Yangiliklar

General Motors Braziliya bozori uchun mild-gibrid (MHEV) kuch qurilmasiga ega Chevy Colorado pikapini ishlab chiqishni rejalashtirayotgani haqida xabarlar paydo bo‘ldi. Bu haqda GMAuthority nashri xabar berdi.

Unga ko‘ra, kompaniya Shimoliy Amerika uchun mo‘ljallangan hozirgi avlod Colorado’ni yangi mild-gibrid tizimi bilan Braziliyadagi flagman o‘rta o‘lchamli pikap sifatida taqdim etishi mumkin.

Shuningdek, Braziliya uchun rejalashtirilayotgan Chevy Colorado MHEV GM’ning mahalliy muhandislari tomonidan modernizatsiya qilingan Duramax 2,8 litrli turbodiesel I4 dvigateli hamda yangi mild-gibrid tizimi bilan jihozlanadi. Ushbu kuch qurilmasi 209 ot kuchi va 405 funt-fut (taxminan 550 N·m) aylanish momentini ta’minlaydi.

Agar loyiha tasdiqlansa, bu Chevy Colorado’ning ilk elektrlashtirilgan versiyasi bo‘ladi...

Toyota Tacoma modeli ketma-ket ikkinchi yil Texas avtomobil jurnalistlari assotsiatsiyasi (TAWA) tomonidan «Truck of Texas» mukofotiga sazovor bo‘ldi. Bu haqda Tarantas news nashri xabar berdi.

To‘rtinchi avlod Toyota Tacoma o‘tgan yili tarixga kirib, «Truck of Texas» unvonini qo‘lga kiritgan ilk o‘rta o‘lchamli pikap bo‘lgandi. Joriy yilda esa model o‘z natijasini takrorlab, yana eng yaxshi deb topildi.

Tacoma’ning to‘rtinchi avlodi 2023-yil bahorida taqdim etilgan bo‘lib, u ikkita yangi kuch qurilmasiga ega. Ular orasida i-FORCE MAX gibrid tizimi ham bor. Ushbu tizimning umumiy quvvati 326 ot kuchiga, aylanish momenti esa 630 N·m ga yetadi. Bu ko‘rsatkich avvalgi avloddagi V6 dvigatelli versiyaga...

Rossiyada Tenet brendi 2026-yilda T9 krossoveridan tashqari, A8 indeksi ostidagi biznes-klass sedanini ham bozorga taqdim etadi. Sedan rasmiy debyuti 2026-yil iyun oyida rejalashtirilgan.

Yangi sedan Chery Arrizo 8 modelining mahalliylashtirilgan versiyasiga asoslangan. Avtomobil yangilangan dizayn va qayta ishlangan interyerga ega bo‘ladi. Dvigatel assortimenti ikki turdagi turbo dvigatellarni o‘z ichiga oladi: 1,6 litrli, 197 ot kuchi va 2,0 litrli, 254 ot kuchi.

Tenet T9 krossoveri sotuvlari 2026-yil may oyida boshlanishi kutilmoqda. Birinchi navbatda, avtomobillar yetti o‘rinli konfiguratsiyada dilerlik salonlariga yetkaziladi. Rossiya bozoriga noyob jihat sifatida yil davomida besh o‘rinli T9 versiyasi ham taqdim etiladi.

Brend shuningdek, mavjud modellarning qulayligi...

Honor kompaniyasi Magic Vs liniyasida navbatdagi buklanadigan modelni taqdim etishi kutilmoqda. Bu haqda Huaweo Central xabar berdi.

Manbalarga ko‘ra, shu shaklidagi boshqa buklanadigan smartfonlarga nisbatan kengroq bo‘ladi. Uning asosiy ekrani taxminan 4:3 tomonlar nisbatiga ega bo‘lib, bu video tomosha qilish uchun qulay hisoblanadi.

Honor’ning yangi qurilmasi haqida boshqa tafsilotlar hozircha noma’lum. Biroq manbada tilga olingan Wangzai Knows Everything insayderi kompaniya bu yil flip formatidagi yangi buklanadigan smartfon chiqarishni rejalashtirmayotganini bildirgan.

Eslatib o‘tamiz, avvalroq Huawei noutbuk o‘rnini bosuvchi planshetni taqdim etgan edi.

