Yangiliklar

«UzAuto Motors» kompaniyasining Cobalt avtomobillari uchun shartnomalari qolmadi. Jami 14 250 dona sotildi.

Ertalab soat 10 da tashkilot mashinalarni kontraktatsiyaga qayta qoʻydi. 14 209 ta tuzilgan shartnomalar One ID tizimida ro‘yxatdan o‘tgan va bittadan ko‘p bo‘lmagan avtomobil uchun shartnoma tuzgan jismoniy shaxslarga to‘g‘ri keladi. 41 shartnoma yuridik shaxslar ulushiga to‘g‘ri keldi.

«Onlayn kontraktatsiya jarayonida UzAutoSavdo tizimida 5 000 dan ortiq kiberhujum amalga oshirildi. UzAuto Motors mutaxassislari tomonidan ularning oldini olindi. Avtomobil xaridi uchun kontraktatsiya jarayoni mobaynida UzAvtoSavdo platformasi faoliyatida uzulishlar kuzatilmadi», deyiladi tashkilot bayonotida.

Sotuvda ikkita modifikatsiya bor edi: Gx – Optima At...

Navoiy kon-metallurgiya kombinatining (NKMK) 2023-yilda sof foydasi yillik oʻsishda 46,6 foizni tashkil etib, $1,47 mlrddan oshdi. Bu haqda korxona moliyaviy hisobotida ma’lum qildi.

Yil davomida zavod daromadi 12 foizga oshib, $5,7 milliardni tashkil etdi. Kompaniya aktivlari esa 5,3 foizga kamayib, $8,6 milliardni tashkil etdi.

S&P ma’lumotlariga koʻra, kompaniya oʻtgan yili 2,9 million unsiya oltin ishlab chiqargan. 2030-yilga borib bu koʻrsatkich 3,5 million unsiyaga yetishi mumkin. NKMKning qimmatbaho metallar zaxirasi esa 148 million unsiyaga baholanmoqda.

Ma’lumot uchun, zavod oltin ishlab chiqarish boʻyicha dunyoda toʻrtinchi oʻrinda turadi.

Avvalroq «Kursiv» 2022-yilda Oʻzbekistondagi Muruntov koni eng yirik oltin konlari oʻntaligiga kirgani...

Telegram messenjeri asoschisi Pavel Durov yaqin kunlarda Hamster Kombatning Ton platformasida token chiqarishini ma֥’lum qildi. Bu haqda u o‘z Telegram sahifasida e’lon qildi.

Unga ko‘ra, Hamster Kombat boti 3 oy ichida 239 million odamni qamrab olgan. 73 kun ichida oyiga 100 million foydalanuvchiga erisha olgan. Kuniga 4-5 million yangi foydalanuvchi Hamster Kombatga qo‘shilib bormoqda. Yana u dunyodagi eng tez o‘sib borayotgan raqamli xizmatga aylangani ta’kidlangan xabarda.

«Tez orada Hamster jamoasi o‘z tokenini Ton platformasida zarb qiladi va yuz millionlab odamlarni blokcheynning afzalliklari bilan tanishtiradi. Yangi davr kelmoqda va biz buning real guvohiga aylanyapmiz», deydi Durov.

Samarqand viloyatining Payariq tumanida ikki fuqaroni AQShga yuborishni va’da qilgan firibgar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Departamentning Payariq tuman boʻlimi tomonidan fuqarolarning huquq va manfaatlarini himoya qilish yuzasidan oʻtkazilgan tergovga qadar tekshiruvda fuqaro ikki fuqaroning ishonchiga kirib, ularni AQShga ishga yuborishini va’da qilgani aniqlangan.

Ma’lum qilinishicha, u ularning har biridan $12 mingdan jami $24 mingni firibgarlik yoʻli bilan qoʻlga kiritgani aniqlangan.

Hozirgi kunda mazkur holat yuzasidan Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari oʻtkazilmoqda.

Avvalroq «Kursiv» Jizzaxda fuqaroni AQSh oʻrniga Afrikaga joʻnatgan shaxs qoʻlga olingani haqida xabar...

Markaziy bank tomonidan aholi va tadbirkorlar orasida inflyatsiya yuzasidan soʻrovnoma oʻtkazildi. Bu haqda MB Telegram kanalida xabar berildi.

