Yangiliklar

Xokkey bo‘yicha «Do‘stlik Kubogi»da «Humo» jamoasi «Brest» ustidan 7:2 hisobida g‘alaba qozondi. Bu haqda «Humo» matbuot xizmati xabar beradi.

Birinchi bo‘limning 1-daqiqasida «Humo» sardori Edgars Siksna raqib darvozasiga ilk shaybani aniq joylashtirdi. Javohir Rasulov «Brest» jamoasiga ikkinchi golni kiritdi. Uchinchi golni esa Emil Malishev o‘z hisobiga yozib qo‘ydi va birinchi bo‘lim 3:0 hisobida yakunlandi.

Ikkinchi bo‘limda Belarus jamoasi bitta gol urdi va hisobni 3:1 qildi. Biroq Toshkent klubi o‘tkazib yuborgan golga chiroyli javob berdi. Aleksandr Shevchenko hisobni 4:1 o‘zgartirdi. «Brest» ham osonlikcha taslim bo‘lmadi va gol urdi, hisob 4:2 bo‘ldi. Ammo Ilya Nazarevich hisobni yiriklashtird – 5:2.

Uchinchi bo‘limda...

2024-yil 14-avgustdan boshlab O‘zbekistonda jinoyat ishlariga oid sud hukmlarining dublikatlari va nusxalarini berish uchun to‘lov joriy etildi. Ushbu qonunchilik loyihasi prezident Shavkat Mirziyoyev tomonidan imzolandi.

Yangi qoidalar bo‘yicha, har bir sahifa uchun to‘lov miqdori bazaviy hisoblash miqdorining (BHM) 2 foizini, ya’ni 6,8 ming so‘mni tashkil qiladi. Jinoyat-protsessual kodeksiga muvofiq, hukm nusxasi mahkum va boshqa tomonlarga uch kun ichida, hajmi katta bo‘lgan hujjatlar uchun esa o‘n kun ichida taqdim etilishi kerak.

Avvalroq Kursiv Uzbekistan O‘zbekiston sudlarida jabrlanganlar va ularning oilalariga to‘lanishi kerak bo‘lgan 823 million so‘mdan ortiq da’vo arizalari ko‘rib chiqilayotgani haqida xabar bergan edi.

Shimoliy Koreya cheklangan xalqaro turizmni 2024-yil oxirigacha yana qayta ochishi mumkin. Bu haqda CNN nashri izolyatsiya qilingan mamlakat bilan bogʻlangan ikkita sayyohlik kompaniyasiga tayanib xabar berdi.

Pekinda joylashgan Koryo Tours va Shenyangdagi KTG Tours chorshanba kuni alohida onlayn e’lonlar qilib, turistik guruhlarga Shimoliy Koreyaning marhum yetakchisi Kim Chen Irning tug‘ilgan joyi bo‘lgan Samjiyon tog‘li shahriga tashrif buyurishga ruxsat berilishini aytgan.

Ta’kidlash joizki, Samjiyon Xitoy chegarasini kesib o‘tadi va Koreya yarim orolidagi eng baland cho‘qqi — Paektu tog‘iga yaqin joylashgan bo‘lib, u Shimoliy va Janubiy koreyaliklar uchun muhim va tarixiy ahamiyatga ega bo‘lgan hudud hisoblanadi.

Shimoliy Koreya yetakchisi Kim Chen...

Pershing Square Capital Management LP investitsiya kompaniyasinining direktori Bill Akman Nike’ning yangi ulushini sotib olganini e’lon qilganidan so’ng kompaniya aksiyalari 5,5 foizga ko‘tarildi. Bu haqda Bloomberg xabar bermoqda.

Bill Akman tartibga soluvchi hujjatlarda Nike kompaniyasini $229 millionga baholangan. Taxminan uch million aksiyasiga egalik qilgani haqida xabar berdi. E’lon investorning sotuvlarni tiklashga urinishlari fonida e’lon qilindi.

Lekin joriy yilning 28-iyun kuni Nike aksiyalari 20 foizga arzonlashgan edi, bu kompaniya tarixdagi eng yirik ko‘rsatkich bo‘ldi. 2024-yil boshidan 14-avgust kuni AQShda savdolar yopilgunga qadar Nike aksiyalari deyarli 28 foizga pasaydi.

