Yangiliklar

Oliy Majlis senatorlari tomonidan hayvon va oʻsimliklarga zarar yetkazish uchun jazo choralarini kuchaytiruvchi qonunni ma’qulladi. Bu haqda parlament yuqori palatasi matbuot xizmati xabar berdi.

Endilikda portlovchi moddalar, elektr toki, kimyoviy va biologik preparatlar yordamida ov qilish va baliq ovlash uchun bazaviy hisoblash miqdorining (BHM) 400 dan 600 baravarigacha (112 milliondan 168 million soʻmgacha) jarima solinadi. Shuningdek, uch yildan yetti yilgacha ozodlikdan mahrum qilish jazosi ham qoʻllanilishi mumkin.

Shuningdek, binolarni qurish yoki rekonstruksiya qilishda buta, daraxt va boshqa oʻsimliklarga qasddan zarar yetkazganlik uchun fuqarolarga 35 dan 50 BHMgacha (9,8 milliondan 14 million soʻmgacha) miqdorda, mansabdor shaxslarga esa 60 dan...

O‘zbekistonda aholi soni joriy yilning 1-oktabr holatiga ko‘ra, 37,355 mln kishini tashkil etdi. Bu haqda Statistika agentligi hisobotida xabar berildi.

Bunda erkaklar soni 18,8 mln kishi, ayollar esa 18,54 mln nafarni tashkil qildi. Shaharlarda yashayotganlar 19,04 mln kishi bo‘lsa, qishloqlarda 18,30 mln odam istiqomat qilmoqda.

2024-yil 1-oktabr holatiga ko‘ra, aholi zichligi har kvadrat kilometrga 83,2 kishini tashkil etdi, bu o‘tgan yilga nisbatan 1,7 kishiga ko‘pdir.

Eng yuqori zichlik – Toshkentda har kvadrat kilometrga 6909,6 kishini tashkil qiladi. Eng past zichlik – Navoiy viloyatida 9,8 kishi va Qoraqalpog‘istonda har kvadrat kilometrga 12,1 kishi to‘g‘ri keladi.

Avvalroq Kursiv Uzbekistan O‘zbekistonda aholi...

Toshkentda boʻlib o‘tgan «Uzcard Forum – 2024» doirasida Uzcard va Hamkorbank hamkorlik memorandumini imzoladi. Bu haqda toʻlov tizimi matbuot xizmati Kursiv Uzbekistan’ga ma’lum qildi.

Unga ko‘ra, imzolangan hujjat Uzcard sodiqlik platformasi doirasida bank kartalarini chiqarish orqali naqd pulsiz to‘lovlardan foydalanishni rag‘batlantirishga qaratilgan.

Toʻlov tizimi va bank oʻrtasidagi hamkorlik elektron toʻlovlarning jozibadorligini oshirishi va moliya bozori ishtirokchilari oʻrtasidagi texnologik oʻzaro aloqalarni kuchaytirishi kutilmoqda.

Bundan tashqari, hujjat naqd pulsiz to‘lov tizimlari xavfsizligi sohasida innovatsiyalarni rivojlantirishga ham qaratilgan.

Avvalroq Kursiv Uzbekistan Uzcard va IT Park University oʻrtasida hamkorlik memorandumi imzolangani haqida yozgan edi.

Vaqtincha mehnat faoliyatiga chiqib ketayotgan fuqarolarga Migratsiya jamg‘armasi hisobidan 10 million so‘mgacha ikki yil muddatga mikrokreditlar ajratiladi. Bu haqda Adliya vazirligi matbuot xizmati xabar berdi.

Qabul qilingan qonunga ko‘ra, yangi tashkil etilgan Migratsiya agentligi 2026-yilgacha fuqarolarni xorijga yuborish va ishga joylashtirish bilan bog‘liq funksiyalarni xususiy bandlik agentliklariga o‘tkazadi.

2026-yil 1-yanvargacha yangi agentlikning fuqarolarni tashkillashtirilgan holda tanlash, xorijga ishga yuborish va ishga joylashtirish bilan bog‘liq funksiyalari bosqichma-bosqich xususiy bandlik agentliklariga o‘tkaziladi.

Joriy yilning 1-noyabridan xorijiy ish beruvchilar tomonidan taklif qilinayotgan ish o‘rinlari haqidagi barcha ma’lumotlar elektron platforma, OAV va ijtimoiy tarmoqlarda ochiq e’lon qilib boradi.

