yo‘nalishini o‘zgartirishga majbur bo‘ldi. HY602 Moskva – Toshkent va HY708 Vladivostok – Toshkent reyslari Samarqand muqobil aeroportiga yo‘naltirildi. Bunga Toshkent xalqaro aeroportida ob-havo sharoitining keskin yomonlashgani sabab bo‘lmoqda.

Avvalroq, «Kursiv» Uzbekistan Airways Rimga parvozlarni qayta tiklaydi, deb e’lon qilgan edi.

Picodi portali 2024-yil yanvar holatiga ko‘ra 67 mamlakatda eng kam ish haqi miqdorini hisoblab chiqdi. Tahlilchilarga ko‘ra, O‘zbekistonda bu ko‘rsatkich 922 950 so‘mni (75 dollarga yaqin) tashkil qilgan.

Shu bilan birga, mamlakatimiz eng kam ish haqining o‘sishi bo‘yicha reytingda 16-o‘rinni egallashga muvaffaq bo‘ldi. Bir yil avvalgi qiymatga nisbatan eng kam ish haqi 14,1%ga oshdi.

Ish haqining eng katta o’sishi Argentina (138,4%ga – 297 dollar), Turkiya (99,9%ga – 596 dollar), Nigeriya (83,3%ga – 68 dollar) va Pokistonda (29,3%ga -114 dollar) Moldova (23,1%ga – 239 dollar).

Tahlilchilar O‘zbekistonda eng kam oylik ish haqining oshishi narxlar oshishidan ham oshib ketganini iddao qilmoqda...

AQSh Yamandagi husiylarni mamlakatga tegishli yana bir kemaga hujum qilganidan soʻng terroristik tashkilotlar roʻyxatiga kiritdi, deb xabar berdi Reuters agentligi.

Ushbu bayonotdan so’ng AQShning husiylar pozitsiyalariga qayta-qayta zarba bergani ma’lum bo‘ldi. AQSh qurolli kuchlari qo‘mondonligi ma’lumotlariga ko‘ra, husiylarning raketa qurilmalariga raketa zarbalari berilgan.

Reuters eslatishicha, husiylar bir hafta ichida Qizil dengizida Amerikaning ikkita yuk kemasiga hujum qilgan. Gibraltar Eagle dushanba kuni, Genco Picardy chorshanba kuni hujumga uchradi. Halok bo‘lganlar va jabrlanganlar haqida ma’lumotlar yo‘q.

Husiylar vakili agentlikka Isroilga ketayotgan kemalarga hujumlar davom etishini aytdi. Guruhga terrorchi maqomini berish bunga ta’sir qilmaydi.

Husiylarning kemalarga hujumlari global savdoga ta’sir qildi...

Dominika Respublikasida joylashgan kompaniyalar 4 kunlik ish haftasiga oʻtishni rejalashtirmoqda.

Mazkur tashabbus fevral oyidan amalga tatbiq etiladi, xodimlarga 5 kunlik ish haftasi uchun belgilangan maosh miqdori oʻzgarishsiz qoladi. Ish haftasi dushanbadan payshanbagacha davom etadi, ish vaqti esa haftasiga 44 soatdan 36 soatgacha qisqartiriladi.

«Biz uchun odamlar, ularning salomatligini yaxshilash va farovonligi oshirish – ustuvor masaladir», – dedi mamlakatning Mehnat vaziri Luis Migel de Kamps.

Mahalliy universitetlardan biriga xodimlar salomatligidagi har qanday oʻzgarish, ularning ishi va shaxsiy hayoti oʻrtasidagi aloqani tahlil qilib borish vazifasi yuklatilgan.

Bugungi kunda Dominika Respublikasida xodimlar 6 kunlik ish haftasi boʻyicha ishlaydilar. Ish vaqti esa bir...

Toshkent shahrining Bektemir tumanida yongʻin yuz berdi. Hodisa konteyner ichidagi qurilish materiallarining yonishi natijasida sodir boʻlgan. Bu haqida FVV maʼlum qildi.

