Yangiliklar

Samsung kompaniyasi yaqin kunlarda bo‘lib o‘tadigan Galaxy Unpacked tadbirida Galaxy Buds4 va Galaxy Buds4 Pro simsiz quloqchinlarini namoyish qiladi. Bu haqda GSMArena ma’lum qildi.

Dizayn va jihozlar

Ushbu renderlar yangi xususiyatlarni oshkor qilmasa-da, Galaxy Buds4 va Buds4 Pro hamda ularning zaryadlovchi qutilarini aniq ko‘rsatmoqda. Pro variant bilan birga zaryadlovchi kabel va qo‘shimcha quloqchalar beriladi. Standart model esa faqat zaryadlovchi kabel bilan taqdim etiladi.

Har ikkala modelga o‘xshash uslubdagi qutilar berilgan bo‘lsa-da, quloqchinlarning o‘zi dizayni bilan farq qiladi. Galaxy Buds4 yarim quloq ichiga moslashuvchi dizaynga ega bo‘lib, silikon quloqchalarsiz ishlatiladi. Buds4 Pro esa silikon quloqchalar bilan to‘liq in-ear dizaynini...

Ijtimoiy tarmoqlarda Yunusobod yo‘nalishida poyezdlar harakat intervali oshgani haqida xabarlar tarqaldi. Holat yuzasidan Toshkent metropoliteni rasmiy munosabat bildirdi.

Ma’lum qilinishicha, 16-fevral kuni Yunusobod yo‘nalishida harakatlanayotgan 65-harakat tarkibi Turkiston bekatida yo‘lovchilarni tushirgandan so‘ng texnik nosozlik aniqlangan. Shu sababli poyezd 7 daqiqaga kechikkan va belgilangan tartibda texnik ko‘rik yo‘lagiga yo‘naltirilgan.

Qayd etilishicha, harakat va yo‘lovchilar xavfsizligini ta’minlash maqsadida nosoz tarkib o‘rniga qisqa muddat ichida zaxira poyezd yo‘nalishga chiqarilgan. Shundan so‘ng harakat jadval asosida tiklangan.

Korxona yuzaga kelgan vaqtinchalik noqulayliklar uchun yo‘lovchilardan uzr so‘radi.

Avvalroq Kursiv Uzbekistan metroda harakat xavfsizligi qoidalarini buzganlik uchun jarima joriy etilgani haqida yozgandi.

Vivo kompaniyasi Vivo V60 Lite 4G smartfonining yangilangan versiyasini taqdim etdi. Bu haqda GSMArena nashri ma’lum qildi.

Platforma va chip xususiyatlari

Mazkur SoC dekabr oyida e’lon qilingan bo‘lib, dastlabki V60 Lite 4G versiyasi 2023-yilda taqdim etilgan Snapdragon 685 chipiga asoslangan edi. Ma’lumotlarga ko‘ra, yangi Snapdragon 6s 4G Gen 2 aslida Snapdragon 685’ning yangilangan talqini hisoblanadi.

Qualcomm rasmiy saytida bu chip hali joylashtirilmagan, ammo mustaqil manbalar unda Cortex-A73 va Cortex-A55 yadrolari ishlatilganini, faqat chastotasi biroz oshirilganini bildiradi. 6 nm texprotsess va Wi-Fi 5 qo‘llovi ham platformaning yangi emasligini tasdiqlaydi.

Texnik xususiyatlari

Smartfonning qolgan texnik ko‘rsatkichlari o‘zgarmagan. Qurilma 6,77 dyuymli...

Farg‘ona viloyatining Qo‘qon shahrida joylashgan ko‘p qavatli uyda gaz-havo aralashmasi chaqnashi oqibatida bir kishi halok bo‘ldi. Bu haqda O‘zA xabar berdi.

Ma’lum qilinishicha, 16-fevral kuni soat 21:18 da shaharning Muqimiy ko‘chasida joylashgan ko‘p qavatli uyda gaz-havo aralashmasining chaqnashi sodir bo‘lgan. Hodisa ortidan yong‘in yuzaga kelgan.

Yong‘in-qutqaruv ekipajlari voqea joyiga 7 daqiqa ichida yetib borib, yong‘inni qisqa fursatda bartaraf etgan. Hodisa natijasida 4 nafar fuqaro turli darajada kuyish jarohatlari olgan.

