Yangiliklar

Rossiyalik muxolif siyosatchi Aleksey Navalniy 1-mart kuni Moskvadagi Borisovskiy qabristoniga dafn etildi. Bu haqda «Meduza» xabar bermoqda.

Navalniyning dafn marosimi Rossiya poytaxtining janubi-sharqidagi Marino shaharchasidagi «Mening qaygʻularimni soʻndir» cherkovida boʻlib oʻtdi. Cherkovga faqat qarindosh va doʻstlar kirishiga ruxsat berildi.

Nashrning maʼlumotlariga koʻra, marhumning jasadi cherkovga keltirilgach, odamlar «Navalniy!»va «Biz kechirmaymiz!» deya hayqira boshlashgan. Dafn marosimidan soʻng yigʻilganlar tomonidan «Rossiya ozod boʻladi!», «Navalniy!», «Putinsiz Rossiya», «Urush boʻlmaydi» kabi shiorlar yangragan.

Rossiya BBC xizmati siyosatchining dafn marosimi kuni Marinoda aloqa vositalariga cheklovlar kiritilgani haqida xabar berdi.

Cherkovda xorijiy davlat diplomatlari, jumladan, AQSh elchisi Linn Treysi va Germaniya elchisi Aleksandr Graf...

Bugun, 2-mart kuni havo bulutli bo‘lishi mumkin, respublikaning aksariyat hududlarida yog‘ingarchilik(yomg‘ir, qor) kutiladi. Ba’zi joylarda tuman tushishi ehtimoli bor. Havo harorati 0-5 iliq bo‘ladi, deb xabar berdi O‘zgidromet.

Poytaxtda  havo bulutli bo‘ladi, yomg‘ir yog‘ishi mumkin va qorga aylanishi ehtimoli bor. Ertalab va kechasi tuman tushadi. Harorat kunduzi 1-3° iliq, kechasi esa 0-1° sovuq bo‘ladi.

Respublikaning tog‘li hududlarida havo bulutli bo‘ladi, ayrim joylarda qor yog‘ishi kutilmoqda. Tuman tushadi va qor ko‘chishi xavfi bor. Havo kunduzi 2-7 daraja sovuq bo‘ladi, kechasi 7-12 sovuq bo‘ladi.   

Markaziy Osiyo mintaqaviy iqtisodiy hamkorligi (CAREC) dasturining ishchi guruhi qishloq xoʻjaligi oliy oʻquv yurtlari tarmogʻini yaratish zarurligini muhokama qildi.

Bunday universitetlar iqlim oʻzgarishiga qarshi kurash boʻyicha tadqiqotlarni takomillashtirib, qishloq xoʻjaligi va suv resurslarini rivojlantiradi.

Tashabbus loyihasi 29-fevral va 1-mart kunlari Toshkentda boʻlib oʻtgan CAREC ishchi guruhining inson kapitalini rivojlantirish boʻyicha birinchi yigʻilishida maʼlum qilindi.

Eslatib oʻtamiz, CAREC 11 davlat va hamkorlarni oʻzida birlashtiradi. Oʻzbekiston kashkilotga 2010-yilda qoʻshilgan. Dastur Osiyo taraqqiyot banki (OTB) tomonidan 1997-yilda Markaziy Osiyo davlatlari bilan Kavkaz va Janubiy Osiyo mamlakatlari oʻrtasidagi hamkorlikni ragʻbatlantirish maqsadida boshlangan.

Avvalroq Kursiv NeMolchi.uz media-loyihasi CAREC mukofoti sovrindori boʻlgani haqida maʼlum qilgan...

«O‘zbekneftgaz»ga tegishli bo‘lgan UNG Petro yonilg‘i quyish shoxobchalari endi xususiy kompaniyaga tegishli. Bu haqda ma’lumotlar Korxona va tashkilotlarning yagona davlat reestrida mavjud.

Hujjatda yonilg‘i quyish shoxobchasining yangi egasi Petroleum Technology Group ekanligi ko‘rsatilgan. Kompaniya 2023-yil 4-oktabrda ro‘yxatga olingan.

