Yangiliklar

Meta Platforms sun’iy intellekt infratuzilmasi uchun yangi moliyalashtirish manbalarini izlamoqda. Financial Times ma’lumotlariga ko‘ra, kompaniya aksiyalar chiqarish orqali o‘nlab mlrd dollar jalb qilish imkoniyatini ko‘rib chiqmoqda.

Facebook va Instagram egasi bo‘lgan Meta katta hajmdagi SI xarajatlarini qoplash uchun turli variantlarni o‘rganmoqda. Kompaniya rahbariyati Alphabet’ning $85 mlrdlik rekord joylashtiruvidan keyin bu masalaga jiddiyroq qaray boshlagan.

Nashr manbalariga ko‘ra, Meta rahbarlari shu hafta kapital jalb etishning «kreativ» usullarini muhokama qilgan. Mablag‘ asosan, sun’iy intellekt uchun zarur data-markazlar va texnik infratuzilmani rivojlantirishga yo‘naltirilishi mumkin.

Meta bu yil SI bilan bog‘liq kapital xarajatlarni $145 mlrdgacha oshirishga tayyorlanmoqda. 2027-yilda esa bu summa yana ko‘payishi...

AQSh va Eron o‘rtasidagi mo‘rt sulh yana sinov ostida qoldi. Tomonlar Fors ko‘rfazi hududida bir-biriga qarshi harbiy harakatlar amalga oshirdi.

AQSh harbiylari Eron dronlari va radar obyektlariga zarba berganini bildirdi. Eron esa javoban Fors ko‘rfazidagi AQSh bazalariga raketa uchirdi. AQSh Markaziy qo‘mondonligi ma’lumotiga ko‘ra, Amerika kuchlari Hormuz bo‘g‘ozi tomon uchirilgan to‘rtta Eron dronini urib tushirgan. Qo‘mondonlik bu dronlar mintaqadagi dengiz qatnovi uchun bevosita xavf tug‘dirganini aytdi.

Shundan keyin AQSh kuchlari Eron janubidagi qirg‘oq kuzatuv radar obyektlariga zarba bergan. Centcom buni keyingi hujumlarning oldini olish bilan izohladi. Eronning IRIB agentligi esa Tehron javob chorasi sifatida Kuvaytdagi ikki AQSh aviabazasi va...

Vivo kompaniyasi tomonidan BAA bozorida yangi Vivo V70 Lite smartfoni sotuvga chiqarildi. Bu haqda Gizmochina nashri xabar bermoqda.

Vivo V70 Lite kompaniyaning V70 turkumidagi to‘rtinchi model bo‘ldi. Smartfon ushbu oilaning nisbatan arzon vakili sifatida joylashtirilmoqda.

Qurilma 6,77 dyuymli FHD+ AMOLED ekran bilan jihozlangan. Displey 120 Hz yangilanish chastotasini qo‘llab-quvvatlaydi. Uning maksimal yorqinligi 3000 nitgacha yetadi.

Old paneldagi kichik teshikda 32 MP selfi kamera joylashgan. Xavfsizlik uchun esa ekran ostidagi optik barmoq izi skaneri qo‘llangan. Smartfon orqa tomonida ikkita kameraga ega. Asosiy kamera 50 MP Sony IMX882 sensoriga asoslangan. Unga 8 MP ultra keng burchakli kamera hamrohlik qiladi.

Vivo V...

Kongo Demokratik Respublikasida Ebola bilan bog‘liq rasmiy raqamlar kamaygan bo‘lsa-da, holat epidemiyaning xavfi pasaydi degani emas. Bu haqda JSST ma’lum qildi.

Avvalroq mamlakat rasmiylari 1000 dan ortiq gumonli holatlar va qariyb 250 ta ehtimoliy o‘lim haqida ma’lum qilgan edi. So‘nggi ma’lumotlarga ko‘ra, Kongoda 380 ga yaqin tasdiqlangan holat qayd etilgan. Ularning 60 tasi o‘lim bilan yakunlangan.