29-yanvar sanasi zamonaviy transportga asos solingan kun, siyosiy maydondagi o‘zgarishlar va sport yulduzining tavalludi bilan tarixda qolgan. Kursiv Uzbekistan kunning eng muhim voqealarini xronologik tartibda taqdim etadi.

1861-yili Kanzas rasman AQSh tarkibiga 34-shtat sifatida qabul qilindi. Bu voqea Amerika tarixida o‘ta muhim pallaga – Fuqarolar urushi arafasiga to‘g‘ri kelgan bo‘lib, Kanzas ittifoqqa qullikka qarshi kurashuvchi «ozod shtat» maqomida qo‘shilgan edi. Shtatning bu siyosiy pozitsiyasi mamlakatdagi ichki nizolarning kuchayishida va qulchilikning bekor qilinishi yo‘lida hal qiluvchi rollardan birini o‘ynagan.

1886-yili nemis ixtirochisi Karl Bens o‘zi yaratgan ichki yonuv dvigatelli birinchi transport vositasi – «Benz Patent-Motorwagen» uchun rasmiy patentni qo‘lga...

Toshkentda yangi avlod elektrobuslari sinovdan o‘tkazila boshlandi, Uzbekistan Airways bort kuzatuvchilarining yangi formasini taqdim etildi — 28-yanvarda e’lon qilingan yangiliklar Kursiv Uzbekistan dayjestida.

Milliy gvardiya va FVVga yangi rahbarlar tayinlandi

O‘zbekiston Respublikasi Milliy gvardiyasiga yangi qo‘mondon hamda yangi Favqulodda vaziyatlar vaziri tayinlandi. Bu haqda prezident matbuot kotibi Sherzod Asadov ma’lum qildi. Prezident farmoniga ko‘ra, Bahodir Hamidovich Tоshmatov Milliy gvardiya qo‘mondoni bo‘ldi, shu munosabat bilan u prezident huzuridagi Xavfsizlik kengashi kotibi o‘rinbosari lavozimidan ozod etildi.

Tata Steel Chess–2026. Abdusattorov va Sindorov o‘zaro bahsda durang o‘ynadi

Niderlandiyaning Veyk-an-Zee shahrida davom etayotgan nufuzli Tata Steel Chess–2026 turnirining...

29-yanvar kuni O‘zbekistonda sovuq ob-havo kuzatiladi. Kechasi va ertalab ayrim hududlarda qor yog‘ishi va tuman tushishi mumkin. Ba’zi joylarda yo‘llarda yaxmalak kuzatiladi, deya prognoz qilmoqda «O‘zgidromet».

Quyida ob-havo ma’lumoti viloyatlar kesimida:

BMB Holding ta’sischilar kengashi raisi Bekzod Mamatqulov Vena shahrida Agrotec GMBH kompaniyasi prezidenti Boris Kandov bilan uchrashdi. Bu haqda «Dunyo» AA ma’lum qildi.

Muzokaralarda BMB Holding va Agrotec GMBH hamkorligida tashkil etilgan Agrotec GMBH qo‘shma korxonasining faoliyatini takomillashtirish va qishloq xo‘jaligi mahsulotlarini Yevropa bozorlariga yuqori sifat standartlari bilan yetkazib berish masalalari muhokama qilindi.

Uchrashuv yakunida tomonlar Agrotec GMBH faoliyatini kengaytirish va yangi qo‘shma investitsiya loyihalarini amalga oshirish bo‘yicha kelishib oldi. Shuningdek, BMB Holding va Agrotec GMBH o‘rtasida umumiy qiymati 15 mln yevro bo‘lgan investitsion shartnoma imzolandi.

Eslatib o‘tamiz, avvalroq Polshadagi universitet Andijondagi filialiga $2,3 mln sarmoya kiritishi haqida...

Google kompaniyasi Google Photos ilovasidagi rasmni videoga aylantirish funksiyasida katta yangilanishni taqdim etdi. Bu haqda The Verge ma’lum qildi.

Endi foydalanuvchilar o‘z videolarida ko‘rmoqchi bo‘lgan harakatlar, uslub yoki effektlarni mustaqil tarzda tavsiflash imkoniga ega bo‘ladilar. Ushbu yangi funksiya matnli tavsiyalar orqali ishlaydi va avval mavjud bo‘lgan Subtle Movement (Kichik harakat) va I’m Feeling Lucky (Menga omad yor bo‘lsin) variantlarini to‘ldiradi. Oldingi variantlar foydalanuvchilarga o‘z tavsiflarini kiritish imkonini bermagan.