Shifokorlar tomonidan ko‘rsatilgan tibbiy yordamga qaramay, jabrlanganlardan 1 nafari vafot etgan.

Ayni paytda hodisa sabablari yuzasidan surishtiruv ishlari olib borilmoqda.

Eslatib o‘tamiz, avvalroq Angrendagi ko‘p qavatli uydagi yong‘inda ham...

17-fevral sanasi fan va texnika taraqqiyoti, tarixiy fojialar hamda jahon yulduzlari hayoti bilan bog‘liq muhim voqealarga boy. Kursiv Uzbekistan kunning eng muhim voqealarini xronologik tartibda taqdim etadi.

1600-yili italiyalik faylasuf va mutafakkir Jordano Bruno Rimdagi Gullar maydonida inkvizitsiya tomonidan gulxanda kuydirib qatl etildi. U koinotning cheksizligi va quyosh markazlashgan tizim haqidagi ilg‘or ilmiy qarashlari uchun dindan qaytganlikda ayblangan edi. Bugungi kunda uning nomi erkin fikrlash va fan yo‘lidagi matonat timsoli sifatida xotirlanadi.

1864-yilda AQShdagi fuqarolar urushi davrida tarixdagi ilk muvaffaqiyatli suv osti kemasi hujumi amalga oshirildi. Konfederatsiyaga tegishli «H. L. Hunley» suv osti kemasi torpeda yordamida Shimolning «USS Housatonic...

Sotuvga chiqqan yangi Damas, past o‘sish ko‘rsatgan Yaponiya iqtisodiyoti – 16-fevral kuni e’lon qilingan yangiliklar Kursiv Uzbekistan dayjestida.

2026-yilda Navoiyda 40 ta mahalla ixtisoslashtiriladi

2026-yilda Navoiy viloyatida 40 ta mahalla ixtisoslashtiriladi. Bu haqda Adliya vazirligi ma’lum qildi. Loyihaviy yondashuv asosida hududlar ixtisoslashtiriladi.

«Yangi O‘zbekiston qiyofasidagi mahalla» maqomi berilgan 8 ta qishloq tumanidan tanlab olingan 16 ta mahallada shahar muhiti yaratiladi. Ushbu hududlarda zamonaviy infratuzilma va qulay yashash sharoitlari barpo etiladi.

Oziq-ovqat ishlab chiqaruvchilarini qo‘llab-quvvatlash mexanizmlari ishlab chiqilyapti — Jamshid Xodjayev

O‘zbekistonda oziq-ovqat mahsulotlari ishlab chiqaruvchilarini qo‘llab-quvvatlash bo‘yicha yangi mexanizmlar ishlab chiqilmoqda. Bu haqda bosh vazir o‘rinbosari Jamshid Xodjayev meva-sabzavot va...

17-fevral kuni O‘zbekiston hududida ob-havo o‘zgaruvchan bo‘lib, ayrim joylarda yomg‘ir yoki qor yog‘ishi, tuman tushishi mumkin. Bu haqda «O‘zgidromet» agentligi ma’lum qildi.

Shavkat Mirziyoyev 16-fevral kuni Ramazon oyida ehtiyojmand aholining ijtimoiy himoyasini mustahkamlash masalalariga bag‘ishlangan yig‘ilish o‘tkazdi. Bu haqda davlat rahbari matbuot xizmati ma’lum qildi.

Prezident konstitutsiyaga muvofiq, O‘zbekiston ijtimoiy davlat sifatida fuqarolar farovonligini ta’minlash, ehtiyojmand qatlamlarni qo‘llab-quvvatlash va jamiyatda mehr-oqibat muhitini kuchaytirishni ustuvor vazifa deb bilishini qayd etdi.

Davlat yetakchisi Ramazon oyida nuroniylar, yolg‘iz va ehtiyojmand fuqarolar holidan xabar olish hamda og‘ir ahvolga tushgan oilalarga amaliy yordam berish ezgu qadriyat ekanini ta’kidladi. Shu maqsadda «Ramazon – mehr-muruvvat, ahillik va shukronalik oyi» shiori ostidagi kompleks chora-tadbirlar ishlab chiqildi.

Mazkur tadbirlarni amalga oshirish uchun «Vaqf» xayriya jamoat fondiga 750 mlrd so‘m...

17-fevral kuni uchun ob-havo prognozi taqdim etildi. Bu haqda «O‘zgidromet» xabar berdi.