Kompaniyaning asosiy qismi Daniyar Abdulazizovich Kamilovga (99%), qolgan qismi esa Delta Global Dynamicsga (1%) tegishli. Daniyar Kamilov sobiq tashqi ishlar vaziri, hozirda prezident huzuridagi Xavfsizlik kengashi kotibi o‘rinbosari Abdulaziz Kamilovning o‘g‘li.

Eslatib o‘tamiz, Davlat aktivlarini boshqarish agentligi o‘tgan yili UNG Petro’ni xususiylashtirish bo‘yicha maslahatchi qidirayotgan edi. Biroq xususiylashtirish natijalari hali e’lon qilinmagan. Aktivning sotuv narxi ham noma’lum.

Xorazm viloyatida joriy yilda 119 ta ko‘p qavatli uy quriladi, dedi O‘zbekiston prezidenti Shavkat Mirziyoyev.

Viloyatda ham «Yangi O‘zbekiston» massivlari qurilib, 100 ta ko‘p qavatli uy qurilishi yo‘lga qo‘yiladi.

Davlat rahbari Xiva, Shovot va Hazoraspni urbanizatsiya uchun namunaviy hududga aylantirish bo‘yicha mutasaddilarga topshiriqlar berdi.

Yil oxirigacha Urganch va Xiva, shuningdek, Gurlen va Tuproqqalʼa tumanlarida kanalizatsiya tarmoqlarini qurish ishlari boshlanadi.

Rejalarda elektr tarmoqlari, podstansiyalar va transformatorlarni to‘liq yangilash bo‘yicha uch yillik dastur ishlab chiqish ko‘zda tutilgan.

Joriy yilda 1 ming km tarmoq, o‘nta podstansiya va 500 transformator yangilanadi.

Mirziyoyev yaqin ikki yilda viloyatda birorta ham tuproq yoʻl qolmasligi...

Sayyohlar uchun «Oʻzbekiston – mening ikkinchi uyim» viza tizimi yoʻlga qoʻyiladi, bu xorijlik mehmonlarga Xorazm viloyatida bir yil cheklovsiz qolish imkonini beradi. Bu haqda prezident Shavkat Mirziyoyev Xorazmdagi yigʻilishda maʼlum qildi.

Davlat rahbari viloyatda turizm sohasini rivojlantirish boʻyicha uch yillik dastur qabul qilinishini qoʻshimcha qildi. Shuningdek, turizm Xorazmning asosiy drayverlaridan biri ekanini taʼkidladi.

Bundan tashqari, Xiva shahrida 24 soatlik restoranlar, kafelar va oziq-ovqat doʻkonlari ochiladi. Prezident Urganchda «Lazgi» va «Avesta» muzeylarini ochishni ham taklif qildi.

Urganch va mamlakatimizning boshqa shaharlariga aviachiptalar narxini pasaytirish imkonini beruvchi 30 milliard soʻmlik subsidiyalar ajratilishi rejalashtirildi.

Shuningdek, Urganch aeroportini boshqarish va modernizatsiya...

1-mart kuni O‘zbekiston Respublika valyuta birjasida dollarning o‘rtacha kursi 17,65 so‘mga ko‘tarildi va 12 514,45 so‘mni tashkil qildi.

Bugun davlat moliya institutlari dollarni 12 435 – 12 450 so‘mdan xarid qilishmoqda va 12 495 — 12 555 so‘mdan sotishmoqda.

Eslatib o‘tamiz, 29-fevral kuni O‘zbekiston Respublika valyuta birjasida AQSh valyutasining o‘rtacha kursi 11,86 so‘mga ko‘tarilgan edi.

Tashkent City Mall savdo markazida Zara kiyim-kechak do‘koni narxlarini «Kursiv» ko‘zdan kechirdi.

Ayollar uchun kiyim kechaklar narxlari bilan tanishing

Shunday qilib, koylak narxi- 1199000 so‘m, shim ham shu narxda.

Bir kostyum uchun taxminan 1,4 mln so‘m to‘lashingiz kerak bo‘ladi, qo‘l sumkasi esa 460 ming so‘mga tushadi.

