Yangiliklar

Oʻzbekiston Respublikasi prezidenti, Qurolli Kuchlar Oliy Bosh Qoʻmondoni Shavkat Mirziyoyev Chirchiq aviatsiya ta’mirlash zavodiga tashrif buyurdi. Bu haqda davlat rahbar matbuot xizmati ma’lum qildi.

Unga ko‘ra, Mirziyoyev zavodda amalga oshirilgan modernizatsiya ishlari va yangi yuqori texnologik boʻlinmalar faoliyati bilan tanishdi. Korxona negizida MDH va mintaqada yagona boʻlgan Airbus vertolyotlariga texnik xizmat koʻrsatish markazi ishga tushirilgani ma’lum qilindi.

Mazkur markaz «Airbus» kompaniyasi tomonidan rasmiy sertifikatsiyadan oʻtkazilgan boʻlib, ishlab chiqarish jarayonlari xalqaro standartlar va ishlab chiqaruvchi talablariga mos ekani tasdiqlangan. Bu yerda H-125, H-215 va H-130 rusumli vertolyotlar uchun servis va ta’mirlash ishlarining toʻliq majmuasi yoʻlga qoʻyilgan.

Markaz Oʻzbekistonni Airbus...

Saudiya Arabistonida bo‘lib o‘tayotgan U-23 Osiyo kubogida Ravshan Haydarov boshchiligidagi jamoa Janubiy Koreyani mag‘lub, etib C guruhni peshqadam sifatida yakunladi.

Uchrashuvning birinchi taymida hisob ochilmadi. Tomonlar ehtiyotkor harakat qilishdi. Ikkinchi taymning 48-daqiqasida Behruz Karimov jarima maydonchasi ichida kuchli zarba yo‘llab hisobni ochdi. 70-daqiqada Saidumarxon Saidnurullayev hisobni 2:0 ko‘rinishiga olib keldi.

Bu natija bilan O‘zbekiston o‘z guruhida birinchi o‘rin bilan pley-off bosqichiga yo‘l oldi. Guruhdagi ikkinchi bahsda Livan va Eron o‘zaro kuch sinashdi. Eronliklar kutilmaganda oxirgi o‘rindagi Livanga 1:0 hisobida imkoniyatni boy berib, musobaqani tark etdi.

Avvalroq Kursiv Uzbekistan U-23 Osiyo kubogida O‘zbekiston Eron bilan durang o‘ynagani haqida xabar...

Toshkentdagi Zamonaviy san’at markazi 21-mart kuni jamoatchilik uchun ochilishi arafasida o‘zining birinchi yillik faoliyati dasturini e’lon qiladi. Bu haqda O‘zbekiston Madaniyat va san’atni rivojlantirish jamg‘armasi Kursiv Uzbekistan’ga ma’lum qildi.

Ma’lum qilinishicha, dastur jamg‘arma raisi Gayane Umerova ko‘magida amalga oshirilmoqda. Ushbu san’at markazi StudioKO’ning taniqli fransuz me’morlari tomonidan qayta ta’mirlangan, 1912-yilda qurilgan sanoat binosida joylashadi. U yerda kutubxona, ijod ustaxonalari va kafe o‘rin olgan.

Barchaga ochiq va bepul bo‘lgan markaz faoliyatining birinchi yili uchun o‘z dasturini e’lon qildi. Unda aytilishicha, ushbu tashkilot jamg‘armaning O‘zbekiston bo‘ylab madaniy infratuzilmaga uzoq muddatli sarmoyasining bir qismi bo‘lib, kelajak avlodlar uchun kreativ sanoat tarmoqlari imkoniyatlarini qo‘llab-quvvatlash...

Shavkat Mirziyoyevning harbiylar bilan o‘tkazgan yig‘ilishida askarlarga muddatli harbiy xizmatni o‘tash davrida harbiy qismning o‘zida oliy ta’lim muassasalariga kirish imtihonlarini topshirish imkoniyati yaratilishi ma’lum qilindi.

Unga ko‘ra, test sinovlaridan muvaffaqiyatli o‘tib, talabalikka qabul qilingan yoshlar xizmat muddati yakunlangach, bevosita oliygohda o‘qishni boshlaydi.

Shuningdek, armiyadan qaytib, oliy ta’lim olishni rejalashtirgan yoshlarga xorijiy til va fan sertifikatlarini olish bilan bog‘liq xarajatlar qoplab beriladi. Agar ular oliygohlarga kontrakt asosida qabul qilinsa, foizsiz ta’lim krediti ajratiladi.