Unga ko‘ra, respublika hududlarida havo asosan o‘zgaruvchan bo‘ladi, ayrim joylarda yog‘ingarchilik kuzatiladi.

Poytaxtda kechasi va ertalab yomg‘ir yog‘adi, tuman tushishi mumkin. Kunduzi yog‘ingarchilik kutilmaydi. Harorat kechasi 10–12 daraja iliq, kunduzi 15–17 daraja iliq bo‘ladi.

Qoraqalpog‘iston Respublikasi va Xorazmda yog‘ingarchilik kutilmaydi, ayrim joylarda tuman tushadi. Kechasi 0–5 daraja iliq, Ustyurtda 2 darajagacha sovuq, kunduzi 10–15 daraja iliq bo‘ladi.

Buxoro va Navoiy viloyatlarida kechasi va ertalab yomg‘ir yog‘ishi mumkin. Harorat kechasi 5–10 daraja iliq, kunduzi 12–17 daraja iliq bo‘ladi.

Toshkent, Sirdaryo, Jizzax va Samarqand viloyatlarida ba’zi joylarda yomg‘ir yog‘adi...

Sony kompaniyasi PlayStation 6 konsolining chiqarilishini avval rejalashtirilgan 2027-yil kuzidan 2028 yoki 2029-yilga ko‘chirish variantlarini ko‘rib chiqmoqda. Bu haqda Bloomberg nashri ma’lum qildi.

Unga ko‘ra, Sony yangi konsol taqdimotini 2027-yil ikkinchi yarmida chiqarilishi haqida xabar berayotgan edi. Shu davrda Nvidia va AMD’ning yangi videokartalari ham kutilgan edi. Biroq xotira bozoridagi qiyinchiliklar kompaniyaning rejasini o‘zgartirishga majbur qilmoqda.

PS6 konsoli 30 GB GDDR7 xotira bilan jihozlanishi kutilmoqda. Hozirgi narxlar avvalgi oylarga nisbatan sezilarli darajada oshgan, shuning uchun Sony konsol chiqarilishidan oldin shartnomalarni tuzishga majbur. Yangi xotira zavodlari ishga tushirilishi bilan vaziyat taxminan bir yarim yil ichida yaxshilanishi mumkin.

Eslatib o‘tamiz...

Shavkat Mirziyoyev tomonidan Ramazon oyini munosib kutib olish va yuqori saviyada o‘tkazishga doir qaror qabul qilindi. Bu haqda prezident matbuot xizmati xabar berdi.

Hujjatga ko‘ra, 2026-yilda muborak Ramazon oyining boshlanishi 19-fevral kuniga to‘g‘ri keladi. Bu haqdagi ma’lumot O‘zbekiston musulmonlari idorasi axboroti asosida ma’lum qilindi.

Qarorga muvofiq, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, shuningdek, Din ishlari bo‘yicha qo‘mita, Mahallalar uyushmasi, Ijtimoiy himoya milliy agentligi, «Nuroniy» jamg‘armasi hamda boshqa tashkilotlar bilan hamkorlikda Ramazon oyini milliy an’ana va qadriyatlarga mos tarzda o‘tkazish choralarini ko‘radi.

«Ramazon – mehr-muruvvat, ahillik va shukronalik oyi» g‘oyasi asosida kam ta’minlangan va ehtiyojmand fuqarolarni qo‘llab-quvvatlash...

New York City shahridagi Same Same vino bari bir necha kunga noodatiy formatga o‘tdi. Bu yerda tashrif buyuruvchilar o‘zlarining sun’iy intellekt (SI) hamrohlari bilan uchrashuv o‘tkazishlari mumkin bo‘ldi. Bu haqda New York Post xabar berdi.

Loyiha Eva AI ilovasi tomonidan amalga oshirildi. Kafedagi stolchalarga telefon va planshetlar uchun maxsus tagliklar o‘rnatilib, mehmonlar virtual hamrohlari bilan qulay muloqot qilishi uchun sharoit yaratildi.

Ochilish kunida tashrif buyuruvchilarning aksariyati jurnalistlar, blogerlar va texnologiyaga qiziquvchilar bo‘lgan. Oddiy mehmonlar esa nisbatan kam kelgan.

Eva AI vakili Juliya Momblatning aytishicha, loyiha odamlar uchun SI-hamroh bilan real hayotda uchrashuv tajribasini sinab ko‘rish imkonini berish va bunday...

