Yangiliklar

AWE kompaniyasi Chevrolet Tahoe, Chevrolet Suburban, GMC Yukon va GMC Yukon XL yo‘ltanlamaslari uchun yangi 0FG sport chiqarish tizimini bozorga chiqarishga tayyorlanmoqda. Yangi tizim 5,3 litrli atmosferali V8 dvigatelining ovozini yanada chuqur va agressiv qilishga mo‘ljallangan, deya xabar bermoqda GMAutority.

Kompaniya hozircha mahsulotning to‘liq taqdimotini o‘tkazmagan, biroq Chevrolet Tahoe avtomobiliga o‘rnatilgan yangi tizim qanday ovoz berishini ko‘rsatuvchi qisqa videoni e’lon qildi.

Tizim 2021-yildan keyingi modellar uchun ishlab chiqilgan

AWE 0FG tizimi 2021-yil va undan keyin ishlab chiqarilgan Chevrolet Tahoe, Chevrolet Suburban, GMC Yukon hamda GMC Yukon XL avtomobillariga mos keladi.

U 5,3 litrli L84 V8 benzin dvigateli bilan...

Kursiv Uzbekistan 2-sentabr kuni mahalliy va xalqaro maydonda yuz bergan yangiliklarni bir joyga jamladi.

Rossiyada ota-ona qaramog‘isiz qolgan 12 nafar bola O‘zbekistonga qaytarildi

Rossiya hududida ota-ona qaramog‘isiz qolgan 12 nafar voyaga yetmagan bola O‘zbekistonga olib kelindi. Bu haqda Ijtimoiy himoya milliy agentligi xabar berdi.

Voyaga yetmaganlar 2026-yil 29-avgust kuni Toshkent shahridagi Islom Karimov nomidagi xalqaro aeroport orqali O‘zbekistonga yetib keldi. Shundan so‘ng 12 nafar bolaning barchasi yaqin qarindoshlariga topshirildi.

Bolalar ijtimoiy xizmatlar nazoratida bo‘ladi

Vatanga qaytarilgan bolalarning oilaga moslashuvi, huquq va manfaatlarini ta’minlash hamda ularga zarur ijtimoiy yordam ko‘rsatish ishlari davom ettiriladi.

Bu jarayon bolalarning yashash manzili bo‘yicha...

Toshkent shahrida 6-sentabr kuni «Toshkent xalqaro yarimmarafoni» o‘tkazilishi munosabati bilan poytaxtning bir qator markaziy ko‘chalarida avtotransport vositalari harakati vaqtincha to‘xtatiladi. Bu haqda Toshkent shahrida Yo‘l harakatini tashkil etish markazi xabar berdi.

Yarimmarafon Mustaqillik bayramiga bag‘ishlangan

Ommaviy yugurish musobaqasi O‘zbekiston davlat mustaqilligining 35 yilligi munosabati bilan tashkil etiladi. Ishtirokchilar xavfsizligini ta’minlash va tadbirni tartibli o‘tkazish maqsadida transport harakatiga vaqtinchalik cheklovlar kiritiladi.

Qaysi ko‘chalarda harakat cheklanadi

6-sentabr kuni soat 05:00 dan 14:00 gacha Islom Karimov, Sharof Rashidov, Afrosiyob, Oybek, Nukus, Abdulla Qodiriy, Hamidulla Oripov, Mustaqillik, Alisher Navoiy va Botir Zokirov ko‘chalarining ayrim qismlarida transport harakati cheklanadi.

Shuningdek, Amir Temur

Shavkat Mirziyoyev Jizzax viloyatida integratsiyalashgan atom elektr stansiyasi va unga yondosh atomchilar shaharchasi qurilishi bo‘yicha loyihalar taqdimoti bilan tanishdi. Davlat rahbari AES qurilishida mahalliy korxonalar ishtirokini sezilarli darajada oshirish bo‘yicha vazifalarni belgiladi.