Bolalar kiyimlari qancha turadi

Bolalar jinsi ko‘ylagi narxi 400 ming so‘m, hudi 260 ming so‘mdan sotib olsa bo‘ladi.

Zara 460 ming so‘mga kurtka, 560 ming so‘mlik krossovka taklif qilmoqda.

Zara erkaklarga nimani taklif qiladi

Bir futbolka 400 ming so‘m, tufli esa 1,2 mln so‘m, klassik shim 600 ming so‘m.

Kostyumni 1,4 mln so‘mga, ko‘ylakni...

1-martdan boshlab Toshkent shahrida og‘irligi o‘n tonnadan ortiq yuk avtomobillarining soat 07:00 dan 10:00 gacha va 17:00 dan 20:00 gacha harakatlanishi taqiqlandi.

Cheklovlar N2, N3 va O4 toifalardagi yuk mashinalariga tegishli. N2 – og’irligi 3,5 tonnadan ortiq yuk mashinalari. N3 – og’irligi 12 tonnadan ortiq bo’lgan transport vositalari. O4 – og’irligi o’n tonnadan ortiq tirkamalar.

Qabul qilingan chora maxsus xizmatlarga tegishli avtotransport vositalariga taalluqli emas.

Avvalroq Kursiv Toshkent, Nukus va O‘zbekiston viloyat markazlarida eski avtomobillar harakati cheklanishi haqida yozgan edi.

Urganch tumani Chakka-sholikor qishlogʻida texnopark tashkil qilinib, 2024-yil oxirigacha u yerda $100 millionlik loyihalar ishga tushiriladi. Bu haqda prezident Shavkat Mirziyoyev Xorazmda faollar bilan yigʻilishda maʼlum qildi.

Texnopark elektrotexnika, toʻqimachilik va qurilish materiallari ishlab chiqarishga ixtisoslashtiriladi.

Davlat rahbari Oʻzbekiston xalqaro kompaniyalar bilan hamkorlikda Xorazm viloyatida qiymati $10 milliarddan ortiq gaz-kimyo majmuasini qurish boʻyicha muzokaralar olib borayotganini qoʻshimcha qildi.

Yangi korxona yiliga 2,4 million tonna polimer ishlab chiqarishi kutilmoqda.

Bundan tashqari, Xorazm viloyatiga Sanoatni rivojlantirish jamgʻarmasidan $100 mln ajratiladi.

Avvalroq «Kursiv» 2023-yilda investorlarning Oʻzbekistonga investitsiya oqimi 22,1 foizga oshgani haqida ma’lum qilgan edi.

Avtomobil kreditlari uchun talablar kuchaytirilganiga qaramay, hali ham daromadni tasdiqlovchi hujjatsiz banklardan avtokreditga yangi yoki eski mashina sotib olish mumkin. Qaysi banklarda bunday kreditlar beriladi – «Kursiv» maqolasida o‘qing.

Sanoat Qurilish Bank

SQB yakka tartibdagi tadbirkorlar uchun daromadni tasdiqlovchi hujjatsiz avtokredit beradi. Bunda faqat 30 foiz oldindan toʻlovni amalga oshirish kerak boʻladi. Lekin kredit faqat rasmiy dilerdan sotib olingan yangi avtomobil uchun amal qiladi. Shuningdek, oʻtgan yilga nisbatan foiz stavkalari 25 foizga oshdi: agar avrokredit bir yil muddatda olinsa, stavka 25 foiz qilib belgilangan. Ikki yilga 27 foiz, uch yilga 28 foiz, toʻrt yilga 28 foiz va besh yil...

Buxoro shahridagi avtomobil do‘konining yerto‘lasida gaz-havo aralashmasining portlashi oqibatida bir kishi halok bo‘ldi, yana bir kishi jarohatlandi, deb xabar qildi O‘zbekiston Favqulodda vaziyatlar vazirligi.

Voqea 1-mart, juma kuni sodir bo‘lgan. Vazirlik maʼlumotlariga koʻra, portlash beton plitalarning qulashiga olib kelgan.

Eslatib o‘tamiz, joriy yilning fevral oyi boshida Andijon shahridagi ko‘p qavatli uyda gaz portlashi oqibatida bir kishi halok bo‘lgan edi.