Qo‘shni Ugandada esa 15 ta tasdiqlangan holat va bitta o‘lim qayd etilgan. Raqamlardagi farq avval gumonli, hozir esa laboratoriya orqali tasdiqlangan holatlar hisoblanayotgani bilan bog‘liq. Shuning uchun kasallik birdan xavfsizroq bo‘lib qoldi, degan xulosa noto‘g‘ri bo‘ladi.

Laboratoriyalar isitmasi bor ko‘plab bemorlarni tekshirgan. Ularning...

O‘zbekistonning bir nechta hududida elektr energiyasidan noqonuniy foydalanish holatlari aniqlandi. Aniqlangan zarar miqdori jami 4,2 mlrd so‘mdan oshdi.

Bosh prokuratura huzuridagi Departamentning Sirdaryo tumani bo‘limi tomonidan tergovga qadar tekshiruv o‘tkazildi. Unda fermer xo‘jaligi mas’ullari «Kamolot» MFY hududidagi yer maydonida suv nasoslaridan foydalanishda elektr hisoblagichga tashqi ta’sir ko‘rsatgani aniqlandi. Oqibatda ular 1,7 mlrd so‘mlik elektr energiyasidan noqonuniy foydalangan.

Toshkent viloyatida ham shunday holat fosh etildi. Departamentning viloyat boshqarmasi va boshqa huquqni muhofaza qiluvchi organlar xodimlari o‘tkazgan tekshiruvda korxona mas’ullari O‘rta Chirchiq tumanidagi «O‘rtaovul» MFY hududida suv nasosini elektr tarmog‘iga o‘zboshimchalik bilan ulagani ma’lum bo‘ldi. Natijada 1,1 mlrd so‘mlik elektr energiyasidan...

Samsung kompaniyasining yangi Samsung Galaxy A27 smartfoni bo‘yicha navbatdagi ma’lumotlar tarqaldi. Yangi sizdirilgan renderlarda qurilma to‘rtta rangda ko‘rsatilgan. Bu haqda Sammobile nashri xabar bermoqda.

Nashr xabariga ko‘ra, Galaxy A27 qora, ko‘k, och pushti va yalpiz ranglarda taqdim etilishi mumkin. Avvalroq qurilmaning ilk renderlari aprelda tarqalgan edi. O‘sha suratlarda smartfon binafsha rangga yaqin ko‘rinishda aks etgan.

Yangi renderlarda Galaxy A27 qora, ko‘k va och pushti ranglarda ko‘rsatilgan. Yana bir chakana savdo ro‘yxatida esa smartfonning yalpiz rangdagi varianti paydo bo‘lgan.

Mazkur suratlar Galaxy A27 haqida yangi texnik tafsilotlarni ochib bermaydi. Biroq ular xaridorlarga qurilma sotuvga chiqishidan oldin rang tanlash bo‘yicha tasavvur...

Zarur amaliyotlar, ya’ni GxP talablariga muvofiqlikni aniqlash xizmatlari uchun to‘lov miqdorlarini belgilash tartibi davlat ro‘yxatidan o‘tkazildi. Adliya vazirligiga ko‘ra, farmatsevtik inspeksiya to‘lovlari 103 mln so‘mgacha kamaytirildi.

Yangi tartib farmatsevtika sohasidagi inspeksiya xizmatlari uchun undiriladigan to‘lovlarni hisoblash mezonlarini belgilaydi. Unga ko‘ra, to‘lovlar farmatsevtik inspeksiya o‘tkazish uchun sarflanadigan mehnat vaqti normasi hamda dori vositalari koeffitsiyenti asosida hisoblanadi.