Shu bilan birga, tadbirkorlik bilan shug‘ullanish istagidagi yoshlarga ajratiladigan kreditlar bo‘yicha 6 foizlik xarajat davlat tomonidan qoplanadi. Davlat tashkilotlariga ishga kirishda esa Boshqaruv samaradorligi agentligi tomonidan o‘tkaziladigan...

O‘zbekistonda sotuvga tayyorlanayotgan yangi Damas 3 You Tube’dagi Sherxon Nusratulloyev nomli avtobloger tomonidan real sharoitda sinovdan o‘tkazildi. Avtomobil tashqi ko‘rinishi, salon hajmi, texnik qismi va qulayligi bo‘yicha avvalgi Damasdan sezilarli darajada farq qiladi.

Maqolada quyidagilar haqida so‘z boradi:

Tashqi ko‘rinish va o‘lchamlar;

Dvigatel va texnika;

Salon va qulaylik;

Yukxona va narx.

Tashqi ko‘rinish va o‘lchamlar

Yangi Damas korpusi ancha kattalashgan. Eski model uzunligi 3495 mm bo‘lgan bo‘lsa, yangi versiyada bu ko‘rsatkich 4425 mmga yetgan. Ya’ni avtomobil qariyb 40 sm dan ko‘proq uzaygan. Bu, ayniqsa, salon va yukxona hajmida...

Ozodlikdan mahrum qilingan Akmal Shukurovni qamoqdan chiqarish qarori bilan keng jamoatchilikning noroziligiga sabab bo‘lgan Toshkent shahar jinoyat ishlari bo‘yicha sudlov hay’atining 3 nafar sudyasi protsessual tartibda qo‘lga olindi. Bu haqda «Ezgulik» inson huquqlari jamiyati rahbari Abdurahmon Tashanov ma’lum qildi.

Uning yozishicha, Jinoyat kodeksining 231-moddasi (adolatsiz hukm, hal qiluv qarori, ajrim yoki qaror chiqarish) va boshqa moddalari bilan jinoiy javobgarlikka tortilgan sudyalar Muxtarama Turgunova, Odilbek Ilxomjonov va Mirziyod Abidov Jinoyat-protsessual kodeksining 221-moddasi tartibida ushlangan. Qo‘zg‘atilgan jinoyat ishi doirasida tergov harakatlari olib borilmoqda.

Hozircha holat yuzasidan rasmiy xabar berilmadi.

Oldinroq Sudyalar oliy kengashi qaroriga muvofiq, yozma arizasiga binoan hamda odil sudlovni amalga...

O‘zbekistonda Mudofaa vazirligi ofitserlarining ko‘p yillik xizmat uchun ustamalari ikki baravar oshiriladi. Bu haqda prezident boshchiligida bo‘lib o‘tgan yig‘ilishda ma’lum qilindi.

Unga ko‘ra, 1-apreldan boshlab Mudofaa vazirligi ofitserlarining ko‘p yillik xizmat uchun ustamalari ikki baravar oshirilib, kontrakt asosida xizmat qilayotgan askar va serjantlar maoshi 10 foizga ko‘paytiriladi. Harbiy bo‘lmagan xizmatchilar oyligi esa joriy yilda 20 foizga, kelasi yilda yana 50 foizga oshiriladi.

Bundan tashqari, 30 yildan ortiq xizmat qilgan harbiylar uchun pensiya hisoblashda inobatga olinadigan oylik miqdori 75 foizdan 100 foizga yetkaziladi, harbiylar uchun uy-joy qurilishi kengaytiriladi.

Avvalroq «Kursiv» nashri O‘zbekiston Mudofaa doktrinasi qayta ko‘rib chiqilishi haqida yozgandi.

Shu yilning 23-yanvar kunidan boshlab O‘zbekiston bank tizimida moliyaviy qiyinchiliklarga duch kelgan qarz oluvchilarning kreditlarini tasniflashning yangi tartibi kuchga kiradi. Bu haqda Markaziy bankning media muloqotida ishtirok etgan Kursiv Uzbekistan muxbiri xabar berdi.

Yangi tartibga ko‘ra, ayrim ijtimoiy va hayotiy holatlar sabab to‘lovlar kechiktirilgan yoki muddati uzaytirilgan taqdirda, kredit sifati avtomatik ravishda yomonlashgan deb baholanmaydi.