Soʻrovnomaga koʻra, iyun oyida aholining inflyatsiyani sezish darajasi oʻtgan oyga qaraganda biroz sekinlashgan va 13,4 foizni koʻrsatgan. Kutilmalar esa 12,8 foiz ni tashkil etgan. Bu degani, fuqarolar kelgusi 12 oy davomida mamlakatda mahsulot va xizmatlar narxining aynan shunday o‘rtacha oshishini kutishmoqda.

Shuningdek, tadbirkorlik sub’ektlarining inflyatsiya kutilmalari 11,9 foizlik koʻrsatkichni qayd etgan. Farqli ravishda, oʻtgan oyda 12,7 foizni tashkil qilgan edi. Bundan ko‘rinib turibdiki, tadbirkorlar narxlar o‘sishining sekinlashishini kutmoqda.

Ma’lumot oʻrnida soʻrovnomada tadbirkorlik sub’ektlaridan 1172 ta, aholidan esa 2096 ta respondent ishtirok...

«Toshkent» aeroporti kassalarida endi avvalgidek bitta emas, 15 ta aviakompaniyadan chipta sotib olish mumkin, deb xabar qildi «O‘zAeroport» matbuot xizmati.

Oldin kassalarda faqat «Uzbekistan Airways» aviachiptalari sotilgan. Endi esa Silk Avia, Centrum Air, Qanot Sharq, Air Samarkand, Turkish Airlines, Asiana Airlines, Lot Airlines, Belavia, Air Astana, Aeroflot, Ural Airlines, S7, Red Wings va Utair reyslarida joy xarid qilishingiz mumkin.

Bundan tashqari, yoʻlovchilarga Uzbekistan Airways, Silk Avia va Centrum Airdan qoʻshimcha xizmatlar taklif etiladi. Shunday qilib, kassada chiptalarni qayta bron qilish va qayta rasmiylashtirish, xizmat ko‘rsatish toifasini o‘zgartirishingiz, ortiqcha yuk uchun haq to‘lash, o‘simliklar va hayvonlarni tashish mumkin.

Savdo ofisida...

Oʻzbekiston prezidenti Shavkat Mirziyoyev Ozarbayjon prezidenti Ilhom Aliyevning taklifiga binoan 5–6-iyul kunlari amaliy tashrif bilan ushbu mamlakatda boʻladi. Bu haqda davlat rahbari matbuot xizmati xabar berdi.

Ma’lum qilinishicha, Shavkat Mirziyoyev Shusha shahrida boʻlib oʻtadigan Turkiy davlatlar tashkilotining «Transport oʻzaro bogʻliqligi va iqlim oʻzgarishiga qarshi kurashish orqali barqaror kelajakni barpo etish» mavzuidagi norasmiy sammitida ishtirok etadi.

Sammit davomida savdo-iqtisodiyot, transport-kommunikatsiya va investitsiya-moliya sohalarida, shuningdek, «yashil» iqtisodiyot, qayta tiklanadigan energetika masalalari muhokama qilinadi.

Shuningdek, delegatsiyalar rahbarlari xalqaro va mintaqaviy ahamiyatga molik dolzarb masalalarni ham koʻrib chiqadi.

Avvalroq «Kursiv» Shavkat Mirziyoyev «ShHT — Afgʻoniston» muloqot guruhi faoliyatini qayta tiklashni taklif qilgani haqida...

Toshkent shahrining Yunusobod tumanida yuzaga kelgan suv toshqini va uning oqibatlari to‘liq bartaraf etildi, deb xabar berdi «O‘zsuvta’minot».

Avariya sodir bo‘lgan avtoyo‘l qismi to‘liq asfaltlandi.

Eslatib o‘tamiz, 3-iyul kuni Toshkentning Moyqo‘rg‘on va Qoraqamish ko‘chalari chorrahasida suv tarmog‘ida yirik avariya sodir bo‘lgan va atrofni suv bosgan edi.

Avvalroq «Kursiv» nashri Toshkentning Yunusobod tumanidagi favqulodda holat avtobuslar jadvaliga ta’sir qilgani haqida yozgan edi.

