Yangiliklar

Shavkat Mirziyoyev ko‘p xonadonli uy-joy fondini boshqarish tizimini takomillashtirish va aholiga ko‘rsatilayotgan xizmatlar sifatini oshirishga qaratilgan takliflar taqdimoti bilan tanishdi. Bu haqda prezident matbuot xizmati ma’lum qildi.

Qayd etilishicha, hozirda mamlakatda 44 mingdan ortiq ko‘p kvartirali uyda 7,1 mln nafar aholi istiqomat qiladi. Ularga 900 dan ziyod boshqaruv servis kompaniyalari va 200 dan ortiq shirkatlar xizmat ko‘rsatmoqda, 856 ta uyda esa o‘zini o‘zi boshqarish tizimi joriy etilgan.

Ta’kidlanishicha, boshqaruv kompaniyalarining aksariyati majburiy badallar hisobidan faoliyat yuritmoqda, sohaga investitsiya kiritishga qiziqish yetarli emas. Ekspertlar hisob-kitoblariga ko‘ra, yirik shahar va viloyat markazlarida boshqaruv servis kompaniyalarining yashirin daromadlari rasmiy tushumlardan kamida...

15-yanvar sanasi internet ensiklopediyasi, aviatsiya tarixidagi qahramonlik va inson huquqlari kurashchilarining tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1918-yili Misrning ikkinchi prezidenti va arab dunyosining yirik siyosiy arboblaridan biri Jamol Abdul Nosir tavallud topdi. 1952-yilgi Misr inqilobining yetakchisi bo‘lgan Nosir Suvaysh kanalini milliylashtirishi, Asvan to‘g‘onini qurishi hamda Qo‘shilmaslik harakatining asoschilaridan biri sifatida xalqaro maydonda katta obro‘ga ega bo‘lgan.

1929-yilda AQSh fuqarolik huquqlari harakati yetakchisi Martin Lyuter King dunyoga keldi. 1964-yilda Tinchlik bo‘yicha Nobel mukofotiga sazovor bo‘lgan baptist ruhoniysi irqiy kamsitishlarga qarshi zo‘ravonliksiz kurash olib borgan va uning Vashingtondagi Linkoln memoriali oldida...

15-yanvar kuni O‘zbekiston hududida ob-havo o‘zgaruvchan bo‘lib, ayrim joylarda yomg‘ir yoki qor yog‘ishi, tog‘li hududlarda tuman tushishi mumkin. Kunduzi +4…+15°, kechasi -5…+10° atrofida bo‘ladi.

Quyida ob-havo ma’lumoti viloyatlar kesimida:

Javohir Sindarov Titled Tuesday turniri g‘olibiga aylandi, Tailandda yo‘lovchi poyezdiga kran quladi — Kursiv Uzbekistan tomonidan e’lon qilingan 14-yanvarning muhim hodisalari.

Javohir Sindarov Titled Tuesday turniri g‘olibiga aylandi

O‘zbekistonlik shaxmatchi Javohir Sindarov nufuzli Titled Tuesday onlayn turnirida g‘oliblikni qo‘lga kiritdi. Umumiy mukofot jamg‘armasi $3 mingni tashkil etgan musobaqada 440 nafar ishtirokchi bellashdi. Sindorov musobaqa davomida deyarli barcha o‘yinlarda g‘alaba qozonib, faqat vatandoshi Nodirbek Abdusattorov va perulik Renato Terri bilan durang o‘ynadi. Bu barqarorlik unga yakunda birinchi o‘rinni taqdim etdi.

«Manchester Siti» «Nyukasl»ni yengan o‘yinda Husanov eng yuqori ballga loyiq ko‘rildi

Angliya Liga Kubogi yarim finalida «Manchester Siti...

Xitoyda Volkswagen Magotan sedanining zaryadlanadigan gibrid versiyasi rasman tasdiqlandi. Bu haqda ITHome nashri ma’lum qildi.

Yangi Magotan PHEV modeli 22 kV·soat sig‘imli batareya bilan jihozlangan bo‘lib, toza elektr energiyasida 127 kmgacha masofani bosib o‘tish imkonini beradi. Avtomobil tashqi ko‘rinishi bilan odatiy benzinli Magotan B9 dan faqat ko‘k dekorativ elementlari bilan farq qiladi.