Xususan, ayrim to‘lovlar mahalliy korxonalar uchun 38 mln so‘mgacha arzonlashdi. Xorijiy korxonalar uchun esa pasayish 103 mln so‘mgacha yetdi. Zarur farmatsevtika, ya’ni dorixona amaliyoti bo‘yicha to‘lovlar 15 foizga kamaytirildi. Zarur klinika amaliyoti bo‘yicha pasayish 27 foizni tashkil etdi.

Zarur laboratoriya amaliyoti bo‘yicha to‘lovlar...

AQSh prezidenti Donald Tramp Vashington Erondagi operatsiyani tez orada yakunlash niyatida ekanini bildirdi. Bu haqda TASS xabar berdi.

Tramp bu haqda Viskonsin shtatining Chippva-Fols shahrida qishloq xo‘jaligiga bag‘ishlangan davra suhbatida aytdi. Uning so‘zlariga ko‘ra, AQSh Erondan «juda tez chiqib ketishi» kerak bo‘lgan bosqichga kelgan.

«Biz Erondan juda tez chiqib ketishimiz kerak bo‘lgan nuqtaga keldik. Bu juda qat’iy qadam bo‘ladi. Bu yo qog‘oz orqali, yo qat’iy usullar bilan amalga oshadi», – dedi Donald Tramp.

AQSh prezidenti jarayon deyarli yakuniga yetganini ham ta’kidladi. Uning aytishicha, operatsiya ikki tomonlama kelishuv orqali yoki keskin choralar bilan tugashi mumkin.

Chevrolet kompaniyasi AQSh bozorida 2026-yilgi Chevrolet Tracker avtomobili uchun iyun oyidagi moliyaviy takliflarni e’lon qildi. Bu oyda xaridorlarga past foizli kredit va lizing dasturlari taklif etilmoqda.

Iyun oyida model uchun naqd xarid bo‘yicha chegirmalar mavjud emas. Biroq modelni GM Financial orqali kreditga olish mumkin. Taklif shartlariga ko‘ra, 2026-yilgi Trax uchun 48 oygacha 2,9 foizli APR moliyalashtirish mavjud.

Shuningdek, 60 oylik kredit uchun 3,9 foizli APR, 72 oylik kredit uchun esa 4,9 foizli APR stavkasi belgilangan. Ushbu takliflardan foydalanish uchun avtomobil GM Financial orqali moliyalashtirilishi kerak.

Chevrolet 2026-yilgi Tracker LT uchun lizing dasturini ham taklif qilmoqda. Birinchi dasturga ko‘ra, avtomobil...

Dam olish kunlari bank binosiga bormasdan ham valyuta ayirboshlash mumkin. Buning uchun tijorat banklarining mobil ilovalari va avtomatlashtirilgan valyuta ayirboshlash bankomatlaridan foydalaniladi.

Shuningdek, tijorat banklarining mobil ilovalari orqali ham valyuta sotib olish yoki sotish imkoniyati mavjud. Bu xizmat bank binosiga tashrif buyurmasdan bajariladi.

Ro‘yxat:

Farg‘ona viloyatida kuchli ta’sir qiluvchi dori vositalarining noqonuniy aylanmasiga chek qo‘yildi. Ikki holatda jami 6100 dona «Regapen» dori vositasi ashyoviy dalil sifatida olindi, deya xabar bermoqda DXX.

O‘tkazilgan tadbir davomida Farg‘ona shahrida yashovchi 1974-yilda tug‘ilgan fuqaroning xonadoni tekshirildi. U kelgusida sotish maqsadida 3580 dona «Regapen» dori vositasini saqlab kelgani aniqlandi. Yana bir holat «Qo‘qon – Toshkent» yo‘nalishida aniqlandi. Qo‘qon shahrida yashovchi 1990-yilda tug‘ilgan shaxs boshqaruvidagi «Lacetti» avtomobili to‘xtatilib, ko‘zdan kechirildi.

Tekshiruv vaqtida avtomobil saloniga 2520 dona «Regapen» dori vositasi yashirib qo‘yilgani ma’lum bo‘ldi.