Mahalliylashtirish darajasi oshiriladi

Qiymati $9,5 milliardga baholanayotgan loyiha doirasida qariyb 3 ming turdagi mahsulot va uskunalardan foydalanish rejalashtirilgan. Dastlab mahalliy mahsulotlar ulushi 21 foiz, ya’ni $1,9 milliard atrofida bo‘lishi hisoblangan.

Prezident bu ko‘rsatkichni yetarli emas deb baholab, mahalliy mahsulotlar ulushini kamida 30 foizga yetkazish topshirig‘ini berdi.

Shuningdek, qurilish-montaj ishlarining 65 foizini O‘zbekiston korxonalari bajarishi va loyihaga 7 ming nafar mahalliy ishchi hamda mutaxassis jalb etilishi belgilandi.

Qozog‘iston vizasiz rejim amal qiladigan davlatlar fuqarolari uchun mamlakatga kirishda elektron ruxsatnoma – QazETA tizimini bosqichma-bosqich joriy etmoqda. Yangi talab 2026-yil oxirigacha barcha transport turlariga tatbiq etilishi rejalashtirilgan.

QazETA uchun qancha to‘lanadi

Elektron ruxsatnoma uchun to‘lov ariza chegaraga yetib kelishdan kamida 72 soat oldin topshirilgan taqdirda, taxminan 3900 tenge yoki 8 yevroni tashkil etadi.

Agar ruxsatnoma chegaraning o‘zida rasmiylashtirilsa, to‘lov miqdori qariyb 7600 tenge – 16 yevroga teng bo‘lishi kutilmoqda.

Mazkur ma’lumot Qozog‘iston bilan vizasiz rejimga ega Serbiya Tashqi ishlar vazirligining rasmiy saytida e’lon qilingan.

Tizim hozircha sinov rejimida

2026-yil 25-avgustdan Qozog‘istonda elektron kirish ruxsatnomasi tizimini joriy...

2026/2027-o‘quv yili uchun davlat oliy ta’lim tashkilotlarining magistratura mutaxassisliklariga kirish bo‘yicha qabul natijalari e’lon qilindi. Bu haqda Oliy ta’lim, fan va innovatsiyalar vazirligi xabar berdi.

Magistraturaga hujjat topshirgan talabgorlarning my.edu.uz elektron tizimi va Yagona interaktiv davlat xizmatlari portali – my.gov.uz orqali yuborgan arizalari ko‘rib chiqildi.

Natijalarni onlayn ko‘rish mumkin

Magistraturaga hujjat topshirgan fuqarolar o‘zining yakuniy natijasini my.edu.uz platformasidagi shaxsiy kabineti orqali bilishi mumkin.

Natijani ko‘rish uchun talabgor elektron tizimdagi shaxsiy kabinetiga kirishi va qabul bo‘yicha ma’lumotlarini tekshirishi kerak.

Qabul natijalari 2026/2027-o‘quv yiliga tegishli

E’lon qilingan natijalar davlat OTMning 2026/2027-o‘quv yili uchun magistratura mutaxassisliklariga qabul jarayoniga...

O‘zbekistonning 70 ta oziq-ovqat ishlab chiqaruvchi korxonasi Istanbulda bo‘lib o‘tgan «F-Istanbul» xalqaro ko‘rgazmasida o‘z mahsulotlarini namoyish etdi. Tadbir davomida xorijiy xaridorlar bilan muzokaralar o‘tkazilib, yangi eksport shartnomalarini tuzish bo‘yicha kelishuvlarga erishildi.

Ko‘rgazma 26 – 29-avgust kunlari Istanbul shahrida bo‘lib o‘tdi. Unda O‘zbekiston «Made in Uzbekistan» milliy stendi bilan qatnashdi. Bu haqda «Dunyo» axborot agentligi xabar berdi.

Milliy ekspozitsiya Savdo-sanoat palatasi, O‘zbekistonning Turkiyadagi elchixonasi hamda «Savdoni rivojlantirish kompaniyasi» AJ ko‘magida tashkil etildi. Stend 800 kvadrat metr maydonni egalladi.

