Yangiliklar

General Motors Chevrolet Equinox 2027 elektromobilining buyurtma yo‘riqnomasidan tezkor uy sharoitida quvvatlash imkonini beruvchi muhim opsiyani olib tashladi. Bu haqda GMAutority nashri xabar bermoqda.

Avvalgi model yilida ushbu uskuna Equinox EV RS talqinida qo‘shimcha paket sifatida taklif etilgan. 2026-yilgi Chevrolet Equinox EV RS xaridorlari RPO ZL5 paketi orqali 19,2 kVt quvvatlash modulini tanlashi mumkin edi.

Ushbu paket 1 295 dollar turar, faqat eng yuqori RS komplektatsiyasida mavjud bo‘lgan. Paket tarkibiga nafaqat yuqori quvvatli Level 2 quvvatlash imkoniyati, balki 3 kVt quvvatga ega ikki tomonlama energiya uzatish funksiyasi ham kirgan.

2027-yildan boshlab esa bu imkoniyat bekor qilinadi. Natijada, Chevrolet Equinox...

10-iyun sanasi sanoatdagi burilishlar, kosmosni o‘zlashtirishdagi muhim qadamlar hamda sport olamidagi yorqin voqealar bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1946-yilda boks tarixida og‘ir vazn toifasida jahon chempionligini qo‘lga kiritgan birinchi afro-amerikalik bokschi Jek Jonson vafot etdi. U nafaqat ringdagi yorqin g‘alabalari, balki jamiyatdagi irqiy kamsitishlarga qarshi faoliyati bilan ham e’tibor qozongan edi. Mashhur sportchi o‘zining sport avtomobilida ketayotib, mudhish avtohalokat oqibatida hayotdan ko‘z yumdi.

1947-yili Shvetsiyaning mashhur Saab kompaniyasi o‘zining Saab 92 deb nomlangan birinchi avtomobilini taqdim etdi. Ushbu qadam kompaniyaning aviatsiyadan avtomobilsozlik sanoatiga muvaffaqiyatli kirib kelishini ta’minladi. Samolyotsozlikdagi boy tajriba...

Farg‘onada arzon uy-joylar, sudlarda komplayens xizmati — 9-iyun kuni e’lon qilingan yangiliklar Kursiv Uzbekistan dayjestida.

O‘zbekiston Niderlandiyaga dramatik bahsda imkoniyatni boy berdi

O‘zbekiston milliy terma jamoasi Nyu-Yorkda o‘tgan o‘rtoqlik uchrashuvida Niderlandiyaga 1:2 hisobida yutqazdi. Fabio Kannavaro shogirdlari 90+2-daqiqada hisobni tenglashtirdi, ammo yakunda durangni saqlab qola olmadi.

Uchrashuvning ilk daqiqalaridan Niderlandiya terma jamoasi faolroq o‘ynadi. Mezbonlar to‘p nazoratida ustunlik qildi va O‘tkir Yusupov darvozasi oldida bir necha xavfli vaziyat yaratdi.

O‘zbekistonda parallel qurilish amaliyoti bekor qilinadi

O‘zbekistonda 2026-yil 1-iyuldan boshlab yangi obyektlarda parallel qurilish amaliyoti bekor qilinadi. Bu prezidentning tegishli farmonida belgilandi.

Parallel qurilish deganda loyihalashtirish va qurilish-montaj ishlarini bir...

10-iyun kuni respublika hududlarida havo asosan quruq va biroz bulutli bo‘ladi. Kunduzgi harorat 30–39 darajagacha isiydi. Tog‘oldi va tog‘li hududlarning ayrim joylarida qisqa muddatli yomg‘ir va momaqaldiroq kuzatilishi mumkin.

Quyida ob-havo ma’lumoti viloyatlar kesimida:

8-iyun kuni Turkiyaning Istanbul shahrida yuz bergan baxtsiz hodisa oqibatida O‘zbekistonning voyaga yetmagan fuqarosi halok bo‘ldi. Bu haqda O‘zbekistonning Istanbuldagi Bosh konsulxonasi ma’lum qildi.

Unga ko‘ra, hodisa Fotih tumani, Laleli mavzesidagi tramvay bekatida sodir bo‘lgan. Vafot etgan 6 yoshli bola ota-onasi va yaqinlari bilan Turkiyaga sayyoh sifatida kelgan.

