Yangiliklar

Xiaomi kompaniyasi Xiaomi, Redmi va Poco’ning 15 ta modeli uchun Android 15 asosidagi HyperOS 3 tizimining ichki barqaror test sinovlarini boshladi. Bu haqda XiaomiTime xabar bermoqda.

Ichki test dasturiga kiritilgan qurilmalar orasida Xiaomi 12T Pro, Xiaomi 12S Ultra, Xiaomi 13 Lite, MIX Fold 2, Redmi Note 13 5G, Poco F5 hamda Poco F5 Pro bor. Ushbu modellarda allaqachon barqaror yig‘malar sinovdan o‘tkazilmoqda va agar jarayon davomida jiddiy texnik nosozliklar aniqlanmasa, ommaviy yangilanish tez orada taqdim etiladi.

To‘liq testdan o‘tayotgan qurilmalar ro‘yxati quyidagicha shakllantirilgan:

HyperOS 3 yangilanishlarining global jadvaliga ko‘ra, eng ommabop modellar — Xiaomi 12T Pro, Xiaomi 12S Ultra...

Shavkat Mirziyoyev FIA rahbari Muhammad bin Sulaymga O‘zbekistonda avtosportni xalqaro standartlarga muvofiq ommalashtirishga qo‘shgan hissasi uchun «Do‘stlik» ordenini topshirdi. Bu haqda davlat rahbari matbuot xizmati ma’lum qildi.

Unga ko‘ra, Toshkentda bo‘lib o‘tadigan Xalqaro avtomobil federatsiyasi (FIA)ning Bosh assambleyasida ishtirok etish uchun mamlakatimizda bo‘lib turgan FIA prezidenti boshchiligidagi delegatsiya qabul qilindi. Uchrashuvda delegatsiya tarkibida FIA Senati prezidenti Karmelo Sans de Barros hamda mobillik va turizm bo‘yicha vitse-prezidenti Tim Shirman ham ishtirok etdi.

Muloqot davomida O‘zbekistonda avtomobil sportining kartingdan tortib «Formula» poygalarigacha bo‘lgan barcha yo‘nalishlarini rivojlantirish muhimligi qayd etildi. FIA universiteti imkoniyatlaridan foydalanib, o‘zbekistonlik poygachilar, karting haydovchilari, muhandislar va mexaniklarni...

Bahromjon Turaevich Norqobilov Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi raisligidan ozod etilib, Ohangaron tumani hokimi lavozimiga tayinlandi. Bu haqda Toshkent viloyati hokimligi matbuot xizmati ma’lum qildi.

Unga ko‘ra, Ohangaron tumanida xalq deputatlari Kengashining navbatdan tashqari sessiyasi bo‘lib o‘tdi. Sessiya doirasida tuman hokimi lavozimida ishlagan Madirimov Doniyor Mamatsalievich o‘z vazifasidan ozod etildi. Madirimov ushbu lavozimga 2024-yilning may oyida tayinlangan edi.

Eslatib o‘tamiz, avvalroq Xovos va Marhamat tumanlariga yangi hokimlar tayinlangan edi.

Ob-havo sharoitining keskin o‘zgarishi va kuchli qor yog‘ishi sababli Qamchiq dovonida transport vositalarining harakati vaqtincha to‘xtatildi. Bu haqda YHXX matbuot xizmati ma’lum qildi.

Gidrometeorologiya xizmati markazi ma’lumotiga ko‘ra, hududda ko‘chki xavfi yuzaga kelgani inobatga olinib, 10-dekabr kuni soat 02:30 dan boshlab dovondan o‘tish cheklangan.

Yo‘l harakati xavfsizligi xizmati tomonidan dovon yo‘lining qayta ochilishi bo‘yicha qo‘shimcha ma’lumot berilishi ma’lum qilindi.

Eslatib o‘tamiz, avvalroq Qamchiq dovonida qor yog‘gani sabab ehtiyot choralari kuchaytirilgani haqida xabar bergan edik.

Raqobatni rivojlantirish va iste’molchilar huquqlarini himoya qilish qo‘mitasi Yandex Uzbekistan bilan bog‘liq kompaniyalar guruhi tomonidan Allplay platformasiga egalik qiluvchi «Allmedia Safe Service» MChJ va «Anyway» MChJ ulushlarini xarid qilishga doir arizaga rozilik bildirdi. Bu haqda qo‘mita matbuot xizmati ma’lum qildi.