Har ikki holatda dori vositalari belgilangan tartibda ashyoviy dalil sifatida rasmiylashtirildi. Qonunbuzarlarga nisbatan jinoyat ishlari qo‘zg‘atildi...

6-iyun sanasi koinotni zabt etishdagi fojialar, tarixiy yong‘inlar, mashhur avtokompaniyalarning tashkil etilishi hamda jahon adabiyoti namoyandalarining tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1799-yili Rossiyaning Moskva shahrida buyuk shoir va zamonaviy rus adabiyotining asoschisi Aleksandr Pushkin dunyoga keldi. Uning «Yevgeniy Onegin», «Boris Godunov» kabi nodir asarlari jahon adabiyoti xazinasidan munosib joy olgan bo‘lib, O‘zbekiston xalqiga va adabiyot muxlislariga ham juda yaxshi tanish.

Do‘stlarimga

Parvardigor baxsh etmish sizga
Oltin kunduz, oltin kechalar,
Xumor qizlar ko‘z tutmish sizga
Sinchkov nigoh dilga o‘t qalar.

O‘ynang, kuylang, mening do‘stlarim!
Sho‘x oqshomlar o‘tkinchi, bir zum.
Tashvish bilmas baxtingizga jim
Ko‘zyosh bilan qilgum tabassum.

Shavkat Mirziyoyev Peterburg xalqaro iqtisodiy forumidagi nutqida Yangi O‘zbekiston islohotlari natijasida mamlakat iqtisodiyoti 2030-yilgacha $240 mlrddan oshirilishi haqida so‘z yuritdi.

«Bundan o‘n yil oldin ochiqlik, inklyuzivlik va pragmatizmga tayangan holda, Yangi O‘zbekistonni barpo etishni boshlagan edik. O‘tgan davrda uzoq muddatli o‘sish uchun mustahkam asos — qulay ishbilarmonlik muhiti, barqaror sanoat bazasi va yangi infratuzilma yaratildi», – dedi davlat rahbari.

Prezident ma’lum qilishicha, O‘zbekiston iqtisodiyoti hajmi 2016-yildagi $50 mlrddan 2025-yil yakunlariga ko‘ra $147 mlrddan yetdi. Joriy yilda esa iqtisodiy o‘sish 8 foizdan yuqori bo‘lishi prognoz qilinmoqda. Islohotlar boshlanganidan buyon mamlakatga $150 mlrddan ortiq xorijiy...

Shavkat Mirziyoyev Peterburg xalqaro iqtisodiy forumida O‘zbekiston va Rossiya hamkorligini yangi bosqichga olib chiqish maqsadida ishlab chiqarish va texnologik klasterlarni yagona raqamli platforma orqali birlashtiruvchi «Yevroosiyo texnologik sanoatlashtirish kamari» tashabbusini ilgari surdi.

Davlat rahbari energetika sohasidagi hamkorlik alohida ahamiyat kasb etayotganini ta’kidladi. Uning qayd etishicha, investitsiya loyihalari, jumladan, Rossiya ishtirokidagi tashabbuslar hisobiga O‘zbekistonda elektr energiyasi ishlab chiqarish hajmi 58 mlrd kilovatt-soatdan 87 mlrd kilovatt-soatga yetgan. 2030-yilgacha ushbu ko‘rsatkichni 120 mlrd kilovatt-soatga yetkazish rejalashtirilgan bo‘lib, energiya ishlab chiqarishning 54 foizini qayta tiklanuvchi manbalar tashkil etadi.

Shuningdek, Rossiya ishtirokida O‘zbekistonda birinchi gibrid atom elektr stansiyasi qurilishi energetika quvvatlarini yanada oshirishga xizmat...

