Yangiliklar

AQSh va Eron avval e’lon qilingan sulhga qaramay, yana o‘zaro zarba almashdi. Vashington Eron hududidagi harbiy obyektlarga hujum qilganini bildirgan bo‘lsa, Tehron AQShning Fors ko‘rfazi mamlakatlari va Iordaniyadagi harbiy infratuzilmasini nishonga oldi. Bu haqda Reuters xabar berdi.

AQSh 90 ga yaqin harbiy obyektga zarba berdi

AQSh Markaziy qo‘mondonligi Eron hududidagi qariyb 90 ta harbiy nishonga zarba berilganini ma’lum qildi. Havo hujumidan mudofaa tizimlari, qirg‘oq razvedka vositalari, raketa va dron omborlari asosiy nishon bo‘lgan.

AQSh prezidenti Donald Tramp operatsiyani Eronning Hormuz bo‘g‘ozida uchta tijorat kemasiga hujumiga javob deb atadi. Uning so‘zlariga ko‘ra, jangovar harakatlarni vaqtincha to‘xtatish haqidagi kelishuv amalda...

Xonanda G‘aybulla Tursunov O‘zbekiston milliy terma jamoasi futbolchilari bilan tushgan suratlarini Instagram sahifasida e’lon qildi. U Abbosbek Fayzullayev bilan birga tushgan fotosuratga terma jamoaning 2026-yilgi jahon chempionatidagi tarixiy ishtiroki haqida fikr bildirdi.

San’atkorning ta’kidlashicha, ushbu futbolchilar O‘zbekiston nomidan mundialda maydonga tushgan ilk avlod sifatida tarixda qoladi.

«Nimasi bilan qadrli ekanini bilasizlarmi? Bu yigitlar jahon chempionatida qatnashgan birinchi o‘zbek futbolchilari bo‘lishdi. Biz ularni ilk o‘zbeklar sifatida eslab qolamiz. Yillar o‘tgan sari bu yigitlarning qadri yanada ortib boraveradi», deb yozdi Tursunov.

Xonanda Abbosbek Fayzullayevdan tashqari O‘zbekiston terma jamoasi darvozaboni O‘tkir Yusupov va sardori Eldor Shomurodov, shuningdek...

10-iyul sanasi jahon texnologiyalari inqilobi, sport olamidagi yorqin g‘alabalar hamda mudhish fojialar bilan tarix sahifalaridan o‘rin olgan. Kursiv Uzbekistan kunning eng muhim voqealarini xronologik tartibda taqdim etadi.

1856-yili hozirgi Xorvatiya hududida dunyoni o‘zgartirgan ixtirochi va muhandis Nikola Tesla dunyoga keldi. U o‘zgaruvchan tok tizimini yaratish orqali bugungi barcha smartfon va texnologiyalarimiz ishlashi uchun mustahkam zamin yaratgan. O‘z hayoti davomida u butun dunyo bo‘ylab 300 dan ortiq patentlarga ega bo‘lgan va radio, elektr motorlari hamda simsiz uzatish texnologiyalarining rivojiga beqiyos hissa qo‘shgan.

1972-yilda dunyoga mashhur kolumbiyalik aktrisa va model Sofiya Vergara tavallud topdi. U «Zamonaviy oila» serialidagi roli orqali...

AQShning Boston shahrida futbol bo‘yicha Jahon chempionatining dastlabki chorak final bahsi bo‘lib o‘tdi. Unda Kilian Mbappe yetakchiligidagi Fransiya terma jamoasi Marokash ustidan 2:0 hisobida ishonchli g‘alabaga erishib, yarim finalga yo‘l oldi.

Uchrashuv kutilganidek fransuzlarning ustunligida o‘tdi. O‘yinning 27-daqiqasida yevropaliklar hisobni ochish uchun ajoyib imkoniyatga ega bo‘lishdi, biroq Mbappe penaltidan unumli foydalana olmadi. Marokashliklar darvozaboni Yassin Bunu qahramonlik ko‘rsatib, to‘pni qaytardi.

