Yangiliklar

AQShning Montana shtatida 1957-yilgi to‘rtta eski Chevrolet klassik sedan bir vaqtning o‘zida auksionga chiqarildi. Bu haqda GM Authority xabar bermoqda. Lot uchta Chevrolet Bel Air va bitta Chevrolet 150 modelidan iborat.

Mashinalar hozirgi egasining otasi tomonidan 1970-yillarda yig‘ila boshlangan. Ular vaqt o‘tishi bilan ehtiyot qismlar bilan to‘ldirilgan holda saqlangan. Hozir barcha avtomobillar egasi nomidagi toza Montana hujjatlariga ega.

Oq rangli Bel Air V8 dvigatel va avtomat uzatma bilan jihozlangan. Odometrda 91 ming mil ko‘rsatilgan. Kuzov bezaklari saqlangan bo‘lsa-da, bo‘yoq qatlami eskirgan. Old o‘ng qanot bezagi mos emas. Orqa yon oynalar yorilgan.

Ko‘k rangli Bel Air’lardan biri ham V8 va...

BMW 7 Series 2026 premium sedani AQSh bozorida taqdim etildi. Model avvalgi G70 avlod dizaynini saqlagan holda, ba’zi vizual va texnik yangilanishlar olgan.

Dizayn va tashqi ko‘rinish

2026-yilgi 7 Series’ning tashqi ko‘rinishi klassik BMW siluetini saqlagan, ammo chiroqlar, LED yoritqichlar va yangilangan old panjaralar bilan yanada jozibador ko‘rinishga ega bo‘lgan. Orqa tarafda uzun LED chiziq va muskul diffuser mavjud.

Ichki interyer va texnologiyalar

Ichki interyer zamonaviy texnologiyalar bilan jihozlangan: teridan tikilgan o‘rindiqlar, panoramik egri displey, iDrive 8.5/9 tizimi, boshqaruv ekranlari va orqa o‘rindiqlar uchun 31,3 dyuymli 8K teatr ekrani. Bowers & Wilkins audio tizimi va to‘liq...

Samsung Galaxy S25 Ultra smartfoniga One UI 8.5 yangilanishi bilan yangi funksiya qo‘shildi. Ma’lumotlarga ko‘ra, endi qurilmada Partial Screen Recording, ya’ni ekranning faqat kerakli qismini yozib olish imkoniyati mavjud.

Bu rejimning asosiy qulayligi shundaki, tizim videoni o‘zi aniqlaydi va aynan o‘sha hududni avtomatik ravishda belgilab beradi. Foydalanuvchiga yozib olinadigan maydonni qo‘lda tanlash, chegaralarni tortish yoki sozlash shart emas.

Yozishni boshlash tugmasini bosish kifoya. Smartfon o‘zi optimal hududni tanlaydi. Bu ayniqsa ilovalar, striming servislar yoki ijtimoiy tarmoqlardagi videolarni yozib olishda juda qulay.

Eslatib o‘tamiz, avvalroq One UI 8.5 foydalanuvchi interfeysining to‘rtinchi beta-versiyasi yangilanish hajmi taxminan 1,5 GB ni tashkil etishi...

Audi deyarli 30 yillik tarixga ega benzinli Audi S6 sport sedanini ishlab chiqarishdan olib tashladi. Bu haqda Motor1 portali xabar bermoqda. Kompaniya yangi avlodda ichki yonuv dvigatelli S6 bo‘lmasligini rasman tasdiqladi.

Model ilk bor 1994-yilda taqdim etilgan va 1997-yilgacha ishlab chiqarilgan. Ikkinchi avlod 1999 – 2003-yillarda konveyerdan tushgan. 2006-yildan buyon esa model uzluksiz ravishda chiqarib kelinayotgandi.

Yangi qaror Audi modellari ichki raqobatini kamaytirish va elektrifikatsiya strategiyasiga o‘tish bilan bog‘liq. Endilikda kuchli sedan roli yangilangan A6 hamda to‘liq elektr Audi S6 e-tron o‘rtasida taqsimlanadi.

Yangilangan A6 3,0 litrli V6 dvigatel bilan taklif qilinadi. Uning quvvati 362 ot kuchiga teng. Bu...

Angliya Premyer-ligasining navbatdagi turida «Manchester Siti» klubi o‘z maydonida «Fulxem»ni qabul qilib, yirik hisobda zafar quchdi. Abduqodir Husanov zaxiradan o‘yinga qo‘shildi.