Shavkat Mirziyoyev Peterburg xalqaro iqtisodiy forumining yalpi yig‘ilishida nutq so‘zlab, global iqtisodiyotdagi o‘zgarishlar, Markaziy Osiyoning strategik ahamiyati hamda O‘zbekiston va Rossiya o‘rtasidagi hamkorlik istiqbollari haqida fikr bildirdi.

Davlat rahbari, avvalo, Rossiya prezidenti Vladimir Putinga forumga taklif va samimiy mehmondo‘stlik uchun minnatdorlik izhor etdi. Shuningdek, Tanzaniya prezidenti Samiya Suluhu Hasan va Xitoy Xalq Respublikasi raisi o‘rinbosari Xan Chjenni qutladi. Prezident Peterburg xalqaro iqtisodiy forumi o‘ttiz yil davomida jahon miqyosidagi dolzarb masalalar yuzasidan fikr almashish uchun muhim va nufuzli muloqot maydoniga aylanganini ta’kidladi.

Mirziyoyev o‘z nutqida bugungi kunda dunyo chuqur qayta qurish jarayonlarini boshdan kechirayotganini qayd etdi. Uning so‘zlariga ko‘ra...

«Sevgi uchun stavka» shousining ikkinchi mavsumi yangi sonida villada yangi juftlik — Maryam Tillyaeva va Arno Kosyan paydo bo‘ldi. Ularning kelishi darhol kuchlar muvozanatini o‘zgartirdi: Anna Xilkevich Maryamni Yevgeniy Ershovga qarshi koalitsiyada ittifoqchi sifatida ko‘ra boshladi, yangi ishtirokchilar esa tezda boshqalar bilan muzokaralarga kirishdi.

Villaga Maryam Tillyaeva va Arno Kosyan keldi

Villadagi tong kutilmagan syurpriz bilan boshlandi. Ishtirokchilar oshxonaga chiqqanda, to‘kin-sochin dasturxon turgan edi. Juftliklar biror mashhur oshpaz keldi, balki Konstantin Ivlev ham bo‘lishi mumkin, deb o‘ylashdi.

Biroq oshpaz o‘rniga loyihaga yangi ishtirokchilar — Maryam Tillayeva va Arno Kosyan kelgan edi. Yevgeniy Ershov Maryamni darhol tanib, uni yaxshi, lekin...

Dori vositalarini davlat ro‘yxatidan o‘tkazish jarayonida taqdim qilinadigan hujjatlarga nisbatan yangi tartib va texnik talablar joriy etildi. Bu haqda Adliya vazirligi ma’lum qildi.

«Dori vositalarini davlat ro‘yxatidan o‘tkazish hujjatlariga qo‘yiladigan talablar to‘g‘risida»gi yo‘riqnoma davlat ro‘yxatidan o‘tkazildi. Ushbu hujjatga ko‘ra, Vazirlar Mahkamasining 2025-yil 24-noyabrdagi 738-son qarori bilan tasdiqlangan nizomda belgilangan ro‘yxatdan o‘tkazish hujjatlari inson uchun qo‘llaniladigan dori vositalariga qo‘yiladigan texnik talablarni uyg‘unlashtirish bo‘yicha xalqaro kengash (ICH) talablari asosida taqdim etilishi lozim.

Shuningdek, dori vositasi ishlab chiqarishda hayvon xomashyosidan olingan moddalar qo‘llanilgan bo‘lsa, ularning tarkibida prionlar mavjudligi yoki mavjud emasligi hujjatlarda aniq ko‘rsatilishi shart etib belgilandi. Bu talab dori xavfsizligi...

Uy-joyga muhtoj madaniyat, san’at va ijodiy soha vakillarining ipoteka krediti uchun to‘lanadigan boshlang‘ich badalining 50 foizi davlat budjeti hisobidan qoplanadi. Bu haqda Adliya vazirligi ma’lum qildi.