O‘zbekiston stendida yangi va qayta ishlangan meva-sabzavotlar, qandolatchilik mahsulotlari, quritilgan va qadoqlangan mahsulotlar, ichimliklar hamda boshqa oziq-ovqat tovarlari namoyish etildi.

Yangi...

Rossiyaning Germaniyaning Bonn shahridagi bosh konsulxonasi 1-sentabrdan o‘z faoliyatini muddatidan oldin to‘xtatdi. Avvalroq Germaniya hukumati diplomatik vakolatxonani 18-sentabrgacha yopish to‘g‘risida qaror qabul qilgandi.

Bonn shahridagi Rossiya bosh konsulxonasi rasmiy bayonotida barcha konsullik masalalari bo‘yicha fuqarolarni qabul qilish bekor qilingani ma’lum qilindi.

Shu bilan birga, tayyor bo‘lgan pasportlarni topshirish 11-sentabrgacha davom ettiriladi. Belgilangan muddatda olib ketilmagan hujjatlar Rossiyaning Berlindagi elchixonasiga yuboriladi.

Germaniya Rossiya diplomatlarining mamlakatni tark etishini talab qildi

Rossiyaning Berlindagi elchixonasi ma’lumotiga ko‘ra, 1-sentabr kuni mamlakatning Germaniyadagi elchisi Sergey Nechayev Germaniya tashqi ishlar vazirligiga chaqirilgan.

Germaniya tomoni Rossiyaning Leypsig/Galle aeroportiga 4-avgust kuni uyushtirilgan dron hujumiga aloqadorligi yuzasidan...

O‘zbekiston Markaziy banki mamlakatdagi oliy ta’lim muassasalarining bitiruvchi bosqich talabalari uchun maxsus stipendiya dasturini yo‘lga qo‘ymoqda. Tanlovda bakalavriat va magistraturaning so‘nggi bosqichida kunduzgi ta’limda tahsil olayotgan talabalar ishtirok etishi mumkin.

Stipendiya miqdori bazaviy hisoblash miqdorining kamida uch baravariga teng etib belgilangan. Hozirgi hisobda bu 1 million 320 ming so‘mni tashkil etadi.

Talabalar Markaziy bankda amaliyot o‘tashi mumkin

Stipendiya sohiblariga Markaziy bankning tegishli bo‘linmalarida amaliy tajriba orttirish imkoniyati ham beriladi. Ular haftasiga 15 soatdan ko‘p bo‘lmagan vaqt davomida amaliyot o‘tashi mumkin.

Bu orqali talabalar o‘z mutaxassisligi bo‘yicha bilimlarini amaliyot bilan mustahkamlash va bank tizimining ish jarayonlari bilan yaqindan tanishish...

Tailand O‘zbekiston fuqarolari uchun amalda bo‘lgan 60 kungacha vizasiz qolish imkoniyatini bekor qilmoqda. 15-sentabrdan boshlab O‘zbekiston fuqarolari Tailandning 30 kungacha vizasiz kirish huquqiga ega davlatlar ro‘yxatiga ham kiritilmaydi.

Bu haqdagi qaror Tailand hukumatining 31-avgustda e’lon qilingan hujjati bilan tasdiqlangan. Yangi tartib hujjat e’lon qilinganidan 15 kun o‘tib, ya’ni 15-sentabrdan kuchga kiradi.

60 ta davlat fuqarolari 30 kungacha vizasiz kira oladi

Yangi qoidalarga ko‘ra, Tailand 60 ta davlat fuqarolari uchun vizasiz qolish muddatini 30 kungacha belgilaydi. Ular orasida AQSh, Buyuk Britaniya, Germaniya, Fransiya, Turkiya, Hindiston, Yaponiya, Janubiy Koreya, Saudiya Arabistoni va boshqa davlatlar bor.