Avvalroq «Kursiv» Toshkentda 2023-yil sentabrida sodir bo‘lgan portlash oqibatida 300 ga yaqin uy zarar ko‘rgani haqida yozgan edi.

Xorazm viloyatini ijtimoiy-iqtisodiy rivojlantirishga $1,1 milliard va 10 trillion soʻm ($799,2 million) yoʻnaltiriladi. Bu haqda prezident Shavkat Mirziyoyev Xorazmda faollar bilan yigʻilishda maʼlum qildi.

Kichik va oʻrta biznesni qoʻllab-quvvatlash uchun viloyatga $100 million ajratiladi. Ushbu tashabbus tufayli 5,5 ming xorazmlik tadbirkor qoʻllab-quvvatlanadi. Shuningdek, 50 mingda yangi ish oʻrni yaratiladi.

Davlat rahbari Amudaryo orqali oʻtadigan yangi koʻprik xorazmlik tadbirkorlarga xizmat koʻrsatish va sanoat sohasini rivojlantirish imkonini berishini qoʻshimcha qildi.

Bundan tashqari, Hazorasp erkin iqtisodiy zonasida xitoylik investorlar koʻmagida umumiy qiymati $300 millionlik toʻrtta loyiha ishga tushiriladi.

Urganch shahridagi «Al-Xorazmiy» majmuasida ishlab chiqarish binolari tadbirkorlikka oʻtkaziladi. Xorijiy investorlar koʻmagida viloyatda...

Bugun, 1-mart kuni O‘zbekiston futbol bo‘yicha Superliga bahslariga start beriladi, deb xabar beradi Professional futbol liga matbuot-xizmati.

Soat 18:00 Namanganning Navbahor klubi o‘z maydonida Samarqandning Dinamo jamoasi bilan 1-tur o‘yinlariga start berishadi.

1-turdan joy olgan ikkinchi bahs Qarshining Nasaf jamoasi Toshkentning Olimpik klubiga qarshi soat 19:15 to‘p suradi.

Eslatib o‘tamiz, o‘tgan mavsum futbol bo‘yicha O‘zbekiston chempioni poytaxtning Paxtakor klubi chempion bo‘lgan edi.

Shavkat Mirziyoyev Xorazm viloyatini ijtimoiy-iqtisodiy rivojlantirishning ustuvor vazifalari yuzasidan yig‘ilish o‘tkazdi, deb xabar beradi prezident matbuot- xizmati.

Xorazmda kichik va o‘rta biznesni qo‘llab-quvvatlash uchun imtiyozli shartlarda $100 mln ajratiladi. Bu 5,5 ming tadbirkorni qo‘llab-quvvatlash va 50 ming doimiy ish o‘rni yaratish imkonini beradi.

Kuni kecha davlat rahbari xorijlik investorlar bilan uchrashuv o‘tkazdi va umumiy qiymati $700 mln loyihalar bilan tanishdi. Yig‘ilishda mahalliy tadbirkorlarning mamlakat iqtisodiyotiga yana $200 mln sarmoya kiritish imkoniyatlari haqidagi takliflari ham muhokama qilindi.

Avvalroq «Kursiv» Xorazm viloyatida umumiy investitsiya qiymati $10 mlrddan ziyod boʻlgan yirik gaz-kimyo loyihasi ishga tushirilishini e’lon qilgan edi.

Transaction Records Analysis Center maʼlumotlariga koʻra, 2023-yilda AQShga oʻzbekistonlik 17 ming noqonuniy muhojir kirib kelgan. Bu haqdagi xabar Daily Mail nashrida chop etilgan.

Markaziy Osiyodan 40 ming muhojir Amerikada boshpana masalasi bo’yicha sud qarorlarini kutmoqda. Ular orasida O‘zbekiston fuqarolaridan tashqari 7 ming Qirg‘iziston, 3 ming Tojikiston, 2,7 ming Qozog‘iston va 2 ming Turkmaniston fuqarolari bor.