Voyaga yetmagan fuqaro tramvaydan tushganidan so‘ng bekat va tramvay relslari oralig‘ida qisilib qolgan. Shundan keyin transport vositasining harakatlanishi natijasida u og‘ir tan jarohatlari olib, voqea joyida vafot etgan.

Ayni paytda hodisa yuzasidan Turkiya huquqni muhofaza qiluvchi organlari tomonidan tergov harakatlari olib borilmoqda. O‘zbekistonning Istanbuldagi Bosh konsulxonasi marhumning oila a’zolari va...

O‘zbekistonda kelgusi besh yil ichida oltin zaxirasini qo‘shimcha 879 tonnaga oshirish rejalashtirilmoqda. Shavkat Mirziyoyev  togʻ-kon sanoati va geologiya sohasiga bag‘ishlangan taqdimot bilan tanishdi.

Unda qayd etilishicha, tog‘-kon sanoati va geologiya tarmog‘i mamlakat iqtisodiyotida muhim o‘rin tutadi. 2025-yilda jami sanoat mahsulotining 20 foizi ushbu soha korxonalari hissasiga to‘g‘ri kelgan, budjetga tushumlar esa 118,5 trln so‘mni tashkil etgan.

2025-yilda yirik tog‘-kon korxonalarida 7,3 trln so‘m operatsion xarajatlar tejalib, mahsulot tannarxi 9,1 foizga kamaygan. Shuningdek, «Geomonitoring» axborot tizimi orqali 2 mingdan ortiq qazilma uchastkasiga oid ma’lumotlar raqamlashtirilgan.

Kelgusi besh yilda oltin zaxirasini qo‘shimcha 879 tonnaga, kumushni 510 tonnaga va mis zaxirasini...

O‘zbekiston va Gonkong ishbilarmon doiralari o‘rtasidagi hamkorlikni kengaytirish maqsadida Biznes kengash tashkil etiladi bo‘yicha kelishuvga erishildi. Bu haqda Savdo-sanoat palatasi ma’lum qildi.

Markaziy Osiyoga Gonkong maxsus ma’muriy hududi administratsiyasi rahbari Jon Li Kachiu boshchiligidagi yuqori darajadagi biznes missiyasi tashrifi doirasida O‘zbekiston Savdo-sanoat palatasi hamda Gonkong Bosh savdo palatasi (HKGCC) o‘rtasida anglashuv memorandumi imzolandi.

Mazkur hujjat ikki tomonning savdo-iqtisodiy aloqalarini mustahkamlash, investitsiyaviy sheriklikni rivojlantirishga qaratilgan. Muzokaralar shu yil mart oyida O‘zbekistonning Xitoydagi Favqulodda va muxtor elchisi Farhod Arziyevning Gonkong Bosh savdo palatasiga tashrifida boshlangan. Keyinchalik qator uchrashuv va muzokaralar davomida ushbu tashabbus izchil rivojlantirilgan.

Shuningdek, O‘zbekiston Savdo-sanoat palatasi delegatsiyasining...

Audi kompaniyasi uchinchi avlod Audi Q7 krossoverini rasman namoyish qildi. Model tashqi ko‘rinishi, interyeri va texnologik imkoniyatlari bo‘yicha to‘liq yangilanib, avvalgi avloddan sezilarli darajada farq qiladi.

Yangi Audi Q7 kattalashtirilgan radiator panjarasi, balandroq kapot, kengaytirilgan g‘ildirak arkasi va ikki qavatli LED optikasi bilan jihozlandi. Krossoverning asosiy yangiliklaridan biri aqlli faralar bo‘lib, ular yo‘l yuzasiga ogohlantiruvchi belgilarni aks ettira oladi, burilish signallarini yerda ko‘rsatadi hamda eshik ochilganda boshqa harakat ishtirokchilarini ogohlantiradi.

Interyer va sig‘im

Salon qismida asboblar paneli va multimedia tizimini birlashtirgan egri OLED displey o‘rnatilgan. Old yo‘lovchi uchun alohida ekran ham taqdim etilgan. Shuningdek, avtomobil alohida segmentlarining shaffofligini...

Toshkent xalqaro investitsiya forumida 99 mamlakatdan 8 mingdan ziyod kishilar ishtirok etishi kutilmoqda. Shavkat Mirziyoyevga forumga tayyorgarlik jarayonlari doirasida tegishli axborot taqdim qilindi.