Unga ko‘ra, ariza «Plus Entertainment Services Holding Ltd» tomonidan taqdim etilgan edi. Qo‘mita avvalroq «Allmedia Safe Service» MChJni video (shu jumladan, televideniye va kino) hamda audio (shu jumladan, musiqa) kontentini onlayn uzatish yoki almashish xizmatlari bo‘yicha ustun mavqega ega raqamli platforma operatori sifatida e’tirof etgan.

Shuningdek, bozorda Yandex kompaniyasiga tegishli Kinopoisk raqamli platformasi ham onlayn...

Bukmekerlikni targ‘ib qiluvchi 70 ga yaqin veb-sayt bloklandi, o‘zbekistonliklar Telegram orqali kriptovalyuta sotib olishi mumkin — Kursiv Uzbekistan tomonidan 9-dekabrning muhim hodisalari jamlandi.

«Texnopark» MChJ rahbariga chora ko‘rildi

Yashnobod tumanida joylashgan «Texnopark» MChJga tegishli cho‘yan quyish sexida o‘tkazilgan tekshiruv davomida chang-gaz tozalash uskunasi mavjudligi aniqlandi. Uskuna belgilangan me’yorlardan ortiqcha ifloslantiruvchi moddalarni atmosfera havosiga chiqarayotgan bo‘lgan.

Hokim va uning o‘rinbosarlari har 5 yilda rotatsiya qilinadi

Kelasi yildan respublikaning 33 ta tuman va shaharda kadrlar rоtatsiyasi tizimi yo‘lga qo‘yiladi. Shuningdek, 2026-yil 1-yanvardan boshlab «Yangi O‘zbekiston» qiyofasidagi tuman (shahar) maqomiga ega bo‘lgan 33 ta hudud hokimliklarida natijaga asoslangan boshqaruv...

10-dekabr kuni O‘zbekistonda kechasi va ertalab yomg‘ir, ayrim hududlarda qor yog‘ishi kutilmoqda. Harorat kechasi -10…+7°, kunduzi -3…+19° oralig‘ida bo‘ladi, deya xabar bermoqda «O‘gidromet».

Quyida ob-havo ma’lumoti viloyatlar kesimida:

IMDb kinoportali 2025-yil bo‘yicha eng mashhur filmlar ro‘yxatini e’lon qildi. Reyting IMDB’ning 250 milliondan ortiq foydalanuvchilari tomonidan sahifa ko‘rishlari va izlash faolligiga asoslanadi.

Natijalarga ko‘ra, joriy yilning mutlaq yetakchisi – DC’ning qayta ishga tushirilayotgan koinoti uchun boshlang‘ich nuqtaga aylangan Supermen filmi bo‘ldi.

Bu loyiha Warner Bros uchun g‘oyat muhim edi. Sababi, so‘nggi yillardagi muvaffaqiyatsizliklardan keyin DC filmlarining kelajagi aynan ushbu kartinaning natijalariga bog‘liq bo‘lgan.

Film studiya kutgan natijani berdi: tanqidchilar ham, tomoshabinlar ham ijobiy baho berishdi, shuningdek, u 2025-yilda chiqarilgan barcha Marvel filmlaridan ko‘ra ko‘proq daromad yig‘ishga muvaffaq bo‘ldi. Shu darajada yaxshi natija bo‘lgani uchun Warner allaqachon film...

Shavkat Mirziyoyev 9-dekabr kuni avtomobil yo‘llari sohasida amalga oshirilayotgan ishlar va kelgusi rejalar bo‘yicha taqdimot bilan tanishdi. Bu haqda prezident matbuot xizmati ma’lum qildi.

Soha rivojiga qariyb 40 trln so‘m ajratilib, 63 ming kilometr yo‘lda qurilish va ta’mirlash ishlari bajarildi. Xorijdan jalb qilinayotgan mablag‘lar 2025-yilda $1,2 mlrdga yetdi. Yo‘l qurilishida hududning geologik va ekologik xususiyatlaridan kelib chiqqan holda loyihalashtirish amaliyoti joriy etildi, zamonaviy turdagi qoplamalar yo‘llarning xizmat muddatini 1,5 barobarga oshirdi.