MDH davlatlari orasidan yangi ro‘yxatga...

3-sentabr uchun valyutalar kursi yangilandi. Unga ko‘ra, dollar kursi 7,39 so‘mga tushib, 11 813,09 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

25-avgustda kurs yana 35,48 so‘mga tushib, 11 818,07 so‘mni, 26-avgust kuni 39,55 so‘mga tushib, 11 778,52 so‘mni, 27-avgust kuni 45,17 so‘mga oshib, 11 823,69 so‘mni, 28-avgust kuni esa 22,46 so‘mga tushib, 11 801,23 so‘mni tashkil qildi. 2-sentabr kuni 19,25 so‘mga oshib, 11 820,48 so‘mga yetdi.

Yevro kursida ham pasayish kuzatildi. Yevropa valyutasi 88,93 so‘mga tushib, 13 677,20 so‘m bo‘ldi. Rossiya rubli ham tushdi. Rubl kursi...

Hindistonning mashhur aktyori Shohruhxon va prodyuser Karan Joharning O‘zbekistonga tashrifi masalasi muhokama qilinmoqda. Tashrif amalga oshsa, aktyor mahalliy kinoijodkorlar bilan uchrashib, mahorat darslari o‘tkazishi va katta sahnada konsert berishi mumkin.

Bu haqda O‘zbekiston madaniyat vaziri Ozodbek Nazarbekov OAV vakillariga bergan intervyusida ma’lum qildi.

O‘zbekiston va Hindiston kino sohasida hamkorlikni kuchaytirmoqda

Vazirning ta’kidlashicha, O‘zbekiston va Hindiston o‘rtasidagi madaniy aloqalar, xususan, kino sohasidagi hamkorlik uzoq tarixga ega. Endilikda ikki davlat ijodkorlari ishtirokida yangi qo‘shma filmlar suratga olish rejalashtirilmoqda.

Nazarbekovning qayd etishicha, kelgusidagi loyihalar nafaqat O‘zbekiston va Hindiston tomoshabinlari, balki xalqaro auditoriya uchun ham qiziqarli bo‘lishi ko‘zda tutilgan.

Shohruhxonga mahorat...

Rossiyada Poco F9 Ultra va Poco F9 Pro flagman smartfonlari sotuvga chiqarildi. Har ikki model Snapdragon 8 Elite Gen 5 protsessori, 200 MP asosiy kamera, 185 Gts gacha yangilanish tezligiga ega AMOLED ekran va IP68 himoyasini taklif qiladi.

Smartfonlar AliExpress orqali sotila boshlagan. Ular HyperOS 3 tizimida ishlaydi, Wi-Fi 7’ni qo‘llab-quvvatlaydi va Sound by Bose stereo karnaylariga ega.

Poco F9 Ultra 8050 mA/soat batareya bilan keladi

Poco F9 Ultra 6,9 dyuymli AMOLED ekran bilan jihozlangan. Displeyning maksimal yorqinligi 4500 nitgacha yetadi, HDR10+ va Dolby Vision qo‘llab-quvvatlanadi.

Smartfonda 8050 mA/soat sig‘imli batareya bor. U 100 Vt simli va...

Yozgi transfer oynasi yakunlandi va «Manchester Siti» yangi mavsum uchun tarkibini shakllantirib oldi.

Endi o‘zbekistonlik himoyachi Abduqodir Husanov oldida asosiy tarkibdan joy olish uchun jiddiy raqobat turibdi.

«Shaharliklar»ning markaziy himoya chizig‘ida tajriba, yosh va universal futbolchilar bir nuqtada jamlangan. Bu esa Husanov uchun yangi mavsumni shunchaki o‘tkazish emas, balki o‘z o‘rnini mustahkamlash vazifasini qo‘yadi.

Ruben Diash — tajriba va yetakchilik

Husanovning eng katta raqobatchilaridan biri shubhasiz portugaliyalik Ruben Diash bo‘ladi.

