Yangiliklar

Volkswagen kompaniyasi Xitoyda Touareg 2026 3.0 TSI Elite modelini taqdim etdi. Bu haqda ITHome nashri ma’lum qildi.

Yangi model Obsidian Black Sport Package stilistik paketi bilan jihozlangan. Unga R uslubidagi qora sport bamperlar, yon oynalar atrofidagi qora qoplama, tashqi ko‘zgularning qora korpusi va tom relinglari kiradi. Shuningdek, avtomobil IQ.LIGHT HD matritsali faralar va 21 dyuymli qora yengil qotishmali Leeds disklari bilan ta’minlangan.

Salonida 15,05 dyuymli ekranli Discover Pro media tizimi, 12 dyuymli raqamli asboblar paneli, 18 yo‘nalishda elektr sozlanadigan old o‘rindiqlar, 30 rangli ambient yoritish, to‘rt zonali iqlim nazorati, kalitsiz kirish tizimi, yukxona eshigining elektr yuritmasi va Dynaudio...

Grozniy xalqaro aeroportida 23-yanvar kuni noqulay ob-havo sharoiti sababli Toshkent – Grozniy yo‘nalishidagi HY9701 reysi Maxachkala zaxira aeroportiga yo‘naltirildi. Bu haqda Uzbekistan Airways ma’lum qildi.

Shu munosabat bilan reyslar jadvali quyidagicha o‘zgartirilgan:

Aviakompaniya yo‘lovchilardan yuzaga kelgan noqulayliklar uchun uzr so‘rab, vaziyatni to‘g‘ri tushunishlarini so‘radi. Barcha yangiliklar va o‘zgarishlar kompaniyaning rasmiy sayti orqali e’lon qilinadi.

Eslatib o‘tamiz, avvalroq kuchli qor sababli Farg‘onaga qo‘nuvchi ayrim aviareyslar boshqa aerodromlarga yo‘naltirilgan edi.

O‘zbekistondagi jami 7 million 613 ming xonadondan 4 million 776 mingtasi aholi va qishloq xo‘jaligini ro‘yxatga olish tadbirida ishtirok etdi. Bu haqda prezident boshchiligidagi yig‘ilishda ma’lum qilindi.

Shu bilan birga, Toshkent shahri, Farg‘ona, Surxondaryo, Buxoro hamda Toshkent viloyatlarida ro‘yxatga olish ishlari sekin ketayotgani qayd etildi. Davlat rahbarining aytishicha, bu tadbir so‘nggi 37 yil ichida ilk bor o‘tkazilmoqda va uning ahamiyati juda katta.

Prezident ro‘yxatga olish jarayoni har bir mahalla va har bir oilaning real holatini aniqlash, kelgusidagi ijtimoiy-iqtisodiy rejalarni aniq ma’lumotlarga tayangan holda belgilash imkonini berishini ta’kidladi. Eng asosiysi, bu aholi turmush farovonligini oshirishga qaratilgan samarali mexanizmlarni joriy etishga...

2024-yil dekabr oyida faoliyati to‘xtatilgan Bekobodning «Metallurg» klubi rasman qayta tiklandi. Bu haqda klub ijtimoiy tarmoq orqali ma’lum qildi.

Bekobod shahrida bo‘lib o‘tgan taqdimot marosimida O‘zbekiston futbol assotsiatsiyasi birinchi vitse-prezidenti Ravshan Irmatov, «O‘zmetkombinat» AJ rahbari Bahodir Abdullayev va boshqa rasmiylar ishtirok etdi. Tadbirda ta’kidlanishicha, klub nafaqat qayta tiklangan, balki yangi strategiya asosida ish boshlamoqda.

Tashkiliy o‘zgarishlarga ko‘ra, taniqli futbol mutaxassisi Ulug‘bek Mirzayev klub direktori etib tayinlandi. Jamoa boshqaruvini esa tajribali murabbiy Ilhom Mo‘minjonov o‘z qo‘liga oldi. «Metallurg» joriy mavsumda Pro-ligada ishtirok etadi. Murabbiylar shtabi va rahbariyat oldiga qo‘yilgan asosiy vazifa qisqa fursatda jamoani shakllantirib, Superliga yo‘llanmasini qo‘lga kiritishdan iborat.

Olmazor tumanidagi Xastimom mahallasi Zarqaynar ko‘chasiga 166 milliard soʻm investitsiya kiritilib, yangi obyektlar tashkil etildi. 23-yanvar kuni Shavkat Mirziyoyev ushbu ko‘chada amalga oshirilayotgan turizm va xizmat ko‘rsatish loyihalari bilan tanishdi.