Shunga qaramay, ikkinchi bo‘limda Didye Desham shogirdlari o‘z maqsadiga erishdi. 60-daqiqada Mbappe o‘z xatosini to‘g‘rilab, jarima maydonchasi tashqarisidan yo‘llagan ajoyib buralma zarbasi bilan hisobni ochdi. Oradan bor-yo‘g‘i 6 daqiqa o‘tib, 66-daqiqada xuddi shu Mbappening uzatmasidan so‘ng Usmon Dembele uzoq...

O‘zbekiston milliy terma jamoasi yarim himoyachisi Abbosbek Fayzullayevning birinchi murabbiyi Dmitriy An futbolchining JCh – 2026 dagi ishtirokini yuqori baholadi. U shogirdi mundialda O‘zbekiston tarixidagi ilk gol muallifiga aylanganidan faxrlanishini ta’kidladi.

Murabbiyning aytishicha, Fayzullayev turnir davomida hayajonlangan, biroq raqiblardan qo‘rqmagan va har bir uchrashuvda bor kuchi bilan harakat qilgan.

«Abbos mening shogirdim sifatida erishgan natijalaridan juda xursandman. U O‘zbekistonning jahon chempionatidagi ilk golini urdi va men bundan juda faxrlanaman. Ayrim vaziyatlarda hayajon sezildi, ammo bu tabiiy holat. Unda qo‘rquv bo‘lmadi, u kurashdi», – dedi Dmitriy An «Chempionat» nashriga bergan intervyusida.

Uning fikricha, Fayzullayev ayrim...

10-iyul kuni O‘zbekiston hududining aksariyat qismida havo biroz bulutli bo‘ladi, yog‘ingarchilik kutilmaydi. Kunduzi havo harorati 35–43°C, kechasi 22–27°C atrofida bo‘ladi. Faqat tog‘oldi va tog‘li hududlarda qisqa muddatli yomg‘ir, momaqaldiroq hamda sel-suv toshqinlari kuzatilishi mumkin.

Quyida ob-havo ma’lumoti viloyatlar kesimida:

Abbosbek Fayzullayev Rossiyada tanqid qilinmoqda

Sobiq SSSR terma jamoasi himoyachisi Vladimir Ponomaryov tomonidan Abbosbek Fayzullayev tanqid ostiga olingan. U Portugaliyaning O‘zbekiston ustidan 5:0 hisobida g‘alaba qozongan uchrashuvini eslab o‘tgan.

Davomi…

Abbosbek Fayzullayev kimga uylanyapti — namanganlik kelin haqida

Ijtimoiy tarmoqlarda O‘zbekiston milliy terma jamoasi va Turkiyaning «Istanbul Bashakshehir» klubi a’zosi Abbosbek Fayzullayevning to‘y marosimlari bo‘lib o‘tayotgani haqidagi lavhalar kuzatuvchilarda katta qiziqish uyg‘otmoqda.

Davomi…

Nursulton Ro‘ziboyev Qodirov sovg‘a qilgan avtomobilni qabul qilib oldi

O‘zbekistonlik UFC jangchisi Nursulton Ro‘ziboyev Checheniston rahbari Ramzan Qodirovga tegishli «Axmat» klubi tomonidan sovg‘a qilingan Roewe M7 DMH avtomobilini qabul qilib oldi. Sportchi bu haqda Instagram sahifasida ma’lum qildi.

Toshkent metropolitenining Chilonzor yo‘nalishida texnik nosozlik sabab poyezdlar harakatida qisqa muddatli uzilish kuzatildi. Ijtimoiy tarmoqlarda holat aks etgan videolar tarqaldi.