2024-yilning yanvar-may oylarida O‘zbekistondan xorijga 2,2 million sayyoh tashrif buyurdi. Ulardan 995 mingdan ortigʻi Qirgʻizistonda bo‘lishgan, deb xabar qildi OʻzR Statistika agentligi.

Eng mashhur sayyohlik yo‘nalishlari uchligiga Tojikiston va Qozog‘iston ham kirdi.

2023-yilning shu davriga nisbatan xorijiy mamlakatlarga O‘zbekistondan 35,5 foizga ko‘p sayyoh tashrif buyurdi.

Avvalroq «Kursiv» 2024-yilning yanvar-may oylarida O‘zbekistonga 2,8 million sayyoh tashrif buyurgani haqida yozgan edi.

Temir miqdori 62 foiz bo‘lgan xomashyo narxi juma kuni ertalab oylik maksimal darajaga yetdi. «Trading economics» portalining xabar berishicha, mahsulot bir tonna uchun taxminan $113 baholanmoqda.

Oxirgi 24 soat ichida temir javhari xom ashyosi narxi shu tarzda 2,5 foizga oshdi.

Ushbu mahsulot narxining oshishi, tahlilchilarning fikriga ko‘ra, treyderlarning xitoylik xom ashyo iste’molchilari tomonidan bozorni stimullash bo‘yicha qo‘shimcha chora-tadbirlarni kutishlari bilan bog‘liq.

Qimmatli qog‘ozlar bozoridagi vaziyat esa Tesla (+9,41 foiz) va Nvidia (+5,08 foiz) aksiyalarining o‘sishi kuzatilmoqda. Amazon qimmatli qog‘ozlari pasaymoqda (-1,39 foiz).

Avvalroq «Kursiv» 4-iyul kuni bozorlardagi vaziyat haqida e’lon qilgan edi.

5-iyul kuni ertalab soat 10 dan «UzAuto Motors» kompaniyasi Cobalt avtomobillarini kontraktatsiyaga qayta qoʻydi. Yarim soat ichida bir necha ming shartnoma tuzildi.

Sotuvda avtomobilning ikkita modifikatsiyasi mavjud. Gx – Optima At – Plus narxi – 146,5 million so‘m. Gx – Style At – Plus narxi -147,9 mln.

Eslatib o‘tamiz, kecha 4-iyul kuni mijozlar shartnomalari uchun to‘lanmagan avtomobillar bugun sotuvga qo‘yilishi haqida ma’lum qilingandi.

Oxirgi marta Cobalt avtomobillari iyun oyida sotuvga chiqarilgan edi. Kun davomida avtomobil ishlab chiqaruvchisi veb-saytiga xakerlik hujumlariga qaramay 25 mingta shartnoma tuzildi.

Afgʻoniston Markaziy Osiyoning ajralmas qismi, uning hukumati bilan muloqotni davom ettirish butun mintaqa manfaatlariga xizmat qiladi. Bu haqda Oʻzbekiston prezidenti Shavkat Mirziyoyev Shanxay hamkorlik tashkilotining (ShHT) Ostonadagi sammitida maʼlum qildi.

«Ishonchim komilki, Qobul bilan muloqotlarni saqlash butun mintaqaning xavfsizlik va iqtisodiy taraqqiyot borasidagi manfaatlariga mos keladi. Tobora koʻproq davlatlar buni tushunib yetmoqda. Shu munosabat bilan, “SHHT – Afgʻoniston» muloqot guruhining faoliyatini qayta tiklash haqidagi taklif hamon dolzarb boʻlib qolmoqda”, — dedi Shavkat Mirziyoyev.

Shuningdek, davlat rahbari afgʻon rasmiylari bilan munosabatlarda yondashuvlar turli ekani, lekin tobora koʻproq davlatlar Qobul bilan muloqotni davom ettirish zarurligini tan...

Texnologiya giganti «Google» kompaniyasining issiqxona gaz chiqindilari 14,3 million tonna uglerod ekvivalentiga yetdi. Bu haqda kompaniya oʻzining atrof-muhitga ta’siri boʻyicha yillik hisobotida ma’lum qildi.

Ma’lum qilinishicha, bu besh yil avvalgiga nisbatan 48 foizga koʻpdir.

Chiqindilarning koʻpayishiga sun’iy intellekt (SI) texnologiyalarini rivojlantirish uchun zarur boʻlgan ma’lumotlar markazlari tomonidan energiya iste’molining oshishi sabab boʻldi.