Gibridning o‘lchamlari 4990 x 1854 x 1491 mm, g‘ildirak bazasi esa 2872 mm, bu esa Magotan B9 ni Yevropa Passat B9 modelidan taxminan 10 sm uzunroq qiladi. Magotan PHEV kuch tizimi 129 ot kuchiga ega 1,5 litrli turbobenzin dvigateliga asoslangan, elektromotor quvvati esa hozircha e’lon qilinmagan.

Google Pixel 10a smartfoni rasmiy tasvirlarda namoyon bo‘ldi. Bu haqda AndroidHeadlines ma’lum qildi.

Unga ko‘ra, surat Google tomonidan tasdiqlangan rasmiy tasvir hisoblanadi. Smartfon dizayni avvalgi Pixel 9a modeliga deyarli o‘xshash. Kichik moduldagi ikkita kamera va ekran atrofidagi keng ramka saqlanib qolgan.

Yangi model texnik xususiyatlari bo‘yicha ham katta o‘zgarishlarni olmaydi. U 6,3 dyuymli ekran, 120 Gts yangilanish tezligi, bazaviy versiyada 8/128 GB xotira va 5100 mA·soat quvvatga ega batareya bilan jihozlanadi. Platforma ham katta ehtimol bilan Tensor G4 bo‘ladi.

Eslatib o‘tamiz, avvalroq Google Pixel smartfonlari uchun dekabr oyidagi yangilanishda 33 ta xatolik tuzatilgan edi.

Lufthansa Group 850 ta samolyotini yuqori tezlikdagi Starlink interneti bilan jihozlaydi. Bu haqda aviakompaniya rasmiy sahifasida ma’lum qilindi.

Hamkorlik doirasida guruhga qarashli barcha samolyotlar, jumladan Lufthansa, Eurowings, Brussels Airlines va boshqa aviakompaniyalar internet bilan ta’minlanadi. Yangilanish taxminan 850 ta samolyotni qamrab oladi, bu mavjud flotta va yangi qo‘shilayotgan samolyotlarni o‘z ichiga oladi.

2026-yildan boshlab yo‘lovchilar parvoz paytida internetdan foydalanish imkoniyatiga ega bo‘ladi. Yuqori tezlikdagi internet orqali video tomosha qilish, bulut xizmatlarida ishlash va boshqa tez ulanish talab qiladigan ilovalardan foydalanish mumkin bo‘ladi.

Internet barcha yo‘lovchilar uchun bepul bo‘ladi. Shuningdek Travel ID foydalanuvchilari ham barcha xizmat sinflarida undan...

O‘zbekiston va Qozog‘iston o‘rtasidagi havo qatnovini kengaytirish doirasida Toshkent – Atirov – Toshkent yo‘nalishi bo‘yicha yangi aviaqatnovlar yo‘lga qo‘yilmoqda. Bu haqda Uzbekistan Airways ma’lum qildi.

Unga ko‘ra, aviakompaniya mazkur yo‘nalish bo‘yicha parvozlarni 2026-yil 30-martdan boshlab amalga oshiradi. Reyslar haftada ikki marta – dushanba kunlari kunduzgi, juma kunlari esa kechki vaqtda bajariladi.

Mazkur yo‘nalish bo‘yicha aviachiptalar narxi 1,9 mln so‘mdan boshlanadi. Chiptalarni booking.uzairways.com sayti, mobil ilova, Uzbekistan Airways Sales filiallari hamda rasmiy agentliklar orqali xarid qilish mumkin.

Ma’lumot uchun, Atirov shahri Ural daryosi bo‘yida joylashgan bo‘lib, Qozog‘istonning yirik biznes va sanoat markazlaridan biri hisoblanadi.

Eslatib o‘tamiz, avvalroq Namangan va...

Shavkat Mirziyoyev energiya samaradorligini oshirish hamda elektr energiyasi ta’minotida bozor mexanizmlarini joriy etish masalalariga bag‘ishlangan taqdimot bilan tanishdi. Bu haqda prezident matbuot xizmati ma’lum qildi.

Unga ko‘ra, energiya samaradorlik sohasidagi islohotlarni tizimli olib borish maqsadida o‘tgan yilda maxsus agentlik tashkil etildi. Ushbu agentlikka 2030-yilgacha iqtisodiyotda energiya sarfini kamida 20 foizga, davlat idoralari va ijtimoiy obyektlarda esa 15 foizga qisqartirish vazifasi yuklatilgan. Taqdimotda agentlikning 2026-yilga mo‘ljallangan faoliyat rejalari ko‘rib chiqildi.