Joriy yilning 9-iyul kuni soat taxminan 20:02 da Chilonzor yo‘nalishining «Xalqlar do‘stligi» va «Paxtakor» metro bekatlari oralig‘ida harakatlanayotgan 1985-yilda ishlab chiqarilgan eski turdagi 16-sonli harakat tarkibida texnik nosozlik aniqlandi.

Harakat xavfsizligini ta’minlash maqsadida amaldagi yo‘riqnoma talablariga muvofiq, yo‘lovchilar belgilangan tartibda xavfsiz tarzda poyezddan tushirildi. Shundan so‘ng nosoz harakat tarkibi ortdan kelayotgan poyezdga tirkalib, texnik ko‘rik yo‘lagiga olib ketildi.

Mazkur holat tufayli Chilonzor yo‘nalishida poyezdlar harakatida taxminan 8 daqiqalik uzilish kuzatildi. Hozirda esa metropolitenning barcha yo‘nalishlarida poyezdlar belgilangan harakat...

O‘zbekistonda film suratga oladigan xorijiy kinokompaniyalarga 25 foizgacha xarajat qoplab beriladi. Bu haqda Adliya vazirligi ma’lum qildi.

Hukumat qarori bilan «Xorijiy kinokompaniyalarning O‘zbekiston hududida o‘z filmlarini yaratish bilan bog‘liq xarajatlarining bir qismini qaytarish tartibi to‘g‘risida»gi nizom tasdiqlandi. Nizom O‘zbekistonda film suratga oladigan xorijiy kinokompaniyalarga xarajatlarning bir qismini qaytarish («rebate») tartibini belgilaydi.

Unga ko‘ra, xarajatlar summasi 3 mlrd so‘mgacha bo‘lsa 10 foiz, 3 mlrd so‘mdan 5 mlrd so‘mgacha bo‘lsa 15 foiz, 5 mlrd so‘mdan 10 mlrd so‘mgacha bo‘lsa 20 foiz, 10 mlrd so‘mdan ortiq bo‘lsa esa 25 foiz miqdorida qoplab beriladi. Bunda bitta film uchun qaytariladigan mablag‘ 4 mlrd...

Belarus prezidenti Aleksandr Lukashenko rasmiy tashrifi yakuniga yetgan Shavkat Mirziyoyevni Minsk aeroportida shaxsan kuzatib qo‘ydi. Bu haqda davlat rahbari matbuot xizmati ma’lum qildi.

Tashrif doirasida Minsk shahrida davlat rahbarlarining tor doiradagi hamda rasmiy delegatsiyalar ishtirokidagi muzokaralari bo‘lib o‘tdi. Uchrashuvlarda siyosiy muloqotni yanada rivojlantirish, parlamentlararo hamkorlikni mustahkamlash hamda ko‘p qirrali sheriklikni uzoq muddatli rivojlantirish masalalari muhokama qilindi. Shuningdek, ustuvor yo‘nalishlar bo‘yicha yangi loyihaviy tashabbuslar ko‘rib chiqildi.

Muzokaralar yakunida prezidentlar Strategik sheriklik munosabatlarini o‘rnatish to‘g‘risidagi deklaratsiyani imzoladi. Shuningdek, ular huzurida ikki tomonlama hujjatlarni almashish marosimi ham bo‘lib o‘tdi.

Ommaviy axborot vositalari vakillari uchun berilgan bayonotlarda mazkur rasmiy tashrif O‘zbekiston va...

2026-yil 10-avgustdan boshlab BAA milliy aviakompaniyasi Etihad Airways Abu-Dabi – Toshkent – Abu-Dabi yo‘nalishi bo‘yicha muntazam aviaqatnovlarni yo‘lga qo‘yadi. Bu haqda Uzbekistan Airports ma’lum qildi.

Parvozlar har kuni Airbus A320 turidagi havo kemalarida amalga oshirilishi rejalashtirilgan. Yangi yo‘nalish ikki davlat poytaxtlari o‘rtasida qulay va muntazam havo aloqasini ta’minlashga xizmat qiladi.