Yangi imkoniyat faqat 18 yoshdan oshgan foydalanuvchilar uchun mavjud bo‘lib, bu cheklov faqat Google Photos’dagi rasmni videoga aylantirish vositasiga tegishli. Google’ning boshqa mahsulotlarida, masalan Gemini’da, shunga o‘xshash matnli tavsiyalar...

O‘zbekiston hukumati yangi zamonaviy suzish havzalarini qurish xarajatlarini qoplash bo‘yicha yangi tartibni tasdiqladi. Bu haqda Adliya vazirligi ma’lum qildi.

Ushbu reglament doirasida talabgorlar tomonidan taqdim etilgan dastlabki 100 ta suzish havzasini qurish va ishga tushirish xarajatlari qoplab beriladi.

Moliyaviy qo‘llab-quvvatlash 2026-yil 1-fevraldan 2028-yil 1-yanvargacha amalga oshiriladi. Mablag‘lar suzish havzasini tashkil etish xarajatlarining 50 foizigacha, lekin 100 mln so‘mdan oshmagan miqdorda ajratiladi.

Xarajatlarni qoplash uchun talabgor quyidagi shartlarga javob berishi zarur:

Talabgor...

Germaniyaning Gamburg yer sudi 23-yanvar kuni Alisher Usmonovning Frankfurter Allgemeine Zeitung (FAZ) nashriga qarshi da’vosini qanoatlantirdi. Bu haqda Kursiv Uzbekistan’ga rossiyalik tadbirkor matbuot xizmati ma’lum qildi.

FAZ’ning «Kreml topshirig‘i bilan» sarlavhali maqolasida Usmonov go‘yoki Rossiya hukumatining O‘zbekistondagi norasmiy vakili bo‘lgani, 2006-yilda «Kommersant» nashrini sotib olgach, uning tahririyat siyosatiga aralashgani hamda o‘z boyligini Moskva manfaatlari yoki topshirig‘i asosida ishlatgani haqida da’volar ilgari surilgan edi.

Sud ushbu bayonotlarni Alisher Usmonovning shaxsiy huquqlarini buzuvchi, asossiz ma’lumotlar deb topdi va ularni tarqatishni taqiqladi. Qarorga ko‘ra, taqiq buzilgan har bir holat uchun 250 ming yevrogacha jarima solinishi mumkin. Agar jarimani undirishning imkoni bo‘lmasa, har bir...

Samsung kompaniyasi yaqinda bozorda chiqishi kutilayotgan yangi Galaxy A37 va A57 smartfonlari haqida rasmiy ma’lumotlarni e’lon qildi. Bu haqda Android Headlines xabar berdi.

Unga ko‘ra, e’lon qilingan tasvirlar rasmiy renderlarga asoslangan bo‘lib, ular yangi modellar dizayni va asosiy texnik xususiyatlarini namoyish etadi. Galaxy A3x va A5x oilasiga mansub yangi qurilmalar bir-biriga juda o‘xshash bo‘lib, ularni faqat ekran atrofidagi ramkaning kengligi orqali ajratish mumkin.

Umuman olganda, Galaxy A37 va A57 dizayni hozirgi avlod modellarga nisbatan sezilarli o‘zgarishga uchramagan. A36 va A37 modellarini rasmlarga qarab ajratish qiyin bo‘lsa-da, bu Samsung smartfonlarida odatiy hol hisoblanadi.

Texnik xususiyatlarga ko‘ra, ikkala model ham...

Apple kompaniyasi SpaceX bilan Starlink sun’iy yo‘ldosh tarmog‘i orqali iPhone’larda to‘g‘ridan to‘g‘ri uyali aloqa (Direct-to-Cell)ni yo‘lga qo‘yish bo‘yicha muzokaralar olib bormoqda. WCCF nashrining The Information’ga tayanib xabar berishicha, ushbu texnologiya ilk bor iPhone 18 Pro flagmanlarida paydo bo‘lishi mumkin.

Yangi yechimning asosiy afzalligi – foydalanuvchilardan hech qanday qo‘shimcha uskuna talab qilinmaydi. Smartfonlar past Yer orbitasidagi Starlink sun’iy yo‘ldoshlariga oddiy aloqa minoralariga ulangandek bevosita ulanadi. Hozircha muzokaralarning aniq bosqichi bo‘yicha rasmiy yoki insayderlik ma’lumotlari mavjud emas.