Mamlakatdagi ko‘plab binolar o‘tgan asrning 60 – 70-yillarida qurilgani bois energiya tejamkorlik darajasi pastligicha qolmoqda. Shu sababli ijtimoiy obyektlar va aholi turar joylarini energiya samarador obyektlarga aylantirish bo‘yicha keng...

Tayvan prokuraturasi OnePlus hammuassisi va Oppo mahsulotlar bo‘yicha rahbari Pit Launi hibsga olishga order berdi. U 70 dan ortiq tayvanlik muhandislarni noqonuniy yollashda hamda $73 mlnga yaqin mablag‘ni soliq to‘lamasdan o‘tkazishda gumonlanmoqda.

2014-yilda Pit Lau Tayvanda OnePlus ilovalari uchun dasturiy ta’minot ishlab chiquvchi, testdan o‘tkazuvchi va tekshiruvchi maxfiy guruh tuzishga kelishgan. Faoliyat zarur yuridik ruxsatnomalarsiz boshlangan bo‘lib, moliyalashtirish va maoshlar Gonkongdagi vositachilar orqali aylanma yo‘llar bilan amalga oshirilgan.

Lau bilan birga uning qo‘l ostida ishlagan ikki nafar Tayvan fuqarosiga ham ayblov e’lon qilindi. Ularga «Tayvan va Xitoy xalqlari o‘rtasidagi munosabatlar to‘g‘risidagi qonun»ni buzish aybi qo‘yilgan. Tayvan hukumati Xitoy texnologiya...

2025-yilning dekabr oyida O‘zbekistondagi 10 ta bank va 1 ta mikromoliya tashkilotiga nisbatan jarima sanksiyasi qo‘llandi. Bu haqda Markaziy bank hisobotida keltirilgan.

Qayd etilishicha, ular Markaziy bank talablari, o‘tkazilgan inspeksiya tekshiruvlari hamda jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish qoidalariga rioya etmagan.

Shuningdek, prudensial normativ talablariga rioya etilmagani, faoliyatini qonunchilik talablariga muvofiqlashtirmagani hamda inspeksiya tekshiruvlari davomida aniqlangan kamchiliklar uchun 10 ta bank, 1 ta to‘lov tashkiloti va 1 ta to‘lov operatoriga nisbatan ta’sir choralari va sanksiyalar qo‘llanilishi to‘g‘risida ogohlantirish berildi.

O‘tgan oy davomida jami 45 ta masala ko‘rib chiqilgan va...

Joriy yilda «AvtoVAZ» Lada Vesta modeli uchun dvigatellarni yangilashni rejalashtirmoqda. Auto.ru xabariga ko‘ra, gap 1,6 va 1,8 litrli motorlar haqida ketmoqda. Hozirda 1,6 litrli dvigatel 106 ot kuchi, 1,8 litrli Evo versiyasi esa 122 ot kuchiga ega.

«AvtoVAZ» vakillari yangi dvigatellarning texnik tafsilotlarini hozircha ochiqlamadi. Biroq avvalroq ma’lum qilinganidek, ushbu dvigatellar Lada Azimut modeli uchun qayta ishlanadi va ularning quvvati 1,6 litrda 120 ot kuchi, 1,8 litrda 132 ot kuchini tashkil etadi. Kutilishicha, aynan shu kuchaytirilgan motorlar Lada Vesta modeliga ham o‘rnatiladi.

Lada Iskra esa yangilangan 1,6 litrli dvigatelga ega bo‘ladi. Natijada Iskra modelining eng kuchli versiyasi 120 ot...

Qozog‘iston Tashqi ishlar vazirligi 13-yanvar kuni Qora dengizda Kaspiy quvurlari konsorsiumi dengiz terminaliga yo‘l olgan uchta tankerga dronlar orqali qilingan hujumlar yuzasidan munosabat bildirdi.