Yongʻin 17-yanvar kuni Porloq koʻchasida yuz bergan. Olovni oʻchirishga 4 ta yongʻin-qutqaruv brigadasi jalb etilgan.

Hodisa oqibatida tan jarohati olganlar yoki vafot etganlar yoʻq.

Bugun, 18-yanvar kuni respublika boʻylab tumanli ob-havo kuzatiladi, yogʻingarchilik kutilmaydi. Harorat 8-13, shimolda 0-5 darajada iliqni tashkil etadi. Bu haqida «Oʻzgidromet» maʼlum qildi.

Kunning birinchi yarmida Toshkent shahrida tuman tushishi mumkin. Havo harorati 10-12 daraja iliqni tashkil etadi, yogʻingarchilik kutilmaydi.

Respublikaning togʻli hududlarida shamol 7-12 m/s tezlikda esadi, havo harorati 3-8 daraja iliq boʻladi. Yogʻingarchilik ehtimoli yoʻq.

Qishloq xoʻjaligi va xizmat koʻrsatish sohasi 2023-yilda Oʻzbekistonda ishbilarmonlik muhitining asosiy omiliga aylandi. Buni Iqtisodiy tadqiqotlar va islohotlar markazi hisoboti ma’lumotlari tasdiqlaydi.

Ishbilarmonlik muhitining umumiy ko‘rsatkichi yil davomida keskin tebranishlarsiz ijobiy zonada qoldi.

Qishloq xo‘jaligi va xizmat ko‘rsatish sohasidagi ko‘rsatkichlarning yaxshilanishi hisobiga birinchi chorakda biznes optimizmi o‘sdi. Ikkinchi chorakda 57 ballga tuzatish kiritildi.

Iyul oyida indeks yana 70 va 67 punktlarga ko‘tarilgan agroanoat kompleksi va xizmat ko‘rsatish sohalari ta’sirida 65 punktga oshdi.

Optimizmning minimal darajasi noyabr oyida qayd etilgan – 52 ball.

Yil davomida joriy biznes holatining eng yuqori darajasi qishloq xo‘jaligida – fevral va iyun oylarida 52%, qurilishda esa...

Uzum Market omborlardan birida yong‘in chiqqani haqidagi mish-mishlarga izoh berib, bu ma’lumotni rad etdi.

Avvalroq, internetda tutun chiqqan video tarqaldi. Mualliflarning yozishicha, Qo‘yliq hududidagi Uzum Market omborlaridan birida yong‘in kuzatilgan.

«Uzum Market» ombori odatdagidek ishlamoqda, barcha xodimlarimiz va sotuvchilarimiz tovarlari xavfsiz, butun va buzilmagan”, — deyiladi matbuot xizmati xabarida.

Yong‘in qo‘shni hududda sodir bo‘lgan, o‘t o‘chiruvchilar allaqachon joyida va yong‘inni o‘chirishmoqda.

Avvalroq, «Kursiv» FVV Sergeli tumanidagi do‘konlardan birida sodir bo‘lgan yong‘inga izoh berdi, deb xabar bergan edi.

«Vatandosh» viloyatlararo oʻzbeklar jamiyati rahbari Usmon Baratovga nisbatan jinoiy ish ochiladi, deb xabar qildi Rossiya Federatsiyasi Tergov qoʻmitasi.

Qo‘mitaning maʼlumotlariga koʻra, Baratov Rossiya-Ukraina mojarosida ishtirok etayotgan rossiyalik askarlarni haqorat qilishda ayblanmoqda.

News.ru’ning xabar berishicha, rossiyalik harbiy muxbir Yuriy Kotenok Baratovning Odnoklassniki sahifasida tovuq «frontdagi xo‘rozlarni» qaytarishni so‘ragani tasvirlangan postni topdi. Jurnalist buni Rossiya Qurolli kuchlari askarlariga nisbatan haqorat sifatida baholadi.

Baratov Instagram’dagi sahifasida voqeani qisqacha izohladi: «Bizga xakerlik hujumi uyushtirildi».

Avvalroq,«Kursiv» O‘zbekiston fuqarolarini xorijdagi harbiy mojarolarda qatnashmaslikka chaqirilgani haqida yozgan edi.