«Manchester Siti» himoyasining ko‘p yillik yetakchisi bo‘lgan Diash nafaqat markaziy himoyachi, balki jamoaning maydondagi asosiy liderlaridan biri hisoblanadi.

Shu sababli Husanov uchun uning o‘rnini egallashdan ko‘ra...

O‘zbekistonda turizm va mehmonxona biznesini qo‘llab-quvvatlashga qaratilgan imtiyozlar muddati uzaytiriladi. Yangi chora-tadbirlar doirasida mehmonxonalar uchun mol-mulk va yer soliqlari stavkasining 10 foizi miqdoridagi koeffitsiyent 2030-yilgacha saqlanib qoladi.

Bu prezidentning 27-avgustdagi farmonida belgilangan. Hujjat mamlakatda turistik va servis infratuzilmasini rivojlantirish hamda tadbirkorlar uchun moliyaviy imkoniyatlarni kengaytirishga qaratilgan.

Mehmonxona qurilishiga subsidiyalar davom etadi

Uch, to‘rt va besh yulduzli mehmonxonalarni qurish uchun ajratiladigan subsidiyalarni berish muddati 2029-yil 1-yanvargacha uzaytiriladi.

Mehmonxonaga tegishli yulduz toifasini tasdiqlashda xorijiy tashkilot xulosasini olish majburiy bo‘lmaydi.

Turistik transport vositalarini bojxona to‘lovisiz olib kirish mumkin

Turizm sohasi vakillariga avtobus, elektrobus va mikroavtobuslarni O‘zbekistonga bojxona boji to‘lamasdan olib...

«O‘zenergoinspeksiya» Qarshi shahridagi «zapravka» (AYQSh)lardan birida Ai-92 markali benzin davlat standarti talablariga javob bermasligini aniqladi.

Nazorat tadbiri davomida «N.A.S.» MChJga qarashli avtomobillarga yonilg‘i quyish shoxobchasidagi Ai-92 benzini laboratoriyada tekshirildi.

Tahlil natijasida mahsulot sifatsiz ekani va belgilangan davlat standartlariga mos kelmasligi ma’lum bo‘ldi.

14,5 mln so‘m jarima qo‘llanildi

Aniqlangan qoidabuzarlik sabab realizatsiya qilingan neft mahsulotining 50 foizi miqdorida, ya’ni 14,5 mln so‘m jarima belgilandi.

AYQShda qolgan neft mahsulotini belgilangan sifat talablariga mos holatga keltirish bo‘yicha ko‘rsatma berildi.

Eslatib o‘tamiz, avvalroq O‘zbekiston Ozarbayjon bilan benzin va aviayonilg‘i ishlab chiqarishi mumkinligi haqida xabar berilgandi. Bu haqda energetika vaziri Sherzod Xo‘jayev «O‘zbekiston...

Honor kompaniyasi smartfonlarining mustahkamligini tekshirish bo‘yicha sinov dasturi tafsilotlarini oshkor qildi. Bu haqda kompaniya saytida ma’lum qilindi.

Kompaniya jarayonni Honor Turbo modeli misolida ko‘rsatib, qurilmalar zarba, suv, yuqori bosim, harorat va batareya xavfsizligi bo‘yicha bir necha bosqichli sinovlardan o‘tkazilishini ma’lum qildi.

Sinovlarning eng asosiy qismlaridan biri smartfonni bir metr balandlikdan 120 marta tushirishdan iborat. Buning uchun qurilma aylanuvchi maxsus barabanga joylashtiriladi. Bundan tashqari, yakka tushish sinovida smartfon 2,5 metr balandlikdan zarbaga bardosh berishi kerak.

Smartfon 120 marta tushiriladi

Honor’ning ma’lum qilishicha, mexanik mustahkamlik sinovida qurilma bir metr balandlikdan takroran tushiriladi. Jami 120 ta tushirish sikli amalga oshiriladi.

Bunda...