Joriy yil 16 – 18-iyun kunlari bo‘lib o‘tadigan beshinchi Toshkent xalqaro investitsiya forumida 99 ta mamlakatdan 8 mingdan ziyod ishtirokchi, jumladan, qariyb 3,1 ming nafar xorijiy mehmon qatnashishi kutilmoqda. Tadbirga xorijiy davlatlar hukumatlari vakillari, xalqaro moliya institutlari, yirik kompaniyalar va investitsiya jamg‘armalari rahbarlari taklif etilgan.

Ma’lumotga ko‘ra, ushbu forum O‘zbekistonning investitsiyaviy salohiyatini xalqaro miqyosda namoyon qilish, xorijiy hamkorlar bilan o‘zaro manfaatli loyihalarni shakllantirish va ularni ilgari surish uchun muhim maydonga aylangan. 2022-yilda ilk bor o‘tkazilgan...

2026-yil 1-may holatiga ko‘ra, bank tizimining jami kredit qo‘yilmalari 629 trln so‘mni, depozitlar hajmi esa 444,4 trln so‘mni tashkil etdi. Bu haqda Markaziy bank ma’lum qildi.

Hududlar kesimida kreditlash bo‘yicha Toshkent shahri yetakchilik qilmoqda. Poytaxt hissasiga 290 trln so‘m yoki mamlakatdagi jami kreditlarning qariyb 46 foizi to‘g‘ri keladi. Depozitlar hajmi bo‘yicha ham Toshkent birinchi o‘rinda bo‘lib, ushbu hududda 341,1 trln so‘mlik depozitlar jamlangan.

Toshkent shahridan keyin eng katta kredit portfellari Farg‘ona viloyatida – 36,4 trln so‘m. Samarqand viloyatida esa ko‘rsatkich 32,3 trln so‘m, Toshkent viloyatida 29,7 trln so‘m hamda Qashqadaryo viloyatida 29,4 trln so‘mni tashkil etgan.

Qoraqalpog‘iston Respublikasi...

Toshkent shahrida tadbirkordan $5 ming pora talab qilganlikda gumonlanayotgan Yunusobod tumani Soliq inspeksiyasining ikki nafar inspektori qo‘lga olindi. Bu haqda DXX matbuot xizmati ma’lum qildi.

Kelib tushgan murojaat asosida DXXning Toshkent shahar bo‘yicha boshqarmasi hamda Iqtisodiy jinoyatlarga qarshi kurashish departamenti xodimlari hamkorligida tezkor tadbir o‘tkazildi.

Ma’lumotlarga ko‘ra, inspektorlar xizmat mavqeyidan foydalanib, tadbirkorga «Chilonzor buyum bozori kompleksi» AJ hududidan uchta savdo do‘konini ijaraga olishda yordam berishni va’da qilgan.

Ular o‘z tanishlari orqali tadbirkorga tegishli MChJning ochiq savdo tenderida g‘olib bo‘lishini ta’minlash hamda do‘konlarni ijaraga olish bo‘yicha shartnomalarni rasmiylashtirib berish evaziga $5 ming talab qilgan.

O‘tkazilgan tezkor tadbir davomida soliq...

Farg‘ona shahrida sotuvchi 198 mln so‘mlik tadbirkorlik subyekti mulkini sotib yuborgani fosh etildi. Bu haqda Bosh prokuratura departamenti ma’lum qildi.

Departamentning Farg‘ona shahri bo‘limi tomonidan tadbirkorlik subyektlari huquqlarini himoya qilish yuzasidan tergovga qadar tekshiruv o‘tkazildi. Tekshiruv davomida savdo do‘konida ishlagan sotuvchi do‘kondagi turli alkogol mahsulotlarini boshqa shaxslarga sotib yuborgani aniqlandi.

Ma’lumotlarga ko‘ra, sotuvchi umumiy qiymati 198,2 mln so‘m bo‘lgan mahsulotlarni sotgan va tushgan pullarni o‘z ehtiyojlari uchun ishlatib yuborgan. Holat oqibatida tadbirkorlik subyektiga sezilarli miqdorda moddiy zarar yetkazilgani qayd etildi.

Mazkur holat yuzasidan Jinoyat kodeksining 167-moddasi, ya’ni o‘zlashtirish yoki rastrata yo‘li bilan talon-toroj qilish alomatlari bilan jinoyat...

Andijon shahrida shifokorlar ishtirokida o‘tkazilgan murakkab tug‘uruq jarayonida to‘rt nafar egizak chaqaloq dunyoga keldi. Bu haqda Sog‘liqni saqlash vazirligi xabar berdi.