Etihad Airways 2003-yilda tashkil etilgan bo‘lib, bosh qarorgohi Abu-Dabi xalqaro aeroportida joylashgan Birlashgan Arab Amirliklarining milliy aviakompaniyasi hisoblanadi.

Aviakompaniya Yaqin Sharqdagi yirik aviatashuvchilardan biri bo‘lib, Fors ko‘rfazi mamlakatlari, Osiyo, Yevropa, Afrika, Avstraliya hamda Shimoliy Amerikani qamrab olgan keng marshrut tarmog‘iga ega.

Eslatib o‘tamiz, avvalroq Toshkent va Ammon o‘rtasida...

O‘zbekistonda 2028-yil yakuniga qadar davlat organlarining kamida 5 mingta ma’muriy funksiyasi raqamlashtirishga qaratilgan yangi qaror qabul qilindi. Bu haqda Adliya vazirligi ma’lum qildi.

Asosiy maqsad nima

Prezidentning «Raqamli hukumat» tizimini yanada rivojlantirish chora-tadbirlari to‘g‘risidagi qaroriga muvofiq, Yagona integratsiyalashgan raqamli platformani joriy etishning asosiy maqsadli ko‘rsatkichlari tasdiqlandi.

Unga ko‘ra, 2028-yil yakuniga qadar davlat organlarining kamida 5 mingta ma’muriy funksiyasi raqamlashtiriladi. Shuningdek, davlat axborot tizimlarini ishlab chiqish va ulardan foydalanish xarajatlarini kamida 30 foizga qisqartirish rejalashtirilgan.

Yagona platforma qanday vazifalarni bajaradi

Yagona integratsiyalashgan raqamli platforma davlat axborot tizimlarini yaratish, rivojlantirish, qo‘llab-quvvatlash hamda ularning kiberxavfsizligini ta’minlashda yagona arxitektura va...

Chevrolet Cobalt, Nexia 3 va Onix O‘zbekistondagi eng ommabop avtomobillar qatoriga kiradi. Mutaxassislarning ta’kidlashicha, ushbu avtomobillarning xizmat muddati ishlab chiqaruvchidan ko‘ra ko‘proq egasining ularga qanday munosabatda bo‘lishiga bog‘liq. To‘g‘ri ekspluatatsiya va muntazam texnik xizmat ko‘rsatish orqali ular 200 ming kilometr va undan ortiq masofani jiddiy nosozliklarsiz bosib o‘tishi mumkin.

100 ming kilometrdan keyin nimalarga e’tibor berish kerak

Avtomobillarga xizmat ko‘rsatish bo‘yicha mutaxassis Kamil Sulaymonovning aytishicha, Cobalt va Nexia 3’da 100 ming kilometrdan keyin asosan osma tizim, sovitish tizimi, turli datchiklar hamda dvigatelning ayrim agregatlarida eskirish kuzatiladi.

Bu bosqichda stabilizator tortqilari, amortizatorlar, g‘ildirak podshipniklari va rul boshqaruvi elementlarini tekshirish hamda...

To‘liq o‘lchamli yo‘ltanlamaslar segmentida Chevrolet Suburban High Country 2026 narxi e’lon qilinishi avtomobil ixlosmandlari orasida muhokamalarga sabab bo‘ldi. 1 485 100 000 so‘mlik narx yuqori ko‘rinsa-da, model taklif etayotgan imkoniyatlar uni o‘z toifasidagi jiddiy variantlardan biriga aylantiradi.

Tahoe bilan farqi katta emas, ammo imkoniyatlari kengroq

Chevrolet Suburban High Country narxi Tahoe High Country’dan 20,6 mln so‘mga qimmat. Bu amaliy ustunliklarni ham taqdim etadi. Suburban qariyb 40 santimetrga uzunroq kuzov, uzunroq g‘ildirak bazasi va ancha katta bagaj hajmiga ega. Ayniqsa, 7 o‘rinning barchasi band bo‘lganda ham yukxona hajmi keng holatda saqlanib qoladi.