Ayni paytda Apple «Favqulodda SOS» funksiyasi uchun Globalstar bilan hamkorlik qilmoqda. Biroq insayderlarga ko‘ra, tomonlar o‘rtasidagi munosabatlar sovuqlashgan. Apple ushbu kompaniyaga qariyb $2 mlrd...

O‘zbekiston rahbari Turkiya Respublikasi prezidenti Rajab Toyyib Erdo‘g‘anning taklifiga binoan 29-yanvar kuni rasmiy tashrif bilan Turkiyada bo‘ladi. Bu haqda prezident matbuot xizmati ma’lum qildi.

Tashrif doirasida Anqara shahrida ikki davlat rahbarlari raisligida Strategik hamkorlik kengashining to‘rtinchi yig‘ilishi o‘tkazilishi rejalashtirilgan.

Muzokaralarda O‘zbekiston – Turkiya keng qamrovli strategik sheriklik munosabatlarini kengaytirish masalalari muhokama qilinadi. Siyosiy muloqotni rivojlantirish, tovar ayirboshlashni oshirish, ustuvor iqtisodiy tarmoqlarda kooperatsiya loyihalarini ilgari surish hamda transport jihatidan o‘zaro bog‘liqlikni mustahkamlashga alohida e’tibor qaratiladi.

Shuningdek, madaniy va gumanitar almashinuvlarni davom ettirish, xalqaro va mintaqaviy kun tartibidagi dolzarb masalalar yuzasidan fikr almashish rejalashtirilgan. Oliy darajadagi muzokaralar yakunida salmoqli hujjatlar...

2026-yilgi Osiyo kubogining «C» guruhi 1-turidan o‘rin olgan O‘zbekiston – Tojikiston uchrashuvi golsiz durang bilan yakunlandi. Markaziy Osiyo derbisi sifatida katta qiziqish uyg‘otgan bahsda tomonlar 0:0 hisobiga rozi bo‘ldi.

O‘zbekiston terma jamoasi bosh murabbiyi Nodir Eliboyev jamoani Shavkat Ibragimov boshchiligidagi tarkibda maydonga tushirdi. Uchrashuvning dastlabki daqiqalaridayoq darvozabon Ibragimov bir necha bor xavfli vaziyatlarda jamoani goldan qutqarib qoldi. Birinchi bo‘limda Elbek To‘lqinov, Muzaffar Ahadjonov va Ilhomjon Hamroyev tomonidan yaratilgan vaziyatlar Tojikiston posboni Bekmurodovning ishonchli o‘yini sababli golga aylanmadi.

Ikkinchi bo‘limda ham o‘yin keskin va ehtiyotkor tarzda davom etdi. 26-daqiqada Ibragimov yana bir bor birga-bir vaziyatda seyv amalga oshirdi. 30-daqiqada esa...

Markaziy bank raisi Timur Ishmetov chakana kreditlash hajmining oshishiga qarshi emasligini, biroq jarayonning sifati muhimligini ta’kidladi. Bu haqda u 28-yanvar kuni o‘tkazilgan matbuot anjumanida ma’lum qildi, deb xabar bermoqda Kursiv Uzbekistan muxbiri.

Regulyator fuqarolar daromadiga mos kelmaydigan qarz yukiga botib qolishidan ogohlantirmoqda.

Markaziy bank rahbariyatining qayd etishicha, garchi aholi tomonidan kreditlarga talab yuqori bo‘lsa-da, umumiy kreditlash hajmi iqtisodiyotga nisbatan hali ham past darajada. Shu sababli o‘sish tabiiy jarayon sifatida baholanmoqda va uni sun’iy cheklash rejalashtirilmagan. Biroq asosiy e’tibor aholining to‘lov qobiliyati va kreditlarning qaytarilish sifatiga qaratiladi.

«Kreditlar qandaydir emotsional tarzda olinib, ertaga muammoli kreditga...

2025-yil yakunlariga ko‘ra, O‘zbekistondan yuklarni eksport qilish bo‘yicha buyurtmalar soni 29 foizga oshdi. Bu haqda Kursiv Uzbekistan’ga ATI.SU yuk tashish birjasi matbuot xizmati ma’lum qildi.