Bundan tashqari, xususiy bandlik agentliklari tomonidan litsenziya olish uchun zaxira...

Axborot xavfsizligi va raqamli transformatsiya bo‘yicha xizmat ko‘rsatadigan Softline xalqaro IT-kompaniyasi O‘zbekiston bozoriga kirib kelmoqda. Bu haqda kompaniya saytida xabar berildi.

Bu tashkilotning Markaziy Osiyodagi ikkinchi ofis bo‘ladi. Respublikada Softline mahsulotlarni joriy etish va texnik qo‘llab-quvvatlash, shuningdek, mutaxassislarni o‘qitish bo‘yicha to‘liq xizmatlar majmuasini taqdim etadi. Kompaniya o‘z mahsulotlari va yechimlarini ilgari surish bilan bir qatorda, vendorlar (o‘z mahsulotini yetkazib beruvchi) bilan hamkorlik qilishni ham rejalashtirmoqda.

«Oʻzbekistonda Softline guruhi faoliyatini boshlashidan xursandmiz. Natijada koʻproq mijozlar raqamli transformatsiya bilan bogʻliq vazifalarini hal qila olishadi», – deydi kompaniyaning Markaziy Osiyo bo‘yicha direktori Roman Yashin.

Softline – Rossiya...

25-oktabr kuni Qoraqalpog‘iston Respublikasi, Xorazm viloyati va Farg‘ona vodiysidan tashqari har bir hududda kunning ikkinchi yarmida yog‘ingarchilik kuzatiladi. Bu haqda Gidrometeorologiya xizmati agentligi xabar beradi.

Poytaxtda havo bulutli bo‘ladi, kechga kelib yomg‘ir yog‘adi. Ertalab va kechga tuman tushadi. Kunduzi havo 21-23 daraja iliq, kechasi esa 5-7 daraja salqin bo‘ladi.

Tog‘li hududlarda ham yog‘ingarchilik kuzatiladi, ayrim joylarda jala quyishi ehtimoli bor. Tepaliklarda yomg‘ir qorga aylanishi mumkin. Kunduzi havo 11-16 daraja iliq, kechasi esa 0-5 daraja salqin bo‘ladi.

Prezident Shavkat Mirziyoyev va Vyetnam Bosh vaziri Fam Min Tin mamlakatlar oʻrtasida vizasiz tartibni joriy qilish orqali turistik oqimni oshirish masalasini muhokama qildi. Bu haqda prezident matbuot xizmati xabar berdi.

Uchrashuvda O‘zbekiston bilan Vyetnam o‘rtasidagi ko‘p qirrali hamkorlik va amaliy aloqalarni, ayniqsa, savdo-iqtisodiyot va investitsiya sohalarida rivojlantirish masalalari muhokama qilindi.

Qayd etilishicha, mamlakatlar oʻrtasida bunday harakat tartibini joriy etish nafaqat sayyohlar sonining koʻpayishiga yordam beradi, balki biznes hamkorligini mustahkamlaydi.

Bundan tashqari, kelgusida Vyetnamning Xanoy shahrida ikki tomonlama savdo-iqtisodiy masalalar boʻyicha komissiya yigʻilishi, sanoat koʻrgazmasi va biznes-forum oʻtkazish rejalashtirildi.

Bosh vazir Fam Min Tin O‘zbekiston prezidentini rasmiy tashrif bilan Vyetnamga...

Prezident farmonga binoan, Tashqi mehnat migratsiyasi agentligi faoliyati tugatilib, Vazirlar Mahkamasi huzuridagi Migratsiya agentligi tashkil etildi. Bu haqda agentlik matbuot xizmati ma’lum qildi.

Unga ko‘ra, agentlik negizida xorijda ishlovchi fuqarolarimizni qo‘llab-quvvatlash va huquqlarini himoya qiluvchi Migratsiya jamg‘armasi tashkil etiladi.

2025-yil 1-yanvardan boshlab agentlikka xususiy bandlik agentliklari faoliyatini tekshirish bilan bog‘liq nazorat tadbirlarini o‘tkazishi mumkin bo‘ladi.