Kimlar uchun maqbul tanlov

Mazkur model, avvalo...

O‘zbekistonda eski avtomobillarni utilizatsiyaga topshirgan fuqarolarga yangi avtomobilni 7 yilgacha foizsiz bo‘lib to‘lash imkoniyatini yaratish rejalashtirilmoqda. Bu haqda Chiqindilarni boshqarish va sirkulyar iqtisodiyotni rivojlantirish agentligi ma’lum qildi.

Tegishli taklif foydalanilgan transport vositalarini utilizatsiya qilish tizimi bo‘yicha ishlab chiqilayotgan qonun loyihasida nazarda tutilgan.

Ekologik kompensatsiya bekor qilinmoqda

Oldinroq xabar berganimizdek, qonun loyihasining yangilangan talqiniga ko‘ra, 30 yildan oshgan avtomobillar egalari uchun ilgari taklif etilgan yillik ekologik kompensatsiya to‘lovi bekor qilinmoqda. Buning o‘rniga fuqarolarni avtomobil parkini yangilashga rag‘batlantiruvchi mexanizmlar joriy etilishi ko‘zda tutilgan.

Eski avtomobil uchun pul yoki vaucher beriladi

Taklifga muvofiq, utilizatsiyaga topshirilgan avtomobil mustaqil baholanadi...

Kanadalik qo‘shiqchi Jastin Biber futbol bo‘yicha Jahon chempionati finalida ilk bor tashkil etiladigan tanaffus shousi ishtirokchilari safiga qo‘shildi. FIFA ma’lumotiga ko‘ra, musiqiy dastur 19-iyul kuni AQShning Nyu-Jersi shtatidagi MetLife Stadium’da bo‘lib o‘tadi.

Yulduzlar bir sahnada jam bo‘ladi

11 daqiqa davom etadigan shouda Jastin Biber bilan birga Madonna, Shakira, Janubiy Koreyaning BTS guruhi, nigeriyalik xonanda Burna Boy va venesuelalik dirijyor Gustavo Dudamel ham sahnaga chiqadi.

Musiqiy dasturni britaniyalik Coldplay guruhi yetakchisi Kris Martin tayyorlamoqda. Shuningdek, sahna ko‘rinishlarida Sesame Street va The Muppets qahramonlari ham ishtirok etadi.

FIFA milliardlab tomoshabinni kutmoqda

FIFA prezidenti Janni Infantino final uchrashuvi tanaffusidagi shouni...

Qashqadaryo viloyatida noqonuniy ravishda iste’molga yaroqsiz yog‘ ishlab chiqarish bilan shug‘ullangan yashirin sexlar fosh etildi. Bu haqda Bosh prokuratura departamenti ma’lum qildi.

Departamentning Ko‘kdala va Kitob tumanlari bo‘limlari hamda boshqa huquqni muhofaza qiluvchi organlar hamkorligida fuqarolar o‘z xonadonlarida qo‘lbola usulda tayyorlangan moyjuvoz uskunalarida iste’molga yaroqsiz yog‘ ishlab chiqarayotgani aniqlandi.

Tekshiruvlar davomida 403 kilogramm chigit, 331 kilogramm kunjara, 104 litr iste’molga yaroqsiz yog‘, 52 dona yelim idish, 5 dona juvoz uskunasi hamda ishlab chiqarishda foydalanilgan boshqa mahsulotlar ashyoviy dalil sifatida olib qo‘yildi.

Mazkur holatlar yuzasidan Jinoyat kodeksining 186-2-moddasi, ya’ni chigitdan olinadigan mahsulotni qonunga xilof ravishda ishlab chiqarish yoki muomalaga...

O‘zbekiston U-20 terma jamoasi a’zolari Sadriddin Hasanov va Sayfiddin Sodiqov Portugaliyaning «Braga» klubi futbolchilariga aylandi. Bu haqda klub rasmiy sahifasida ma’lum qilindi.