Shuningdek, Google ushbu dinamika 2030-yilga kelib chiqindilar nolga tenglashtirish maqsadini «juda ambitsion» qilib qoʻyganini qoʻshimcha qildi.

Avvalroq «Kursiv» Oʻzbekiston havosining ifloslanishi haqida xabar bergan edi.

Bugun, 5-iyul kuni respublikada quruq va issiq havo bo‘ladi. O‘zbekistonning janubiy viloyatlarida kuchli shamol tufayli chang-to‘zonlar kuzatiladi. Qashqadaryo va Surxondaryo viloyatlarida havo harorati +42 darajagacha isiydi. Havo harorati 33-38 daraja issiq bo‘ladi, deb xabar beradi «Gidrometeorologiya» xizmati agentligi.

Toshkent shahrida havo biroz bulutli bo‘ladi. Yog‘ingarchilik kutilmaydi. Kunduzi havo harorati 33-36 daraja issiq va kechasi 20-22 daraja issiq bo‘ladi.

Tog‘li hududlarda esa havo bulutli bo‘ladi, ayrim hududlarda qisqa muddatli yomg‘ir yog‘ishi mumkin. Kunduzi havo harorati 22-27 daraja issiq va kechasi 12-17 daraja iliq bo‘ladi.

O‘zbekistonda 2024-yil ikkinchi chorak yakunlari bo‘yicha O‘zR banklarining yangi reytingi e’lon qilindi. Yirik banklar roʻyxatida avvalgidek birinchi oʻrinda «Kapitalbank» turibdi, deb xabar qildi Iqtisodiy tadqiqotlar va islohotlar markazi (ITIM).

Ikkinchi va uchinchi o’rinlarda, birinchi chorakda bo‘lgani kabi, «Trastbank» va «Asia Alliance Bank».

 Kichik banklar ro‘yxatida birinchi va ikki o‘rinni mos ravishda «Universalbank» va «Davr bank» egalladi. Ammo uchinchi o‘rinni endi birinchi chorakdagidan bir pog‘ona yuqoriga ko‘tarilgan «Anorbank» egallab turibdi. Ammo TBC ikki pog‘ona pastga tushib, beshinchi o‘rinni egallab turibdi.

Avvalroq «Kursiv» O‘zbekiston banklarining o‘z reytingini e’lon qilgan edi.

Oʻzbekistondagi bizneslar iqtisodiyot tarmoqlari boʻyicha chiqindilarni kamaytirish strategiyasini ishlab chiqishdan manfaatdor. Bu haqda AmCham Uzbekistan ijrochi direktori Tatyana Bystrushkina «Kursiv» nashri tomonidan tashkil etilgan ESG forumida soʻzlagan nutqida ma’lum qildi.

Shuningdek, tadbirkorlar ham respublika bank sektori uchun ESG qoidalarini yaratishga qiziqish bildirmoqda. Uning ta’kidlashicha, bu takliflar uzoq muddatli istiqbolga qaratilgan.

Qisqa muddatli boʻlganlar orasida Tatyana Bystrushkina «yashil» sertifikatlar berish va ularning xalqaro tizimga integratsiyalashuvini ta’kidladi. Shu bilan birga, Mahalliy biznes ham AQSh va Yevropa Ittifoqi bilan birgalikda kreditlash mexanizmi boʻyicha kelishuv tarafdori.

Uning qoʻshimcha qilishicha, respublikada chiqindilarni utilizatsiya qilish boʻyicha ma’lumotlar bazasi va mehnatni muhofaza qilish qoidalari mavjud emas.

Xorijiy...

«Kursiv» ESG forumida «ESG amaliyotlarining qarorlar qabul qilish jarayoniga ta’siri» uchinchi panel sessiyasi bo‘lib o‘tdi. U korporativ boshqaruv qoidalariga va biznesning o‘sishi va kengayishi bo‘yicha jahon tajribasiga rioya qilishga bag‘ishlangan.

EY Uzbekistan Barqaror rivojlanish va iqlim o‘zgarishi bo‘yicha xizmatlar departamenti katta maslahatchisi Kamila Salixbayevaning so‘zlariga ko‘ra, kompaniya xavf va imkoniyatlar tizimini malakali boshqarishi uchun u xavflarni yoki har xil turdagi ta’sirlarni aniqlash va baholashda yordam beradigan bir qator ko‘rsatmalar ishlab chiqishi kerak.