Eng katta o‘sish Qirg‘izistonga to‘g‘ri keldi – talab uch baravarga oshgan. Shuningdek, O‘zbekistondan Rossiyaga yuk yetkazish bo‘yicha buyurtmalar 24 foizga, Qozog‘istonga 23 foizga, Belarusga esa 48 foizga ko‘paygan.

ATI.SU ma’lumotiga ko‘ra, yil davomida import yuk tashish bozori 21 foizga kengaydi. Yetakchi davlat Rossiya bo‘ldi (+17 foiz). Eng tez o‘sish esa Qozog‘iston (+45 foiz), Xitoy (+54 foiz) va Qirg‘izistonda (+117 foiz) qayd etildi.

Avvalgi yilga o‘xshab, O‘zbekiston ichidagi yuk tashishlarga bo‘lgan buyurtmalar soni ham keskin oshib...

6 – 19-yanvar kunlari «Toshkent» Respublika fond birjasida «O‘zsanoatqurilishbank» ATB (UZ7037560008) oddiy aksiyalari narxlari sezilarli darajada oshgani kuzatildi. Bu haqda fond birjaning rasmiy sahifasida ma’lum qilindi.

Bozor qoidalariga muvofiq, keskin va asoslanmagan narx o‘zgarishlari sababli 21-yanvardan savdolar vaqtincha to‘xtatilgan edi.

Birja nazorat komissiyasi holatni har tomonlama tahlil qilib, savdolarni tiklashga qaror qildi. Tahlil davomida bankning moliyaviy ko‘rsatkichlari, so‘nggi uch yildagi narx dinamikasi, yangiliklar va amalga oshirilgan bitimlar o‘rganildi. Shu bilan birga, Milliy Investitsiya jamg‘armasi 30% aksiyalarga egalik qilgani ham bozor uchun muhim omil sifatida qayd etildi.

Savdolar 2026-yil 28-yanvardan boshlab 20-yanvarda shakllangan yopilish narxi asosida qayta tiklandi.

«Ipoteka-bank»

Shuningdek...

Savdo urushlari, geosiyosiy beqarorlik va oldindan aytib bo‘lmaydigan hukumat siyosati 2026-yilda global iqtisodiyot uchun asosiy xavflar ro‘yxatida birinchi o‘rinda turadi. Bu haqda Visual Capitalist ma’lumotlarida keltirilgan.

Unga ko‘ra, dunyoning eng badavlat shaxslari iqlim o‘zgarishi yoki texnologik uzilishlardan ko‘ra tarif to‘siqlari haqida ko‘proq tashvishlanadi.

Global kapitalning eng ko‘p qo‘rquvi bo‘lgan 3 ta narsa

So‘rov natijalariga ko‘ra, juda boy investorlarning kayfiyatini shakllantiradigan uchta asosiy omil mavjud. Birinchisi tariflar va savdo cheklovlari (66 foiz). Bu yilning eng katta tahdidi. Ko‘pchilik respondentlar protektsionizm o‘rnatilgan ta’minot zanjirlarini buzishidan qo‘rqadi.

Ikkinchisi yirik geosiyosiy mojarolar (63 foiz). Urushlar, mintaqaviy beqarorlik va yirik davlatlar o‘rtasidagi...

Navoiy viloyatida davlat zaxirasidagi yerlarda noqonuniy oltin qazib olish va uni kimyoviy qayta ishlash bilan shug‘ullanuvchilar faoliyatiga chek qo‘yildi. Bu haqda Davlat xavfsizlik xizmati xabar berdi.

Aniqlanishicha, noqonuniy oltin savdosiga ixtisoslashgan uyushgan jinoiy guruh xorijiy davlat fuqarolarini jalb qilgan holda soliq, geologiya, ekologiya va atrof-muhitni muhofaza qilish sohasidagi qator qonunchilik talablariga zid ravishda faoliyat yuritgan. Ularga Karmana tumanidagi sport sohasiga ixtisoslashgan MChJ rahbari boshchilik qilgan.

O‘tkazilgan tadbirda qonunbuzarlardan 17,2 kg oltin va kumush qorishmasi, 20 kg yarim tayyor oltin mahsuloti, tarkibida oltin zarralari bo‘lgan 250 kg boyitilgan ko‘mir hamda 280 tonnadan ortiq qum va rudalar, 230 litr maxsus...

Milliarder Ilon Maskga tegishli SpaceX kompaniyasi 2026-yil iyun o‘rtalarida IPO o‘tkazish imkoniyatini ko‘rib chiqmoqda. Bu haqda Reuters manbalarga tayanib xabar berdi.