Kelgusi yillarda 21 ming km yo‘lni qurish va ta’mirlash, 14 ming km tuproq yo‘llarni shag‘allashtirish hamda 325 ta ko‘prikni ta’mirlash rejalashtirilgan. Bunda xorijiy ekspertlar va texnologiyalarni keng...

Sirdaryo viloyatining Xovos tumani va Andijon viloyatining Marhamat tumani hokimi lavozimida yangi tayinlovlar amalga oshirildi. Bu haqda ikkala viloyat hokimliklari matbuot xizmati ma’lum qildi.

Xovos tumanida xalq deputatlari tuman Kengashining navbatdan tashqari sessiyasida tuman hokimi lavozimi bo‘shatilganligi e’lon qilinib, yangi hokim sifatida Yuldashev Qomus Mirovich tasdiqlandi. Sessiyada shu kunga qadar tuman hokimi lavozimida ishlagan Yo‘ldoshev Ulug‘bek Xasanovich egallab turgan lavozimidan ozod qilindi.

Yuldashev Qomus Mirovich 1983-yilda Sirdaryo viloyati, Shirin shahrida tug‘ilgan. 2004-yilda Toshkent To‘qimachilik va yengil sanoat institutini tamomlagan. U Raqobatni rivojlantirish va iste’molchilar huquqlarini himoya qilish qo‘mitasi Sirdaryo viloyati hududiy boshqarmasi boshlig‘i lavozimida faoliyat yuritgan.

Shu bilan...

2025-yilning birinchi yarmida Toyota dunyoning eng ko‘p sotilgan brendi bo‘ldi. Bu haqda Visual Capitalist nashri ma’lum qildi.

Kompaniya 4,7 milliondan ortiq avtomobillar sotib, raqobatchilarni katta farq bilan ortda qoldirdi. Ammo yillik o‘sish bo‘yicha mutlaq yetakchi – Xitoyning BYD kompaniyasi bo‘ldi.

Shuningdek, Volkswagen yilning birinchi yarmida 2,32 million avtomobil sotdi va 5 foizlik o‘sish qayd etdi. Ammo asl holat shuki, VW Yevropa bozoridagi pasayishni Xitoydagi sarmoyalar bilan yopishga urinmoqda. Ford esa bor-yo‘g‘i 1 foiz pasayish ko‘rsatsa-da, ikkinchi yarmi bundan ham murakkab bo‘lishi mumkin. Narxlar bosimi va elektromobil segmentidagi sekinlik kompaniyaga bosim qilmoqda.

BYD 2 milliondan ortiq avtomobil bilan global reytingda...

«UzEltexsanoat» assotsiatsiyasi va Janubiy Koreyaning Robotis kompaniyasi O‘zbekistonda gumanoid robotlar ishlab chiqarish bo‘yicha memorandum imzoladi. Bu uchun Toshkentda 66 ming kvadrat metr maydonda ishlab chiqarish maydoni ajratilishi rejalashtirilmoqda.

Gumanoid robotlar ishlab chiqarishni yo‘lga qo‘yish bo‘yicha muzokaralar O’zbekiston-Janubiy Koreya biznes davra suhbatida bo‘lib o‘tdi. O‘zbekiston tomonidan tadbirda Investitsiyalar va tashqi savdo vaziri Jamshid Xo‘jayev boshchiligidagi hukumat delegatsiyasi ishtirok etdi.

O‘zbekiston ushbu tashabbusni qo‘llab-quvvatlash bo‘yicha davlat dasturlariga birinchi darajali e’tibor qaratishga tayyorligi ta’kidlandi. Shuningdek, hujjatda yangi soha uchun kadrlar tayyorlash tizimini rivojlantirish masalasi ham ko‘zda tutilgan.

Ma’lumot uchun, Robotis kompaniyasi 1999-yilda Seulda tashkil etilgan bo‘lib, robototexnika uskunalari...

O‘zbekiston tashqi ishlar vaziri Baxtiyor Saidov Braziliyaning yangi tayinlangan elchisi Serjio Rodriges dos Santosni qabul qildi. Bu haqda vazirning Telegram sahifasida ma’lum qilindi.

Unga ko‘ra, uchrashuv davomida ikki tomonlama munosabatlarning jadal rivojlanayotgan dinamikasi muhokama qilindi hamda mamlakatlarimiz o‘rtasida mavjud bo‘lgan hamkorlik imkoniyatlari ko‘rib chiqildi.