Shuningdek, agentlik zimmasiga u tomonidan o‘tkazilgan har qanday tekshirish natijasi bo‘yicha tuzilgan bayonnomalar, aniqlangan qonun buzilishi holatlari soni va xususiyati haqidagi maʼlumotlarni majburiy tartibda 5 kunda «Xorijda ish» elektron dasturiga joylashtirib borish majburiyati yuklanadi.

Eslatib o‘tamiz, avvalroq Oʻzbekiston mehnat bozorida har bir boʻsh ish...

1-noyabrdan boshlab, O‘zbekiston hududiga rasmiy dilerlar tomonidan olib kirilayotgan avtomobillar Toshkent viloyatidagi Piskent poligonida to‘liq sinovdan o‘tkaziladi. Texnik jihatdan tartibga solish agentligining xabariga ko‘ra, bu chora mamlakatga keltirilayotgan transport vositalarining sifatini oshirish va xavfsizligini ta’minlashga qaratilgan.

Ushbu sinovlar xalqaro ISO va Yevropa direktivalari talablariga muvofiq ravishda amalga oshiriladi. Mazkur talab faqat rasmiy dilerlar tomonidan olib kelinadigan mashinalarga taalluqli bo‘lib, shaxsiy foydalanish uchun chet eldan keltirilayotgan avtomobillar bundan mustasno bo‘ladi.

Avvalroq Kursiv O‘zbekistonda eng keng tarqalgan avtomobil, shuningdek, respublikada ikkilamchi bozorning rivojlanishi haqida yozgan edi.

Navoiy kon-metallurgiya kombinati (NKMK) xotin-qizlarning imkoniyatlarini kengaytirish g‘oyasiga sodiq, – deydi tashkiliy rivojlantirish boshqarmasi boshlig‘i Ra’no Qosimova.

Bu haqda Qosimova O‘zbekiston xalqaro kon-metallurgiya forumida tog‘-kon sanoati xodimlariga bag‘ishlangan sessiyada ma’lum qildi.

NKMK xotin-qizlar jamiyati rahbari Sabohat Nazarovaning qo‘shimcha qilishicha, korxonada gender tengligi tamoyillari joriy etilmoqda, ayollar huquqlari ta’minlanmoqda.

«Biz ayol xodimlarning o‘qitish va malaka oshirishdan teng foydalanish kabi ehtiyojlarini qondirishga intilamiz», – dedi u.

Avgust oyida NKMK konchilik sanoatida gender tengligi tarafdori bo‘lgan IWiM xalqaro notijorat tashkiloti bilan hamkorlikka kirishdi.

Kompaniya IWiM bilan hamkorlik Qozogʻiston va Qirgʻiziston kompaniyalari bilan aloqa oʻrnatish imkonini berganini ta’kidladi. Mintaqaviy...

Xitoy kompaniyalari Chirchiq texnoparki hududida sanoat zonasi barpo etish uchun $200 mln sarmoya kiritmoqchi. Bu haqda Toshkent viloyati hokimligi ma’lum qildi.

Unga ko‘ra, «Ikki viloyat – bir istirohat bog‘i» sanoat zonasi qurilishini 2025-yilning birinchi choragida boshlash rejalashtirilgan. Hududda 20 ga yaqin korxonalar tashkil etiladi. Ularda 2026-yildan boshlab maxsus texnika, elektronika va qurilish materiallari ishlab chiqariladi.

Sanoat zonasida kamida ming kishi ishlaydi.

Loyiha investorlari BSM Group va China Construction Fifth Engineering Division bo‘lib, tomonlar allaqachon loyiha-smeta hujjatlarini ishlab chiqishga kirishganlar.

Eslatib o‘tamiz, avvalroq Oʻzbekiston qaysi davlatlar bilan savdo aloqalarini amalga oshirayotgani haqida yozgan edik.

O‘zbekiston va yana 12 davlat BRICSga hamkor davlatlar ro‘yxatidan joy oldi.

Jazoir, Belarus, Boliviya, Kuba, Indoneziya, Qozog‘iston, Malayziya, Nigeriya, Tailand, Turkiya, Uganda, O‘zbekiston va Vyetnam shular jumlasidandir.

Ma’lumot uchun, dastlab Braziliya, Rossiya, Hindiston va Xitoyni o‘z ichiga olgan BRICS 2009-yilda rivojlanayotgan davlatlar uchun hamkorlik platformasi sifatida tashkil etilgan bo‘lib, 2010-yilda unga Janubiy Afrika qo‘shilgan.