Avvalroq Pershing Square Nike bilan hamkorlik qilgan va 2018-yilda passiv ulushini sotgandan...

2024-yilning yanvar–iyun oylarida O‘zbekistondan Birlashgan Arab Amirliklariga (BAA) 62,6 mingdan ziyod fuqarolar turistik maqsadlarda tashrif buyurgan. Bu haqda Statistika agentligi xabar beradi.

BAAga tashrif buyurgan O‘zbekiston fuqarolarining 56 772 nafari dam olish, 5 237 nafari qarindoshlarini ko‘rish, 370 nafari xizmat yuzasidan, 146 nafari o‘qish va 63 nafari davolanish maqsadida borgan.

Ma’lumot uchun, 2023-yilning yanvar–dekabr oylarida umumiy hisobda 131 589 nafar Oʻzbekiston fuqarolari BAAga turistik maqsadlarda tashrif buyurgan.

Avvalroq «Kursiv» O‘zbekistonga Germaniyadan turistik maqsadlarda tashrif buyurgan sayyohlar soni ortgani haqida xabar bergan edi.  

Oʻzbekiston Janubiy Koreyaning «Hyundai Rotem» kompaniyasidan yuqori tezlikda harakatlanuvchi olti dona elektropoyezd xarid qiladi. Bu haqda prezidentning tegishli qarori qabul qilindi.

Qarorga koʻra, elektropoyezdlarni xarid qilish loyihasining umumiy qiymati 220,03 million yevroga baholanmoqda. Kelishuv doirasida Oʻzbekiston 21,3 million yevro, «Oʻzbekiston temir yoʻllari» kompaniyasi 13,5 million yevro, Koreya Eksimbanki esa 185,18 million yevro ekvivalentida 40 yilga, shu jumladan, 10 yillik imtiyozli davrga qarz beradi.

Loyihani amalga oshirish muddati 2024-yildan 2030-yilgacha davom etishi rejalashtirilgan. Yangi poyezdlar yiliga 1,31 million yoʻlovchini tashishi kutilmoqda.

Avvalroq Kursiv Uzbekistan Hindistondan Oʻzbekistonga birinchi konteyner poyezdi qatnovi yoʻlga qoʻyilgani haqida xabar bergan edi.

Yaponiya temir yo‘llar va aviakompaniyalar xizmatlarini Tinch okeanining g‘arbiy qismida kutilayotgan Ampil to‘foni sababli bekor qilmoqda. Bu haqda CNN xalqaro nashri xabar berdi.

Unga ko‘ra, bo‘ron juma kuni yozgi sayohat mavsumining eng yuqori cho‘qqisida bo‘lishi kutilmoqda. Mahalliy vaqt bilan payshanba kuni tongda «Ampil» to‘foni 140 km/soat tezlikdagi shamollar qayd etilgan. Bu keyingi 36 soat ichida yanada kuchayishi mumkin.

Ikki yirik aviakompaniya – Japan Airlines va All Nippon Airways poytaxtning Haneda va Narita aeroportlariga xizmat ko‘rsatuvchi jami 500 ga yaqin reyslarni bekor qildi, deb xabar bermoqda NHK jamoat teleradiokompaniyasi.

Temir yo‘l qatnovi ham to‘xtatilgan. Yaponiyaning keng qamrovli poezdlar tarmog‘idagi oltita...

15-avgust kuni O‘zbekiston Respublika valyuta birjasida dollarning o‘rtacha tortilgan qiymati 27,28 so‘mga ko‘tarildi va 12 650,05 so‘mni tashkil qildi.

Mamlakatning moliya institutlarida AQSh valyutasi 12 560-12 620 so‘mdan xarid qilinmoqda va 12 660-12 695 so‘mdan sotilmoqda.

Eslatib o‘tamiz, 14-avgust kuni dollar qariyb 3 so‘mga qimmatlashgan edi.

Senatning 55-yalpi majlisida «O‘zbekiston Respublikasi Vazirlar Mahkamasi to‘g‘risida»gi Konstitutsiyaviy qonun muhokama qilindi.