Gruziyaning Bank of Georgia bankiga egalik qiluvchi Lion Finance Group Markaziy Osiyoda, jumladan, O‘zbekistonda yirik bank sotib olish imkoniyatlarini ko‘rib chiqmoqda. Bu haqda Lion Finance Group bosh direktori Archil Gachechiladze Bloomberg’ga bergan intervyusida ma’lum qilgan.

Kompaniya yangi bank tashkil etishdan ko‘ra, bozorda allaqachon faoliyat yuritayotgan yirik moliya tashkilotini xarid qilishni ma’qul ko‘rmoqda. Gachechiladzening so‘zlariga ko‘ra, guruh har bir bozorda Top-3 yoki Top-5 qatoriga kiruvchi banklarni ko‘rib chiqmoqda.

O‘zbekistonda qaysi banklar qiziqish doirasida

Kompaniya rahbari O‘zbekistonda qaysi bank bilan bog‘liq muzokaralar olib borilayotganini ochiqlamagan. Hozircha potensial bitim bo‘yicha rasmiy taklif yoki muzokaralar boshlanganiga oid ma’lumot ham yo‘q.

Agar Top...

Xiaomi yangi HyperOS 4 tizimini Android 17 olishi kutilayotgan qurilmalarning deyarli barchasida ichki sinovdan o‘tkaza boshladi. Ximitime ma’lumotlariga ko‘ra, 112 ta ehtimoliy qurilmadan 108 tasida test jarayoni boshlangan.

HyperOS 4 chiqarilganiga atigi 15 kun bo‘lganiga qaramay, yangi tizim ko‘plab Xiaomi, Redmi va Poco qurilmalarida tekshirilmoqda.

Hozircha barcha aniqlangan test versiyalari Android 17 asosida ishlayotgani qayd etilgan.

Android 16 uchun HyperOS 4 hozircha ko‘rinmadi

Manbaga ko‘ra, Android 16’da ishlaydigan birorta smartfon yoki planshetda HyperOS 4 sinovi aniqlanmagan.

Bundan tashqari, Android 16 asosidagi HyperOS 4 versiyasi ishlab chiqilayotganini ko‘rsatuvchi belgilar ham hozircha topilmagan.

Ayrim eski modellar HyperOS 4’ni olmasligi...

O‘zbekistondan chet elga naqd valyuta olib chiqish tartibi o‘zgaradi. Yangi tartibga ko‘ra, jismoniy shaxslar mamlakatdan $10 ming ekvivalentigacha bo‘lgan naqd valyutani deklaratsiya to‘ldirmasdan olib chiqishi mumkin bo‘ladi.

Yangi me’yor qonunchilikka kiritiladi

Bu tartib prezidentning 28-avgustdagi farmoni bilan tasdiqlangan bojxona sohasini isloh qilish bo‘yicha chora-tadbirlar doirasida belgilandi.

Hujjatga ko‘ra, $10 ming ekvivalentidan ortiq naqd valyuta olib chiqilayotganda yo‘lovchi bojxona deklaratsiyasini to‘ldirishi kerak bo‘ladi.

Yangi talabni amaliyotga joriy etish uchun tegishli qonun loyihasi 2027-yil dekabrigacha ishlab chiqilishi rejalashtirilgan. Jarayonga Bojxona qo‘mitasi, Iqtisodiyot va moliya vazirligi, Markaziy bank hamda Adliya vazirligi mas’ul etib belgilangan.

Hozirgi tartib qanday

Amaldagi qoidalarga ko‘ra...

Xpeng kompaniyasining yangi Xpeng Mona L05 elektr SUV modeli global taqdimot oldidan Xitoy yo‘llarida sinov vaqtida ko‘rindi. Bu haqda CarNewsChina nashri xabar bermoqda.

Model Mona ommaviy segmentidagi uchinchi avtomobil bo‘lib, undan avval M03 sedani va L03 krossoveri taqdim etilgan.