Xususan, qarz oluvchining murojaatiga asosan to‘lov muddati birinchi marta kechiktirilganda yoki uzaytirilganda, bunday kreditlar qayta ko‘rib chiqilgan aktivlar sifatida tasniflanmaydi. Bu banklar va mijozlar o‘rtasidagi munosabatlarda yanada moslashuvchan yondashuvni ta’minlashga qaratilgan.

Yangi qoidalarga ko‘ra, quyidagi holatlar moliyaviy qiyinchilik sifatida e’tirof etiladi, biroq belgilangan muddatlar doirasida...

13-yanvar kuni Markaziy bank tomonidan banklarni tartibga solish va nazorat qilish sohasida 2025-yilda amalga oshirilgan ishlar hamda 2026–2027-yillarga mo‘ljallangan ustuvor rejalar yuzasidan navbatdagi media-muloqot o‘tkazildi.

Tadbir davomida mamlakat bank-moliya tizimi barqarorligini oshirish, shuningdek, bank faoliyatini tartibga soluvchi qonunchilikni takomillashtirish borasida amalga oshirilgan muhim islohotlar va kelgusi rejalar muhokama qilindi.

FSAP: «banklar» tizimi ilk bor kompleks xalqaro baholandi

2025-yilda O‘zbekiston bank-moliya tizimi Moliyaviy sektorni baholash dasturi (FSAP) doirasida ilk bor to‘liq xalqaro baholashdan o‘tkazildi. Baholash Xalqaro valyuta jamg‘armasi va Jahon banki tomonidan amalga oshirildi.

FSAP doirasida banklarni tartibga solish va nazorat qilish, tizimli xatarlarni boshqarish, stress-testlash, inqirozlarni hal etish mexanizmlari...

Google kompaniyasi Android 16 operatsion tizimi uchun 2026-yil yanvar oyi xavfsizlik yangilanishini taqdim etdi. Mazkur dasturiy ta’minot Pixel 7a va undan keyingi modeldagi smartfon hamda planshetlariga tarqatilmoqda.

Xavfsizlik bo‘shliqlarini yopishdan tashqari, tizim barqarorligini oshirishga alohida e’tibor qaratilgan. Xususan, Pixel 8 va undan yangi modellarda akkumulyatorning sababsiz tez quvvat yo‘qotish muammosi hal etildi. Shuningdek, Webex xizmati orqali qo‘ng‘iroq qilishdagi shovqinlar va Live Universe fon rasmlarini o‘chirishda ilovaning qotib qolish xatosi bartaraf etilgan.

Yangi Pixel 10 seriyasi uchun bir qator maxsus tuzatishlar kiritildi. Ularda doimiy yoniq ekran (Always On Display) lipillashi, sensorning vaqti-vaqti bilan ishlamay qolishi va Adobe Lightroom ilovasida HDR-suratlarni...

Sakkiz yil oldin qabul qilingan O‘zbekiston Mudofaa doktrinasi qayta ko‘rib chiqiladi. 13-yanvar kuni Qurolli Kuchlar Oliy Bosh Qoʻmondoni Shavkat Mirziyoyev raisligida Xavfsizlik kengashining kengaytirilgan yig‘ilishi bo‘lib o‘tdi.

Yig‘ilishda prezident hozirgi mintaqaviy va global vaziyat tubdan o‘zgarib borayotganini ta’kidladi. Shu sababli yangi Mudofaa doktrinasi O‘zbekistonning harbiy bloklarga qo‘shilmaslik siyosatini saqlab qolishi, ko‘p tomonlama diplomatiyaga tayanishi va yuqori texnologiyalar asosida armiyani rivojlantirishga xizmat qilishi kerakligi qayd etildi.

Davlat rahbari harbiy kadrlar tayyorlash tizimini tubdan takomillashtirish muhimligini ta’kidladi. Endilikda muddatli harbiy xizmat faqat harbiy tayyorgarlik emas, balki yoshlarni kasbga o‘rgatish bosqichi sifatida tashkil etiladi. Askarlar 3–6 oylik dasturlar asosida kamida bitta kasb...