Unga ko‘ra, yuzaga kelgan vaziyat yuzasidan Yevropaning bir qator davlatlari elchilari bilan favqulodda uchrashuvlar o‘tkazilgan, shuningdek, AQSh tomoni va boshqa xorijiy hamkorlar bilan aloqalar olib borilgan. Ushbu muloqotlarda uglevodorodlarni, jumladan, dengiz yo‘llari orqali tashish xavfsizligini xalqaro huquq normalariga qat’iy rioya etgan holda ta’minlash bo‘yicha samarali choralar ko‘rish zarurligi alohida ta’kidlangan.

Qozog‘iston TIV mamlakat hech qanday qurolli mojaroda ishtirokchi emasligini, global va Yevropa energetika xavfsizligini mustahkamlashga muhim hissa qo‘shib kelayotganini hamda energiya resurslari yetkazib berilishini xalqaro...

Qirg‘iziston yengil avtomobillar savdosida 2029-yil 1-yanvargacha amal qiladigan keng ko‘lamli soliq imtiyozlari joriy etilganini rasman e’lon qildi. Bu haqda mamlakatning Davlat soliq xizmati xabar berdi.

Iqtisodiy qo‘llab-quvvatlash to‘g‘risidagi qonunni amalga oshirish doirasida Soliq kodeksiga o‘zgartirishlar kiritildi. Yangi qoidalar jismoniy shaxslar uchun ikkilamchi bozor qoidalarini tubdan o‘zgartiradi.

Jismoniy shaxslar tomonidan yengil avtomobillar savdosi endi tadbirkorlik faoliyati hisoblanmaydi, hatto jismoniy shaxs bir kalendar yilida ikkitadan ortiq avtomobil sotgan taqdirda ham. Ilgari bunday operatsiyalar biznes sifatida tasniflanishi va ro‘yxatdan o‘tish va soliq to‘lashni talab qilishi mumkin edi.

Shuningdek, avtotransport vositalari bilan bog‘liq operatsiyalar uchun asosiy soliq yig‘imlariga to‘liq moratoriy joriy etildi...

Xitoyning Milliy neft-gaz kompaniyasi (CNPC) Turkmanistonning ulkan «Galkinish» gaz konining To‘rtinchi bosqichi deb nomlangan sektorida ishlarni boshlashga tayyorgarlik ko‘rmoqda. Bu haqda Turkmaniston hukumatining hisobotida keltirilgan.

Ushbu sektor to‘liq quvvat bilan ishlay boshlagach, yiliga taxminan 30 milliard kubometr gaz ishlab chiqarishi kutilmoqda. To‘rtinchi bosqichni rivojlantirish uchun barcha mablag‘ni Turkmaniston taqdim etmoqda.

Ashxobod u yerdan chiqqan gazni qayerga jo‘natishni rejalashtirayotgani haqida hech qanday ma’lumot bermagan. Hukumat hisobotida Xitoy hozirda turkman gazining eng yirik xaridor ekani va yiliga taxminan 40 milliard kubometr gaz sotib olishi ta’kidlangan.

Unda, shuningdek, eksport yo‘nalishlarini diversifikatsiya qilish Turkmaniston gaz siyosatining asosi bo‘lib qolmoqda deya ta’kidlanadi va...

Kaliforniyada joylashgan Galactic Resource Utilization Space (GRU) startapi Oyda joylashadigan ilk mehmonxona loyihasi uchun bronlarni ochdi. Bu haqda Space.com nashri xabar berdi.

Kompaniya ma’lumotiga ko‘ra, badavlat sarguzasht ixlosmandlari Oyda dam olish uchun oldindan $1 million depozit to‘lab, birinchi mehmonlar safidan joy egallashi mumkin.

GRU’ning ta’kidlashicha, mehmonxona 2032-yilga qadar ishga tushirilishi rejalashtirilgan. Bu obyekt yer tashqarisida doimiy barpo etiladigan ilk inshoot bo‘lishi kutilmoqda. Qurilish ishlari 2029-yilda, zarur ruxsatnomalar olinganidan so‘ng boshlanishi mumkin.

Loyihaga ko‘ra, mehmonxona Oy tuprog‘ini maxsus texnologiyalar yordamida mustahkam qurilish materialiga aylantirish orqali bunyod etiladi. Kompaniya bu jarayon uchun o‘ziga xos modulli yashash tizimi va avtomatlashtirilgan ishlab chiqarish...