CarNewsChina ma’lumotiga ko‘ra, Xpeng Mona L05 besh o‘rindiqli o‘rta o‘lchamli SUV bo‘lib, to‘liq elektr BEV va yurish zaxirasi uzaytirilgan EREV versiyalarida ishlab chiqariladi.

Xpeng Mona L05 uzunligi 4,87 metrni tashkil qiladi

Xpeng Mona L05 haqidagi dastlabki ma’lumotlar avvalroq Xitoy Sanoat va axborot texnologiyalari vazirligi bazasida paydo bo‘lgan edi.

Modelning uzunligi 4870 mm, kengligi 1930 mm va balandligi 1636 mm...

Oppo Find X10 Pro Max’ning dastlabki kompyuter tasvirlari internetda paydo bo‘ldi. Ma’lumotlarga ko‘ra, smartfon uchta 200 MP kameraga, yangi Samsung ISOCELL HPC sensoriga va juda ingichka ramkali ekranga ega bo‘lishi mumkin.

Tasvirlarda smartfonning orqa qismida yirik gorizontal kamera bloki ko‘rinadi. Uning ichida uchta asosiy kamera joylashtirilgan, yana bir alohida kamera esa blok tashqarisida turadi.

Smartfonning yangi ranglaridan biri Hasselblad ishtirokida ishlab chiqilgan oq variant bo‘lishi mumkin.

Yangi Samsung ISOCELL HPC sensori ishlatiladi

Oppo Find X10 Pro Max Samsung ISOCELL HPC sensorini olgan ilk smartfon bo‘lishi kutilmoqda.

Mazkur sensor DeepPix texnologiyasidan foydalanadi. U yorug‘likni piksel darajasida samaraliroq qabul qilish...

O‘zbekistonlik professional bokschi Bahodir Jalolov superog‘ir vazn toifasida yangi IBF chempioniga aylangan xorvatiyalik Filip Xrgovichga murojaat etib, kelajakda ular ringda to‘qnash kelishiga ishora qildi. Bu haqda u o’zining ijtimoiy tarmoqdagi sahifasida yozib qoldirdi.

Jalolov Xrgovichni jahon chempionlik kamarini qo‘lga kiritgani bilan tabriklarkan, kelajakdagi ehtimoliy jang haqida ham dadil bayonot berdi.

«Filip Xrgovich, ajoyib g‘alabang bilan tabriklayman! Sen aql bovar qilmaydigan xarakter ko‘rsatding va haqiqiy jangchi ekaningni isbotlading. Senga hurmatim baland, chempion. Ammo ertami-kechmi yo‘llarimiz kesishadi. O‘sha kun kelganda haqiqiy chempion kimligini aniqlaymiz», – deb yozdi Bahodir Jalolov ijtimoiy tarmoqdagi sahifasida.

Xrgovich...

Bugun Jorjina Rodriges shaxsiy samolyotlar, qimmatbaho liboslar, Kann kinofestivali qizil yo‘lagi va yirik moda brendlari bilan bog‘lanadi. Biroq Krishtianu Ronaldu bilan tanishishidan oldingi hayoti bundan mutlaqo boshqacha bo‘lgan. U kichik shaharda ulg‘aygan, bolaligidan balet bilan shug‘ullangan, mustaqil hayot boshlash uchun ishlagan, ingliz tilini o‘rganish maqsadida xorijga ketgan va keyinchalik Madridda sotuvchi bo‘lib faoliyat yuritgan.

Rodrigesning bolalikdagi suratlari ham uning bugungi hayoti bilan o‘sha davr o‘rtasidagi katta farqni ko‘rsatadi. Netflix’ning «I Am Georgina» hujjatli loyihasida ham u mashhurlikdan oldingi hayoti, oilasi va Jaka shahridagi xotiralari haqida batafsil gapirgan.

Argentinada tug‘ilib, Ispaniyaning kichik shahrida ulg‘aydi

Jorjina Rodriges 1994-yilda Argentinada tug‘ilgan...