Barcha gollar uchrashuvning birinchi bo‘limida kiritildi. Antuan Semenyo 24-daqiqada hisobni ochgan bo‘lsa, 30-daqiqada Niko Orayli jamoasining ikkinchi goliga mualliflik qildi. 39-daqiqada Erling Holand o‘yindagi yakuniy hisobni o‘rnatdi.

Ushbu uchrashuvdagi aniq zarba Holand uchun «Manchester Siti» tarkibidagi 153-gol bo‘ldi. Natijada hujumchi klub afsonasi Kolin Bell bilan tenglashib, tarixiy to‘purarlar ro‘yxatida to‘rtinchi o‘ringa ko‘tarilib oldi.

«Birinchi bo‘lim yuqori saviyada o‘tdi. Yigitlar yaxshi ishlarni amalga oshira olishini ko‘rsatdi», – dedi jamoa bosh murabbiyi Pep Gvardiola.

Uchrashuvning...

Prezident huzuridagi Qonunchilik va huquqiy siyosat instituti direktori, senator Mir-Akbar Xodji-Akbarovich Rahmonqulov 74 yoshida vafot etdi. Bu haqda Toshkent davlat yuridik universiteti ma’lum qildi.

Rahmonqulov Prezident huzuridagi Strategik va mintaqalararo tadqiqotlar instituti direktorining birinchi o‘rinbosari, Prezidentning davlat xizmati va hokimiyat vakillik organlari bilan hamkorlik masalalari bo‘yicha maslahatchisi o‘rinbosari, Xavfsizlik kengashi kotibi va Davlat maslahatchisi sifatida ham faoliyat yuritgan.

Shuningdek, uning fuqarolik huquqi, xalqaro huquq, konstitutsiyaviy huquq va milliy xavfsizlik sohalarida 100 dan ortiq ilmiy asarlari bor.

U yuridik fanlari doktori, professor bo‘lib, 1998-yilda «II darajali Shon-sharaf» ordeni va 2002-yilda «O‘zbekiston Respublikasida xizmat ko‘rsatgan yurist» faxriy unvoni bilan taqdirlangan edi.

Rossiyadagi sobiq Volkswagen zavodida yangi Volga avtomobillarini ishlab chiqarish rejalashtirilmoqda. TASS nashriga ko‘ra, ishlab chiqarishni 2026-yilda yo‘lga qo‘yish ko‘zda tutilgan.

Ma’lumotlarga ko‘ra, Nijniy Novgorod viloyatidagi sobiq Volkswagen zavodida Volga brendi ostida avtomobillar ishlab chiqariladi. Bu yerda bir sedan va ikki krossover modeli yig‘ilishi rejalashtirilgan.

Sankt-Peterburgdagi sobiq Toyota zavodida esa Aurus Senat avtomobillari ishlab chiqarilishi mumkin. «Za rulyom» jurnali bosh muharriri Maksim Kadakovning aytishicha, bu yerda 99% ehtimol bilan Senat modeli chiqariladi. Unga ko‘ra, mazkur avtomobillar Toyota Camry va Mercedes E-class kabi modellar o‘rnini bosishi kutilmoqda.

Rossiya sanoat va savdo vaziri Anton Alixanov ham har ikki zavodda ishlab chiqarishni 2026-yilda...

Chiqindidan qarzdor 199 ming abonentga elektr cheklovi qo‘yildi. Chiqindilarni boshqarish agentligi ma’lumotiga ko‘ra, 5-fevral holatiga jami 108,9 mlrd so‘m qarzdorlik mavjud bo‘lgan.

Shu sabab 1 mlndan ortiq abonentlar «2100» qisqa raqamidan SMS orqali ogohlantirildi. Ularga qarzni to‘lash uchun 5 kun muddat berilgan. Bu davrda 12,7 mlrd so‘m to‘lov amalga oshirilgan.

Shunga qaramay, 15,8 mlrd so‘m qarzdorlik saqlanib qolgan. Natijada 198,9 ming nafar abonentning elektr energiyasi uchun to‘loviga vaqtincha cheklov o‘rnatildi. Qarzdorlik to‘langach cheklov darhol bekor qilinadi.