Prezident farmoniga ko‘ra, 2026-yil 1-iyuldan boshlab har yili uy-joyga muhtoj bo‘lgan 1000 nafar madaniyat, san’at va ijodiy soha vakiliga birlamchi bozordan kvartira xarid qilish uchun imtiyozli ipoteka kreditlari ajratiladi.

Hujjatga muvofiq, ipoteka krediti olishda boshlang‘ich badal kredit oluvchi tomonidan farmonda belgilangan miqdorlarda shakllantiriladi. Bunda boshlang‘ich badalning 50 foizi Davlat budjeti hisobidan qoplab beriladi. Shuningdek, kreditning dastlabki 5 yili davomida to‘lanadigan foizlarning 10 foizdan ortiq qismi ham budjet mablag‘lari hisobidan qoplanadi.

Boshlang‘ich badalning...

Rollme kompaniyasi iPhone 17 Pro Max uchun VisionCase nomli noodatiy aksessuarni taqdim etdi. Ushbu qurilma oddiy himoya g‘ilofi funksiyasini bajarish bilan birga, o‘rnatilgan kichik ekran orqali qo‘shimcha imkoniyatlarni ham taqdim qiladi.

VisionCase 1,85 dyuymli, 360 × 360 piksel aniqlikdagi displey bilan jihozlangan bo‘lib, unda kiruvchi qo‘ng‘iroqlar, xabarlar va bildirishnomalar haqidagi ma’lumotlarni ko‘rish mumkin. Shuningdek, ekran orqali turli bildirishnoma va tizim axborotlarini ham aks ettirish imkoniyati mavjud.

Aksessuar qo‘shimcha funksiyalarni ham qo‘llab-quvvatlaydi. Jumladan, foydalanuvchilar bir tugma orqali ovoz yozishni yoqishi, turli effektlarga ega yuguruvchi matnlarni sozlashi hamda asosiy kamera orqali tasvirni oldindan ko‘rish funksiyasidan foydalanishi mumkin.

Bundan tashqari, VisionCase...

Toshkentning Yunusobod tumanidagi chiqindilarni qayta yuklash stansiyasi faoliyatidan aholi norozilik bildirgani ortidan senator Chiqindilarni boshqarish agentligiga so‘rov yubordi.

Unga ko‘ra, so‘nggi yillarda chiqindilarni yig‘ish, tashish va qayta ishlash tizimini rivojlantirish bo‘yicha qator ishlar amalga oshirilayotganiga qaramay, ayrim hududlarda muammolar saqlanib qolmoqda.

Xususan, Yunusobod tumanidagi Tiklanish mahallasi aholisi chiqindilarni vaqtincha saqlash va qayta yuklash stansiyasi faoliyatidan norozi. Ularning aytishicha, chiqindilarni tashish, tushirish va saqlash jarayonida badbo‘y hid atrofga tarqalmoqda.

Shu munosabat bilan Senatning Agrar, suv xo‘jaligi masalalari va ekologiya qo‘mitasi raisi Abdug‘ani Tuychiyev Chiqindilarni boshqarish va sirkulyar iqtisodiyotni rivojlantirish agentligi direktori Shohruh Hasanovga senator so‘rovi yubordi.

So‘rovda stansiyani joylashtirishda sanitariya...

O‘zbekistonda kamida 10 yil ijodiy sohada faoliyat yuritgan 100 nafargacha madaniyat, san’at va adabiyot sohasidagi ijodkorlar kasaba uyushmalari federatsiyasi sanatoriylarida bepul davolanadi. Bu haqda Adliya vazirligi ma’lum qildi.

Yangi tartibga ko‘ra, ijodiy birlashmalarning tavsiyasi asosida Davlat budjeti hisobidan yiliga 1000 nafargacha madaniyat, san’at va adabiyot sohasi vakillarining davolanish xarajatlari qoplanadi. Ushbu toifa orasida avvaldan davlat hisobidan davolanish imtiyoziga ega bo‘lmagan, biroq o‘z faoliyatida yuqori natijalarga erishgan ijodkorlar ham qamrab olinadi.