Montana shtatidan senator Stiv Daynsning aytishicha, o‘tgan yili Markaziy Osiyodan 50 ming noqonuniy muhojir Amerika chegarasini kesib o‘tgan.

AQSh hukumati muhojirlar davlat uchun xavf tug’diruvchi «terrorchi tashkilotlarning yashirin hujayralari»ning bir qismi bo’lishi mumkinligidan xavotirda.

Avvalroq Kursiv 2023-yilda O‘zbekistonning yuzdan ortiq fuqarosi...

Xorazm viloyatida 100 megavatt quvvatga ega fotoelektr stansiyasi qurilishi boshlandi. Loyiha Fransiyaning Voltalia kompaniyasi tomonidan amalga oshirilmoqda, deb xabar qildi O‘zbekiston prezidenti Shavkat Mirziyoyev matbuot xizmati.

Davlat rahbari bir kun avval Xorazm viloyatiga tashrifi chog‘ida mazkur loyihaning ishga tushirish marosimida ishtirok etdi.

«Barchangizni nafaqat Xorazm viloyati, balki butun mamlakatimiz iqtisodiyotiga yangi ruh va nafas olib kiradigan mana shunday yangi quvvatlar bilan tabriklayman», — dedi Mirziyoyev.

Voltaliya elektr stansiyasi mintaqadagi birinchi yirik ob’ekt bo’ladi. Yiliga 254 million kilovatt-soat energiya ishlab chiqaradi. Bu Xorazm viloyati ehtiyojining 11 foizini tashkil etadi.

Stansiya 2024-yil oxirigacha tarmoqqa ulanishi kutilmoqda.

Uzbekistan Airways mahalliy reyslar sonini haftasiga 140 taga yetkazadi, dedi «O‘zbekiston havo yo‘llari» AK axborot xizmati rahbari Dilorom Kaimbayeva.

Hozirda aviakompaniya haftasiga 87 ta mahalliy reyslarni amalga oshiradi.

Eslatib oʻtamiz, Uzbekistan Airways Navroʻz bayrami munosabati bilan Oʻzbekiston boʻylab parvozlar uchun chiptalar narxini pasaytiradi. Chegirmalar 21 martdan 24 martgacha amal qiladi.

Avvalroq Kursiv UzAirways Farg‘onadan Krasnoyarskga parvozlarni yo‘lga qo‘yishi haqida yozgan edi.

Uzbekistan Airways Navro‘z bayrami munosabati bilan chiptalar narxini 30 foizga pasaytiradi, dedi «O‘zbekiston havo yo‘llari» AJ axborot xizmati rahbari Dilorom Kaimbayeva.

Bu haqda u juma kuni O‘zbekiston Axborot va ommaviy kommunikatsiyalar agentligida aviakompaniyaning brifingida ma’lum qildi.

Chegirmalar 21-24 mart kunlari mintaqaviy reyslar uchun amal qiladi. Chiptalarni arzonlashtirilgan narxlarda 1 martdan 24 martgacha xarid qilish mumkin.

Avvalroq Kursiv Uzbekistan Airways aksiyadorlik jamiyati ommaga chiqishi haqida yozgan edi.

Davlat rahbari Xorazm viloyatiga tashrifi chogʻida Urganch shahrida joylashgan «Khorezm Insulation Group» qoʻshma korxonasiga boʻldi.

Majmua issiqlik izolyatsion bazalt plitalar ishlab chiqaruvchi moʻljallangan bo‘lib, kelgusi yillarda ishlab chiqarish va eksport hajmini keskin oshirishni rejalashtirmoqda.

Korxonaning yillik quvvati 30 ming tonna boʻlib, qurilish sanoatiga talab yuqori mahsulotlar yetkazib beriladi. Shuningdek, Rossiya va qoʻshni davlatlarga $10 million eksport qilish imkoniyati yaratiladi.

Ayni paytda korxonada 15 ming tonna polipropilen va polietilen tola ishlab chiqarishni yoʻlga qoʻyish boʻyicha ham ishlar olib borilmoqda. Natijada 80 ta yangi ish oʻrni yaratilishi, yana $10 millionlik eksport quvvati yaratilishi moʻljallangan.