Eslatib o‘tamiz, avvalroq BRICS yetakchilari XVI sammitining yakuniy deklaratsiyasini qabul qilgani haqida yozgan edik.

FIFA tomonidan tuzilgan futbol bo‘yicha milliy terma jamoalar jahon reytingida O‘zbekiston 2 pog‘ona ko‘tarilib, 58-o‘rinni egalladi. Reyting FIFA tomonidan e’lon qilindi.

Unga ko‘ra, reytingga Argentina, Fransiya va Ispaniya milliy terma jamoalari yetakchilik qilmoqda.

Ma’lumot uchun, terma jamoamiz Osiyo reytingida 7-o‘rinni band etmoqda.

Eslatib o‘tamiz, avvalroq «JCH – 2026» saralashidagi 3-bosqich 4-turida O‘zbekiston futbol terma jamoasi o‘z uyida Birlashgan Arab Amirligini 1:0 hisobda mag‘lubiyatga uchratgan edi.

Poytaxt yana havosi eng ifloslangan shaharlar top o‘ntaligiga kirdi. Bu haqdagi ma’lumot IQAir platformasida e’lon qilindi.

Unga ko‘ra, ayni paytdagi Toshkent havosi nafas yo‘li tizimi xastalanganlar uchun o‘ta xavfli bo‘lib, niqob bilan yurishlari tavsiya etiladi.

Toshkentdagi PM2.5 konsentratsiyasi hozirgi kunda JSST havo sifati boʻyicha yillik yoʻriqnoma qiymatidan 7,6 baravar yuqorilagan.

Ma’lumot uchun, prokuratura organlari Toshkent shahrida atmosfera havosining ifloslanish darajasi «salbiy» reytinglarda yetakchi oʻrinlarga chiqayotganligi tufayli respublika boʻyicha rejaviy tekshirish tadbirlarini tashkil etib boradi.

Eslatib o‘tamiz, avvalroq Qashqadaryoda qor yog‘ish hodisasi kuzatilgan edi.

O‘zbekiston investitsiya va ijtimoiy loyihalarni amalga oshirish uchun BRICSning Yangi taraqqiyot banki bilan hamkorlikni rejalashtirmoqda. Bu haqda prezident Shavkat Mirziyoyev Qozondagi BRICS sammitidagi nutqida ma’lum qildi.

Mirziyoyev O‘zbekiston BRIKS davlatlari bilan qashshoqlik va global iqtisodiy tengsizlikka qarshi kurashda hamkorlikni kuchaytirishga tayyorligini ta’kidladi.

Ushbu ittifoq raqamli iqtisodiyot rivoji va savdo to‘siqlarini kamaytirish bo‘yicha qo‘shma tashabbuslar uchun maydon bo‘lishi mumkin. Shuningdek, O‘zbekiston infratuzilma loyihalari uchun xalqaro moliyalashtirishni jalb qilishga qiziqish bildirmoqda.

Bundan tashqari, BRIKS davlatlari bilan hamkorlik yangi transport yo‘laklari va logistika zanjirlarini yaratish imkoniyatlarini ochadi, deya ta’kidladi O‘zbekiston prezidenti.

Avvalroq Kursiv Uzbekistan BRIKSga a’zo davlatlar rahbarlari XVI sammitining yakuniy...

Toshkent shahrida yog‘ingarchiliklar davrida suv toshqinlarini oldini olish uchun qo‘shimcha 6 milliard so‘m ajratildi. Bu borada poytaxt hokimi Shavkat Umurzoqov tegishli qarorni imzoladi.

2024-yilda poytaxt hokimiyati suv toshqinlariga qarshi kurashish uchun 20,4 milliard so‘m ajratgan edi.

Eslatib o‘tamiz, Shavkat Mirziyoyev Toshkent shahar hokimligiga yil oxirigacha drenaj tizimi va sun’iy suv havzalarini qurish dasturini o‘z ichiga olgan bosh rejani ishlab chiqish bo‘yicha topshiriq bergan edi.

Davlat rahbarining ta’kidlashicha, tuman hokimlari shaxsan joylarga chiqib, drenaj, ko‘kalamzorlashtirish va obodonlashtirish masalalarini hal qilishlari kerak.

Avvalroq Kursiv Uzbekistan prezident binolarni yashil hududlar bilan birga qurishga topshiriq bergani haqida xabar bergan edi.