2025-yil yanvar – dekabr oylarida O‘zbekistonda 427 mingdan ortiq avtomobil sotildi. Yil yakunlariga ko‘ra, Chevrolet yetakchilikni saqlab qolgan bo‘lsa-da, sotuv hajmida pasayish qayd etildi, Kia’da esa barqaror o‘sish kuzatildi.

2025-yilda Chevrolet sotuvi 355,3 ming donani tashkil etdi va bozor ulushi 83,2 foizga tushdi. Taqqoslash uchun, 2024-yilda ushbu ko‘rsatkich 87,9 foiz edi. Bu Chevrolet ulushida pasayish borligini ko‘rsatmoqda.

Kia aksincha o‘sish qayd etdi. 2025-yilda brend 25,7 mingta avtomobil sotib, bozorning 6,0 foizini egalladi. 2024-yilda Kia ulushi 4,8 foiz bo‘lgan. BYD ham ijobiy dinamika ko‘rsatdi: 2025-yilda ulushi 5,6 foizga yetdi, 2024-yilda esa bu ko‘rsatkich 4,3 foiz edi.

Chery bozordagi ulushini...

Ijtimoiy tarmoqlarda Toshkent shahar hokimi Shavkat Umurzoqov nomidan foydalanib ochilgan soxta akkauntlar orqali fuqarolarga murojaatlar yo‘llanayotgani aniqlandi. Bu haqda shahar hokimligi matbuot xizmati xabar berdi.

Ushbu akkauntlarda hokimning rasmi, ismi va familiyasidan foydalanilib, turli xabarlar yuborilmoqda.

Shahar hokimligi matbuot xizmati rasmiy bayonot bilan chiqib, hokim nomidan shaxsiy yozishmalar olib borayotgan yoki turli iltimos va takliflar bilan murojaat qilayotgan barcha akkauntlar soxta ekanini ma’lum qildi. Fuqarolardan bunday sahifalarga ishonmaslik va ular bilan muloqotga kirishmaslik qat’iyan so‘ralmoqda.

Qayd etilishicha, Toshkent shahar hokimi yoki hokimlikka aloqador mansabdor shaxslar aholi bilan shaxsiy tartibda xabar almashmaydi. Rasmiy sahifa yoki aloqa kanali ochiladigan bo‘lsa, bu...

OpenAI ish qidirishni soddalashtirish, rezyumeni yaxshilash uchun mo‘ljallangan virtual karyera yordamchisi – ChatGPT Jobs uchun yangi funksiyani sinovdan o‘tkazmoqda. Bu haqda Hi-Tech Mail xabar berdi.

Nashrning yozishicha, sog‘liqni saqlash muammolariga bag‘ishlangan ChatGPT Health bo‘limi ishga tushirilgandan ko‘p o‘tmay, debyut qilingan ushbu funksiya ChatGPT’ni kundalik vazifalar uchun universal ilovaga aylantirishga qaratilgan yana bir urinishdir.

Jobs funksiyasi ChatGPT’dan shaxsiy karyera maslahatchisi sifatida foydalanish imkonini beradi. Uning yordamida nomzod rezyumesini tahrirlashi, mehnat bozorida o‘zini to‘g‘ri va kuchli qilib ko‘rsatishi yoki karyera rejasini tuzishi mumkin. Funksiya tavsifida uchta asosiy yo‘nalish ko‘rsatilgan. Ular rezyume va professional profilni yaxshilash, mos ish o‘rinlarini topish va boshqa...

O‘zbekiston Janubiy Koreya granti asosida 100 ta zamonaviy tez yordam avtomashinasi xarid qiladi. Bu haqda Sog‘liqni saqlash vazirligi matbuot xizmati xabar berdi.

Sog‘liqni saqlash vaziri o‘rinbosari boshchiligidagi delegatsiya Koreya Respublikasiga tashrifi doirasida DK Consultants kompaniyasi rahbariyati bilan uchrashuv o‘tkazdi. Muzokaralarda sog‘liqni saqlash sohasidagi ikki tomonlama hamkorlikni yanada kengaytirish hamda istiqbolli loyihalarni amalga oshirish masalalari muhokama qilindi.

Uchrashuv davomida respublikada 103 tez tibbiy yordam xizmatini takomillashtirish maqsadida kompaniya tomonidan ajratiladigan grant mablag‘lari hisobidan 100 ta tez tibbiy yordam avtomashinasini yetkazib berishni nazarda tutuvchi, qiymati $7 millionga teng memorandum imzolandi.