Avvalroq «Kursiv» Xorazm viloyatida qiymati $10 milliard...

Samarqandda juma kuni ertalab kuchli qor yog‘di, shu sababli uchta samolyot shahar aeroportiga qo‘na olmadi, deb xabar berdi «Новости Ташкентского неба» Telegram kanali.

Shu tariqa, RA-73109 Aeroflot aviakompaniyasi, UK32016 Uzbekistan airways va SU6979 Rossiya aviakompaniyalarining reyslari ekipajlari muqobil aerodromga joʻnab ketish toʻgʻrisida qaror qabul qilishdi. Samolyotlar Moskva va Sankt-Peterburgdan uchgan. Samarqand o‘rniga Navoiyda qo‘nishdi.

Avvalroq «Kursiv» fevral oyi oxirida UzAirways aviakompaniyasi Kuala-Lumpurga samolyot uchish uchun tayyor emasligi sabab keyinga qoldirilganini yozgan edi.

S&P agentligi 2024-yilga bank sektori prognozi: Markaziy Osiyo va Kavkaz mamlakatlari hisobotida Oʻzbekistonda kreditlash sektori rivojlanishi ssenariysini eʼlon qildi.

Mutaxassislarning fikricha, xususiy sektorning o’sishi va yaxshi makroiqtisodiy muhit korporativ kreditlash hajmini oshirishda davom etmoqda. Bu, ayniqsa, kichik va o’rta biznes uchun to’g’ri keladi. O’sishga aholi soni va fuqarolar daromadlarining ko’payishi ta’sir qiladi. Bu omillar talabni kuchaytirmoqda va chakana savdo segmentida kredit berish hajmining o’sishiga yordam beradi. Ushbu tendensiya ipoteka kreditlari, avtomobil bozori va kafolatsiz iste’mol kreditlariga tegishli.

Shu bilan birga, ekspertlar O‘zbekiston aholi jon boshiga yalpi ichki mahsulot bo‘yicha mintaqada eng past ko‘rsatkichlardan biriga ega ekanligini ta’kidlamoqda. Bu o’sish...

O‘zbekistonning Farg‘ona vodiysida 2-3 magnitudali zilzila qayd etildi, deb xabar berdi mamlakat Favqulodda vaziyatlar vazirligi Seysmoprognostik monitoring markazi.

Mahalliy vaqt bilan soat 05:22 da Quva tumani aholisi uch magnitudali yer silkinishini his qildi. Balandligi 3,5 ballni tashkil qilgan.

Zilzila Marhamat, Toshloq, Asaka, Shahrixon tumanlarida, Farg‘ona va Quvasoy shaharlarida ham sezilgan. Bu hududlarda silkinishlar kuchi ikki ballni tashkil qilgan.

Avvalroq «Kursiv» 30-yanvar kuni Xitoyning Qirg‘iziston bilan chegarasida kuchli zilzila sodir bo‘lgani haqida e’lon qilgan edi. Uning aks-sadolari O‘zbekistonda ham sezilgan edi.

Xorazm viloyatida 2024-2028-yillarda yirik gaz-kimyo loyihasi amalga oshirilishi rejalashtirilmoqda. Bu haqda prezidenti matbuot xizmati xabar berdi.

Davlatimiz rahbari viloyatga tashrif buyurib, mazkur loyihani amalga oshirish yuzasidan yigʻilish oʻtkazdi. Yigʻilishda Oʻzbekiston Energetika vazirligi, «Oʻzkimyosanoat» AJ va nomi oshkor etilmagan xorijiy investitsiya kompaniyasi vakillari ishtirok etdi.

Loyiha doirasida yiliga 2,5 million tonna mahsulot ishlab chiqarilishi kutilmoqda. Shuningdek, viloyatda uch mingta yangi ish oʻrni paydo boʻladi. Jalb qilingan investitsiyalarning umumiy qiymati $10 milliardga baholanmoqda.

Avvalroq «Kursiv» Xorazm viloyatida loyiha qiymati $660 millionlik sarmoyaviy loyihalarni amalga oshirish rejalashtirilayotgani haqida xabar bergan edi.