14-yanvar uchun valyutalar kursi yangilandi. Unga ko‘ra, dollar 51,14 so‘mga pasayib, 12 048,04 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

7-yanvar kuni 16,35 so‘mga oshib, 11 968,59 so‘mga, 8-yanvarda 64,69 so‘mga oshib, 12 033,28 so‘mga, 9-yanvarda esa 75,74 so‘mga oshib, 12 109,02 so‘mga yetdi. Dollar hafta boshi uchun yuqoriladi: 12-yanvarda 22,53 so‘mga oshib, 12 131,55 so‘mni tashkil etdi. 13-yanvarda esa 32,37 so‘mga pasayib, 12 099,18 so‘m etib belgilandi.

Markaziy bank ma’lumotlariga ko‘ra, yevro 71,79 so‘mga pasayib, 14 062,47 so‘mni, rubl 0,54 so‘mga pasayib, 153,28 so‘mni tashkil qildi.

Eslatib...

Xitoy Oy vaqtini aniq o‘lchash va uni Yer vaqtiga sinxronlashtirish uchun dunyodagi birinchi LTE440 (Lunar Time Ephemeris) dasturini ishlab chiqdi. Bu haqda South China Morning Post nashri xabar berdi.

Olimlarning ta’kidlashicha, yangi texnologiya Oydagi voqealarni Yerdagi voqealar bilan aniq sinxronlashtirish imkonini beradi, bu esa ko‘proq kosmik kemalar va sun’iy yo‘ldosh bilan ishlaydigan odamlar uchun imkoniyatlar ochadi.

Oy vaqtini kuzatish dasturi aniq navigatsiya va qo‘nish uchun mo‘ljallangan vositadir.

Kuchsizroq tortishish kuchi tufayli Oydagi soatlar Yerdagiga qaraganda tezroq ishlaydi — kuniga taxminan 56 milliondan bir soniya. Albert Eynshteynning umumiy nisbiylik nazariyasi tomonidan bashorat qilingan bu effekt ahamiyatsiz, ammo vaqt o‘tishi...

Oppo yangi Oppo A6s 5G smartfonini rasman namoyish qildi. Bu haqda GSMArena nashri xabar bermoqda.

Model endi kuchliroq Dimensity 6300 platformasiga ega bo‘ldi. Yangi smartfonning asosiy ustunliklari o‘zgarishsiz qoldi. Qurilma 7000 mA/soat sig‘imli batareya bilan jihozlangan. 80 Vt quvvatda tezkor zaryadlash qo‘llab-quvvatlanadi. Shuningdek, smartfon yuqori darajadagi suv va changdan himoya IP69 sertifikatiga ega.

Shu bilan birga, A6s 5G tejamkor segmentga yo‘naltirilgan. Qurilma 6,8 dyuymli HD+ ekran bilan jihozlangan. Yangilanish chastotasi 120 Hz, ammo aniqlik yuqori emas. Asosiy xotira varianti 6/128 GB bilan cheklangan.

Kamera qismi ham soddalashtirilgan. Smartfonda atigi bitta to‘liq funksional 50 megapikselli asosiy kamera mavjud. Qo‘shimcha...

Tailandning Phuket orolida kater halokatga uchrashi oqibatida o‘zbekistonliklar jarohatlandi. Bu haqda O‘zbekiston Tashqi ishlar vazirligi matbuot kotibi Axror Burxanov xabar berdi.

Qayd etilishicha, holat joriy yilning 11-yanvar kuni sodir bo‘lgan. Katerda 3 nafar O‘zbekiston fuqarosi bo‘lgan. Hodisa oqibatida ularning 2 nafari yengil tan jarohati olib, mahalliy shifoxonaga yotqizilgan. Vazirlik so‘zlovchisiga ko‘ra, jabrlangan fuqarolar to‘liq sog‘aygan va belgilangan tartibda shifoxonadan chiqarilgan.

Shuningdek, jabrlanganlarning barcha tibbiy va boshqa zarur xarajatlari katerga egalik qiluvchi kompaniyaning sug‘urta mablag‘lari hisobidan to‘liq qoplab berilgan.

Hodisa yuzasidan O‘zbekistonning Bangkok shahridagi Bosh konsulxonasi mahalliy huquqni muhofaza qiluvchi organlar hamda sog‘liqni saqlash muassasalari bilan doimiy aloqada bo‘lib kelgan.

Samsung Galaxy S26 smartfonlari seriyasini ommaviy ishlab chiqarishga tayyorgarlikni yakunladi. Galaxy S26 Edge modeli rejalarga kiritilmagan.