«Kompaniyalar o‘ylashlari kerak bo‘lgan siyosatlar, birinchi navbatda, iqlim bo‘yicha kun tartibiga tayinlanadigan qo‘mitalar siyosatidir. Unda iqlim xavf-xatarlarini bartaraf etish bo‘yicha qo‘mitaning funktsional majburiyatlari tavsiflanadi...

Oʻzbekiston Raqobatni rivojlantirish va iste’molchilar huquqlarini himoya qilish qoʻmitasi «Lukoyl Overseas Supply and Trading Ltd» kompaniyasiga nisbatan ish qoʻzgʻatdi, deyiladi tashkilot matbuot-relizida.

Qoʻmita ma’lumotlariga koʻra, kompaniya tomonidan kimyoviy moddalarni birjada sotishda texnik oltingugurt narxlari bilan manipulyatsiya belgilari aniqlangan.

Kompaniya oltingugurtning mavjud bo‘lmagan hajmlarini ham kimoshdi savdosiga qo‘ydi. Bu omillar mahsulot narxining o‘rtacha 10 – 50 foizga oshishiga olib keldi.

Eslatib o‘tamiz, «Lukoyl Overseas Supply and Trading Ltd» oltingugurt birja bozoriga 2015-yilda kirib kelgan. Keyin korxona 3,7 ming tonna oltingugurtni 201 mln so‘mga sotdi.

Avvalroq «Kursiv» mahsulot taqsimoti bo‘yicha shartnomaga ko‘ra Lukoyl O‘zbekistonga qancha to‘lagani haqida e’lon qilgan edi.

«Kursiv Uzbekistan ESG» forumi doirasida «Hamma narsada tozalik: ekologik poklik biznesni rivojlantirish vositasi» mavzusida birinchi muhokama bo‘lib o‘tdi. Sessiyada ishtirokchilar biznes yashil iqtisodiyotni shakllantirishga qanday ta’sir qilishini, shuningdek, ESG tamoyillarini amalga oshirishda xususiy sektor qanday muammolarga duch kelishini muhokama qildilar.

«Yashil iqtisodiyotni shakllantirish va iqlim oʻzgarishiga qarshi kurashda xususiy sektor ishtirokisiz innovatsiyalar haqida gapirish oʻrinli emas. Rivojlanishi mumkin bo‘lgan hamma narsa faqat yuqoridan pastgacha borishi kerak degan fikr bor edi. Ammo hozir bu noto‘g‘ri yondashuv», dedi Yashil transformatsiya va iqlim o‘zgarishiga moslashish milliy markazi direktori, O‘zbekiston Ekologiya, atrof-muhitni muhofaza qilish va iqlim o‘zgarishi vaziri maslahatchisi Suna...

«UzAuto Motors» kompaniyasi Cobalt’ni yana sotuvga qo‘yishini ma’lum qildi. Kontraktatsiya 5-iyul kuni ochiladi.

Eslatib o‘tamiz, iyun oyida kompaniya 25 mingta shartnoma tuzdi. Biroq ularning hammasi ham to‘lanmagan. Shu sababli avtomobillarning bir qismi kontraktatsiyaga qayta qoʻyiladi.

«5-iyul, juma kuni soat 10:00 da sotuv jarayonlari boshlanadi. Avtomobillarni xarid qilish uchun shartnoma tuzish faqat savdo.uzavtosanoat.uz sayti orqali amalga oshirilishi mumkin», deyiladi avtomobil ishlab chiqaruvchisi xabarida.

Kompaniya avtomobillarni xarid qilish bo‘yicha tuzilgan shartnomalar bo‘yicha to‘lov yetti kalendar kun ichida amalga oshirilishi kerakligini eslatdi. Aks holda shartnoma bekor qilinadi va mashinalar yana sotuvga chiqariladi.

Avvalroq «Kursiv» 21-iyun kuni...

O‘zbekiston Respublika valyuta birjasida dollarning o‘rtacha kursi 16 so‘mga oshib, 12 600,05 so‘mga yetdi. Markaziy bank ham kursni shu darajada belgiladi.