Loyiha doirasida 15 ta mahallani bog‘lovchi 6 ta tuman ahamiyatidagi ko‘chada turizm va xizmat ko‘rsatish obyektlari barpo etilmoqda. Respublika budjetidan ajratilgan 150 mlrd so‘m hisobiga Zarqaynar koʻchasida jami 576 ta xonadon milliy uslubda ta’mirlanib, hududning tarixiy qiyofasi saqlanib qolgan.

Yuz nafar tadbirkor tomonidan 166 mlrd soʻm investitsiya kiritilgani natijasida 7 ta mehmonxona, 8 ta restoran, 5 ta hunarmandlik markazi, 1 ta savdo markazi, 125 ta xizmat koʻrsatish...

FIFA prezidenti Janni Infantino O‘zbekiston xalqiga videomurojaat yo‘llab, so‘nggi yillarda mamlakatda futbol sohasida amalga oshirilayotgan islohotlarni yuqori baholadi.

Infantino o‘z murojaatida 2016-yilda FIFA prezidenti lavozimiga kelganidan beri O‘zbekistonga bir necha bor tashrif buyurganini eslab o‘tdi. Uning so‘zlariga ko‘ra, har bir tashrif mamlakatning ijtimoiy-iqtisodiy rivojlanishi va modernizatsiya yo‘lidan dadil borayotganini tasdiqlamoqda.

«O‘zbekiston 1994-yilda FIFAga a’zo bo‘lganidan beri futbol tizimi strategik rejalashtirish va infratuzilmaga sarmoya kiritish orqali sezilarli darajada kuchaydi», – dedi FIFA rahbari.

U, shuningdek, prezident Shavkat Mirziyoyevning sportga qaratayotgan e’tiborini alohida ta’kidladi. O‘zbekiston milliy terma jamoasining 2024-yilgi Parij Olimpiadasidagi ishtiroki yoshlar salohiyatining yorqin namunasi...

2026-yilda pilla kooperativini tashkil etish uchun ehtiyojmand oilalarga 4 mln so‘mdan subsidiya ajratiladi. Bu haqda Shavkat Mirziyoyev ishtirokidagi yig‘ilishda ma’lum qilindi.

Shuningdek, 2 ming gektar o‘rmon yeri 4 ming kambag‘al oilaga 50 sotixdan tutzor qilish uchun 10 yilga bepul beriladi. Tomorqa yer egalari va dehqon xo‘jaliklari uchun bir qator subsidiya va kompensatsiyalar ajratiladi. Sertifikati bor ko‘chatlarni sotib olish xarajatining yarmi davlat budjetidan qoplab beriladi. Mevaning turiga qarab, 20 ming so‘mdan 70 ming so‘mgacha subsidiya ajratiladi.

Tomorqasiga tomchilab sug‘orishni joriy qilganlarga har bir sotix uchun 160 ming so‘m kompensatsiya to‘lanadi. Shuningdek, agar usta dehqonlar mahalladagi har 10 ta xonadonda eksportbop...

«Toshkent» respublika fond birjasi (RFB)da xorijiy qimmatli qog‘ozlar va valyuta obligatsiyalari uchun maydoncha yaratiladi. 2026-yil 13-fevral kuni birjada aksiyadorlarning navbatdan tashqari umumiy yig‘ilishini o‘tkazilishi rejalashtirgan.

Unga ko‘ra, yig‘ilishda oltita asosiy masala ko‘rib chiqiladi, jumladan, xorijiy qimmatli qog‘ozlar va valyuta obligatsiyalari muomalasi uchun ixtisoslashtirilgan maydonchani yaratish, shuningdek, dasturiy ta’minotni modernizatsiya qilish.

Yig‘ilishda aksiyadorlar o‘z vakillari orqali ishtirok etishlari mumkin va ovoz berish bir ovozli tizimda amalga oshiriladi. Aksiyadorlar yig‘ilish materiallarini 15-yanvar holatiga shakllangan reyestr bo‘yicha olishlari mumkin. Yig‘ilishda qatnashish uchun reyestr 9-fevral holatiga shakllanadi.

Eslatib o‘tamiz, avvalroq «Kapital bozorida investitsiya muhitini yaxshilashga doir qo‘shimcha chora-tadbirlar to‘g‘risida»gi prezident farmoni qabul...