Ma’lumotlarga ko‘ra, joylashtirish doirasida $50 mlrdgacha mablag‘ jalb qilinishi rejalashtirilgan. SpaceX moliyaviy direktori Bret Jonsen dekabr oyidan buyon xususiy investorlar bilan kompaniyaning fond bozoriga chiqish tafsilotlari bo‘yicha muzokaralar olib bormoqda. Ilon Mask uzoq vaqt davomida kompaniyani yopiq shaklda saqlash tarafdori bo‘lgan. Biroq Starlink sun’iy yo‘ldosh internet xizmatining muvaffaqiyati va SpaceX’ning tez o‘sib borayotgan qiymati strategiyani qayta ko‘rib chiqishga majbur qilgani aytilmoqda.

IPO’ni tashkil etishda Wall Street’ning to‘rtta yirik banki yetakchi hamkor sifatida jalb etilishi kutilmoqda. Ular listing...

So‘nggi sutka davomida sport yulduzlari ijtimoiy tarmoqlarda nimalarni ulashdi? Abduqodir Husanov «shaharliklar» reklama hamkorlari libosida ko‘rinish berdi, Eldor Shomurodov merganlikda o‘zini sinab ko‘rdi, Maxmud Muradov esa shaxsiy hayotidagi yangiliklar bilan bo‘lishdi.

Husanov «Manchester Siti»ning yangi reklama libosida

O‘zbekistonlik iqtidorli himoyachi Abduqodir Husanov «Manchester Siti» va Puma hamkorligida tayyorlangan yangi libosda namoyon bo‘ldi. So‘nggi uchrashuvlarda muntazam asosiy tarkibdan joy olib kelayotgan futbolchi «shaharliklar»ning ishonchli qo‘rg‘oniga aylanib ulgurdi.

Abbos Fayzullayevdan ajoyib gol

Turkiya yashil maydonlarida o‘z mahoratini ko‘rsatayotgan Abbos Fayzullayev mashg‘ulotlar jarayonida faolligini yo‘qotgani yo‘q. Futbolchi navbatdagi uchrashuvga tayyorgarlik ko‘rish asnosida darvozaga chiroyli gol urishga muvaffaq...

Xitoyning Guanchjou shahridagi Dongfeng-Nissan zavodida Nissan’ning yangi Nissan NX8 elektromobili konveyerdan chiqdi. Bu haqda CarNewsChina nashri ma’lum qildi.

Kompaniya ma’lumotiga ko‘ra, krossover yaqin orada Xitoy ichki bozoriga BEV va EREV modifikatsiyalarida taqdim etiladi. NX8 Dongfeng-Nissan’ning elektr N-seriyasidagi uchinchi avtomobil bo‘ldi. Seriyaga avvalroq N6 va N7 sedanlari kirgan. China EV DataTracker ma’lumotlariga ko‘ra, ushbu modellar jami 52 769 dona sotilgan. NX8’ning ommaviy ishlab chiqarilishi 28-yanvarda boshlandi, bozorga chiqishi esa mart – aprel oylariga rejalashtirilgan.

Kompaniya rasmiy xabarida birinchi seriyali NX8 28-yanvar kuni «binafsha press-rang»da ishlab chiqarilganini bildirdi. Yig‘ish ishlari Guanchjoudagi Huadu zavodida amalga oshirilmoqda. Ushbu majmuaning yillik quvvati...

Chevrolet brendi ostida taqdim etilgan Chevrolet Move N400 modeli avtomobil bozorida katta qiziqish uyg‘otdi. O‘zbekistonda ko‘pchilik uni shunchaki «yangi Damas» deb atamoqda. Ilgari Damas xarakterli, shovqinli va xavfli avtomobil sifatida tanilgan edi. Maqolada Chevrolet Move N400 modeli haqida so‘z boradi.

Mundarija:

Tashqi ko‘rinish

Salon qismi

Kenglik va sig‘im

Dvigatel va texnika

Qanday harakatlanadi

Tashqi ko‘rinish

Yangi Move N400 vizual jihatdan sodda va tartibli bo‘lib qolgan. Old qismi sokin va oddiy dizaynga ega. Multfilm qahramoniga o‘xshash elementlar yo‘q. Maksimal komplektatsiyada xrom panjara va tuman chiroqlari avtomobilni ancha...