Respublika ixtisoslashtirilgan Ona va bola salomatligi ilmiy-amaliy tibbiyot markazining Andijon viloyati filialiga Andijon shahridagi «G‘ayrat» MFYda yashovchi Odinaxon Muhammadjonova joriy yilning 2-iyun kuni ko‘p homilalik tashxisi bilan qabul qilingan.

Oradan bir necha kun o‘tib, muddatidan oldingi tug‘uruq tashxisi bilan unga kesarcha kesish amaliyoti bajarilgan.

Ma’lum qilinishicha, tug‘uruq jarayoni filialning akusher-ginekologlari, neonatologlari va reanimatologlari tomonidan muvaffaqiyatli amalga oshirilgan. Natijada uch nafar o‘g‘il va bir nafar qiz chaqaloq dunyoga kelgan.

Birinchi chaqaloq o‘g‘il bo‘lib, uning vazni 2415 gramm, bo‘yi...

Infinix kompaniyasi yangi Smart 20 smartfonini rasman taqdim etdi. Qurilma katta ekran, sig‘imli batareya va Android 16 operatsion tizimi bilan jihozlangan bo‘lib, narxi $145 dan boshlanadi.

Gizmochina xabariga ko‘ra, yangi Infinix Smart 20 modeli 6,78 dyuymli IPS ekran bilan taqdim etildi. Displey HD+ aniqlik va 120 Hz yangilanish chastotasini qo‘llab-quvvatlaydi. Ekran yorqinligi 700 nitgacha yetadi.

Smartfon MediaTek Helio G81 Ultimate protsessorida ishlaydi. Qurilma 4 GB gacha tezkor va 128 GB gacha doimiy xotira bilan taklif etiladi. Shuningdek, microSD karta orqali xotirani 2 TB gacha kengaytirish mumkin.

Model 5200 mA/soat sig‘imli batareyaga ega. U 15 Vt quvvatdagi tezkor quvvatlashni qo‘llab-quvvatlaydi...

Germaniya arxivlarida olib borilgan tadqiqotlar davomida bir asr avval Germaniyada tahsil olgan o‘zbek yoshlariga oid yangi tarixiy hujjatlar aniqlandi. Bu haqda O‘zA ma’lum qildi.

O‘zbekiston Fanlar akademiyasi Tarix instituti direktori, akademik Azamat Ziyo Yevropa bo‘ylab ilmiy safarida Berlindagi Germaniya Tashqi ishlar vazirligi arxiviga tashrif buyurdi. Akademik arxiv fondlarida o‘zbek xalqi va davlatchiligi, shuningdek, Turon-Turkiston tarixiga oid hujjatlar mavjudligi bilan qiziqdi.

Arxiv mutasaddilari Tarix institutining ilmiy izlanishlarini qo‘llab-quvvatlashga tayyor ekanliklarini bildirib, hujjatlar saqlanayotgan noyob va qimmatli jamg‘armalar bilan tanishtirdi.

O‘rganishlar davomida o‘tgan asrning 20-yillarida yurtimizdan Germaniyaning oliy ta’lim muassasalariga yuborilgan o‘zbek talaba yoshlari haqidagi hujjatlar aniqlandi. Shuningdek, ularni qo‘llab-quvvatlash...

AQSh armiyasiga tegishli AH-64 Apache jangovar vertolyoti 8-iyun kuni Hormuz bo‘g‘ozi yaqinida qulab tushdi. Hodisadan so‘ng vertolyotning ikki nafar ekipaj a’zosi qutqarib olindi, deya xabar bermoqda New York Times.

Manbalarga ko‘ra, vertolyotning qulashiga nima sabab bo‘lgani hozircha aniqlanmagan. U Eron tomonidan urib tushirilganmi, texnik nosozlik yuz berganmi yoki boshqa omillar sabab bo‘lganmi, bu masala yuzasidan tergov olib borilmoqda.

AQSh Markaziy qo‘mondonligi mintaqada Eronning Hormuz bo‘g‘ozi orqali tijorat kemalari harakatiga qo‘ygan cheklovlariga qarshi faol operatsiyalar olib bormoqda. Ushbu missiyalarda Apache vertolyotlari bilan bir qatorda MQ-9 Reaper dronlari hamda F/A-18 va F-35 jangovar samolyotlari ham qo‘llanilmoqda.

Urush boshlangan 28-fevraldan buyon...