Qonun bilan Vazirlar Mahkamasining vazifa va vakolatlariga bir qator o‘zgartirishlar kiritildi. Ijro etuvchi hokimiyatning iqtisodiyot, byudjet, moliya, soliq, ijtimoiy, ekologiya va atrof-muhitni muhofaza qilish sohalaridagi vakolatlari aniq belgilandi.

Bosh vazir, uning o‘rinbosarlari va vazirlarning tayinlanishi, lavozimidan ozod etilishi, majburiyatlari va shaxsiy javobgarligiga aniqlik kiritildi.

Qonunda hukumat faoliyatining mas’uliyati va ochiqligini oshirishga qaratilgan o‘zgarishlar kiritildi. Bosh vazir va vazirlar har yili Oliy Majlis Qonunchilik palatasiga hisobot taqdim etishi belgilandi.

Senatorlar qonunning davlat boshqaruvi tizimini takomillashtirish va samaradorligini oshirishdagi muhimligini ta‘kidlashdi va uni ma‘qullashdi.

 Avvalroq «Kursiv» tadbirkorlik sohasiga oid...

Navoiy kon-metallurgiya kombinati (NKMK) Muruntov oltin konini modernizatsiya qilish uchun $23 milliondan ortiq sarmoya kiritmoqda. Xabar kompaniyaning LinkedIn’dagi sahifasida chop etildi.

Shundan $8,2 mln infratuzilma va konveyer tizimlarini rivojlantirishga yo‘naltiriladi. Bu konning o‘tkazish kuchini yiliga 15 mln kub metrga oshiradi.

Qolgan $15,3 mln uzunligi 1 ming metr boʻlgan ikkinchi konveyer liniyasini qurishga yoʻnaltiriladi.

2023-yilda Kanadaning Kitco tahliliy markazi Muruntovni dunyodagi eng yirik o‘nta konlar ro‘yxatiga kiritdi. O‘shanda shaxta ikkinchi o‘rinni egalladi.

Eslatib o‘tamiz, 2023-yilda NKMK sof foydasi yillik o‘sish 46,6 foizni tashkil etib, $1,47 milliarddan oshdi. Yil davomida kompaniyaning daromadi 12 foizga oshib, $5,7 milliardni tashkil etdi, ammo kompaniyaning...

15-avgust kuni soat 12:16 da Toshkent shahrining Yashnobod tumanida yong‘in sodir bo‘ldi. U soat 13:08-da oʻchirilgan, deb xabar qildi Toshkent shahar Favqulodda vaziyatlar boshqarmasi.

Boshqarmaning aniqlik kiritishicha, yong‘in O‘rta Masjid mahallasidagi ochiq maydonda sodir bo‘lgan.

«Yong‘in oqibatida hech kim jabrlanmadi», deya qo‘shimcha qildi poytaxt FVV matbuot xizmati.

Avvalroq «Kursiv» Toshkentning Mirzo Ulug‘bek tumanidagi yong‘in haqida yozgan edi.

Joriy yilning 14-avgust kuni birja savdolari natijalariga ko‘ra suyultirilgan gaz narxi bir tonna uchun 8,2 mln so‘mni tashkil qilmoqda. Bu haqda O‘zbekiston Respublikasi tovar-xomashyo birjasi ma’lum qildi.  

2023-yilning 13-avgustida suyultirilgan gaz narxi 5,8 mln so‘mni tashkil qilgan bo‘lsa, 2024-yilning 14-avgustiga kelib mazkur ko‘rsatkich o‘tgan yilgiga nisbatan 40 foizga o‘sgan.

Suyultirilgan gaz narxi avgust oyining boshida biroz barqaror ko‘ringan edi. Lekin 12-avgustdan boshlab kotirovkalar keskin ko‘tarilishni boshladi va 14-avgust kuniga kelib 0,8 foizga oshdi.

Propan narxi oshgani fonida avtomatik ravishda Ai-80 benzin narxlari ham tonnasiga 9,2 million so‘mni tashkil qilmoqda.

Avvalroq «Kursiv» gaz yetkazib berishda xususiy sektorga yo‘l...

Joriy yilning 27-avgustidan 31-avgustiga qadar Peru poytaxti Lima shahrida yengil atletika boʻyicha U20 o‘rtasida jahon chempionati o‘tkaziladi. Bu haqda Sport vazirligi xabar berdi.