Ma’lum qilinishicha, chiqindi xizmatlari bo‘yicha qarzdorlar haqidagi ma’lumotlar har oyning 3-sanasiga qadar «Toza makon» tizimidan «Hududiy elektr tarmoqlari» billing tizimiga uzatiladi.

Eslatib...

Google 11-fevral kuni Android 17 operatsion tizimining birinchi beta-versiyasini taqdim etdi. Yangi versiya ishlash samaradorligini oshiradi va media ilovalariga yangi funksiyalar qo‘shish imkonini beradi.

Google an’anaviy ishlab chiquvchi betalaridan voz kechib, doimiy Canary kanalini joriy qilmoqda. Bu tizim orqali yangilanishlar ishlab chiquvchilarga tezkor yetkaziladi va «over-the-air» yangilanishlar bilan ilovalarni sinash soddalashtiriladi.

Platforma barqarorligi ta’minoti mart oyida, Android 17 versiyasining rasmiy chiqarilishi esa 2026-yil ikkinchi choragida bo‘lishi kutilmoqda.

Android 17 da dasturchilar ekranni o‘lchash va oriyentatsiyani chetlash imkoniga ega bo‘lmaydi. Bu orqali planshetlar, bukiluvchi va katta ekranli qurilmalarda ilovalarning turli oyna o‘lchamlarida yaxshiroq ishlashini ta’minlaydi.

Yangi versiya kamera funksiyalarini...

Apple kompaniyasi yaqin kunlarda yangi MacBook Air modelini taqdim etishni rejalashtirmoqda. Bu haqda 9to5Mac nashri ma’lum qildi.

Yangi noutbuk M5 chipi bilan jihozlanadi. Bu hozirgi M4 protsessoriga nisbatan ishlash tezligini oshiradi. Benchmark testlariga ko‘ra, M5 chipi bitta yadro CPU ishlashida 9-10%, ko‘p yadro CPU ishlashida 19% va GPU ishlashida 37% tezroq natija beradi.

Bundan tashqari, M5 SI hisoblash quvvatini 4 barobar oshiradi va kuchliroq CPU, tezroq Neural Engine hamda kengroq xotira o‘tish tezligini ta’minlaydi.

Dizayn va ekran o‘lchamlari avvalgidek qoladi – 13 hamda 15 dyuym. Boshqa texnik yoki tashqi o‘zgarishlar kutilmayapti.

Apple yangi MacBook Air’ni yilning birinchi...

Demokrat.uz internet nashri rahbari Fazlidinxon Mehmonov pora bilan qo‘lga olindi. Bu haqda Toshkent shahar Ichki ishlar bosh boshqarmasi xabar berdi.

Qayd etilishicha, 2025-yilning 15-dekabr kuni gumonlanuvchilardan biri, blogerlik faoliyatini yurituvchi G‘oipnazarov Aziz Abdulla o‘g‘li Sergeli tumanida joylashgan avtosalonlardan birining faoliyatini obro‘sizlantiruvchi videomaterial tayyorlab, internet tarmog‘ida joylashtirgan. Shundan so‘ng Demokrat.uz rahbari Mehmonov, G‘oipnazarov tomonidan tayyorlangan videolavhani ijtimoiy tarmoqlardan o‘chirish hamda ushbu nashr tomonidan tayyorlangan, tadbirkorni obro‘sizlantiruvchi alohida videolavhani OAVda joylamaslik evaziga, tovlamachilik yo‘li bilan jabrlanuvchidan jami $50 ming dollar talab qilgan.

Mehmonov jabrlanuvchidan joriy yilning 29-yanvar kuni $3 mingni olib, so‘ng joriy yilning 10-fevral kuni 17 ming dollarni olayotgan vaqtida...

Kia kompaniyasi Kia Sonet 2026 modelining to‘liq imkoniyatlarni taqdim etdi. «Kursiv» video asosida maqola tayyorladi.

Mundarija:

Eksteryer va kuzov yechimlari

Uchinchi pozitsiyada old optika to‘liq LED faralar bilan jihozlangan. Old parktronik tizimi va tuman chiroqlari mavjud. Kuzov dizaynida xrom bezaklar va yaltiroq elementlar qo‘llangan. 16 radiusli quyma diskalar o‘rnatilgan. Old tormozlar diskli, orqa qismi barabanli tizimda ishlaydi.