2026-yilda 1 million aholi doimiy ish bilan ta’minlanish, shuningdek, ishsizlik va kambag‘allikni 4,5 foizga tushirish rejalashtirilmoqda. Bu haqda Shavkat Mirziyoyev kambag‘allikni qisqartirish va aholi bandligini ta’minlash bo‘yicha videoselektor yig‘ilishida ma’lum qildi.

Davlat rahbari mahalla tizimining ishga solinishi bo‘yicha hokimlar va mutasaddilarga metodik yordam yetishmasligini, shuningdek, ko‘plab hududlarda mavjud imkoniyatlardan unumli foydalanilmayotganini ta’kidladi.

Arnasoyda chorvachilik, Sho‘rchida banan yetishtirish, Quvada anorchilik va Bo‘stonliqda asalarichilik kabi tajribalar boshqa tumanlar uchun yaxshi namuna bo‘lishi mumkin, ammo buni kengaytirish tizimi yo‘qligi qayd etildi.

Mutasaddilarga ishsizlik va kambag‘allik yuqori bo‘lgan mahallalardagi imkoniyatlarni o‘rganib, tajribalarni kengaytirish bo‘yicha metodik qo‘llanma tayyorlash topshirildi. Shuningdek, Mirziyoyev 2026-yil uchun...

Og‘ir tumanlardagi 903 ta mahallaning har biriga 1 mlrd so‘mdan ajratiladi. Bu haqda prezident Shavkat Mirziyoyev ishtirokidagi yig‘ilishda ma’lum qilindi. Har bir og‘ir tumanga 50 mlrd so‘m, har bir og‘ir mahallaga esa 2 mlrd so‘mdan mablag‘ yo‘naltiriladi.

O‘tkazilgan o‘rganishlar natijasida infratuzilma, turmush darajasi, biznes faolligi va moliyaviy imkoniyatlar kabi 20 ta mezon asosida 37 ta og‘ir tuman aniqlandi. Shuningdek, har bir tuman tahlil qilinib, kambag‘allik darajasi yuqori bo‘lgan 903 ta og‘ir mahalla tanlab olindi.

Kambag‘al oilalarning uchdan biri, ishsizlarning 21 foizi aynan ushbu 37 ta tuman va 903 ta mahallada yashaydi.

«Asosiy kuchni ushbu...

Axborot xizmati rahbarlarini attestatsiyadan o‘tkazish tartibi belgilandi. Bu haqda Adliya vazirligi xabar bermoqda. Ular endi har uch yilda bir marta attestatsiyadan o‘tkaziladi.

Attestatsiya o‘tkazish uchun Markaz direktori tomonidan kamida yetti kishidan iborat attestatsiya komissiyasi tuziladi. Komissiya talabgorlarning ro‘yxatini taqdim etish uchun davlat organlari va tashkilotlaridan murojaat qiladi.

Komissiya tomonidan talabgorlarning anketa ma’lumotlari 10 kun ichida batafsil o‘rganilib, attestatsiyadan o‘tishi kerak bo‘lgan talabgorlar ro‘yxati tasdiqlanadi. Attestatsiya ikki oy ichida o‘tkaziladi. Suhbat 5 ta savol va amaliy sinovlardan iborat bo‘ladi.

Attestatsiya jarayonida talabgorning natijalari 5 ballik tizimda baholanadi. Kamida 4 ball to‘plagan talabgor attestatsiyadan o‘tgan deb topilib, unga attestatsiyadan o‘tganlik to‘g‘risidagi...

2025-yil yakunlariga ko‘ra, O‘zbekistonda chakana va ulgurji savdo aylanmasi barqaror o‘sish sur’atlarini namoyish etdi. Milliy statistika qo‘mitasi bergan rasmiy ma’lumotlarga ko‘ra, umumiy ko‘rsatkichlar o‘tgan yilning mos davriga nisbatan sezilarli darajada oshgan.

Mamlakatning chakana savdo tovar aylanmasi 482,4 trln so‘mni tashkil qilgan. Bu ko‘rsatkich o‘tgan yilning mos davri bilan solishtirilganda 11,2 foizga o‘sganini ko‘rsatadi. Joriy yilning 1-yanvar holatiga ko‘ra, respublikada chakana savdo sohasida faoliyat yuritayotgan tijorat korxonalari soni 86,1 mingtani tashkil qilmoqda.

Ulgurji savdo yo‘nalishida ham ijobiy dinamika kuzatildi. Ma’lum qilinishicha, hisobot davrida ulgurji savdo tovar aylanmasi 543,3 trln so‘mga yetgan. Bu esa o‘tgan yildagiga nisbatan 12,5 foizlik o‘sish demakdir...