Sodiqov: «Bu faoliyatimdagi muhim qadam»

Sayfiddin Sodiqovning ta’kidlashicha, «Braga» kabi klub safida to‘p surish uning uchun alohida ahamiyatga ega.

«Bu men uchun muhim lahza. «Braga» kabi klubning bir qismi bo‘lganimdan juda xursandman. Bu faoliyatimdagi muhim qadam va Yevropada O‘zbekiston sharafini himoya qilish imkoniyatidir. Futbolchi sifatida o‘sishda davom etish va o‘z salohiyatimni to‘liq namoyish etishni maqsad qilganman. Buning uchun har kuni ko‘p mehnat qilish, fidoyilik va sadoqat zarurligini yaxshi tushunaman...

Samarqand viloyatining Jomboy tumanida ekologiya va atrof-muhitni muhofaza qilish bo‘limi boshlig‘i pora olayotgan vaqtda ushlandi.

Bosh prokuratura huzuridagi departament ma’lumotiga ko‘ra, u Zarafshon mahallasida 150 tup terak daraxti kesilgani bo‘yicha to‘plangan hujjatlarga chora ko‘rmaslikni va’da qilgan.

Shuningdek, tabiatga yetkazilgan zarar miqdorini kamaytirish hamda transport vositasini jarima maydonchasidan chiqarib berish evaziga fuqarodan 11 mln so‘mlik kompyuter jamlanmasini talab etgan.

Mansabdor ushbu kompyuter jamlanmasini olayotgan vaqtida ashyoviy dalillar bilan qo‘lga olingan. Holat yuzasidan Jinoyat kodeksining pora olish moddasi bilan jinoyat ishi qo‘zg‘atildi. Ayni paytda tergov harakatlari olib borilmoqda.

Eslatib o‘tamiz, avvalroq Qashqadaryoda $800 olgan mehnat inspektori fosh etilgandi. Departamentning Qarshi...

«O‘zbekiston pochtasi» AJ guruhi 2025-yilda 578,5 mln so‘m sof zarar ko‘rdi. Bir yil avval zarar 24,9 mlrd so‘mni tashkil etgan edi. Bu Korporativ axborot yagona portalida e’lon qilingan konsolidatsiyalashgan moliyaviy hisobotdan ma’lum bo‘ldi.

Hisobot Moliyaviy hisobotning xalqaro standartlari – MHXS asosida tayyorlangan. «Nazorat-Audit» auditorlik tashkiloti unga ijobiy xulosa bergan.

Biroq portalga joylangan hujjatda hisobotning 13 – 54-betlarida bo‘lishi kerak bo‘lgan izohlar va ilovalar mavjud emas. Shu sababli guruh tarkibi, qarzdorlik, kreditlar hamda ayrim moliyaviy o‘zgarishlarning sabablarini batafsil baholash imkoniyati cheklangan.

Guruh tushumi yil davomida 32,1 foizga oshib, 795,4 mlrd so‘mga yetdi. Yalpi foyda 46,5 foizga ko‘payib, 152,7 mlrd so‘mni tashkil etdi.

Asosiy...

O‘zbekiston prezidenti Shavkat Mirziyoyev va Belarus prezidenti Aleksandr Lukashenko ikki davlat o‘rtasida strategik sheriklik munosabatlarini o‘rnatish to‘g‘risidagi deklaratsiyani imzoladi. Bu haqda «Belta» nashri xabar berdi.

Tomonlar muzokaralar yakunida turli yo‘nalishlardagi hamkorlikni rivojlantirishga qaratilgan hujjatlar to‘plamini ham qabul qildi. Aleksandr Lukashenko mazkur hujjatni tarixiy qadam deb atadi.