Braziliyaning yangi elchisi Serjio Rodriges dos Santos 57 yoshda bo‘lib, 1995-yildan beri Braziliya Tashqi ishlar vazirligi va xorijiy muassasalarda mas’ul lavozimlarda faoliyat yuritib kelmoqda. U 2022 – 2025 yillarda Toshkentdagi elchi sifatida akkreditatsiyadan o‘tgan Rodrigo de Lima Baena Soares o‘rniga tayinlandi.

Eslatib o‘tamiz, avvalroq Finlyandiya elchisining O‘zbekistondagi faoliyati yakunlanishi haqida xabar bergan...

Yevropa Ittifoqi Google’ning nashriyotlar tomonidan yaratilgan onlayn materiallar va YouTube’ga yuklangan videolardan sun’iy intellekt modellarini o‘qitishda qanday foydalanayotgani ustidan navbatdagi antimonopoliya tergovini boshladi. Bu haqda Reuters nashri xabar berdi.

Bu kompaniyaga nisbatan so‘nggi bir oy ichida ochilgan ikkinchi katta surishtiruv bo‘lib, Yevropa texnologiya gigantlari ustidan nazoratni keskin kuchaytirayotganidan darak beradi.

Brusselning bayonotiga ko‘ra, asosiy e’tiroz Google’ning AI Overviews, ya’ni izlash natijalari ustida paydo bo‘ladigan sun’iy intellekt asosidagi qisqa xulosalar uchun nashriyotlar kontentidan yetarli kompensatsiya to‘lamasdan foydalanayotgani bilan bog‘liq. Xuddi shunday xavotirlar YouTube videolari bo‘yicha ham bildirilgan: foydalanuvchilar yuklagan videolar SI modellarni o‘qitishga jalb etilishi mumkin, lekin yaratuvchilarga bu borada...

Toshkent, Farg‘ona va Navoiy viloyatlarida kuchli ta’sir qiluvchi dorilarning noqonuniy savdosi bo‘yicha bir nechta tezkor tadbirlar o‘tkazildi. Bu haqda Bosh prokuratura departamenti ma’lum qildi.

Toshkent viloyati Zangiota tumanida yashovchi fuqaroning Toshkent shahri Uchtepa tumanidagi ijaraga olingan uyda qiymati 1,5 mlrd so‘mlik kuchli ta’sir qiluvchi moddalarni saqlayotgani aniqlandi. Fuqarodan «Pregabalin Capsules» (15 330 dona), «Chorionig Gonadotropxin Injection» (1 196 dona), «Sodium Chloride Injection I.P» (1 175 dona) va «Iron Sucrose Injection» (501 dona) dorilar hujjatlashtirildi.

Yana bir holat Navoiy viloyatida yuz berdi. Tomdi tumanida fuqaro «Burqut» MFY hududidagi savdo do‘konida boshqa fuqaroga 10 quti «Sibutramin» moddasi mavjud bo‘lgan...

Xitoy Yo‘lovchi Avtomobillari Assotsiatsiyasi (CPCA) joriy yilning yanvar–oktabr oylarida eng ko‘p xarid qilingan krossoverlar reytingini e’lon qildi. Hisobotga ko‘ra, bozor yetakchisi 220 916 dona sotuv bilan Geely Monjaro bo‘ldi.

Model yil boshidan boshlab segmentda birinchi o‘rinda kelgani, yangilangan dizayn va 272 ot kuchiga ega dvigatel uning savdosini yanada oshirganini ko‘rsatdi. Ikkinchi o‘rinni 187 750 dona sotuv bilan Geely Atlas egalladi. Uchinchi pog‘onada 176 669 dona sotilgan Toyota RAV4 qayd etildi. Kuchli beshlikdan Volkswagen Tiguan L (164 867 dona) va Changan CS75 Plus (151 752 dona) ham o‘rin oldi.

Keyingi o‘rinlarda Chery Tiggo 8 — 149 351 dona...

Oppo kompaniyasi yangi A6L smartfonini rasman namoyish qildi. Bu haqda GSMArena nashri ma’lum qildi.