Ma’lumotlarga ko‘ra, Galaxy S26 Plus texnik jihatdan deyarli Galaxy S25 Plus bilan bir xil bo‘ladi. Samsung ushbu model uchun yangi OLED ekran ishlatish variantini ko‘rib chiqqan, biroq oxir-oqibat undan voz kechgan. O‘zgarishlar faqat himoya oynasi va yig‘uv qismlariga taalluqli, displey matritsasi o‘zgarmaydi.

Galaxy S26 va S26 Plus’ning yakuniy yig‘ilishi ayni oyda boshlanadi. Galaxy S26 Ultra esa boshqalardan oldin ommaviy ishlab chiqarishga kiritilgan va hozir maksimal hajmga chiqmoqda.

Samsung kompaniyasining yanvar oyidagi ishlab chiqarish rejasi quyidagicha: Galaxy S26 — 700 ming dona, Galaxy S...

Iqtisodiy tadqiqotlar va islohotlar markazi (ITIM) 2025-yil to‘rtinchi choragi yakunlari bo‘yicha Banklar faollik indeksi natijalariga asoslangan yangilangan banklar reytingini taqdim etdi. Tadqiqot respublikada faoliyat yuritayotgan 35 ta tijorat bankini qamrab oldi.

Ulardan 20 tasi filiallar soni va faoliyat ko‘lami bo‘yicha yirik banklar, qolgan 15 tasi esa kichik banklar toifasiga kiritilgan. Reyting 27 ta moliyaviy ko‘rsatkichni guruhlash, ularni respublika o‘rtacha darajasi yoki Bazel qo‘mitasi talablariga solishtirish orqali shakllantirilgan.

Markaz ma’lumotiga ko‘ra, mazkur reyting bank tizimida shaffoflikni oshirish va moliyaviy institutlarga bo‘lgan ishonchni mustahkamlashda muhim instrument hisoblanadi. Qo‘llanilgan metodologiya xalqaro amaliyotga to‘liq mos bo‘lib, yetakchi global moliya institutlari tomonidan keng qo‘llaniladi.

Nyu-York shahridagi Mount Sinai, Montefiore va NewYork-Presbyterian shifoxonalarida 15 mingga yaqin hamshiralar ish tashlashdi. Bu haqda Al Jazeera xabar berdi.

Nyu-York shtati hamshiralar uyushmasi bayonotiga ko‘ra, oylar davomida olib borilgan muzokaralarga qaramay, rahbariyat xavfsiz shtat jadvali, tibbiy imtiyozlar va ish joyidagi zo‘ravonlikdan himoya qilish kabi asosiy masalalarda ijobiy o‘zgarish qilishdan bosh tortgan.

«Nyu-Yorkdagi eng boy shifoxonalar rahbariyati hamshiralarning tibbiy imtiyozlarini bekor qilish yoki keskin qisqartirish bilan tahdid qilmoqda», – deyiladi uyushma xabarida.

Ushbu shifoxonalar notijorat maqomiga ega bo‘lishiga qaramay, 2024-yilda katta miqdorda sof daromad ko‘rgan. Xususan, NewYork-Presbyterian $547 mln, Montefiore $288,6 mln va Mount...

Volvo butun dunyo bo‘ylab avtomobillarini chaqirib olmoqda. Gap Xitoyning Sunwoda Electronic kompaniyasi yetkazib bergan batareyalar haqida ketmoqda. Bu jarayon Geely Holding Group’ning Sunwoda’ga qarshi yirik sud da’vosidan so‘ng boshlandi.

Avtomobil OAVlari xabariga ko‘ra, Buyuk Britaniyada 10 440 dona Volvo EX30 modeli xavf ostida qolgan. Umuman olganda, Sunwoda batareyalari bilan ishlab chiqarilgan 33 777 ta EX30 aniqlangan. Hisobotlarga ko‘ra, akkumulyator elementlarining taxminan 0,02 foizi qizib ketish ehtimoliga ega.

Vaziyat 2025-yil noyabr oyida Braziliyaning Maseyo shahrida dilerlik markazida Volvo EX30 yonib ketganidan keyin yanada jiddiylashdi. Avtomobil to‘liq yonib ketgan. Yong‘inni o‘chirishga 11 nafar o‘t o‘chiruvchi va to‘rtta maxsus texnika jalb qilingan.

Shundan...

Qirg‘izistonda saylovlarda ishtirok etmagan fuqarolarni jazolash bo‘yicha qonun loyihasi taklif qilindi. Loyiha deputat Marlen Mamataliyev tomonidan taklif qilingan.