Shavkat Mirziyoyevning tegishli farmoni bilan ta’lim sohasida rahbarlik lavozimida o‘zgarishlar amalga oshirildi. Bu haqda davlat rahbari matbuot kotibi xabar berdi.

Farmonga ko‘ra, Hilola Uktamovna Umarova boshqa ishga o‘tishi munosabati bilan prezident Administratsiyasidagi ta’limni isloh qilish bo‘yicha o‘rinbosarlik lavozimidan ozod etildi.

Uning o‘rniga Ilxom Toxirovich Siradjev mazkur lavozimga tayinlandi. Siradjev bunga qadar prezident Administratsiyasi rahbarining ta’limni isloh qilish bo‘yicha o‘rinbosari bo‘linmasi loyiha koordinatori lavozimida faoliyat yuritgan.

Eslatib o‘tamiz, avvalroq Davlat aktivlarini boshqarish agentligiga direktor tayinlangan edi.

Kia 2026-yilgi yangilangan Kia Sportage Ace modelining premyerasi 5-mart kuni bo‘lib o‘tadi. Model Xitoydagi zavodda ishlab chiqarila boshlagan. Bu haqda Tarantas News nashri xabar berdi.

Yangilanishlar asosan dizayn, interyer va haydovchiga yordam beruvchi tizimlarga qaratilgan, dvigatellar esa o‘zgarishsiz qolgan.

Old qismda yangi kunduzgi chiroqlar va yangilangan radiator panjarasi paydo bo‘lgan. Orqa tomonda esa butun kenglik bo‘ylab cho‘zilgan yoritish elementi qo‘llanilgan. Salon ham modernizatsiya qilingan, L2+ darajadagi assistentlar kengaytirilgan. Ular orasida HDA2 avtomagistral yordamchisi va masofadan turib parkovka qilish (RSPA) funksiyasi bor.

Krossover o‘lchamlari o‘zgarmagan: uzunligi 4695 mm, g‘ildirak bazasi 2755 mm. Dvigatellar qatorida 1.5T (147 kVt) va 2.0T...

YouTube reklama bloklovchi AdBlock’larni ishlatadigan foydalanuvchilar uchun video izohlari va tavsiflariga kirishni chekladi. Bu haqda AndroidAuthority xabar berdi.

Ayrim foydalanuvchilar videolarda «Izohlar o‘chirilgan» degan yozuv paydo bo‘layotgani haqida xabar bermoqda. Muammo turli foydalanuvchilarni qamrab olgan, jumladan, Brave kabi brauzerlardagi ichki reklama bloklovchilarni ishlatadiganlar ham jabr ko‘rgan.

YouTube ba’zi foydalanuvchilar uchun videolarning tavsiflariga kirishni ham cheklamoqda. Bu holat, ayniqsa, YouTube Premium obunachilar uchun ham noqulay.

Muammoning AdBlock bilan bog‘liqligi tasdiqlandi. Ba’zi hollarda foydalanuvchilar AdBlock’ni o‘chirganida izohlar yana ko‘rinmoqda. Bu esa YouTube’ning reklama ko‘rishni istamagan foydalanuvchilar kontentga kirishini cheklayotganini bildiradi.

Eslatib o‘tamiz, avvalroq YouTube Apple Vision Pro uchun maxsus ilovani...

Portugaliya parlamenti 16 yoshgacha bo‘lgan shaxslarning ijtimoiy tarmoqlarga kirishini cheklovchi qonun loyihasini ma’qulladi. Bu haqda Euronews xabar berdi.

Yangi tartibga ko‘ra, 16 yosh mustaqil ravishda ijtimoiy tarmoqlardan foydalanish uchun minimal raqamli yosh etib belgilanadi. 13 – 16 yosh oralig‘idagi bolalar esa faqat ota-onasi yoki qonuniy vasiysining aniq va tasdiqlangan roziligi bilan platformalardan foydalanishi mumkin. 13 yoshgacha bo‘lgan bolalar uchun esa bunday xizmatlarga kirish to‘liq taqiqlanadi.

Cheklovlar Instagram, Facebook va TikTok kabi ijtimoiy tarmoqlarga tatbiq etiladi. Biroq ko‘plab ota-onalar farzandlari bilan muloqot qilishda foydalanadigan WhatsApp ushbu cheklovlardan mustasno bo‘ladi.

Qonun loyihasida, shuningdek, 13 – 16 yoshdagi foydalanuvchilar uchun maxsus yoshni...