Modelning eng asosiy afzalligi 7000 mA·soat sig‘imdagi yirik akkumulyator bo‘lib, u 80 Vt tezkor quvvatlashni qo‘llab-quvvatlaydi. Bunday sig‘im, ayniqsa, uzoq vaqt video ko‘ruvchilar yoki o‘yin o‘ynaydigan foydalanuvchilar uchun katta ustunlik beradi.

Smartfon Qualcomm Snapdragon 7 Gen 3 protsessori asosida ishlaydi, operatsion tizim Android 15, interfeys esa ColorOS 15. Gadjet zamonaviy talablar darajasida ishlab chiqilgan va unumdorlik bo‘yicha o‘rta sinfning kuchli vakillaridan biri bo‘lishi kutilmoqda.

Ekran va kamera

Oppo A6L AOLED texnologiyasiga ega 6,8 dyuymli displey bilan jihozlangan. Ekran Full HD+ aniqlikni va 120 Gs...

Shavkat Mirziyoyev mahallalarni kambag‘allik va ishsizlikdan xoli hududlarga aylantirish hamda aholi bandligini ta’minlash bo‘yicha olib borilayotgan ishlar yuzasidan axborot bilan tanishdi. Bu haqda prezident matbuot xizmati ma’lum qildi.

Majlisda «mahalla yettiligi» faoliyatida samaradorlik mezonlari yo‘qligi ta’kidlanib, ishsizlik va kambag‘allikni qisqartirishda mas’uliyatni kuchaytirish zarurligi bildirildi. «Yettilik» faoliyati aholi bandligi va daromadlarida aks etishi lozimligi, bu borada manzilli ishlarni kuchaytirish topshirildi. Shuningdek, mahallalardagi muammolarni aniqlab, ularni hal etishga e’tiborni kuchaytirish belgilandi.

Og‘ir toifadagi mahallalardagi ishlar ko‘rib chiqilib, infratuzilma, elektr ta’minoti, internet sifati va tomorqadan foydalanish imkoniyatlarini kengaytirish topshirildi. Joriy yilda kambag‘allik darajasi 8,9 foizdan 6 foizga tushishi, kelgusi yilda uni...

O‘zbekiston hududida 10 – 12-dekabr kunlari kutilayotgan kuchli yog‘ingarchilik va havo haroratining keskin o‘zgarishi tufayli bir nechta tog‘li hududlarda qor ko‘chishi xavfi yuzaga kelmoqda. Bu haqda «O‘zgidromet» ma’lum qildi.

Xususan, Toshkent viloyatining Bo‘stonliq, Ohangaron va Parkent tumanlari (Chotqol tizmasi tog‘lari), Namangan viloyatining Pop tumanida xavf darajasi oshgan.

«O‘zgidromet» tog‘li hududlarda yashovchi aholi, dam oluvchilar va ushbu yo‘nalishlarda qatnovchi haydovchilarga alohida ehtiyotkorlik choralariga amal qilishni tavsiya etmoqda. Ob-havo sharoiti yomonlashishi ortidan ayrim yo‘llarda sirpanchiq holat, ko‘chki xavfi va ko‘rinuvchanlikning pasayishi ehtimoli bor.

Avvalroq «Kursiv» nashri 8-dekabrdan O‘zbekistonga sovuq va nam havo kirib kelishi haqida yozgandi.

9 – 10-dekabr kunlari...

YouTube bosh direktori Nil Moxan Time jurnali tomonidan 2025-yilning «Eng yaxshi bosh direktori» (CEO of the Year) deb e’tirof etildi. Bu haqda Time nashri xabar bermoqda.

Nil Moxan YouTube’ni 2023-yildan beri boshqarib kelmoqda. Ushbu davr mobaynida platforma striming, televideniye va podkastlar yo‘nalishida o‘z pozitsiyalarini keskin mustahkamladi. Shorts qisqa videolari foydalanuvchilari soni esa oyiga 2 mlrd nafarga yetdi. Shuningdek, YouTube sport tadbirlari va jonli translyatsiyalar uchun asosiy maydonlardan biriga aylandi.

Kompaniya kontent mualliflariga e’tiborni kuchaytirib, videolarni yaratish, tarjima qilish va montaj jarayonlari uchun sun’iy intellekt vositalarini faol joriy etmoqda. Time nashrining ta’kidlashicha, Moxan davrida YouTube shunchaki videolarni joylash sayti...