Respublika banklari kassalarida xarid kursi 12 525 – 12 585 so‘m etib belgilandi. Sotish kursi 12 620 – 12 650 soʻm.

Avvalroq «Kursiv» iyun oyida dollar kursi nima uchun tushib ketgani haqida yozgan edi. Mutaxassislarning fikricha, bunga boshqa mamlakatlardan import qilinadigan tovarlar ta’sir ko‘rsatmoqda. Bir tomondan import o‘sishi o‘tgan yilga nisbatan sekinlashgan bo‘lsa, ikkinchi tomondan, O‘zbekistonda rublga talab ortib bormoqda. Shuning uchun dollar kursiga bosim pasaymoqda.

ShHTga kiruvchi davlatlar tashkilotning jipsligini kuchaytirishi kerak, dedi Oʻzbekiston prezidenti Shavkat Mirziyoyev Ostonadagi sammitda soʻzlagan nutqida.

Mirziyoyev oʻz ishtirokchilarini qaror qabul qilishda  «Shanxay ruhi»ning asosiy tamoyillariga – o‘zaro ishonch va manfaatdorlik, tenglik, madaniyatlar rang-barangligiga hurmat, bloklardan xoli maqomni saqlab qolish, qarorlar qabul qilishda konsensus prinsipiga qat’iy amal qilishni davom ettirishga chaqirdi.

Oʻzbekiston rahbari, shuningdek, umumiy xavfsizlikni ta’minlash boʻyicha yangi yondashuvlarni izlashga chaqirdi.

Prezident savdoni osonlashtirish boʻyicha kelishuv va elektron tijoratni rivojlantirish dasturini ishlab chiqishni taklif qildi. Bundan tashqari, u tashkilot doirasida investitsiyalarni rag‘batlantirish uchun tashabbus ko‘rsatish muhimligini ta’kidladi.

Mirziyoyev tomonidan taklif qilingan boshqa chora-tadbirlar qatorida logistika tartib-taomillari va hujjat...

O‘zbekistonning Seuldagi elchixonasi va Travel Book nashriyoti tomonidan koreys tilida O‘zbekiston bo‘yicha qo‘llanma taqdim etildi, deb xabar berdi «Dunyo» axborot agentligi.

Qo‘llanmaning umumiy tiraji 200 ming nusxani tashkil qiladi. Kitobni Janubiy Koreyadagi eng yirik kitob do‘koni Kyobo Book Center xarid qilish mumkin.

Qo‘llanmada mamlakatimizning tarixiy va madaniy diqqatga sazovor joylari, milliy taomlari va sport turlari haqida so‘z boradi.

Taqdimotda O‘zbekistonning turizm salohiyati, YUNESKOning Umumjahon madaniy merosi ro‘yxatiga kiritilgan obyektlar haqida ham so‘z yuritildi.

Avvalroq «Kursiv» 1-iyun holatiga ko‘ra O‘zbekistonga Janubiy Koreyadan 15,1 ming sayyoh kelgani haqida e’lon qilgan edi.

«Kursiv» xalqaro biznes nashri tomonidan 4-iyun kuni poytaxtdagi «Hyatt Regency Tashkent» mehmonxonasida «Narxdan qadr-qiymatgacha. Barqaror rivojlanish uchun iqtisodiyotni transformatsiya qilish» ESG forumi tashkil qilindi.

Tadbirda davlat idoralari, tadbirkorlik subyektlari va ekspertlar hamjamiyati vakillari ishtirok etmoqda.

Forum ESG va barqaror rivojlanishga bagʻishlangan toʻrtta sessiyani oʻz ichiga oladi. Ushbu tadbirlarning onlayn translyatsiyasini «Kursiv» media rasmiy YouTube kanalida kuzatib borish mumkin.

Soat 14:30 da «Hamma narsada tozalik: ekologik poklik biznesni rivojlantirish vositasi» muhokamasi boshlandi.

15:25 da «Pulni qayerdan kutish kerak: ESG’ni rivojlantirishda xalqaro rivojlanish institutlarining roli» sessiyasi boshlanadi.

Uchinchi panel sessiyasi «ESG amaliyotlarining qarorlar qabul qilish jarayoniga ta’siri» soat 16:40 da boshlanadi.