Koreys brendi Kia tarixida birinchi bo‘lib chiqarilgan pikap modeli Tasman Rossiyada sotuvga chiqarildi. Bu haqda Avtonews nashri ma’lum qildi.

Texnik xususiyatlari

Xaridorlarga quvvatli benzinli versiya taklif etilmoqd. Pikap 2,5 litrli turbo dvigatel bilan jihozlangan bo‘lib, quvvati 281 ot kuchig ega. Dvigatel klassik avtomatik uzatish qutisi va to‘liq g‘ildirakli haydovchilik tizimi bilan ishlaydi.

Jihozlari va imkoniyatlari

Avtomobil jihozlariga quyidagilar kiradi:

Narxlari

Minimal 2 ming kilometr yurgan nusxa $77,6 mingga baholanmoqda, yangi avtomobil narxi...

Telegram messenjeri bir sutkada 235 282 ta guruh va kanalni blokladi. Bu ko‘rsatkich 23-yanvardan buyon eng yuqori natija bo‘ldi (o‘sha kuni 300 840 ta hamjamiyat o‘chirilgan edi). Bu haqda RIA Novosti messenjer statistik ma’lumotlariga tayanib xabar berdi.

Fevral boshidan buyon – 1,8 milliondan ortiq bloklash

Ma’lumotlarga ko‘ra, fevral oyi boshidan beri jami 1 856 069 ta guruh va kanal bloklangan. Shundan 7 016 tasi «terrorizm bilan aloqador» deb topilgan.

Yil boshidan buyon esa o‘chirilgan hamjamiyatlar soni 7 256 305 taga yetgan. Ularning 27 282 tasi terrorizmga oid kontent tarqatgan guruh va kanallar hisoblanadi.

2015-yildan beri kuchaytirilgan moderatsiya

Telegram ma’lumotiga ko‘ra, 2015-yildan buyon...

O‘zbekistonda ayollar va bolalarga nisbatan zoʻravonlik uchun jazo kuchaytirilishi, pedofiliya uchun umrbod ozodlikdan mahrum etish jazosi joriy qilinishi mumkin. Bu haqda Shavkat Mirziyoyev tasdiqlagan 2026-yil uchun mo‘ljallangan «Mahallani rivojlantirish va jamiyatni yuksaltirish yili» davlat dasturida keltirilgan.

23-yanvar – 1-fevral kunlari ommaviy axborot vositalari va internet tarmoqlarida loyiha bilan 5 milliondan ziyod foydalanuvchilar tanishib, 22 mingdan ziyod fikr-mulohaza va takliflar bildirildi. Oliygohlar va davlat idoralarida 50 dan ortiq muhokama tadbirlari oʻtkazilib, 10 mingga yaqin talaba, professor-oʻqituvchilar va davlat xizmatchilari ishtirok etdi. Xorijdagi vatandoshlar bilan ham alohida muloqotlar tashkil etilib, qator qoʻshimcha tashabbuslar bildirildi.

Tahlillar natijasida konstruktiv deb topilgan 1000 ga...

Shavkat Mirziyoyevga mamlakatda sun’iy yo‘ldoshlar uchirish va milliy fazogirlarni tayyorlash bo‘yicha amalga oshirilayotgan dastlabki ishlar yuzasidan axborot taqdim etildi. Bu haqda prezident matbuot xizmati ma’lum qildi.

Kosmik monitoring va ma’lumotlar

Mamlakatda kosmik ma’lumotlardan foydalanish yaqinda boshlangan bo‘lsa-da, qisqa vaqt ichida muhim amaliy natijalarga erishildi. Davlat kosmik monitoringi tizimi ishga tushirilib, proaktiv tarzda faoliyat yuritmoqda. So‘nggi besh yilda masofadan zondlash ma’lumotlariga talab uch barobar oshgan, bugun ushbu tizimdan 10 dan ortiq davlat idoralari va barcha hokimliklar foydalanmoqda.

Milliy tizimni shakllantirish

Kosmik sohada uzoq muddatli milliy tizimni yaratish, ya’ni sun’iy yo‘ldoshlarni boshqarish, ma’lumotlarni qayta ishlash va ulardan amaliy...

BYD 2026-yil boshida BYD Sealion 06 gibrid avtomobilining yangilangan uzoq masofali talqinini taqdim etadi. Bu haqda CarNewsChina xabar bermoqda.