Yo‘ldan balandligi 25 sm ekani aytilmoqda. Bu ko‘rsatkich shahar ichidagi notekis yo‘llar va yengil tog‘ hududlari uchun...

Qoraqalpog‘iston Respublikasi Taxiatosh tumanidagi uchta avtomobillarga gaz to‘ldirish kompressor shoxobchasi (AGTKSh)da tabiiy gazdan noqonuniy foydalanish holatlari fosh etildi. Bu haqda «Hududgazta’minot» AJ ma’lum qildi.

Ishchi guruh tomonidan o‘tkazilgan tekshiruvda «I.R.1» va «I.R.2» MChJlarga qarashli AGTKShlarda hisoblash uskunalariga tashqi ta’sir o‘tkazilgani aniqlangan. Dastlabki hisob-kitoblarga ko‘ra, ushbu ikki shoxobchada 2,5 mlrd so‘m va 2,3 mlrd so‘mlik zarar qayd etilgan.

Shuningdek, tumandagi «T.M.S.» MChJga qarashli AGTKShda hisoblagichning harorat datchigiga noqonuniy moslama o‘rnatilgani aniqlangan. Natijada 3,8 mlrd so‘mlik tabiiy gaz hajmi qayta hisob-kitob qilingan.

Mazkur «zapravka»larda aniqlangan umumiy zarar miqdori 8,6 mlrd so‘mni tashkil etdi. Holatlar bo‘yicha hujjatlar huquqni muhofaza qiluvchi organlarga yuborilgan...

12-fevral kuni Malayziyaning Kuala-Lumpur shahrida futbol bo‘yicha 2026-yilgi U-17 Osiyo kubogiga qur’a tashlash marosimi bo‘lib o‘tadi. Bu haqda O‘FA xabar bermoqda.

Qur’a jarayonida ishtirokchi jamoalar 4 ta savatchaga ajratilgan. O‘zbekiston U-17 terma jamoasi musobaqa mezboni Saudiya Arabistoni, shuningdek, Yaponiya va Koreya Respublikasi bilan birgalikda 1-savatchadan joy olgan. Qolgan uchta savatchada Osiyoning yana 12 ta terma jamoasi, jumladan, Tojikiston, Avstraliya va Hindiston kabi davlatlar vakillari taqsimlangan.

Mazkur qit’a birinchiligi Qatarda o‘tkaziladigan 17 yoshgacha bo‘lgan futbolchilar o‘rtasidagi FIFA Jahon chempionatiga saralash vazifasini ham o‘tab beradi. Musobaqa yakunlariga ko‘ra, qit’aning eng yaxshi 8 ta jamoasi 2026-yilgi o‘smirlar o‘rtasidagi mundialda ishtirok etish huquqini...

Tijorat banklari tomonidan 12-fevral kungi xorijiy valyutalarni ayirboshlash kurslari yangilandi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Soliq qo‘mitasi ijtimoiy tarmoqlarda O‘zbekiston banklariga fuqarolardan oxirgi 3 yilda 83 ta xorijiy internet-kompaniyalar foydasiga amalga oshirilgan to‘lovlar haqida ma’lumot taqdim etish bo‘yicha so‘rovlar yuborilgani haqida tarqalgan xabarlarga munosabat bildirdi.

Tarmoqlarda tarqalgan xatda yozilishicha, banklar 2023 – 2025-yillarda jismoniy shaxslar tomonidan O‘zbekistonda soliq hisobiga olingan xorijiy kompaniyalar foydasiga amalga oshirilgan barcha to‘lovlar haqida ma’lumot taqdim etishi kerak.

Ya’ni xalqaro to‘lov kartalari Visa, Mastercard, shuningdek, Uzcard va Humo milliy tizimlari hamda elektron hamyonlar orqali amalga oshirilgan tranzaksiyalar nazarda tutilmoqda. Har bir operatsiya bo‘yicha to‘lov sanasi va summasi AQSh dollaridagi ekvivalenti bilan ko‘rsatilishi lozim. Ma’lumotlar 3 kun ichida ko‘rsatilgan elektron manzilga...

Qirg‘izistonlik model Shadiya Isayeva Seul moda haftaligida o‘ziga xos obrazi bilan e’tibor markaziga aylandi. U namoyishga buvisi va bobosiga tegishli kiyimlarda tashrif buyurib, Vogue nashri sahifalaridan joy oldi. Bu haqda nashrning rasmiy sahifasida ma’lum qilindi.