10-iyun uchun valyutalar kursi yangilandi. Unga ko‘ra, dollar kursi 21,82 so‘mga tushib, 12 035,22 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

3-iyun kuni 14,39 so‘mga tushib, 11 934,64 so‘mni tashkil qilgan edi. 4-iyun kuni 36,04 so‘mga oshib, 11 970,68 so‘mga, 5-iyun kuni esa 26,53 so‘mga oshib, 11 997,21 so‘mga yetdi. 8-iyun kuni 52,23 so‘mga oshib, 12 049,44 so‘mni, 9-iyun kuni esa 36,04 so‘mga tushib, 12 013,40 so‘mni tashkil qildi.

Markaziy bank ma’lumotlariga ko‘ra, yevro 84,09 so‘mga oshib, 13 915,12 so‘mni, rubl esa 4,08 so‘mga tushib, 167,95 so‘mni tashkil etdi.

Avvalroq Kursiv...

AQSh vositachiligidagi diplomatik sa’y-harakatlar fonida Eron va Isroil o‘zaro hujumlarni vaqtincha to‘xtatganini ma’lum qildi. Bu haqda Reuters agentligi xabar berdi.

Tomonlar hujumlarni to‘xtatganini bildirdi

Eron va Isroil 8-iyun kuni AQSh prezidenti Donald Trampning murojaatidan so‘ng bir-biriga qarshi hujumlarni to‘xtatganini ma’lum qildi. Biroq Tehron Isroil Livandagi Hizbulloh nishonlariga zarbalarni davom ettirsa, harbiy harakatlar qayta boshlanishi mumkinligidan ogohlantirdi.

Bu aprel oyidan buyon ikki davlat o‘rtasidagi eng to‘g‘ridan to‘g‘ri qarama-qarshilik bo‘lib, Vashingtonning urushni tugatish bo‘yicha muzokaralariga salbiy ta’sir ko‘rsatishi mumkinligi qayd etildi.

Raketa zarbalari va javob hujumlari

Eron 7-iyun kuni kechqurun Isroil hududi tomon raketalar uchirib, buni Bayrut chekkasidagi Hizbulloh pozitsiyalariga...

Raqobat qo‘mitasi JCh – 2026 oldidan bukmekerlik xizmatlarini reklama qilish bilan bog‘liq holatlar yuzasidan o‘zbekistonliklarni ogohlantirdi. Bu haqda qo‘mita matbuot xizmati ma’lum qildi.

Qo‘mita xabariga ko‘ra, ijtimoiy tarmoqlar, internet saytlari hamda Telegram’dagi guruh va kanallarda bunday reklama materiallari ko‘paymoqda. Ularda sport natijalariga pul tikish, qisqa muddatda daromad topish yoki yirik yutuq va’da qilinmoqda.

Raqobat qo‘mitasi bunday materiallar fuqarolarni tavakkalchilikka asoslangan o‘yinlarda qatnashishga undashini bildirdi. Ayniqsa, yirik sport musobaqalariga qiziqish ortgan davrda ayrim shaxslar bundan foydalanishga urinmoqda.

Amaldagi qonunchilikka ko‘ra, O‘zbekistonda qimor o‘yinlari va tavakkalchilikka asoslangan boshqa o‘yinlarni reklama qilish taqiqlanadi. Bu taqiq telekommunikatsiya tarmoqlari va internet orqali tashkil etiladigan...

UzAuto Motors joriy yil boshida Yangi Damas 3 avtomobilini keng ommaga taqdim etdi. Kompaniyaning uzavtosavdo.uz platformasida ushbu modelni onlayn xarid qilish mumkinligi ko‘rsatiladi. «Kursiv» dilerlar bilan suhbatlashib naqd savdoda avtomobilni qancha paytda va qanday shaklda xarid qilish mumkinligi ochiqladi.

Tahririyat bilan suhbatda bo‘lgan dilerlar vakillariga ko‘ra, ushbu model uchun shartnoma oldindan 50 foiz qismi to‘langanda tuziladi. Avtomobil esa taxminan iyul oyining oxiri yoki avgust boshida chiqishi mumkin. Ularga ko‘ra, onlayn platformada ham shartnoma tuzilsa shu tartib amal qiladi.

Model haqida

Chevrolet Damas Move & Max O‘zbekiston bozorida 134 mln 439 ming so‘mdan taklif etilmoqda. Model kundalik ish, shahar...