Unga ko‘ra, ushbu turnirda «Parij – 2024» yozgi Olimpiya oʻyinlari ishtirokchisi Sharifa Davronova va yana 5 nafar atletlar ishtirok etadi.

Sharifa Davronova (uch hatlab sakrash), Xushnoza Shavkatova (uch hatlab sakrash), Dilshoda Usmonova (3 000 metr, stipl-chez), Barnoxon Sayfullayeva (balandlikka sakrash), Jonbibi Hukmova (400 metrga yugurish) hamda Nodir Norboyev (koʻpkurash) shular jumlasidandir.

Eslatib o‘tamiz, avvalroq «Parij – 2024» yozgi Olimpiya o‘yinlari sarhisobi haqida yozgan edik.

Oʻzbekiston prezidenti Shavkat Mirziyoyev Rossiya prezidenti Vladimir Putin bilan telefon orqali muloqot qildi. Bu haqda prezidenti matbuot xizmati xabar berdi.

Suhbatda Oʻzbekiston bilan Rossiya oʻrtasidagi koʻp qirrali hamkorlikni yanada kengaytirish, keng qamrovli strategik sheriklik va ittifoqchilik munosabatlarini chuqurlashtirish masalalari koʻrib chiqildi.

Shuningdek, Oʻzbekiston va Rossiya prezidentlari joriy yilning 26–28-may kunlari Rossiya prezidentining Oʻzbekiston Respublikasiga davlat tashrifi davomida erishilgan kelishuvlar ijrosining borishini muhokama qildilar.

Rossiya prezidenti matbuot xizmatining xabar berishicha, suhbat Oʻzbekiston tomonining tashabbusi bilan boʻlib oʻtgan.

Kremlning xabar berishicha, muloqot chogʻida ikki davlat rahbarlari xalqaro va mintaqaviy kun tartibidagi masalalarni ham muhokama qilgan.

Avvalroq «Kursiv Uzbekistan» Oʻzbekistonda Rossiya...

 «Ostona» xalqaro moliya markazi (OXMM) va Isti bolli loyihalar milliy agentligi (ILMA) O‘zbekiston kompaniyalari tomonidan Qozog‘iston savdo maydonchasi obyektlarida IPO o‘tkazish imkoniyatlarini o‘rganadi, deb xabar berdi agentlik matbuot xizmati.

Tomonlar, shuningdek, turli qimmatli qog‘ozlarni, jumladan, sukukni chiqarish va joylashtirishda ham hamkorlik qilish niyatida.

Bundan tashqari, ILMA direktorining birinchi o‘rinbosari Vyacheslav Pak va OXMM Moliyaviy xizmatlarni tartibga solish qo‘mitasi rahbari Nurhat Kushimov birgalikdagi tadbirlar bo‘yicha yo‘l xaritasini imzoladi.

Agentlik va markazning rejalariga tartibga soluvchi qumdonlar sohasida tajriba almashish, moliyaviy va kripto bozorlarini yaxshilash uchun innovatsiyalarni joriy etish kiradi.

Avvalroq «Kursiv» kelasi yili O‘zbekiston davlat korxonalari aksiyalari xalqaro fond bozoriga chiqarilishi...

2024-yil 1-iyul holatiga ko‘ra, respublikada yashash va ovqatlanish xizmatlari sohasida 27 673 ta tadbirkorlik subyekti ro‘yxatga olingan. Bu haqda davlat Statistika agentligi xabar beradi.

Bu sohalarda eng ko‘p kompaniyalar Toshkent shahrida joylashgan ( 5701). Keyingi o‘rinda Samarqand viloyati (3292) va uchinchi o‘rinda Toshkent viloyati turibdi (2849). Sirdaryo viloyati bu ro‘yxatda oxirgi o‘rinda, ushbu hududda 642 tadbirkorlik subyektlari faoliyat olib boradi.

Avvalroq «Kursiv» O‘zbekiston $910 millionlik oziq-ovqat mahsulotlarini eksport qilgani haqida xabar bergan edi.

Senatning 55-yalpi majlisida «Bolalarni zo‘ravonlikning barcha shakllaridan himoya qilish to‘g‘risida»gi qonun Senat tomonidan ma’qullandi.

Qonun bolalarga nisbatan zo‘ravonlikni oldini olish va jabrlanuvchilarning huquqlarini himoya qilish maqsadida yangi normativlar belgilaydi.