24-oktabr kuni O‘zbekiston Respublika valyuta birjasida dollarning rasmiy narxi 11,79 so‘mga pasaydi va 12 816,11 so‘mni tashkil qildi.

Mamlakatning moliya institutlari ushbu valyutani 12 760 – 12 790 so‘mdan xarid qilishmoqda va 12 830 – 12 890 so‘mdan sotishmoqda.

Eslatib o‘tamiz, 23-oktabr kuni dollarning rasmiy qiymati 10,05 so‘mga ko‘tarilgan edi.

Yandex Uzbekistan dasturlash maktabida 75 nafar yuqori sinf o‘quvchilari uchun darslar boshlandi. Bu haqda kompaniya matbuot xizmati Kursiv Uzbekistan’ga xabar berdi.

Bir yillik bepul kurs davomida o‘quvchilar Python’da dasturlash asoslarini o‘rganadi. Mashg‘ulotlar Toshkentdagi Inha universitetida haftada ikki marotaba o‘tkaziladi.

Shuningdek, yuqori sinf o‘quvchilari dasturlash tili sintaksisi bilan tanishib, funksiyalar kutubxonasi bilan ishlash va algoritmlar tuzishni o‘rganadi.

Yangi o‘quv yili Yandex Uzbekistan tomonidan tashkil etilgan maktab uchun ikkinchi yil bo‘ladi. Bu yil tashkilotchilar o‘quvchilar sonini oshirishga muvaffaq bo‘ldi.

Eslatib o‘tamiz, avvalroq Kursiv Uzbekistan Yandex dasturlash maktabi Samarqandda ish boshlagani haqida xabar qilgan edi.

Joriy yilning uchinchi choragi yakunlariga ko‘ra, Humo to‘lov tizimining sof foydasi 119 milliard so‘mga yetdi. Bu haqda Korporativ axborot yagona portalida ma’lum qilindi.

Ushbu ko‘rsatkich o‘tgan yilning mos davriga nisbatan 42,5 foizga ko‘pdir. Shuningdek, ushbu davr mobaynida kompaniyaning daromadi 44,7 foizga oshib, 222 mlrd so‘mni tashkil etdi.

Bundan tashqari, To‘lov tizimining aktivlari ikki barobarga oshib, 394 milliard so‘mni tashkil etmoqda. Xuddi shu tarzda operatsion xarajatlar ham o‘sgan, rentabellik ko‘rsatkichi esa deyarli o‘zgarmagan.

2024-yil aprel oyida Humo to‘lov tizimini xususiylashtirish rejalashtirilgani ma’lum bo‘lgan edi. To‘lov tizimini sotib olishga oltita...

2025-yildan Oʻzbekiston Markaziy Osiyo davlatlari orasida iqtisodiy oʻsish boʻyicha birinchi oʻringa chiqadi. Mamlakatning real yalpi ichki mahsuloti (YaIM) yiliga 5,7 foizga oshadi. Bu haqda Xalqaro valyuta jamgʻarmasi (XVJ) tahlilchilari ma’lum qildi.

Dunyo iqtisodiyoti boʻyicha hisobot tuzuvchilari 2024-yil oxirigacha respublikaning real yalpi ichki mahsuloti 5,6 foizga oʻsishini kutmoqda. Qirgʻiziston va Tojikiston yilni kuchliroq koʻrsatkichlar bilan yakunlaydi. Biroq ularning iqtisodiy oʻsishi keyinchalik sekinlashadi, Oʻzbekistonda esa bu koʻrsatkich biroz tezlashadi va 2029-yilgacha barqaror darajada qoladi.

XVJ 2024-yilda Oʻzbekistonda inflyatsiya 10,4 foizni tashkil qilishini taxmin qilmoqda. 2025-yil oxiriga kelib esa 7,9 foizga tushadi. Jamgʻarma ekspertlari Turkmanistonda Markaziy Osiyodagi eng yuqori inflyatsiyani bashorat...

Startap Runway o‘zining Act-One sun’iy intellekt vositasini taqdim etdi. Bu haqda kompaniya rasmiy veb-saytida xabar berildi.

Ushbu vosita video va ovoz yozuvlari yordamida animatsiya yaratadi. Shuningdek, haqiqiy insonlarning mimikasi va ovozidan foydalanib, animatsion qahramonlar yaratishi mumkin. Vosita orqali turli uslublarda videolarni yaratish imkoniyati ham mavjud.