«Tarixiy qadam. Hujjat teng huquqlilik, o‘zaro hurmat, ishonch va bir-birining manfaatlarini hisobga olish tamoyillariga asoslangan ikki tomonlama munosabatlarning yuqori darajasini rasman mustahkamlaydi. Bu siyosiy, savdo-iqtisodiy, investitsiyaviy, madaniy-gumanitar, xavfsizlik, zamonaviy tahdid va xatarlarga qarshi kurashish sohalarida birgalikdagi ishlarga qo‘shimcha turtki beradi», – dedi Belarus Prezidenti.

Hamkorlikning asosiy yo‘nalishlari...

Shavkat Mirziyoyev va Belarus Respublikasi prezidenti Aleksandr Lukashenko tor doirada hamda rasmiy delegatsiyalar ishtirokida muzokaralar o‘tkazdi. Bu haqda davlat rahbari matbuot xizmati ma’lum qildi.

Davlat yetakchisi so‘nggi yillarda ikki davlat o‘rtasidagi munosabatlar sifat jihatdan yangi bosqichga ko‘tarilganini ta’kidladi. Tashrif arafasida Hukumatlararo komissiya va Ishbilarmonlar kengashi yig‘ilishlari, siyosiy maslahatlashuvlar, tahliliy doiralar uchrashuvlari hamda O‘zbekiston madaniyati kunlari muvaffaqiyatli tashkil qilingani qayd etildi.

Savdo va investitsiya hamkorligi

Muzokaralarda o‘zaro savdo hajmi izchil oshib borayotgani alohida ta’kidlandi. So‘nggi besh yilda tovar ayirboshlash hajmi qariyb uch baravar oshib, o‘tgan yil yakunida salkam $1 mlrdga yetgan. Joriy yilning o‘tgan davrida esa bu ko‘rsatkich...

Murodjon Ahmadaliyev O‘zbekiston boksi tarixidagi eng yorqin sportchilardan biri hisoblanadi. U havaskor boksda jahon chempionati kumushi va Olimpiada bronzasini qo‘lga kiritgan, professional ringda esa O‘zbekiston tarixidagi ilk birlashtirilgan jahon chempioniga aylangan. Uning sportdagi yo‘li tasodifiy tanlov, og‘ir bolalik, jiddiy jarohat va katta g‘alabalarga boy. Maqolada sportchi qiziqarli ma’lumotlar jamlandi.

Boksga uni futbol olib kelgan

Ahmadaliyev bolaligida futbolga qattiq qiziqqan. U braziliyalik mashhur yarim himoyachi Kaka sharafiga qo‘yilgan laqab bilan yurardi va vaqtining katta qismini futbol maydonida o‘tkazardi.

Uning boksga kirib kelishi esa tasodifan yuz bergan. Ahmadaliyev bir kuni maydonga kelmay qolgan do‘stini izlab, boks zaliga boradi. Dastlab u yerga...

Endilikda sobiq davlat xizmatchilarini ishga qabul qilishdan oldin korrupsiyaga qarshi ichki nazorat bo‘linmasining xulosasini olish majburiy bo‘ladi. Bu haqda Adliya vazirligi ma’lum qildi.

Korrupsiyaga qarshi kurashish agentligi direktorining buyrug‘i bilan tasdiqlangan nizom Adliya vazirligi tomonidan davlat ro‘yxatidan o‘tkazildi. Hujjat «Manfaatlar to‘qnashuvi to‘g‘risida»gi Qonun ijrosini ta’minlash maqsadida qabul qilingan.

Xulosa olish majburiymi

Nizomga ko‘ra, davlat organi yoki tashkilotidan bo‘shagan xodimni ikki yil davomida u bevosita yoki bilvosita nazorat qilgan tashkilotga ishga qabul qilishdan oldin avvalgi ish joyining korrupsiyaga qarshi ichki nazorat bo‘linmasidan majburiy xulosa olinadi. Agar ishga qabul qilish tanlov asosida amalga oshirilsa, ushbu xulosa tanlovda ham inobatga...