Qozog‘iston xalqaro investorlarni jalb qilish maqsadida $60 mlrdga yaqin baholanayotgan davlat obligatsiyalari bozorini investorlar uchun ochishga tayyorgarlik ko‘rmoqda.

Euroclear orqali xalqaro bozorga chiqish

2027-yildan boshlab mamlakatning davlat obligatsiyalari dunyodagi eng yirik xalqaro depozitariylardan biri bo‘lgan Euroclear tizimi orqali savdo qilinishi mumkin bo‘ladi. Mazkur platforma har yili 1,7 trln yevrodan ortiq hajmdagi tranzaksiyalarni qayta ishlaydi.

Xorijiy investorlar ulushi oshishi kutilmoqda

Hozirda Qozog‘iston davlat qimmatli qog‘ozlaridagi xorijiy investorlar ulushi atigi 6-7 foizni tashkil etadi. Bank of America prognoziga ko‘ra, Euroclear tizimiga ulanishdan so‘ng bu ko‘rsatkich 20 – 25 foizgacha oshishi mumkin. Shuningdek, keyingi bir yarim yil ichida mamlakatga qariyb...

O‘zbekiston JCh – 2026 liboslari reytingida past o‘rinni egalladi. ESPN nashri 2026-yilgi futbol bo‘yicha jahon chempionatida ishtirok etadigan terma jamoalar liboslari reytingini e’lon qildi. Unda barcha 48 terma jamoaning uy, safar va ayrim uchinchi liboslari baholangan.

2026-yilgi jahon chempionati ilk bor 48 ta jamoa ishtirokida o‘tkaziladi. Shu sababli turnirda 100 dan ortiq liboslar namoyish etiladi. ESPN ularni dizayn, ranglar uyg‘unligi va milliylik elementlari asosida saralagan.

Reytingda O‘zbekiston milliy terma jamoasining uy libosi 103-o‘ringa qo‘yildi. Nashr libos, asosan, oq rangda ekanini qayd etdi. Unda to‘q ko‘k chiziqlar va milliy ranglar aks etgan yoqa ishlatilgani aytilgan.

ESPN izohiga ko‘ra, libos matosidagi...

O‘zbekistonda sud tizimida korrupsiyaning oldini olish, ishga qabul qilish jarayonlarini shaffof qilish va sudlarga bo‘lgan ishonchni oshirishga qaratilgan yangi tizim joriy etiladi. Prezident farmoni bilan sudlarda komplayens nazorat xizmati tashkil etilishi belgilandi.

Farmonga ko‘ra, ushbu xizmat korrupsiyaviy xavf-xatarlarni aniqlash, manfaatlar to‘qnashuvini nazorat qilish va qonunbuzilishlarning oldini olish bilan shug‘ullanadi.

Komplayens nazorat xizmati Oliy sud apparatida 3 shtat birligidan iborat bo‘ladi. Shuningdek, hududiy sudlarda 15 ta komplayens inspektori lavozimi joriy qilinadi.

Farmon bilan sudlarda korrupsiyaviy xavf yuqori bo‘lgan lavozimlar ro‘yxatini shakllantirish, inson omilini kamaytirish va sud tizimiga bo‘lgan jamoatchilik ishonchini oshirish bo‘yicha qo‘shimcha vazifalar belgilandi.

Daromad va mol-mulk deklaratsiyasi...

Zeekr brendining Zeekr 9X avtomobili Xitoyda qimmat SUVlar segmentida yetakchilik qilmoqda. Model $70 ming atrofidagi narx toifasida ketma-ket yetti oy davomida eng ko‘p sotilgan yirik SUV bo‘ldi.

Zeekr 9X Xitoy bozorida 2025-yil 29-sentabrda taqdim etilgan. Olti o‘rindiqli plagin-gibrid krossoverning narxi 465,9 ming yuandan 599,9 ming yuangacha belgilangan. Bu taxminan $68,7 mingdan $88,4 minggacha bo‘lgan narx oralig‘iga teng.

China EV DataTracker ma’lumotlariga ko‘ra, Zeekr 9X’ning jami yetkazib berish hajmi 61 965 donaga yetgan. Kompaniya vakillari model yuqori narxli SUVlar segmentida yetti oy ketma-ket birinchi o‘rinni egallaganini bildirdi.

Zeekr 9X 500 ming yuandan yuqori narxdagi avtomobillar orasida ham kuchli natija ko‘rsatmoqda...