Biroq ushbu vosita taniqli shaxslar ishtirokidagi videolarni animatsiyaga aylantira olmaydi. Kompaniya Act-One vositasini tez orada barcha foydalanuvchilar uchun ochiq qilishni va’da qilmoqda.

Eslatib o‘tamiz, avvalroq, Kursiv Uzbekistan YUNESKOning O‘zbekistonda sun’iy intellekt sohasidagi etika bo‘yicha tadqiqotlar va ishlanmalarni qo‘llab-quvvatlashga qaratilgan tadqiqotlar uchun Beruniy nomidagi xalqaro mukofotni ta’sis etgani haqida xabar bergan edi.

«Oʻzbekneftgaz» AJ qoʻshimcha yevrobondlar chiqarish imkoniyatini koʻrib chiqmoqda. Bu haqda kompaniya matbuot xizmati xabar berdi.

«Oʻzbekneftgaz» delegatsiyasi Buyuk Britaniyadagi Deutsche Bank, Barclays va boshqa xorijiy banklar vakillari bilan ushbu masalani muhokama qildi. Yigʻilishda moliya institutlari Oʻzbekiston kompaniyasini 2024–2025-yillarda moliyalashtirishga qiziqish bildirdi.

Eksport-kredit agentligiga asoslangan moliyaviy qoʻllab-quvvatlash choralari toʻgʻrisidagi masalalar ham koʻrib chiqildi.

Eslatib oʻtamiz, «Oʻzbekneftgaz» $700 millionlik birinchi obligatsiyalarni 2021-yilning kuzida chiqargan edi.

Avvalroq Kursiv Uzbekistan joriy yil oktabr oyi oʻrtalarida NKMK $1 milliardlik obligatsiyalarni joylashtirgani haqida yozgan edi.

Hozirgi kunda IIV JXD YHXXB xodimlari tomonidan piyodalar yo‘lakchasidan o‘tishda qonunchilikka zid harakatlarni amalga oshirgan piyodalarga jarima qo‘llanilmoqda. Bu borada Kursiv Uzbekistan IIV matbuot xizmat Shohrux G‘iyosov bilan bog‘landi.

Qayd etilishicha, bu kabi maxsus profilaktik tadbirlar yo‘llarda yuzaga kelayotgan ko‘ngilsiz hodisalarni oldini olish maqsadida doimiy o‘tkazilib kelinadi.  

«Piyodalar bilan bog‘liq yo‘l transport hodisalarini oldini olish maqsadida bu kabi maxsus profilaktik tadbirlar doimiy o‘tkazilib turiladi», — dedi IIV matbuot kotibi Shohrux G‘iyosov.

Piyodalar yo‘lkasidan o‘tishda belgilangan tartibga amal qilmaslik oqibatida yo‘l transport hodisalari ko‘paymoqda. Shu sababdan kuchaytirilgan reyd tadbirlari doimiy o‘tkazilib, qoidabuzar piyodalarga bazaviy hisoblash...

Oʻzbekiston va Gonkong oʻrtasida turistlar oqimini koʻpaytirish va aviatsiya orqali yuk tranzitini tashkil etish boʻyicha kelishuv amalga oshirildi. Bu haqda Transport vazirligi matbuot xizmati ma’lum qildi.

Unga ko‘ra, hujjat Malayziyaning Kuala-Lumpur shahrida ICAO ICAN 2024 tadbiri doirasida imzolandi. Bu kelishuv Oʻzbekiston hududi orqali Gonkongdan Yevropa va arab davlatlariga yuklarni tranzit qilish imkonini beradi. Shuningdek, aviaqatnovlar orqali mamlakatga gonkonglik sayyohlarni ko‘proq jalb qilishga ham ishonch bildirildi.

Ma’lumot uchun, avvalroq Gonkong aviatsiya ma’muriyati mahalliy aeroportlar tirbandligi sababli Oʻzbekistonning havo qatnovini yoʻlga qoʻyish taklifini rad etgan edi.

Eslatib o‘tamiz, bundan oldin Uzbekistan Airways Xanchjouga to‘g‘ridan-to‘g‘ri aviaqatnovni yo‘lga qo‘yishini ma’lum qilgan edik.