TikTok ilovasining Xitoydagi egasi ByteDance kompaniyasi AQSh hududida bloklanish xavfini bartaraf etish maqsadida amerikalik investorlar nazoratidagi yangi qo‘shma korxona tashkil etish bo‘yicha kelishuvni yakunladi. Bu haqda Reuters agentligi xabar bermoqda.

Kelishuv shartlariga ko‘ra, yangi tashkil etilgan TikTok USDS Joint Venture LLC korxonasining 80.1 foiz ulushi Amerika va xalqaro investorlar qo‘liga o‘tadi. ByteDance kompaniyasi esa korxonada atigi 19.9 foiz ulushni saqlab qoladi. Asosiy investorlar qatorida Oracle, Silver Lake va Abu-Dabida joylashgan MGX kompaniyalari bo‘lib, ularning har biri 15 foizdan ulushga ega bo‘ldi.

AQSh prezidenti Donald Tramp ushbu kelishuvni yuqori baholab, TikTok endilikda Buyuk Amerika vatanparvarlari va dunyodagi eng yirik investorlar...

26-yanvar uchun valyutalar kursi yangilandi. Unga ko‘ra, dollar 51,97 so‘mga tushib, 12 084,95 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

16-yanvar kuni dollar pasayishda davom etib, 11 969,66 so‘mni tashkil etdi. 19-yanvarda dollar 6,88 so‘mga pasayib, 11 962,78 so‘m, 20-yanvarda 88,93 so‘mga oshib, 12 050 so‘m, 21-yanvarda 21,58 so‘mga oshib, 12 072 so‘m, 22-yanvarda esa 48,78 so‘mga oshib, 12 122,07 so‘m etib belgilandi. 23-yanvarda 14,85 so‘mga oshib, 12 136,92 so‘mga yetdi.

Markaziy bank ma’lumotlariga ko‘ra, yevro 8,8 so‘mga tushib, 14 141,82 so‘mni, rubl 0,68 so‘mga tushib...

AQSh rasmiy ravishda Jahon sog‘liqni saqlash tashkiloti (JSST)dan chiqdi. Bu haqda BBC xabar bermoqda.

Donald Tramp bir yil oldin JSSTdan chiqish uchun qaror imzolagan edi. U pandemiya davrida tashkilotni Xitoyga yo‘naltirilgan deb tanqid qilgan edi.

Pandemiya ortidan JSST a’zo davlatlari kelajakdagi pandemiyalarga tayyor turish, vaksinalar va dori-darmonlarni adolatli bo‘lishini ta’minlash uchun xalqaro pandemiya bitimini ishlab chiqishga harakat qilishdi. Ushbu bitim 2022-yil aprelida barcha a’zo davlatlar tomonidan tasdiqlandi, lekin AQSh bu jarayondan tashqarida qoldi.

Qo‘shma shtatlar an’anaviy ravishda JSSTning eng katta donorlaridan biri bo‘lgan, ammo 2024 va 2025-yilga mo‘ljallangan to‘lovlarni amalga oshirmagan, bu esa tashkilotda katta ish o‘rinlari yo‘qolishiga sabab...

Prezident maslahatchisi va sobiq tashqi ishlar vaziri Abdulaziz Komilov O‘zbekistonning Tinchlik kengashiga qo‘shilishining sabablarini va undan kutayotgan manfaatlarini izohladi.

Komilovning so‘zlariga ko‘ra, kengashning asosiy maqsadi Yaqin Sharqda davom etayotgan inqirozlarni hal qilish va mintaqada tinchlikni ta’minlashdir. O‘zbekiston ushbu tashabbusni qo‘llab-quvvatlashni qaror qildi, chunki Yaqin Sharqdagi tinchlikni saqlash, ayniqsa, uning xavfsizligini ta’minlash uchun bunday xalqaro hamkorlik zarur. O‘zbekistonning bu tashabbusni qo‘llab-quvvatlashining yana bir sababi, uning tashqi siyosatining asosiy tamoyillariga, ya’ni tinchlik va barqarorlikka intilishiga to‘liq mos kelishi hamda mintaqada O‘zbekistonning jiddiy manfaatlarining mavjudligida.

Komilov, shuningdek, bir necha yil avval O‘zbekistondan Yaqin Sharqqa jo‘nab ketgan, so‘ngra har xil guruhlarga qo‘shilib, yana...