Kelishuvga muvofiq, ushbu zamonaviy rusumdagi transport vositalarini 2026-yilning birinchi yarmida xarid...

15-yanvar uchun valyutalar kursi yangilandi. Unga ko‘ra, dollar 46,33 so‘mga pasayib, 12 001,71 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

7-yanvar kuni 16,35 so‘mga oshib, 11 968,59 so‘mga, 8-yanvarda 64,69 so‘mga oshib, 12 033,28 so‘mga, 9-yanvarda esa 75,74 so‘mga oshib, 12 109,02 so‘mga yetdi. Dollar hafta boshi uchun yuqoriladi: 12-yanvarda 22,53 so‘mga oshib, 12 131,55 so‘mni tashkil etdi. 13-yanvarda 32,37 so‘mga pasayib, 12 099,18 so‘m, 14-yanvarda esa 51,14 so‘mga pasayib, 12 048,04 so‘m etib belgilandi.

Markaziy bank ma’lumotlariga ko‘ra, yevro 78,08so‘mga pasayib, 13 984,39 so‘mni, rubl...

DxOMark mutaxassislari o‘tkazgan sinovda Xiaomi 15T Pro kamerasi Galaxy S25 Ultra darajasida baholandi. Qurilma flagmanlar qatoriga juda yaqin ekanini ko‘rsatdi.

Xiaomi 15T Pro asosiy kamera sifatida 50 MP, 1/1,31 dyuymli yirik sensor bilan jihozlangan. Shuningdek, 50 MP telekamera va 12 MP keng burchakli modul mavjud. Testlarda smartfon jami 149 ball oldi. Foto uchun 152 ball, video uchun esa 144 ball berildi.

Bu ko‘rsatkich bilan Xiaomi 15T Pro umumiy reytingda 28-o‘rinni egalladi. U DxOMark ro‘yxatida Honor Magic7 Pro va Samsung Galaxy S25 Ultra bilan bir qatorda joylashdi. Taqqoslash uchun, Xiaomi’ning haqiqiy foto-flagmani hisoblangan Xiaomi 15 Ultra 159 ball bilan ancha...

«Milliy tiklanish» demokratik partiyasi fraksiyasi rahbari Alisher Qodirov maktabni tugatganlarni 1,5 yillik armiyaga yuborishni taklif qildi. Bu haqda u o‘z Telegram sahifasida yozdi.

U dunyo ayni paytda inqirozlar davriga kirayotgani, bu qancha davom etishi va qanday yakunlanishini taxmin qilib bo‘lmasligini yozgan. Qodirov bunday vaziyatda milliy taraqqiyot uchun yoshlarning nafaqat bilimli, hunarli va raqobatbardosh, balki jasur, intizomli, sog‘lom va harbiylardek fikrlay olishi ham zaruratga aylanayotganini ta’kidlagan.

Deputatning yozishicha, bundan buyon virtual, sun’iy va yuqori texnologiyalar nafaqat daromad ko‘rish, balki vatan sarhadlari va manfaatlarini himoya qilish uchun ham hayotiy ahamiyatga ega bo‘ladi.

Partiya raisi maktablardagi chaqiruvga tayyorlash fani mazmunini tubdan qayta...

Apple ijodkorlar uchun mo‘ljallangan yangi Creator Studio obuna paketini taqdim etdi. Bu haqda kompaniya rasmiy sahifasida ma’lum qildi.

Unga ko‘ra, mazkur paket video montaj, musiqa yaratish va vizual dizayn bilan shug‘ullanuvchi foydalanuvchilar uchun mo‘ljallangan bir nechta professional ilovalarni yagona obuna orqali taqdim etadi.

Creator Studio obunasi oyiga $12,99 yoki yiliga $129 etib belgilangan. Talabalar va ta’lim muassasalari xodimlari uchun esa maxsus narxlar joriy qilinadi: oyiga $2,99 yoki yiliga $29,99. Obuna 28-yanvardan boshlab ishga tushadi va yangi foydalanuvchilarga bir oylik bepul sinov muddati taqdim etiladi.

Paket tarkibiga Mac va iPad uchun Final Cut Pro, Logic Pro va Pixelmator Pro ilovalari...