Oxirgi 3 yillikda 2 mingdan ortiq fuqaro sudlar tomonidan ota-onalik huquqidan mahrum qilingan, shundan 86 foizi ota-onalik majburiyatlarini bajarishdan bosh tortganligi uchun javobgarlikka tortilgan.

Qonunda zo‘ravonlikdan jabrlangan bolalarga himoya orderi berish tartibi, huquqiy, iqtisodiy, ijtimoiy, psixologik va tibbiy yordam ko‘rsatish mexanizmlari, shuningdek, moddiy va ma’naviy zarar uchun kompensatsiya talab qilish huquqi kiritilgan. Ota-onalarning mas’uliyati oshiriladi va bolalarni jismoniy jazolash taqiqlanadi.

Ushbu qonun bolalar huquqlarini himoya qilish, zo‘ravonlik holatlarini bartaraf etish...

2024-yil 15-avgust holatiga ko‘ra, rossiyalik milliarder Alisher Usmonov eng boy odamlar reytingida 132-o‘rinni egallamoqda. Bu haqda Bloomberg reyting tuzgan.

Unga ko‘ra, agentlik uning boyligini $15,4 mlrdga baholamoqda. Usmonovning 2023-yil uchun dividend daromadi $938,6 mlnga baholangan, bu rossiyalik milliarderlar orasida to‘rtinchi pog‘onadan joy oldi.

Bloomberg hisob-kitoblariga ko‘ra, Ilon Mask $230 mlrd bilan dunyodagi eng boy odam, Jeff Bezos $193 mlrd bilan ikkinchi, Bernard Arno esa $188 mlrd boyligi bilan uchinchi o‘rinda bo‘lib turibdi.

Ma’lumot o‘rnida, Forbes joriy yilning avgust oyi o‘rtalarida Usmonovni $13,8 mlrdga baholagan edi. Eslatib o‘tamiz, avvalroq Alisher Usmonovning dividend daromadi yil davomida 23,5 foizga oshgani haqida...

Hamas harakati vakillari 15-avgust kuni Qatar poytaxtida boʻlib oʻtishi rejalashtirilgan Gʻazo sektorida oʻt ochishni toʻxtatish boʻyicha muzokaralarning yangi bosqichida ishtirok etishdan bosh tortdi. Bu haqda Reuters xabar bermoqda.

Hamas muzokaralarga shubha bilan qaramab, Isroilni jarayonni to‘xtatganlikda ayblamoqda. Isroil Bosh vaziri Benyamin Netanyaxuning ta’kidlashicha, Hamas yetakchisi Yahyo Sinvar kelishuvga asosiy to‘siq bo‘lmoqda.

«Yangi muzokaralarga oʻtish bosqinchilarga yangi shartlar qoʻyish va muzokaralar labirintidan yangi qirgʻinlarni amalga oshirish uchun foydalanish imkonini beradi», — dedi Hamas vakili Abu Zuhriy.

Lekin Isroil mintaqada oʻt ochishni toʻxtatish kelishuvining bajarilishi tafsilotlarini yakunlash uchun Dohaga muzokaralar guruhini yubormoqchi.

Avvalroq «Kursiv» Isroil delegatsiyasi...

Amerika Qo‘shma Shtatlari (AQSh) Adliya vazirligi sud kompaniyani qidiruv tizimlari va onlayn reklama bozorida monopolist deb tan olganidan keyin Google’ni bo‘lish imkoniyatini ko‘rib chiqmoqda, deb xabar berdi The New York Times.

Reja Android operatsion tizimi va Chrome veb-brauzerini ajratishdan iborat. Bundan tashqari, AdWords kontekstli reklama xizmati sotilishga majbur bo’lishi mumkin.

Monopoliyaga qarshi kurashishning boshqa usullari: Google’ni raqobatchilariga o‘z maʼlumotlariga kirishga majburlash yoki qidiruv tizimini qurilmalarda standart qiladigan bitimlardan voz kechishni oʻz ichiga oladi.

Avvalroq «Kursiv» Kolumbiya okrugi federal sudi Google’ni monopolist sifatida tan olgani haqida yozgan edi. Sudya Amita Mehta kompaniya raqobatchilarning rivojlanishiga xalaqit beradigan va Google’ga reklama...