Yangi versiya 175 kVt quvvatli elektromotor, 1,5 litrli BYD472QC benzin dvigateli hamda 220 kmgacha sof elektr yurish zaxirasi bilan taklif etiladi. Modelda God’s Eye C haydovchiga yordam tizimi va LiDAR sensori opsiyasi mavjud bo‘ladi.

Texnik ko‘rsatkichlar va samaradorlik

Sealion 06 DM-i’ning yangi talqini 175 kVt quvvatli elektromotor bilan jihozlanadi. Maksimal sof quvvat 70 kVtni tashkil etadi. Avtomobilning og‘irligi 1930 kg, maksimal ruxsat etilgan to‘liq massa 2385 kg etib ko‘rsatilgan.

Sof elektr yurish zaxirasi energiya yorlig‘iga ko‘ra 143 km deb...

Yanvar oyida Qozog‘iston avtomobil bozorida Kia avtomobillari Chevroletga nisbatan ko‘proq sotildi. Dilerlik markazlari orqali jami 14,1 mingta avtomobil sotildi.

Oy yakunlariga ko‘ra, brendlar reytingida birinchi o‘rinni Kia egalladi. Kompaniya 2,8 mingta avtomobil sotdi. Bu o‘tgan yilga nisbatan 183,1% ko‘p. Ikkinchi o‘rinda Hyundai 2,7 mingta avtomobil bilan joy oldi. Uchinchi o‘rinni esa 2,5 mingta sotuv bilan Chevrolet egalladi.

Mutaxassislar Kia’ning yuqori natijasini 2025-yilda ishlab chiqarilgan modellar uchun taqdim etilgan chegirmalar bilan bog‘lamoqda.

Modellar kesimida esa yetakchilik Chevrolet Cobalt’da qoldi. Yanvar oyida 2,2 mingta Cobalt sotildi. Ikkinchi o‘rinni 1,5 mingta natija bilan Kia Sportage egalladi. Uchinchi pog‘onada esa 1,4 mingta...

Butun dunyoda har yili yo‘llarda millionlab yo‘l-transport hodisalari sodir bo‘ladi. Ulardan eng ko‘pchiligi Qo‘shma Shtatlar hissasiga to‘g‘ri kelmoqda. Bu haqda UNECE ma’lumotlarida keltirilgan.

Yetakchilar

AQSh umumiy YTHlar soni bo‘yicha muntazam yetakchi hisoblanadi. UNECE hisobotiga ko‘ra, 2019-yilda u yerda qariyb 1,949 mln ta avariya ro‘yxatga olingan. Bu har 1 mln aholiga 5938 ta YTH to‘g‘ri kelishini anglatadi.

CEOWorld ma’lumotiga ko‘ra, umumiy YTHlar soni bo‘yicha yetakchilar qatoriga Yaponiya 540 ming bilan, Germaniya 300 ming bilan, Turkiya 174 ming bilan va Italiya 172 ming bilan kirgan. Biroq har 1 mln aholiga to‘g‘ri keladigan hodisalar soni bo‘yicha Avstriya Germaniyadan yuqori ko‘rsatkich qayd...

Pew Research Center ma’lumotlariga ko‘ra, aholisi eng ko‘p bo‘lgan ayrim davlatlarda fuqarolarning sezilarli qismi tashqi yordam bo‘lmasa, muntazam ravishda asosiy oziq-ovqat mahsulotlarini sotib olishga qiynaladi. Bu ro‘yxatda Indoneziya yetakchilik qilmoqda.

Mamlakat aholining qariyb uchdan bir qismi, ya’ni 82 mln kishi oziq-ovqat yordami oladi. Hukumat qashshoqlikni kamaytirish va aholining ijtimoiy himoyaga muhtoj qatlamlarini narxlar o‘sishidan himoya qilish maqsadida keng ko‘lamli oziq-ovqat subsidiyalari hamda maktab ovqatlanish dasturlarini kengaytirgan.

Ko‘plab davlatlar oziq-ovqat inqirozi siyosiy beqarorlikka aylanib ketmasligi uchun ommaviy tarqatish tizimlaridan faolroq foydalanmoqda. Bular qatoriga AQSh va Afrika mamlakatlari ham kiradi. Masalan, Nigeriyaning mazkur ro‘yxatdagi o‘rni oziq-ovqat xavfsizligining yomonlashuvi bilan bog‘liq. Tribune...