Fermerlarga endi toifalarga qarab kredit ajratiladi. Shavkat Mirziyoyev paxtachilik va g‘allachilikni moliyalashtirish hamda agrar sohada subsidiya berishning yangi tizimi bo‘yicha taqdimot bilan tanishdi.

Unga ko‘ra, hozirda fermerlarga kredit ajratishda moliyaviy barqaror xoʻjaliklarga ham, toʻlov intizomiga rioya etmayotganlariga ham bir xil foiz stavkasi qoʻllanmoqda. Shu bois taqdimotda fermerlar orasida «intizomli boʻlish – arzon kredit» modelini shakllantirish uchun «A» kredit reytingiga ega xoʻjaliklarga 2 foizga, «B» toifadagilarga 1 foizga pasaytirilgan stavkada kredit ajratish va shu orqali intizomli fermerlarning kredit yukini kamaytirish taklif qilindi.

Shuningdek, kelgusi yilda paxta va g‘alla yetishtirish, xarajatlarni qoplash va subsidiyalar uchun jami 34,2 trillion so‘m yo‘naltiriladi...

Davlat soliq xizmati 2025-yil 1-dekabr holatiga ko‘ra, Soliq mobil ilovasidan foydalanish bo‘yicha yangilangan statistikani e’lon qildi.

Ma’lumotlarga ko‘ra, ilovada ro‘yxatdan o‘tgan foydalanuvchilar soni 14,5 mln kishidan oshgan. Shundan 13,7 mln nafari faol foydalanuvchilar hisoblanadi. Shaxsini tasdiqlagan foydalanuvchilar soni esa 8,8 mln nafarga yetgan.

Noyabr oyidagi foydalanish hajmi 89,8 mln martani tashkil etdi. Eng ko‘p foydalanilgan xizmatlar quyidagilar bo‘ldi: eng katta ulush xarid cheklarini keshbekka topshirish xizmatiga to‘g‘ri kelib, 32,4 mln marta ishlatilgan. Soliqlarni to‘lash xizmati orqali 21 mln martadan ortiq murojaat amalga oshirilgan. Soliq Biznes bo‘limi esa 2,6 mln marta foydalanilgan. Soliq hamkori xizmati 1,58 mln marta, quyoshli xonadon...

Angliya milliy terma jamoasi va Saudiya Arabistonining «Al-Ahli» klubi hujumchisi Ivan Touni Londonda hibsga olindi. Bu haqda The Sun nashri xabar bermoqda.

Ma’lumotlarga ko‘ra, mojaro muxlisning futbolchi bilan suratga tushishga urinishi ortidan kelib chiqqan. Muxlislardan biri Touni bilan rasmga tushish uchun uni bo‘ynidan quchoqlamoqchi bo‘lgan. Futbolchi esa esa «Meni tinch qo‘y», deb javob qaytargan.

Guvohlarning ta’kidlashicha, ushbu og‘zaki tortishuvdan so‘ng futbolchi erkakni boshi bilan urib, uning burun sohasiga jarohat yetkazgan. Mahalliy politsiya vakillari hujumda gumonlanib 29 yoshli shaxs qo‘lga olinganini tasdiqladi. Hozirda futbolchi garov evaziga qo‘yib yuborilgan, biroq holat yuzasidan tergov harakatlari davom etmoqda.

Ivan Touni ushbu mavsum barcha...

Transfermarkt portali Eron Pro-ligasida to‘p surayotgan futbolchilarning transfer narxlarini yangiladi. Yangilangan reytingda o‘zbekistonlik futbolchilar kuchli 10 likdan joy oldi.

O‘zbekiston milliy terma jamoasi va «Persepolis» klubi yarim himoyachisi Oston O‘runov 2 mln yevro bilan chempionatning eng qimmat futbolchisi deb topildi. Reytingning kuchli o‘nligiga yana bir o‘zbekistonlik legioner Jaloliddin Masharipov ham kirdi.

24 yoshli Oston O‘runov eng yaqin ta’qibchisini 200 ming yevroga ortda qoldirgan holda yakka peshqadamga aylandi. Ikkinchi o‘rinni «Traktor» klubi a’zosi Husaynzoda va «Istiqlol»dan Jasir Asani band etgan bo‘lib, ularning har biri 1,8 million yevroga baholangan. Shuningdek, «Persepolis» himoyachisi Husayn Kanoni ham xuddi shu narx bilan kuchli to‘rtlikdan...