Senatning 55-yalpi majlisida «O‘zbekiston Respublikasining Tadbirkorlik kodeksini tasdiqlash to‘g‘risida»gi qonun ko‘rib chiqilib ma’qullandi.

Yangi Kodeks 100 dan ortiq qonunchilik hujjatlarini birlashtiradi va tadbirkorlik sohasidagi munosabatlarni tartibga soladi.

Kodeksda tadbirkorlik faoliyatining asosiy prinsiplari: qonuniylik, tadbirkorlik erkinligi, tenglik, halol raqobat, va korrupsiyadan xolilik mustahkamlangan. Fuqarolarga tadbirkorlikda erkin ishtirok etish, xususiy mulkni himoya qilish, va tadbirkorlik subyektlarining huquqlarini ta’minlash kafolatlari beriladi.

Tadbirkorlik subyektlari kichik, o‘rta va yirik toifalarga ajratiladi, shuningdek, yakka tartibdagi tadbirkorlar uchun yangi faoliyat turlari belgilangan. Kodeksda ijtimoiy tadbirkorlik va ijtimoiy korxonalar, biznes-inkubatorlarning huquqiy maqomi va vazifalari belgilangan.

Avvalroq «Kursiv» endilikda hokimlar mahalliy kengashlarga raislik qilmasligi haqida xabar...

«Hududiy elektr tarmoqlari» AJning yangi «HET BILLING» dasturiy majmuasi doirasida uning mobil ilovasi ham e’lon qilindi. Bu haqda jamiyatning matbuot xizmati xabar berdi.

Unga ko‘ra, iste’molchilar ushbu ilovani android va IOS operatsion tizimi qurilmalariga «Play Market» yoki «App Store»dan yuklab olib, bepul foydalanishlari mumkin. Mobil ilova dasturi vaqti-vaqti bilan yangilab boriladi.

Shunisi muhimki, “HET BILLING» ilovasi yordamida iste’molchilar o‘zlari iste’mol qilingan elektr energiyasining to‘lov ma’lumotlari, kunlik elektr iste’moli va boshqa shunga doir ma’lumotlarni onlayn tarzda tekshirib borishlari mumkin.

Eslatib o‘tamiz, avvalroq Xitoyda atom elektr stansiyalariga sayohat qilish imkoniyati yaratilgan edi.

Xitoydan Namangan shahriga 36 dona yoʻlovchi tashish avtobuslari olib kelinmoqda. Bu haqda viloyat hokimligi axborot xizmati xabar berdi.

Qayd etilishicha, Namanganda yoʻlovchi tashish transporti sohasini rivojlantirish, yoʻlovchilarga qulaylik hamda sifatli xizmat koʻrsatish maqsadida olib kelinmoqda. Avtobuslar hozirda qoʻshni Qozogʻistonga kirib kelgani aytilmoqda.

Eslatib oʻtamiz, 2024-yilning dastlabki olti oyida Oʻzbekistonda 375 dona avtobus ishlab chiqarilgan.

Avvalroq «Kursiv» Toshkentda 1700 ta avtobus «aqlli» boʻlishi haqida xabar bergan edi.

Prezident 14-avgust kuni ijtimoiy himoya masalalariga bag‘ishlangan taqdimotni ko‘zdan kechirdi. Bu haqda prezident matbuot xizmati xabar berdi.

Unga ko‘ra, endi «Ijtimoiy himoya yagona reyestri» va ijtimoiy himoyaga muhtoj bo‘lish ehtimoli yuqorilar ro‘yxati shakllantiriladi. Ushbu ro‘yxatdagi oilalar mahalla faollari va «mahalla yettiligi» bilan birgalikda saylash orqali tanlanadi.

Shuningdek, endi «Inson» markazlari hamma ijtimoiy himoya va xizmatlarni amalga oshiradi.

Ijtimoiy himoya va bandlik masalasidagi 8 ta yo‘nalishda yagona savolnoma orqali oilalar 3 ta toifaga guruhlanadi. Har yili 50 ta mahalla tanlab olinadi va ular bilan yil oxirigacha ishlanadi.

Ma’lumot uchun, ushbu sohada amalga oshiriladigan ishlar uchun yiliga 14 trln so‘m...