Seul moda haftaligi 3 – 8-fevral kunlari bo‘lib o‘tdi. Tadbirning to‘rtinchi kunida Isayeva qirg‘iz milliy uslubini namoyish etishga qaror qildi. Uning yonida to‘liq milliy libos bo‘lmagan, faqat bobosining choponi va buvisining ro‘moli bor edi. Model ushbu kiyimlarni yaqinlari xotirasiga hurmat sifatida tanlaganini aytdi.

«Shu yo‘l bilan milliy madaniyatimizni va o‘z hikoyamni — men uchun chinakam qadrli bo‘lgan narsalar orqali ko‘rsatishni...

Navoiy viloyatining Karmana tumanidagi «Samarqand» YPX maskanida o‘tkazilgan tekshiruvda pora berishga uringan fuqaro qo‘lga olindi. Bu haqda Transport nazorati inspeksiyasi ma’lum qildi.

Ma’lumotlarga ko‘ra, inspektorlar Howo rusumli yuk avtomobilini to‘xtatib tekshirgan. Transport vositasi Turkiyada ro‘yxatdan o‘tkazilgan tirkama bilan harakatlanayotgani aniqlangan. Hujjatlar tekshirilganda haydovchining boshqa davlatda ro‘yxatdan o‘tgan transport vositasidan qonunga xilof foydalanish alomatlari mavjudligi ma’lum bo‘lgan.

Ma’muriy bayonnoma rasmiylashtirilayotgan paytda, o‘zini yuk egasi sifatida tanishtirgan fuqaro inspektorga 800 ming so‘m taklif qilib, chora ko‘rmaslikni so‘ragan. Xodim unga bu harakat jinoiy javobgarlikka sabab bo‘lishini tushuntirgan. Shunga qaramay, fuqaro urinishni davom ettirgan.

Inspektor bu haqda mas’ul idoralarga murojaat qilgan. Tezkor tadbir...

Farg‘ona viloyatida xalqaro miqyosda katta miqdordagi pul mablag‘larini firibgarlik yo‘li bilan o‘zlashtirgan 34 kishilik jinoiy guruh fosh qilindi. Bu haqda DXX matbuot xizmati xabar berdi.

Guruh 40 yoshli fuqaro boshchiligida Farg‘ona va Toshkent shaharlarida «Call-markaz» nomi ostida faoliyat yuritgan va Rossiyadagi dorivor vositalar hamda biologik qo‘shimchalar sotuvchi tashkilotlarning mijozlari ma’lumotlarini qo‘lga kiritgan.

Ular SIP telefoniya va Zoiper ilovalari orqali keksa shaxslarga qo‘ng‘iroq qilib, o‘zlarini bank xodimi yoki huquqni muhofaza qiluvchi organ vakili sifatida tanishtirgan va kompensatsiya olish uchun pul o‘tkazishlarini talab qilgan. Natijada jabrlanuvchilar jami salkam 9,6 mln rubl ($124,5 ming) mablag‘ni o‘tkazib bergan.

Shuningdek, guruhning 3 a’zosi...

Uzoq masofali tashuvlarda haydovchilarning mehnat va dam olish rejimini buzganlik uchun ma’muriy javobgarlik belgilandi. Bu haqda prezident tomonidan imzolangan yangi qonunda keltirildi, deb xabar bermoqda O‘zA.

Ma’muriy javobgarlik to‘g‘risidagi kodeks 113−1-modda bilan to‘ldirildi. Endilikda xalqaro va shaharlararo yo‘lovchi hamda yuk tashish jarayonida haydovchining belgilangan ish va dam olish tartibiga rioya qilmasligi BHMning 7 baravari – 2 mln 884 ming so‘m miqdorida jarimaga sabab bo‘ladi.

Shuningdek, tashishlar xavfsizligini ta’minlash bo‘yicha qoida va talablarni buzgan mansabdor shaxslar va xizmatchilarga BHMning 10 baravari – 4 mln 120 ming so‘m miqdorida jarima qo‘llanadi.

Amaldagi tartibga ko‘ra, shaharlararo va xalqaro yo‘nalishlarda qatnovchi avtobuslarga...

Hyundai Elantra modelining sakkizinchi avlod prototipi umumiy yo‘llarda sinovdan o‘tayotganda suratga olindi. Bu haqda Carcoops xabar bermoqda. Model 2026-yilda taqdim etilishi kutilmoqda.