Unga ko‘ra, jazolar uch bosqichli bo‘ladi. Birinchi marta saylovga kelmagan fuqaro Markaziy saylov komissiyasi tomonidan rasmiy ogohlantirish oladi. Ikkinchi marta kelmaganlar jarimaga tortiladi, ammo jarima miqdori hozircha aniq belgilanmagan. Uchinchi marta qatnashmagan shaxslarga besh yilgacha davlat xizmatida ishlash va saylovlarda nomzod bo‘lish taqiqlanadi.

Shu bilan birga, faol saylovchilar uchun rag‘batlantirishlar ham ko‘zda tutilgan. Saylov kuni lotereya o‘tkazilishi mumkin. Davlat xizmatlari uchun ayrim imtiyozlar va kadrlar zaxirasiga qabul qilishda qo‘shimcha ball berish rejalashtirilgan.

Biroq ayrim toifadagi fuqarolar jazodan ozod etiladi. Ularga...

Qozog‘istonda 2026-yilgi Ramazon oyi qachon boshlanishi ma’lum bo‘ldi. Bu haqda Qozog‘iston musulmonlari diniy boshqarmasi xabar berdi.

Hisob-kitoblarga ko‘ra, respublikada Ramazon oyi 19-fevralda boshlanadi va 29 kun davom etadi. Ramazonning eng muhim kechalaridan biri bo‘lgan Laylatul Qadr 16-martdan 17-martga o‘tar kechasi kutilmoqda. Islom an’analarida bu taqdir kechasi hisoblanadi va Qur’onning birinchi oyatlarining nozil bo‘lishi bilan bog‘liq.

Ro‘za oyi 2026-yilda 20-mart, juma kuniga to‘g‘ri keladigan Ramazon hayiti bayrami bilan yakunlanadi. Ramazondan keyin Qozog‘istondagi musulmonlar boshqa muhim sanalarni ham nishonlaydi. Arafa kuni 26-mayga to‘g‘ri keladi va Qurbon hayiti 27 – 29-may kunlari an’anaviy ravishda uch kun davom etadi.

Bundan tashqari, 2026-yilda Ashura...

12-yanvar holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 32 foizni tashkil etdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,1 foizni, yuridik shaxslar ulushi esa 23,4 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

O‘zbekistonda 5 grammli oltin quyma narxi ilk bor 9,2 mln so‘mdan oshdi. Markaziy bank 13-yanvar Toshkent vaqti bilan soat 09:34 holatiga oltin quymalarini sotish va sotib olish narxlarini e’lon qildi.

Xususan, 5 grammli oltin quymaning narxi 9,010 mln so‘mdan 9,215 mln so‘mga oshdi. Uni qaytarib sotib olish narxi esa qadog‘i but holatda 8,660 mln so‘mdan 8,857 mln so‘mga, talablarga mos kelmaydigan holatda 8,573 mln so‘mdan 8,768 mln so‘mga ko‘tarildi.

Quyida oltin quymalarining grammlariga nisbatan sotish va sotib olish narxlari keltirilgan:

Shu bilan birga, Markaziy bank xalqaro qimmatbaho metallar bozori konyunkturasidan kelib chiqib, narxlar kun davomida qayta ko‘rib chiqilishi mumkinligi...

2026-yilning 1-yanvar holatiga ko‘ra, O‘zbekistonda 475 mingta korxona va tashkilot faoliyat yuritmoqda. Bu haqda Milliy statistika qo‘mitasi ma’lum qildi.

Eng ko‘p tadbirkorlik subyektlari poytaxt Toshkent shahrida ro‘yxatga olingan. Qo‘mita hisobotiga ko‘ra, faoliyat ko‘rsatayotgan subyektlarning 403,8 mingtasi yoki 85 foizi kichik korxona va mikrofirmalar hissasiga to‘g‘ri keladi.

Hududlar kesimida tahlil qilinganda Toshkent shahri yetakchilik qilmoqda. Poytaxtda 108,6 mingta korxona mavjud. Undan keyingi o‘rinlarni Toshkent (46 mingta) va Samarqand (41 mingta) viloyatlari egallagan.

Kuchli beshlikdan, shuningdek, Farg‘ona (37,8 mingta) va Qashqadaryo (30,4 mingta) viloyatlari o‘rin olgan.

Avvalroq Kursiv Uzbekistan 11 oyda 15 mingdan ortiq o‘zbekistonlik AQShga safar qilgani haqida...