Shuningdek, ularga yuqori texnologik tibbiy operatsiyalarni o‘tkazish bilan bog‘liq xarajatlar ham Davlat budjeti hisobidan moliyalashtiriladi.

Bundan tashqari, yiliga 2 ming nafargacha madaniyat, san’at va adabiyot sohasi vakillari uchun...

O‘zbekistonda tabiiy olmos xomashyosini xorijdan import qilish hamda unga mamlakat ichida ishlov berib, brilliantga aylantirish bo‘yicha dastlabki ishlab chiqarish jarayonlari boshlangan. Bu haqda Davlat asillik darajasi nazorati inspeksiyasi boshlig‘i Raximjon Boboyev Iqtisodiyot va moliya vazirligida bo‘lib o‘tgan matbuot anjumanida ma’lum qildi.

Inspeksiya rahbari Kursiv Uzbekistan muxbiri bergan savolga javob berar ekan, mamlakatning Kimberli jarayoniga a’zoligi ortidan yaratilgan imkoniyatlar va bozordagi real ko‘rsatkichlarga to‘xtaldi.

Olmos importi

O‘zbekiston 2024-yil noyabr oyida xalqaro Kimberli jarayonining 60-a’zosi sifatida ro‘yxatdan o‘tgan edi. Bu munosabat bilan mamlakatda olmos xomashyosini qonuniy import qilish va respublika ichida qayta ishlash uchun barcha normativ to‘siqlar olib tashlandi...

Niderlandiyaning «Ayaks» va O‘zbekistonning «Navbahor» klublari xalqaro miqyosdagi futbol hamkorligini yo‘lga qo‘ydi. Bu haqda «Ayaks» klubining rasmiy sayti ma’lum qildi.

Mazkur hamkorlik doirasida «Ayaks» Namangan klubi yoshlar akademiyasini rivojlantirish o‘zining futbol falsafasi va metodologiyasini joriy etadi. Kelishuv «Navbahor»ning O‘zbekistondagi yetakchi yoshlar akademiyasiga aylanish maqsadini qo‘llab-quvvatlaydi.

«Navbahor» vitse-prezidenti Akram Dedaboyevning ta’kidlashicha, Markaziy Osiyo klubi uchun bu tarixiy kelishuv hisoblanadi.

«O‘zbekiston prezidenti va Namangan viloyati hokimining sportga qaratayotgan e’tibori hamda «Ayaks»ning isbotlangan futbol falsafasi yordamida hududimizda iqtidorlarni kashf etishda ulkan qadam tashlaymiz», – dedi u.

«Ayaks» xalqaro tarmog‘iga a’zo bo‘lgan «Navbahor» klubi endilikda Meksika, Avstriya, Italiya...

Andijon devzira oshi geografik ko‘rsatkich sifatida davlat ro‘yxatidan o‘tkazildi. Bu haqda Adliya vazirligi ma’lum qildi.

Andijon devzira oshi asrlar davomida shakllangan oshpazlik an’analari, o‘ziga xos tayyorlanish usuli va noyob ta’mi bilan ajralib turadigan milliy taomlardan biri hisoblanadi. Ushbu osh turi, asosan, Farg‘ona vodiysida yetishtiriladigan mashhur devzira guruchi asosida tayyorlanadi.

Devzira guruchi qizg‘ish tusli, zich va sifatli donalari bilan tanilgan bo‘lib, oshga o‘ziga xos ta’m, xushbo‘ylik hamda dona-dona ko‘rinish bag‘ishlaydi. Shu jihatlari tufayli u nafaqat Andijon, balki mamlakatning boshqa hududlarida ham yuqori baholanadi.

Geografik ko‘rsatkich maqomining berilishi Andijon devzira oshi nomi va uning an’anaviy tayyorlash texnologiyasini huquqiy jihatdan himoyalashga...