Qozog‘iston Tinchlik kengashiga a’zo bo‘ldi, ammo tashkilotning nizomi bo‘yicha a’zolik uchun belgilangan milliard dollarlik majburiy moliyaviy to‘lovni amalga oshirmadi. Bu haqda Akorda matbuot xizmati xabar berdi.

Davosda Tinchlik kengashining Nizomini imzolash marosimi o‘tkazildi. Akorda bayonotida ta’kidlanishicha, dunyo kengashiga kirish uchun davlatning mustaqil qarori zarur bo‘lgan.

«Nizomda ko‘rsatilgan bir milliard dollarlik ko‘ngilli to‘lov a’zolik uchun majburiy shart emas. Bu har bir ishtirokchi davlatning huquqi hisoblanadi. Agar to‘lov birinchi yil ichida amalga oshirilsa, davlat o‘zining kengashda qolish muddatini uch yildan ortiq uzaytirish imkoniyatiga ega bo‘ladi. Biroq Qozog‘iston kengashga a’zo bo‘lish uchun hech qanday moliyaviy to‘lov amalga oshirmagan...

Markaziy Osiyoda elektr energiyasi bozorini yaratish uchun $1 mlrd ajratiladi. Jahon banki «Markaziy Osiyoda elektr energiyasi bozorini rivojlantirish va energiya tizimlari integratsiyasi» (REMIT) dasturini tasdiqladi. Dastur 10 yil davom etadi va mintaqada birinchi mintaqaviy elektr energiyasi bozorini yaratishga qaratilgan.

Dasturning birinchi bosqichida energiya tizimlarining integratsiyasi va savdoni rivojlantirishga e’tibor qaratiladi. Shuningdek, Qirg‘iziston, Tojikiston, O‘zbekiston va Markaziy Osiyo davlatlarining «Energiya» muvofiqlashtiruvchi-dispetcherlik markaziga umumiy qiymati $143,2 millionlik grantlar va imtiyozli kreditlar ajratiladi. Mablag‘larning $140 millioni Jahon bankining Xalqaro taraqqiyot assotsiatsiyasi (XTA) resurslaridan va $3,2 millioni Markaziy Osiyo suv va energetika dasturi (CAWEP) grantlari ko‘rinishida ajratiladi.

REMIT dasturi, 2050-yilga borib, energiya integratsiyasi va elektr...

Statistika agentligi 2025-yil yakunlari bo‘yicha sanoat ishlab chiqarishining dastlabki ko‘rsatkichlarini e’lon qildi. Unga ko‘ra, mamlakatda avtomobil benzini ishlab chiqarish hajmi 1,2 mln tonnani tashkil etgan.

Rasmiy hisobotda keltirilishicha, o‘tgan yil davomida energetika va yonilg‘i sanoatida barqaror ishlab chiqarish sur’atlari kuzatilgan. Xususan, tabiiy gaz qazib olish hajmi 42,3 mlrd kub metrga yetgan bo‘lsa, ko‘mir sanoatida bu ko‘rsatkich 8,9 mln tonnani tashkil qilgan.

Agentlik ma’lumotlariga ko‘ra, 2025-yilda dizel yonilg‘isi ishlab chiqarish 1,2 mln tonna, gaz kondensati 1,1 mln tonna va neft qazib olish hajmi 655,7 ming tonnani tashkil etdi. Shuningdek, avtomobil sanoatida 248 247 dona dvigatel tayyorlangan. Mutaxassislar ko‘mir va energiya...

Xorazmda fuqarolarni qo‘rqitib, ularga zo‘ravonlik qilib kelgan shaxslar qo‘lga olindi. Bu haqda IIV xabar bermoqda. Uchta holat bo‘yicha jinoyat ishi qo‘zg‘atilgan va gumondorlar qamoqqa olingan.

Urganch shahar markaziy dehqon bozori hududida Jommi Darital laqabi bilan tanilgan 29 yoshli shaxs 27 yoshli yigitning yo‘lini to‘sib, hech qanday sababsiz uni urib, tan jarohati yetkazgan. Jabrlanuvchining ichki ishlar organlariga murojaat qilishi asosida surishtiruv boshlanganidan so‘ng u yana ruhiy va jismoniy bosim o‘tkazishga uringan. Tezkor xodimlar tomonidan uning yonidan 3 gramm marixuana topilib, rasmiylashtirilgan.

Yana bir holatda ilgari Jinoyat kodeksining 277-moddasi (bezorilik) bilan sudlangan 28 yoshli fuqaro Bog‘ot tumanida 27 yoshli yigitni chaqirib...