Kuzov dizayni tubdan o‘zgargan. Amaldagi avlod keskin va siniq chiziqlari bilan ajralib turardi. Yangi model esa yanada «kvadrat» uslubda bo‘ladi. Old qismi balandroq qilib ishlanadi.

Eng e’tiborli detal T shaklidagi kunduzgi LED chiroqlar bo‘lib, ular to‘g‘ri to‘rtburchak faralar ustiga joylashtirilgan.

Radiator panjarasi kichraygan. Orqa ustun esa ancha massiv ko‘rinishga ega. Orqa fonarlar vertikal shaklda ishlangan. Shu sababli dizayn ayrim jihatlari bilan Cadillac modellari uslubini eslatadi.

Salonda Android Automotive platformasiga asoslangan yangi Pleos multimedia tizimi paydo bo‘lishi kutilmoqda...

11-fevral kuni Qozog‘istonda kuchli qor bo‘ronlari va yo‘llardagi noqulay ob-havo sharoiti oqibatida 87 kishi, jumladan, 6 nafar bola qutqarildi va evakuatsiya qilindi. Qozog‘iston FVV ma’lumotiga ko‘ra, qutqaruvchilar qor uyumlarida qolib ketgan 10 ta avtomashinani ham chiqarishga muvaffaq bo‘lgan.

Jumladan, Qarag‘anda viloyatida kechasi Astana – Qarag‘anda (aylanma yo‘l orqali) – Olmaota avtomagistralining 948-kilometrida yengil avtomobil yo‘l chetiga chiqib ketgan. Avtomobil salonida O‘zbekistonning uch nafar fuqarosi bo‘lgan. Qutqaruvchilar ularni evakuatsiya qilib, isitish punktiga yetkazgan. Maxsus texnika yordamida mashina qor uyumidan chiqarilib, tozalangan yo‘l qismiga olib chiqilgan.

Shuningdek, boshqa hududlarda ham o‘nlab fuqarolar qutqarilgan. Favqulodda vaziyatlar xizmati va politsiya xodimlari tomonidan aholi...

Xitoyda ishlab chiqarilgan ayrim eski avtomobillar kuzovdagi zaif lok-bo‘yoq qatlami sabab tez zanglayotgani ma’lum bo‘ldi. Bu haqda kuzov ta’miri bilan shug‘ullanuvchi Fit Service tarmog‘i direktori Yaroslav Kukarin ma’lum qildi. Uning so‘zlariga ko‘ra, muammo asosan 2010-yillar boshida chiqarilgan modellarga taalluqli.

Ekspert eng muammoli avtomobillar qatorida Geely Emgrand X7 modelini tilga oldi. Ushbu krossoverlarda zavod kuzovni yetarli darajada sink bilan qoplamagan va choklarni himoyalash sust bo‘lgan. 10 – 12 yil ichida eshik va g‘ildirak arkalarida chuqur zang paydo bo‘ladi. Ko‘plab mashinalar aynan shu sababli arzon narxda sotilmoqda.

Shuningdek, dastlabki avlod Chery Tiggo 4, Chery Tiggo 7 va Chery Tiggo 8 modellari...

11-fevral kuni soat 23:55 da Andijon shahri Nodirabegim mahallasida joylashgan ko‘p qavatli turarjoy binolaridan birida gaz-havo aralashmasining chaqnashi sodir bo‘ldi. Bu haqda xabar 112 tizimi orqali viloyat Favqulodda vaziyatlar boshqarmasiga kelib tushgan.

Ma’lumotga ko‘ra, viloyat FVB rahbariyati va qutqaruv bo‘linmalari voqea joyiga zudlik bilan yetib borgan. Hodisa oqibatida yong‘in kelib chiqmagan, qo‘shni xonadonlarga zarar yetmagan. Biroq uy hovlisida turgan bir nechta avtomashinalarga ziyon yetgani aytilmoqda.

Rasmiy ma’lumotlarga ko‘ra, chaqnash natijasida ikki nafar fuqaro tan jarohati olgan va ularga tibbiy yordam ko‘rsatilgan. Yuqori qavatda yashovchi aholi xavfsizlik nuqtayi nazaridan evakuatsiya qilingan.

Tun davomida qutqaruv va maxsus xizmatlar tomonidan binoda xavf...