Fransiya prezidenti Emmanuel Makron Davosdagi Jahon iqtisodiy forumida quyoshdan saqlovchi ko‘zoynakda ko‘rinish berdi. Davlat rahbarining ushbu imiji kutilmaganda ko‘zoynak ishlab chiqaruvchi kompaniya kapitallashuvining keskin o‘sishiga sabab bo‘ldi.

Prezidentning chiqishidan so‘ng iVision Tech kompaniyasi aksiyalari birjada 28 foizga ko‘tarilgan. Natijada kompaniyaning bozor qiymati $4,1 mlnga oshgan. Ma’lum bo‘lishicha, Makron minbarda Henry Jullien brendiga tegishli Pacific S 01 modelini taqqan. Ushbu aksessuarning narxi $773,8 tashkil qiladi.

Yelisey saroyining rasmiy versiyasiga ko‘ra, prezident ko‘zlaridagi muammo tufayli ko‘zoynak taqishga majbur bo‘lgan. Biroq internet foydalanuvchilari uning yangi obrazini mashhur «Mohir mergan» (Top Gun) filmi qahramoni Tom Kruzga qiyoslab, ijobiy munosabat bildirishmoqda.

Avvalroq Kursiv Uzbekistan...

Hyundai kompaniyasi tomonidan yangi Hyundai Staria Camper avtomobili taqdim etildi. Bu haqda Carcoops xabar bermoqda.

Elektr versiyasi bo‘lgan mini-vanning asosida qurilgan bo‘lib, bir martalik zaryad bilan faqat 400 km masofaga borish imkoniyatini beradi. Bu esa uzoq safarlar uchun yetarli bo‘lmasligi mumkin.

Modelda ko‘plab innovatsion imkoniyatlar mavjud. Masalan, roof topda joylashgan 520 Vt quyosh panellari bilan energiya ishlab chiqarish imkoniyati mavjud. Quyoshli kundalik sharoitda bu panellar 2,6 kVt/soat energiya ishlab chiqarishga qodir bo‘lib, u yordamida bordavur qurilmalari ishlatilishi yoki batareya zaryadlanishi mumkin.

Hyundai’ning yana bir yangiligi – «aqlli» oynalar. Ushbu oynalar orqa o‘rindiqlardagi shaffoflikni sensor ekran orqali boshqarish imkoniyatini beradi...

iQOO brendi o‘zining navbatdagi kuchli flagmani iQOO 15 Ultra haqidagi tizerlarini e’lon qilib, uning dizayni, ranglar xilma-xilligi va ayrim texnik xususiyatlarini ommaga taqdim etdi.

iQOO 15 Ultra ikki xil rangda sotuvga chiqadi. Och havorang hamda zarg‘aldoq rangli naqshlari tushirilgan qora variant. Smartfon korpusi tekis qirralarga ega bo‘lib, orqa panelning yuqori chap burchagida maxsus yoritqichga ega kvadrat shaklidagi uchta kamerali modul joylashgan.

E’tiborli jihati, qurilmaning o‘ng tomonida odatiy ovoz va quvvat tugmalaridan tashqari, yana ikkita qo‘shimcha tugma o‘rin olgan. Bu smartfonning geymerlar auditoriyasiga qaratilganini yana bir bor tasdiqlaydi.

iQOO mahsulotlar bo‘yicha direktori yangi flagmanning AnTuTu benchmarkidagi natijalarini ham bo‘lishdi. iQOO...

You Tube’dagi CarShow Tv kanali tomonidan Kia Sonet 2026 avtomobilining dizayni namoyish etildi. Kursiv Uzbekistan videoga tayanib modelning ko‘rinishi haqida material tayyorladi.

Maqolada quyidagilar haqida so‘z boradi:

Old dizayni

Orqa dizayn qanday

Ichki qismi

Old dizayni

Kia Sonet 2026 modelining tashqi ko‘rinishi avtomobilni bozorga taklif qilgan kompaniyaning yangi dizayn yondashuvini aks ettiradi. Yangi modelning o‘ziga xos xususiyatlari, o‘zgarishlarga boy tashqi ko‘rinish, va o‘ziga xos elementlar bilan ajralib turadi.

Avtomobilning old paneli yangi, dinamik va zamonaviy yorug‘lik elementlari bilan bezatilgan. Front optik elementlar orasida o‘zgacha geometrik shakllar, yirik tarmoqqa o‘xshash radiator...